نداء الى اهل قطر (تبادل وشراء الانمي بقطر وبأفضل الاسعار)

السلام عليكم


شحالكم يا اهل الخير :D


الصراحه تمللت وانا اقعد انزل افلام انمي

ولذا ابي افلام ومسلسلات انمي بأسعار معقوله وتكون ويكون الصوت والصوره معقولين

وعندي

دي ان اي انجيل كاااااااامل

هلسنج كامل

وبعد فيه بس مااتذكرهم حاليا


بس الي ابيه حاليا بيرسك جميع حلقاتها وتكون الصوره معقوله

وياريت الي بيتعاون معاي بهالموضوع يعطيني اللسته الي عنده واذا في امكانيه للتبادل بينا نتبادل وياريت نكون نفس الدول المجاوره لاني اشوف بينهم تعاون واتمنى نكون نفسهم واخر شي نفكر فيه هو الربح المادي وصدقوني احنا نبي نفيد الكل ونحاول نساعد على قد مانقدر.
ياريت اشوف تعاون بهالموضوع وكل واحد يقول شعنده انمي وكم السعر وكيفيه الاستلام وطبعا الجوده مطلوبه.........
ناطر ردودكم يا اخواني وشكرا:biggthump

وبالنسبه عن نفسي انا راح ابيع السيدي الواحد ب8 ريال فقط وفيه من3 الى 4 حلقات والتسليم يد بيد ومايصير خاطركم الا طيب واللسته الي عندي حاليا هي:
DNAngleكامل بكل حلقاته
Hellsingكااااااامل وبكل حلقاته
prince of tennisحاليا عندي 5 حلقات منه وانشالله اجيب الباقي
وحاليا قاعد انزل حلقات ناروتو وبجوده عاليه بس الحلقه الاولى عندي وقاعد انزل الباقي وانشالله في بالطريق انمي غير شكل بس نشوف التعاون انشالله

وايضا يا اخواني عندي فلم انمي جديد NINJA SCROLL وبجوده عاليه :)

هلا والله وغلا جيت بوقتك يالغالي


انا من قطر وعندي انمي نفسك وهذي اللي عندي كلها


mazinkaiser

bastard

love hina

fire magic

knights of rounse

والباقي نسيته وعندي استعداد اتبادل معاك او حتى اشتريها وعلى فكره انا الانمي الل عندي كلها vcd وعندي اشرطه فيديو ((trigun-card captors sakura-arc the lad))


اتمنى اسمع ردك واذا حبيت نتعارف اكثر الرسايل الاص ماتقصر :ciao: :ciao: :ciao: :ciao: :ciao:

هلا بالغالي وانا رديت عليك عالخاص والصراحه ابي love hina وياريت تقولي كم عدد الحلقات الي عندك وبكم السيدي الواحد تبيعه عشان اعرف يالحبيب واذا حد اعجبه يشترك معانا

وايضا يا اخواني عندي انمي نادر اكشن وجميل وهو عباره عن 4 حلقات وكامل وجمييييييييل جدا واسمه
NIGHT WARRIORS darkstalker's revenge

السلام عليكم... أعتقد أن القوانين واضحة, عدم فتح مواضيع للبيع و الشراء من غير المواقع الرسمية, ربما هذا للتبادل لكن اتمنى أن يبقى على الرسائل الخاصة و لا يتغير الموضوع...

صدقني يا اخوي ماشفت القوانين لاني توني جديد ومادفعني بالاشتراك بهالمنتدى الا بسبب التعاون وطبعا التواصل عبر الرسائل الخاصه في حاله الاتفاق بس انا فتحت الموضوع عشان كل واحد يحط اللسته الي عنده والكل يستفيد يالغالي مب اكثر وخاصه ان احنا في دوله قطر مادري اذا تعرف نفتقر لوجود المحلات الرسميه لبيع الانمي ولايوجد لدينا اي مصدر غير الشراء عبر الانترنت وطبعا الشراء عبر الانترنت يبيله شغله واحنا بهالموضوع اختصرنا المسافات وحبينا نسوي تعاون اخوي ولاتعتبرها يالغالي يالحبيب بيع وشراء احنا الاساس افاده الكل والاستفاده والا المال هاذا اخر شي نفكر فيه وياريت اخوي توافق على استمرار الموضوع...................

أهلا بك أخوي... أولا مرحبا بك في منتديات المنتدى و اتمنى أن تستمتع بوقتك في هذا المنتدى العزيز, و شيء آخر أخي الغالي و العزيز... هو أنك تحاول تبحث عن قوانين المنتدى قبل بدأ أي شيء, و القوانين لا أعتقد أنها صعبة, و شوف هذا عندك الموضوع قوانين المنتدى فبقراءة هذا الموضوع إن شاء الله تتفادى الأخطاء و تواصل بلا أي مشكلة... الحقيقة لا أخفيك سر أن في البلد الذي أعيش فيه ما فيه أي محل أنيمي و أنا شخصيا لا أعرف الكثير هنا عندهم أنيمي, فالحال نفسه أخوي, و لكن يرجى الإهتمام بقوانين المنتدى... و تحياتي لك و بالتوفيق...

