كلام .. و كلام .. و كلام .. و أيضا .. كلام !

مـــرحباااا :o




كيف أحوالكم جميعا :أفكر: ؟


و شنو أخباركم مع رمضان و المسلسلات الرمضانية :reporter: ؟


عن نفسي .. مو عاجبني الا ( الشتات ) و ( رن يا جرس ) , أما الباجي فما احترامي كله مضيعه للوقت :31:


أما الحريم فمسوينها لنا فيلم هندي .. كل حلقه عاملين لنا مناحه و كله بجي على بجي قصب طيب الا يخلونها دراما تحزن .. و لا عبير الجندي .. نفسي تمر حلقه و دمعتها مو على خدها .. هالممثله من أول ما شفتها بهالتمثيليه و هي كله تبجي و دموعها أربع أربع :tongue2:
والله مو مخليني أتابع المسلسل الا حياة الفهد :أفكر:



أنا كنت مخطط من زماااااااااان أن في شهر رمضان راح آخذها فترة راحه لي و أخصص وقت أكبر حق المنتدى و الانترنت .. و حق الفيديو جيمز .. و لكن النتيجه طلعت :

=== ما قدرت أتهنى بالفيديو جيمز بسبب سالفة الخطوط السوداء يالي مزعجتني (( لمعرفة السالفة ادخلوا هذه الوصله ))
هنــاااااا

===قل حماسي للمشاركة في المنتدى عن السابق بسبب الخمول الكبير يالي فيه (( ذكريات عز مع أيام أول لما كان المنتدى في رمضان بأوج نشاطه مقارنه مع حاله الآن تدفعني للبكاء حسرة و ألما :17: ))






المهم .. من جم يوم و قبل لا تنبط جبدي من سالفة الخطوط المزعجه .. نزلت على السوق و اشتريت لي لعبتين آر بي جي ..




الأولى كانت ( آرك ذا لاد ) على البلاي ستيشن 2 ..

و الثانية كانت ( فاينل فانتسي 1 ) على البلاي ستيشن 1 ..





و عن رأيي الخاص ..


جبدي انفقعت شوي من ( آرك ذا لاد ) ..

من نظام القتال يالي فيها ..

و من طريقة الحركات العبيطه يالي يسوونها الشخصيات لما يسولفون ..

و الأكثر .. من أشكال و تصاميم الشخصيات يالي فيها (( فعلا تصاميم منيله على ستين نيله )) ..








أما عن ( فاينل فانتسي 1 ) .. فهي الصراحه أكثر لعبة عجبتني هالسنه من بعد ( فف10-2 ) و ( زينوساجا 1 ) و (دارك كلاود 2 ) ..


فعلا ما توقعت أن اللعبة ستكون بهذا القدر من الجمال و الروعة :bigeyes:


الموسيقى ابداااااااااااااااااااااااااااااااااع خاصه موسيقى القرية الأولى ( كورنيليا ) ..


و لاحظت الفرق الواضح و الملموس بين النسخه القديمه و النسخه اليديدة و التي كانت بمثابة الفرق الموجود بين رزدنت ايفل الأولى على البلاي 1 و رزدنت ايفل ريمك على الجيم كيوب :أفكر:

فعلا الأصوات و أنغام الموسيقى أفضل بكثير من تلك الموجودة في أي جزء من أجزاء فاينل فانتسي الثنائية الأبعاد ^^







المهم ... يالي دفعني لكتابة هذا الموضوع .. هو أن آخذ برايكم عن جم لعبة آر بي جي أفكر أشتريها و لكني محتار !


اللعبة الأولى هي ( بريث أوف فاير 5 ) .. ؟

اللعبة الثانية هي ( دارك كلاود 1 ) .. ؟

اللعبة الثالثة هي ( جرانديا اكستريم ) .. ؟

اللعبة الرابعه هي ( هاك .1 ) .. ؟



شنو رايكم بهذه الألعاب من خلال الجيرافيكس و الموسيقى و نظام اللعب و القصة !!!!








ياريت ما تبخلون عني بالاجابه ..












الا صحيح .. شنو أخبار التحدي :tongue2: !





