غلطة سكوير في FFX-2 الإصدار الإنجليزي ...

السلام عليكم ...

طبعا الكل يعرف ...

وبعد انتظااار طوييييييييل دام 8 أشهر <--- تقريبا ..

صدرت لعبة Final Fantasy X-2 باللغة الإنجليزية ...

وكنا متلهفيييين مرة للعب بها ..

ولكن للأسف بعد تجربتها كانت النتيجة :(:( ...

حيث أن سكوير لم تقم بأداء الأصوات بشكل جيد ...

وخاصتا أغنية المقدمة ... انقلبت 180 درجة عن اليابانية ..

لا صوت ... ولا كلمات ... ولا .....إلخ

حتى الكلمات ما ركبت مع اللحن ...

فأتوقع إن الأرباح التي سوف تحققها هذه اللعبة ..

ليست كالأرباح التي حققتها FFX-2 اليابانية ..

أقصد الناس المهتمين بالأصوات ولا أقصد الأفراد ...

يعني في أمريكا وأوربا واليابان يركزون على الأصوات بشكل غير طبيعي ..

يعني خاصتا الشركات الكبرى والمواقع ..

الصراحة ما كنت متوقع إن الأصوات بتكون كذا ..

خاصتا أغنية المقدمة ..

يعني أنا كنت متلهف أسمعها مررررة يعني عشان أردد وراها مو مثل اليابانية اللي ما ندري وش تقول .. <----- أحلا يعرف انجليزي ;) :p

فما رأيكم في اللعبة وأداء الأصوات فيها ؟؟؟؟

هذا السؤال جوابه هو مجمل حديثنا ..

تحياتي لكم ..

للأسف للحين ماحصلتها :(

دورت بـ 5 محلات وكلهم ماعندهم الا اليابانيه

بس خليتوني اكره اللعبه من قبل لا العبها ياشباب:أفكر:

كل واحد يقولي شئ مو حلو عنها

عاد خلاص عطوني شئ ايجابي يحمس للعب ;):biggthump

اقتباس:

---

المشاركة الأصلية كتبت بواسطة ولد البوكواره

للأسف للحين ماحصلتها :(

دورت بـ 5 محلات وكلهم ماعندهم الا اليابانيه

بس خليتوني اكره اللعبه من قبل لا العبها ياشباب:أفكر:

كل واحد يقولي شئ مو حلو عنها

عاد خلاص عطوني شئ ايجابي يحمس للعب ;):biggthump

---

طريقة القتال وتغيير الوظائف...احلى شي رهيبين مرة :)

أخوي الكريم


أنت ما عليك من الأصوات ، أهم شئ اللعبة شغالة .... والأصوات مسموعة .

لكن تقول الجودة ماهي زينة ، والا الصوت بعيد والا شئ من هذا القبيل ، بالعكس المفروض منك ما تسمع الأغنية ولا الموسيقى بل يُحرم عليك تسمعها .


عشان كذا أنصحك تتجنب سماع الموسيقى في الألعاب وغيرها .



تحياتي

أبيخ جزء .....

بايخ بالثلث ....... بالتسع والعشر

طريقة القتال بايخه ... شنو هالكلام يونا ترقص من غير لا تحس بنفسها

وطريقة القتال ان الوحش ما ينطر تحط الحركه الى طاقك ...

لازم يستنى شوووي ... والرسوم عاديه ... فاينليي 10 .. احسن منه

حرام تشترونها .... بايخها ومالها معنى

اقتباس:

---

عشان كذا أنصحك تتجنب سماع الموسيقى في الألعاب وغيرها .

---

مشكوور أخوي عالنصيحة :biggthump ...

اقتباس:

---

أبيخ جزء .....

بايخ بالثلث ....... بالتسع والعشر

طريقة القتال بايخه ... شنو هالكلام يونا ترقص من غير لا تحس بنفسها

وطريقة القتال ان الوحش ما ينطر تحط الحركه الى طاقك ...