انا عندي ناروتو الى الحلقه 72
وحاضرين لك بدون بيع
بس ابي سيديهات فاضيه
وما يصير خاطرك الا طيب
وعندي افلام فيديو جزيرة الكنز ويمكن ناقص حلقه في النص
وعندي رانزي الساحرة كامل
وعندي ساسوكي كامل لكن فيه حلقات بدون الوان
وعندي نينجا المغامر كامل

طب وتخير
وكل المطلوب افلام فاضيه وانا ان شاء الله انسخ لك


شووووووووووكرن

ياسلام عليك ياتووووووت والله اني اشكرك واتمنى الكل مثلك وانا احيي روح هالتعاون فيك وانا اول واحد اتعاون معاك وابي ناروتو وطرشت لك رساله خاصه ياريت تقراها ونبي تعاون اكثر ياشباب عشان نقدر نفيد بعض اكثر وكل واحد فينا تتحقق امنيته انه يشوف الانمي الي يبي يشوفه

اتمنى القى مشاركات اكثر:ciao:

حاضرين لك يالغالي
انت تامر وكل اهل المنتدى يامرون
وما يصير خاطرك الا طيب


شوووووووووكرن

السلام عليكم انا عضو جديد وجذبني هذا الموضوع انا بعد عندي انمي وهي :
بلاك جاك و سامراي اكس و بعض افلام وحلقات كونان ( هاذي من النت ) وعندي غيرها بعد بس عندي سؤال شلون بنتبادل انا بنت واعيش في منطة بعيده من الدوحة في البر يعني .

ياهلا وسهلا بإختي الغاليه ومايصير خاطرج الا طيب وانا ارحب بكل شخص اشترك بهالموضوع لان الصراحه كلنا نبي نشوف عدد كبير من الانمي وطريقه التبادل والشراء هي احسن طريقه وبخصوص موضوعج انا راح اتفق معاج بالرساله الخاصه اني احط لج الانمي في مكان تعرفينه وتروحين وتاخذينه:p واذا عندج طريقه ثانيه هم انا حاضر ولا تزعلين لان اهم شي اني افيدج وافيد كل شخص يبي يشترك بهالموضوع والصراحه الانمي الي عندج ابي اشوفهم:biggthump

نسيت اقول لك انه عندي
fullmetal alchemist
من الحلقه الاولى الى العشرين
وعندي فلم نينجا سكرول فلم كامل
وعندي ساموراي اكس فلم كامل
وعندي نينجا ريزيراكشن فلم من 45 دقيقه
بالاضافه للي تعرفهم يالغالي



شوووووووووووكرن

ياسلام عليك يا توت والله انك راعيها:biggthump

اقول يالغالي انا ناطر تنسخ لي ناروتو كل الحلقات والصراحه انا مابي اكون طماع لان كل الي عنددك اعجبوني والي تقدر عليه انسخه لي يالغالي وانا حاضر لك

اخي توت عندك بيرسرك جميع الحلقات لاني ابي اشوفه:biggthump

حبيت اقولكم اني تبادلت مع الاخ kingx11 عدد من الانمي والصراحه الحبيب ماقصر وانا بعد بادلته انمي هيلسينج واتمنى انه يعجبك وانا حبيت اقولكم عشان ارويكم ان هذا الشخص وفى بكلمته وماقصر وانا الحين قاعد اشوف الانمي الي خذته منه:biggthump

حاضرين لك يالغالي
الوفى اصلنا
وحنا لها وحنا ارجالها
بس انطر علي
وما يصير خاطرك الا طيب
وبالنسبه لبيرسيرك
ما عندي
اذا تقدر انت اتجيبه لي
اتسوي
خير



شوووووووووووكرن

مايصير خاطرك الا طيب وانا ناطر تنسخ لي وخذ راحتك يالحبيب وعن بيرسرك انا بسوي طلبيه واول مايوصل بيكون بيدك يالغالي اطلب انت وانا انفذ:biggthump

على فكره حبيت اقولكم اني طلبت gtoوانشالله بالطريق بيجي واول مايوصل بخبركم:biggthump

حبيب.........حبيب
والله انك راعيها
لكن انا عندي فكرة بالنسبه لناروتو
انا الحين قاعد اترجمه بالعربي
وباخلص الحلقه الرابعه اليوم
مع العلم بديت من الثانيه
والترجمه أوكيه
ووضوح الصورة فوق الاوكيه
وانت اختار
اذا انت تبي بالعربي راح تصبر معاي لين أخلص
وكل ما أخص دسك((يعني ثلاث أو أربع حلقات يكون عندك)) وانت حر يالغالي
اذا تبيه بالانجليزي بيكون عندك بوقت أسرع بوايد



شووووووووكرن

الصراحه يالغالي انا مستعجل عليه ومافي مشكله يكون اجنبي لاني احب الترجمه الاجنبي وافهم لها اكثر:biggthump
ادري ثقلت عليك بس تحملني:ciao:

بالعكس والله يالغالي
انت تامر
وان شاء الله الدسكات كامله اتكون عندك يوم الأحد بالكثير
من واحد لين 74

قول أن شاء الله



شووووووكرن

انشاااااااااااااااااااااااااااااااااااااااااااااااااااالله وانا ناطر يالحبيب ومشكور يالغالي وايد

أنا جاهز
وطرشت لك رساله على الخاص
ناطر ردك


شووووووووووكرن

يا هلا وغلا بالغالي وحبيت اشكرك من اعماق قلبي وانشالله اردها لك بأضعاف اضعافها اول مااستلم الانمي الي سويت عليهم طلبيه بس قول امين انهم يوصلون:biggthump
اتمنى ان الاخوان يتعاونون معانا وان نقدر نساعد بعض بأكبر قدر ممكن ومثل ماشفتو كل واحد وعد ووفى بوعده:D

اشكرك ياتوت مره ثانيه واشكرك لانك وفيت بوعدك وانشالله اخذ الانمي من عندك بكره لاني ميت ابي اشوفه:biggthump