موضوع صريح : مالهدف من اللنك شيل ؟؟؟

مساء الخير ..


كيفكم شباب ,, ان شالله كلكم بخير وعافية

انا فية موضوع ابي اناقشكم فية جميعا يامن تلعبون فاينل 11 ....
وانتم يا اصحاب اللنك شيل ...

ايش الهدف من اللنك شيل الاساسي من تأسيسكم لهذة المجموعات ..

طبعا هالتساؤلات ماجت على بالي من الا من عدة نقاط حصلت لي خلال هالشهور وانا العب في فاينل 11.
اشخاص يطلبون المساعدة , ولاحد يساعدهم , اخرون قالبينها تحدي بينهم , والبعض ولاكنة موجود طيب ليش ؟؟

في البداية كويت نايتس ماقصرت , كتأسيس اغلب اللاعبين المبتدئين باللعبة بمساعدتهم في بداية مشوارهم ؟ طيب وبعدين !!
انا ماالوم اصحاب اللنك شيل , بل الوم من تاسس في المجموعة وتعلم ولاحب يعلم ..

الهدف من اللعبة مو بس اننا تحدى بعض وخلاص , لو اروح اطلب اسوي مهمة مع شخص , شوي القاة راح سواها لحالة , والا نلاقى واحد يصايح يبي مساعدة ولا حد يلقية بال !! والكثير الكثير .. يعني صايرة مسألة مفاخرة بيننا اكثر من مسألة مساعدة , واخرتها يلجا الشخص للمساعدة من اشخاص اجانب , يابانيين او امريكان , طيب مو الاولى اننا يالعرب نساعد بعض؟؟

مااعتقد اننا راح نخسر شي لو اجتمعنا في يوم معين واحد بس في الاسبوع , نخلية فقط حق المساعدات , على سبيل المثال نسوي مهمات مع بعض , نسوي كويستات , البعض يبي مهن متقدمة وين المشكلة اذا ساعدنا بعض عشان شخص ياخذ المهنة اللي يرغبها وغير كذا انت بنفسك تكسب مهنة ايضا , حتى لو ماكنت ترغبها ضيفها لرصيدك للمستقبل .. صدقوني كذا بتكون قمة المتعة في اللعبة مع ربعك ومع ناس تعرفهم وتعرف تخاطبهم ويخاطبونك ,

صدقوني كذا راح نكون احسن , وراح نقرب من بعض اكثر , مو بس كل واحد يدور مصلحتة ولا تهمة مصلحة غيرة , هذا مجرد رأي اتمنى يكون له وقع على اللاعبين واللي ودهم يخدمون غيرهم بخبرتهم , انا بالنسبة ماقصرت ماحد احاول اساعد قد ماقدر حتى لو احيان اكون مشغول . اتمنى يحصل هالشي واشوف الكل مبسوط ...
اتمنى اشوف ارائكم انتو بعد , وبعد اللي معارض كلامي ياخذ راحتة ويعبر عن رأية الخاص ..

ولكم تحياتي ..
Devilboy

انا معاك في هالشي .. المفروض انساعد بعض في اللعبه .. ويعطيك العافية أخوي ديفل :ciao:

هذا الموضوع انا كنت ابي اكتب عنه موضوع بس الغيت الفكرة لان كك رجع ^^

اقتباس:

---

اشخاص يطلبون المساعدة , ولاحد يساعدهم , اخرون قالبينها تحدي بينهم , والبعض ولاكنة موجود طيب ليش ؟؟

---

و في شي ثاني بعد في ناس امسوين اللينك شيل جات روم يعني امسوينه ماسنجر ما ابي احدد بالاسماء لان كل واحد عارف نفسه هذا غير السب الي قاعد يصير والصراحة انا ما الوم الي اطلعو لان صج هذا شي ما ينسكت عليه و فوق كل هذا في ناس محترمين و يساعدون و انا اب صراحة اقولها لولاهم جان انا لي الحين ما وصلت لي لفلي منهم كك و يوسفrionu -kamoe-alkaizer-و في واااااااايد غيرهم بس هذول الي انا اذكرهم الحين و طبعا ستيف منهم^^(لول ستيف بنكي كل ما اطلب من فلوس يعطيني ما يقول لا مشكور ستيف^^)

و في فتره من الفترات قررت اني اطلع من اللنك شيل لان صج ما قدرت اتحمل السخافات الي قاعد اتصير و انضميت حق لينك شيل امريكي الصراحة ما قصرو مع انهم اجانب و كل واحد شايف مصلحته بس كانو يساعدون المفروض يكون اللينك شيل جذي الكل يساعد الثاني نالعب مع بعض لان اللعبة مو بس رفع لفل اللعبه فيها ميشنز و فيها كويستات ^^

و انتما ان اللينك شيل يصير احسن من المستوى الي اهو فيه و ان نتساعد و الصراحة فكرت يوم بالاسبوع للمساعدة وايد حلوه و اتمنا انها تتطبق
و الصراحة انا با هالايام (من يوم ما رجع كك ) في وايد اشياء تطورت في اللينك شيل في وايد ناس انطردو و اللينك شيل تحسن و كل شي صار في احسن حالاته^^
و مشكورين^^
سلام hellday

نظرتي للينك مثل نظرتي لل Chat rooms

غلطان اجل اسمحلي ...

اذا اللينك شيل فاتحينه للمحادثه اجل وش الفايده ؟ اذا القائمين على اللينك شيل ومؤسيسينه ما نظمولهم مثلا خطه يمشون عليها بحيث كل واحد يجد المساعده فالناتج حاله اللينك شيل راح تتدهور ...وشوي شوي ما تلقاك الا انت جالس بحالك هه تقشر بصل .

وهذا اتوقع اللي صار ببعض اللنكات ناس طلعو وحلصلو اللي يلقيهم بال بحيث يحصلون المساعده ويساعدون بنفس الوقت .

*صور خاطئه :

1- ناس مالهم شغله و لا مشغله الا الشحاذه ... رح اطلع وتعلم مثل غيرك :)

2- ناس تبي تلبى حاجاتها باقرب وقت ! يعني بعض المرات يصير الواحد ببارتي او في مكان بعيد بحيث يصعب انه يساعد

3- ناس اذا خلاص لقت حاجتها ..سحب على الباقين ولا يستجيب للمساعده ولا يفكر انه يساعد :tongue2:

4- وعالم بس دق حنك ...الناس تطلع وتكرف وترفع لفل وهم متكين محداثه .

هذا اللي كان بخاطري ... وان شاء الله اكون ما طولت

اقتباس:

---

المشاركة الأصلية كتبت بواسطة aoks

نظرتي للينك مثل نظرتي لل Chat rooms

---

غلطان اجل اسمحلي ...

