خلاص...خلاص...بقول القصة...بس لا احد يزعل...فاهمين...ولا احد يقول القصة سخيفة..

اولا القصة صارت امس...في مجمع صحارى...(معليش انا ما اعرف الا اسواق الرياض)...

المهم...اللي صار ان (داج) و(علوش) راحوا امس بالدينة لصحارى...((يشترون ثياب))...كأن ما فيه محل يبيع ثياب الا في صحارى...

علوش على نياته قاعد يدور محل علاء الدين حق الكمبيوتر....

بس داج..ذيب...((لا تصدقون))...

عيونه ما تطيح الا على البنات...واذا وحده قالت له شي يقول(احسبك وحده تقرب لي)...احسن تصريفة:p :p ..

وداج قاعد يدور على قريباته...شاف وحده....
=========================
معليش على القطعة بس الكلام اللي بقوله تحت يندرج تحت بند الخيال الخارق...يعني لا تصدقونه بأي شكل من الاشكال...

=========================
وش كنت اقول؟؟..

ايه تذكرت...شاف وحده...اعجبته...وداج ما يعجبه الا المزاج...

وقال...علوش شف ذيك...

علوش:وش القصة...خليني ادور المحل...ترانا راجعين بكرة...

داج: اقول..ناظر هذيك اللي مع صديقتها...

علوش: (وهو يناظرهم)...وش فيهم........بس اقول...هذي الوجيه اعرفها..((كيف شاف وجيههم ما ادري))...

داج: اقول ورهم ضروسك...تراهم يناظروننا...

علوش: بس انا متأكد اني شايفهم من قبل...

داج: اثقل..تراهم جوا...طلع جوالنا..((عندهم جوال مشترك))..

علوش: طيب..((ويطلع اريكسون القديم اللي طوله مترين))....

ويجون البنات...

اهلين داج..اهلين علوش...

وش اخباركم......

مين طلعوا.....
----------------------------
في الحلقة القادمة.... :p :p :p

كخخخخخخخخخخخخخخخخخخخخخخخخخخخخخخخخخخخخخخ:D :D :D :D
الله يرجك حلوووووووووووووووووووووووووووووووه يا هووووو متى الجزء الثاني يا نواااااااااف؟؟؟؟

ههههههههههههههههههههههههه


إذا المسأله فيها دجوووو وعلوش ....



أجل خربانه خربانه ..... بسرعه الجزء الثاني الله لا يهينك :D

مين تتوقعون طلعوا البنتين.........؟؟؟

مشا الله قصه ميهب صاحيه شكلك تبغى تتنافس معاى بالقصص :)

و الله ما ادري حاس ان وحده منهم ديكستر لانك قايل لي انك بتحطني و ديكستر معي بس الثانيه ما ادري صراحه

حاولوا...

هم بنتين في المنتدى...مع بعض...توقعوا...:p :p :p

ما يصير...

28 شخض قروا الموضوع..

و6 بس اللي ردوا...

ترا كذا تحبطوني....:( :(

تعوووووووود عليها كذا الحال مع القصص انا حطيت قصتين و الله الي يردون على اصابع اليد و الله

حلوة يا نواف مرررررة.
اجل علوش ودجوووو ههههههههه .
متي الجزء الثاني ؟:D :D

ok....

بس عشان عيونك يا دجو...

===============================

خلينا نكمل...

توقعوا...مين طلعوا البنات...

سيلفي وياورد.....

داج شلته المفاجأة...

بس علوش رد:..اهلين بنات كيف حالكم...وش جايبكم للرياض...

سيلفي: ابد..بس يا ورد جاية تزورني وراجعه بكرة...

داج : (وهو معصب)....ابغى افهم..انا اللي شفتها من بعيد وحدة حلوة...وش قلبها لشكلك...

يا ورد: يعني وش قصدك..انا شينة...

داج: لا مو شينه...الا تروعين...انتي بس شيلي العباية...وبتلقين السوق فاضي...مرتاعين منك...

يا ورد: شف عاد..تراني ما اسمح لك..انك..تهيـــ...

داج: ههههه...ما بقى الا هالاشكال تسمح لي...اقول اذلفي بس...

