كيف تعرفت على ميتل قير اول مرة ؟ واطرف الموقف التي حصلت ؟

بسم الله الرحمن الرحيم

نعلم ان عشاق ميتل قير كثيرين . . . وغالبية اعضاء منتدى الاعاب هم من عشاق ميتل قير . . .


وانت الان وانت تقراء عنوان الموضوع من المؤكد انك تذكرت اول لقاء لك مع معشوقتك ميتل قير:06: . . .


وتذكر مواقفك الطريفة التي حصلت لك وانت تلعب هذة اللعبة المجنونة . . .

وعبر هذا الموضوع اتمنى ان يشارك كل عشاق ومحبين ميتل قير في وصف ضروف اول مرة يسمعو عن شيى اسمة ميتل قير والذي لم يتوقعوا انة سوف يصبح معشوقتهم الاولى . . .


وسوف ابدا انا بوصف اول لقاء لي وهو لم يكن بسابق معرفة بل كانت صدفة :D . . .

اول ما اشتريت البلاي ستيشن الاول (الرمادي) جائني معة cd عرض ، وكانت به مجموعة من الاعاب ومن بينها كانت ميتل قير اخترتها لاجرب اللعب بها وبدأ عرض البداية وبصراحة اذهلني التصوير الرائع ، ثم انتقل التحكم لي بالعبة فبدأت اتخبط بالمسكين سنيك مرة اطيح بة في البحيرة الي جنبة لي يقرب يموت وبشق الانفس بعد محاولات عديدة استطيع النجاه واطلع ، وبعد ما طلعت اتجهت نحو اقصى اليمين لاتفحص هذا الشئ الي يدور واختة وانا مدري بعد ما اختة وين راح بس يلا ما علينا ، وشوي الا ويجي احد الجنود ناحيتي ويوم شفتة تقول اني شايف جنـي معد ادري وش اسوي ، ومع الربشة انطلقت جري نحو الجندي واذا بة يبادرني بأطلاق النار فعرفت اني رحت وطي وش اسوي ( على بالكم بأقاوم ولا بأضرب :31: ) كان اضغط على زر اكس وخليت سنيك الضعيف ينبطح على بالي اني تخبيت وخشيت تحت الخزانات كان يحشروه ثلاثه جنود ومافي يمي ارحميني ، بس في نهاية الامر ذبحوا سنيك الضعيف تحت البرميل ، ومن يومها وانا احس اني انما السبب في قتل هذا المسكين:02: :02: .


سبحان الله وين كنا وين صرنا . . .


اتمنى من الجميع المشاركة:reporter: وان لا نخجل من ذكر اي تفاصيل ، فلم يولد احد محترف . . .



وشكــــــــــــــــــــــــرا:ciao:

اول ما عرفت ميتل غير كان على جهاز صخر
وكنا نسميه كاموندو مو متل غير
واذكر اطرف شيء لما توهقنا بالسجن ما عرفني ماذا نفعل....الى ان ضربنا الحائط وتكسر وخرجنا...والله ايام :biggthump

أممممم
بالنسبة لي ماتعرفت عليها ألا على البلايستيشن 2

طبعا قبل ماأشتري البلايستيشن 2 ، سمعت بها في هذا المنتدى الطيب

وأول ماشريت اللعبة ، كانت ديمو ، لعبت فيها أشوي وخلصتها
بعد مالعبت هل الديمو ، على طووووووول قررت أشتريها نسخة أصلية وفوووووووووورا

والحمدلله شريتها أصلية ولم أندم ، وأنا إلى الآن ألعبها :)

وبعد ماخلصت هل الجزء ، وسمعت عن الجزء الأول وعن روعة القصة

فقررت أني ألعبها ، قمت أبحث عنها ، ولله الحمد وجدتها بسهولة وكانت متوفرة بكثرة ، على غير عادة محلاتنا :أفكر:

أخيرا ، أقول ألف شكر خيو سنيك إيتر على الموضوع الحلو

انا سمعت بها في مجلة عربية نسيت اسمها وسمعت انها تجمع بين ريزدنت ايفل ودووم !
واشتريتها وانصدمت ! لانها كانت افضل بمية مرة من ما توقعت !
اما اطرف المواقف فهي قبل اللعبة كنت اقرا مراجعة في مجلة GAMES MASTER للديمو طبعا وكانوا يقولون ان اهم شي في اللعبة هي انك كل 5 دقايق بتقول واااو انا ضحكت وما صدقت ولما لعبتها صدق من البداية ولما سنيك يفصخ عدة الغوص الين ما يطلع الشعار وهو رايح لنهاية اللعبة وكل حين اقول واااو !

واحلى شي باللعبة كان حبيب قلبي احسن رئيس في اي لعبة بعد (سفيروث) جري فوكس النينجا صوته يهبل مرة :D
مشكور على هالمواضيع الحلوة

أنا واحد من أصحابي في المدرسة دلني عليها

لكن الصراحة ما عجبتني

وجلست معاية قريب 4 شهور ما لعبتها

إلين واحد يوم قلت طفشااااااان شغلتها ولعبت شوية شويتين أتحمست وهكذا

اذكر ان في كل مكان يقولون ميتال جير و ميتال جير في المجلات و المواقع و الاصدقاء فمره نويت اني اشتريها فشريتها مع بيبسي مان (شوف الفرق) و الصراحة ما توقعت تكون بهالروعة تخيلتها مسدسات و بس لعبتها و خلصتها كانت دسكين تخيلتها طويلة وايد بس طلعت تمام.

اطرف موقف حصلي كثير بس ما اذكر عموما شكرا على الموضوع اخوي Snake Eater

Guilty Gear X : الف شكرا اخوي على مشاركتنا , على صخر يالله اكيد اني قلبت الماضي واكيد يوم تلعبها اليوم تقول وين كنا وين صرنا :05: . . .


بوعبد الرحمن : شكرا لك على مشاركتنا وتعقيبك الجميل احلا من الموضوع (لو انك ماخذ كوبي ب 15 ريال مهو باحسن ، بس تستاهل ميتل قير ) :biggthump . . .


VEETO : مشكور حبيب قلبي على المشاركة والتفاعل ، بس خلتك تقول واااو :bigeyes: ، اجل لو تشوفني يوم اغمي على وش كان تقول :06: . . .


BIG BOSS 3 : لو انا مكانك كان اجيب لصاحبي هذا بلاي ستيشن هدية ( بلاي ستيشن ون طبعا ) ، شكرا لك اخوي على المشاركة . . .


JAK7 : انت اخوي احد ضحايا شهرة ميتل قير ، بس يليت كل الضحايا مثلك يعني انت اصبت في اختيار ميتل قير بس( بيبسي مان) !!!!!!!!!! منجد فرق شاسع ، شرفت الموضوع اخوي بردك وتفاعلك الجميل . . .


مع تحياتي للجميع . . .

السلام عليكم.....

مشكووووووووور أخوي على الموضوع ....
صراحة تعرفت عليها عن طريق احد المجلات العربية .....في تلك الفترة ما اعرف اقرا انجليزي زين ....يله امش وطقهم وبس .....مافيه اختباء وراء الجدرانت ولا شىء ..