لووووووووووووووووووول :jester:






أنا عن نفسي هالجم يوم مشغول شوي بالاختبارات :)
===> يالي يسمعني يقول مجابل
الكتاب 24 ساعه مو كأن بعد 11 ساعه
عنده اختبار 80 صفحه و للحين
مو دارس و لا شي
:tongue2:









و لا تنسون تعطوني آرائكم بالألعاب الآربيجيه .. و ياريت تنصحوني بألعاب آر بي جي حلوه و لكن شرط تكون على البلاي 2 (( البلاي 1 مخرف و ما أقدر أصلحه الا في وقت بعييييييد ))






و على طاري سالفة الآراء .. عطوني رايكم بعد في صورتي الشخصية و توقيعي :D !






و تسلموووووووووووووووون على دخلتكم الموضوع :)







و آسف لأن مو قاعدين تشوفون رقعة ويهي هالجم يوم .. و لكن صبروا علي شوي .. و راح أرد لكم مثل الأول و أحسن بعد :cool:



















صديقكم & فاينل ;)

اللعبة الثالثة هي ( جرانديا اكستريم ) .. ؟

اللعبة الرابعه هي ( هاك .1 ) .. ؟


هذيل حلوين

وروح ادرس احسنلك

:tongue2:

اقتباس:

---

أنا كنت مخطط من زماااااااااان أن في شهر رمضان راح آخذها فترة راحه لي و أخصص وقت أكبر حق المنتدى و الانترنت .. و حق الفيديو جيمز ..

---

.....:28:.....

اقتباس:

---

المشاركة الأصلية كتبت بواسطة Guilty Gear X

اللعبة الثالثة هي ( جرانديا اكستريم ) .. ؟

اللعبة الرابعه هي ( هاك .1 ) .. ؟


هذيل حلوين

وروح ادرس احسنلك

:tongue2:

---

أنت خلصت جرانديا اكستريم :33: !
أما هاك .. فسمعت وايد ناس يمدحون الجزء الأول .. و لكن الأجزاء الثانية .. سمعت عنها ذم الله لا يواريك :tongue2:
بالنسبة للدراسه .. فباقي الحين 8 ساعات و للحين ما درست شي من الـ 80 صفحه .. والله مالي خلق .. رمضان مو مال دراسه أبد :31:
أشوف لي ( رن يا جرس ) مع حليمه بولند أبرك :09:

اقتباس:

---

المشاركة الأصلية كتبت بواسطة xenosaga

.....:28:.....

---

و شفيك عاقد النونه :D !
خو أنا قلت راح أخصص وقت أكبر حق الفيديو جيمز و الانترنت .. مو معناته أنه خلااص مو مخصص وقت للعباده كلش :biggthump

أنا ما راح أرد عليك إلا لمن تدرس وتخلص يا فاينل:)

اقتباس:

---

المشاركة الأصلية كتبت بواسطة سكوال 9

أنا ما راح أرد عليك إلا لمن تدرس وتخلص يا فاينل:)

---

طيب طيب خلااص .. الحين طالع من الانترنت و رايح أدرس .. وعـــد مني :D ;)

يا حليلك يا فاينل عليك امتحان ومجابل النت :09:

افضلهم جرانديا اكستريم :biggthump

ابتعد عن بريث اوف فاير 5 (مع ان الاجزاء الجديمة عسسسسسسسسسل)

هالجزء يروج المخدرات و يشجع متعاطينها :tongue2:

لا بس شكل كل اللاعبين كانهم مدمنين مخدرات اشكالهم تجيب الهم و النظام الله لا يوريك...الصراحة ماشي احلى عن 2 و 3...خصوصا 3 كانت فظيعة

ودي أرد رد عدل بالموضوع ..
بس لازم اقرأ الموضوع وانا ماعندي وقت :tongue2:..
إنشاءلله لما افضل اقرآه..<<-- وين الإمتحانات ماتركت لنا وقت كلش -__-
متى تخلص :bigeyes:

اقتباس:

---

اللعبة الأولى هي ( بريث أوف فاير 5 ) .. ؟ اللعبة الثانية هي ( دارك كلاود 1 ) .. ؟ اللعبة الثالثة هي ( جرانديا اكستريم ) .. ؟ اللعبة الرابعه هي ( هاك .1 ) .. ؟

---

ولا لعبة منهم http://www.webpost.net/sp/spikeyman/dog.gif..

red demon
شنو أسوي .. دائما ليالي الامتحانات أحاول ألهي نفسي بأي شي علشان أضيع وقت لأن مالي خلق أدرس :أفكر:
و الغريب أن لما أمتحن .. أحل الأسئلة بشكل جيد .. رغم أني ما أكون دارس الا في وجه الفجر :tongue2: !