علوش: هيه دجو هدي اعصابك...تراها ما سوت لك شي...

داج: كل هذا وما سوت لي شي...اجل اقعد اضبط لها كلام على كيفك...واحرق اعصابي...وآخرتها تطلع يا ورد....

سيلفي: تراها ما غلطت عليك...انت اللي بديت بالسب...

علوش: خلاص خلاص...قفلوا الموضوع..((شديد))...ما صار الا الخير...

يا ورد:لا يا حبيبي..اجل اخليه يهين جمالي واسكت له...((واثقه من نفسها))...

سيلفي: اقول...شوفوا...مين هناك...
==========================
مين طلع....بتعرفون في الحلقة الجاية...:D :D :D

كخخخخخخخخخخخخخخخخخخخخخخخخخخ........حلوه ذي كثري لي منها اخخخخ يا قلبي عورني من الضحك اسرع لنا بالجزء الي بعده نواف و الي يرحم امك ماني قادر اتحمل زياده باموت من الضحك هاهاهاهاهاهاهاهاهاهاهاهاهاهاهاهاهاها:D :D :D :D :D :D :D :D

يوة اطلعو سيلفي وياورد ههههههههههه
متي الجزء الثالث (الله يخليك حطة الحين ابغي اعرف مين هذا)

كخخخخخخخخخ لازم نكون مع مجريات لبقصة ونقول كخخخخخخخخ


الا نواف الموضوه مو حقيقي والدليل انو ما فيه كخخخخخخخخخخخ



حلوة القصة ههههههههههه أقول دجو كل هذا يطلع من وراك وان الي احسبك ........



لا تصدق عمرك :D

مشكووووورييين كلكم...والله اثلجتوا صدري...((يعني خليتوني انبسط))...

بس اصبروا علي شوي......:p :p :p

ألف ليله وليله لـــnaf

بأكمل...
=================
مين لقوا....

ارفين...و سورا....الخاينة...جحدت سكوال...

ياورد: وش قاعدين يقولون...

داج: الحين وش القصة...الحين اللي اعرفه...ان سورا خطيبة سكوال...

علوش: الخاينة...انا اوريها شغلها..((ملقوف بقوة))...

سيلفي: لا لا...اصبر شوي...خلينا نتأكد...

داج: يعني كيف نتأكد...

سيلفي: يعني نسمع وش يقولون...

يا ورد: اش...خلوني اسمع...

داج: نعم...ما بقى الا هالاشكال تسكتني...

سيلفي وعلوش(مع بعض): اشششششش...اسكت خلينا نسمع..

داج: بس عشان علوش.....((المسكين تفشل))...
------------------------------------

سورا: وش فيك خايف...

ارفين: لا بس اخاف يكون احد اعرفه هنا....

سورا: لا تخاف انا متأكده ان ما فيه احد......>>>((نصابه))...

ارفين: وس رايك نروح لمكان ثاني انا منيب مرتاح لهالمكان..

سورا: لا تخاف...خلك رجال...يعني تخاف من سكوال...

ارفين: ايه...وانتي ولا كأنك مسوية شي....

سورا: خلاص طيب خلينا نروح...
------------------------------------

داج:افا...والله ما توقعتها منك يا سورا....

ياورد: طيب خلوا الكلام بعدين...خلينا نلحقهم.....((عرق اللقافة اشتغل))...

داج: اقول اسكتي...بلا لقافة....

علوش:بصراحة معها حق....

ياورد: لا يا داج... انا قصدي...شريف...انا ابغى اعرف...عشان سكوال....

داج: ما بقى الا سكوال تبغين مصلحته...اقول...خلي اللقافة عنك...

سيلفي:اقول بتروح ولا رحنا وتركناك...

داج: طيب طيب...

============================
تعبت...اكمل لكم بعد شوي....:cool: :cool: :cool:

كم ل ... كمل ....كمللللللللللللللللللللللللل :)

حلووو يا حلوووووو كمل

ما تلاحظون ان القصة صارت كأنها فلم مصري........:p :p :p

ههههههههههههه
اقول نواف من ين تجيك هذي الافكار؟
متي بتكمل القصة؟

فيلم مصري مع نكهه هنديه الزبده يلا كمممممممممممممممممممممممل

اقول داج.....

