تايدوس...هاذي نهايتك

..بس..انتهى اليوم و زيادة..لفيت كل المواقع الاوفيشال و اللي مهي اوفيشال و مافي شي!!!!!
ما اعتقد لك وجه تكتب في المنتدى يا تايدوس..مافي احد ينكر اننا بنخسر اخبارك...لكن اطلع بكرامتك قبل لا
يطلعك المشرف:غضب:

الأخ الحزين :(

إذا صرت مراقب ( افلقني وقتها ) ذيك الساعة اطرد تايدوس !!

بدون تايدوس المنتدى ما يسوى قرطاس تويكس !! و القديم كمان مو الجديد !!

يا اخ SAD
تايدوس مهوب منطرد الا اذا سرت مراقب .واصلا انا ما لاحظة في كتابة تايدوس انه اساء لاحد .واخيرا
تايدوس من أفضل الاشخاص الذين يجلبون الأخبار

ايش????

تايدوس قاعد رضيت او ما رضيت

ما رضيت دق راسك في الجدر

الله يهديك دحين تكتب موضوع عن واحد يجيب الأخبار أول بأول أقول راجع نفسك

بصراحه ....
انا مع إلي قالوه الشباب مالك حق تقول كذا!!!!!!!!!!!

بسم الله الرحمن الرحيم
مشكورين شباب على محاولتكم للرد على هذا الموضوع
لومينا فانتسي ;) دارك مان - die_hard - the_lion_heart - محترف الالعاب
لكن أنا برد بنفسي
أولا أعلن عن اللعبه أمس الساعه 9 بتوقيت طوكيو في غرفة المؤتمرات الخاصه بمقر سكوير سوفت
و قالوا كل التفاصيل الحاليه و المستقبيله الخاصه في اللعبه
بس أنا ما كنت ابي أحط أي موضوع يخص هذا علشان أنتوا مو ناس .......................... راح تكالوني بعظامتي :غضب::غضب: و أنتوا استعجلتوا معقوله سكوير تعلن يوم 19 ليلا و ينشر في نفس اليوم على الأقل أسبوع لين ينشر ولا أنتوا ما عندكم خبره في هذي الأمور

هدي أعصابك ياتايدوس تراهم مايستحقون رفع الضغط (تراني ما أقصدكم شباب انا أقصد بعض الناس)

ويا sad كل ذي الأخبار إلي يجيبها تايدوي مو ماليه عينك يعني إلى تبي تايدوس ينتحر عشان يملي عينك :غضب:

ياتايدوس خلاص . ليش انت تسمتر على الكذب . انت اعترف انه ما فيه فاينل فانتسي بالعربي وانك ما انتب مندوب وحنا خلاص نفتح صفحه جديده .

وبعدين لمعلوميتكم ترا تايدوس ما يجيب اخبار جديده كلها موجوده في النت اصلا . هو ما يسوي الا انه يترجمها .

عدل كلامك يا 2001!

( إلي ما يطول العنب يقول عنه حامض )
هذا المثل ينطبق عليكم يا رواعي العقول المنيره
أنتوا ما تفكرون بعقولكم تفكرون بشيء ثاني
الله أعلم وش هو
لكنه مبين إنه طاغي عليكم و مخليكم تتبعونه بدون ما تشوفون
للمعلوميه أنا قاري في اكثر من موقع أنه سكوير راح تحول فاينل فانتسي إلى خمس لغات مهمه توزع على خمس أقاليم مهمه على نظام البال
و قالوا إنها خطوه جريئه من سكوير أنها تترجم اللعبه و تخسر عليها هل القد ويمكن تربح ويمكن لأ
و إذا ما كنت غلطان أحد هذي الأقاليم الخمسه الشرق الأوسط يعني يمكن قصدهم إنه فيه فاينل فانتسي عربي غير الباقي

ليش اعدل كلامي يا x .
بعدين اي واحد بالدنيا يقدر يقول انا قريت بالنترنت انهم راح يغيرونه
ل(الرشق الاوسط ) اذا معك دليل صدقناك . واذا ما معك فالغبي بس هو اللي يصدق مثل هالكلام .