SanjiyaN
لووووووووووووووووووووووووووول :p
يبه خلاص بعدنا عنها .. احنا مو ناقصين مدمنين جدد .. يكفي يالي عندنا حاليا :tongue2:














Mesharey
أنت متى راح تخلص من امتحاناتك :bigeyes: ؟
أنا يوم الاثنين القادم .. 10/11
==> لسه مشوار :31:
بس شدعوى .. معقولة بولا لعبة تنصحني :tongue2: !
على الأقل مو يالي في القائمه .. بل عطنا من عندك لعبة ثانية تنصحني فيها ^^





























و ثانكس آل على الرد ;)

رن رن ياجرس بزران حنا فرحان في هذا البرنامج الي يغششون الناس

اقول رح بس يارن رن

Arc The Lad حلوة و القصة جيدة و اسلوبها القتالي ممتع الصراحة :أفكر:

مشكلتها الوحيدة هي تصميم الشخصيات..فعلاً من اسوأ ما رأيت :o

صدقني انت كمل فيها و راح تعجيبك :)

انا واصل الرئيس الاخير من فترة طويييييييييييلة و لا تفيجت اخلصها :31:

I Need To Level Up :09:

و من الالعاب اللي حاطهن عندك .Hack الصراحة حلوة بس اسلوبها القتالي و نظام الـLevel Up ممكن يمللونك شوي :أفكر:

بانصحك بلعبة غير اللي حاطنهم...و هي Disagea الصراحة فظييييعة :fing02:

هي Stratigy RPG :)

و بالتوفيق بامتحاناتك :veryhappy

وحليلك فاينل 7 ادرس ادرس :tongue2:

الصراحة hack1 ما عجبتني لأن اسلوب اللعب واحد وحتى القتال (مو بالمعنى المقصود)


يعني المراحل نفس الشي ما فيها أي تغيير والصراحة مليت

أنا ما صدقت خلصت الجزء الاول

وشريت الجزء الثاني وطلع نفس الشي


بس هو تكملة للجزء الاول وبنفس الليفيل
وهديته خير شر

وبخصوص Disagea نزلت النسخة الامريكية ؟؟؟؟؟

أنا شريته وطلع ياباني ورجعته

وكان حلو وايد الصراحة

أنا يوم الاثنين القادم .. 10/11

يحظظظظظظظظظك إحنا أبعد منكم:(

اقتباس:

---

أنت متى راح تخلص من امتحاناتك ؟

---

بعد اسبوع ونص -____-

بالنسبة للألعاب..اممم ما ادري جرب Disagea

بصراحه و لا وحده تعجبني من هذي الألعاب
بس تعجبني ليجايا 2 على ps2
و الله كلنا في أمتحانات و بنخلص 18/9 قريب :33:
و بعدها النهائي الله يعين :31:
في أي مرحله أنتم ؟؟

تحياتي :biggthump
yuna

Magenta
آرك ذا لاد راح أحاول أكمل فيها و ألعب مع أني مو متحمس لها بالمره :)
بالنسبة لـDisagea .. فأنا ما أميل وايد لألعاب الآر بي جي الاستتراتيجيه ><
و شكرا على الدعوه ;)










$SOLIDUS$
عاد أنا لاعت جبدي من الدراسه :31:
==> يالي يسمعه يقول أنه 24 ساعه مجابل الكتاب .. مو كأن اليوم عنده امتحان و ما درس له الا الصبح :tongue2:
و على فكرة .. ترى Disagea صار لها نازلة انجليزية من فترة :) ‍!
أما عن هاك .. فخلاص شلتها من القائمه http://www.montada.com/images/icons/icon13.gif










سكوال 9
أبعد منا يعني في تاريخ جم؟









Mesharey
يعني أي تاريخ تخلص ؟













_yuna_
فعلا ليجايا 2 حلوه .. و أنا خلصها في العطله الصيفية يالي طافت .. و لكن يالي عاب اللعبة هو قصرها و الفلم الهندي يالي صار في النهاية .. نزل من مستواها شوي جدام عيني :31:

إي صح بشر فاينل الخطوط السوده راحت من البلاي ستيشن؟

هلا فاينال ....