اذا اللينك شيل فاتحينه للمحادثه اجل وش الفايده ؟ اذا القائمين على اللينك شيل ومؤسيسينه ما نظمولهم مثلا خطه يمشون عليها بحيث كل واحد يجد المساعده فالناتج حاله اللينك شيل راح تتدهور ...وشوي شوي ما تلقاك الا انت جالس بحالك هه تقشر بصل .

وهذا اتوقع اللي صار ببعض اللنكات ناس طلعو وحلصلو اللي يلقيهم بال بحيث يحصلون المساعده ويساعدون بنفس الوقت .

*صور خاطئه :

1- ناس مالهم شغله و لا مشغله الا الشحاذه ... رح اطلع وتعلم مثل غيرك :)

2- ناس تبي تلبى حاجاتها باقرب وقت ! يعني بعض المرات يصير الواحد ببارتي او في مكان بعيد بحيث يصعب انه يساعد

3- ناس اذا خلاص لقت حاجتها ..سحب على الباقين ولا يستجيب للمساعده ولا يفكر انه يساعد :tongue2:

4- وعالم بس دق حنك ...الناس تطلع وتكرف وترفع لفل وهم متكين محداثه .

هذا اللي كان بخاطري ... وان شاء الله اكون ما طولت

السلام عليكم

بصراحه انا اول من ساعدني بالشريط وعطاني دفعه معنويه كبيره واكن له كل احترام اخوي القدير Almot
وكذلك تحيه كبيره للي ساعدني في مفاتيح كازهام Kahzam والله يا اخوي DevilBoy انك ما قصرة ابدا لم قمت معاي وساعدتني 10/10 وجزاك الله خير
وكذلك اخوي lordaegel
وكذلك ما انسى اخوي Usef ساعد اخونا Arcoda
وانا عن نفسي ساعدت ثلاث مبتدين
ياشباب لا تفكرون ان يعني لازم نتكر اللعبه ونقعد نساعد لالالا مو هذا قصد اخوي ديفيل
بالكعس اللعب واللعب وعلى راحتك بس عط من وقتك ربع ساعه ساعد فيها اخوك الي لفله صغير في بعض المهمات
نستفيد
1- ساعدت شخص وهذا بحد ذاته متعه جميل جدا
2- الشخص يضع لك مكان خاص في قلبه ويعزك
3-تثبت لصاحبك ان العرب لا يقلون قوه عن الاجانب ولا يقلون معاونه لبعضهم
واشياء اخرى
طبعا ولا تنسوى اكثر واحد امشي معاه بالشريط ARcoda

وشكرا

يعني وش الفرق بين البارتي واللينك شيل
اللينك شيل : ناس يقولون للمحادثة والتواصل مع أعضاء اللينك شيل أينما كانو
البارتي : يقولون انه أعضاء البارتي يلعبون مع بعض يختمون مهمات وكذا

إذا غلط أرجو تصحيح وتعريف كل وحدة منهم عشان ما نتوهق :D

ذكرتوني بواحد ياباني ليفل ماله فوق ال50 سمعني انا وواحد أمريكي كنا نتكلم كيف أنه من الصعب الحصول على magiced skull الي هو نادر ومطلوب عشان ال الوظيفة المساعدة , مع العلم أنه مايعرف انجليزي كل الي فهمه اننا ندور على الGoul الي مايطلعون الى بالليل في فالكورم .

سوا بارتي ويانا وضرب خط ودانا مكان بعيد حتى الخريطة ماكانت وياي ودخلنا كهف وتم يتصيدلنا في الGouls الين ما حصلناه, الأمريكي أول ما حصله قال ثانكيو وسو ديسباند وروح
تميت أتا وياه ربع ساعة الين ما حصلته , عرضت عليه فلوس أو أي شي يبغاه ,رفض تم يوطي لي ولا 5 مرات.

صعب تحصل ها المعدن عند البشر

يا عمي السلام ما يردونه!!:p

نصيحة اعتمد على نفسك

اقتباس:

---

المشاركة الأصلية كتبت بواسطة aoks

نظرتي للينك مثل نظرتي لل Chat rooms

---

اجل ليه تدفع مبالغ شهرية :) كلة عشان تسولف , ياكثر غرف التشات في الانترنت ..

اواكس الكلام صريح , يعني تصور لو ربعك هم من ساعدك في اخر مهمة لك في دافوي , مو ماكان احسن ؟
اعتقد فيها فرق .. وفرق كبير ..

والله يااعزائي هالكلام مااقولة الا من باب المحبة لكم , والواحد ماراح يحس فيها اكثر الا اذا صار لفلك عالي !!
وقتها راح تلاحظ الفرق, هل راح تنتظر ناس لفلهم عالي لمدة 5 ساعات او اكثر او ايام عشان تسوي مهمة او تسوي لفل اب , او يكون عندك ربعك المتفاهمين واللي متفقين لى موعد محدد تدخلون وتخلصون كل شي بكل سهولة ويسر , وعلى فكرة هذا اللي اشوفة متبع في اغلب اللنك شيل الاجانب , وياريت حنا نكون احسن منهم ...

والله العيال عطوني لنك شيل حق الكويت نايتس .. ماقعد معي يومين الا ورميته

تسلم محد يرد عليك .. تسال محد يجاوب .. ولو تبي تسولف محد يهرج :jester:

اما لوردز اوف فانا ديل .. الي عطاني اياه Aoks
صراحه Top
فزعولي باحد مفاتيح تصريح الطيران لكازام .. ولو تسالهم يجاوبون سريع سريع
ولو بغيت تسولف بعد هم موجودين :ciao:

اقتباس:

---

المشاركة الأصلية كتبت بواسطة نيو ايرفين

يا عمي السلام ما يردونه!!:p

نصيحة اعتمد على نفسك

---

انشهد

وانا صراحه ماستفدت من اللينك شيل عدى جلتي قير ليما شرالي اللبس ليما اول مره دشيت اللعبه
وبعدها كله ارتفع بروحي ولا حد حتى ساعدني ولا شى كل مااروح اسوي بارتي اكون دايمن مع امريكان

