ملعب الكويت فاشل وشوفوا آخر الضحايا مين ؟؟

بعد ان أجريت له الفحوصات يوم أمس

رباط صليبي لفهد علي.. وغياب أربعة أشهر عن الملاعب

المدافع الإماراتي: أرضية الملعب هي السبب.. وماتشالا كان محقا


http://www.alyaum.com/imagesIssues/11154_6_1.jpg
فهد علي

سيغيب قائد منتخب الإمارات فهد علي الذي اصيب في مباراة الإمارات والسعودية أربعة أشهر عن الملاعب بعد ان اجريت له الفحوصات صباح أمس على موضع اصابته وتبين انه مصاب برباط صليبي في ركبته اليمنى.
وأرجع علي سبب اصابته الى أرضية الملعب, وقال انها سيئة للغاية وان سبب اصابته لم يأت من احتكاكه مع أي لاعب سعودي وانما كان بسبب ارضية الملعب.
ورفض فهد علي ان يكون خط دفاع الإمارات هو اضعف الخطوط وقال ان ظروف منتخب الإمارات في مباراة السعودية لم تكن جيدة, وليس فقط خط الدفاع.
مؤكدا ان الإمارات سيظهر بصورة مغايرة عن لقاء السعودية في المباريات القادمة.
وأيد فهد علي تصريح مدرب عمان ماتشالا قبل انطلاق الدورة في ان ارضية الملعب سيئة للغاية, وقال (هذا هو الصحيح, فأنا لم اتعرض لاصابة من هذا النوع إلا في هذا الملعب.

المصدر
http://www.alyaum.com/issue/page18.php?fldPageID=18

ـــــــــــــــــــــــــــــــــ

حرام والله الكويت تستضيف البطولة وتبدع في كل المجالات لكن ما يكون عندها ملعب ممكن ان يمارس عليه كرة قدم كان مفروض تعتذر او تصلح الارضية :vereymad: واتوقع ان يصاب المزيد من اللاعبين وان تستمر المستويات المنخفضة بسبب الملعب الفاشل.

ونتمنى السلامة للاعب فهد ونشوفه بعد 8 أشهر ان شاء الله :(


نعم 8 اشهر لأن الاصابة هذي تستمر لشهور طويلة وقد تصل لسنوات ومستحيل يرجع قبل 6 أشهر وتذكروا رونالدو ونواف التمياط كم جلسوا ؟؟ :أفكر:

الله يكون بعون اللاعب فهد علي .. راح يتأثر دفاع المنتخب الاماراتي بغياب احد اعمدة الدفاع في الوقت الحالي ..

اتمنى ان لا يكون هناك اي ضحية اخرى بسبب الملعب .. رغم ان التوقعات تشير لوجود اكثر من اصابة محتملة ..

بالتوفيق للابيض الاماراتي في بقية مبارياته ,,

والله الملاعب سيئة جداااااا

وأكيد اصابة فهد راح تأثير كثير على المنتخب الأماراتي

مشكور اخوي على الموضوع.........

يا اخوي كل بيت وفيه حمام

يعني كل بطولة ولها عيبوها ومميزاتها

الكويت ما عندها ملعب نفس الناس و ما عندها منتخب نفس منتخبات العالم و لاعبينها افشل لاعبين في العالم و اتمنى كل المنتخبات تفوز عليها و الله اكويت مو مال رياضه دوله غنيه ما عندها ملعب محترم و لا فريق محترم
تعبت و انا اشجع قبل شويه و اخر شي 2 -صفر و الله لو الجمهور ماسكين اللاعبين و الله قطعوهم
و في الملعب بعد الهدف الثاني كل اوت او كورنر حق الكويت جمهور الكويت ما يقصر مع لاعبين الكويت تحذيف بطول عليهم و قاعد يقولون حق اللاعبين طلعوا بره منتخب يفشل

اقتباس:

---

المشاركة الأصلية كتبت بواسطة opz box

الكويت ما عندها ملعب نفس الناس و ما عندها منتخب نفس منتخبات العالم و لاعبينها افشل لاعبين في العالم و اتمنى كل المنتخبات تفوز عليها و الله اكويت مو مال رياضه دوله غنيه ما عندها ملعب محترم و لا فريق محترم
تعبت و انا اشجع قبل شويه و اخر شي 2 -صفر و الله لو الجمهور ماسكين اللاعبين و الله قطعوهم
و في الملعب بعد الهدف الثاني كل اوت او كورنر حق الكويت جمهور الكويت ما يقصر مع لاعبين الكويت تحذيف بطول عليهم و قاعد يقولون حق اللاعبين طلعوا بره منتخب يفشل