لازم يستنى شوووي ... والرسوم عاديه ... فاينليي 10 .. احسن منه

حرام تشترونها .... بايخها ومالها معنى

---

أهلين ..

بالعكس .. اللعبة رائعة مرررررررة وطريقة جديدة في فاينال فانتسي ...

وكلامك كله نقد على اللعبة ..

يعني بالعكس اللعبة مررررررة حلوة ..

بس الأصوات هي المشكلة:bigeyes: ..

مشكوورة على الرد :jester: ...

بالعكس لما تسمع اغنيه البداية بنظام الـ PRO LOGIC II مع Surround EX
حسيت بشيء ثاني
الاغنيه طالعه روعه مع النظام هذا
خصوصا طبعا شاشه عملاقه راح تدخل جو مع اللعب
كلها 10 الاف ريال و تضبط عمرك باحسن نظام مرئي و صوتي متوفر
اللعبه مسويتها سكوير علشان تخلي الناس ينتظرون لين تنزل فاينل 12
لانه كانت بدون 10 - 2 راح تمر سنه بدون فاينل فانتسي
و هنا عشاق اللعبه هذي يسببون مصايب للشركة
اللعبه ممتازه ... و تصلح تخلص إجازتك عليها
و انصحك اخوي انك تسمع الاغنيه مره ثانيه على نظام صوتي عملاق و بتشوف الفرق :أفكر:

اللعبة روعة..
لكن الأصوات لاتعليق -______-

صوت ريكو رايح بالبداية بالغصب تسمعه :bigeyes:
جملة What Can I Do For You سيئة..
والمغنية Jade اسوأ..يازين اغنية كودا كومي بالنسخة الانجليزية :أفكر:..

خل المقدمة على جنب .. المشكلة الفعلية هي الأصوات بشكل عام ..

أنا لاحظت ملاحظتين عليها أثناء اللعب :
- أن الأصوات تحس أنها بعييدة ..
- والصوت أحياناً مايتطابق مع حركة الشخصية .. يعني ينتهي قبل ماتنتهي الشخصية من حديثها أو يسبقه حتى ..

لكن اذا استثنينا مشكلة الأصوات (اذا اعتبرناها مشكلة) والرسوم المتوسطة .. تنتج لعبة ممتازة جداً ..

بالنسبة للاصوات...انتظروا لانترناشونال.
بالنسبة للعبة....اسطورة كلعادة. :biggthump

اقتباس:

---

المشاركة الأصلية كتبت بواسطة Guilty Gear X

بالنسبة للاصوات...انتظروا لانترناشونال.

---

اللي اعرفه ان الأصوات راح تكون انجليزية والكلام ياباني..وتقدر تغير الكلام http://www.webpost.net/me/memy/18.gif..

انا لا اعلم بالضبط,
لكن انشااله في اختيارات للغات بشكل شامل..يعني تغيير اصوات و كتابات
يصير انترناشونال 100%

امممممم ...

أوكيك انت غض النظر عن الرسوم و عن الجرافيك و الاصوات و عن كل يحزنون ...

حتى الاحداث لا تاخذ عليها ..

راح يبقى لك اسلوب القتال ... و افكاره

اقتباس:

---

طريقة القتال وتغيير الوظائف...احلى شي رهيبين مرة

---

اقتباس:

---

طريقة القتال بايخه ... شنو هالكلام يونا ترقص من غير لا تحس بنفسها

وطريقة القتال ان الوحش ما ينطر تحط الحركه الى طاقك ...