اتذكر قبل ان ابدا لعب ميتال جير (الاولى طبعا) كنت العب ريزدنت ايفل 3

شكرررررا على الموضوع الشيق مرة اخرى

عن طريق صديقي والله تعرف عليها خبرني عليها لكن ما كان عنده السي دي فسافرت لماليزيا واشتريت عدة سي دي وكان منهم هي ميتل جير سوليد واللعبة :biggthump

انا اشتريتها بعد ما قرأت عنها مليون مرة في مجلة ( ألعاب الكمبيوتر ) ..كل صفحة اقلبها لازم اقرا ميتل جير و ميتل جير حصلت على جائزة كذا و هذه اللعبة بالتأكيد لا تصل لمستوى ميتل جير .......

طفشت !! ...رحت المحل و صيحت فيه : هات ميتل جير خلصني !! ....

اول شي مليت من اللعب بس لما مشيت شوي شوي ادركت كم هي رائعة ...ميتل جير سوليد 1 .......وليس ميتل جير سوليد 2 !! .....

ولااذكر وجود اي طرائف اثناء اللعب :D

detective : اهلا فيك اخوي ، ومشكور على المشاركة والتفاعل:biggthump . . .

009 : اهلا اخوي وشاكر لك تفاعلك الطيب :biggthump . . .


كايتو : هلاااااااا والله حبيب قلبي ، فعلا ميتل قير اكتسحت المجلات بصورة مذهلة ، اشكرك اخوي على المشاركة والتفاعل :biggthump ، . . .




مح تحياتي لكم جميعا . . .

اقتباس:

---

المشاركة الأصلية كتبت بواسطة Snake_Eater

detective : اهلا فيك اخوي ، ومشكور على المشاركة والتفاعل:biggthump . . .

009 : اهلا اخوي وشاكر لك تفاعلك الطيب :biggthump . . .


كايتو : هلاااااااا والله حبيب قلبي ، فعلا ميتل قير اكتسحت المجلات بصورة مذهلة ، اشكرك اخوي على المشاركة والتفاعل :biggthump ، . . .




مح تحياتي لكم جميعا . . .

---

العفو حبيبي.......وفعلا ميتل جير كانت موضوع دسم للمجلات ......


بس عندي سؤال :


شو رح يكون شعور الاعضاء لما يجي اليوم اللي نقول فيه ( غدا رح تنزل ميتل جير سنيك ايتر ) ........

حد فيكم رح يقدر ينام ؟؟؟؟؟

والله لو بيدي ببات عندك المحل :biggthump

هلا شباب ......
اما انا فكنت اقرى مجلة العاب الكمبيوتر برضه لكن بالغلاف خلف المجله كان في اعلان انه العدد القادم الحل الكامل لافضل لعبة جاسوسيه .....
وانا ما اعرف اي لعبه جاسوسيه من قبل فقلت طيب يالله بجرب اخذ هذي اللعبه اللي يقولوا انها افضل لعبة جاسوسيه بشوف كيف تجي العاب الجاسوسيه ورحت واخذت اللعبه وروحت البيت وجربتها وقلت ايش هذي البياخه كلها يعني هذي افضل لعبه مش معقول ...
لالالالالالالالالالالالالالالا ابدا مش مقول انه هذي افضل لعبه جاسوسيه ايش من مجله هذي ....
او انه هكذا كل العاب الجاسوسيه مش ممكن ....
بعدين اللعبه كلها مربعات وبينها جنود مهمتك توصل لنقطة النهايه وتخلص المهمه.......

اكيد عرفتوا طلعت vr ميشين .....
والله مقلب اجيت سئلت الشباب في واحد من المنتديات قالوا لي انه اللعبه اللي معي ديمو ....
رجعت اللعبه للرجال وانا اسخط واخذت اللعبه الاصليه وروحت اجربها......
شغلت اللعبه وهنا بس عرفت ليش قالوا افضل لعبه جاسوسيه ....
الرسوم اللي ما كنت احلم حتى اني اشوفها بــps1....
والقصه الرائعه ....
والشخصيه الاروع بحياتي كلها الى الان....
يعني باختصار كانت اللعبه متكامله ....
وختمتها مره وثنتين وثلاث..
بعدين الجزء الثاني كنت متحمس له بشكل غير طبيعي خصوصا انه انا ما كان معي ps2دورت على اللعبه كمبيوتر لقيتها بعد شده وعلاج لكن يريد لها كرت شاشه 128 وانا اللي معي 64 وهذا زاد حماسي يعني قلت الرسوم بتكون قمه في الروعه
ولما اشتريت ال ps2اول لعبه ركبتها على الجهاز كانت ميتل جير 2 سنس اوف ليبرتي ...........
ويااااااااااااااااااااااه لو شفتوا وجهي لما شفت العروض ولما لعبت اللعبه ......
يعني انا اتسمرت قدام اللعبه قاعد تحت التليفيزيون على طوووووووووووووول....
وما خاب ظني بــ هيدو كوجيما يعني قمه في الابداع ...
وختمت اللعبه مره واثنين وثلاث واربع وخمس وست وسبع وثمان....
بدون اي مبالغه....
هذا اذا ماهو اكثر من ثمان مرات....
والان انا منتظر الجزء الثالث على احر من الجمر ..........
اموت والعب الجزء الثالث .......
يعني لو علي حكم اعدام (لا قدر الله) ويقولوا لي ايش تريد اخر طلب اقول لهم العب ميتل جير 3 سنيك ايتر واموت....
وخصوصا انه سمعت انه سنيك بيقتل بيج بوس بنهاية اللعبه ( اتشفى فيه :tongue2: )..........
لكن اللي يخلي الواحد يقهر انه في ناس يقولوا انه الجزء الثالث بيكون فاشل ....
اللي قال هذا الكلام الظاهر مش عارف انه اللعبه اخذت افضل لعبه منتظره لعام 2004 .............
لا وكمان يقول انه سنيك من اخص الشخصيات..........
ومعروف انه شخصيه سنيك من افضل الشخصيات(عندي افضل شخصيه) .........
وكمان الرسوم حق اللعبه قمه في الروعه والصور متوفره في كل مكان في المواقع في المجلات ....
واللي يقول انه الجرافيك مش حلو او مش قوي هذا ضروري يلبس نظاره ....
بس ايش نقول لناس زي هذولا الا انهم ما يفهموا في اللعبه .....
مع تحياتي:
الوالي11

اقتباس:

---

المشاركة الأصلية كتبت بواسطة الوالي11

وكمان الرسوم حق اللعبه قمه في الروعه والصور متوفره في كل مكان في المواقع في المجلات ....
واللي يقول انه الجرافيك مش حلو او مش قوي هذا ضروري يلبس نظاره ....
بس ايش نقول لناس زي هذولا الا انهم ما يفهموا في اللعبه .....
مع تحياتي:
الوالي11

---

بشو احلف لك انه كان بيمزح معاك ؟؟؟ :D :D :D

والله كان يمزح معك مو اكثر :biggthump

كايتو انت طيب بتروح تبات عند المحل بس ؟!


لاكن انا لو قالولي ان ميتل قير سنيك ايتر بتنزل باسوي عملية سطو على المحل (باكسر الباب واخذ نسخة واحط رجلي ) . . .