صح كلامك يا 2001 مرة ثانية


وتدري شنو يقول بعد ...يقول ان عندة ف ف 10!!!

وما عندة اي دليل مقنع!

فسر هذا الوضع

أولا
أنا ما قريت في الموقع أنه راح ينشرونه في الشرق الوسك أنا قريت إنهم راح يترجمونه على خمس لغات لخمس أقاليم وهذا هو الموقع
http://www.mmcafe.com/
وثانيا يا جلتي ليه ما يصير عنده فانيل فانتسي 10 ؟؟؟؟؟؟؟؟؟؟؟؟
حرام هي ولا كيف
والله عالم غريبه
عيني لازم أنت تحصله اول علشان غيرك يصير عنده هل اللعبه والله أنك تافه

انا والله ما اقدر ان اكذب اي طرف اللا اذا قام تايدوس باحضار شيء يثبت انه مع مايكروسوف...:)
قصدي سكوير سوف:)...

اهو لو حقا عندة ف ف 10

كان قدر احط دليل ويقص وجهي قص بس ما يقدر لانة ماعندة اللعبة‍‍‍‍‍‍

انسى ان ينزل ف ف 10 بيومين في الشرق الاسط‍‍‍‍

وانا لمن اشتري ف ف 10 هذا الاسبوع اقدر احط دليل ببساطة او اصور الدفتر الذي داخل ف ف 10

او احصل صور محد يقدر يجيبة لاني عندي اللعبة و...و,..و.,,..

يا جماعة، صفقوا لـGuilty Gear X لأنه راح يشتري FFX حتى يهدأ شوية?:
والله لو يعطوني اللعبة ببلاش ما آخذها يا Guilty Gear X، أنا مو مجنون حى أشتري اليابانية وبالتالي أخربط اللعبة كلها عليه؟؟؟ والله محترف حضرتك:D

اسمعوا يا شباب ...انا قلت اننا بنخسر اخبار تايدوس(اللي كلها موجودة في النت اصلا بشهادة الجميع)
و ما انكرت اهمية تايدوس في المنتدى ... و انت يا لومينا(حدك LS مستعمل)و يا die easy انا ما قلت اني انا اللي ابطرده...انا قلت انه يطلع بكرامته او يطلعونك المراقبين(بحكم انهم مكذبينك...بعضهم)..و ما قلت اني انا اللي بطرده..ومادام انك تدري انه ما راح يعلن عنها بنفس التاريخ اللي اعطيتنا اياه...ليه ما عطيتنا تاريخ بعد التاريخ المحدد و ما حطيت نفسك بالموقف البايخ ذا!:D

شو هالحقد والغيرة يعني تايدوس مندوب لازم تاكلونه اللي مو عاجبه لا ياتي لمنتدى FF محد ما يباكم والله هالموقع ما مشتهر الا بهذا القسم وتايدوس.
و انا اتحدى اي واحد فيكم لو فيه خير انه يكتب مواضيع مثل مواضيع تايدوس و الحين في عندنا منتدى FF في موقع اشواق صح يا شيفانا و راح نفتك من كم مزعجين امثالكم:غضب:

والله اللي أنا شايفه إنك انت اللي وقع في موقف بايخ جداً جداً يا sad.:D

خلوني اقولكم شي المنتدى بدون تيدوس ما يسوى قرطاس وانا اقووول انة تيدوس مندوب شركة سكوير سوفت واعطانا اكثر من دليل
ايبلينا اخبار اصلا موجودة في الانترنت انة اقوووول انة تيدوس المفروض يعطوونة المنتدى وسااام شرف لانة خدمنا ابوااييد اشياء واهوة مندوب شركة سكوير سوفت واذا قالي واحد عطني دليل اقوولة كل هالاخبار من وين اييبوهم ؟؟؟ اذا قالي من الانترنت اقووولة غلطاننن

