الآن:شرح مفصل عن كيفيه تحويل الأصوات منwav إلىadxإلىbin(الشرح مدعم بالصور)

بسم الله الرحمن الرحيم
اليوم سوف أشرح لكم كيفيه تحويل الأصوات لتدخيلها للفايل داتا وسماعها عند اللعب
هاذه شرح التحويل مع تكرار الإغنيه (لوب)
أولا لازم يكون عندك برنامج adxencd وملف الwav أو ملف الإغنيه اللي إنت تبي تحطهه ولازم تكون بإمتداد wav

ثانياً لازم تضبط خصائص ملف ال wav كما يلي:
1-إفتح برنامجnero wave editor
2-إضغط على file ثم open ثم إختر مكان الملف ال wav
3-إضغط على file ثم save as
4-إضغط على كلمة options
5-ضع الخيارات التاليه كما هي في البرنامج:
frequency=24000
bits=16
channels=mono or sterio
5-ألحين إضغط ok ثم save
الآن أصبح لدينا ملف wav مضبوط الخصائص
ألحين إعمل مجلد جديد وحطه في محرك الأقراص الc وسمه we وحط داخله ملف الwav والبرنامج اللي إسمه adxencd

ألحين أعد تسميه الملف الwav إلى هذا الإسم (BGM_00) من غير الأقواس
ألحين راح تبطل الدوس من
start
all programmes
accessories
command prompt
ألحين راح تطلعلك شاشه سوده وهاذي هي الدوس
ألحين إكتب هالأمر ويفضل نسخه ولصقه بالدوس وتضغط إنتر
--------------------------------------------------
cd c:\
--------------------------------------------------
راح يطلعلك مثل اللي بالصوره
http://bo3esa2002.jeeran.com/images/abod1.jpg

بعدين تكتب الامر التالي ويفضل نسخه ولصقه وتضغط إنتر

--------------------------------------------------
cd we
--------------------------------------------------
http://bo3esa2002.jeeran.com/images/abod2.jpg
وبعدين تكتب الأمر التالي ويفضل نسخه ولصقه وتضغط إنتر

--------------------------------------------------
adxencd
--------------------------------------------------
راح يطلعلك مثل اللي بالصوره
http://bo3esa2002.jeeran.com/images/abod3.jpg
وبعدين تكتب الأمر التالي ويفضل نسخه ولصقه وتضغط إنتر

--------------------------------------------------
adxencd BGM_00
--------------------------------------------------
راح يطلعلك مثل اللي بالصوره
http://bo3esa2002.jeeran.com/images/abod4.jpg
ملاحظه مهمه جداً:الإسم BGM_00 هو إسم الملف اللي آنه كنت أشتغل عليه إما أنت فلازم تحط إسم الملف الwav الي عندك
وبعدين لمه تضغط إنتر راح يطلعلك رقمين نفس الشي تحت بعض
إكتب هذيل الرقمين بعد الأمر التالي(في نهايه الأمر التالي) وتضغط إنتر
--------------------------------------------------
adxencd BGM_00.wav -lps0 -lpe455332
--------------------------------------------------
راح يطلعلك مثل اللي بالصوره
http://bo3esa2002.jeeran.com/images/abod5.jpg
ملاحظه هامه:هذان الرقمان هم للملف اللي كنت أستعمله للشرح
ويجب إستبدال الأرقام مع تغير الملفات ال wav على حسب الرقمين اللذان فوق بعض والمشار عليهم باللون الأحمر

وألحين بعد ماسويت كل شي تمام روح للc وبعدين للمجلد اللي سويناه بإسم we وراح تلقاه على هيئه adx مع لوب
معنى كلمه لوب:تكرار الإغنيه عده مرات ولا تنقطع
وألحين ما بقى إلى إنك تحولهه إلى ملف بإمتداد bin
شغل الهكس إديتور وبعدين إضغط file ثم open ثم إختار مكان الملف اللي طلعلك بصيغه adx وبعدين فتحهه وروح لfile ثم save as وإكتب نفس الإسم لاكن آخر شي إكتب
.bin
وراح يصير معاك ملف bin

ملاحظه مهمه جدا:لايهم طول وقت الويف بس المهم إنه الحجم يكون مساوي للملف الأصلي أو أقل منه بالحجم
تحياتي:::عبود هكر
واللي ما فهمني يقولي عن اللي مو فاهمه وراح أرد عليه إن شاء الله
وأرجو من المشرفين والمراقبين تثبيت الموضوع للأهمية

وضوع حلو ومرتب وراح يستفيد منه الكل خصوصا بعد طلبات الاعضاء بكيفية تغير الاصوات

اتمنى من المشرفين التثبيت لأهمية الموضوع

تحياتي لك اخوي عبود هكر :biggthump

العفو حبيب قلبي
وياريت الإخوان المشرفين يثبتون الموضوع وذلك للأهمية العائده على الأعضاء

مشكور اخ عبود هكر على الشرح المرتب والمنظم

بس عندي استفسار وهو عندما أريد اضبط خصائص ملف WAV ببرنامج nero wave editor أو عندما افتح ملف WAV تظهر لي رساله خطأ
مثل ما هو موجود في الصوره يا ليت تعطوني الحل لها المشكله
http://www.uploadxfiles.com/u/04/01/2253017-DDD.jpg

مشكور على شرحك اخوي عبود ...