الوالي 11 : منور الموضوع والله ، والف شكر على المشاركة والتفاعل ، انت شكلك مهووس بالعبة لحد الجنون ، اما لو عليك حكم اعدام بيكون طلبك الاخير تلعب ميتل سنيك ايتر قبل لا يعدموك ...............

طيب تدري لو اني محكوم علي بلاعدام معاك وش بيكون اخر طلباتي قبل لا يعدموني ؟!

























انهم ما يخلوك تلعب ميتل قير سنيك ايتر ؟؟؟؟!!!!!!!:D :D :D





*

هههههههههههههههههههههههه حلوه منك.... :biggthump :biggthump

بس تعرف اذا انت دخلت تسطو على المحل بتلاقيني جنب الباب مراعي لك والكلبشات بيدي .....
لانه كايتو عميل سري وهوه بيكون جنب المحل وبيشوفك تسطو على المحل وبيبلغ فيك.....
وطبعا انا بقبض عليك وباخذ اللعبه دليل ادانه .....
وبروح العبها....

انا عرفتها عن طريق احد الاصداقاء

في ps1

وكنت اتصل عليه يوميا لأن الجزء الأول كان صعب جدا,,,,,,,,

عني انا تعرفت على ميتل قير اول مرة على Play Station 1 لمن شريته عطوني معاه دسك في مجموعة من اللعاب dome و من بين اللعاب كان ميتل قير سوليد كانت تنتهي عند البيت الي تدخل فيه بس انا كنت مستمتع وايد باني كنت العوز الجنود المهم بعدين شريتها وتحكرت عن الرايس الاول ما كنت اعرف شنو اسوي لمن قالي واحد من ربعي في المدرسة اني اكسر الطوفة بالc4 وبعد خلصت اللعبة

اما ميتل قير 2 عرفت عنها في هل منتدى وماصدقون يا شباب اني اول يمون نزلت شريتها اصليه وخلصتها في 6 ساعات على النورمل وخلصتها حوال 6 مراة او 7 وبصراحة عمري ما تمللت منها وقبل يومين خلصتها على الصعب شي الي ايكتريم في 32 ساعة ولحين انا في احر الانتظار لي سنيك ايثر وانا متحسف وايد علشان سنيك تون كان على القيم كيوب

تسلم يا اخوي على الموضوع الروعة

اقتباس:

---

المشاركة الأصلية كتبت بواسطة Snake_Eater

بوعبد الرحمن : شكرا لك على مشاركتنا وتعقيبك الجميل احلا من الموضوع (لو انك ماخذ كوبي ب 15 ريال مهو باحسن ، بس تستاهل ميتل قير ) :biggthump . . .

---

لو اني شاريها كوبي ، ماضنتي راح تصبر معي لهل الوقت :D

وتصدق عاد أنها نفعتني ، لما كمبيوتري قام يخرف ، صارت النسخ الأصلية بس هي اللي تشتغل على الكمبيوتر
فكانت فرصة لي ، ماحد يلعب ألا أنا :D ، وأخواني يتفرجون :D

اقتباس:

---

المشاركة الأصلية كتبت بواسطة الوالي 11

بس تعرف اذا انت دخلت تسطو على المحل بتلاقيني جنب الباب مراعي لك والكلبشات بيدي .....
لانه كايتو عميل سري وهوه بيكون جنب المحل وبيشوفك تسطو على المحل وبيبلغ فيك.....
وطبعا انا بقبض عليك وباخذ اللعبه دليل ادانه .....
وبروح العبها....

---

اف اف اف . . . كل هذا عشان تبون تصيدوني ، بطلنا دام بندخل السجن عشان لعبة بلاش منها (تموية عشان تصدقون وتتركوني ) . . .

اقتباس:

---

المشاركة الأصلية كتبت بواسطة بوعبدالرحمن

لو اني شاريها كوبي ، ماضنتي راح تصبر معي لهل الوقت :D

وتصدق عاد أنها نفعتني ، لما كمبيوتري قام يخرف ، صارت النسخ الأصلية بس هي اللي تشتغل على الكمبيوتر
فكانت فرصة لي ، ماحد يلعب ألا أنا :D ، وأخواني يتفرجون :D

---

اووووووو ........... انت تخطط للمدى البعيد . . . . الله يهنــيك ، بس خل اخوانك يلعبون معك ولا بشيل البلاي ستيشن عليك . . .:D :D

اقتباس:

---

المشاركة الأصلية كتبت بواسطة Solid...Snake

عني انا تعرفت على ميتل قير اول مرة على Play Station 1 لمن شريته عطوني معاه دسك في مجموعة من اللعاب dome و من بين اللعاب كان ميتل قير سوليد كانت تنتهي عند البيت الي تدخل فيه بس انا كنت مستمتع وايد باني كنت العوز الجنود المهم بعدين شريتها وتحكرت عن الرايس الاول ما كنت اعرف شنو اسوي لمن قالي واحد من ربعي في المدرسة اني اكسر الطوفة بالc4 وبعد خلصت اللعبة

اما ميتل قير 2 عرفت عنها في هل منتدى وماصدقون يا شباب اني اول يمون نزلت شريتها اصليه وخلصتها في 6 ساعات على النورمل وخلصتها حوال 6 مراة او 7 وبصراحة عمري ما تمللت منها وقبل يومين خلصتها على الصعب شي الي ايكتريم في 32 ساعة ولحين انا في احر الانتظار لي سنيك ايثر وانا متحسف وايد علشان سنيك تون كان على القيم كيوب

تسلم يا اخوي على الموضوع الروعة

---

اجل انت مثلي تعرفت عليها من الديمو الي مع البلاي ستيشن . . . عموما تسلم اخوي على الرد والمشاركة ، والروعة هو انت مهو الموضوع . . .

اقتباس:

---

المشاركة الأصلية كتبت بواسطة ملك we

انا عرفتها عن طريق احد الاصداقاء

في ps1

وكنت اتصل عليه يوميا لأن الجزء الأول كان صعب جدا,,,,,,,,

---

شكرا لك اخوي على المشاركة والتفاعل الطيب:biggthump . . .



مع تحياتي لكم جميعا . . .

history
اول مره شفت ميتل جير عام ال1998 على البلاي ستيشن 1
اذكر كنت بصف 3 ابتدائي وكل اصدقائي يتكلمون عنها
صراحه شهوني فيها رحت وشريتها ما لقيت لا لغه انجليزيه ولا يابانيه مالقيت الا لغه تشبه الانجليزي
بس مو انجليزي وشريتها ولعبت فيها وادمنتها بس ما انهيتها عام1999 ضاع الشريط وزلبت مليت منها
عام2003 دورت الجزء الاول مالقيته
وشكرا على حسن استماعكم..........

رد متأخر ها ......

