للشباب عشاق الويننج اليفن7..المتواجدين بالمنطقة الشرقية..( تحديات و مباريات في العطلة

السلام عليكم ورحمته الله وبركاته ,,

رغم قلة مشاركاتي بهذا القسم ..إلا انه يعتبر من الاقسام التي اتابعها بإستمرار

لان فيها ماشاء الله مجموعة من الاعضاء و المراقبين المميزين و اللذين افادونا كثيرا في حل بعض المشاكل التي تواجه البعض في لعبة الويننج اليفن وخاصة الاصدار السابع

ما ابغى اطول و حبيت ادخل بالموضوع :

بالنسبة للشباب المتواجدين بالمنطقة الشرقية ( السعودية )

و اللذين يعشقون هذه اللعبة و لمن يجد انه محترف فيها

حبيت نسوي تحديات بين الاعضاء من خلال اقامة مباريات بينهم خلال العطلة المدرسية و التي تبقى عليها خمسة ايام

و على الاعضاء الراغبين بالمشاركة و دخول التحدي ان يشاركوا هنا

و كل واحد يقول اسمه و المدينة التي يسكن بها و يقول اي اقتراح عنده بخصوص مكان اقامة مثل هذه المباريات

بالنسبة لي

اسمي : خالد الغامدي ( لحد يقول ارهابي :09: )

ساكن في مدينة رأس تنورة

ننتظر مشاركة من يرغبون بالمشاركة بوضع اسمائهم و مكان اقامتهم بالاضافة لاقتراحاتهم بمكان إقامة هذا التحدي

تحياتي للجميع ,,

وعليكم السلام والرحمة...

بادرة طيبة منك أخوي ( الزعيم )...كنـّا نتمنى مشاركتكم :) إلا إذا كنتم بتنتظرونـا يوم العيد :tongue2:

موفقين إن شاء الله

مشكور اخوي الزعيم على الفكرة الحلوة:) اللي طال انتظارنا وحنا نستناها



اسمي: عبدالعزيز القرناس

المنطقة: الخبر- العقربية

اتمنى انه تقام البطولة بالخبر يكون احسن

لانه اعتقد الاغلبية بالخبر او الدمام وكلهم واحد وقريبين من بعض.........:D

اما عن مكان اقامة البطولة فمادري صراحة

فيه محل بالعقربية بس ماعمري دخلته:أفكر:


سمعت انه فيه تحديات بس والله ماعمري رحت صراحة............



اخوي ابو بدر

ترانا حاضرين لك بالعيد وغيره انت امر بس:biggthump

وعليكم السلام

الاسم / سعود المكان / الخبر

السلام عليكم :-

أولا أحب أشكر أخونا العزيز : ( الزعيم ) على بادرته الطيبة و التي كنت اتمنى انها تتحقق .

المهم :

اسمي : ناصر المليحان

مكان الأقامة : الدمام

بالنسبة للبطولة يا أخوان فأي مكان تسونها انا بجي يعني بجي ( ملقوف :p )

بس بصراحة ( لانها تجيب الراحة )

أفضل ان تكون البطولة في الدمام أو الخبر ...

و انا اعرف محلات متخصصة في هذا المجال .

على العموم الاجازة قربت ..........

و أخونا العزيز ( ابو بدر ) :-

حنة بانتظارك ، حياك الله ، و في اي وقت تريد ;)

ابو بدر - ملك الويننج - ارجنتيني محترف - كنفارو

مشكورين على مروركم الجميل و مشاركتكم

اعتقد ان المشكلة التي ستواجهنا هي مكان إقامة هذه المباريات

ما عندي مانع في انها تكون بالدمام او الخبر

و لكن إذا تعرفون مكان جميل يتم فيه إقامة المباريات فأتمنى ان تعطوني خبر عن المكان

اخوي ملك الويننج :

تعرف اسم المكان ؟ او مكان وجوده ؟

تحياتي للجميع .. و ننتظر مزيد من الاقتراحات حول هذا الموضوع ,,

هلا اخوي الزعيم

والله ماعرف اسم المحل بالظبط

بس هو مقابل مسشفى الخبر الحكومي بالعقربية

على نفس الشارع سيفوى الخبر

اتمنى من الاخوان يعطونا اقراحات اكثر

وامكان جديدة وحلوة:)...................

