عرض للطباعة
بعد تفكير ...قررت اسوي درسي الحقيقي
الدرس الي تشوفونه ما بيكون عن كيفيه الرسم...بيكون عن طريقتي فى التلوين باستعمال برنامج الفوتوشوب يعني درس CGing، اعتقد انها مقدمه طويله *سطرين!* خلاص نبدا الدرس؟
بسم الله.
- لازم يكون عندكم سكيتش جاهز..هذا السكيتش الي تشوفونه رسمته ببرانمج اسمه Coral Painter ، اذا ما كا عندكم قلم ضؤي تقدرون ترسمون و تسوون سكان للرسمة *طبعا*
- الخطوة الثانية *التحبير*: انا حبرت كل جزء فى لاير بروحه...يعني الثياب فى لاير و الشعر فى لاير، هذى العمليه تسهل عليكم تصحيح الاخطاء، يعني اذا ما عجبكم الشعر بعد التحبير و ما كنتو راضيين عن النتيجه احذفو الاير بدال ما تقعدون تمسحون.
اذا ما كنتو تستعملون قلم ضوئى ما عليكم الا ان تحطون الرسمة على لاير و تغيرون خصائصها من Normal الى Multiply و تبدون التلوين فى لاير جديده تحتها.
-الخطوة الثاله *التنظيف*: بعد ما تخلصون تحبير تأكدو من ان كل الخطوط مو سميكة اكثر من الزوم و امسحو الزيادات. و طبعا احذفو الاير الي كان عليه السكيتش الاولى لان ما له لزوم.
- الخطوة الرابعة *التلوين* و هي اصعب خطوة:
هذى المرحلة تنقسم لعدة مراحل:
* اول شي تأكدو من انكم تحطون لاير جديد لكل جزء، و بعدين باستعمال lasso و شكلها مثل حبل الكاوبوي حددو المكان المراد تلوينه...و اذا بغيتو تزيدون مكان على المكان الي حددتوه ما عليكم الا انكم تضغتون على shift و بعدين بتلاحظون ان فى زائد ضغيره ظهرت تحت الاداة ... لا تيشلون يدكم عن shift و حددو المكان الاضافى.
* و بعدين باستعمال اداة الصبغ تقدرون تملون المكان الي حددتوه باي لون.
* الحين لازم ننظف الزوائد..بس اول شي انصحكم تحطون لاير تحت كل لايرات التلوين و تملونه لون داكن، هذى العمليه تسهل عليكم انكم تشوفون الالوان الفاتحة. و باستخذام المساحة امسحو الزوائد
* الحين بعد ما خلصنا مسح بنضيف الظلال و اللمعات. بس اول شي لازم نقفل الاير عشان ما نلون برع المنطقة المحدده...بس اضغطو على المربع الي انا حطيت حوله دائر بالاحمر و بعدين بتشوفون طلع لكم شكل قفل على الاير ، الحين الاير مقفول يعني ما تقدرون تلونون الا على هذا الاير و الالوان ما بتطلع برع. و عشان تضيفون الظلال بس اختارو اللون و بعدين ارسمو فوقه بلون اغمج شوي...
*هذى العمليه ما تنفع اذا كنتو مسوين سكان للرسمة و ما رسمتوها مباشرة بالفوتوشوب..فاذا كنتو مسويين سكان انصحكم تتقدمون للنقطه الي بعدها....الحين انا بلون التحبير عشان اعطي الرسمة منظر احلى...و عشان الون التحبير لازم اقفل الاير الي عليه التحبير و بعدين الون فوقه بالفرشاة...طبعا لازم يكون اللون اغمج عشان يوضح.
*الحين بضيف الجناح، اول شي حطيت لاير جديد ... و رسمت الجناح بلون واضح (اخضر مثلا)
و بعد ما اخلص من رسم الجناح و اتأكد انه مرسوم بالطريقة المطلوبة اقفل الاير و بعدين باستعمال اداة تدرج الالوان اختار لونين و بعدين اختار شكل تدرج الالوان ، انا استعملت التدرج الدائري. و عشان اوضح شكل الجناح اكثر رسمت خطوط رفيعه على الجناح عشان اوضح شكل الريش.
وااااااااااااااااااو اخيرا الف مشاركه...الف الف الف :09:
المهم نرجع للدرس
* عشان اخلى الجناح و الشعر يبنون احلى ضفت بريق خارجي، و بتحصلون التأثيرات هذى فى قائمة تظهر اذا ضغطتو على حرف F الموجود داخل دائرة فى نافذة الايرز. و طبعا تقدرون تغيرون اللون و درجة البريق ^_^.
* و اخيرا اضيف بعض خصلات االشعر بفرشاة صغيرة، و اتأكد من كل شي تمام.
-و الخطوة الاخيرة *الخلفية*: طبعا هذا يرجع لكم و لذوقكم. لسوء الحظ الخلفيات مو من اختصاصي ، و طبعا ما اقدر اتفلسف و اعلمكم شي ما اعرفه
تم بحمد الله....
و اخيرا. ادري ان الدرس غريب شوي..و يمكن يكون مب واضح... اعتذر بس هذا كل الي اقدر عليه، اتمنى انكم استفتدو و لو شوي منه.
و اذا عندكم اي اسئله لا تترددون، بحاول اجاوب عليها ^____________^
ماي Mai Arumashi
يا سلام عالدرس الرائع!! طريقتج ممتازة وسليمة!!
وشرحج مفهوم!
والرسمه!! روعة !! ^^
الله يعطيج العافية على هالدرس :D
وان شاء الله نشوف المزيد مستقبلا!!
ومبروك على الألف مشاركة :wink1:
i saw this lesson the moment u started it and couldnt wait till u finish it ..
thanks alot for sharing your experience with us
i really wanted to know the ay u CG the hair .. it the most fascinating part in your artworks ..
line arts have always been a trouble for me ..
and the tip of coloring the line art at the end of the CGing with a darker colour is awesome .. im gunna try it someday soon
Thanks once again
the lesson is clear and simple
^^
درس جميل ورائع... تعلمت كم شغلة... آسف ودي أكمل الرد بس دخل وقت الصلاة...
بس شوفة الرسمة تتطور تكفي... اتقنتي شرح الردس ماي...!
واستفدت كثير
السلاممممممم
واو آنا ويني عن هالدرس أول مرة أشوفه !!
ماي طريقتج وايد حلوة و بسيطة , صراحة جهد تشكرين عليه ,
^^ موفقة
غرييييييييييييب الحين اكتشفت اني ما قلت شكرا للناس الي ردو ا^__________^
مرحبـــــــــــا
:bigeyes:
اوووو تسلمين على الدرس يا ماي :biggthump
:33: هممممم طريقه حلوه يبيلي اجربها :icon6:
farewell