وع!! تسولفين مع" شغاله"؟؟

السلام عليكم..

مذيعتكم من قناة montada.com تنقل لكم هذا الخبر الساخن....

الخبر ده طازة أوي أوي!!


استوقفني موقف قبل قليل..


كنت في المطبخ احضر مشروب ساخن لي.."وهو مشروب سحري لن اخبركم عنه:reporter: "


واذ بخادمة اختي تسالني" ايس هدا انتا في اشرب؟":06:

قلت لها " بس بس بس"<==يقالها تشفيره عشان ما تعرفون سواليفنا

المهم وغصنا في الموضوع وقمنا نسولف انا وهي وخادمتنا..



يوم جيت اطلع ولا ب "قطقوطه" (هذي الله وكيلكم حطيت لها مواضيع كثير من يوم دخلت المنتدى اذا تذكرون بنت اختي الصغيره المشاغبه)

وقالت: هأ!!:11:
يع تكلمين شغاله يا خاله.....؟؟!! :argh: <=== من قلب كانت تهاوش ترى

قلت لها :ايه وش فيها؟؟ مب بشر ذولي بعدين اسمهم فلانه وعلانه مب شغالات....

والله ما عطتني وجه..قعدت تحرك يدينها شجبا واستنكارا,,,وتمشي وتقول استغفر الله بس تكلم شغالات :o


"ترى عمرها 6 سنوات على الاكثر"



ورقيت فوق للكمبيوتر"يعني الحين"

وقعدت افكر....

وش سر هالنظره الدونيه للشغلات او حتى السواقين على حد السواء...

كيف هالنظره ترسخت في مجتمعنا...

اذكر من يومني صغيره وانا احب اوقف شوي مع الشغالات واسولف سوالف سطحيه.."مب قطه ميانه ومشاركه اسرار لا" بس من باب تحسيسهم انهم مقبولين ومب شي ننفر منه


بس اذكر اهلي كانوا يقولون لا مب زين..


بصراحه داخلي مب مقتنعه انه مب زين...

وش فيها لو حسسناهم انهم بشر مثلنا وليش نتقرف او نستجهنهم؟


بس مدري اذا انا الصح او الغلط..




حتى صديقتي تقول انه جانا سواق اسمه مثل اسم اخوي بالضبط وانه منقههههههههر ويقول لا تنادونه باسمي غيرو اسمه ههههه متقرف ان السواق يحمل نفس اسمه:p




فانا اسالكم هنا

وش نظرتك لهذه العماله؟؟

وكيف تتعامل معهم بكل صراحه عادي قل الصدق :tongue2:


وهل ترى انهم شي دوني ما يستحق نسولف معه..بس في الاوامر والطلبات؟


وانت كيف بترسخ بعيالك مباديء التعامل معهم..؟


والي عنده اي زياده ارحب بها^______^


سلام

"اشكر الي يكون صريح" :flowers1:

مشكورة اختي على الموضوع
انا بصراحة الخادمة اللي عندنا اعاملها معاملة زينة والحمدلله ما ارفع صوتي عليها واسولف معاها وساعات نقعد مع بعض ونشوف تلفزون يعني عادي
بس اختي اللي اصغر مني ماتحبها واتقول انتي شلون تسمحينلها اتشوف التلفزون ؟
وانا اقولها : هذا من حقها اهي بشر مثلنا بس لا حياة لمن تنادي :09:

والله انا كاني مانيب عايش مع اهلي

يعني اعاملهم معاملة طيبة مع اني ماشوفهم الا بالسنة حسنة
وحتى الاكل نادرا اطلب منهم لان كل اكلي برا
عموما هم يقدرون اللي يحترمهم وهذا اللي انا اشوفه وهم يحترموني :)

لكن للاسف عندنا ناس اذا جاهم الخدم كانهم شارينهم بفلوس يعني مستعبدينهم استعباد غير طبيعي وللاسف الشديد انهم كثار

الله يهديهم بس

ومشكورين على الموضوع الغريب شوي واعذري بنت اختك تراها صغيرة :)

اقتباس:

---

المشاركة الأصلية كتبت بواسطة Lena

وش سر هالنظره الدونيه للشغلات او حتى السواقين على حد السواء...

كيف هالنظره ترسخت في مجتمعنا...


وش فيها لو حسسناهم انهم بشر مثلنا وليش نتقرف او نستجهنهم؟

---

على فكرة سبب هذي النظرة للخدم هم الخدم نفسهم لأن فيهم من يكون زين وفي منهم يكونون مثل الشياطين يا يسرقون او يضيعون العائلة كلها ويا كثر قصص الخدم المأساوية :)

عن نفسي اصلا ما قرب منهم كثير ما احب اتعود عليهم :tongue2:

<<<<<<يموت يعرف وش المشروب اللي تشربينه :tongue2:

اما عن نظرتنا للشغالات

صراحه...

انا تروح خدودي حمر وقت اشوف شغاله :D

بالحقيقه فيه بعضهم يفرضون عليك احترامهم
لكن البعض وهم الاقل انجاااس :vereymad:

لكن عن نظرتي لهم فبصراحه
انا اعتبرهم اوادم مثلنا
وشفيها يعني :33:

ليش نترفع عن مستواهم
تراهم بشر مثلنا

ولك مني جزيل الشكر والعرفان اختي لينا على هذا الموضوع :ciao:

ملاحظه : نسيت اقولك بالعافيه عليك مشروبك السحري :ciao: <<<<الى الان يبي يعرف وش هو :D



سلام

والله اذكر كان عند جدي سواق بالطايف..من السودان وعاش يمكن 15 سنة

وكان جدي يتكي معه بالعصر في الحوش حق السواق ويلعبون دومينوز او في رواية ضومنة

ومافيه عزيمة الا ويجي فيها..واسلم عليه مثل مااسلم على الباقين

اما بالنسبة للشغالات ..ههههه..الآن في بيت جدي عندهم شغالة فلة..ههههه

تمسك خط سواليف مع اي حرمة تشوفها وكلهم يقدرونها..