بالتوفيق ان شاء الله

ولو اني من السعوديه كنت بجي وبلعب معاكم

عبد عزيز اتمنى انك انت تفوز بالبطوله فلا تخيب ظني:biggthump

انا اللي اعرفه محل بالدمام و مضمون مئة بالمئة كل التجهيزات ، و هو قريب من جزيرة المرجان

بس المشكلة أن المكان صغير ...

على فكرة انا سمعت عن محلات في الخبر ..... باشوف اسأل

تحياتي

اسمي محمد أحمد الشميري
مكان الأقامة الدمام
أفضل ان تقام البطولة بالدمام وانا أعرف محل في المزروعية

اقتباس:

---

المشاركة الأصلية كتبت بواسطة ولد البوكواره

بالتوفيق ان شاء الله

ولو اني من السعوديه كنت بجي وبلعب معاكم

عبد عزيز اتمنى انك انت تفوز بالبطوله فلا تخيب ظني:biggthump

---

ابشر من عيوني الثنتين

اصلا انا ضامن البطولة قبل لا العب:D=========>(مصدق عمره):أفكر:

اخوي كنفارو

ممكن تعطينا اسم المحل

و مو مهم ان يكون صغير او كبير .. المهم هو ان نضمن اقامة مباريات

و اتمنى انك تشوف عن المحلات اللي في الخبر .. اذا كان فيه محلات افضل

~~~~~~~~~~~~~~~~

اخوي دافيدس

ممكن تعطينا اسم المحل .. و تحديد مكان وجوده

~~~~~~~~~~~~~~~~

نبغى نخلص من هذه المشكلة .. ونشوف مكان مناسب بأسرع وقت

حتى نحدد موعد اللقاء

تحياتي لكم على التجاوب الجميل ,,

انا ماعرف اسم المحل لكن بسأل واحد صديقي وبرد عليك اليوم أو بكرة في العصر

انا بجي اذا بتقيمونها
في
شارع اللي فيه سيفوي العقربيه
في نادي البلي ستيشن وجنبكم نادي اكس بوكس:)
وبيجي معاي النايم

اقتباس:

---

المشاركة الأصلية كتبت بواسطة ملكwe

هلا اخوي الزعيم

والله ماعرف اسم المحل بالظبط

بس هو مقابل مسشفى الخبر الحكومي بالعقربية

على نفس الشارع سيفوى الخبر

اتمنى من الاخوان يعطونا اقراحات اكثر

وامكان جديدة وحلوة:)...................

---

أنا سأشارك


ريان المقبل .. الخبر


هذا هو أفضل مكان وأنا دخلته من قبل عشان كنت بأسوي مسابقة للشريط السابق ..

لكن الأعضاء الله يهديهم سحبوا علي سيفون وما جاء أحد ..


اسم المحل : نادي الكافيه

ممتااااز .. تلفزيونات كبيرة

كبير .. تكييف ممتاز .. حماس .. أضواء خافتة .. أكثر من 7 أجهزة بلاي ستيشن 2 ..

أمام مستشفى الخبر الحكومي _ شارع الأمير حمود بن عبدالعزيز أعتقد .. قريب من التميمي ..