أقولكم كيف تعرفت على ميتل جير
قبل صدور ميتل ميتل جير لم يكن هنالك ألعاب أفضل من ريزدينت إبفل و تومب رايدر ( أنا لا أحب تومب رايدر لكنها كانت مشهورة عند الناس) المهم ... دخل أخوي علينا و معه ميتل جير النسخة اليابانية و قال هذه اللعبة أفضل من تومب رايدر و ريزدنت إيفل . نظرنا إليه بإستعجاب ؟؟؟؟ و بعد ذلك شغلنا الشريط و نسمع اللغة اليابانية ..... ما هذه الحماقات , ما هذه اللعبة المملة , لا و جاي يقول لنا أحسن من ريزدنت إيفل . و بدأنا نضحك على هذه اللعبة و على الجنود و طريقة الطرق على الجدران .
لكن لم يلعب هذه اللعبة منا الا واحد من أخواني لأننا لا نلعب النسخ اليابانية لكن هو أصلا مو حق ميتل جير و لا حاجة هو يلعب كرة قدم بس لكن بطريقة ما عجبته هذه اللعبة .
و بعد ان صدرت النسخة الإنجليزية , كان عندي أخ اخر فكنت أجلس معه و هو يلعبها و حينها كنت في الصف الخامس إبتدايء و عندما شاهدت العروض المذهلة في اللعبة و الأحداث بديت أعجب باللعبة إلى ان لعبتها و كانت هذه اول لعبة ألعبها ليست طفولية.

اقتباس:

---

المشاركة الأصلية كتبت بواسطة dark street_8

history
اول مره شفت ميتل جير عام ال1998 على البلاي ستيشن 1
اذكر كنت بصف 3 ابتدائي وكل اصدقائي يتكلمون عنها
صراحه شهوني فيها رحت وشريتها ما لقيت لا لغه انجليزيه ولا يابانيه مالقيت الا لغه تشبه الانجليزي
بس مو انجليزي وشريتها ولعبت فيها وادمنتها بس ما انهيتها عام1999 ضاع الشريط وزلبت مليت منها
عام2003 دورت الجزء الاول مالقيته
وشكرا على حسن استماعكم..........

---

اهلا فيك اخوي . . . يعني انت برضو مثلي على البلاي ستيشن 1 . . . بس مع فارق التوقيت ، انتة ثالث ابتدائي وانا ثالث ثانوي . . .


شكـــــــــــــــــــــــرا لك . . .

اقتباس:

---

المشاركة الأصلية كتبت بواسطة soliden

رد متأخر ها ......

أقولكم كيف تعرفت على ميتل جير
قبل صدور ميتل ميتل جير لم يكن هنالك ألعاب أفضل من ريزدينت إبفل و تومب رايدر ( أنا لا أحب تومب رايدر لكنها كانت مشهورة عند الناس) المهم ... دخل أخوي علينا و معه ميتل جير النسخة اليابانية و قال هذه اللعبة أفضل من تومب رايدر و ريزدنت إيفل . نظرنا إليه بإستعجاب ؟؟؟؟ و بعد ذلك شغلنا الشريط و نسمع اللغة اليابانية ..... ما هذه الحماقات , ما هذه اللعبة المملة , لا و جاي يقول لنا أحسن من ريزدنت إيفل . و بدأنا نضحك على هذه اللعبة و على الجنود و طريقة الطرق على الجدران .
لكن لم يلعب هذه اللعبة منا الا واحد من أخواني لأننا لا نلعب النسخ اليابانية لكن هو أصلا مو حق ميتل جير و لا حاجة هو يلعب كرة قدم بس لكن بطريقة ما عجبته هذه اللعبة .
و بعد ان صدرت النسخة الإنجليزية , كان عندي أخ اخر فكنت أجلس معه و هو يلعبها و حينها كنت في الصف الخامس إبتدايء و عندما شاهدت العروض المذهلة في اللعبة و الأحداث بديت أعجب باللعبة إلى ان لعبتها و كانت هذه اول لعبة ألعبها ليست طفولية.

---

هههههههه . . . لا اخوي ولا متأخر ولا شي انتة تشرفنا بأي وقت . . .

بس غريبة لا حضت ان كل الي لعبو متل قير ما اعجبتهم من اول مرة . . .


شكــــــــــــــــــــــــــــرا لك . . .

أنا عرفته أول ما نزلت تقريبا
سمعت ولد عمي يقول عنها
طبعا كان يمدحها مع انه ما شافها
وكان طبعا يزيد شووي بتخيلاته (يقووول) انه ربعه قالوله أنه في حركات وايد مثل:
انه حارس عمارة قاعد على كرسي يقرأ مجلة تجي من وراه وتكسر رقبته وتدخل المبنى
يعني كنا صغار والكذوب كثيرة قبل :) :09:
المهم رحت بيت جدتي الثانية وكانو عيال خالي يتكلمون عن هذي اللعبة
وأنا كنت دايما أنسى اسمها بس كنت احفظه بطريقة (طريقة جاهال)
اسم اللعبة = (ميتل )جير
كلمة ميتل كنت حافظها من شريط اسمه : ( تويستسد ( ميتل) 2 )
فإذا أبي أتذكر اسم الشريط أتذكر : تويستسد ميتل 2
ميتال جير سوليد :D
يوم من الأيام زرت عيال عمي يوم الأربعاء بالليل وإلا هم توهم شارينه
وشغلوه
وجعد أشوف ولد عمي يلعب من البداية
جان أقوله والله اللعبة بايخة مبين من شكلها
(المسكين مو قادر يصعد المصعد) ما ندري شالسالفة
أنا تحبطت
بعد اسبوع رحت عند عيال خالي
لجيت الشباب واصلين عند سنايبر
بعدين وصلو حج ميتل جير (3 طوابق) قالولي ألعب قلت ما احبه
قالو جرب
حطوني وين ؟؟
عند الغرف التسعة إلي جنب هوشة أوسلوت
إذا كشفوني تقول كاشفيني صج وأنا عندهم والله أضغط ستارت وعطيتهم اليدة من التصرقع
ماتو من الضحك
خاصة إذا طلع صوت إنهم كشفوك وطلعت علامة !
يخليك تطمر
بعدين بيخلصونه الشباب على الهارد واصلين عند سايكومانتس مو قادرين
قالو واحد واحد يجرب يخلصه
لزموا علي
وعلموني التحكم عدل
المرة الأولى مت
الثانية كسرت راسة قالو كمل اللعب قلت ما ابي
لعبوني وصلت عند الكلاب ظلمة (تملقت)
باليل رحت شريت نسخة وخلصته مليووون مرة وحفظته كله
وادمنته
ولما قالو عن الثاني شريت السوني 2 لأجله
وطبعا السوني 2 ما تنمل
سمعت عن توين سنيك
شريت الكيوب مستعمل ولي الحين أنطره :mad: على ناار
أما بالنسبة حج أطرف موقف:
:o
كثيرة وعديدة
بس بعطيكم واحد على الطاير:
مرة كنت جعد ألعب ميتل جير 2 بالشاليه
وحطيت نيو جيم حج رايدن
في مقطع يحطون الكاميرا على رايدن (تحت الماء)
يحطون الكاميرا من أسفل إلى أعلى (إذا تذكرون)
ابوي شاف اللقطة علباله بنت سوالي سالفة
شنو هذا بنت ؟؟؟؟
وعصب وحالته حاله
شكلت أضغط ستارت لما بدت اللعبة وطلعت ألعب برايدن وقلتله هذا رايدن ودجيت بالكوديك وطلع وجهه
ووصلت لما المصعد لما فصخ قناعه واقتنع بعدين :) :09:
أدري طولت عليكم بس يالله تحملوني
بااااي

اقتباس:

---

المشاركة الأصلية كتبت بواسطة soper sonic

أما بالنسبة حج أطرف موقف:
:o
كثيرة وعديدة
بس بعطيكم واحد على الطاير:
مرة كنت جعد ألعب ميتل جير 2 بالشاليه
وحطيت نيو جيم حج رايدن
في مقطع يحطون الكاميرا على رايدن (تحت الماء)
يحطون الكاميرا من أسفل إلى أعلى (إذا تذكرون)
ابوي شاف اللقطة علباله بنت سوالي سالفة
شنو هذا بنت ؟؟؟؟
وعصب وحالته حاله
شكلت أضغط ستارت لما بدت اللعبة وطلعت ألعب برايدن وقلتله هذا رايدن ودجيت بالكوديك وطلع وجهه
ووصلت لما المصعد لما فصخ قناعه واقتنع بعدين :) :09:
أدري طولت عليكم بس يالله تحملوني
بااااي

---

ههههههههه . . . . الف شكر اخوي على المشاركة ،(طولت علينا ) والله كلامك زي العسل . . .