وين علوش.؟؟...

كمل ...و بس

علوش يسمي عليك حط رااااااسه من زماااااااااااااااان بدري عليكم يا هوووووووو

طيب باكمل...
============
بعد ما طلعوا....

يا ورد وسيلفي...ركبوا...في سيارتهم...والسواق....سنورلاكس...

وعلوش و دجو....ركبوا الدينة....

بررررررم...بربرببربربر....برببحبحبحرب.....((ترىهذا صوت السيارة))...

ما اشتغلت...

داج: بسرعة...دق على DR ابليس....

علوش: (وهو يطلع الاريكسون)...طيب...

علوش: الو...اهلين DR...وش الاخبار...هاه...بشر...

داج: (اخذ منه التليفون)....اقول لك متأخرين يا الدلخ...تقعد تدق السالفة....الو..اهلين DR...بسرعة...تعال لنا..في صحارى...البوابة(2)...

ما امده يسكر السماعة الا و DR ابليس....واقف عنده ومعه المكسيما حقته...

DR: هاه وش القصة....

علوش: الحق ذيك السيارة...بسرعة...

DR: منيب متحرك لما تقولون لي القصة من اولها((مسوي شدة))...

داج: ((وهو يصفقه على راسه))...اقول...بتمشي ولا مشينا بدونك...

DR: طيب......

المهم.....وصلوا ارفيت وسورا للفيصلية...ودخلوا...

سيلفي ويا ورد وراهم...

وبعدين...داج وعلوش و DR....

علوش: (وهم يدخلون)...اقول داج وش تتوقع اللي بين ارفين وسورا..

................

علوش: دجو...

DR: وين راح له ذا.....

علوش..دجوووو......
====================
وين اختفى داج.... بتعرفون في الحلقة القادمة...:p :p :p

هاااااااااااااااااه ويني فيه؟؟؟؟؟؟؟؟?: ?: ?: ?:

دجووو وين رحت اكيد تلاحق وحدة اعترف :D :D

لا شكلي ضيعت و خشيت في حمامات الحريم بالغلط(ايه باين):D

معليش....بأرتاح شوي....

بروح اتعشي....قصدي اتغدى....او افطر....

المهم بروح آكل....

واذا لقيت في نفسي حيل...بجيكم....

بس الله الله بالرفع......

ابغى اجي القى الموضوع اول واحد....:cool: :cool: :cool:

ايه ان شاء الله

انشاءلله يا نواف كم نواف عندنا بالمنتدي .


دجوووو
اجل دخلت حمامات الحريم بالغلط .
صح تذكرت لاني انا كنت هناك موجودة .هههههه

اي صح كـ.......................... و الله حالتي ما تسمح اني اضحك شكلي باروح اناااااام تعبان من كل النواحي نفسيا بدنيا الي انتي عاوزته تلقينه

شوف الحين روح خذلك دش بموية دافية وروق واسحبها نومة ولا تخلي احد يقومك اوكي .

وانا....بعد....

تعبااااان....وابغى اناااام....بس دخلت عشان اودعكم.....

يله باي........:p :p :p

يلا باي .
كذا تتركوني لوحدي.

داج جاني بلاغ عنك انك متحرش في سستر
اقول لا تخاف نيف حقوق النشر محفوظة لدى علوش
من انتاج: داج اضاءه: De تاليف : نيف اخراج : مدري
بس السالفة فيها إن و لن و كي ... إلخ
المهم ابي السالفة خالصه لا تتاخر في كتابتها....((:D طرار ومتشرط :D ))...

ههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههه
والله قصه حلوه مررررره كمل الله يخليك يا naf


موتني من الضحك


معليش انا متأخر شوي بس مو مشكله
:D :D :D :D :D :D

ههههههههههههههههههههههههههههههههههههه
ههههههههههههههههههههههههههههههههههههههههههه
ههههههههههههههههههههههههههههههههههههههه
كمل كمل يا ناف

ناف عزت الله رحت فيها ادخل موضوع شباب بنات صوتوا
محطمينك فيـــــه الله يعينك :D :D :D

اقول....

انا الحين منيب فاضي...

مضطر اروح...