لازم يستنى شوووي ... والرسوم عاديه ... فاينليي 10 .. احسن منه

حرام تشترونها .... بايخها ومالها معنى

---

للاقتباس الاول اقول يجي منك عزيزي :jester:

الثاني اقوله روح قشر بصل :33:

أكثر من اعجب بهذا النظام عشاق فاينال فانتسي القدام ... هذا النظام اللي ظهر لاول مرة في FF5

نظام الوظائف .... روعة روعة روعة ... صدقوني انها تغطي على الاستدعاءات ( واصل للتشابتر الرابع و ما في استدعاءات -_- )

بالنسبة لان الوحش ينطرني و ما ينطرني بسيطة حط من قائمة Config على اختيار المعركة خليه Active ... و ما راح ينطرك الوحش اي مثل فاينال فانتسي 7 ( تقريبا )

عموما كان بودي اطول لكن عندي رسايل خاصة كثير و ايميلات لازم ارد عليها .. يعني بالقوة اخارج نفسي في ساعة واحدة -___-

والله انا لعبة البداية مره ما نسبتني اللعبة صراحة اصبت بأحباط اصلا بعد FF7 والثامن بدأ مستواى اجزاء FF في التراجع وبدأت اللعبة تسير اسهل ما سار فيها تحدي

اقتباس:

---

أكثر من اعجب بهذا النظام عشاق فاينال فانتسي القدام ... هذا النظام اللي ظهر لاول مرة في FF5

---

بالله كيف حلو ويونا قاعده تتمرقص مدري كيف

يعني فكرة الوظائف حلوه ولكن مو بالطريقة هذي

انا صراحة لعبة البداية وانصدت نفسي عن اللعبة ما ادري كيف بكملها الله يخلي كلاود وسكوال

وفي الاخير المسألة مسألة اذواق وكل واحد له رأية الخاص

صراحة..كلام الأخ Mr. Genius صحيح،في مشكلة كبيرة مع الصوت
الصوت قبل الصورة أو الصورة قبل الصوت ..ناسي

وأنا عندي سؤالين عن اللعبة:
1-ما تحس إن أصوات ريكو ويونا تغيروا؟
2-ما تحس إن اللعبة كأنها للبنات؟(في البداية فقط)


بس نظام القتال في اللعبة حلو جدا ومعقد كثيرا :jester:

انتوا ليش تركزون على الاصوات وايد

صح أن اللعبة بتكون ممتازة بالاصوات في موقعها المناسب

بس انتوا سفهتوا باللعبة عشان الاصوات

واشوف وايد من الاعضاء بطل يلعبها

أنا بالصراحة اشوفها ممتازة جدا :biggthump

اسلوب القتال عجيب مرة ويجمع بين جميع اجزاء اللعبة ( طبعا مو كلها )

والله اللعبة تستاهل :33:

هلا شباب

أنا لحد الحين ما لعبت اللعبة ، مع إني من أكثر (إن لم أكن أكثر) شخص ينتظرها ... و طبعا ما لعبت اليابانية علشان لا أخرب المتعة ...

أنا من يوم سمعت إن فيها نظام الوضائف ما قدرت أنام ... كل يوم أفكر فيها ... :D :D :D

و بعدين أنا وش علي من الموسيقي؟ صحيح هي تضعك في جو من الحماس ، لكن لو تذكرنا الأجزاء السابقة ، ما كنا نهتم بهالأمور ، أهم شيء دائما و أبدا القصة و طريقة اللعب ، لا الجرافيك و لا الصوت يأثر في تقييم اللعبة لدينا ...

اقتباس:

---

وأنا عندي سؤالين عن اللعبة:
1-ما تحس إن أصوات ريكو ويونا تغيروا؟
2-ما تحس إن اللعبة كأنها للبنات؟(في البداية فقط)

---

1- طبعا تغيروا أجل ليش أنا فتحت الموضوع ;) ...

2- تقدر تقول :tongue2: ..

اقتباس:

---

و بعدين أنا وش علي من الموسيقي؟ صحيح هي تضعك في جو من الحماس ، لكن لو تذكرنا الأجزاء السابقة ، ما كنا نهتم بهالأمور ، أهم شيء دائما و أبدا القصة و طريقة اللعب ، لا الجرافيك و لا الصوت يأثر في تقييم اللعبة لدينا ...

