للأسف ... يا من في منتدى النينتندو ..... للأسف و ياللأسف

للأسف.....

كلمة صدرت مني منذ فترة وانا أشاهد هذه الأختلاف الواضح بين منتدى الننتندو و باقي المنتديات في هذا الموقع...

مواضيع عن شركة ننتندو و عن أجهزة الننتندو لا يرد عليها الا من يعدون على أصابع اليد الواحده أما من يزورونها فهم قليل أيضا أما مواضيع آخرى عن البوكيمون و الكارتون فأنتم تنهالون عليها ردودا و تشجيعا ....فهل أنتم عشاق للنتندو؟؟؟؟

لو وضعت منتدى البلاي ستيشن كمثال فسنراهم يهتمون بأخبار جهازهم الجديد القوي ( بلاي ستيشن 2) و يحشرون الردود و الاستفسارات حوله و حول العابه و تقنياته .... هؤلاء حقا هم عشاق للسوني فهم يهتمون بالجهاز أكثر من أهتمامهم بالكرتون أو بلعبة واحده فقط للجهاز ،، بالفعل أنهم يهتمون بلعبة متل غير سولد metal gear solid و فاينل فانتسي و رزدنت ايفل لكن ليس أكثر من اهتمامهم بالجهاز الجديد أو شركة سوني نفسها فهناك العديد منهم متعصبين للشركة الصانعة و يبحثون عن اي خبر يأتي منها في اي وقت و زمان

انهم يبحثون عن الاختلافات بين جهازهم نفسه ويريدون الوصول الى المستوى الكامل يبحثون مواضيع النسخ الامريكية و الاورووبية و اليابانية ،، يبحثون طريقة المحافظة على جهازهم الثمين

يحاولون قدر ما يستطيعون أن يستطلعوا أخبار شركتهم العالمية المحترمة سوني

أما نحن فنهتم لمجرد لعبة واحد فقط لا غير و نهتم لمسلسل كارتوني واحد فقط في منتدى أطلق عليه أسم نينتندو.....

حتى أن جهازنا الجديد الجيم كيوب لا نذكر أسمه الا بشق الانفس ؟؟ هذا غريب فعلا

أعتقد أنه يجب تغيير أسم منتدى الننتندو الى أسم جديد و هو منتدى لعبة زيلدا : ماجورا ماسك ... و البوكيمون

وهذه هي أخر مشاركة لي هنا.... و اذا مر الزمن و شاهدت زيادة الاهتمام بشركتنا الكبرى ننتندو و بأجهزتنا الجديده فربما أعود للكتابه مره ثانيه

لا داعي للرد على هذا الموضوع ... لأنه للتنبيه فقط

انا يا ماريو من المتعصبين لشركة ننتندو وانا ارد على كل

مواضيعك بعدين يا اخي ليش هذه اخر مشاركة لك

يا اخي مواضيعك حلوه و ما في احد يكتب مثلك بتروح

من يبقى يا اخي خلك عندنا و اكتب مب لازم تطلع

يا ماريو انا اعاني من هذي المشكله لكن انشالله بمجرد نزول الجيم كيوب راح تنقلب الايه انشالله.

