شباااااااب شرايكم بالكرت الشاشه هذا ينفع لفاينل 11

السلام عليكم

حصلت كرتين

كرت جي فورس الميموري ماله 64 بـ 200 ريال قطري

وحصلت بعد

جي فورس الميموري ماله 128 بـ 480 ريال قطري

بشنو تنصحوني وهالسعر مبالغ فيه او سعر جيد ؟

انا انصحك بـ GF4 TI 4800 أو GF4 FX5600 بس غالين شوي يعني بـ 700 إلى 900

هههههههههههه
لا يبا ذول اذا بالكويت او السعوديه بـ900 عجل بقطر بيوصل سعرها لين 1200 تقريبآ وانا اصلآ ابي اسوي اشتراك دي اس ال وازود الرام واشتري اللعبه واشتري كرت والميزانيه ما تكفى جذي :(

لا تاخذ 5600 لانها من اكثر الكروت رداءة

انزين سانجيان ممكن تعطيني كرت حلو وسعره حلو مايزيد عن ال500 ريال ويكون يجيب بالبنش مارك 4000 اقل شئ ويعطيك العافيه
المهم اني ابي كرت جيد وحلو للعبه ويعطيني صوره ما تقل جودتها عن السوني 2 وبالمناسبه انت كرتك شنو ؟ وكم سعره ؟ وكم جاب بالبنش مارك ؟ :)

موضوع كامل لاجل سؤال عن كرت....
شباب خففوا مواضيع صغيرة :09:

هلا جلتي
السموحه اخوي بس شسوي لأني مستعجل ابي اشتري الكرت ومتردد :(

السلام عليكم

اخوي ولد البوكواره

في مواضيع كثيره في منتدى البي سي بخصوص الكروت راجعها بنفسك وبتعرف محاسن وعيوب كل كرت !
4000 البانش مارك بهذا النوع من الكروت صعبه شوي ,, حتى بالوفر كلوك ما تقدر !!

بالنسبه لصعوبة الشراء عندك في قطر انا انصحك انك تتعامل مع :
http://www.ewiz.com

ترى اسعارهم ممتازه وبخصوص الشحن لقطر لا تخاف انا جمعت معظم قطع جهازي من عندهم
والتوصيل على حسب رغبتك خلال اسبوع أو اسبوعين أو أكثر اذا ما تبي تدفع كثير ,,

بس يستحسن تشتري كميه مره واحده عشان سعر الشحن يكون معقول .

قبل لا انسى ترى يقبلون الحوالات الماليه وبالاضافه لوسترن يونيون ..

تحياتي ,,

اقتباس:

---

انا انصحك بـ GF4 TI 4800 أو GF4 FX5600 بس غالين شوي يعني بـ 700 إلى 900

---

مثل كلام الاخ

اخوي روح سوفتيل محل بيت الكمبيزتر الامريكي بتلاقي عندهم 128 بــ 255 ريال والكرت جيد

او انطر يومين وراح توصل كروت الــ 256 FX 5600 على 650 ريال


وانت وراحتك :)

يا ولد البوكوارة .. مواضيع كروت الشاشة المفترض انها تطرح بمنتدى الكمبيوتر ..

و فف11 يشتغل عليه أي كرت شاشة قوي .. :)

تسلمون على الردود
نيو سيد انا حطيت موضوع هناك بس لا حياة لمن تنادي شويه اللي يردون علي هناك وبعد انا ابي واحد مجرب فانيل فانتاسي عشان اتأكد ان هالكرت يشغلها والسموحه :)

اقتباس:

---

لا تاخذ 5600 لانها من اكثر الكروت رداءة

---

و اسأل مجرب تحسفت لاني شريتة ><

زين هالكرت ينفع او لا
MSI GeForce FX5200 128MB DDR 8X TV&DVI AGP Video Card

الكرت يلي إنت واضعه يشغل اللعبة لكنه ضعيف ومستحيل تشم فيه ريحة 3000 :tongue2:
إذا تبي شي رخيص ومفيد خذ لك :
geforce ti 4200 والأفضل من هذا هو geforce 4800 ti .

اقتباس:

---

المشاركة الأصلية كتبت بواسطة ولد البوكواره

زين هالكرت ينفع او لا
MSI GeForce FX5200 128MB DDR 8X TV&DVI AGP Video Card

---

جربته و بعد بيوم بدلته .. الكرت هذا من اتعب كروت الشاشة اللي شفتها ..

رديته و شريت بدالة GeForse 4 Ti 4800 8X 128 MB .. :)

نيو سيد يعني الصور اللي انت كنت حاطها لنا من لعبتك يوم احتفال الهالوين كانت من هالكرت
Gainward GeFocre4 TI4800SE 128MB VIVO/DVI/2H AGP Video Card, White Box
اذا هو قولي عشان اشتريه على طووووووول :) لأن الصور اللي انت كنت حاطها صورها روعه وفوق الجيده :)

اوكي وشرايكم بذي
Geforce4 5200 128MB
حصلته بـ 290 ريال يعني 27 دينار تقريبآ

بيــــــه .. والله دوخه و عوار الراس هالكروت الشاشه .. ما أقول غير الله يعين :)

ايه والله يا فانيل عورت راسي :(

أعتقد نفس الكرت ولكن مع عدم وجود se يعني اسم الكرت بصير :
geforce 4 ti4800
عم جاوب عوض عن نيوسيد :tongue2:
وبالنسبة للكرت Geforce4 5200 128MB فانسي أمره كل شيء 5200 خرطي .
أي كرت شاشة أرخص من 50 دينار لح يشغل لك اللعبة ولكن ليس بالجودة المطلوبة .
خلاصة الكلام خذ geforce 4 ti4800 وريح راسك .

اقتباس:

---

المشاركة الأصلية كتبت بواسطة النسر الأسود

أعتقد نفس الكرت ولكن مع عدم وجود se يعني اسم الكرت بصير :
geforce 4 ti4800
عم جاوب عوض عن نيوسيد :tongue2:
وبالنسبة للكرت Geforce4 5200 128MB فانسي أمره كل شيء 5200 خرطي .
أي كرت شاشة أرخص من 50 دينار لح يشغل لك اللعبة ولكن ليس بالجودة المطلوبة .
خلاصة الكلام خذ geforce 4 ti4800 وريح راسك .

---

بكم هالكرت؟ :33:

خلاصة الكلام خذ geforce 4 ti4800 وريح راسك .

بكم و ممكن وصلة لشراءه ؟

شباب قصدكم هذا ؟
Gainward GeFocre4 TI4800SE 128MB VIVO/DVI/2H AGP Video Card, White Box
جالنجر هذي وصله لكن مو متأكد اذا الشباب قصدهم هالكرت او واحد ثاني :)