وعاد وخري عنها اذا سولفت مع مريم محد يفكهم..والظاهر مريم

طلعت بمثابة الأم الروحية ..يعني اي وحدة تشوفها توها ما تزوجت تعرفها على واحد هالسواقين

ويالله مايمر كم شهر الا والشغالة والسواق بيسافرون لأندونيسيا عشان الزواج " الله يخلف علينا بس"

اقتباس:

---

المشاركة الأصلية كتبت بواسطة Lena

السلام عليكم..

مذيعتكم من قناة montada.com تنقل لكم هذا الخبر الساخن....

- وقفوا وقفوا ؟؟ جميع الحقوق محفوضة لقناة قاهر منها قناة مونتدى دوت كوم ومحد قالي بتعين مذيعة في هالقناة ؟؟ :tongue2: ... بس هي مومشكلة دام ان المذيعة فنانة من الطراز الاول فمافيه مشكلة :33:


الخبر ده طازة أوي أوي!!

- فروج ^^..

استوقفني موقف قبل قليل..

- شصار !! اللغة العربية الفصحى زايدة ^^


كنت في المطبخ احضر مشروب ساخن لي.."وهو مشروب سحري لن اخبركم عنه:reporter: "

- :vereymad: :12: لازم نعرف التحضير .. :33:


واذ بخادمة اختي تسالني" ايس هدا انتا في اشرب؟":06:

- لكل واحد ووحدة بالبيت خادمة :33: فكرة مو زينه بعدين يصير تخادن للخدم ويعملون حزب الخدم وطبعا يستخدمون عليكم السحر الاسود بلاك ماجك .. :afraid:

قلت لها " بس بس بس"<==يقالها تشفيره عشان ما تعرفون سواليفنا

المهم وغصنا في الموضوع وقمنا نسولف انا وهي وخادمتنا..

- همممممم والي عنده كاشف التشفيرات :o <== مستخف دمه وايد اليوم ..


يوم جيت اطلع ولا ب "قطقوطه" (هذي الله وكيلكم حطيت لها مواضيع كثير من يوم دخلت المنتدى اذا تذكرون بنت اختي الصغيره المشاغبه)

وقالت: هأ!!:11:
يع تكلمين شغاله يا خاله.....؟؟!! :argh: <=== من قلب كانت تهاوش ترى

قلت لها :ايه وش فيها؟؟ مب بشر ذولي بعدين اسمهم فلانه وعلانه مب شغالات....

والله ما عطتني وجه..قعدت تحرك يدينها شجبا واستنكارا,,,وتمشي وتقول استغفر الله بس تكلم شغالات :o


"ترى عمرها 6 سنوات على الاكثر"

- :blackeye: ماضربتج :afraid: معليه اطفال الزمن تغيروا ..


ورقيت فوق للكمبيوتر"يعني الحين"

وقعدت افكر....

وش سر هالنظره الدونيه للشغلات او حتى السواقين على حد السواء...

كيف هالنظره ترسخت في مجتمعنا...

اذكر من يومني صغيره وانا احب اوقف شوي مع الشغالات واسولف سوالف سطحيه.."مب قطه ميانه ومشاركه اسرار لا" بس من باب تحسيسهم انهم مقبولين ومب شي ننفر منه


بس اذكر اهلي كانوا يقولون لا مب زين..


بصراحه داخلي مب مقتنعه انه مب زين...

وش فيها لو حسسناهم انهم بشر مثلنا وليش نتقرف او نستجهنهم؟


بس مدري اذا انا الصح او الغلط..




حتى صديقتي تقول انه جانا سواق اسمه مثل اسم اخوي بالضبط وانه منقههههههههر ويقول لا تنادونه باسمي غيرو اسمه ههههه متقرف ان السواق يحمل نفس اسمه..




فانا اسالكم هنا

وش نظرتك لهذه العماله؟؟

وكيف تتعامل معهم بكل صراحه عادي قل الصدق


وهل ترى انهم شي دوني ما يستحق نسولف معه..بس في الاوامر والطلبات؟

- أول شي .. ان الخادمات والشغالات يكسبون رزقهم من هالعمل ؟؟ .. يعني أحنى الحين مانقدر نقول اننا اعلى منهم مستوى فممكن من هو ارفع منا مستوى بالدين .. :33: .. أعطيكم مثال ان هالدنيا اسرار .. يعني احنى نقول فلان كلم هالشغالة وفلانة قعدت دقيقة وحدة تكلم الشغالة ؟؟ فيها شي ؟؟ طبعا لا .. يعني الشغالة مثل العامل في عمله .. فيه رئيس يرأس العامل وفيه رب البيت يرأس الشغالة .. هل اختلفنى بالمستوى ؟؟ لا بتضل تحت ادارة شخص .. حتى ولو اخذنا المدير فيه فوقه من يفرض نفسه عليه وهكذا .. يعني اعتقد انها مافيها شي لو كلمت الخادمات والشغالات ..