معزوم في استراحة الساعة 2....

خلوني افضا لكم...

والله لأطلع ريحتكم....:cool: :cool: :cool:

سواق :D

هييييييييييه سولجير اي بلاغ و اي سستر ابو الشباب صاحي انت و لا مع الرقده خبطت الكيبورد و انت ما تدري و صار الي صار

هههههههههههههههههههههههههههههههههههههههههههههههههههههههههههاي

رهيييييييييبه...توي ادري ان دمك خفيف...ماشالله عليك:) كمل كمل الله لايهينك

على فكره الحين انتم تنادونه (نواف)

وش دراكم ان هذا اسمه؟؟ يمكن اسمه (نايف)!!

مداخله او ملاحظه اخت سيلفي في موضوع اثناء غيابك كان يسالونا ليه مسمي نفسك بهالاسم و الاخ ناف صرح لانه اختصار اسمه نوااااف و السلام عليكم

آها....احم...طيحت وجهي:o :o :o

اووووووووووووووووه:واو: ما دام الدعوى فيها تطييح وجه اسحبهاااااااااااا خلاص

كخخخخخخخخ خلاص خلاص سكر الموضوع اخاف يجي اسواق ناف الحين وياكلنا:D

أخصصص
طلع أكل لحوم بشر

كخخخخخخخخخخخ حلوه اسواق ناف و هو الي يبي احد يرفع موضوعه و احنا جالسين نرفع موضوعه الحين:D

للترفيع

ههههههههههههههههااااااااييييييييييييي هههههههههاااااااااايييي ههههههههااااااااااييييي هههههههههههاااااااييي الله يرجك يا نواااااااااااااااااااااااااااااااااااااافففف



رهييييييييييييييييييب ههههههههاااااااايييي



:D :D

==========


ملاحظه ::


تصدق يووم اقرىى قصتك اتذكر منول يوم كاان سيلفااار و ميل سي و فاااس وو ووو و ..


يكتبوون قصص و واحد يجي يكمل هههههههههااااااايييي .


المهم ..


ورااك مخلييييني دلخ هههههههههههههههههههههااااااااااااااااااااااايييي



























لا ابد خذ راااحتك بس تذكر انا عندي سكوتر ههههههههااااااييي


و على فكرة ياللي يقووول اني رحت و حطيت راااسي من زماااااااااااااااااااااااااااااان


بسلامتك انا مواااصل لما السااعه 5 و بعدها طفشت و نمت ليه!!!!


لانه و المتوقع واحد طلع ناشب في جهاازي معد قدرت ادخل على النت و جلست اطلالع افلام = اجاااار هههههاااااي المهم لاتنسى تكمل اخوووووي نواااااف ابدااعااتك


الا يا سيلفار


انتبه ترى فيه ناااس بيحطمووونك هههههههههاااااااوووي :D

مشكوريين كلكم....

والله كبر راسي....

وبكمل...بس اصبروا علي شوي....:p :p :p

ياولد .... ايش الفن هذا كه



موضوعك رايق بقوه بس عندي سؤال وين سكوال المسكين و وين الهيئه ؟؟؟؟ ?: ?:

اقول شباب....

وين سورا...

ما ردت....

لا تكون زعلت....:cool: :cool: :cool: ...

نواف الله يخليك كمل القصة.

طيب بكمل
=================
وين وقفت...

ايه....في الفيصلية.....

يوم دخلوا وما لقوا دجوو...

المهم علوش خاف عليه وراح يعلم البنات....

علوش: اقول بنات...ترا داج اختفى...

ياورد: احسن...فكه...

سيلفي:..لا يكون انخطف بس....((متأثره بالافلام))...

ياورد: الله يسمع منك...ههههههه...

DR; ترانا من جد نتكلم...

ياورد: نعم يا اخوي....وش قطة الوجه ذي...متى المعرفة...

DR; مقبولة منك....انتي ياورد...صح...

سيلفي: اقول خلينا ندور على داج...انا اخاف يكون انخطف...((متأثره بقوة بالافلام))...

راحوا يدورون...ويدورون...ويدورون...وبعدين قالت سيلفي...

شباب مب هذا هو...اللي مع البنت...

