جبل قارة الموجود في مدينتي الطيبة "صورللجبل"

يقع هذا الجبل بالأحساء
جبل القارة هو منطقة سياحية شرقي مدينة الأحساء على بعد 12 كم من الهفوف
وهو على مساحة قاعدتها حوالي 1400 هكتار (مادري كم كيلو متر تطلع )

الجبل محاط بالمزارع والنخيل الخضراء الجميلة
إرتفاع الجبل 70 متر بس
وأهم شي يميز الجبل أشكال صخوره من الخارج
والكهوف والمغارات الموجودة بداخله حيث تصل درجة الحرارة في بعض الكهوف الى 20 درجة مئوية وأقل ( في الظهر في فصل الصيف )
وفي الشتا يكون العكس حيث يكون ادفىء من الخارج
قبل كم سنة طلعو إشاعات عن وجود جن في الجبل وكثير من الشباب قام يدخل برامج الرسم
ويقعد يدمج صور مع صور الكهوف ويبيع الصور كل وحدة ب 10 ريال :biggthump
لكن كلها طبعا إشاعات
إسألوني أنا :)

الجبل جميل وصراحة يستاهل الزيارة وخاصة الكهوف الموجودة داخلة حلوة

الآن أترككم مع هذه الصور

صورة خارجية
http://www.alhsa.com/alqara/1.jpg

من الأعلى
http://www.alhsa.com/alqara/2.jpg

صورة مع منظر النخيل المجاورة
http://www.alhsa.com/alqara/3.jpg

أشكال الصخور
http://www.alhsa.com/alqara/4.jpg

مجري للماء في اوقات المطر
http://www.alhsa.com/alqara/5.jpg

صورة قديمة لقرية القارة
http://www.alhsa.com/alqara/6.jpg

صورة قديمة أوضح شوي (وتظهر النخيل المجاورة في الصورة )
http://www.alhsa.com/alqara/7.jpg

كلمة ختام
الجبل جميل لكن يحتاج شوي عناية من الحكومة وبعض الإستثمار

هلا بو عبد الرحمن .......صور جميلة صراحة و مناظر طبيعية رائعة .....



لكن .....





الا ترى معي ان هذا الموضوع مكانه هو منتدى السياحة و السفر ؟؟؟

فقط للتذكير لا اكثر ....!!

أولا مشكور أخوي كايتو على ردك الحلو والسريع

وثانيا ماكنت أدري أن موقعه مو هنا
وأتمنى أي مراقب هنا ينقل الموضوع

وآسف على الخطأ
وأشكرك أخوي كايتو على التنبيه

:bigeyes: :bigeyes: :bigeyes:
تبارك الرحمن
ماشاءالله والله بلاد تفتح النفس الله يديم عليكم نعمة المطر و الخضر يا رب :)

مشكور أخوي master seymour على ردك

بس ترى الخضر خفت مو زي أول

وكان في منطقة الأحساء عيووون كثيرة
بس شقول ، أكثرها نشفت والسبب منهو .........

السلام عليكم

والله الاحساء مدينه اجمل من انها توصف

واجمل مافيها انها هادئه جداً...............واهلها طيبين

بخصوص اشاعة الجن.....
اذكر اني شفت صور عنها.........وانقطعو الناس عن الجبل فتره

الف شكر لك اخوي بوعبدالرحمن على الموضوع والصور


تحياتي.......MG4

صدقت أخوي MG4
وأشكرك على ردك الطيب

وبالنسبة للإشاعة ، حتى مسجد جواثا ، طلعوا إشاعة أنه فيه جن
يالله ماعلينا ، كل هل السوالف كانت من زماااااااان ، أنا أتذكر سالفة مسجد جواثا يوم كنت في صف أول متوسط
وأنا ألحين متخرج من الثانوية......