وانت كيف بترسخ بعيالك مباديء التعامل معهم..؟

- لين ياو بالدنيا يكون الكلام قد تغير .. لا امزح .. باقول لهم عملوا الي بترتاحون له بس .. باعطيهم معلومه وهي ( كل شي يزيد عن حده ينقلب ضده ) ^^.. يعني الي يقول الحين ان فيه اطفال يتعلقون بالخادمات هل السبب الخادمات ؟؟ لا السبب في التربية اما قلة حنان من الاب ام قلة حنان من الام ..


والي عنده اي زياده ارحب بها^______^

- فيه خادمات وشغالات شياطين ولهم حركات ابد لما تعطيهم وجه يكرهونك بالخدم .. وفيه العكس ><


سلام

"اشكر الي يكون صريح" :flowers1:

---

موضوع رائع لعضوة ولا اروع .. تشكرين الف شكر .. ولو اني شوية ثقلت بالموضوع بس يالله دامه بداية لرجوع الامبراطورية القاهرية :ciao:

:reporter: مراسلكم من قناة قاهر ..

الحمد لله ماعندنا لا خدامة ولا سواق ... لأننا لسنا بحاجة أحد يخدمنا ..

والخدم بهذا العصر أصبحوا للتباهي فقط عشان والله فلانه ما تكون أقل من فلانه ... طبعا لا أقصد الجميع ..

أما مساوئ الخدم فهي كثيرة .. منها أنها تعود على الكسل فترى الآن الفتاة وهي في ريعان شبابها لا تتقن عمل شيء لا طبخ ولا نفخ ولا غسيل ولا أي شيء واذا سألتها لماذا؟؟ تقول عندنا خدامة !! .. ثانيا اختلاطها مع الزوج والأخ .. الخ دون محرم .. وبعض الخادمات قد يكون لديهن لمحة جمال ولا توجد مرأة عارية من الجمال على الإطلاق .. فهل ترضى الزوجة أن ينظر زوجها أو ابنها الى امرأة أجنبية ؟ ويكلمها ويحادثها وخلافه ..
قال الرسول صلى الله عليه وسلم : " لا يخلون رجل بامرأة إلا كان الشيطان ثالثهما " ومرت علينا قصص مخيفة عما يحدث داخل بعض المنازل التي تواجد بها الخدم والخادمات .. وهي قصص يقشعر لها البدن .. هذا
الكلام موجه للرجال أيضاً.. اترضى لزوجك أو أختك أن تخرج برفقة السائق ؟؟ ودون محرم معها .. كثيرا ما صرنا نرى هذا المشهد وبشكل طبيعي هذه الأيام وكأن هذا السائق أو الهندي عديم الأحساس ليس لديه مشاعر انسانية ليس لديه شهوة وليس لديه أذن يسمع بها أو عينا يرى بها ..
الخادمات أصبح مرضاً في مجتمعنا العربي والخليجي تحديدا ..

آسف لخروجي عن الموضوع لكني أردت أن أوضح بأن وجود الخدامة في المنزل دون سبب قوي ومهم بل وضروري لأقصى درجة بحيث لا يمكن الإستغناء عنها ليس أمراً عاديا كما لاحظت من ردود بعض الأخوة بارك الله فيهم ..

نعود لنقطة الموضوع الرئيسية ..

بالنسبة للقصة التي رويتها يا أخت لينا هي مع الأسف منتشرة وبكثرة في مجتمعنا ..

يعتبر البعض الخادمة أو السائق .. بأنهم عبيد أو جواري .. لا يستحقون شيئا على الإطلاق حتى الهواء الذي يتنفسونه وهذا له عدة أسباب يطول شرحها .. منها : اما أن هذا الإنسان مريض .. أو أنه تنشئته لم تكن سليمة .. أو أنه تعرض لشيء جعله يكره الخادمات ويحتقرهم ..

دخلت في احدى المرات لمنزل أحد الأصدقاء .. كان لديهم خادمة فلبينية عمرها تقريبا 32 عاما تخيلوا!!
جاءت لتقدم لنا الشاي بعض صراخ هذا الصديق عليها .. وزجرها مرارا وتكرارا وكأنها حشرة أو كائن بلا أحاسيس ..
سألت صديقي ليش تصرخ عليها كذا بدون سبب .. فقالي كذا تقهرني غبية وما تفهم ومخها سميك ومن هذا الكلام .. فقلت له هذا الحين سبب كافي يخليك تهين شخص بهالشكل حط نفسك محلها ... قالي تخسى .. قلت له ليش يعني عشانك ولد نعمه وعايش أحلى عيشة .. فسألته سؤال قلت له هي تعرف تقرا وتكتب قالي ايه تراها خريجة هندسة زراعية .. أنا هنا أصابتني الصعقة .. قلت له مهندسة زراعية ومتعلمة وجامعية وتحاورها بالشكل هذا وانت توك بالثانوي وباليالله تنجح .. ومن المفارقات العجيبة أن والد صديقي هذا مهندس زراعي ..

لا حول ولا قوة الا بالله .. اناس جار عليهم الزمن وضيق عليهم الزمن وتعثر بهم الحظ ليصبحوا خدما وهم من حملة الشهادات ثم بعد ذلك نزيد الطين بلة بأن نذلهم ونهينهم ونستحقرهم ..!!

أشكرك اختي لفتح هذا الموضوع الطيب .. وبارك الله فيك وبالنسبة للصغيرة أتمنى أن تعلموها معنى احترام ذات الإنسان وأن هذه الخادمة بشر مثلنا .. وأن لا تتخاذلي في تعليمها فأنت خالتها وبحكم أمها .. لأن من شب على شيء شاب عليه ..

الله المستعان ..وآسف للإطالة ..

أخوكم البـاحث..