علوش:خليكم منه انا اتفاهم معه....

طبعا داج قاعد مع البنت....ومشتغل نصبات....

داج: داريه ان عندي سيارة اودي tt....بس ما احب اركبها...معطيها صديقي...

البنت:.هههههه--->((ضحكه بدلع))....ما شا الله شكلك غني...

داج: يعني...بس مب مليونير--->((مسوي فيها متواضع))...

داج: دارية انك خفيفة دم........آآآآي....

علوش: (وهو ماصعه مع اذنه)...الحين انت هنا وحنا قالبين عليك السوق...

داج: انا بس اسألها عن الساعة.--->(ما يعرف يصرف)...

علوش: والساعة اللي معك وش فيها....ولا لازم ساعة بنت...

داج: ((وهو يكلم البنت))....معليش بس هذا اخوي...تأخرت عليه...

علوش: طيب طيب...يله....شكلنا ضيعنا ارفين وسورا....

داج:..وين البنات...لقيتوهم ولا لأ....

علوش: هذولي هم....قلعدين يراقبون....
=====================
تعبت بعد شوي بكمل....:p :p :p ..

حلوة يانواف انا كنت متوقعة ان دجوو يلاحق وحد لكن ماتوقعتة ينصب .

حلوه القصة

وعن سورا ثراها قاريه الموضوعلكن ما تبى ترد......تعرف ليش لانها راضيه بالقصه هههههه

ويا ديكستار عرفنا ان القصة حلوة

ياهووووووووووووو:D وو

خلصت القصة ولا بعد ؟?: :D ?:

ما ادري...

انا اشوف ان القصة طولت....ولا وش رايكم...?: ?: ...

ايه والله...حتى انا اشوف اني طولتها حبتين....

بس اشوف رأي الشباب....

أقول كمل بس بلا طولت القصة ولا قصرتها كمل

اقول كمل بس وما عليك من احد

ههههههااااي اخسسسسس يالفله ..



اما عن طولت ايه بس ما درينا ايش النهااايه لكن حط جزء ثاااني و كمل فيه القصه

كمل والى يرحم والديك ما طولتها ولا شي ولا عليك منهم.

ياحبيبي يانواف منتا شايف إن القصة طولت والله كأنها مسلسل مكسيكي
ترى رقبتي توجعني

يا نواف
مادام القصة إسمي فيها لازم تكمل ( واحد يتمنى أن إسمه ينكتب في قصة)
ههههههههههههه
كمل و على مسؤليتي
-------------
يا عاشقة
كيف تسمينه مسلسل مكسيكي هاذا مسلسل صناعة وطنية ( يغطي على المكسيكي )

للرفع
حتى ما يتغبر

حسبي عليك:غضب:

مالقيت غير هاللون اللي يوجع العيون عشان تكتب به القصه؟؟؟:غضب:

كمل كمل....بس مهوب بلون فسفووووووري زي اللي تو!!

اقتباس:

---

كتب العضو (سيلفي2065)
حسبي عليك:غضب:

مالقيت غير هاللون اللي يوجع العيون عشان تكتب به القصه؟؟؟:غضب:

كمل كمل....بس مهوب بلون فسفووووووري زي اللي تو!!

---

زين ليش العصبية ؟؟ بسيطة يا سيلفي 2065 . ظللي عليه وينتهي الموضوع:D :D

لا وع ماابي اضلله....بعدين يطلع شكله غلط

للرفع.

للرفع . :cool:

للرفع
:D

هههههههههههههههه .... حللوووووووه


للرفع :D

كخخخخخخخخخخخخخخخخخ كمل الله يرجك:D ::D :D :D

بس خلاص . ضرب السقف . خلووه ينزل شوي .

للنزل :D

اقتباس:

---

بس خلاص . ضرب السقف . خلووه ينزل شوي

---

ما تكسر:D

اقتباس:

---

كتب العضو (danger)


ما تكسر:D

---

ينكسر راسك بداله انشالله قول آمين

اااااامين

بس ليش انت عصبت:D

عادي مو معصب :p :cool:

ياهوووووو.....مو معصب.......ياهووووووو:D

انا شايف انكم قلبتوا الموضوع زعل ورضى....