شكرا لكم

إنشاء الله لما تحددون المكان ، ويكون مناسب لي
راح أشترك معكم

هذي النادي بحارتنا:p

مشكور اخوي ريان على المعلومات الشبه كاملة عن المحل

~~~~~~~~~~~~~~~

الراغبين بالمشاركة الآن هم /

كنفارو و ارجنتيني محترف و ملك الويننج و دافيدس و مسكت

~~~~~~~~~~~~~~~

لمن يرغب بالمشاركة عليه ان يضع اسمه

و اتمنى تعطونا اقتراحاتكم بشأن الموعد المفضل

وش رايكم بيوم الثلاثاء الجاي ؟

تحياتي للجميع ,,

لأ المفروض في أسرع وقت يعني يوم الخميس أحسن يعني بعد بكرة

والله يوم الثلاثاء جيد:)

يعني باقي عليه اسبوع تقريبا................


نشوف اراء الاخوان وشهي؟:D

اي يوم اسمه بالخبر انا جاي

اخوي دافيدس

يوم الخميس صعب .. لان الوقت راح يكون ضيق و مانقدر نرتب الامور تمام

~~~~~~~~~~~~~

ملك الويننج

مشكور على الموافقة على الموعد:D

~~~~~~~~~~~~~

مسكت

شىء جميل انك مستعد بأي وقت

~~~~~~~~~~~~~~~~~~~~~~~

يا شباب اذا فيه احد معارض على يوم الثلاثاء يعطينا خبر

اعتقد انه يوم مناسب لانه بيكون بعد اسبوع .. نقدر نرتب امورنا

و طبعا اجتماعنا راح يكون لو حدث يوم الثلاثاء الساعه 9.30 مساء

تحياتي لكم ,,

ما شاء الله تبارك الله

يا اخوان حددوا المكان ....و كذلك المشاركين

و بالنسبة للموعد الثلثاء 9:30 فأنا شخصيا اوافق عليه ...

المحل اللي اعرفه للأسف ما عندهم ps2 ،،، نقدر نجيب بس ........

بالعربي ( المكان اللي يعجبكم أنا حاضر فيه ) :biggthump

تحياتي :-

ههههههه ودي اني بالشرقيه عشان العب معكم بس معليه مره ثانيه


كنفااااارووو الله الله بالفووز ابيك تكسر رووووووسهم:Dنبي اربعات وثلاثات

مافي دوري ثاني لأن الموعد طافني ومعكم smith من الدمام

اقتباس:

---

المشاركة الأصلية كتبت بواسطة سميث

مافي دوري ثاني لأن الموعد طافني ومعكم smith من الدمام

---

هلا اخوي سميث:)

الموعد لاطافك ولاشي

احنا نقصد الثلاثاء القادم يعني بعد اسبوع من الان:biggthump

اخوي الزعيم


اقدر اجيب بعض الاصدقاء معي

والا لازم يكونون مشتركين بالمنتدى؟

.............................................

:( :( :( ..


أعتقد أنني لن أشارككم .. !!



بكون مسافر الثلاثاء .. السبت أو الأحد زين

اقتباس:

---

المشاركة الأصلية كتبت بواسطة HERY2003

:( :( :( ..


أعتقد أنني لن أشارككم .. !!



بكون مسافر الثلاثاء .. السبت أو الأحد زين

---

:(:(

افااااااااااااااااااااااااا

حاول اخوي هري يمين يسار:)

خلنا نشوف رأي الاعضاء....................

بدأت العطلة .................

بالنسبة للوقت في اي يوم غير ( الأربعاء و الخميس و الجمعة ) هو مناسب بالنسبة لي .

_________

اخوي عاشق بيكهام 23 :

اكيد 5 - 6 أقوال ..... لكن أكسر رؤوسهم ، لا لا لا بعذين يصير ( قتل عمد ) :p

و ان شاء الله اكيد بتكون منافسة قوية و مشرفة . ;)

________

HERY2003 : ما تذكرني ؟؟؟؟ انا اول واحد كنت ابي العب معاك

يلا حاول حاول ..........

_________

أخي mskt : آسفين على الأزعاج لكن بصراحة يمكن مشبه عليك و يمكن لا .....

تعرف واحد اسمه محمد المخايطة ؟

آسفين على الزعاج مرة أخرى .....

يلا عاد شوفوا حل و انا عطيت اللي اقدر عليه ، خصوصا اني ما اقدر اسوق .. الله يعيني

كنفارو
ايه اعرفه خويي
هو قريبك صح ؟
اطلع معاه انا

مشكورين على التجاوب الجميل

اعتقد ان يوم الثلاثاء هو اليوم المناسب