شوفوا شباب اللينك شيل كله رديء
اللينك شيل الي احنا فيه اخذ زايد عن اللزوم بس مافيه عطاء
لو طلبت من احد مساعده ما يساعدك ابدا الا المؤسسين للينك شيل يساعدونك و يحطونك فوق راسهم
للاسف الشديد جدا جدا ان فيه كثير من اللاعبين المميزين في لينك شيل لينك شيل كويت نايت اطلعوا انا الي اذكر منهم قليل و ما حطيت باللي على الاسماء منهم :
1.Shukaido
2.Sephiro
3.Kiraa
4.Madonnaa
5.Lional
و الكثير الكثير و معظم هؤلاء خرجوا لعدة اسباب منها الشتائم التطنز الي ماله لا اول و لا اخر و الكيك اوت ظلما و اللي ملو من ملاقة اللينك شيل و ايضا الي مالقوا ناس تساعدهم!
انا اقولكم انا ساعدت كثير في ف ف 11 رغم لفلي الصغير سواء كانو من اللينك شيل و لا من بره و كثيرا ماطلبت المساعده من اللينك شيل لكن للاسف مافي احد يساعد الناس ما يهمها غير نفسها و المشكله معظم الي طلبت منهم مساعده انا متاكد من اني ساعدتهم على الاقل يا اخي قول والله ارد الجميل حق واحد ساعدني ابدا لا تعاون ..... بس ياشباب لا تروحون و تقولون نبي مساعده حق اهل ف ف 11 الاصيلين الي هم الامريكان و اليابانيين و الله يخدمونك و لا يردونك في طلب و اذا كلش ما اقدرو يساعدونك عطوك معلومات عن الغرض الي تبحث عنه مع جم كلمه طيبه مقل جود لك او تيك كير او نتمنى نشوفك معانا و ..... الخ!
اللينك شيل خايس و انا مو ظال فيه والله بس لانه في ناس عزيزين علي عطوني ياه و انا بظل متمسك باللينك شيل لانه هل ناس انا اغليهم و ماودي اكسر فيهم ابدا مهما صار!
و الصراحه اللينك شيل هذا رغم الي اعزهم ممكن بيوم تلاقوني راميه و ماخذلي واحد مال امريكان لانه الصراحه الامريكان يفزعولك باللعبه و ........ الخ!


اسوا لينك شيل مر علي هو كويت نايت
مع احتــــــــــــــــــــــــــرامـــــــــــــــي للمؤســــــســــــيـــــــــن


و المراقب اكوس يقول انه يشوف اللينك شيل نفس الشات روم انا ما الومه لانه ماشاف اللينك شيلات الاخرى كيف يكون بينهم تعاون و محبه لهم وقت للغشمره و قت للجد و قت للمساعده و وقت لزيادة اللفل و تغير الجوبز و وقت للكويست و وقت للميشن مسكين يا مراقبنا لو انت مو شايف هل شغلات في احد اللينك شيلات ما تسمى لاعب ف ف 11 ...

بعد مده باذن الله باخذ لينك شيل امريكان ماراح افصح عن اسمه لاسباب خاصه وانا بانتظار اكتمال مجموعه من الربع انجليز على عرب على يابانيين يتكلمون انجليزي و راح اكون هل لينك شيل باذن الله لاني سامت الملاقه المتداوله في اللينك شيل الواحد مايقدر يتكلم حتى الشات روم ابرك سلام ستيف :)

ولكن لم يجاوب أحد على سؤالي :(
جاوبو عشان اعطي رأيي لأنه مب معقول اتكلم في شي ما اعرفه :)

فكرة اللينك شيل كلها مادخلت راسي من البدايه والحين الاعضاء اكدوا لشي هذا لي :أفكر: احسن شي العب لوحدك واذا تبي بارتي راح تلاقي بدال الواحد عشره بأقل من ربع ساعه واذا على المساعده اسال اي لاعب ليفله عالي واكثر الي سألتهم ماقصروا وساعدوني بلا لينك شيل بلا هم :)

المشكله انه كان لنك واحد واجتمعوا فيه كلهم..

الناس الي فيه تختلف اطباعهم..يعني بعض الاحيان تحس ان سواليفهم تجيبلك الصرع:p لكن غيرك عاجبته السواليف..

فأحسن شي الي صار الحين..صار فيه اكثر من لنك واحد, كل واحد يقعد مع الناس الي يرتاح معهم وتعجبه سواليفهم ويحب يلعب معهم...والمفروض انهم يتفقون قبل لا يضيفون اي احد للنك..


لأنه بصراحه فيه ناس يبالغون في طلب المساعده..مره عطني فلوس ومره خذني ودني علمني ولا يحاول انه يبذل اي جهد مثل غيره من الناس..وطبعاً تلقاه 24/7 يطلب المساعده..

القعده بدون لنك شيل ممله لكن القعده في لنك شيل فيه ناس ما ترتاح لهم أسوأ بكثير..

لنك شيل كويت نايتس انتهى.. لوردز اوف فاناديل جيد يمكن لان صاحبه مستواه متقارب مع الاعضاء بعكس كويت نايتس

وفيها غيرها كثير..لكن انصح اي واحد انه يجلس في اللينك شيل الي بيلقى فيه مساعده..وطبعا مساعده اقصد انك تلقى احد تسوي معه كويست او مشن موب طراره فلوس وايتمز:tongue2:

بصراحة كنت أتمنى اشوف موضوع مثل هذا :أفكر:

ياخي انا عطوني الـLink Pearl والحين كل ما أسألهم سؤال محد يرد علي ويوم اسأل اي شي يقولون لي We dont like noobs Questions ولا nooob بس ياخي يعني انتو من اول ما بديتو كنتو لعيبة :أفكر: يعني الي قال هالكلام يعرف عمره مب لازم اذكر الاسماء ..

والحين لما ابغي اعرف شي في اللعبة اروح اسأل اي احد في الـMarkets يجاوبني احسن من ما اسأل في اللينك شل وأنذل !! شكراً على الموضوع الي كنت انتظره :33:

اسمعوني حبايبي الكل قام يطيح بكويت نايتس...لكن نسيتوا فضلهم على معضمكم؟...اللي يابولكم اول الورلد باسس..من غير التسليفات...ادري وايد كرهوني(اي انا كاموي) لاني طردت ناس وايدة لكن مو بأيدي لانهم جد غلطوا..ناس ما فيها احترام..

و بعدين تبون الجواب على طول؟...حتى اكبر لينكشيل في راجناروك(ريد لوتس و كونفيديريشن) يبيلك مدة تسأل و تحصل الاجابة و نادر تحصل مساعدة...انزين ساعدناكم اول شي..جزانا تذمونا اخرتها؟...اللي يسب و يشتم..انزين انتم تلعبون نحنا بعد بنلعب...بنزيد لفلنا..لا تنكرون كلام جلتي لمن كان يكتب فالقائمة الاولى مواعيد اداء المهمات...ماكو الا اقليات يو...يعني نقدم المساعدة ما جيتوا..و م ساعدناكم انتقدتونا...ماقول الا الله يسامح الكل.