سمعتوا شباب شو يقول؟ يقول إنه راح يغيب عن المنتدى ، أنا أشفو من بين كل 3 ردود في هذا الموضوع هناك رد واحد لك .... خخخخخخخخ

عموما أرك ذا لاد لعبة مملة من حيث أسلوب القتال ، لكنها من أروع الألعاب من حيث القصة ، شخصيا أعتبرها الأفضل بعد فاينال فانتاسي 6 ...

أما عن الألعاب اللي ذكرتها فكلها صراحة ما داشة مخي ، ما عدا دارك كلاود 1 اللي أصلا ما لعبتها ....

و يالله شد حيلك في المذاكرة ، .... بعدين حتى أنا ترى علي امتحانات ، لكني مطنشنها ، كلها 10 دقائق على الكتاب و ينتهي الموضوع ...

اقتباس:

---

المشاركة الأصلية كتبت بواسطة Final Fantasy 7

Magenta

بالنسبة لـDisagea .. فأنا ما أميل وايد لألعاب الآر بي جي الاستتراتيجيه ><

---

هم انا نفسك...ما كان يستهويني هالنوع من الالعاب وايد :أفكر:

تدري...Disagea اول لعبة Stratigy العبها (و الحين قاعد العب FFTA :D ) الصراحة اللعبة روووعة فوق ما تتصور..و الشخصيات فيها روعة و افكارها فظيعة :biggthump

و انت احيدك لعبت FFT و عيبتك...مدام عيبتك راح تعيبك Disagea بعد ;)

و القرار بالنهاية لك :)

سكوال 9
الخطوط للحين قاعده عله على جبدي .. أنا ناطر بس يخلص رمضان علشان أقدر أودي الجهاز للسوق و يشوفون لي شنو علته و يصلحونه :31:











أبومروان
ياخي شنو أسوي .. فراقكم صعب :D !
بالنسبة لآرك ذا لاد فعلا الأحداث و القصة فيها روعة .. بس يالي مخرب اللعبة هو نظام القتال يالي لولاه لكانت اللعبة في ألف خير http://www.montada.com/images/icons/icon13.gif
أما المذاكرة .. فأنا الحمدالله بس باقي لي يومين و أفتك .. والله ما صارت أبد ما تهنيت برمضان لا بسبب الامتحانات و لا بسبب الخطوط المزعجه يالي متعبة حالتي النفسية وايد :أفكر:










Magenta
امممممم .. كلامك أقنعني شوي .. شكلي راح أشتري اللعبة :)


























و ثانكس آل على الردود ^^

ههههههههه الله يعينك

أهلا فاينلو :)

راح أقلك على طول (((مشغول بالاتبارات ^^))

اسمع بصراحة أرك ذا لاد روووعة وبالذات قصتها ^^

يعني أنصحك تلعبها لأنك بتستانس وياها خصوصا لمن تتقدم في القصة ;)

نروح للي بعده

فاينال 1 حاولت ألعبه إلي ما سدحوني مثل المفرشة ((كل ضربة = 1 !!! ايش هذا :bigeyes: ))

بريث أوف فاير 5 .. صعععععبة حيل ويبيلها تحدي ... اذا كنت تحب تتحددى في الالعاب الصعة العبها :)

دارك كلاود ون أنا لعبتها من زمان أيام الكوبي العادي ^___^ وهي كانت مرة حلوة .. لكن امكن ما تعجبك بعد ما لعبت 2 (اذا لعبته) لكن في ناس عجبتهم أكثر من 1 حتى مع انهم لعبو 2 قبلها :)

جرانديا اكستريم : يكفيك تلعبها علشان تتضارب بصراحة ^^ وعلى العموم انت العبها (القصة مو ذاك الشيء) لكن المضاربة غطت عليها ... واذا لبتها بس العب إلى المقطع الأول نصيحتي لك .. أنا كملت في اللعبة 140 ساعة ولفل فوق 70 وتعبت نفسي في المقطع الثاني على ولا شيء :12: ... المهم اذا لعبتها يكفيك تلعب المقطع الأول بس ^^ (وراح عرف وش قصدي بالمقطع الاول لمن تلعب ^__^)

هاك 1 ... بصراحة ما أقدر أقلك تستاهل ولا لأ .. لأنه أنا ما عندي نية ألعبها لأنه أبي أشوف الفلم الأنيمي .. فاما ألعب واما أشوف الفلم . وخيار أشوف الفلم أعتقد أفضل :)