~~~~~~~~~~~~~~

ملك الويننج

بإمكانك ان تحضر كم واحد من اصدقاك

~~~~~~~~~~~~~~

اخوي هيري2003

و الله كان بودي اقدم الموعد .. و لكن للاسف يوم السبت و الاحد راح اكون مرتبط

يوم السبت راح اكون بالملعب لحضور مباراة الهلال و القادسية

و يوم الاحد معنا موعد مع الشباب طلعه لاستراحة

اتمنى انك تقدر تحل هذه المشكلة و تشارك معنا

~~~~~~~~~~~~~~

اخوي كنفارو

لا يصيبك غرور في لعبك

راح تشوف من اللي بيكسر راسك:cool:

~~~~~~~~~~~~~~~

تقبلوا خالص تحياتي ,,

ويش رايكم تصير ذهاب واياب اذا صارت

ذهاب وياب انا بشترك ...

خلاص اخوي الزعيم

ان شاء الله بجيب بعض الاصدقاء;)


اخوي الصاعد احنا للحين ماحددنا ذهاب والااياب:)


احنا اذا اجتمعنا ان شاء الله راح نحدد كل شي:biggthump




.........................

قدام , انا فارس من الخبر وموافق اللعب سواء بالدمام او الخبر وفي اي مكان

أقول وش رأيكم بالثلاثاء أو الإثنين ..



أجلنا السفرة للأربعاء :biggthump

اقتباس:

---

المشاركة الأصلية كتبت بواسطة HERY2003

أقول وش رأيكم بالثلاثاء أو الإثنين ..



أجلنا السفرة للأربعاء :biggthump

---

خبر جميل اخوي هيري انك اجلت السفر

الاثنين ما اضمن حضوري .. لانه ربما سأكون مرتبط

و لكن الثلاثاء ان شاء الله اني راح اكون فاضي و ماعندي اي ارتباط :)

~~~~~~~~~

اخوي فارس

حياك في الحضور .. و مثل ما ذكرنا انشاء الله راح يكون يوم الثلاثاء في المكان اللي حددوه الاخوان ,,

السلام عليكم :-

ها ............. للحين ما حددتوا المكان ؟؟

_____

أخي mskt :

هههه ، ايه انا قريبه ، و بجيبه ان شاء الله ...... علشانك .

تحياتي

السلام عليكم ورحمة الله وبركاته

انا ابغى اشارك بعد بس وين المحل ؟ ومتى ؟

اقتباس:

---

المشاركة الأصلية كتبت بواسطة GG

السلام عليكم ورحمة الله وبركاته

انا ابغى اشارك بعد بس وين المحل ؟ ومتى ؟

---

انت معي ! :cool:

:mad: :mad: :mad: :mad: :mad: :mad: :mad: :mad:
:mad:
انا روحت اليوم للمحل وقلت للهندي المتخلف انا وأصحابي بنسوي يوم الثلاثاء دورة في المحل شوفو اش قال:
انا ماقدر سوي كذا انتو سوو مشكل كل مرة في صديق يجي يثول انا في جيب my frinds بعدين كل مرة سووي مشكل
يعني بالعربي هو قال ممنوع الدورات عشان كل مرة واحد يسوي دورة اللي يجو يسون مشاكل نادري مشاكل ايش والله كنت بتهاوش مع الهندي المتخلف هذا بس قلت احنا في رمضان :mad: :mad: :mad: :mad: :mad: :mad: :mad:

لاحول ولا قوة ألا بالله

بعد كل هل الهذرة
لازم تشفون حل ويا المحل وألا شوفوا محل ثاني

اقتباس:

---

المشاركة الأصلية كتبت بواسطة HERY2003

انت معي ! :cool:

---

وش تقصد؟ :06: :06:

اذا كان هذا فعلا كلام صاحب المحل .. راح يسوي لنا دوخه شوي:31:

,,,

راح يكون لي عوده حول هذا الامر

انتظروني ,,

السلام عليكم

يا جماعة ما بقى الا 3 ايام ........... لو بيدي كا ن حليتها بس ما اقدر .