بس انا ابي اغير صوت المعلق بمتداد spf ... كييف ...

بالنسبه لأخوي الفيلسوف يمكن الملف عطبان
جرب ملف آخر

والأخ سنايبر إن شاء الله راح أشرحه لكم عن قريب
إنتطرني
باي

هلا شباب ,,

أولا مشكور عبود على الشرح ...

بس لو عملته على أنه إضافة لموضوع الباتش المتكامل كان أفضل ...

عموما ....

ردا على استفسار اخوي the_sniper

أنا شرحت الطريقة بالتفصيل و مع الصور في موضوع الباتش المتكامل ...
شوفه في أواخر الصفحات...

مشكور أخوي أبومروان على الرد
والصراحه آنه ماخذ بخاطري على المنتدى
الأعضاء اللي شاهدوا الموضوع 58 وما أشوف غير 6 ردود

أقول عبود .. (أبو عيسى :P) تراه مو كل اللي يتصفحوا المنتدى أعضاء .. كثيرين بس يتصفحوا لأجل غاية وبعدين يطلعوا ، يعني تصبر ....

مشكور أخوي عبود على الشرح الحلو اللي راح يفيد الأعضاء بعنف وقوة D:

مشكور على المعلومع حبيبي بومروان
والعفو يا راكانو

وإنتظروا الجديد مني

مشكور عبود معنا مالي في الكرة :) لكن عملك وشرحك ممتاز
أفادني في تغير اصوات العاب ثانية :biggthump

:ciao:

اقتباس:

---

المشاركة الأصلية كتبت بواسطة سكويرسوفت

مشكور عبود معنا مالي في الكرة :) لكن عملك وشرحك ممتاز
أفادني في تغير اصوات العاب ثانية :biggthump

:ciao:

---

العفو ياخوي سكوير سوفت
وياشباب يمكن منعاً باتاً نقل الموضوع لأي منتدى كان
لأني إندهشت لمه زرت أحد المنتديات ولا واحد ماخذ موضوعي وناقله بالحرف الواحد لمنتداه ومو كاتب منقول
رجاء يا شباب لحد ينقل المواضيع
وشكرا

بصراحه انت فنااااااان بمعنى الكلمة.................. واتمنى انك تضيف درس التغيير لصوت المعلق .......... وعلى العموم مشكور:ciao:

مشكور على المجهود الرائع
بس كيف اعدل الاهازيج

مشكور يا الغالي عبادي هكر

والله انك نشمي

الله يوفقك في الدنيا وفي الاخرة

مشاء الله عليك اخوي بوعابد فعلا شرح ممتاز وتستحق الثناء عليه تابع مجهوداتك ونتظر منك المزيد :ciao:

مرحبا عبود الصراحه موضوع وايد حلو
وابى مافيه برنامج يختصر لنا هل الشغله بدل ما ندش على الدووس وليت تحط لنا موقع الاغانى بلونق الفن علشان نقدر نغير فيها مثل المقدمه ودخول اللاعبين


____مشكور على اغنيه بسم الله توكل ياالازرق على الله جك جكم جك__:ciao: :ciao: يعنى صفقه

العفو كنفارو الكويت
بس ما جنك طولت بالسيدي؟
خخخخخخخخخخخ
شكلك بعته من وراي؟
ههههههههههههههه
حلال عليك الشريط
المهم
الأغاني تسوي لها إكستراكت من السيدي نفسه في مكان الأغاني وكل الأغاني تبدأ بأحرف معروفه يعني كلهم يبدون ب bgm
وهاذي كل السالفه

من وين اييب هذا البرنامج adxencd??????????????????

اقتباس:

---

المشاركة الأصلية كتبت بواسطة :{L.S.D}:

من وين اييب هذا البرنامج adxencd??????????????????