هلا أختي لينا :05:

المهم .. تعا نشوف الموضوع ...

اقتباس:

---

كنت في المطبخ احضر مشروب ساخن لي.."وهو مشروب سحري لن اخبركم عنه "

---

أعتقد ... حليب بالكاكاو :biggthump

اقتباس:

---

المهم وغصنا في الموضوع وقمنا نسولف انا وهي وخادمتنا..

---

يعني تفهمين لغتهم أو تتكلم عربي .. مو فاهم انا ؟؟ :33:

اقتباس:

---

(هذي الله وكيلكم حطيت لها مواضيع كثير من يوم دخلت المنتدى اذا تذكرون بنت اختي الصغيره المشاغبه)

---

ما حصليش القرف :أفكر: .... أقصد الشرف :09:

اقتباس:

---

والله ما عطتني وجه..قعدت تحرك يدينها شجبا واستنكارا,,,وتمشي وتقول استغفر الله بس تكلم شغالات :o

---

معلوم هذا الشي .. أطفال ... وما عندهم خبرة في الحياة والتعامل مع الكبار :o

اقتباس:

---

وش سر هالنظره الدونيه للشغلات او حتى السواقين على حد السواء...

---

هذي الأشياء تحصل حتى في أفضل العائلات .. يعني الصغير يتعلم من الكبير ...
مثلا .. تعالي شوفي في الأم .. أو الأب كيف تعامل المستخدمة .. يعني هل تعملها
باحتقار .. او بطيبة ؟؟ (لأن ذلك يؤثر على تصرف الطفل من ناحية التعامل ..لأن الطفل يحب ان يتصرف مثل والديه داااائما )

اقتباس:

---

اذكر من يومني صغيره وانا احب اوقف شوي مع الشغالات واسولف سوالف سطحيه.."مب قطه ميانه ومشاركه اسرار لا" بس من باب تحسيسهم انهم مقبولين ومب شي ننفر منه

---

أوووه .. انا كنت أطلع مخ الخدامة .. لا امزح .. وبالعكس أفضل خدامة كانت عندنا علنت اسلامها والله هداها .. وكانت بالنسبة لي مثل الأحت الكبيرة لما تروح الوالدة للدوام :أفكر: وراحت لبلادها بعد ثمان سنوات وتزوج وعاشت بنبات وثبات
( قصة قبل النوم .. من التراث الإماراتي :p )

اقتباس:

---

بصراحه داخلي مب مقتنعه انه مب زين...

---

هو الصراحة مو زين من ناحية .
1 - تتصادقين مع الشغالة .. وبعدها تصير الصديقة الحميمة .. واذا طاحت في مشاكل لا سمح الله ... تجي لش تساعدينها ... او تطيحش معاها ... (فهمتي :31: )

2 - لما تتصادقين معاها .. يممكن (الإحتمال وارد ) انها تدخل غرفتش الخاصة وتسرق الأشياء الثمينة .. طبعا انتي ما بيكون عندش شك فيها .. لأنش معاها الصديقة الحميمة ..

3 - بعض الشغالات إذا عطيتيهم وجه أكثر من اللزوم الزايد .. ما راح يعملون على واجبهم بأكمل وجه (مجرب :31: )

اقتباس:

---

وش فيها لو حسسناهم انهم بشر مثلنا وليش نتقرف او نستجهنهم؟

---

مو مشكلة حسنة بس التوخي والحذر OK

اقتباس:

---

بس مدري اذا انا الصح او الغلط..

---

لا انتي صح ولا انتي غلط ... بعدش ما تعرفين ... وتتعلمين منا وتستفيدين :biggthump

اقتباس:

---

حتى صديقتي تقول انه جانا سواق اسمه مثل اسم اخوي بالضبط وانه منقههههههههر ويقول لا تنادونه باسمي غيرو اسمه ههههه متقرف ان السواق يحمل نفس اسمه:p

---

وش أسم أخوها بابو :09: .. أو راجو :p

أتمنى يكون عجبش ردي ... سلملم :05:

والله الحمدلله انا شغالتنا لها عندنا 7 سنوات...ونعاملها زين ان بغت فلوس عطينها وان بغت تسافر لشي ضروري سفرنها...

وابوي الله يخليه لي دايم يقولي عاملوها...حتى ان ما عاملتها زين يضربني (عاد انا الحمدلله ما اعامله زين بس يمكن ازود الطبلات وهو يعصب يقول رح جب انت)..بس الحين خلاص الي يبي مويه ينزل يجيبله.. :D

بس في ناس اعوذ بالله...تقل الشغاله عدو لهم ما غير يزاعقون عليها...الله يهديهم...

وهو بصراحه كل ماطالت مدة جلوس السواق او الشغاله يصيرون اقر للعائله>>>.يا شيخ..
مثلا خالي سواقهم قعد عندهم لمدة 18 سنه...وخالي يثق فيه ثقه غير طبيعيه..ونفس الشي شغالتهم قعدت عندهم تقريبا 14 سنه..


Thx Lena ^_^

هو باختصار مجتمعكم مريض ... هذي هي العله ...

والا لو هو مب مريض كان ما شفت البزر يلاحق الهندي ويقوله يا هندي ياغبي يالي ما تفهم ..

مجتمع غبي وغير كذا يستغبي الشعوب الثانيه ويحسب نفسه بس هو الي يحقله يعيش .. وغيره هو المتخلف الحقير .

اقتباس:

---

المشاركة الأصلية كتبت بواسطة ODIN

هو باختصار مجتمعكم مريض ... هذي هي العله ...