عموما انا اديت واجبي...اللي اعرفه اجاوب عليه...واللي غلطان الصراحة (برى) شوي عليه...سوالف..نسولف..مساعدات...نساعد بس مو حزتها اسأل باحترام..قول قبلها بموعد عشان الكل يعرف و يقدر يساعدك..مو حزتها ياناس الكل يلعب و بأخر الدنيا صارلها ساعات ينطر فريق و توه داخل بيخليه و بيجيكم؟

لا تتوقعون كل شي من اللينك شيل...وفي ناس دفشين فاللينكشيل...طفشوا ناس من احسن اللاعبين..شتبون نسوي نطرد الكل؟..انا صح صارم ....احد غلط غلطة عودة مع السلامة...لكن..اذا واحد كان دفش مابيدي اقوله مع السلامة

لا يمكن الحصول على اجابة بسرعة او باي وقت بلينك شيل كويت نايت , او لينك شيل الين غندال او نيو غندال او ريد لوتوس. هذا شيء صعب جدا .
اتذكر تني كنت اسئل سؤال واتوقع 10% ان يتجاوب... لهذا اعتمدت على نفسي طيلت الوقت والمواقع اليابانية.....وهذا السبب اني كنت بطيء.
وترى رجعت :cool:

كاموي..اعتقد الأغلبيه يتكلمون عن وضع اللنك شيل في الكم اسبوع الأخيره وما غلطوا صراحه كلامهم صحيح..

نسبه كبيره من الي تكلموا دخلوا اللنك في فترة متأخره كان اللنك فيها شبه منتهي.. ما لحقوا على البدايات والمساعدات ولا شافوا شي لذلك لا تلومهم على هالكلام لان الكلام الي قالوه صحيح..

وبالنسبه لغيرهم, الجميع مقدر لجهود جلتي وكويت نايت وغيرهم لكن مو بالضرورة انهم يظلون بهاللنك للأبد..لأن الوضع صار ما يحتمل.

وبالمناسبه اشكر جلتي جير على المساعدات في البدايه وكويت نايت على الورلد باس:blackeye:

شهل كلام الفارغ لا يمكن الرد او المساعده في الحال انزين خلاص انا راضي بالي تقولونه

انزين واحد سال سؤال والله محد رد عليه تقولون ننطر اوكي لي متى ليمن الولد يطلع ؟؟ غريبه والله و لا بتجاوبونه ثاني يوم لمن ما تذكرون هو شنو سال ؟؟؟؟انا قعد اشوف اعضاء يسالون بس للاسف مافي احد يجاوب و تلاقي الناس كلها تسولف انزين واحد يرد عليه شفيها ها ؟

بعدين يا سنجيان احنا ماننكر ان كويت نايت ساعدونا في البدايه و احنا ماقعد نتكلم عن المؤسسين فقط بل ايضا عن الاعضاء اللي لفلاتهم فوق الـ30 ليش مايقدرون يساعدون شنو عندهم بس تبون تزيدون لفلكم يخي ساعدوا الناس مافيها شي!

و كما قلت لينك شيل العرب هذا مافيهم خير و انشالله ابيكم تترقبون بيوم منم الايام اشلون اقط اللينك شيل و لا اعبره!

و بعدين في كثير من الناس ما ساعدوا انا الي اذكر لهم فضل علي هم خمسه فقط:
1.Alkaizer
2.Kuwaitknight
3. chevonisky
4.riuno
5.Sephiro

ممكن تقولنا ياسنجيان وينك انت من المساعدات و ممكن تقولي زايفورد وينه من المساعدات هذا غير العديد من المؤسسين الي ماساعدو للاسف الشديد كل واحد فيكم لاهي يزيد لفله و لا تفكرون سوا بانفسكم!

و بعدين احنا ما قلنالكم انا احنا بندش رجناروك انتم الي ضيفتونا و لا كان بوسعنا انا نروح اي سيرفر اخر و انت ادرى بالنقاش الي دار بينا كلنا احنا اعضاء المنتدى قبل دخول فاينل فانتسي و ترجياتكم لنا في دخول هذا السيرفر على العموم ان كنت متحسف على الفلوس الي دفعتوها لنا و على اللينك بيرل و اللينك شيل و الوورد باس فهي كلها ماتتعدا الثلاثين الف بالرسم و الخدمه اردلك ياها و انا اقصد بهل كلام انا نفسي لا اكثر و لا اقل!

و اخيرا حبيت اقول ان اللعبه لعبهه جماعيه يعني لو انتم ماساعدتمونا احنا العرب منو بيساعدنا و تصير و حلوه بويوهنا جدام الامريكان كافي انهم يتشمتون فينا بالحقيقه تبيهم يتشتمون فينا باللعبه و انا مالومك و لا الوم من لا يساعدون بعضم البعض لان احنا العرب يله كل من يشيل نفسه ماهو داري عن غيره و هذا عيبنا !

ياشباب, ياشباب هدو الوضع السالفة مايبالها كل هذي العصبية

أول مابدأو اللنك شل قالو وقسمونا الى مجموعات حاول بقدر الأمكان انك تلاقي ناس قد ليفلك
مايسير الي باللنك كلهم تبونهم يكونون بارتي

في شي ثاني ناسيه انه ممنوع الspoilers يعني ماتعطي الحلول داخل عالم فاناديل حتى الأرض لها اذان (Game Masters) اه لوسمعوك تكشف سر باللعبة...وعطو مثال على ذلك : ماتقول

the secret to advance your guild job is ..... l

هذي الحلول تلاقيها بره فاناديل.....مواقع و منتديات

والحين خلينا في الزبدة : أنا توني موصل ليفل 11monk و الحين أبغي أرتب بارتي طويل الأمد

يعني نقدر نرتب الوظائف الي بينا و نقدر نرتب الوقت بحيث كل يوم نخصص كم ساعة بس حق تطوير الليفل و المشنز وباق الوقت كل يلتهي بدنيته, يعني يسير يحطب يخبز يصيد أو يزيد الشهرة في المدينة

شو رايكم.... ردو علي هني وبنحدد موعد اللقاء في ساندوريا

تعلمو اللعب بضمير وخلكم الطمع ولا ترى اخريها بتكون بروحك وتستوي :blackeye:

أنا ما اشوف اي فايده من اللنك شيل

كلام فاضي ...

وخاصه اكثر الاعضاء يكتبون فيه بالانجليزي المعرب

mo zeen alink shill

:ciao:

mashkoreen

اقتباس:

---

المشاركة الأصلية كتبت بواسطة roana

أنا ما اشوف اي فايده من اللنك شيل

كلام فاضي ...