---

طبعا هذا أكيد ما يقلل من اللعبة ..

بس في نفس الوقت الموسيقى لها دور في اللعبة :biggthump

اقتباس:

---

1- طبعا تغيروا أجل ليش أنا فتحت الموضوع ...

---

صوت يونا وريكو ماتغيروا..نفس ممثلات الأصوات بالجزء السابق..
http://www.ffx2.com/hedy.jpg Character: YUNA
Actor: Hedy Burress


http://www.ffx2.com/tara.jpg Character: RIKKU
Actor: Tara Strong

http://www.ffx2.com/gwendoline.jpg Character: PAINE
Actor: Gwendoline Yeo

شباب أنتو نزلت عندكم اليابانية X AND X-2 عنا بالأردن لا هاي ولا هذيك نزلت لا يابانية ولا أنجليزي فا إلي من الأردن أرجو أنو يرد علي و يقولي إذا موجودة من وين

كما قلت سابقا .. أعيد و أقوله الحين :
أحس أن سكوير عندا تحاول تطلع لنا مستوى النسخه الانجليزية أقل من مستوى النسخه اليابانية :أفكر:





و لكن شنو نسوي .. نحاول نمشي حالنا بهالنسخه حتى تنزل لنا فف12 :31:

اقتباس:

---

صوت يونا وريكو ماتغيروا..نفس ممثلات الأصوات بالجزء السابق..

---

أخوي لو تعطيني المصدر يكون أحسن ..

وبعدين غريبة ليش أصواتهم كذا طيب في هذا الجزء ؟؟؟

يمكن حرارتهم مرتفعة شوي :tongue2: ..

اقتباس:

---

و لكن شنو نسوي .. نحاول نمشي حالنا بهالنسخه حتى تنزل لنا فف12 :31:

---

أنت قصدك من كلامك هذا أن اللعبة ما أعجبتك :33: ...

على العموم اللعبة صراحة رهيييبة وما تستاهل كل هذا النقد ...

وبعدين أنا أشوف إن الغلط الوحيد أو الأساسي هي الأصوات فقط ..

أما عن طريقة اللعب - القصة - الشخصيات ..... إلخ ..

فبالعكس 100% ..

(وجهة نظري)

اقتباس:

---

المشاركة الأصلية كتبت بواسطة Mr. Genius

أخوي لو تعطيني المصدر يكون أحسن ..

وبعدين غريبة ليش أصواتهم كذا طيب في هذا الجزء ؟؟؟

---

ادخل على المواضيع المميزة لمنتدى فاينل فانتسي واختار موضوع يونا بروفايل وطالع ممثلة الصوت لها ^^

في موضوع لشخصية ريكو كتبته قبل فترة بس نسيت احفظه عندي بالجهاز -__-
تحصله بالمواضيع القديمة للمنتدى ^^
وراح تلاحظ ان ممثلة الصوت نفسها..

يعطيك العافية أخوي Mesharey ..

ومشكووور وما تقصرر على المعلومة ..

بس عندي لك سؤال ؟؟

الصراحة أنت لاحظت التغيير في الصوت ولا لأ ؟؟

اقتباس:

---

المشاركة الأصلية كتبت بواسطة Mr. Genius

يعطيك العافية أخوي Mesharey ..

ومشكووور وما تقصرر على المعلومة ..

بس عندي لك سؤال ؟؟

الصراحة أنت لاحظت التغيير في الصوت ولا لأ ؟؟

---

تغيير بسيط (&)
ممكن بسبب سنيتن على اللعبة..أصوات الممثلات تغيرت..وممكن التسجيل الصوتي ماكان زين..
واسمي مشاري -___-

أهلين مشاري <----- كذا أحسن ..

طيب يعني أهم شي إن فيه تغيير في الأصوات إلى درجة إنها ما كأنها هي ..