ماعلينا ، مشكور أخوي على ردك مره ثانية

مشكوور يا بو عبد الرحمن على الصور الرائعة :)

والله منطقة سياحية تحمس:biggthump

انت وين ساكن ؟ :D

وشو سالفة الجن ؟ :bigeyes:

اقتباس:

---

وشو سالفة الجن ؟ :bigeyes:

---

يقول لك وقتها كان في ولد عمره 17سنه راح هناك
دخل كهف من الكهوف بروحه
بعد نصف ساعة سمعوا صرخة له
قاموا الناس يدورون عليه ما لقوه
بعد ثلاث ايام
والبدر مكتمل سمعوا صرخة الولد اياه
دوروا مرة ثانية عنه
بعد15يوم سمعوا صرخة الولد نفسه
ماتوا الناس من الخوف

في يوم من الايام ولد عمره 14سنة دخل بالصدفة الكهف اللي دخله الولد
كانت الساعة وقتها 10بالليل
مناك الولد صرخ صرخة
لحقوا عليه الناس وهو داخل الكهف يبكي
قالوا له وش فيك؟
قال:شوفوا هناك...

ما بكمل القصة لانها مرعبة :bigeyes:

ــــــــــــــــــــــــــ

ثانكس بو عبدالرحمن على الموضوع:biggthump
وذكرني اذا بروح السعودية اروح هناك:biggthump

العفو أخوي KJF

أنا ساكن بالأحساء

وسالفة الجن وهي :
يقولون أن رأوا جن في المنطقة
حتى أيضا قالوا أنهم قدروا يصورونهم

كلها أكاذيب لاتورح ولاتجي

اقتباس:

---

يقول لك وقتها كان في ولد عمره 17سنه راح هناك
دخل كهف من الكهوف بروحه
بعد نصف ساعة سمعوا صرخة له
قاموا الناس يدورون عليه ما لقوه
بعد ثلاث ايام
والبدر مكتمل سمعوا صرخة الولد اياه
دوروا مرة ثانية عنه
بعد15يوم سمعوا صرخة الولد نفسه
ماتوا الناس من الخوف

في يوم من الايام ولد عمره 14سنة دخل بالصدفة الكهف اللي دخله الولد
كانت الساعة وقتها 10بالليل
مناك الولد صرخ صرخة
لحقوا عليه الناس وهو داخل الكهف يبكي
قالوا له وش فيك؟
قال:شوفوا هناك...

ما بكمل القصة لانها مرعبة

ــــــــــــــــــــــــــ

ثانكس بو عبدالرحمن على الموضوع
وذكرني اذا بروح السعودية اروح هناك

---

الله يقطع شرك يابويند :09:
شل الكلام هذا :bigeyes: ، فهمت قصدك :أفكر: ، الله يخس إبليسك :mad:
مشكور على ردك الحلو :biggthump

تقبل تحياتي :ciao:

اقتباس:

---

الله يقطع شرك يابويند :09:
شل الكلام هذا :bigeyes: ، فهمت قصدك :أفكر: ، الله يخس إبليسك :mad:

---

صرصور عليك:D
شفيك انت:p ؟
شكلك مب عارف انا وش اقصد وقاعد تخف دمك:09:

اقتباس:

---

مشكور على ردك الحلو :biggthump

تقبل تحياتي :ciao:

---

وصلت:ciao:

أنت ماينفهم لك :D
يبيلي أجيب معجم ، على قد ياللي عندي من معاجم :bigeyes:
مانفع وياك ولا معجم :tongue2:

ثانكس على ردودكم المنعشة :D

نسيت ماأقول لكم شباب
المصدر:منتدى الأحساء

يا رجال تحتاج لك على الاقل 7معاجم عشان تفهم 5كلمات:tongue2:
ولا حتى طبيب نفسي يعرف حالتي:D

اند ويلكم;)

اها

هذي هي سالفة الجن :33:

مشكور يا بو عبد الرحمن على الاجابة :)

واما انت يا بويند :mad:

وش النهاية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابي اعرف !! :(

boind2003
اممممممم ، أنت ماينفع وياك طبيب نفسي
يبي لك شيخ يقرأ عليك :tongue2: ، ماكثر الله منهم عندنا :D

KJF
الغفو أخوي ، وأحب أقول لك أن الصورة إنشروها على النت
بس ماأتذكر وين ، كانت عندي ، بس ماأدري وين راحت
وبالنسبة لأخوي بويند ، معليك ، الرجال فيها حالة نفسية عصيبة :D
مايلام عليها :D

تقبلوا تحياتي شباب :biggthump

شحلات الجمبل

تسلم على الموضوع

مشكور أخوي غير شكل على ردك

وآسف على تأخري في الرد ، لأني كنت مشغول مرررررررررره

بو عبد الرحمن

انت ما عندكم اجازة نص السنة:tongue2: ؟
يالله اشتقنا لك:D

اقتباس:

---

المشاركة الأصلية كتبت بواسطة boind2003

بو عبد الرحمن

انت ما عندكم اجازة نص السنة:tongue2: ؟
يالله اشتقنا لك:D

---

أهلييييييييين الطيب

أنا توني اليوم أفضى حق النت
كنت مشغول أشوي ، وعلى العموم أنا عندي إجازة أسبوعين إن شاء الله

وراح أحاول أكون متواجد كل يوم

ألحين أنا قاعد أقرأ بعض الموضيع وخاصتا موضوعك الرااااائع

تقبل تحياتي :ciao:

اقتباس:

---

المشاركة الأصلية كتبت بواسطة بوعبدالرحمن

أهلييييييييين الطيب

أنا توني اليوم أفضى حق النت
كنت مشغول أشوي ، وعلى العموم أنا عندي إجازة أسبوعين إن شاء الله

وراح أحاول أكون متواجد كل يوم

ألحين أنا قاعد أقرأ بعض الموضيع وخاصتا موضوعك الرااااائع

تقبل تحياتي :ciao:

---

لاتقوله موضوعك الرائع بيصدق عمره بعدين مب زين يا بوعبدالرحمن الولد مابييله رقاد الفليل

اقتباس:

---

المشاركة الأصلية كتبت بواسطة fulla

لاتقوله موضوعك الرائع بيصدق عمره بعدين مب زين يا بوعبدالرحمن الولد مابييله رقاد الفليل

---

أوووووووووووه ، ماشاء الله :bigeyes:

فلة في موضوع من مواضيعي ، والله شيء طيب :)

حياج الله في الموضوع المتواضع

وبالنسبة لكلامك
لووووووووووووووول
الله يقطع شرك ، بس ترى مافهمت هذي "رقاد الفليل" :31:


تقبلي تحياتي :ciao:

الله يحييك وليش مستغرب ترى مواضيعك مثل المواضيع الباقيه اذا مواشيعهم رائعه فحتى مواضيعك رائعه

يعني انا اقصد الولد من فرحته من كلامك وخاصه ان انت قتله موضوعك الرائع ماراح ينام الفليل يعني ماراح يجيله نوم من الفرح

أيييييييييييييي :D
هههههههههههههه :09:
الله يعينا عليج :biggthump
مشكورة على التوضيح

ومشكورة على مرورك على الموضوع
بس عسا قرتي الموضوع عدل :tongue2:
وعسا عجبك الجبل :33:

لا امبلى قريته وحتى جفت الصور والصور حلوه وانا ولا مره جايفه صور جي للجبال عندنا اهني بالمارات يمكن شي بس شويه وما اظن بعد جي بس كشخه والله

والعفو

ونسيت اقولك ويعيني عليك :biggthump

أمممممم

زين زين

هذا الجبل حلوه في الصيف والشتاء
في الصيف بارد ، والشتاء دافي

على العموم ، ألللف شكر على ردودك الحلوه ، وعلى مرورك على الموضوع

وخلينا نشوفك دوووم :)

ان شاءالله ان شاء الله

خلاص ولايهمك اجل بسنتر في مواضيعك 24 ساعه

اخاف يتحول موضوعك لجات واخربه

شكرا لك اخوي بو عبد الرحمن على الصور الحلوة

و ان شاء الله نزور الاحساء و نشوف جبالها الحلوة على الطبيعة :biggthump :D

مشكووور جدا على الصور

جبل رائع جدا وفعلا يستحق الزيارة

جبل فنان تشكر على الموضوع

Hinata-sama
العفو أختي ، وحياج الله في أي وقت :)
وشكرا على مرورج على الموضوع

اوستن
العفو أخوي ، وحياك
أنت قريبا جدا من الأحساء ، يعني بإمكانك تجيه في الأجازة :biggthump
حياك في أي وقت ;)

بـوسنيده
العفو أخوي ومشكور على مرورك على الموضوع :)

فولة! :bigeyes: مستحيل! :bigeyes: يا الهي! :bigeyes:

فولة انتي هوون؟ :mad: ليش ما قلتي لنا؟ :31:

ولكم باك :D وفي انتظارك بالترفيهي ;)