ايه صح....نسيت اقولكم....(كيف الحال)....انا توني راجع للبيت....طالع انا والسهران....((رحنا نسهر))...


المهم انا طولتها شوي..بس وش اسوي...انا اذا تحمست....ما يوقفني شي...:p :p :p

يلا عيل كمل القصة:D

حي الله نواااااااااااااااااااااف وينك اخلص و الي يرحم والديك قاعدين على احر من الجمر

الحمدلله علي السلامة يانواف عسي تونست .
اذا اية :كمل القصة و اذا لأ:هم كمل القصة.

عيد القصة من أول .

نواف وينك.
علي قولت نوال:
للصبر قالوا حدود................يامصبر الموعود.

يلا احنا نحتريك.

عيد القصة من أول .

اقتباس:

---

كتب العضو (evilneverdie)
عيد القصة من أول .

---

محد عطااك و جه المرة الاولا و انشاء الله محدج يعطيك وجه للمرة الثاانيه


:D :D















لاتزعل ........ :)

نواااااااااااااااااااااااااااااااااااااااااااااف
وينك ؟

شكله راح نام نواااااف كخخخخخخ وينك يا اخوي؟؟؟؟؟؟؟

اصبروا علي شوي....

قاعد اجهزلكم الحلقة الاخيرة....

لازم تكون طويلة....وان شا الله حلوة....

على فكرة....انا ما شفت لا سكوال ولا سورا ولا ارفين....محد منهم رد...:cool: :cool: :cool:

خلاص . عيد القصة من الآخر .

اقووول ما بقي الا ترووحوون تضربون الولد احسسسن هاه

خلااااص...ان شاالله بختمها اليوم...لأنكم بصراحة ازعجتوني...((طرار و يتشرط))...
=================

المهم...بعد ما تلاقوا كلهم...عند الكوفي شوب العائلي... اللي في الدور الثاني...((اللي في الرياض يعرفها))....وقعدوا يتسمعون....

ارفين: الحين حنا لحالنا...

سورا: ايه...

ارفين: وش فيك مكشرة...

سورا: مسكين سكوال...

ارفين: خليك منه...ترى ما كان يبغى منك الا الاودي....

سورا: وانت ما تبغى مني الا المكسيما....صح؟؟...

ارفين: بس المكسيما ارخص من الاودي..---->((ما عرف يصرفها))...

سورا: يعني انت طمعان فيني---->((متأثره بالافلام المصرية))...

ارفين: لا لا...لا تفهميني غلط....

سورا: لأ انا خلاص زعلت....((تبغاه يراضيها))....

ارفين: بالطقاق يطقك....فاهمه...تراني احسن واحد ممكن ياخذك...محد يقبلك...انا زين مني اني قبلتك+المكسيما....


---------------------------------------
داج: اقول....تراها قفلت معي..شكلي بروح اجلدهم اثنينهم....(مسوي شدة)

DR وسيلفي وياورد وعلوش(مع بعض): رح...محد ماسكك....

داج:..(طاح وجهه...عرفوا انه خايف)....بس انا ما ابغى مشاكل...((انواع التصريفات))....

ياورد:....هههههه...انا بروح اعلم سكوال....اخليه ينفقع من القهر....آآآ....قصدي لازم اعلمه...عشان ما ينخدع بسورا...((غطت على داج بالتصريفات))....

علوش: انا لازم اوريهم شغلهم....بروح اتفاهم معهم...مين يجي معي...

سيلفي: انا بتفاهم مع سورا...وانت مع ارفين....

DR:...وانا....مقعديني سواق بينكم...

علوش: انت اقعد مع ياورد وداج... انتبه لهم...لا يتضاربون...

ياورد: وش شايفنا...بزران....

داج:...ايه انتي بزر...توك تدرين...

ياورد:...احترم نفسك....انت رح ناظر في المراية...وبتلقى بزر...
-------------------------------------



نرجع لسورا وارفين...اللي قاعدين في مهواشتهم العاطفية...

وفجأة....يطبون عليهم علوش وسيلفي....

علوش: هذي آخرتها...كذا تسوون مع سكوال...

ارفين: اقول علوش..كيف الحال...وش جابك للرياض...