يا ماريو انت قايدنا

صح ان المنتدى الننتندو مستواه ضعيف بالنسبة لباقي المنتديات

لكن من واجبنا نحن ان نقوم بكتابة المواضيع

و مع اني انا طالب في الجامعة و مشغول شوية بالدراسة

لكن اعدك في الاجازة بكتابة مواضيع اكثر من مميزة

و بعدين في شباب متميزين مثل DK وEHHAN HUNT وLINK HIRO 64 و غيرهم

لكن لازم توعدني انك ما بتوقف عن الكتابة

وعد ؟؟؟ OK ؟؟؟

انتظر الرد

باي و عساكم على القوة

الى الأخ ماريو كيف حالك؟ يارب تمام
المهم انا جاي هنا وسط مركز القياده وعند الزعيم القائد الأول
لهذه الفرقه الأستاذ ماريو. مرحبا بي عندكم :)
انا لما قريت موضوعك حسيت انك يائس قلت ياولد ماله داعي المسكين يجلس كذا لحاله وماعنده احل بس حاولت اساعدك ماقدرت
يعني بصراحه اللوم يقع عليك لأنك تصورت ان ال 64 يعتبر جهاز يعتد به يا اخي لو لا الله ثم اللعبتين اللي انت قلتهم زيلدا وبوكيمون كان ماجاب سوق. يعني وش تبيهم يتكلمون عن الجهاز فيه؟
في قوته الا خرافيه ولا العاب الآربي جي اللي عليه ولا عن ايش بالضبط؟ هو كله لعبتين والشباب يتكلمون عنهن. يعني الشباب ماغلطوا.
بعدين بيني وبينك الشباب هم الصح يعني ليش اتكلم عن قوة جهاز ومدري ايش ومميزاته دام مافيه العاب بالعكس الكلام عن الألعاب الألعاب هي اللي تبيع الجهاز صح ولا لأ؟
يعني لما يتكلموا ويتناقشوا عن زيلدا صح لكن وش تبيهم يقولون لما انت تقول الجيم كيوب قوته مدري كم ومميزاته مدري ايش؟ يعني اوكي راح يقراها وينبسط فيها لكن وبعدين وش تبيه يرد يقول؟
على العموم انت نقي مواضيعك اللي تكتب فيها. هذي نصيحتي لك اذا تبيها اهلا وسهلا ماتبيها ارميها من راسك او لا تحطها فيه اصلا
لكن صدقني لو ماتتعصب وتفكر في كلامي بهدؤ راح تلاقيني صح اوكي باي.
وشكرا لحسن الأستضافه.

الي يحب شي يفضل معا الى النهايه مو مثلكم يا اهل بليستيشن كل يوم مع جهاز.

كلامك غلط 1000000%

كيف لينك من زمان عنك.
اللي يحب شي يفضل معه للنهايه :) كلمه حلوه وماعليها غبار لكن مدري وش دخلها هنا.
ثانيا احنا اهل البلاي ستيشن اولا من قالك اني من اهل البلاي ستيشن؟ انا ابي اعرف وش مميزات اهل البلاي ستيشن عشان انت تعرفهم على طول.
شوف حبيبي انا ماني من اهل البلاي ستيشن انا من اهل الواقع والحقيقه انك تقول ان ال 64 انجح من السوني هذا مغالطه للواقع وهنا انا يجي دوري واتكلم لكن لو نزل الجيم كيوب وطلع احسن من السوني 2 راح اقول انه احسن من السوني وانجح وانا ماعندي مشكله في هذا لكن انت اللي عندك مشكله انك منت قادر تقتنع ان السوني انجح من ال 64 وهذا شي راجع لك واتمنى لك الهدايه على العموم.
انا لو كنت انت قريت كلامي في موضوع الحرب لما رديت على ميوتو كان قريت اني قلت اني لست متعصب لأي واحد منهم لكن الحق حق وانتم بكلامكم هذا تحاولون تشويه الحقيقه وازالتها.
وسلامتكم. بعدين حلوه حركه المليون بالميه تكفى اكتبها كل مره تكتب موضوع (على فكره حركة المليون بالميه هذي تدلك على تحطم اللي كاتبها وانه عدم الحيله زي حركة ميوتو لما قال نيتندو فاز وبس :) )
على فكره شيل الحظر عني بليز يالينك. باي

قبل لا تتقاول علي روح وقرا الحرب.

يا أخ ماريو أنا ملي فتره طويله وأنا أكتب في المنتدى ولكن أقول
كلمتين فقط [[[[[[[[[[[[[[[وعدنا الكيوب]]]]]]]]]]]]]]]......

يسلم فمك يا كين

بس الله العالم إني مقصر لأني لي أسبوعين ما أشوف أهلي من الدراسة.كيف بشوف الكمبيوتر.
والله لسه أمس خلصت حتى بعد الفطور نمت نومة ما صحيت إلا علشان أتسحر.

بس وعد مني إني أحاول أنشط.

وبالنسبة لباقي الأعضاء فإنت إستنى إلين ينزل الجيمكيوب وراح تشوف كيف راح المنتدى يتملى.

حمدالله على السلامه يا DK

هلا بالجميع واتمنى انكم بخير........