تيدوس مندووب شركة سكوير سوفت واللي مو عاجبة ينتف حواجبة

احلف يا كول مان اني لو اقولك جيب لي ثلاث مواقع لاربي جي منت عارف!!!! الله لا يهينك رح ل:
www.alltheweb.com و سوو بحث ل: fainal fantasy و بتلقى اللي تبي..صور ..اخبار...
و للمرة المليون ..انا ما الوم تايدوس لانه يجيب اخبار..بالعكس كثر الله خيره..بس انه مندوب؟؟؟؟؟
و فاينل عربي؟؟؟؟؟؟?: ..ما طلبنا الكثير!!!بغينا الدليل و عطانا تاريخ وهمي..(الى وقتنا ذا)

إسمع يا SAD مع إنه هذا الكلام ما كنت ابي أقوله من قبل :
أنا توصلني واجد اخبار عبر البريد الإلكتروني و عن طريق موقع خاص بسكوير سوفت على الأنترنت و أعتقد شبكه بلاي أون لاين ما قصروا وراح يخلون نطاق هذا الموقع واسع في سبتمبر القادم .........
الأخبار إلي كانت توصلني كنت انشرها في هذا المنتدى قبل لا تدخلون أغلبيتكم و كانت تلقى نجاح ساحق و كانت تتحقق فورا بعد مرور أسبوع أو حتى شهر من تكلمي عنها ............
يعني هذا رد عليك في قولتك إن أخباري أخذها من مواقع عاديه على الإنترنت بس مع ظهوركم قمت اقلل من هذي الأخبار إلي توصلني على البريد وقمت أجيبها بنطاق ضيق أنتوا ما حسيتوا فيه وكنت استند على نصها من المواقع .....................
و إذا كانت عن تعاملي مع سكوير هو تعاملي معهم بعقود موجوده وموقعه من قبل الطرفين يعني لا أنت ولا غيرك يقدر يغير إلي صاير مهما قلتوا و مهما فعلتوا ................
و أبي أقول أنه مو أنا الوحيد في العالم العربي إلي يتعامل مع سكوير بنفس الطريقه هناك اثنين غيري واجهتهم نفس المشكله حقتي و حذروني منها أكثر من مره لكن هم كانوا شايفين نفسهم و راحوا يكتبون في منتديات امريكيه و لين ألحين يكتبون هناك أما أنا نطاقي مع المنتديات العربيه أكثر من الأمريكيه لأني كنت حابب أفيد محبي اللعبه العرب ما دامي عربي و احمل كل هذا معي و يوم سألتهم عن السبب خلف عدم تعاملهم مع العرب في المواقع و غيرها ردوا علي وقالوا العرب ما راح يتفهمون الوضع بسهوله و راح يطيحونك في ألف مصيبه و الواضح إن كلامهم مبين قدامي هنا .....................
أنا بسبب محاولتي الجاده في نشر أخبار سكوير عند العرب المهتمين في سكوير ساعدوني كثير لين وصلت لمرتبه كنت أتمناها كثير ...........
أخيرا : أنا ما همني كذبتوني ولا ما كذبتوني هذا كله موجود في الحقيقه بغيتوا ولا ما بغيتوا و أخر كلامي إنه هذا كله أقدر أحتكره لنفسي ولا يقدر أحد يستفيد منه غيري :غضب: :غضب: :غضب: :( ومو أنا الخسران