يلا عاد .

ما عليكم يا شباب ..



انا بتفاهم معه :cool: .. وغصب عليه نلعب ..



بكرة بإذن الله وأنا عنده .. بكلم عيال صاحب المحل ( ان شاء الله موجودين بس ) ..




المهم بنلعب يعني نلعب ان شاء الله ..




على فكرة الساعة بـ 10 ريال

مشكور اخوي هيري

و اتمنى انك تحاول .. و تعطينا خبر بأسرع وقت

~~~~~~~~~~~

و مثل ما قلت لك ان يوم الاثنين ما اضمن حضوري .. و فعلا راح يكون عندي ارتباط مهم يوم الاثنين

و لهذا فإن يوم الثلاثاء هو الانسب

تحياتي للجميع ,,

طيب أخوان سؤالين :-

س1 ممكن تدلوني المحل ، لاني غشيم بالخبر .

س2 كيف بتكون طريقة اللعب ، لاني اذا ما اخترت البرازيل او ميلان ما راح العب ... ها ؟

تحياتي لكم و لل ( الزعيم )

بتكونو سويتو خير والله لو في الدمام لأني في الخبر ماضمن حضوري على العموم بحاول بس ان ياريت والله تكون في الدمام

اهلين شباب:)

هاه بشروا وش صار على المكان؟:wow:


اخوي كنافارو

اذا تحدد المكان راح نشرح لك المحل بالتفصيل:biggthump


...................

مشكورين يا أخوان .....

طيب الحين ما بحاتي أبد .

بس بصراحة احاتي ، بيجي يوم الثلوث و يخلص و حنة لسة ما حددنا ...

بسرعة يا جماعة الخير

شكلنا مابنلعب بكرة الثلاثاء وانا اللي كنت أبغى المسابقة تكون يوم الخميس :p أو لا زم كان يكون الموضوع اتكتب من شهر على الأقل عشان نلعب يوم الثلاثاء :biggthump

:31::31::31:

شباب اليوم الاثنين ..

اللي يقدر يجي استراحة المضياف بالدمام .. خلف مجمع ميم السكني .. قريب من حي الفيصلية

اليوم عندنا هناك طلعه شباب .. و فيه تحدي ويننج اليفن7

اللي يقدر يجي حياه الله

بيكون موعدنا هناك من الساعه 8 عشاء الى صلاة الفجر

تحياتي لكم ,,

طيب أخوي الزعيم شصار على يوم الثلثاء .

:bigeyes: والله حالة

والله الموضوع في غاية الروعة والحماس رغم آخر تحدي لي كان من 4 شهور فقط.
ولاكن لامانع لو كان التحدي في الخبر أو في الدمام ولاكن أعطوني خبر مبكر لكي أجيكم من الأحساء وأنا متحمس (يعني مصخن على غفله ) هههههههه.وبعد لو يكون ليلة الثلاثاء يااااه شي.
المتحدي الإمبراطور
NASTY BOY
052215791

خلااااااص يا شباب ..


المكان اتفقنا عليه اللي هو في نادي الكافيه اللي بالخبر ..


واليوم كلمت الفلبيني قال ( مافي مسكل :D ) ..


ونشوفكم بكرة بإذن الله :biggthump

طبعا سنتواجد هناك بعد صلاة التراويح ان شاء الله

كووووويس اخوي هري:biggthump

ياليت الاخوان بكرة يردون لنا خبر ويقوولون لنا بيجون والا لا؟

لانه ماتحدد المكان الا قبل بيوم

واكيد اغلب الاعضاء ماراح يجي:(

...............

انا بجي ....... بس دلوني المكان بالتفصيل و إن شاء الله بأجي :)