وخاصه اكثر الاعضاء يكتبون فيه بالانجليزي المعرب

mo zeen alink shill

:ciao:

mashkoreen

---

بالعكس اللنك شل مهم ومهمجدا ف لعبة ضخمة مثل FFXI هل تدرين انه في لنك شلز بس حق اللفلات العالية في الصناعات guilds , في ناس وصلو لين الليفل50 وتفرغو بس للguilds . الطريقة الوحيدة للتفاهم هي اللينك شل. حرفي دبغ الجلود يحتاج بعض الأدوات النادرة الي يصنعها حرفي النجارة, وهكذا

كل لنك شل ولها أهتماماتها الخاصة : أقدر أسوي LS بس حق الصيد أو بس حق المشنز
أستخدامنا الخاطىء لها لا يبرر انها فكرة خطأ

أقدر أسوي LS بس حق المجموعة الستة الي دوم العب وياهم
ليش دوم تبى تعتمد على اللفلات العالية , أذا في مهمة صعبة , سير طور نفسك

خلي اليفلات العالية حق المهمات الصعبة جدا :06:
بعدين من كثر أسالتكم تخلونهم يندمون انهم عطوكم ويه,
تبيهم يساعدونك في كل شي!

:(

وشي ثاني طورو لغتكم الأنجليزية شوي اللعبة بالأنجليزي فلا تفرض شخصيتك ولغتك على الغير

وشي ثالث المواقع الي في الأنترنت مو مقصرة في تفاصيل اللعبة والمهمات , بس تبي واحد يقراها.

شكلي أنفعلت ....لكن ما أحب الأسلوب الي يقول أذا ما ساعدتني تراني بزعل:02:
يادلع:09:

شوفوا انا اقول اللينك شيل مهم بس مع ناس تساعد بس مع ناس ماهما غير نفسها مثل الي عندنا :أفكر:

ما اتوقع انه راح يكون مهم جدا :o

احسنلك تنظم الى لينك شيل انجليزي يساعدونك فيه ابرك من عيشت اللينك شيل العربي هذا :أفكر: !

و نسيت اقول انه من الناس الي ساعدوني Hellday علشان لا يزعل علينا :p

السلام عليكم

حبيت أني أعبر عن رأيي بهذا الموضوع بصفتي عضو سابق ومازلت بكويت نايتس ..

طلب المساعدات ..شوفوا مقارنتي بين العربي و الامريكي .. الأمريكي يحاول يسوي كل شي بنفسه .. إذا ما عرف

وصكت فيه الدنيا .. وقتها يسأل ..

العربي .. مادري .. ما يعرف يفتح الخريطة و يسألني .. شلون أفتح الخريطة ؟ .. ههههههه .. غريبة الدنيا والله ..

و طلبات الفلوس .. تعتقدون أني عندي 100 ألف أو أكثر ؟ .. هههههههه .. لا تطمنوا .. أكثر مبلغ وصلت فيه كان 50 ألف

و يروحون مني بأقل من يوم .. يعني بالنسبة للفلوس .. لا تعتقدون أن مساعدتنا لكم بالفلوس بتكون سهلة .. مع العلم أني مرة

عطيت لاعب خليجي 10 آلاف و للحين ما ردها للأسف .. مو مشكلة .. سامحناه بهذي ..

و حتى مرة دخلت لينك شيل كويت نايتس لمدة 10 دقائق و وقتها حصلت على أربعة /tells من ناس ولا عمرهم كلموني ..

ياما صارت مشاكل باللينك شيل ومحد اهتم فيها .. شخص ياخذ أشياء من أشخاص ثانيين وما يردها .. يبيعها ..

لو تفضلون اللينك شيلز الأمريكية .. فعلى راحتكم .. هذا من حقكم .. شيلوا أي لينك شيل تبون على كيفكم .. محد طقكم على

ايدكم و قالكم تعالوا شيلوا لينك شيل كويت نايتس ..

ولا مرات يسألوني على اللبس اللي يلبسونه .. يعني لي هالدرجة واصلة فيكم ؟ .. تراه كله لبس .. قارن و إلبس ..

و حتى بالنسبة للأسلحة .. أنا ولا مرة بحياتي مسكت Sword أو Great Sword .. و يسألوني كذى مرة عنهم .. مع العلم

أني أقولهم قبلها اني ولا مرة استخدمت هالسيوف .. و تتكرر الأسئلة .. و أكثر و أكثر .. أحداث ما تذكر ..

و أقولها لكم ..

أنا حاضر لأي مساعدة باستخدام /tell .. بشرط أنها ما تتضمن طلب نقود ..

وللي ما يعرفوني .. أنا Chevonisky في سيرفير راجناروك .. حاضرين للطيبين :)

بالتوفيج

احلى شي الواحد يبدى بنفسه ويبني نفسه بنفسه ..

مب غيره يبني له ..

هذا رأيي

جميل جدا كل واحد دش تكلم عن نفسه و نسى غيره نيو يتكلم عن الفلوس في ف ف و سنجيان عن زيادة اللفل و الاخر ما ادري عن شنو بعدين انتو كلكم تدرون ان محد يساعد باللينك شيل و اذا واحد تكلم ما رديتوا عليه ليش نعيد و نكرر هل كلام الواحد يفهم بسرعه !

احنا نبي يكون فيه تعاون واحد طلب شي ساعدوه و انتا يا نيو انا الي اعرفه مافي غير المبتدئين هم اللي يسؤلون عن كيفية فتح الخرائط و لا انت للحين تعاني من هل مشكله مع ناس لفلاتهم عاليه 30 و فوق؟؟ما اتوقع ان في احد بهل دنيا ما يعرف يفج الخريطه اذا سالك اكيد بيسال وين المكان الفلاني في الخريطه مو كيفية فتحها لانها اسمحلي قويه :أفكر:

و بعدين على طاري الفلوس انت لازم تكون متاكد من الواحد قبل لا تعطيه و اذا كلش كلش خلاص عطيته انت نيتك كانت المساعده و ما تدري انه بيغدر فيك و يكونلك درس علشان ماتعطي الا ناس تثق فيهم (مثلي :jester: اقص عليك مابي فلوس)و هذي سالفة الفلوس و خلصنا منها!

بعدين شي طبيعي اذا دشيت بيوم من الايام ولقيت اربعه يسوولك tell يبون مساعده منك من عذرهم شافوا لفلك عالي ليش ماتساعدهم و يا انك ماتعرفهم توهم داشين اللعبه و اذا كانو متمرنين باللعبه و لفلاتهم عاليه اكيد يبون منك مساعده لشيء فوق طاقتهم(فوق طاقتهم؟! :09: قمت اخورها) اقصد مساعده لشيء مايقدرون عليه او يبون يد عون لهم !

بعدين على طاري الخدمات مشكور على الـعرض الي قدمته و هذا يدل على طيب اصلك و ماتقصر و ساعك على القوه انشاءاللهو تسلم و نشوفكم على خير انا بنتظار جم واحد يردون على الموضوع ناطرهم على احر من الجمر :vereymad:

اقتباس:

---

المشاركة الأصلية كتبت بواسطة MAD-BOSS

غلطان اجل اسمحلي ...