اقول يا تايدوس ما عليك منهم..................راح يعورن راسك

:D :D :D
شباب هدوا الوضع اذا انتم عشانه ماطل معكم مرة طبيتوا فيه اجل انا اللي لي شهرين معاه وش اسوي ؟
المشكلة انه قال بعظمة لسانه انتظروا تاريخ 19-7 لان سكوير تبي تعلن عن اللعبة في كل المواقع ..
و الحين وش يقول ؟
يقول انه من غير المعقول ان سكوير تعلن عن اللعبة في يوم و ليلة !!!! عاش المصرف :D
المهم تايدوس اكتب اخبار على كيفك و فعلا منتدى فاينل انت شمعته -باخبارك الحقيقية فقط- و ما اظن ان اي واحد يقبل انك تنطرد سواء كان ضدك او معك لكن على الاقل احترم مشاعرهم و لا تقول لهم اخبار الا و عندك ادلة حاضرة و ليست مستقبلية على العموم انا كنت متأكد 99% ان اللعبة العربية ما راح نسمع عنها الا من احلامك و الحين تأكد 100% :D
الرجاء من اي ملقوف انه ما يتدخل انا قاعد اكلم تايدوس و هو رجال يقدر يرد عن نفسه الا اذا كنتم تشوفون غير كذا .

اسمع يا تايدوس ... انا مقدر الوضع اللي انت فيه الحين...و لهذا السبب راح نصبر..اما اللي يقولون..(يا تايدوس ما عليك منهم..لانهم حاقدين...الخ الخ...)...انا ابفهم ...انتوا من اي منطلق تتكلمون؟؟؟؟هو واحد من اثنين: يا اما ان تايدوس وراكم الدليل و اقتنعتوا... او ان تايدوس بالنسبة لكم (الصادق الامين)..!!!?:

انت تعرف وشهي اللومينا أصلاً عشان تتكلم ؟؟؟؟؟
بعدين إنت كيف حكمت علي ان حدّي LS ومستعملة كمان ؟؟
لو بحلف ان كل ترحلاتك بين مقاهي الانترنت اللي تطل انت علينا منها هي كلها على تكاسي !!
ومو أي تكاسي كمان ،، القديمة الصفره !!

أقول خلّك في حالك ولا عاد تتحرّش في الأعضاء المحترمين مثل إمبراطور الآر بي جي تـــــايـــدوس !!
ولا عاد تغلط لإني الى الحين محترمك عشان الأعضاء ( المحترم منهم ) !!

و انتبه لنفسك :)

و ينك يا فنتستس اس اس ؟؟ تشوف المهزلة ؟؟

تحياتـــــــ للمحترمين فقط ـــــــــي

http://www.playonline.com/sounds/sou.../xcontents.jpg

على فكرة تايدوس اليوم23/7/2001 وماظهر شئ

الوقت يمضي والنكهة تبقى :D

وش فيكم يا شباب كل واحد حارق نفسه على سالفة ما تسوى ...
كلها كم يوم و يجي الخبر اليقين .. مع أني مو مصدق أنهم ينزلون فاينل فانتسي عربي !!! وليه ينزلون عربي ؟؟ إذا كان السوق العربي متركز في الشرق الأوسط اليي هو أكبر مكان فيه قرصنه للبرامج ... و غير كذا أن الشرق الأوسط ماهو سوق أصلاً ... وبعدين إذا نزل فاينل فانتسي عربي كم واحد عنده بلاي ستيشن 2 ؟؟؟ 10000أو 100000؟؟ ولو فرضنا أن 95% يخططون أنهم يشترون فاينل فانتسي 10 !!! إذا كانت نسبه الربح بالكثير 5% من سعر الشريط .. وإذا غطى التكاليف و الحملات الإعلانيه كم بيكون الربح للشركة ... وهذا بعد مانحسب تكاليف النقل لأنهم طبعا ماهم مترجمينها هنا ... و إذا حسبنا الجمارك اللي هي 7% (بالسعودية) وش يبقى للشركة وبعد خصم جزء من الربح للوكيل (هذا إذا بقى شي ) كم يبقى أكيد بيكون تحت الخط الأحمر (بمعنى الخسارة) فما أتوقع من شركة كبيرة أنها توافق على شي زي كذا .... من ناحية الخسارة المادية .. وبعد من ناحية خسار القيمة النقدية للسهم ... لأن الأسهم بتتأثر بهذي المغامرة اللي بتحول الربح إلى الأفلاس ولو قلنا أنه مافي ولا دولة من الدول الناطقة بالعربية بالشرق الأوسط في منظمة التجارة الدولية (ماعدا المملكة العربية السعودية ) اللي قدمت وأتخذت الأجراءات اللازمة للأنظمام للمنظمة ... و إذا حدث هذا فبيكون بعد 2 أو 3 سنوات ... يعني بعد ما تحترق اللعبة ... ولكن الشي الوحيد أللي يمكن يصير واللي أنصح سكوير سوفت أنها تسويه إذا كانت بتنزل فاينل فانتسي 10 عربي أنه يكون مدمج مع لغه ثانيه مثل العربي و الأسباني أو العربي و الصيني ... وهذا شي صعب جداً ... فهل تكسر سكوير شوفت جدار المسحيل .