صورتك الشخصية حلوة يا فاينل ^^
وتوقيعك من قبل ما أشارك بالمنتدى من زمان وهو نفسه لكنه حلو أيضا ^^

والله يعينك في اختباراتك ويانا :)

شباب في ارك ذا لاد انجليزي ؟؟؟؟؟
انا امس كنت بالمحل وقالي مافي الا ياباني :(

اقتباس:

---

يعني أي تاريخ تخلص ؟

---

ما ادري عن التاريخ..المهم انه يوم الأربعاء -____-

اقتباس:

---

شباب في ارك ذا لاد انجليزي ؟؟؟؟؟

---

Long..long time ago..

تسلم مشاري
عيل ليش هالوصخ قالي لا مافي انجليزي :(:(:(

اقتباس:

---

المشاركة الأصلية كتبت بواسطة ولد البوكواره

تسلم مشاري
عيل ليش هالوصخ قالي لا مافي انجليزي :(:(:(

---

يبيك تشتريها من عنده طبعا http://www.webpost.net/sp/spikeyman/dog.gif..

سكوال 9
الله يعين الجميع -__-








: Super Sonic :

اقتباس:

---

اسمع بصراحة أرك ذا لاد روووعة وبالذات قصتها ^^
يعني أنصحك تلعبها لأنك بتستانس وياها خصوصا لمن تتقدم في القصة

---

صحيح كلامك و هذا يالي قاعد يصير حاليا معاي :biggthump

اقتباس:

---

فاينال 1 حاولت ألعبه إلي ما سدحوني مثل المفرشة ((كل ضربة = 1 !!! ايش هذا ))

---

ما عليه .. أنت حاول تكمل فيها لأن فعلا اللعبة تستاهل وايد ;)

اقتباس:

---

بريث أوف فاير 5 .. صعععععبة حيل ويبيلها تحدي ... اذا كنت تحب تتحددى في الالعاب الصعة العبها

---

عيل راح أشتريها و أتفرغ لها بعد ما أخلص من وايد أرمز 3 المنيله ستين نيله ===> (( صار لي فوق سنه و أنا أحاول أخلصها و ما أقدر :31: ))

اقتباس:

---

دارك كلاود ون أنا لعبتها من زمان أيام الكوبي العادي ^___^ وهي كانت مرة حلوة .. لكن امكن ما تعجبك بعد ما لعبت 2 (اذا لعبته) لكن في ناس عجبتهم أكثر من 1 حتى مع انهم لعبو 2 قبلها

---

اممممم .. خلاص راح أشتريها عيل بعد ما أخلص من الجزء الثاني .. لأن بكلتا الحالتين ماراح أكون خسران شي ^^

اقتباس:

---

جرانديا اكستريم : يكفيك تلعبها علشان تتضارب بصراحة ^^ وعلى العموم انت العبها (القصة مو ذاك الشيء) لكن المضاربة غطت عليها ... واذا لبتها بس العب إلى المقطع الأول نصيحتي لك .. أنا كملت في اللعبة 140 ساعة ولفل فوق 70 وتعبت نفسي في المقطع الثاني على ولا شيء ... المهم اذا لعبتها يكفيك تلعب المقطع الأول بس ^^ (وراح عرف وش قصدي بالمقطع الاول لمن تلعب ^__^)

---

اممممم .. هذه اللعبة يبيلها تفكير لأني سمعت وايد كلام متناقض عنها :33: !
بالنسبة لهاك 1 فخلاص ماراح أقرب صوبها .. غيرت رأيي :D















ولد البوكواره
من صجك يا محمد ما تدري أن اللعبة نازل لها انجليزي .. الحين صار لها 5 أشهر من لما صدر لها النسخه الانجليزية :tongue2:














Mesharey
يعني أكون أنا مفتك من الامتحان و أنت للحين تمتحن و تدرس .. هاهاهاهاها (6)





لا صج صج .. الله يوفقك .. نحن السابقون .. و أنتم اللاحقون :)

الا صج .. تنصحوني بلعبة ( شادو هيرتس ) ؟

رأي الخاص لا/ لإن اللعبه وطريقتها بايخه مررررره أنا إلي شدني للشريط غلافها رووعه جربته في البيت (طرشت) خخخ ورجعته للمحل في نفس اليوم_لكن القصه شكلها حلو بس إيش أسوي طريقة اللعب فيها معفنه_

اقتباس:

---

المشاركة الأصلية كتبت بواسطة سكوال 9

رأي الخاص لا/ لإن اللعبه وطريقتها بايخه مررررره أنا إلي شدني للشريط غلافها رووعه جربته في البيت (طرشت) خخخ ورجعته للمحل في نفس اليوم_لكن القصه شكلها حلو بس إيش أسوي طريقة اللعب فيها معفنه_

---

انزين ماراح أشتريها ..