تقول ابوك هاوشك على ريدن ، اجل وشلون لو شاف ( هيلين ) في العرض الاخير لها وش كان بيسوي ........



تقبل تحياتي اخي العزيز . . .

تسلملي والله أخوي Snake_Eater على هالموضوووع
ياخي والله أيام ميتل جير حلوووووة
بس أذكر أول مرة شفت ميتل جير بالديمو اللي كان يجي مع البلاستيشن الأول صراحة أعجبني العرض حقه قلت أوريه لواحد من أصحابي المهم وريـــــــــته العرض :biggthump
وبغى يصفقني :vereymad: وعصب علي :bigeyes: قلت وش السالفـــــة وشفيــــــــــك ؟ :afraid:
قااااااال حراااااام عليك هذا ميتل جيــــر :33: ومن بكرة وأروح أشتريه

المهم أدمنت عليـــه وصار أفضل لعبــــة عندي .
وماشريت ال PS2إلا عشاااااااانه
ومشكوووور على الموضوووووع أخوي :ciao:

بالنسبه لي شفت كم صورة على النت فأخذتها وعيبتني ولعبت بس

اقتباس:

---

المشاركة الأصلية كتبت بواسطة EmInEm_20

تسلملي والله أخوي Snake_Eater على هالموضوووع
ياخي والله أيام ميتل جير حلوووووة
بس أذكر أول مرة شفت ميتل جير بالديمو اللي كان يجي مع البلاستيشن الأول صراحة أعجبني العرض حقه قلت أوريه لواحد من أصحابي المهم وريـــــــــته العرض :biggthump
وبغى يصفقني :vereymad: وعصب علي :bigeyes: قلت وش السالفـــــة وشفيــــــــــك ؟ :afraid:
قااااااال حراااااام عليك هذا ميتل جيــــر :33: ومن بكرة وأروح أشتريه

المهم أدمنت عليـــه وصار أفضل لعبــــة عندي .
وماشريت ال PS2إلا عشاااااااانه
ومشكوووور على الموضوووووع أخوي :ciao:

---

فعلا ذكريات ميتل قير حلوة . . . بس لا حضت ان الديمو الي حاطينة جايب نتايج مذهلة :bigeyes: ومسوي دعاية كبيرة ، والله انهم مصايب هذول اليابانيين . . .

الف شكر اخوي على التفاعل والمشاركة . . . وخويك هذا فعلا خوي:biggthump (اشوى ما صفقك :afraid: ) . . .


تحياتي لك اخوي . . .

اقتباس:

---

المشاركة الأصلية كتبت بواسطة بـوسنيده

بالنسبه لي شفت كم صورة على النت فأخذتها وعيبتني ولعبت بس

---

ياسلااااااااااااام ( المختصر المفيد ) . . .


شكرا لك اخوي على التفاعل والمشاركة . . .



مع تحياتي . . .

أنا اول ما أشتريت البلاي ستشن أول مرة يطلع الريزيدنت إيفل الجزء الأول سنة 1996
وكنا متهبلين عليه (روعة وخوف) والعاب ثانية نسيتها

وبعد سنتين منها 1998 تطلع إعلانات عن لعبة أسمها ميتال غير ...... وكنت اكيد إنها غير لكن ما اشتريتها
لانها كانت بالياباني بالأول.... فاشتريت النسخة الأصلية النجليزية في نوفمبر 1998 (كان في عيد ميلادي)

( لعبتها 25 مرة خلال سنتين )
وطلعت أسرارها وأعرفها وكأني دارس رياضيات ...
وبعد ما طلعت درايفر 1 و 2 وكنت ألعبها شبه يومية ....
وتمر السنين ودخلنا على الألفية الجديدة و أعلنوا عن ألعاب البلاي ستاشن توو
وطلعوا الميتا جير 2 في 2001

لكني أشتريت البلاستاشن تو في 2002 بعد ماطلع (المود شيب) للألعاب المنسوخة

أخذت أول لعبة الميتا جيير بعدها ريزيدنت إيفل كود فيرونيك
وخلصت اللعبة أول مرة في 9 ساعات خلال يومين

ولعبتها 18 مرة على ما اذكر ... وآخر مرة عطيت اللعبة لصديق وخربها ...

وانا ودي أطرح موضوع التعريب للعبة
على :
http://www.montada.com/showthread.ph...16#post2459016

تحياتي

اقتباس:

---

المشاركة الأصلية كتبت بواسطة darkitp

أنا اول ما أشتريت البلاي ستشن أول مرة يطلع الريزيدنت إيفل الجزء الأول سنة 1996
وكنا متهبلين عليه (روعة وخوف) والعاب ثانية نسيتها

وبعد سنتين منها 1998 تطلع إعلانات عن لعبة أسمها ميتال غير ...... وكنت اكيد إنها غير لكن ما اشتريتها
لانها كانت بالياباني بالأول.... فاشتريت النسخة الأصلية النجليزية في نوفمبر 1998 (كان في عيد ميلادي)

( لعبتها 25 مرة خلال سنتين )
وطلعت أسرارها وأعرفها وكأني دارس رياضيات ...
وبعد ما طلعت درايفر 1 و 2 وكنت ألعبها شبه يومية ....
وتمر السنين ودخلنا على الألفية الجديدة و أعلنوا عن ألعاب البلاي ستاشن توو
وطلعوا الميتا جير 2 في 2001

لكني أشتريت البلاستاشن تو في 2002 بعد ماطلع (المود شيب) للألعاب المنسوخة

أخذت أول لعبة الميتا جيير بعدها ريزيدنت إيفل كود فيرونيك
وخلصت اللعبة أول مرة في 9 ساعات خلال يومين

ولعبتها 18 مرة على ما اذكر ... وآخر مرة عطيت اللعبة لصديق وخربها ...

وانا ودي أطرح موضوع التعريب للعبة
على :
http://www.montada.com/showthread.ph...16#post2459016

تحياتي

---

هلا والله اخوي ، والف شكر على المشاركة والتفاعل ، ....................


تعودنا على ميتل قير بلانجليزي ، وبالنسبة لي على الاقل لا افضل ان يكون باللغة العربية ،ولكن ان كان مترجم بالعربية بيكون تحفة . . . .


مع تحياتي . . . .