علوش: بيت امك الرياض.....(اجي متى ما ابغى)...بس لا تطلعنا عن الموضوع..

سيلفي: والله ما توقعتها منك يا سورا...كذا تسوين في سكوال...

سورا: اهلين سيلفي...وش فيكم...وش القصة...

علوش: (وهو مولع)...كل هذا وتقولون وش القصة...والله انكم غريبين...

ارفين: علوش حبيبي...ودي اعرف وش فيك معصب؟؟...

علوش وسيلفي: كذا تخونون سكوال وتتقابلون من ورا ظهره...((من جد صاير فلم مصري))...

سورا:هههههههههه....والله انكم ضحكتوني....ههههههههه..

علوش:....وش فيك....انهبلتي...

ارفين:هههههههه..خلاص..هههههههه..هأهأهأ...بطني بينفجر من الضحك...

سيلفي: انتم تستهبلون....او انهبلتوا...

ويدخل عليهم في ذي اللحظة...DR...ومعه ياورد وداج....مجرجرهم مع اذانهم...

DR: اقول...هذولي الاثنين ما ينفع معهم شي.....جننوني....

ياورد: مين قال انك عاقل...

داج: كخخخخخخخخخخ...

ارفين:هاهاهاها..ما شاء الله...الشلة كلها هنا...ههههههه....

سورا: بما انكم كلكم هنا...بقول لكم شي بيضحكم...

سورا: شكلكم ما دريتوا...اني انا وسكوال انفصلنا من زمان..((الظاهر انكم ما تقرون مواضيع naf))----->مسوي دعاية...

سورا:وبعد سكوال...خطبني ارفين...وقبل شوي فسخنا الخطبة....

ارفين: يعني مشورتكم كلها على الفاضي...ههههههههه...

داج: يعني كل هذا اللي سويناه...راح عالفاضي....والله حرام...راحت الليلة علي في سالفة ما لها داعي...المفروض اغازل...آآآ...قصدي اروح البيت..

ياورد: والله قهر...يعني سكوال...داري بالموضوع....راحت علي ...المرة الجاية بقهره...

DR: باي شباب...انا رايح...مشغول شوي...(((نصاب)))...

سيلفي:اقول علوش متى راجعين للظهران...

علوش: بكرة الصبح...وانتم...

سيلفي:..وحنا بعد بكرة الصبح..خلينا ننام...اصرف لنا...ورانا قومة بدري...
=======================



هيييييييييييييييه....خلص الفلم...قصدي القصة....باركولي شباب....:p :p :p

حلووووووووووووووووووووه يا فلته كخخخخخخخخخخخخخخخخخخخخخخخخخخخخخخخخخ:D :D :D :D
تسلم لي على هالقصه و الله

حلووووووووووووووووووووووووووووووووووه مرررررررررررره يسلم مخك يانواف .
الى متي القصة الثانية(استحليتها)

مشكوووريييين....وبس...خلاص...اخيرا.....خلصتها.....:p :p :D :D :cool: :cool:

مشكور + مبروووك + ابدعت اخووووي نواااف



اقووول يالدجه وش راايك نسقط قصه انت تكتب شوي و انا شوي هاه



التفااصيل على الخااصه



:D :D

و الله تعزم بو ععليش قداااااااااااااااااااااااااام ويش وراناااااااااااا ارسل لي على الخاص بالتفاصيل و تنفاهم عليها ان شاء الله

طيب خلاص ابشر انا لما تشبك معي اقلك البدااايه هاه ايش قلت

OK...

بس انت ابدا وانا معك....





....موضوعي...تعدي ال100 رد.....محد قدي.....:D :D :D

تقصدني انا و لا نواف؟؟؟؟انا اجل يلا رووووووح عطنا الي عندك يا هووووووووووووووووو

اقتباس:

---

كتب العضو (داج2222)
تقصدني انا و لا نواف؟؟؟؟انا اجل يلا رووووووح عطنا الي عندك يا هووووووووووووووووو

---

حدد....مين...انا ولا هو....?: ?:

احد يرد علي.....

الو....

نواف ترا كلنا متجمعين في موضوع دجوووو حياك معنا.