اذا اللينك شيل فاتحينه للمحادثه اجل وش الفايده ؟ اذا القائمين على اللينك شيل ومؤسيسينه ما نظمولهم مثلا خطه يمشون عليها بحيث كل واحد يجد المساعده فالناتج حاله اللينك شيل راح تتدهور ...وشوي شوي ما تلقاك الا انت جالس بحالك هه تقشر بصل .

وهذا اتوقع اللي صار ببعض اللنكات ناس طلعو وحلصلو اللي يلقيهم بال بحيث يحصلون المساعده ويساعدون بنفس الوقت .

*صور خاطئه :

1- ناس مالهم شغله و لا مشغله الا الشحاذه ... رح اطلع وتعلم مثل غيرك :)

2- ناس تبي تلبى حاجاتها باقرب وقت ! يعني بعض المرات يصير الواحد ببارتي او في مكان بعيد بحيث يصعب انه يساعد

3- ناس اذا خلاص لقت حاجتها ..سحب على الباقين ولا يستجيب للمساعده ولا يفكر انه يساعد :tongue2:

4- وعالم بس دق حنك ...الناس تطلع وتكرف وترفع لفل وهم متكين محداثه .

هذا اللي كان بخاطري ... وان شاء الله اكون ما طولت

---

طبعا اكيد فاتحين المساعدات عندنا في لوردز اوف فاناديل

إلا ألآن تقريبا ما طلبت الا مساعدة وحده

وهي جمع مفاتبح كازام

وما قصروا والله

طلع معي

Kiraa
Tloa
Arabdrakness


ومين بعد .. والله نسيت ... لكن اكيد لازم مساعدات ^^

take it easy guys

ليش معصبين :tongue2:

==================================
عموما انا لما كنت اونلاين في ف ف 11 دايما كنت استخدم لينك شيل كويت نايتس
واتحدى اي شخص (اي شخص)

يقول ان سال شي وانا ماساعدته في ف ف 11
اي واحد اعرفه او مااعرفه كنت اساعده
شفيها اذا ساعدته?

الوحيد الي ماساعدته نسيت اسمه صراحه واحد شفته في الجنقر فوريست وسالني شلون اروح جويني دليته ليه مخرج الجنقر فوريست وقتله اطلع الحق الممر الي بالارض وتوصل جوينو (كنت بوصله لكن ماقدرت لان كنت في فرقه ينطروني في دافوي )

وبعدين قالي انه مات في الطريج sorry


انا لما كنت استخدم الينك شيل كنت احاول افتح مواضيع انوي مهمات او كويستات وحتى كانت على اشكال اقتراحات (يعني شرايكم نسوي الكويت هذي .... وجذي ومرات كنت اسولف :tongue2:

anyway


there was no damn respect

وطبعا الاشاعات ياكثرها والكلام الي مافي اقذر منه لما كان محد اونلاين ينقال كان شي عادي
(والي مو مصدق عندي صور تثبت الشي هذا)

مثال
stupid monkey
هذي كلمه وصخه خطيره؟
قلتها حق واحد لان قاعد يكرر الكلام لي انا واهو رفيجي كل ساع يقولي نفس الشي بالينك شيلل قلت له استخدم تيل
وعلى فكره كان ينقال كلام اوصخ من هذا بوايد ومحد يتكلم
وينطلي واحد مادري من وين يقولي شوف شنو الي قاعد تكتب باسلوب تهديد كاني اشتغل عنده :33:
وهذي كانت المره الثالثه الشخص هذا يستعمل نفس الاسلوب لي انا بالذات شمعنه مادري

واخير مره الي انا طفشت :tongue2:
قلت
shit too many links with many monster and we dont have blm for escape spell

اشوف الحبايب طبو علي وتهديد بالطرد شنو قلت غلط بالاساس؟

في شي اسمه تيل اذا واحد غلط تقدر تدزوله تيل تحذرونه على الاقل باسلوب لائق مو دفاشه بالينك شيل
and what happen dead people who have never talk say then lool sephiro will be kicked
انا قمت وطلعت من نفسي وتركت الينك شيل محد سوالي كيك :tongue2:
وماقليت ادبي قلت بكل احترام باي وهذي اخر مره استخدم هذا الينك شيل ومشكورين وطلعت
هذا الي صار لان سمعت ناس قالو اني قمت اسب وخرابيط

سخافه
انا اذكر مره دخلو هندي بالينك شيل هذا باعها بالكلام الوصخ كان مايدري دزيتله تيل وقال اوكي سوري كنت ماادري (باسلوب بشر)

اذا تقولون محد يساعد محد يتلكم انا ازيد شي

no talk
no help
no respect

هذا هو شعارنا

لووووووووووووووووووول

سوري ايفريون
but this is the what happen

ومن شده الوقاحه تخيل انت متهاوش مع واحد تمر جدامه بالصدفه ولا شي يسويلك check
لووووووووووول


==
انا اقول حططو قوانيين وbig boss
عشان مو كل من هب ودب ويتفلسف

and good luck
kuwaitknights good ls but need manythings to do first

والله انا رايي من راي Dark Devil والصراحة احب اضيف شي يمكن محد لاحظه غيري باللنك شل (خاصتا كويت نايتس) وهو ان إذا واحد سئل سؤال ورد علي أكثر من شخص واختلفت الإجابات والله اعلم من الصح فيها يصير في شجار عاد اهني ينخلق قانون الغابة (البقاء للأقوى) فتشوف اللي يقدر يطرد يطرد وما عنده اي مانع وللأسباب التالية :
1- السلطة والقدرة على السيطرة
2- الحبيب محتر تلقى معلوماته ما تضاهي معلومات اللي مجاوب
3- صدمه لاختلاف اللفل (يعتقدون ان إذا والله انا لفلي Whm11 معناته توني لاعب اللعبة وما يدرون ان عندي لفلات اكثر من ما يتصوره العقل <== طبعاً الكلام مو عني شخصياً)

وطبعاً انا باللعبة اسمي Eeisa وعندي اخو يلعب اللعبة بعد واسمه باللعبة Lionol طبعاً هذا 24 ساعة باليوم يلعب وانا ما العب كثرة عادتاً بس اهو مولع باللعبة وماشالله عليه مع ان بدينا نلعب اللعبة بنفس الوقت الا ان لفلاته Higher than mine alot more than anyone could imagin

طبعاً Lionol انطرد من شخص له سلطة (من دون ذكر الاسامي) من لنك شل مشهور (هم من دون ذكر اسامي) وحصلت مناقشات قرر فيها ان يرد اللنك شل بس اهو مو راضي
تتوقعون ليش ؟؟؟؟
الجواب مشتق من السؤال <== والسؤال يطرح نفسه
الا وهو : ما الهدف من اللنك شيل ؟؟؟ <== من ناحية Lionol :
The linkshell doesnt worth a time for giving help or something like that and everyone know that. And thats why we dont see helps in LSs