---

اقتباس:

---

المشاركة الأصلية كتبت بواسطة ODIN

والا لو هو مب مريض كان ما شفت البزر يلاحق الهندي ويقوله يا هندي ياغبي يالي ما تفهم ..

مجتمع غبي وغير كذا يستغبي الشعوب الثانيه ويحسب نفسه بس هو الي يحقله يعيش .. وغيره هو المتخلف الحقير .

---

اتوقع انها شريحة بدأت تضمحل في المجتمع يا اخي العزيز بدر اليس كذلك ؟!

انا معاك انها بدت تقل .. لكن وش تفسر نظرت الاطفال الصغار للشغالات وموضوع لينا اكبر مثال؟

الطفل مستحيل يقتنع بشيئ من غير ما يتلقاه من احد اكبر منه ... والي هو المجتمع الي يعيش فيه .

وبعدين ترى اشتقتلك يبيلنا نسولف معاك بالماسنجر :)

ههههههههه .. شيطانيه هالبنت ..

اقتباس:

---

المشاركة الأصلية كتبت بواسطة ODIN

والا لو هو مب مريض كان ما شفت البزر يلاحق الهندي ويقوله يا هندي ياغبي يالي ما تفهم

---

أخي العزيز بدر أودين .. طبعا المجتمع عربي × خليجي ..
وهو مريض 100% ...

لكن لنكن صريحين ... (مادام تكلمت عن البزر = الطفل )
عندما ترى شخص لم يكمل سنة الرشد (بزر ).. ماذا تتوقع منه ان يفعل ؟؟

فهو غير عاقل لتصرفه مع الناس :31:
وحتى تراه يسب ويشتم من هو أكبر منه ..

(معك الحق في أن الفئة التي أتكلم عنها تكون قليلة التربية من قبل الوالدين و المجتمع .. وهي فئة ضئيلة جدا لم تربى من قبل العائلة .. والأسباب كثيرة :أفكر: )

و المعروف من أن الصغار حركتات ... يعني ما لهم إلا شر ... و تشوف منهم الويل :p
ويرفعون ضغط الدم :31: ... ( هذي مداخلة بسيطة مع احترامي )

والله صادجه اختي

بالنسبه للشغاله ما اكلمها ولا حتى اعرف اسمها ولا حتى شكلها:31:
لو اتهموها بانها قتلت حد وحطوا 10 واقفين وقالوا منو هي شغالتكم ما بعرف وش اقول:tongue2:

بالنسبه لنظرة المجتمع اختي الصغيره تكلمهم وتموت فيهم:31:
اذكر ايام خادمتنا ستي

ماكانت اختي يمر يوم الا وتلعب مع ستي:31:
لاع
وتكلمها معظم الاوقات
فاختي سليمه الحمدلله:tongue2:

عدنا بالمدرسة زعيم الفراشين سليم:09:
جذي الاولاد مسمينه:09:

ويعاملونه انه هو خبير في النظافة:tongue2:
طبعا اول ما اشوفه اقول له : كيساهيه:09:
يرد علي:تيجه:tongue2:

ما عندي اي اشكال وياه لو وقفت
بس الاشكال انهم يعيبون عليه لانه فراش

شو ذنب الاخ مادام انه يبي يكسب؟

شكرا اختي على الموضوع

أنا أمشي على مبدأ ... تعامل مع الناس مثل ما تحب يتعاملون معاك

هذولي المساكين تاركين ديرتهم عشان يحصلون فلوس و يعطونها لأهلهم ، الحاجه إهي إلي خلتهم يخدمونا

إهي صغيرة ، تكبر و راح تعرف الدنيا عدل ، أقصد بنت أختك أو أخوك أو ما أدري منو :31: <<< نسيت :jester:

اقتباس:

---

المشاركة الأصلية كتبت بواسطة ODIN

هو باختصار مجتمعكم مريض ... هذي هي العله ...

والا لو هو مب مريض كان ما شفت البزر يلاحق الهندي ويقوله يا هندي ياغبي يالي ما تفهم ..

مجتمع غبي وغير كذا يستغبي الشعوب الثانيه ويحسب نفسه بس هو الي يحقله يعيش .. وغيره هو المتخلف الحقير .

---

كلام منطقي ومقنع.. :)
بس اقول لكم صراحة انا ما عندي خدامة .. وكل شي اسويه بنفسي ومرات اسويه لجدي او لوالدي .. ماحب شغل الخدامات .. يمكن لاني ما شفت خدامة في بيتنا

ههه شكلك ماخذة منشطات مواضيع هالايام <<<< ما يعرف يعلق :09:
اممم الموضوع طويل وفيه تفصيل ...
بالنسبة لي ...
أنا معاملتي اعتيادية أو معدومة ...
كل شيء اوصي أخواني ...
وإن كثرت ادق على تحويلة المطبخ <<<< كأنه بيعلمكم انه عنده سنترال :p
الصراحة ما احب احتك فيهم عموما ( سواقين أو شغالات )
احسن شيء التعامل الهاديء ...
رح تعال ود جب وبس ...
هذا من رأيي ...
لو أني بنت يممكن أسولف مع شغالتنا اذ انقطع خط التلفون

شكرا على الموضوع مرة ثانية ...
خلاصة الكلام ( معاملة باحترام بدون ما احتك معهم كثير )
Keep Going With More Posts !! :)

بالعكس :12: ...

في عائلتنا نحاول نتكلم مع الخدامة عادي ...

مو بصيغة الامر حقت الجبابرة دي اللي تعرفونها :tongue2: ..

ولا يا حبيبتي :tongue2: ..