طيب ما تنصحوني بألعاب اكتشاف / رعب آر بي جي أمثال براسايت ايف و كوديلكا على البلاي 2 ؟

اقتباس:

---

المشاركة الأصلية كتبت بواسطة Final Fantasy 7

انزين ماراح أشتريها ..

طيب ما تنصحوني بألعاب اكتشاف / رعب آر بي جي أمثال براسايت ايف و كوديلكا على البلاي 2 ؟

---

حاليا البي إس 2 تفتقر إلى المنتجات العالية الجودة (حلوة ذي؟)

صراحة البي إس 2 تفتقر إلى الألعاب الممتعة حاليا ...

زمان كنا نلعب ميتال جير و رزدنت إيفل ... الحين انا العب castelvania: lament of innocence

هممممم سبلينتر كيل

اقتباس:

---

Posted by Final Fantasy 7

طيب ما تنصحوني بألعاب اكتشاف / رعب آر بي جي أمثال براسايت ايف و كوديلكا على البلاي 2 ؟

---

بالنسبة لكوديلكا انصحك تبتعد عن هذى اللعبة نظام القتال بايخ ومن شركة SNK :o

بارسيت ايف 2 جميلة جداً وخاصة القصص والرسومات :biggthump

أبومروان
هو فعلا البلاي ستيشن 2 يفتقر للألعاب العالية الجودة .. و هذا يالي مخليني أرجع و ألعب الألعاب القديمه على البلاي ستيشن 1 :28:









سكوال 9
سبلينتر سيل لعبة تجسس .. مو آر بي جي رعب :tongue2: !







red demon
أنا كوديلكا اشتريتها من كم سنة و اللعبة فعلا قرف و من زمان تاركها .. :31:
أما براسايت ايف 2 فأنهيتها و خلصتها ..
أنا أبي ألعاب مثل هالنوعية .. اذا تعرف قول و لا تبخل علينا ;)













و شكرا على الردود ^^

ما في الا

LUNAR 1 و LUNAR 2

والجزء الأول افضل ;)

اقتباس:

---

المشاركة الأصلية كتبت بواسطة red demon

ما في الا

LUNAR 1 و LUNAR 2

والجزء الأول افضل ;)

---

و هل أجزاء سلسلة لونار تعتبر آر بي جي رعب :tongue2: !!




أنت الظاهر أخوي ما فهمتني :) ..



أنا أطلب ألعاب نوعيتها (( رعب / آر بي جي )) أمثال كودليكا و براسايت ايف ..



ماني طالب ألعاب آر بي جي عادية ..



بل ألعاب رعب آر بي جي استكشافية ..



ررررررعب آآآر بيييي جيييي استكشاااااافية :biggthump







و شكرا على ردودك يالغالي ^^

اقتباس:

---

ولد البوكواره من صجك يا محمد ما تدري أن اللعبة نازل لها انجليزي .. الحين صار لها 5 أشهر من لما صدر لها النسخه الانجليزية

---

ايه والله مادري الصراحه والسبب اني من شهرين وانا عندي حالة مادري وش هي بس احس اني ما احب العب السوني 2 من شهر ونص ما شغلته الا مرتين ! :09:

بس بعد اسبوع بتنزل فف اكس 2 وبلعن شكل الجهاز من اللعب :biggthump

تصدق سايلنت هيل 3 للحين ماشغلتها وللحين مافتحت علبتها اصلآ !!!!

وريزدنت ايفل ديد ايم لعبت ربع ساعه وبندتها :tongue2: !!!