ما ادري يا ناف بس كأنك نسيت واحد اممم ما ادري من انت قل لي!
انا ما هجرتكم يا شباب انا اقرأ كثير وما احب اشارك معاكم لأنكم ما تجيون سيرتي
((احســـــــــــــــــــــن :D ))

متى الجزء الرابع ؟

اي جزء رابع الرجال يبي يرتاح شووووي كخخخخخخخخخخخخخخخخخخخ

اي والله .

شخبار ما يطلبه المتصفحوووووووون ؟ ( داش عرض )

يا رجال طاح سوووووووووقها شكلي باسوي لها ترفيع للمره الاخيره و اشوف ان حاني احد زين و ان ما جاني احد طقاق كخخخخخخخخخخخخخخخخخخخخ

رهههههههههههههههههييييييييييييييييييييييييييبة .........
و نبغى قصص (افلام) ثانية

اقتباس:

---

كتب العضو (evilneverdie)
متى الجزء الرابع ؟

---

انت شكلك استحليتها.....

انا ان شاالله بكتب قصة جديدة....((صدقت نفسي))

بس خلوني ارتاح شوي....:p :p :p

اقتباس:

---

كتب العضو (naf)




انا صدقت نفسي))

....:p :p :p

---

صراحة تستاهل الاوسكار . :) بس التصويت خذلك :(

مشكوووور...


هذا الكلام اللي يشجع...


وان شاء الله اليوم...بقول قصة جديدة....:p :p

للرفع....

:D

:cool:

:p

;)

:)

?:

:واو:

:o

اسلوبك رائع يانواف:)

مشكور عالقصه الحلوه:)

مشكور سيلفي....

بس ما قلتي لي...

وين يا ورد....

في بيتها...قاعده تاكل تمر وتشرب لبن!!


لا امزح....بصراحه مدري...يمكن اختها جت لمهم اليوم وقاعده معها...يعني لاتستعجل..هذي حزه دخولها للمنتدى:)

يالله المستعان هالموضوع انا كل يوم اشوفه بس اتعيجز ادخله :D


قبل شوي سيلفي داقه علي تقولي عنه :D


وزبدة الكلام اني تعيجزت اقرى القصه


بعدين غصبت نفسي وقريته



بعدين









































اصبر





































بعد اصبر خلن اشرب الببسي :p

































بعدين الله يسلمك







































اكتشفت؟؟؟؟؟؟؟





































ان القصه :غضب:























































رهيبه ;)





((الظاهر انك بتشوتن )) :D

يا ورد
لا أجي و أمصع لك أذانك ( متأثر بالفلم )
هههههههههههههههههههه

كخخخخخخخخخخخخخخخخخخخ حلوه dr


يا ورد ارعبتي الرجال و في النهايه رهيبه كخخخخخخخخخخخخخخخخخخخخخخخخخخخخخخخخخخخخ

كوووووووووووووووح كحكحكحكحكححكح حسبي الله عليكم


شرقت وانا اشرب الببسي ...وانكب على الفرشه



كله من عيونكم



حراااام عليكم انا مااشربب الببسي الا بالسنه مره وبعدين ينكب :( :غضب: :(

انا الحمد لله الكووووووووكا في يدي يعني ما صكيتك العين انا جربي dr (كخخخخ ورطته)

هههههههههههههههاااااااااييييييي

اقتباس:

---

كوووووووووووووووح كحكحكحكحكححكح

---

هههههههاااااايي حسبته حاادث


يالله تعيشي و تكبي غيره ههههههاااااااييي

ابي ببسي .. :(


مالي شغل دبرو لي ببسي :( :(








وااااااااااع :( واااااااااااع :( اهي اهي

تامرين امررررررررر الثلاجه مليانه بس كيف اعطيكي اياه ايميل و لا فاكس كخخخخخخخخخخخخخخ

ههههههههههههههاااااااااايييي الله يرجك يالداااج هههههههههههااااايييي


نااااشب للبنت بالفااكس هههههههههاااااااييي و الحين رووح شووفها تلقااها ميته قهر ههههههههاااااايييي


يالله انا لو اشرب بيبسي كان ارسلت بالبريد هههههههههااااايي بس ما اشرب الا سفن اب 5 كل ليله