وبالعكس احيانا ستي تجيب الشغالات تخليهم يتفرجون معها على التفلزيون :blackeye: ...

عادي :09:

علاقتنا بالشغاله
عاديه جدا يمكن اضحك معها احيانا ..

بس بعضهم بجد مهما عاملته بالحسنى حقود جدا .. :31:

زي وحده عندنا سابقا مابقى شئ ماسرقته حتى غطى العطر تحسبه ذهب :tongue2:
وبطاقه الأسنان حقت اختى هههههههههههه راحت شطبت اسم اختى وكتبت اسمها كفوس :tongue2:

والله بالنسبة للسواقين اللي عندنا

واحد غبي يقهرني لما يجي يتكلم يقعد يتأتأ في الحروف مايفهم عربي هذا بس مخليه للمشاوير البسيطة ( جيب اكل من البيك بيتزاهت شاورما زي كدا) روح صور اوراق

وفي واحد نمس صار له 8 سنين في البلد جاوي متعلم كل شي
هذا يروح الهاتف يسدد فواتيري يروح يصلح اي شي خربان في البيت يعني بتاع كلو

واحيانا يقعد يهرج مع ابويا


واما التالت فهو حق مشاوير الاسرة والكرف ولاباس به


بس يقهرني لما يقول مافي فلوس

على العموم كلهم تعاملي معهم رسمي جيب كدا سوي كدا روح هناك احيانا اعصب عليهم



اما الشغالات فوالله ما لي اي احتكاك بهم

يعني بس جيبي كدا كلمي امي سوي عشا يعني

عارفين شغلهم اروح المدرسة وارجع الاقي غرفتي نظيفة

هذا اللي انا ابيه منهم وبس

أمممممم

هذي الدنيا

كل واحد يتكبر على الضعيف :o

مرحب

هههههههههههه يا حليلها بنت أختك :p

أما بالنسبه للموضوع

الشغلات قليل أشوفهم ولا أتعامل معهم كثير

وبالنسبه للسواق أنواع السواليف
حتى برمضان كنت أطلع أنا وياه نمشي ساعتين ولا كنت أحس فيها :tongue2:

وهالشي على حسب السواق أو الشغاله نفسها

يعني لو كان طيب فهالشي يفرض عليك أنك تكون طيب معه

أما اذا كان غثيث ونفسه بخشمه هذا ما يستاهل تلقيه وجه

..على حسب الشغاله او السواق
فيه بعضهم انفسهم شينه
وحقين جرايم..

بس الحمدلله كل اللي جونا حليلين
بالنسبه لاهلي معاملتهم زينه لهم
لكن ما نأمنهم مره

ما نستحقرهم او شي من كذا لانهم زي ما قلتي آوادم مثلنا

زي العام كانت عندنا شغاله فلبينيه عمرها 21
"حركات"
كانت اهتماماتنا متشابهه

يوم سافرنا لدبي كنت اتمشى معها بالمراكز واستانست معها صراحتن

هيه ياوعه حلو موزوعك ~('^'~)

طيب ماحله تسولفين اله معاها :31:

انا اخواني مالي خلق اسمع سوالفهم الحين احد زود يزن فوق راسي

عاد احنه خدامتنا قرف

حنااااااااااااااانه
واختي حناااااااااااااااانه

ويقعدون يتخانقون مع بعض كل يوم :p

كل وحده تبي تمشي كلمتها بهل بيت

وانا اقعد ساكته ما ادخل بينهم
اومي تزفهم ثنتينهم


انا ما اغلط على الخدم
بس هم ما اطيح معاهم
ما احب اسولف مع خدامه


ذاك اليوم ببيت يدتي كنت اكلم يداتي واخوي معاي نسولف شوي وله الخدامه تقولي اي صح هذه عزوز حيوان :31:

واخوي يطالعها عااااد اهو لساانه متبري منه قول اعوذو بالله ودمه خفيف بشكل قبل لا يتكلم بحكم اني اخته الكبيره
قلتله جب اسكت

قلتلها شتبين انتي شكو تكلمين الولد من دخلج بالموضوع اصلن يلاااه ذلفي المطبخ :mad: تقول لا اهو ذاك اليوم كان يسوي
جااب وله كلمه مو شغلج انتي شكو وتمت منطمه


هذه الي ناقصه
قطع

نفسه هل خدامه مالت يدتي


كان خالاتي متيمعين وجذي اوانا قاعده صوب الشاي

تقولي كيتي صبيلي جلاص شاي :wow:

اطالعها حلفي
اخاف انا اشتغل عند ابوج وانا مادري انا سكت ومارديت عليها عشان يدتي


وله انا اطالع التلفزيون تاخذ مني الرموت تغير القناة تحطلي فلم هندي :31:




هذي قصه بعد اناخالتي مدلعه خدامتها على الاخر :31: تسولف وتضحك معاها
كانت بنت خالتي الصغيره ام سنتين بالحوش تلعب والخدامه تشوفها يعني انا طلعت الحوش اشوف اليهال واطق الي مسوي ازعاج :p

وله الخدام شايله البنت وبتلعب معاها تبوسها على حلجها :blackeye:

لوعة جبدي الله يرقرفها

بغيت ارجع جد جد ارف
شوفو الي يدلع شيحصل :31:




ما احب يتعدون حدودهم :12:

وله حب ادخل فيهم يعني سوو الي سووه كسرو خربو انا مالي دخل دام شغلي قاعده القاه الي طلبته حته لو مالقيته مالي خلق اكلمهم :06:

بكل اختصار
انا طريقة معاملتي لا تختلف سواه مع خدام او وزير
سواء مواطن او اجنبي او اللي هو
طريقتي وحده مع الكل وهي (احترمني احترمك واحطك فوق راسي لكن انك تحتقرني او تستهبل علي فأصير نذل درجه اولى :cool: واملغ عليه بملاغه ماعمره شافها :05: واحتقره احتقار غير طبيعي)
ومشكوره على الموضوع

بنسبة لي ما أحب أسولف وياهم ...ويش بتكون سوالفهم يعني ؟ وبعدين غرفتي ماحد يدخلها غيري وهذا معروف عند أهلي... صحيح ياكثر ماتجي بنت اختي وتجلس تشاهد لكن كلهم يخافون اذا كنت موجودة احم ^^
فيعني الشغالة ماتدخل غرفتي ....لكن بعض الأحيان تجي تقول لي تبي تنظفها فأخليها اذا تحتاج ^^ ..هذا على سوالف الخوف على الأغراض .

ولازم نتعامل معهم بشكل طبيعي لأنهم بشر مثلنا يعني .. و عادي شغالتنا تجلس في المطبخ أكثر الأوقات والتلفاز تشغله ماحد يعترض ..لكن هذي الي عندنا حالياً أفضل شغالة ..الصراحة كثير تتعب في البيت لكن فيها عيب ياكثر ماترفع عندي السكر ...
اذا جلست فاضية وتقلب في القنوات وماتنزل الصوت أو بعض الأحيان تغير أماكن الأغراض وتنسى
وأخوي يجي يهاوشني مادري ويش يخصني فيه ؟

لكن في ناس الله يهديهم مايفكرون بطريقة صحيحة بحيث يكون الأطفال تحت رعاية الخدامة 24 ساعة وبالتالي يبدأ الأطفال بالأخد والتعلم من عاداتهم .

كيف حالك لينا :D ؟

بالنسبة للموضوع ماشاء الله شغالتنا هي اللي تطب علي وتسولف وتضحك عادي بس منيب ادور عليها (اصلا اخاف منها) نادرا ما اطلب منها شي واذا حصل وطلبت تقعد تخزني :bigeyes: علشان كذا اوصي احد يقولها :tongue2:
اما السواق الصراحة يرفع ضغطي بس ما اقول له شي :31:

اما الصغار ترا عادي دايم يقولون كلام كذا.....اذكر ديدمان كان صغير يوم كانت عندنا شغالة حبشية كان يقول لها:انتي سودا...وترد عليه :لأ انا بيضا زي القشطة :D <<<والله نفسها زينة

امي دايم تسولف مع الشغالات بس غالبا تعطيهم مواعظ :jester:

وسلام عليكم;)

ههههه .. ردود الأعضاء تحفة ..
كل ما أشوف رد أقول باعلق عليه بس باقرى اللي تحته ..

من ناحيتي ..
أحتكاك مافيه ... صفر% .. لأن طلباتي إن بغيت شي قلت لأخوي الصغير .. وما أحتاج دريول ..
حتى الأكل مالي علاقة .. الموجود عجبني زين .. وإن ماعجبني المطاعم كثيرة .. :) .. !

وعن كلامك أخوي أودن أسمح لي أني أخالفك ..
أولاً \ هالظاهرة قلت بشكل كبير ..
ثانياً \ لو بتلاحظ المعاملة للخدم عند باقي الدول بتعرف وشو أقصد ..
يستغلونه إستغلاال تاام .. ماغير أوامر على طول اليوم وبنفس خايسه وكريهة ..
هذا اللي لاحظته في لبنان وتركيا وغيرها ...

تحياتٌ :),,,

السلام عليكم ^_^ ..
شكرا على الموضوع اختي Lena ^_^ ..
وبالنسبة لرايي الشخصي ^_^ فطبعا الانسان لازم انه يسولف مع الخدم ^_^ .. فهذا الشي مو لنفسك او لتقضية وقتك تسولف مع احد .. هذا الشي لله لان هذا بر وحسن معاملة .. يعني اكبر مثال الرسول عليه السلام مع انس رضي الله عنه ^_^ .. يعني الواحد اذا يريد ان يتفانى في معاملته مع الناس لازم يقدر الجميع ^_^ .. واعتقد النقاط الاخرى في الموضوع وصولها اخواني واخواتي جزاهم الله خير ^_^ ..

FFX-YUNA

اقتباس:

---

بنسبة لي ما أحب أسولف وياهم ...ويش بتكون سوالفهم يعني ؟

---

اقري ردي :09: ..

انا و اصغر اخوي لي محترمين الخدم و لا ارفع صوتي عليهم .. لكن قبل 6 سنين كنت غير :09: و الحمدلله اني تغيرت الحين ..
و اختي الله يهديها .. :o يوميا ترفع صوتها ... انا اللي محيرني معظم البنات ما يحبون الشغالات و هالشيء غريزة في البنات :31:
بس مو كل البنات :09: لكن اغلبهم :02:

اقتباس:

---

اقري ردي :09: ..

---

كلامك صح أخوي ....لكن ويش أسوي ؟! ... بنسبة الى المعاملة الحسنة الحمد لله كلنا نعاملها بطيب ...لكن بنسبة أني أجلس أسولف هذا شىء مستحيل أسويه ~~

والمطلوب في النهاية :

اقتباس:

---

لازم نتعامل معهم بشكل طبيعي لأنهم بشر مثلنا

---

أما أني أسوي معها صداقة ما أعتقد إنه واجب علينا ^^ ..