على العموم من وجهة نظر Lionol أيضاً ان اللنك شيل مضر جدًّا لأن ياخذ 1/35 من الادوات اللي يمكن حملها يعني يخلي عدد الادوات اللي تشيلها يساوي (35-1=34) أو (30-1=29) زين يمكن واحد لقى شي مهم يستحق البيع وما عنده الا مكان واحد يشسوي ؟ (of course with sorting items) طبعاً لازم يستغني عن الItem :09:

وفي النهاية أحب اقول ان هذي غلطة من سكوير المفروض اللنك شيل ما يشغل مكان
وترى كلنا اخوان ومالنا الا بعضنا البعض وترى الواحد يحس بالفخر ويعلي قيمته باللنك شل لا تصدقون سالفة الشهرة باللعبة من خلال المهمات لان هذي برمجة اللعبة ومجرد كلام مبرمج يتكرر لكل شخص يلعب اللعبة وانا شخصيّاً ما امانع اني اساعد اي شخص باللنك شل يحتاج للمساعدة بس طبعاً بقدر المستطاع ==> إن شئت ان تطاع فسل المستطاع :biggthump

اقتباس:

---

المشاركة الأصلية كتبت بواسطة STEEV

شوفوا شباب اللينك شيل كله رديء
اللينك شيل الي احنا فيه اخذ زايد عن اللزوم بس مافيه عطاء
لو طلبت من احد مساعده ما يساعدك ابدا الا المؤسسين للينك شيل يساعدونك و يحطونك فوق راسهم
للاسف الشديد جدا جدا ان فيه كثير من اللاعبين المميزين في لينك شيل لينك شيل كويت نايت اطلعوا انا الي اذكر منهم قليل و ما حطيت باللي على الاسماء منهم :
1.Shukaido
2.Sephiro
3.Kiraa
4.Madonnaa
5.Lional
و الكثير الكثير و معظم هؤلاء خرجوا لعدة اسباب منها الشتائم التطنز الي ماله لا اول و لا اخر و الكيك اوت ظلما و اللي ملو من ملاقة اللينك شيل و ايضا الي مالقوا ناس تساعدهم!
انا اقولكم انا ساعدت كثير في ف ف 11 رغم لفلي الصغير سواء كانو من اللينك شيل و لا من بره و كثيرا ماطلبت المساعده من اللينك شيل لكن للاسف مافي احد يساعد الناس ما يهمها غير نفسها و المشكله معظم الي طلبت منهم مساعده انا متاكد من اني ساعدتهم على الاقل يا اخي قول والله ارد الجميل حق واحد ساعدني ابدا لا تعاون ..... بس ياشباب لا تروحون و تقولون نبي مساعده حق اهل ف ف 11 الاصيلين الي هم الامريكان و اليابانيين و الله يخدمونك و لا يردونك في طلب و اذا كلش ما اقدرو يساعدونك عطوك معلومات عن الغرض الي تبحث عنه مع جم كلمه طيبه مقل جود لك او تيك كير او نتمنى نشوفك معانا و ..... الخ!
اللينك شيل خايس و انا مو ظال فيه والله بس لانه في ناس عزيزين علي عطوني ياه و انا بظل متمسك باللينك شيل لانه هل ناس انا اغليهم و ماودي اكسر فيهم ابدا مهما صار!
و الصراحه اللينك شيل هذا رغم الي اعزهم ممكن بيوم تلاقوني راميه و ماخذلي واحد مال امريكان لانه الصراحه الامريكان يفزعولك باللعبه و ........ الخ!


اسوا لينك شيل مر علي هو كويت نايت
مع احتــــــــــــــــــــــــــرامـــــــــــــــي للمؤســــــســــــيـــــــــن


و المراقب اكوس يقول انه يشوف اللينك شيل نفس الشات روم انا ما الومه لانه ماشاف اللينك شيلات الاخرى كيف يكون بينهم تعاون و محبه لهم وقت للغشمره و قت للجد و قت للمساعده و وقت لزيادة اللفل و تغير الجوبز و وقت للكويست و وقت للميشن مسكين يا مراقبنا لو انت مو شايف هل شغلات في احد اللينك شيلات ما تسمى لاعب ف ف 11 ...

بعد مده باذن الله باخذ لينك شيل امريكان ماراح افصح عن اسمه لاسباب خاصه وانا بانتظار اكتمال مجموعه من الربع انجليز على عرب على يابانيين يتكلمون انجليزي و راح اكون هل لينك شيل باذن الله لاني سامت الملاقه المتداوله في اللينك شيل الواحد مايقدر يتكلم حتى الشات روم ابرك سلام ستيف :)

---

تدري اكبر غلطه سواها كويت نايتس بانه دخل ناس ما يسوون في الينك شيل

وانا اذكر كويت نايتس كان قليل الاعضاء كل واحد يحترم الثاني

ولا فيه الملاغه الزايده

اما الملاغه فا الملاغه في كل مكان

وانا صارحه ودي يتجمع كل العرب في لينك شيل واحد اما كزيت نايتس ينحط على الراس من فوق وما ارضى احد يغلط

عليه وبعض الناس عليهم كلام في الينك شيل قوي ويجرح وارجو انهم يتحملون كلامهم

وشكرا

l)@RK-l)EVIL :

يا حسن ما توقعت أن ردك بيكون بهذا التهجم ..

اقتباس:

---

وينطلي واحد مادري من وين يقولي شوف شنو الي قاعد تكتب باسلوب تهديد كاني اشتغل عنده :33:

---

شوف حبيبي .. أنا ما هددتك .. قلتلك لا تتكلم جذي أرجوك .. مع العلم اني ما هددت بالطرد

اقتباس:

---

اشوف الحبايب طبو علي وتهديد بالطرد شنو قلت غلط بالاساس؟

---

حتى بهذي النقطة ما هددت بالطرد .. وأذكر انها كانت shit shit shit .. مع احترامي للجميع .. هذي الكلمة معناها ( براز ) ..

و أنا اقولك يا بو علي .. والله لو كنت شايف واحد متكلم بهذا الاسلوب جدامي باللينك شيل أكلمة بمثل ما كلمتك ..

و سامحني مرة ثانية لو كنت غلطان بحقك ..

اقتباس:

---

ومن شده الوقاحه تخيل انت متهاوش مع واحد تمر جدامه بالصدفه ولا شي يسويلك check

---

لسوء حظي ان اللي سوالك check كان أخوي الصغير .. أنا خليته يلعب بالشخصية لمدة ساعتين علما اروح الجمعية و أرد ..