---

تفضل اخوي هذا البرنامج اللي طلبته

مشكوووووووووور اخوي على البنامج ماقصرت والله :)

:( عندي مشكلة ثانية من وين اييب برنامج الهكس اديتور

و بعد ماخلص كيف ادخلة عالسيدي ؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟

وينكم يا شباب صارلي يومين و محد رد علي :(

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تآمر امر هذا برنامج الهكس ادييتور

اضغط هنا لتحميل البرنامج

الكراك مرفق في الاسفل

:D :D واي شي ثاني تراني حاضر :D :D

مشكورر اخوي سيمان :biggthump

بس كيف ادخل الصوت عالسيدي ؟؟؟؟؟؟؟؟؟؟؟؟؟

و شكرا و آسف اني ازعجتكم بأسألتي

ألف ألف ألف مليون شكر لك أنت :biggthump

والله ما ادري هل صاحب الموضوع بيرد ولا مسافر ولا وين :09:

المهم اخوي انا الحين ابغى اكرر الصوت

ومن خلال ماقرأت منك قلت اول شيء نحول الى وايف ومن ثم ادكس ومن ثم باين؟

ممكن اعرف ليش نحولها لباين لان ملفات الصوت اللي في اللعبة هي ادكس اصلا ؟
يعني ايش الفايدة من تحويلها لباين
واتمنى منك اعرف كيف اخلي الاغنية تكرر اكثر من مرررة لاني والله توهقت وماعرفت كيف :06:

اخوك الذئب الأسود

اقتباس:

---

المشاركة الأصلية كتبت بواسطة الذئب الأسود

والله ما ادري هل صاحب الموضوع بيرد ولا مسافر ولا وين :09:

المهم اخوي انا الحين ابغى اكرر الصوت

ومن خلال ماقرأت منك قلت اول شيء نحول الى وايف ومن ثم ادكس ومن ثم باين؟

ممكن اعرف ليش نحولها لباين لان ملفات الصوت اللي في اللعبة هي ادكس اصلا ؟
يعني ايش الفايدة من تحويلها لباين
واتمنى منك اعرف كيف اخلي الاغنية تكرر اكثر من مرررة لاني والله توهقت وماعرفت كيف :06:

اخوك الذئب الأسود

---

اخوي صاحب الموضوع موجود وهو يقربلي :p بس كلامك خطأ الملفات اللي باللعبه اصلا هي بين مب ادكس تأكد اخوي :ciao:

اخوي Bo-Ja$$im
سلامي للي يقرب لك عبوووود هكر
وبلغة تحياتييي وسلاممممممممي
وقول له طريقتك احسن طريقة شفتها في المنتدى كله من ناحية الصح
كل الطرق اللي شفتها في المنتدى خاطئة في تكرار الصوت
ومطولة من ناحية التحويل
لكن هذه الطريقة صراحة مية مية :biggthump
والحمدلله نفعت معاي

تحياتي لك اخوي Bo-Ja$$im وتحياتي للغالي عبود هكر

اخوكم الذئب الأسود

:ciao:

ههههههههه حاضرين يالذئب الاسود وهو كاهو معاي بالماسنجر :p اي والله اضبط شرح وصحييح
يالله انشالله يوصل سلامك له

سلاااااااام... :)

أول شي مشكور أخوي على الموضوع

أنا سويت كل شي بس باقي أدخل الصوت في السيدي ومش عارف كيف
هل عن طريق برنامج ال clone cd والشي الثاني مش عارف وين الأغنية اللي في بداية الشريط واللي في المينيو واللي واللي واللي

فكيف ممكن أعرفهن

اقتباس:

---

المشاركة الأصلية كتبت بواسطة الزعابي

أول شي مشكور أخوي على الموضوع

أنا سويت كل شي بس باقي أدخل الصوت في السيدي ومش عارف كيف
هل عن طريق برنامج ال clone cd والشي الثاني مش عارف وين الأغنية اللي في بداية الشريط واللي في المينيو واللي واللي واللي

فكيف ممكن أعرفهن

---

اخوي ياليت ماترفع مثل هالموضوع لانه من شهر 1 وهو موجود!!
ومن قوانين المنتدى :

13) يمنع رفع المواضيع القديمة الغير مفيدة لسبب أو بدون سبب ..ويستثنى في هذه الحالة رد صاحب الموضوع على موضوعه القديم اذا كان الموضوع مطروحاً منذ أقل من شهر فقط .

تحياتي :)

يعني كيف ما نتعلم ولا ننزل موضوع يديد

اقتباس:

---

المشاركة الأصلية كتبت بواسطة الزعابي

يعني كيف ما نتعلم ولا ننزل موضوع يديد

---

اخوي صاحب الموضوع القديم غير موجود بالمنتدى ولا يشارك وانقطع منذ فترة يعني ماراح يرد عليك ... يعني افتح موضوع جديد وضع فيه كل استفساراتك علشان نرد عليك ونساعدك ... اتمنى انك فهمتني بالأخو :)