اقتباس:

---

المشاركة الأصلية كتبت بواسطة كنفارو

انا بجي ....... بس دلوني المكان بالتفصيل و إن شاء الله بأجي :)

---

نفس المشكلة تواجهني وهي بالنسبة للموقع .. وين مكانه بالضبط ؟

بحاول انشاء الله اني ادوره الين القاه .. واذا عرفت مكانه راح تجدوني هناك

تحياتي لكم ,,

يا أخوان دلوني المكان ..............

لان لازم امشي 8 و نص من الدمام ........

ما لي إلا mskt أكلمه

هلا شباب

المحل سهل جدا

انتوا اسألوا بالخبر عن مستشفى الخبر الحكومي واكيد راح يدلونكم لانه الجميع يعرفه

وهو راح يكون مقابل المستشفى:)


وان شاء الله بحاول اكون موجود على حسب الظروف:(

المحل هو كالتالي :-


تمشي من شارع الظهران كأنك جاي من الدمام ( الطريق اللي يصير مجمع الراشد على يسااارك )


أول إشارة امش سيدة وثاني إشارة اللي عندها المطاعم ( ماكدونالدز , هارديز .. الخ ) تلف يسار عند بنك

الراجحي ..


أول إشارة تجيك امش سيدة وبعدين تلاقي على يمينك صيدلية النهدي ( لوحة بيضاء كبيرة ) وجنب

النهدي المحل اللي اسمه نادي الكافيه واللوحة بالأسود والأخضر وداخل المحل ظلام وحنا هناك جالسين

على الكراسي ننتظركم ولابسين ثياب :p

مع الآسف كنت أتمنى نحظر ونلتقي بالوجوه الطيبة
بس المشاغل ، الله يلعن المشاغل

موفقين شباب

:mad: وين الشباب ؟؟


ليه ماحد جا منكم؟

انا جيت ......... ما لفيت أحد

بعذين أنا مو كل دقيقة أتصل بالنت ........... :mad:

لما الأخوان وصفوه الساعة عشر ..... مشيت و وصلت 11 و ربع ...

ما حصلت الا واحد يلعب وننجلفن 7 بايطاليا ... و مبتدأ بعد .

ليه انتم مو منظمين ؟؟؟؟ ليه ... ثاني مرة تحدد المكان و المان قبل اسبوع من الموعد

علشان ما حد يتخربط .....

تحياتي يا جماعة الخير

على فكرة انا رحت المحل اللي انتم تقصدونه ......... نادي كافيه ... شيء زي كذا .

:mad:

أصلا صارت لخبطة في آخر شيء

وأتوقع هل اللخبطة هي اللي خلتهم مايجون

السلام عليكم ورحمة الله وبركاته

انا وهيري رحنا هناك وقعدنا إلى الساعة عشر بعدين قلنا شكله ما في احد بيجي ومشينا
وان شاء نخطط من بدري المرة الجاية

كنت متوقع ياخوان انه محد راح يجي

لانه المكان تحدد بس قبل بيوم؟

عشان كذا اغلب الاعضاء ماجوا ولاشافوا وعرفوا المكان والتوقيت

اتمنى منكم انكم تحددون وقت جديد يكون مناسب لجميع الاعضاء

ونحدده قبل بفتره عشا الجميع يعرفه


وانا عن نفسي صراحة ماجيت بسبب بعض الظروف

اتمنى نشوف اراء الاخوان؟:أفكر:

أنا قلتلكم

حددوا المكان و الزمان قبل ( أسبوع ) من موعد المباريات ...........

الحين ما اعتقد ينفع الا بعد العيد :p

أنا اليوم مسافر ..



يعني ما بلعب معكم :(