المسأله وما فيها يا ماريو ويا لنك موب مسألة تحيز لجهاز او جهاز آخر المسأله هي مين الي اخذ مبيعات اكثر ومن الواضح زي وضوح الشمس في عز الظهر هي أن السوني1 اخذ نجاح وشهره ومبيعات خياليه عن اي جهاز آخر مقارنه مع الننتندو64 بصراحه وبدون زعل الننتندو صار على الهولد بعد ما شركة سوني نزلت جهاز البلاي ستيشن وهذا الشي الكل عارفه وانا مع صاحبي EVANGELION 1 في الكلام الي قاله هو أن الأشرطة هي الي تمشي الجهاز ولا يجي واحد يرد علي ويقول أن سبب نجاح السوني1 هو الكوبي لا سلمكم الله ننتندو نزلت قطعه تضيفها فوق جهاز الننتندو64 علشان ينسخ اللعبة على فلوبي دسك لكن هذي القطعه فشلت 100% وانا راح اجيب لكم اسم القطعه اشاء الله وهذا يدل على عدم نجاح هذا الجهاز وانا مع كين في انه قال الوعد كيوب صح هذا كلام حلو لكن الشي الرئيسي الي وراء نجاح السوني2 هو :-

- ان الزبون يقدر يشتري السوني2 بدون ولا سلك معه او يد او ميموري لأنه يقدر يستخدم القطع والاسلاك الي على السوني1.

- ان السوني2 له فتحتين ليد التحكم وهذا طبعا من صالح شركة سوني انها تسويه وتخلي قطعة الأربع لاعبين واختياريه علشان تقل قيمة الجهاز وتكثر مبيعاته.

- ان كل شركات العالم المنتجه للألعاب مع جهاز السوني2 ويكفيك بس شركة سكوير سوفت لحالها سبب من أسباب نجاح اي جهاز.

- من اول ما عرف الناس انه فيه جهاز سوني2 تسابقت الشركات لإنتاج الألعاب لهذا الجهاز وبلغت فوق الـ 100 لعبة والجهاز لسا ما صار له مده بالأسواق .

وانا راح اقول لكم الخطأ الي طاحت فيه شركة ننتندو والي ما اعتبرت من شركة سيجا يوم صار فيها نفس الكلام هو انها نزلت الجهاز وفيه اربع فتحات وهذا راح يرفع من سعر الجهاز وينتج عنه قلة الطلب عليه الى ما يصير سعره بالأرض وكمان أن الجيم كيوب من اول ما سمعنا عنه عرضت لنا شركة ننتندو الجهاز ومعاه 6 العاب وكل هذي الأعاب من شركة ننتندو وطبعا احنا ما نعرف ما وراء الستار لكن ولا شركة الا القليل الي اعلنت عن العاب لهذا الجهاز وهذا شي سلبي لهذا الجهاز .

وفي النهايه انا اقول الحكم هو لما ينزل جهاز الجيم كيوب ولما ينزل اي واحد راح يشوف المبيعات لهذا الجهاز وانا ما اتوقع انه ما راح يسوي زي السوني2 مع العلم انه حاليا وفي هذي اللحظه وانا قاعد اكتب هذا المقال الطلب على جهاز السوني2 فاق انتاج الشركة لهذا الجهاز وهذا اتوقع سبب كافي لكم. وشكرا

مع تحيات:- أخوكم ][^][SNicK][^][

اهلا وسهلا بكم ياشباب انا حبيت اعطي كلمه لحبيبي SNICK
كلامك كله حكم استمر على هذا وبالتوفيق.
ملحوظه:وش رايكم بتوقيعي الجديد هههههههه
على فكره انا اسوي زي اللي في الصوره وانا اقرأ مقالاتكم ههههههههههههههههههههه
باي

يالحبيب ماريو

ترى لو كل زعيم تخلى عن قضيته ما كان فى ظلم اندحر

لو كل بطل مثلك انسحب من الساحة ترى كيف راح يكون الحال

أنت كنت مثل القوة الدافعة للمنتدى ، لكنك تعجلت الحصاد

كن مثل النخل ، طويل البال قوى الشكيمة بعيد النظر

أتمناك تعود يا ماريو

داءمن المبيعات على الشهره مو على الافضل!!!!!!!!!!!!!!!!!!1

ماريو مالايو لا تفقع مرارتي انت تحط موضوع و تسكت ما ترد وا حسفاه مسويلي موضوع و زعلان و زحمه و في الاخير تجي تجيب موضوع و تسكت حتى ما ترد ممكن اعرف ليش هذا اذا عندك سبب انا الحركه ذي قهرتني فيك على العموم انا راح ارجع اتكلم ولا علي من احد و ماريو ارجو انك ترد على مواضيع المشاركين و موضيعك انت بعد

و شكراً