راح أفكر بترجمة القائمة الرئيسية و الساب تايتل ( الكلام المكتوب اللي يقولونه)

لكن لميتال جيير 3

وذلك بعد صدوره بمده

http://montada.com/attachment.php?at...d=153501&stc=1

http://montada.com/attachment.php?at...d=153510&stc=1
http://montada.com/attachment.php?at...d=153508&stc=1

اول مرة شفت اللعبة كان عام 2000 جابها اخوي الكبير
من صاحبه وكنت اسمع انها حلوة وما اعرف شنو وفي ذاك الوقت
ما كنت احب الا داينو كرايسس ورزدنت ايفل بكل اجزاءهم
طبعا اخوى قطع لي نص برنامجي :( وقالي تعال نجرب
الشريط وانا ما كنت العب بس كنت اشوفه وهو يلعب
لأني ما اعرف العب :D

بس ويوم وصل اخوي عند الضرابة مع الطائرة الي فيها لكويد

تحمست ولعبتها لأول مرة وصرت اتابعها :p

بالنسبة لي فبدايتي مع ميتل جير كانت قبل خمس سنوات بالضــبط لما اشتريت البلاي ستيشن 1 و أخذت معاه مجموعه من الألعاب و من بينهم ميتل جير سوليد 1 طبعا أخذته بالصدفه و لما رحت البيت قمت أجرب الألعاب الى أن وصلت لها و شغلتها طبعا مادري ليش حسيت بكآبة شديدة منها (( يمكن من موسيقى البداية و الألوان الغامضه )) و بديت ألعب و أنا مادري شنو السالفة فقعدت أحوس شوي الى أن أشوف جندي لابس أبيض جدامي أقوم و أروح له و لا يطلع الانذار يبدأ و يلاحقني و معاه ربعه و الرصاص ياي من كل صوب عاد أنا هني شوي و أبلل سروالي من الخوف (( خصوصا و كنت قاعد بروحي في البيت و أنا من النوعية يالي بسرعه يخاف )) فقمت أركض بين الصناديق و هم وراي كأننا قاعدين نلعب صيده ما صيده :p الى أن قتلوني و طلع صوت الكولونيل و هو يصرخ بخرعه (( سنيك .. سنيك .. سنييييييييييييييييييك )) عاد لا يطوفكم شكلي في تلك اللحظة على طول طلعت الشريط و ما قربت صوبه الا بعد سنة كاملة لأني كنت أخاف ألعبه و أحس بكآبة منه كم شهر الى أن أحد عيال خالاتي بدأ يتكلم عن اللعبة و يمدحها جدامي و شفت كلام مجلة ألعاب الكمبيوتر فيها لذلك قمت و تشجعت و بديت أحاول ألعبها طبعا قعدت فوق الأسبوع الا أن عرفت شلون أتسلل و أركب المصعد :tongue2:


و أنهيت اللعبة مرتين ورى بعض من شدة اعجابي لها و اشتريت البلاي ستيشن 2 و أول ما نزلت ميتل جير سوليد 2 سونز أوف ليبرتي ما انتظرتها كوبي على طول رحت السوق و اشتريتها أصلي و هي كانت اللعبة الوحيده يالي اشتريتها أصلي مع فاينل فانتسي 10 فقمت و أنهيتها فوق العشر مرات و أكثر ==> علشان يحلل العشرين دينار يالي دفعهم فيها :biggthump


و توته توته .. خلصت الحتوته :D

السؤال القادم
هل ستشتري ميتل جير توين سنيك على الجيم كيوب
بالأحرى هل ستشتري جيم كيوب لميتل جير توين سنيك؟
الإجابة: بالنسبة لي شريت الكيوب حج ميتل جير وان شاء الله بشتريه وباااجر ينزل
بااي
سيونرا

عرفت اللعبه عن طريق هذا المنتدى.و لامداحم الشديد.رحت و شريت الجزء الثاني، كان روعه
بس انا ما بحب البليتيشن كثيرا.......سنا من كنت اربعه عشر سنه و اقل.....كنت مجنون البليستيشن بس الآن :33:

يا سلام عليكم يا شباب أتعيدون لي ذكريات الميتل جير 1 الله على هاذي اللعبة الرائعه والجميلة.

أنا تعرفت على هاذي اللعبة بواسطة خالي اللي كان يلعبها والصراحه عجبتني وايد وأكره شيء عندي كان بداية اللعبة عندما تختبي من الجنود وتهرب منهم عندما يكتشفونك وبعد ذلك ما عرفت إيش أسوي في الطابق الثاني على ما أظن في المبنى اللي فيه مهمة تكسير الجدار اللي طولنا فيه مدة مش بالطويلة:tongue2:

لكن عندما وصلنا لمهمة محاربة الدبابة ما قدرنا نهزمها إلا بعد تعب ومشقة وبعدها قتل الجني اللي يختفي والشيء اللي أبتلينابه في اللعبه:vereymad: هي محاربة القناصة المرة الأولى واللي يجب عليك أترد من البداية وتجيب سلاح القناص والبيتازمين ( المهديات قصدي)

واللي عقدي باللعبة محاربة الطيارة وتعليق الحبل والنزول من البرج اللي قعدت عليه حوالي 6 شهور حتى أنهي هاذي المهمة العويصة:vereymad:

وفي النهاية أحب أشكر اللي كتب هذا الموضوع الرائع عن تحفات الألعاب (( ميتل جير سوليد));)

انا شفت اللعبة لأول مرة في برنامج اسمه سايبر نت اللعبة كانت في قيد التطوير و قالوا انها مزيج بين ريزدنت ايفل و تومب رايدر و تعتمد أكثر شي على التجسس و يوم شريتها على البلاي 1 كانت ديسكين (كوبي) و الصراحة ما لعبت فيها لأنها كانت مملة و طريقتها جديدة علي و أخوي هو اللي كان يلعبها الى أن وصل الى الوحش الأخير و بعدها أخوي تعذب مع ريكس و ما قدر يهزمه فناداني و تحمست له و أول ما خلصت من ريكس استانست على الهوشة اللي بين سنيك و لكويد و قعدت أتقاتل وياه الى أن هزمته و بعدها تحمست أكثر للنهاية لمن تركب السيارة و ترش منها كانت حلوة و أنا عاد صج تحمست لها و بعدين رحت و لعبت اللعبة من أول و بجذي حبيت اللعبة يعني بسبب النهاية فقط :09:

عن طريق الصدفه لاغير
يوم كنت أتخبط بين الألعاب في المحل طاحت عيني على ميتل جير1
قررت إني أشتريها
وبالفعل كانت قمة في الروعة :biggthump

تستحق الشراء

وبعده طلعت ميتل جير سوليد2(سونز أوف ليبرتي)
وهكذا...