وتومب رايدر 6 حاولت العب فيه بس الأخطاء البرمجيه خلتني اكره الجزء هذا ومالعبت فيه الا مرتين وزينو ساجا شريتها واخوي الصغير هو اللي يلعب فيها مو انا وبعد نفس الحاله حق كينج دوم هارتز :p

اقتباس:

---

المشاركة الأصلية كتبت بواسطة ولد البوكواره

ايه والله مادري الصراحه والسبب اني من شهرين وانا عندي حالة مادري وش هي بس احس اني ما احب العب السوني 2 من شهر ونص ما شغلته الا مرتين ! :09:

بس بعد اسبوع بتنزل فف اكس 2 وبلعن شكل الجهاز من اللعب :biggthump

تصدق سايلنت هيل 3 للحين ماشغلتها وللحين مافتحت علبتها اصلآ !!!!

وريزدنت ايفل ديد ايم لعبت ربع ساعه وبندتها :tongue2: !!!

وتومب رايدر 6 حاولت العب فيه بس الأخطاء البرمجيه خلتني اكره الجزء هذا ومالعبت فيه الا مرتين وزينو ساجا شريتها واخوي الصغير هو اللي يلعب فيها مو انا وبعد نفس الحاله حق كينج دوم هارتز :p

---

اوالله :umm2: !



أنت من صجك للحين ما لعبت سايلنت هيل 3 ؟





أنت شلون عايش :tongue2: ؟




نصيحه مني .. روح ارجع لعالم البلاي ستيشن 2 و العب هالألعاب يالي عندك .. لأن صدقني فوتت على نفسك وااااايد أشياء و متعه مالها لا أول و لا آخر ;)




أنا أدري أن يمكن مالك خلق (( وايد تصير لي :tongue2: )) .. بس صدقني أول ما تجبر نفسك تجابل اللعب ساعه وحده بالكثير .. راح يصير من بعدها لك خلق تلعب .. أنا دائما أسوي هالشي اذا تمللت من اللعب .. أقصب نفسي ألعب حتى تفتح نفسي على اللعب من يديد :D

اقتباس:

---

المشاركة الأصلية كتبت بواسطة Final Fantasy 7

اوالله :umm2: !



أنت من صجك للحين ما لعبت سايلنت هيل 3 ؟





أنت شلون عايش :tongue2: ؟




نصيحه مني .. روح ارجع لعالم البلاي ستيشن 2 و العب هالألعاب يالي عندك .. لأن صدقني فوتت على نفسك وااااايد أشياء و متعه مالها لا أول و لا آخر ;)




أنا أدري أن يمكن مالك خلق (( وايد تصير لي :tongue2: )) .. بس صدقني أول ما تجبر نفسك تجابل اللعب ساعه وحده بالكثير .. راح يصير من بعدها لك خلق تلعب .. أنا دائما أسوي هالشي اذا تمللت من اللعب .. أقصب نفسي ألعب حتى تفتح نفسي على اللعب من يديد :D

---

ههههههههه سويتها بكلوك تاور 3 ولعبت غصبن عن شكلي لكن هالكلام كان قبل 3 شهور تقريبآ وقدرت اخلص اللعبه بيوم واحد فقط :biggthump

خلال 6 ساعات وشوي :D

طبعآ لعبت 3 ساعات الصبح

وكملتها بنفس اليوم المغرب 3 ساعات وماجات 9 بالليل الا وانا مخلص اللعبه

بس حاليآ مالي نفس مادري ليه

بس اول ماتوصل لي فف11 واشتري كرت شاشه للكمبيوتر + موذر بورد راح تلقاني 24 ساعه

داخل اللعبه :tongue2:

اقتباس:

---

المشاركة الأصلية كتبت بواسطة ولد البوكواره

ههههههههه سويتها بكلوك تاور 3 ولعبت غصبن عن شكلي لكن هالكلام كان قبل 3 شهور تقريبآ وقدرت اخلص اللعبه بيوم واحد فقط :biggthump

خلال 6 ساعات وشوي :D

طبعآ لعبت 3 ساعات الصبح

وكملتها بنفس اليوم المغرب 3 ساعات وماجات 9 بالليل الا وانا مخلص اللعبه

بس حاليآ مالي نفس مادري ليه

بس اول ماتوصل لي فف11 واشتري كرت شاشه للكمبيوتر + موذر بورد راح تلقاني 24 ساعه

داخل اللعبه :tongue2:

---

يا حظك .. نياااااالك على فف11 :bigeyes:





يالله ما عليه .. أنتم السابقون .. و نحن اللاحقون :biggthump

















الا صج .. توني أنتبه أن عنوان موضوعي هذا يشبه أغنية روبي (( أنت عارف ليه )) لما تغني و تقول :
**أنا عندي كلام و كلام .. و كلي حنين و شوق و غرام **




:tongue2: :tongue2: :tongue2:

شباب وش لونار هاذي ياليت تحطون لها صوره لأني أظن اني أعرفها بس مب متأكده

اقتباس:

---

الا صج .. تنصحوني بلعبة ( شادو هيرتس ) ؟

---

يا فنوله أنصحك بشادو هارتس ترى قصتها حلووووه و تخلي الواحد يندمج فيها غصب عليه :biggthump

انا مأنكر ان الوحوش شكلهم غريب لدرجه ماتتوقعها :أفكر: أنا بأعتقادي انهم جايبين طفل صغير و خلوه يخبص على الكمبيوتر و يخلي يد فوق و الرجل في الجنب الثاني صراحه اشكال مش ولابد :31:


على فكره انا منهيتها بس يقهروني الرومنسيه بين يوري و اليس نادرا ما تظهر :12:
بس حركة الصوت الغريب الي يجبر يوري على انقاذ اليس و مساعدتهم في النجاة ... حركه تعجبني :biggthump
ا
سلوب القتال مهو بايخ لذيك الدرجه بس أحلى ما فيه نظام(ججمنت رنج ) الي هو حقل المعركه الي من خلاله تحكم على ضرباتك بالقوه او الضعف







على العموم انت جربها شبتخسر
ولاتنسى راح ينزل لها جزء ثاني فلا يطوفك يأبو الأربي جي :D

تحياتي
yuni

فاينل حصلتلك لعبه روووووووووووووووووووووووووووووووووووووووووووووووووووووووووووووووووووووووووووعه بس على السوني1 مايخالف المهم زي المواصفات إلي تبيها بس اسم العلبه ناسيه والله حفتكر وحرد عليك وحتركك متحمس تعرف إيش هي:)

_yuna_

اقتباس:

---

شباب وش لونار هاذي ياليت تحطون لها صوره لأني أظن اني أعرفها بس مب متأكده

---

دخلي موقع Gamespot و روحي لقسم ألعاب البلاي ستيشن و اختاري من القائمة اسم اللعبة Lunar و شوفي الصور يالي تبينها :tongue2:

اقتباس:

---

يا فنوله

---

الله .. حلو هالاسم .. عجبني :biggthump

اقتباس:

---

أنصحك بشادو هارتس ترى قصتها حلووووه و تخلي الواحد يندمج فيها غصب عليه
انا مأنكر ان الوحوش شكلهم غريب لدرجه ماتتوقعها أنا بأعتقادي انهم جايبين طفل صغير و خلوه يخبص على الكمبيوتر و يخلي يد فوق و الرجل في الجنب الثاني صراحه اشكال مش ولابد
على فكره انا منهيتها بس يقهروني الرومنسيه بين يوري و اليس نادرا ما تظهر
بس حركة الصوت الغريب الي يجبر يوري على انقاذ اليس و مساعدتهم في النجاة ... حركه تعجبني
اسلوب القتال مهو بايخ لذيك الدرجه بس أحلى ما فيه نظام(ججمنت رنج ) الي هو حقل المعركه الي من خلاله تحكم على ضرباتك بالقوه او الضعف

---

هممممم :33:
راح أشوف اذا أشتريها بالعيد ولا لأ .. بالأول راح أنزل له عروض علشان آخذ لي خلفية عن اللعبة .. و بعدين يصير خير ^^

















سكوال 9
طيب و أنا ناطرك علما تتذكر اسم اللعبة و تعطيني اياها :D










و ثانكس غايز على الردود ^^

تصدق لمن إلحين مني متذكر خخخخخخخ بس والله ما أتغشمر معاك في لعبه وايد حلوه

اسرع صوور فااينل فانتسي على الجم كيوب تكفوون اكرر الجم كيوب ومتى اصدااره اماااانه:08:

نسيت اعطيكم ايملي ارسلوو لي الصوور او اي معلووومه زين m9994@hotmail

البطل زلدا..رفع المواضيع ممنوع ..
ماودي اغلق الموضوع صراحة -__- ..