معاناة بنت جتني بالايميل تعالوا نشوف وش هالمعاناة
وصلتني هالمعاناة بالايميل ابي رايكم بعد ماتقرونها
السلام عليكم ورحمة الله وبركاته
>يا هلا ومرحبا ............
>عندي مشكله نقدر نقول عنها انها مشكله اغلب البنات والعيال
>
>ألا وهي مشكلة ( صب القهوة .. وما ادراك ماصب القهوه )
>
>قبل لا اطرح المشكله واظهر الحقائق والخفايا واكشف الاوراق
>
>خلوني اسألكم سؤال : ليش لاجونا ضيوف لازم نشربهم قهوه ؟
>
>ليه يعني مايشربون ببيتهم بعدين يجون لمنا ؟ طب ليش مايجيبون قهوتهم معهم ؟ وكل واحد يصب لنفسه ؟
>
>ليش وليش ولمازا هزا يحدس ؟؟؟؟؟
>يعني تجيني امي وتقول : بعد المغرب بيجونا حريم .
>
>اقولها : منب طالعه لهم مالي نفس .
>
>تقووول : تراهم مهب ميتين عليتس بس مين اللي بيصب القهوه ؟
>
>يوووووووه صارت عندي حالة نفسيه من صب القهوة
>
>لاني اذا باصب القهوة لازم اول البس وطبعا عشان البس قبلها ابلللط ساعة
>
>قدام دولابي اختار خلقنّه من بين خلاقيني .. همن استشور شوشتي
>
>هذا غير المكياج يووووووووووه مشوااااااااااااااااااااااااااااااار
>
>شي ثاني وهو اني ادخل على الحريم وانا ماسكه القهوه مدري احط القهوه
>
>على الطاوله وادور اسلم !!!!!!
>
>والا ادور اصب القهوة واسلم بنفس الوقت !!!!
>
>والا ادخل اسلم بعدين اروح اجيب القهوة !!!!!
>
>بعدين انا مدري اصب بالدوووور من اليمين والا اروح لاكبر وحدة !!
>
>سـألت امي هالسؤال وقلت بكل غباء : يمه اصب بالدور والا لاكبر وحدة ؟؟
>
>وصدف ان مر أخوي وقال : صبي بالدور تدرين ليش !! عشان الحريم
>
>كلهم صغار مايكبرون خخخخخخخخخخخ
>
>قلتله : يعني عادي محد يقول هالبنت هبله ؟؟؟
>
> >>>>>>>>> هالسؤال يدل على الهباله الملازمه للعقل
>
>قال اخوي : لا .. انتي ما ينشره عليك لانك هبله ؟؟
>
>خخخخخخخ ياحبيله اخوي يستخف دمه >>>> يهزئها وتضحكله
>
>نرجع لموضوعنا
>
>صب القهوة شي مهب زين ات از نت نااااااايس
>
>لاني اصير اطامر بين الحريم ومايمديني اخلص الا فيه وحدة خلصت فنجالها
>
>وتأشرلي امي .. صبيلها .. يعني من جد عذاااااااااااااااااااااااااااب
>
>هذا غير لامني صبيت لوحدة واقولها : سمي . تقول : لا مابي
>
>اقول بيني وبين نفسي : هاهاها تحسبيني بأترجاك .. شربتيها والا عساك هاهاها
>
>بس يجي صوت امي ويحطم علي متعتي واحلااامي
>
>: ( وش بك ماتقهويتي ؟ طيب اخر فنجال ... )
>
>ياربييييييه .. وتجلس امي تحايل فيها وانا واقفه آكل هواء
>
>( وجعن يوجعك ان شالله .. مدي ايدك خوذي الفنجال والا قسمن عزمن لا اصبها عليك )
>
>V
>V
>
>هذا انا اقوله بيني وبين نفسي
>
>والشي اللي يقهر بعد انه لاصارت وحدة تسولف
>
>بنص السالفه تأشرلي اختي ( وحدة خلصت فنجالها قومي صبي قهوة )
>
>اقوم انا أأشرلها بعد ( ليش ياعمتي !! وراه ماتصبينلها انتي ؟؟ )
>
>ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل
>
>مايضرها لو صبرت شوي .. خلاص بتموت اذا ماصبينالها على طول
>
>لا نكون نشتغل خدم عند ابوها وانا مدري
>
>عاد كله كوم واذا جوكم ضيوف فاضين كووووووووووووووووم
>
>يجلسون يعزمون على بعض والله ان تاخذينه انتي لا والله انتي
>
>طيب وانا اللي واقفه محد فكر فيني . والا عشان اصب القهوة صرت صفر على الشمال
>
>اصابعي مولعه من الحرررارررة وهم جالسين يعزمزن على بعض
>
>وقتها يجيني شعور اني ودي اصب القهوه على روسهم واقول لا انتي ولا انتي
>
>محد بيشرب قهوة .. خلالالالالالالالالالالالالالالالاص
>
>والا لاجت وحدة تميلح وتقوم تمسك الدله وتحاول تفتحها وتناظرني
>
>يعني تعالي .. وجعععع وشوله اللقافه لازم يعني تتقهوين وتطفحين عشر طعش فنجال
>
>واروح لمها واقول : ( هاتي عنك ) . تقول : ( لاه عادي ) ..