اللي يدقق في الأصوات بيعرفهم زيين ..

اقتباس:

---

المشاركة الأصلية كتبت بواسطة Mr. Genius

أنت قصدك من كلامك هذا أن اللعبة ما أعجبتك :33: ...

---

العكس تماما ^^



اللعبة عاجبتني جدا .. و هي ممتعه للغاية لدرجة أنك ممكن تنهيها عشرات المرات دون الشعور بملل :biggthump

أغنية البداية رديئة :12: و كرستينا القديمة كانت أحسن منها تريليون مرة على الأقل موسيقى الخلفية كانت مثل اليابانية :31:

و الأصوات صراحة مهي حلوة مثل الياباني خاصة ريكو :bigeyes: ريكو كانت مضحكة في الياباني عكس الأنجلزي التي كانت ثقيلة دم :أفكر:

شباب انا مصدومه مصدومه من قلب
انا مو مصدقه ان اللعبه الي قاعدين تتكلمون عليها هي العملاقه فاينل فانتسي ولا تبررون انا نقدكم هذا لأكس-2 لأن لو تفكرون بتقولون و الله فيك الخير ياسكوير يوم نزلتي تكمله للجزء العاشر بس تصدقون احنا ما نستاهل دلع يبغالنا شركه تقول انثبروا سنتين خلونا نعرف نشتغل
بس سكوير نزلت الياباني بعدين ترجمته للأنجليزي فيها الخير
و الأصوات ماتهمني مادام انا قاعد افهم وش يقولون مو زي الياباني الي ماغير( هْي) يعني طيب و (ناني) يعني لا هذا كل الي فاهمته

لكن الغلطه الي ممكن اسميها في فاينل فانتسي اكس-2 :
انه تم اصدار الأصوات باللغه اليابانيه بعكس العاشر الي نزلت على طول بالأنجليزيه و مترجمه للياباني و لي لعبناها انترناشنل
لكن في فف اكس-2 نزلت بلغتين و بأصوات مختلفه و عودنا مسامعنا على أصوات الشخصيات بالياباني لكن الأنجليزيه تغير الوضع و صارت الأصوات تختلف و هذي الغلطه الي من الغريب ان تقع فيها شركه عريقه مثل سكوير و الي فتحت مجال للمقارنه بين نسختان لجزء واحد و خلت الاعبين يتخلون عنها و يظهرون عيوبها و الفروق بينها دون النظر الى عمق القصه الي تحملها هذي اللعبه
و الشئ الي يقهر بعض الأعضاء ان مافيه أشرار يعني عندك السابع كان فيه سيفروث و الثامن كان فيه أيديا و سيفر و العاشر كان فيه سيمور لكن اكس-2 وش فيه ؟؟ اقول لهم ألعبوا اللعبه زين خصوصا بالأنجليزي و أفهموها بعدين نشوف
و اخيرا ان ماهمني لو اش ما كانت فاينل فانتسي و لا همني اصوات الشخصيات بعيده و لا قريبه اهم شئ اني ماراح اتخلى عنها زي ماتخلى عنها بعض الأعضاء و بصراحه انا على شوق احر من الجمر في أنتظار اللحظه الي ألعبها فيه و لايهمني عيوبها البسيطه و عشان فاينل يرخص كل شئ

تقبلوا تحياتي :biggthump
yuni

انه تم اصدار الأصوات باللغه اليابانيه بعكس العاشر الي نزلت على طول بالأنجليزيه و مترجمه للياباني و لي لعبناها انترناشنل
العاشر لم ينزل على طول انجليزي.

ياباني ثم انجليزي ثم انترناشونال, هذا هي الطريقة منذ زمن بعيد وربما منذ تاسيس الشركة.

شرير فف10-2 واضحين,
1-لوبران المنافسة, مثل سيفير.
2-شيون لاسباب شخصية مثل اغلب الاشرار.