انا اول ما شفتها كان على كمبيوتر صخر الاسود زي ما قال الاخ (ثاني واحد) وكان اسمها ميتال قير (ما ادري اذا كان يقصد لعبة ثانية او اسم ثانوي)و اذكر مكان الجسر المتحرك والنيكيتا (الصاروخ الموجه)واول ما سمعت عنها بالسوني الاول ما صدقت واشتريت الجهاز عشانها

اقتباس:

---

المشاركة الأصلية كتبت بواسطة DEVIL NEVER CRY

انا اول ما شفتها كان على كمبيوتر صخر الاسود زي ما قال الاخ (ثاني واحد) وكان اسمها ميتال قير (ما ادري اذا كان يقصد لعبة ثانية او اسم ثانوي)و اذكر مكان الجسر المتحرك والنيكيتا (الصاروخ الموجه)واول ما سمعت عنها بالسوني الاول ما صدقت واشتريت الجهاز عشانها

---

ياحظك لعبته على الصخر بعد :(

قهر ، على كثر الأشرطة ياللي كانت عندي حق هل الكمبيوتر
لم تكن عندي هذي :mad:

شكرا لكل من شارك وتفاعل , , , ,

واعذروني على التقصير , , ,


لكن انشغلنا (الله لا يشغلنا الا بطاعته)، ، ، ،


ولكن اوعدكم بأن اكون عند حسن الظن -- قدر المستطاع -- ، ، ،




اخوكم
Snake_Eater

هههههههههههههه

والله أيـــــــــــام من جد

أذكر أول مره لعبت ميتل غير أول مانزل على البلاي شتيشن الأول وكنت مع عيال عمي
والله لا يوريكم

خخخخخخخخخخخخخخخخخخخخخ


قرااب الساعتين عند البراميل إلى أسفل ماعرفت أطلع فيه

هههههههههه

سلمت أخوي على الموضوع

تحياتي

اقتباس:

---

المشاركة الأصلية كتبت بواسطة عـPS2ـاشق

هههههههههههههه

والله أيـــــــــــام من جد

أذكر أول مره لعبت ميتل غير أول مانزل على البلاي شتيشن الأول وكنت مع عيال عمي
والله لا يوريكم

خخخخخخخخخخخخخخخخخخخخخ


قرااب الساعتين عند البراميل إلى أسفل ماعرفت أطلع فيه

هههههههههه

سلمت أخوي على الموضوع

تحياتي

---

لووووووووووووووول
حرام عليك ، لهل الدرجة :09:
ههههههههههههههه

مممممم أول مرة عرفت ميتل جير ...

مممممم


بالصدفة :p

رحت للمحل وسالته عن الجديد

عطاني ميتل جير 1 :D

لعبته بالبيت وبعد يومين أو 3 خلصته :أفكر:


this is my story :p

ههههههههههههههههه

والله صدق أخوي بو عبدالرحمن بس أخذت بعدها قرااب يومين حتى تعودت على التحكم
وعلى الحركــات

بعدها أنهيت اللعبه بكل إحتراااااف

بس من جد أيــــــــــــــــام

ودمتم

تحياتي

كيفكم شباب
صراحة انا اول ما عرفت اللعبة عرفتها على ps1 كنت رايح انا وولد خالتي لم محل الكمبيوتر ( هذا الكلام قبل 7 سنين) نبغى نشتري gt سال عن متل قير لقاها موجودة اشتراها وجربناها صراحة انا ما اعجبتني مرة لان رسومها داكنة شوي قلتلة طلع شريطك البايخ و خل نلعب gt ودارت الايام ورحت لمة والقاة يلعب لعبة جديدة الرسم متغير والاعب مطلع وجهه وشعرة سالتة وشو هذا الشريط قالي متل قير وجلست اتفرج علية كان واصل عند وحش الدبابة جلست انا وياه على اللعبة لمين انهيناه تطلبت منا يومين وعلى طول اخذت الكوبي لجيهاز التخفي وشريت اللعبة طبعا انهيتها اول مره بجيهاز التخفي لمين عرفت اللعبة زين وانهيتا طعش مرة

واذكر احد المواقف اللي خلتني اتنرفز وهي ان اكثر اللعبة فيه مشاوير خاصة عند كرت بال وبندقية القناص يوم كنت احارب سنايبر ولف كرهت اللعبة من كرة المشاوير فقط
ومن الاشياء اللي خلتني اشتري ps2 ميتل جير و فاينل فانتسي
وبصراحة ما طولت معي ميتل جير 2 اشتريته وانهيتا من بكرة بس المكان اللي تعبت في في غرفة المحتجزين تعبت لين لقيت الشخص المطلوب
وآسف على الاطالة

السلام عليكم
عني انا اول مره عرفت متل جير كانت على البلاي ستيشن 1
كيف عرفته : مره دخلت المجلس واشوف عمي مسكر النور وجالس ويا ربعه وكان متحمس :bigeyes:
قلت اكيييييييييييد لعبه حلوه وبعدها عجبتني القصه :D

مشكوووور على الموضوع الحلو :biggthump

شكرا لكم حبايبي على التفاعل ، ، ، ، ،


بس حلوه ياعاشق التغريزه عند البراميل والله ياني تعقدت عندها ، ، ،


Snake_Eater

اطرف موقف صار لي بكل صراحه بمتل جير لما شفت ظل ابو رشاش كبير ظنيت اني راح اباريه مره ثانيه طلع لعبه صغيره لمه طقيته بالمخدر علشان انتقم بدأ يطلق برشاشه الصغير وقمت اركض بالغرفه من الخوف على بالي يبي يرشني برشاشه الصغير ‍ ! موقف غريب ها ؟ :31: :31: :31: :bigeyes: :أفكر: :) :biggrin: :D :08: :28: :33: :06: :p :laughing: :shock22: :09:

والله انك عجيب . . .


تصدق على كثر مالعبت ميتل قير2 ما قد خطر ببالي اطلق على الدمية الي ماسك الرشاش . . . .


قلك محافظ على الرصاص (خخخخخخخخخ) . . .


بس حركة خطيرة يعطيك العافية . . .



Snake_Eater

انا في ps1كنت متشوق العبه قبل مااشتريه(ايام السيجا)واول شي لعبته طبعا الكورة

لعبت ولعبت ولعبت خلصت جميع الدواري وطفشت
رحت مار بمحل العاب وشوفت واحد جالس يلعب الاسطورة والراجل طول في المحل(وانا اتفرج)
بصراحة العبة مثيرة عجبتني رحت واشتريتها ومن كثر اعجابي رحت اختمها كل يوم:p
قبل ماشتريps2الناس كلها (في المدرسة-الحارة)تتكلم (فين وصلت؟-اش اسوي؟-فين اروح؟)


بعد يومين جو يبكون
سنييك مااااااااااااااااااااااااااااااااااات:17: :17: :17: :17:
وانا :33: :33: كيف وهو اصلا بطل اللعبة

اشوي قالو واحد فنان(كثيرة فيه) استلم المهمة بدل سنيك(وانا والله شكلها غريبة)
واول يوم اشتريتps2اشتريت معه الاسطورة ((metal gear solid 2))
وتعال شوف شكلي وانا اتفرج على البداية والاخراج شي رههههيييييييييييب
و والله الى اليوم وانا العبها

وننتظر ابدعات كوجيما واللعبة القادمة اللي حتخلي الناس ماتعرف غير ميتل جير

والسلام:cool:

بصراحة انا ما كنت معترف اصلا بالبلايستيشن 1 من اصله ,

لاني كان عندي الاتاري و كمبيوتر صخر و سيجا ولا لعبة فيهم عجبتني , يعني كنت احس انها حقة اطفال , عشان كذة ما كنت ادور للبلايستيشن , لين ما جا يوم ورحت عن صديق عزيز ولقيت عنده البلايستيشن وجالس يلعب لعبة بعدين اقلكم ويش هي ؟ المهم احاول اتكلم معاه , ابدا الرجال مطنش ولا يسمع منك ولا كلمة , وكل ما اقل سالفة يقلي والله اللعبة هذي جبارة , طالعت في اللعبة ما عجبتني ,

المهم بعدها بكم شهر اخواني الصغار اشترو بلايستيشن1 ورحت عند صاحبي وقلتله عطني الشريط اللي ما خذ عقلك ( وهو قد ختمه ) ابعطيه اخواني يلعبون فيه , وطيب

عطيته اخواني يوم يومين ثلاثة اسالهم كيف اللعبة قالوا صعبة مرة ما نقدر عليها , كيف وروني وجلست العب اعلمهم
اشوية وذا بي جالس مبهور بالبلايستيشن وباللعبة والله شلت الجهاز عليهم وحطيته بغرفتي وليل ونهار عليه ونا نايم افكر في اللعبة , ما جلست بالضبط اسبوع واحد الا ونا مختم اللعبة بالتمام والكمال ,

والله وجلست طفشان ابغى الجزء الثاني من اللعبة وباقي ما نزل , صرت اسال ايش احسن العاب , قالوا اخواني مالك الا ميتل غير

ايش اللعبة هذي يردون لعبة رهيبة , طيب لعبتوها , قالوا ايوة بس صعبة مرة لازم مجلة

قلتلهم بلا مجلة بلا خرابيط وكيف تستمتع والمجلة معاكم ...... هاتوا الدسك قالوا دسكين قلت والله دسكين , اللعبة طويلة ,,,,, قالوا مرة ,

قلتلهم هاتوها ,

والله لايوريكم في البداية ما علينا تحوس من هنا وهنا لين تتمكن من التحكم لاني اول مرة اتحكم حتى وصلت لين نص اللعبة ما اعرف اخزن الا بالصدف

المهم وصلت عند الغرفة , او المخزن , اللي يطلع غاز وحست عنده , قلت لازم في مكان ثاني وطلع فوق وانزل تحت 100 مرة و وطلع فوق ونزل تحت 50 مرة كمان يومين تجننت

عندها زهمت اخوية الصغير , كيف الحـــــــــــــــــــــــــــــــــــــــــــــــــــــــــل؟؟؟؟؟؟؟؟؟؟؟؟؟؟؟؟؟؟؟؟

قلي لازم تروح تهد الجدار اي جدار قلي اللي فوق وووووينه

قلي هذا .............. طيب وين احط القنبلة ؟ قلي دق على الجدار وتعرف من الصوت ...... كيف ؟؟؟ ادق جدار
اقول في نفسي والله حركة خطيرة , والله ما خطرت على بالي نهائي ولو ما قلي اخوية كان ما عرفت الطريق .

هذا اخطر موقف مر علي في الالعاب كلها .
والله من يومها ونا مقر في نفسي ان متل غير لا يستهان بها ,

على كل طقيت ps2 عشان اللعبة الاولى وتاخر اصدارها , وكانت توها نازلة متل غير 2 طقيت لي شريط اصلي لانو ما كان في الا كوبي معفن وما يجي كامل و4 دسكات , اخذت الشريط الاصلي بـ 250 ريال

بس يكفي طولت الكلام , احسن لكم لا تقروه كله .

ههههه حلو الموقف اخوي الوهاج

شكرا لمرورك وشكرا لقرائتك لما كتبته وشكرا لك لانه اعجبك

توقعت محد حيقراه ;) ;)

يعطيك العافية اخي المكسي


واخيرا اشكرك لتعليقك.

هاي شباب.

أنا بصراحة أشتريت ال PS1 بس علشان لعبة ريزدنت أيفل و بعدها لعبت لعبة سايفون فلتر و كانت أول لعبة تجسس ألعبها وكنت منبهر فيها, بعدها شفت ميتل جير في محل الألعاب و ما تحمست لها لأني حسيت أنها تقليد لأسلوب سايفون فلتر.


مرت سنة تقريباً ومرة كنت زهقان ألف ومريت على محل الألعاب و شفت اللعبة وأنا أقلب في الألعاب الكوبي (أللة يسلم اللي سواها) وقلت يلا. تصبيرة أظيع فيها وقتي.


رجعت البيت...فتحت غطاء البلايستيشن...وظعت السي دي...أغلقت الغطاْ...وفتحت فمي مبهورا ً:wow: أسبوع كامل إلى أن أنهيت اللعبه.

سلملم

اقتباس:

---

المشاركة الأصلية كتبت بواسطة الوهاج

شكرا لمرورك وشكرا لقرائتك لما كتبته وشكرا لك لانه اعجبك

توقعت محد حيقراه ;) ;)

يعطيك العافية اخي المكسي


واخيرا اشكرك لتعليقك.

---

أفا ليش مانقراه :أفكر:

أصلا أول ماحطيت أنت ردك ، أنا قرأته على طول :biggthump
وكنت راح أرد عليك في وقتها ، بس كنت مشغول ولاقدرت :mad:
على العموم ، شوف ردي ياللي كنت راح أرد عليك فيها

اقتباس:

---

بس يكفي طولت الكلام , احسن لكم لا تقروه كله

---

بعد ويييييييش ياعم :09: ، بعد ماقريت الرد كله ، تقول لاتقروه :09:

يالله على العموم ، حبيت أسلم عليك ;)

أي نسيت ماأقول لكم الموقف الظريف ياللي حصل لي قبل كم شهر

كنت ألعب في ميتل جير توين سنيك ياللي في الجيم كيوب

في ذاك الوقت بعد ماأنهيت اللعبة ، قلت خلني ألعب في جميع المستويات :biggthump

عشان أحاول أطلع كل سر في اللعبة

لما جيت لمستوى الصعب ، تعقدت في حاجه :33:

ألا وهي رقم ميرل :mad:

هو "كينيث بيكر" المتين ياللي راح يموت ، قال لي أن رقم ميرل تحصلها "In The Back of The Package" :33:

بس وين هذا "Package" :33:

ماأدري :mad:

هو المشكلة أن في المستويات العادية ، الرقم يطلع لما أطفش من العفسه وأنا أدور في كل محل

بس في مستوى الصعب ، مايطلع ، أنت اللي لازم اللي تطلعه :09:

أقول لكم هل المشكلة طفشتني بشكل غير طبيعي :mad:

خلتني أروح ألعب مره ثانية بالمستوى السهل عشان يطلع الرقم وأسجله عندي وأرجع ألعب في المستوى الصعب :09:


بس بعدين قررت أني لازم أعرف ويييييين هذا "Package"

فلما عرفت أين هذا "Package" :09: ، والله عرفت وقتها أني طلعت مسخرة :09: ، وكوجيما سواها فيني :09: الله يخسه ؟؟؟

بس والله حركته في هذي عجبتني :biggthump من الرغم من التعب ياللي أكلته :09:

أتوقع أقلب الشباب واجهوا هل المشكلة هذي :33:

وأتوقع بعضهم إلى الآن مايدري وشو "Package" :09:

الله يخسك ياكوجيما :09: ، لا طالما مايبدع لنا في إبداعته الرائعه :biggthump