ولا يقولي بكل فرحة ( أنا شفت سفيرو و سويت عليه تشيك ) .. طبعا كانت لي صدمة .. لأني ما حبيت أني أزيد المشكلة

بيني و بينك .. كافي سوء التفاهم اللي صاير .. و الدليل اني كنت معاك بالnest لمدة اسبوع تقريبا ؟ .. والله ما اذكر ..

المهم بعد السالفة هذي قلت أخليك تزيد لفلك و أنا اوقف الزيادة مؤقتا علما انت تزيد و تروح تلفل بمناطق ثانية ..لأني عارف

شكثر تكرهني بعد السالفة ..

و للمرة الثالثة .. لو كنت غلطان بحقك .. انا آسف .. :)


STEEV :

اقتباس:

---

واختلفت الإجابات والله اعلم من الصح فيها يصير في شجار عاد اهني ينخلق قانون الغابة (البقاء للأقوى) فتشوف اللي يقدر يطرد يطرد

---

غريبة .. أول مرة اسمع فيها .. طرد بسبب اختلاف اجابات ؟ .. :blackeye:

اقتباس:

---

لانها اسمحلي قويه

---

حبيبي عيسى .. قوية ولا مو قوية .. هذا الواقع اللي مريت فيه 3 مرات .. :)


وقلتلكم يا عيسى .. اي مساعدة بأي ميشين أو كويست أو منطقة .. أنا أحاول اسوي اللي اقدر اسوية .. بس لو مثلا شخص

يسالني عن ميشين 9 .. والله بيني و بينك للحين ما اذكر شنهي بالضبط .. و الشباب الطيبين ( الطيبين ) يعصبون لمن أقولهم

(آسف ما اذكر .. ممكن تذكرني فيها ) .. ويزعل ..

مع العلم .. لينك شيل كويت نايتس معظمة .. أو تقريبا 90% من روادة من الجدد .. يعني ما يعرفون وايد عن اللعبة و معلوماتهم

مقصورة في نطاق معين .. و مشاء الله ناس تعلموا من نفسهم و يعرفون أحسن مني و منك ..


بالتوفيج :)

اقتباس:

---

المشاركة الأصلية كتبت بواسطة SanjiyaN

اسمعوني حبايبي الكل قام يطيح بكويت نايتس...لكن نسيتوا فضلهم على معضمكم؟...اللي يابولكم اول الورلد باسس..من غير التسليفات...ادري وايد كرهوني(اي انا كاموي) لاني طردت ناس وايدة لكن مو بأيدي لانهم جد غلطوا..ناس ما فيها احترام..

و بعدين تبون الجواب على طول؟...حتى اكبر لينكشيل في راجناروك(ريد لوتس و كونفيديريشن) يبيلك مدة تسأل و تحصل الاجابة و نادر تحصل مساعدة...انزين ساعدناكم اول شي..جزانا تذمونا اخرتها؟...اللي يسب و يشتم..انزين انتم تلعبون نحنا بعد بنلعب...بنزيد لفلنا..لا تنكرون كلام جلتي لمن كان يكتب فالقائمة الاولى مواعيد اداء المهمات...ماكو الا اقليات يو...يعني نقدم المساعدة ما جيتوا..و م ساعدناكم انتقدتونا...ماقول الا الله يسامح الكل.

عموما انا اديت واجبي...اللي اعرفه اجاوب عليه...واللي غلطان الصراحة (برى) شوي عليه...سوالف..نسولف..مساعدات...نساعد بس مو حزتها اسأل باحترام..قول قبلها بموعد عشان الكل يعرف و يقدر يساعدك..مو حزتها ياناس الكل يلعب و بأخر الدنيا صارلها ساعات ينطر فريق و توه داخل بيخليه و بيجيكم؟

لا تتوقعون كل شي من اللينك شيل...وفي ناس دفشين فاللينكشيل...طفشوا ناس من احسن اللاعبين..شتبون نسوي نطرد الكل؟..انا صح صارم ....احد غلط غلطة عودة مع السلامة...لكن..اذا واحد كان دفش مابيدي اقوله مع السلامة

---

:biggthump

يا إلهي ... قلبتوها معركة -_-

:31:

راح اضطر اقفل الموضوع .. مانبي زيادة مشاكل

سلام عليكم شلونكم شخباركم


حبيت اقولكم اولا انه ليش مكبرين الموضوع وو على فكره الكلام الي قاعد ينقال كله على كويت نايتس
وو حبيت اقولكم شغله وحده الي يبي يقعد في الينك حياه الله وو يقعد بحترام موجودين ولي مو محترم
نفسه او قاعد يغلط على الموجودين راح يكون طبعا مصيره كيك من الكويت نايس وو كويت نايتس
فيه مشاكل انشالله راح تنحل وو انشالله راح يردون كل شباب القدم حق الينك هذا وو الي طلع وو ينكر
جميلنا عليه ف هذا الله يسامحه وو كيفه ترى احنى مو محتاجين له وو انشالله راح نحاول انه تتغير
الاوضاع في كويت نايتس ^^ بس ياريت لاتكبرون الموضوع اكثر لانه شايفه سالفه مالها داعي
نتكلم فيها لانه كلكم قاعدين تتكلمون فيها ورا بعض وو انا اعترف اني قاعد اكلم اغلبكم في هل موضوع
وو قاعد اوعدهم انه راح يتغير كل شي وو حبيت اقولكم شغله هذه العبه جماعيه لي اخر درجه بس
في نفس الوقت انت محتاج تطور نفسك بنفسك وو هم تساعد نفسك ترا ياما قعدنا بدون فلوس بالاشهر
مافيها شي ساعدتنا نفسنا عادي .


ف ارد وو اكرر الي مو محترم نفسه او مو محترم الموجودين في الينك شيل كويت نايتس وو معاجبه
الوضع هناك يطلع من الحين وو انا قاعد اقولها حق الكل وو قاعد اقول حق القدم الي يحبون كويت
نايتس للحين بس مو عاجبهم الوضع فيه وو عشان جذي مو قاعدين يدخلونه ردو وو راح تشوفون
انه كل شي راح يتغير انشالله من اليوم وو اتمنى من جيلتي يعطيني صلاحيه اكثر وو حق شباب
الهولدرز انه يطردون اي واحد بدون رجوع حقه (لاتخاف راح نقولك انه طردنا )


وو اخر شي اقوله ترى لعبه ماتخلص وو لو ماقدرت الحين على شي بتسويه باجر او الي عقبه
الدنيا مهيا طايره وو صبرو شدعوه مافيها شي ياما صبرنا ليمن حصلنا الي نبي مو كل شي ايي
بسرعه .



greeneyez

closed....