FFX-YUNA

^_^ .. هلا باختي يونا ^_^ السلام عليكم .. كيف حالك ؟ .. والى الموضوع U_U :09:

اقتباس:

---

والمطلوب في النهاية :

لازم نتعامل معهم بشكل طبيعي لأنهم بشر مثلنا

أما أني أسوي معها صداقة ما أعتقد إنه واجب علينا ^^ ..

---

^_^ .. حسننا اختي يونا انتي قلتيها بنفسك .. لازم نتعامل معاهم بشكل طبيعي لانهم بشر مثلنا ... ولمن تقولين انه مو واجب تعملين صداقة معها .. معناتها .. ما صارت بشر .. صارت مخلوق فضائي :09: ..
هو فعلا مو واجب انك تعملين معها صداقة .. لكن اذا كنتي فعلا تريدين ان تعامليها بطيب بالشكل الحقيقي .. لازم انك تسولفين معها .. ما قلت لك اعملي معها صداقة .. يعني لو عملتي صداقة هم كان احسن وجزاك الله خير على هذا ^_^ .. المهم حاولي انك تسولفي معها لوجه الله ^_^ .. والله الموفق وشوفي شنو راح يصير .. وراح تذكرين كلامي ان شاء الله ^_^ ..
وشكرا لك ^^ ..

اقتباس:

---

المشاركة الأصلية كتبت بواسطة ولد البوكواره

بكل اختصار
انا طريقة معاملتي لا تختلف سواه مع خدام او وزير
سواء مواطن او اجنبي او اللي هو
طريقتي وحده مع الكل وهي (احترمني احترمك واحطك فوق راسي لكن انك تحتقرني او تستهبل علي فأصير نذل درجه اولى :cool: واملغ عليه بملاغه ماعمره شافها :05: واحتقره احتقار غير طبيعي)
ومشكوره على الموضوع

---

معاك حق أخوي ولد البوكوارة و أنا نفسك بس نحن بعد لازم نصبر عليهم يمكن مرات هم يمرون في ظروف قاهرة أو تصرفات لا إرادية فلازم نمسك أعصابنا و ما نكون أخس عنهم. :) و لا كلامك على العين و الراس.

تصدقون أصبحت كل مرة أشوف هالشغالة لازم أضحك ...ذاكرتي ترجع للموضوع ..!!

اقتباس:

---

ولمن تقولين انه مو واجب تعملين صداقة معها .. معناتها .. ما صارت بشر .. صارت مخلوق فضائي ..
هو فعلا مو واجب انك تعملين معها صداقة .. لكن اذا كنتي فعلا تريدين ان تعامليها بطيب بالشكل الحقيقي .. لازم انك تسولفين معها .. ما قلت لك اعملي معها صداقة .. يعني لو عملتي صداقة هم كان احسن وجزاك الله خير على هذا ^_^ .. المهم حاولي انك تسولفي معها لوجه الله ^_^ .. والله الموفق وشوفي شنو راح يصير .. وراح تذكرين كلامي ان شاء الله ^_^ ..
وشكرا لك ^^ ..

---

امممم ..ايش أقول؟.....إن شاء الله ^^

صراحة والله شيء محزن هالمعاملة اللي يلقاها الخدم من بعض الناس.. كأن ماعندهم مشاعر ولا أحاسيس.. والحقيقة أن اللي يعاملونهم بهالشكل هم عديمين الإحساس.

في بيتنا الحمدلله ماحد يعامل الشغالة بهالشكل. لأن الخدامة نفسها بنت ناس. حتى أن اخوي الصغير يحبها لدرجة ان اول ريال حصل عليه شقه نصين بينه وبينها!

بالنسبة لي في البيت أحاول مأحتك بالشغالة ومأطلب منها كثير. وإذا بغيت شي من المطبخ الكز اقرب واحد من الكائنات الغريبة اللي في البيت اللي مسمرة قدام التلفزيون (يقولون اهلي انهم عيالنا بس أنا اشك:31:) وطيعاً اول رد منهم بيكون "قول للشغالة تجيب لك!:o"!
مع شوية من ديموقراطية حرة (تروح برضاك أو غصب عليك.. أنت حر) يقتنعون بلكزة أو لكزتين.
إلا عمتي الصغيرة(اصغر مني بسبع سنوات) حالتها مستعصية... عندها تبليم مزمن في غدة التدبير المنزلي. تقنها من الأثاث الله يصلحها.

اقتباس:

---

تصدقون أصبحت كل مرة أشوف هالشغالة لازم أضحك ...ذاكرتي ترجع للموضوع ..!!

---

:D :D :D ... حلوة.. نفس الي حصل معاي والله ^^ .. خليتيني اموت من الضحك ... هههههههه .. الله يقطع ابليسي :31: :09: ..

اقتباس:

---

امممم ..ايش أقول؟.....إن شاء الله ^^

---

Good girl :09: .. شكلي اليوم مو طبيعي ما ادري شفيني :31: .. :09: ..

Touya

جزاك الله خير اخوي على هذا الكلام ^_^ ..

بصراحه ردود ولا لها مثيل ^_______^


من جد احلو الموضوع بردودكم

وكاتشفت شخصيات بعد :reporter:


تسلمون ومشكورين..

بصراحه ردود ولا لها مثيل ^_______^

ودي ارد على اشياء لفتت نظري بس مشالله من اخذ ومن اترك :31:

احلى شي انكم تترادودون فيما بينكم

http://www.montada.com/images/icons/icon14.gif

الموضوع للجميع n_n

من جد احلو الموضوع بردودكم

واكتشفت شخصيات بعد :reporter:

تسلمون ومشكورين..