Al Capone

بالضبط يا جلتي.......النكهة تبقى;)

اسف...اقصد ريفولفر
;)

انا ما ابغى اتكلم عن الموضوع...

بس حبيت اقول شي واحد....

لعلمكم ترى سوق الالعاب في الخليج فقط يسوى 60 بليون دولار يعنس تراه سوق قوي....:cool: :cool: :cool:

السلام عليكم


ههههههههههههه الحمدالله ان الرجال هملك ولا عطاك وجه يا SAD والمشكلة انكم منتو سا كتين لين ينتهي الوقت الي حدده يا خي وبعدين اذا انها الوقت والدليل ما جاء فا تكلمو ذاك الوقت ... :cool:

وشبكم على تايدوس تايدوس وش صلحلكم عشان تسبوه كل هذا السب

الي ماله داعي

ياشباب دعوا تيدوس في حاله الرجال صادق .......

يا نينجا...الموعد مر عليه اسبوع ..ما يكفي اننا صبرنا في البداية ...اللي علينا سوينا و هو اننا صبرنا...باقي اللي على تايدوس..الي هو الدليل..وبعدين يا اخ الخطير احنا ما سبيناه(السب كلمة كبيرة شوي;) ) احنا نقول(وين الدليل)بس بصيغ مختلفة.... و بعدين ليه ما تعلقون على اخطاء تايدوس؟؟؟؟يدخل بألف شخصية و لا واحد فيكم قال(لييييييييه)؟؟؟؟؟؟

يا sad أنت وش تقصد
يعني أنا و تايدوس شخصيه وحده
هذا إلي ناقص بعد

يا فينيل...الدنيا فانية..و 2*4=......8

انا ما اصدق انه الى الحين فيه اعضاء مصدقين انه فيه ffx عربي .
ياناس خلاص 19 / 7 ولا سمعنا شي . يعني اللي قاعد يدافع عن تايدوس في هالموضوع يستهبل .

انا ابي اعرف حد ضربكم على يدكم عشان تطيحوا في تايدوس يعني اذا انتو ما مصدقينه
وش ليكم فيه خله كل واحد يمشي في طريقه و خاصة عماد
انتو لا من محبي FF و لا حتى تلعبونه
فيعني افهموها اطلعوا من منتدانا وسيروا منتداكم
و يعني تايدوس ما قال انا مندوب عليكم غصب
اللي يريد يصدق يصدق و اللي ما يريد خله يزول و يفكنا من صدعته:غضب: :غضب: :غضب:

اقول اعصابك لا تقطع ...
انا ما طلبت منه انه يثبت هو مندوب و الا لا بالف طقاق ..
كل اللي طلبته هو اثباتات لاخباره فقط لا غير ...

انزين عماد انت وش ليك
المواضيع هاذي ما يكتبها لك هو يكتبها للناس اللي يحبون هاللاعاب
بس يا ترى انت اتحب هاللاعاب يا عماد?: ?: ?: ?:

يا لي انت تدري عن اي اخبار اتكلم ؟؟؟