---

اخوي كل منتخب وعانى من هالمشكة مو بس الكويت بس انشا الله تتعدوا هالمرحلة ويرجع الازرق لمستواه المعهود
لانو بصراحة حنا السعوديين نحب المنافسة وخاصة مع الكويت ولكن المنافسة الشريفة

عجبي
دوله مثل الكويت لا يوجد فيها ملاعب صالحه للعب فيها؟؟؟؟

والمشكله ان الماده متوفره فلماذا لا يوجد ملعب صالح للعب فيه

انا شاهدت الملعب وبالفعل سيئ جدا جدا جدا

فعلة سؤال محيرني من زمان ملاعب عمان وقطر والامارات افضل بمليون مرة عن ملاعب الكويت

ارضية رديئة جدا جدا جدا

والناس قاعدة تذم في دورة الخليج


ولكن للاسف سبب تدني المستويات هو الملعب نفسه

لول تعجبني دول الخليج,فكل بطولة عذر تدني مستوى جديد,مرة المدرب ومرة مافيه حماس ومرة الجو ومرة أرضية الملعب,ياخوان تقريبا دورة مسقط 13 كانت ءاخر دورات الخليج متعة,الباقي ملل X ملل وتضخيم اعلامي عالفاضي.

يا اخ xenosaga ما علينا من المستوى الفني


الارضية تعبانه والاعب اصيب ما اقول غير الله يصبره هالمسكين وش ذنبه ؟؟ يلعب على ارضية مثل الارضية السيئة هذي؟؟؟


خاصة واحنا دخلنا في عام 2004 !!

ياخي كان استأجروا سان سيرو او اولدترافورد

هذا دليل على عدم اهتمام الكويت بالرياضة عموماً

معاكم حق
على فكره قطر التي هي مستظيفه خليجي 17
طلبت من الكويت التبادل لأن ملاعبنا وكل شئ عندنا جاهز تقريبآ بس الكويت مارضت
وها هي تدفع الثمن فالكل يذم في اراضيها وفي البطوله المقام على ارضها :)

لا ملاعب قطر نظيفه ورائعه

وان شاءالله تنجح البطوله في قطر :biggthump

الدوخي ينضم الى الضحايا


شد في عضلة الفخذ بسبب سوء الارضية

يا شباب احمدوا ربكم

فكروا لو كانت البطولة بعد القادمة اي بعد قطر من سيكون المنظم ماذا لو كان اليمن بحكم انه جديد على البطولة


اتخيلوا كيمة الاصابات اللي راح تحصل

على الاقل اليمن منتخبه ضعيف "معه احترامي لها " واليمن ما عنها امكانيه لتعديل الملاعب

بس الكويت منتخبها المعروف ودوله غنيه " ما شاءالله " والملعبم مثل كذا :06: غريبه والله

والله ياشباب معاكم حق بكل كلمه قلتوها عن ملاعب الكويت :sad2:

يا شباب

أصلا الحكومه الكويتيه ماتهتم بالملاعب

هذا هو لاسبب

عدم لاهتمام بالرياضه الكويتيه :sad2:

يا ريفالدو صدقني ارضية ملعب اليمن انا شايفها قبل حوالي شهر في قناة اليمن لما كانوا يسون استعداداتهم للبطولة والله انها افضل من هالأرضية الي جالسين نلعب فيها في الكويت بدون مبالغة :ciao:

اقتباس:

---

المشاركة الأصلية كتبت بواسطة الرهـــيـــب

يا ريفالدو صدقني ارضية ملعب اليمن انا شايفها قبل حوالي شهر في قناة اليمن لما كانوا يسون استعداداتهم للبطولة والله انها افضل من هالأرضية الي جالسين نلعب فيها في الكويت بدون مبالغة :ciao:

---

نسيت مباراة الهلال مع الفريق اليميني في ارض اليمن

نسيت كيف كان شكل الملعب




اقسم بالله ملعب الحواري ارجل