>
>اقطعي واخسي تراني منب اترجاك هاتي الدله اقووول
>
>بس تبين تصيرين سنعه قدام الحريم ..
>
>وععععع الللللللله لا يعيده من موقف شعووور شين
>
>شي ثاني لا مننا قلنا (( تفضلوا العشااااء ))
>
>آآآآآآه و آآآآآه ثم آآآآآه مدري وش يصير فيهن !!!
>
>والله العظيم ترانا قلنا تفضلوا للعشاء !!!
>
>يقعدون يسولفون ولااااااااا على بالهم وكل وحدة تحط بجيبها مو بس حجر
>
>الا اثقااااااااااال وجبااااااااال وتلال وبحوووووووور
>
>وعلى بال مايمشون او بالاحرى يتسحبون من الغرفه الى المقلط
>
>يااااااااي طيب اذا ماتبون تتعشون وش مجلسكم لوقت العشاء ؟؟
>
>((( سؤال مههههم يطرح نفسه )))
>
>عاد انا جتني فكرة اننا نقولهم قبل لا يجهز العشا بنص ساعة
>
>تفضلوا للعشاء >>>>> يازينك ساكته
>
>والا مايقومون الا لما اروح عند وحدة وحدة واقولها تفضلي
>
>ماباقي الا ابوووس رجلينهن واترجاهن تكفون تفضلوا للعشاء
>
>مير ودي اترجاهم واقولهم لا عاد تجون لمنا انا مااحب العزايم اللي ببيتنا
>
>اكرررررررره العزايم اللي ببيتنااااااااااااااااا
>
>اكرهااااااكرهااااااكرهااااااااا
Re: معاناة بنت جتني بالايميل تعالوا نشوف وش هالمعاناة
مشكووووووووووور عراوي ترا مو فاهم شي :)
Re: معاناة بنت جتني بالايميل تعالوا نشوف وش هالمعاناة
Re: معاناة بنت جتني بالايميل تعالوا نشوف وش هالمعاناة
Re: معاناة بنت جتني بالايميل تعالوا نشوف وش هالمعاناة
اقتباس:
المشاركة الأصلية كتبت بواسطة ..cRaZY CAR..
وش يعني معــــــــــانـــــــــات
انا اتوقع هي الي غنا عنها ابوعبدة
يالليل خبرني عن امر المعاناة
Re: Re: معاناة بنت جتني بالايميل تعالوا نشوف وش هالمعاناة
اقتباس:
المشاركة الأصلية كتبت بواسطة BIG BOSS 3
وش الخلاصة ؟؟؟؟؟؟؟؟؟؟؟؟؟
من وجهة نظري الخلاصة هي زوجة الخلاص :tongue2:
يعني كلهم تمر
:biggthump :biggthump
Re: معاناة بنت جتني بالايميل تعالوا نشوف وش هالمعاناة
صب القهوة فعلاً عذااااااااااااااااااااااااااب :mad:
يوم ندري انا واخواتي ان احد بزورنا او عندنا عزيمة..نتقاسم ونسوي جدول فلانه عليها كذا..وعلانه عليها كذا :D
الحمد لله ان امي ماهي من النوع اللي يخاصم قدام الخلق..مو مثل جدتي تعطيك محاضرة وتفشلك قدام الخلق :31:
وماعندها غير كلمة:صبي صبت عليك قيامة
واذا غلطنا وصبينا لخالتي..تقول الرجال اول مو الحريم..:31:
الحمد لله انا دائما اتهرب من صب القهوة :biggthump
واقولهم صغير القوم خادمهم :tongue2:
