بدأ التسجيل في البطولة

هلا شباب كيفكم معليش على الانقطاع الالييييييييم بس جيتكم بخبر جيد جدا


بدأ التسجيل في بطولة الصيف ضمن فعاليات مهرجان جدة

البطولة زي ما قلتلكم قبل كده في الالعاب كوماند آند كونر جنرالز زيرو آور و آن ريل 2004 و نيد فور سبيد آندر جراوند

طبعا اعادة للكلام لان في بعض التغيرات

جنرالز كل فريق يتكون من شخصين على الاكثر
آن ريل 2004 كل فريق يتكون من خمسة اشخاص على الاكثر
نيد فور سبيد سوف تكون فردية

جوائز المسابقة لكل شخص في الفريق ما يلي

المركز الاول: جوال + 100 ساعة اشتراك في مركز المناورات الالكترونية (e-warz)
المركز الثاني: جوال + 50 ساعة اشتراك في مركز المناورات الالكترونية (e-warz)
المركز الثالث والرابع: 25 ساعة اشتراك في مركز المناورات الالكترونية (e-warz)

وطبعا لكل المشتركين حتى الخاسرين 5 ساعات اشتراك في مركز المناورات الالكترونية

رسم الاشتراك 50 ريال سعودي يعني حتى الي يشترك و يخرج من المسابقة حيأخذ 5 ساعات يعني حتوقف علية الساعة ب 10 ريال (لو حسبناها كده)

مكان الاشتراك: مركز المناورات الالكترونية (e-warz) في مركز فلسطين - تقاطع شارع فلسطين مع الاندلس خلف مطعم تشيليز.

ارقام الهواتف لـ e-warz
6636778- 0504637802 -0504637696

في مستويات عالية تستاهل الواحد يشترك عشان يتحداها ولالا

لو في الرياض ممكن

لكن جده

يمكن اسافر عشان العب بس فيه معسكرات للاعبين:09: :09:


تحياتي GAME PRO

ليه زي دورة عاكظ ؟؟؟؟

بس كان من المفترض يحطوا ألعاب رياضية زي EURO 2004 أو PES3

بس فشيلة تروح وتنهزم وعلى فكرة المواعيد متى؟؟

فشيلة مين يا شباب بالعكس حماس

في ناس تلعب ترا و في مستويات جيدة ما كانت متوقعه يعني كان في بطولة ووركرافت وجات مستويات مرررررره ما توقعتها ماشاء الله في ناس كانت تلعب في وركراف كأنها تكتب على ملف وورد حافظ كل الشورت كتس (shortcuts) وفي استراتيجيات جيدة
يعني حتى لو شاركت ما حتخسر شئ على الاقل تشوف مستويات ولعب و تتعلم ستراتيجيات جديده و ممكن تفوز الله اعلم يعنيي اكيد احد حيفوز ولا كيييييييييييييييف ترا انا مشارك في الثلاث العاب كلها مافرقت معايا على الاقل حأخذ 15 ساعه اشتراك ههههههههههههههههه (<<==== لا تخافو مو حضرمي) حتى لو خسرت في كل المباريات انا الكسبان لان سعر الساعه فعليا 20 ريال الساعه لغير المشتركين و 12 ريال للمشتركين يعني في كل الاحوال ارخص

بعدين يمكن اطلع الثاني ولا الثالث ولا حتى الرابع عادي في جوائز و خلاص والجوائز اغلى من سعر اشتراكي حتى للخسران فعاااادي
ولو شفت واحد قدامي مررررره فنان و عدمي في نص المباراة بدل ما اتفشل انسحب :(( الله ستر ما ابغا انسحب بصراحه ما احب الانسحاب

بصراحاه انا نيد فور سبيد مشترك فيها بس فلله تراني مو فنان ودايما اصقع في الجدران بس ابغا اشوف المستويات

وعارفين الفايزين الاول والثاني حيدخلو التصفيات المأهله لكأس العالم السنة الجاية بدون ما يدفعو شئ

حلو يعني الوحد ممكن يتدرب سنة كامله ههههههههههههه

شباب ابغاكم تشتركو علشان يصير في حماس ما ابغا اجي واحصل واحد فنان وما احد يهجده حتى لو خسرت منه احصل احد يهزمه يشفي غليلي ههههههههههههههههه

تراني فايق اليوم وانا وفريقي حقين آن ريل حنروح للمناورات الالكترونيه اليوم نتدرب و نوزع الفريق استعدو للهزيمه يا شباب ههههههههههههههه (<<== واحد مصدق نفسه) ترا في فريق ثاني اشترك بس علشان يتحدانا على البطوله في آن ريل فأنا اقول للفريق هادا روحو اتدربوا احسلكم و هما عارفين نفسهم

اوكيه سلااااااااااااااام يا شباب

بالنسبه لموعد المسابقة حتكون ضمن فعاليات مهرجان جدة .........غير يبغالهم يسموها مسابقة الالعاب الالكترونية ...... الغير (بأمزح ترا)

المهرجان يبدأ 17 يونيو يعني يوم الخميس مو الجاي الي بعده بعد اسبوعين تقريبا (اقل شويه)

شباب الرياض نسمع انه ماشاء الله في مستويات عندكم ليش ما تيجو تتمشو في جدة وبالمره تشتركوا في المسابقة يعني اذا في مستويات جيده يصير في حماس اكثر بصراحه ما اسمع عن شباب الشرقية بس اعرف انه في الجامعة هناك في ناس تلعب تمام

على العموم اي احد يبغا يشترك او يستفسر يشوف اول رساله في الموضوع فيها ارقام المناورات الالكترونيه (e-Warz) هم الي منظمين البطولة

جدة.........................................................غير

شباب انا اعرف كام واحد اشتركو في المسابقة يلعبو في زيو آور جنرالز فأنتبهو

واحد منهم اسمه T.rex و احيانا اسمه Dr.thrux ماشاء الله يلعب تمام في جنرالز

و في فريق ثاني برضه اشتركو يبغو يلعبو ضدهم والله اعلم زي تحدي يمكن تصدق داك اليوم شفت اظفال صغار بس ليعبو تمام ما ادري اشتركو ولا لا بس على العموم انا حأشترك بس بأدور على شخص آخر يخش معايا في الفريق

في اي احد يبغا يدخل معايا

بس بشرط ما يعصب من بعض الاخطاء اليبأعملها يعني كل احد بيسوي اخطاء عاد وهيا في النهاية تسلية
انا العب في الغالب ب china tanks و في الغالب بأسوي rush بال batlemasters بعد التطوير

اذا في احد يعتقد انه يقدر يساندني في ال rush يقولي علشان نكون فريق

انا ماعندي مانع اشترك ... بس المشكله اثنين ضد اثنين انا نادرا العبها ........ مالعب الا واحد ضد واحد لو فيه ماعندي مانع اشارك

تحياتي :)

طبعا ً انا من مكة .. بس يمديني انزل جدة (الله يعينني على الـ 70 كيلو ) مع ذا الحر
وسيارتي لا فيها مكيف ولا يحزنون <---- معه مازدا 92 ! ومن الآن بشترك في نيد فور سبيد وانريل 2004 .. وبالمره نكسب مهارات زي ماقال الأخ سندباد , ونتعرف على الأعضاء عن كثب من ضمنهم Dr.AQAS_is_BACK
سؤال : اقدر اجيب معي العدة الخاصة بي ( الماوس والباد) ولا فيه عندهم ميكروسوفت انتيلا ماوس .. واكسسوارات وحركات ...
ونشوفكم الخميس في مهرجان (جدة غير) :tongue2:

بس أنا احتمال كبير أكون مشغول في تقديم الجامعة والسفر يعني على حسب الظروف ولو معي سيارة بجيكم (وقتها نتطبق نيد فور سبيد على أرض الواقع)

راجع الخاص طيب

راجع الرسائل الخاصة

ايوه على ما اعتقد انه مسموح ما اظن احد يمنع انك تجيب الماوس تبغك و الماوس باد تبعك عادي


على العموم نتقابل ان شاء الله في جدة .............................. غير عند المناورات الالكترونية (e-Warz) و اللا انها فرصه مره رهيبه اننا نتقابل ونتعرف على بعض

تكون جمعة مره حلوه يا شباب


نراكم على خير

شباب لاتقهروني عاد:mad:

ترو والله تضرب براسي وامشي على جده

اخخخخ يالقهر لعب زي كذا ويفوتني والله وناسه من جد:02:

هيا اقهروه عشان يجي يلعب معانا :D

مدام انك تنقهر يعني انك تلعب ومدام انك تلعب تعال جده تمشيه وتعال العب في البطولة

علشان نرفع المستوى وبعدين لو انك تلعب تمام حتدخل في التصفيات التأهيليه لكأس العالم السنه الجاية

بالمناسبة يا شباب التصفيات التأهيلية لكأس العالم لهذه السنة خلصت وباقي النهائيات حقتها حتبدأ يوم الاربعاء القادم هادا الي هوا بعد بكره في لعبتين ووركرافت فروزن ثرون حيتحدد فيها الثاني و الثالث الاول خلاص اتحدد

و في لعبة وينيج اليفين على البلاي ستيشن حيتحدد الاول و الثاني وطبعا البقية بس هما لاول والثاني هما الي حيطلعو لفرنسا لمدة اسبوع ومنها يحضرو بطولة كأس العالم للرياضات الاكترونية في فرنسا (50 دولة مشاركة) يعني هناك هو الحماس بعيونه ناس من كل العالم انا شفت تسجيل للبطولة هادي السنه الماضيه في عالم تلعب لعب يا لطيف

طبعا في البطولة في ثلاث العاب ووركرافت 3 فروزن ثرون ، وينيج اليفين 7 و كاونتر سترايك

ووركرافت و وينيج خلاص في نهاية الاسبوع هادا يتحدد مين حيطلع

كاونتر ما جات فرق كفايه في التصفيات ففي فريق من الرياض طالع على حسابه علشان يحضروا البطولة و بالتوفيق للجميع


حيسافر الفريق اظن يوم 6 يوليو (July) و يجلسو اسبوع هناك ويرجعو ان شاء الله يرجعو بالبطولة


سلااااااااااااااااااااالم

بالمناسبة بدأت امس انا وفريقي حق آن ريل بالتدريب على البطولة طبعا سجلنا في البطولة حقت جدة وبدأنا التدريب امس في نفس مكان البطولة و حسب ما فهمت ان البطولة حتكون CTF Capture the flag طبعا الفريق يتكون من خمسة اشخاص امس كنا اربعه و الخامس ما كان موجود بس سوينا طبعا كان تدريبا مركز بس ضد الكمبيوتر امس كنا حاطن البوتس على المستوى الي قبل الاخير بأثنين و كان يعتبر شبه سهل يعني جبنا فيه 3 نقاط و هوا جاب نقطه واحده من خطأ بسيط من احد المادفعين عن العلم بس كل دقه بتعليمه


ما حتصدقو لو قلتلكم ان فريقنا عباره عن مهندسين (5 مهندسين متخرجين) يعني حتشوفو الهندسه بعيونها

في فريق مهندسين ثانين بيتحدو انهم هما الي حأخذو البطولة حنشوف ايت مهندسين !!!!!!!!!! ياخوفي ان ياخذها احد غير مهندسين بس مدام فريقنا موجود حنشوف مين يقدر يحاول يمسك البطوله


على العموم الي يبغا يهزمني ممكن يهزمني في جنرالز او نييد فور سبيد لاني حأشترك فيها بس مو محصل رفيق لجنرالز

في احد يبغا يشترك مع واحد شبه غشيم في جنرالز !!!!!!!!!!!!!!

أنا بشترك بس مع أي واحد من المنتدى في Unreal و Generals لأني ما أحب الناس من برى

بصراحه علشان اكون صريح معاك انا جنرالز في الغالب بأخسر فيها

بس اذا تبغا تشترك معايا مرحبابك هههههههههههه


من جد انا ابغا احد معايا في جنرالز


اذا اديتني الاوكيه انا حأبدأ اتدرب من دحين

طيب مين حيشترك بس علشان ابغا اعرف حألعب ضد مين

او على الاقل ابغا اعرف في مستويات من المنتدى حتشترك ولا لا



ومشكورين

طيب جينيرالز كم الفلوس ووش هي الخريطة
يعني القوانين ايش هي ..

يمكن اجي :p

ياناس والله حرام عليكم :mad:

انا يمكن تجيني سكته قلبيه خلاص لاتقهروني:vereymad: ... كلكم بتروحون وانا بأقعد لوحدي هنا:02:

انتم تدرون وش تتكلمون عنه:bigeyes: :bigeyes: هذي بطوله مو اي كلام يعني يمكن توصل للعالميه وتسير مشهور :cool:

اقل شي تشوف العب على اصوله وتعيش جو مغامره وتحدي ... هذا الي ودي فيه من زمان

لكن ما اقول غير .... جده غير
والله لنا

ترى تصفيات بطولة العالم للعام القادم المفترض انها سوف تنظم في مختلف المناطق مو بس في جدة

هذا العام فقط كانت في جدة بسبب انه الاتفاق والعقد مع المنظم العالمي جا متأخر وقبل فتره قصيره يعني حتى في جدة ما اخذت كفايتها من الدعاية وكثير ما سمعوا عنها يعني بصراحه في ناس كان المفروض تشارك بس ما كانت عرفت

ولكن العام القادم حيبدأ التنظيم من بدري وحتكون في مناطق الغربية و الوسطى والشرقية


اهم شئ الناس تكون جاهزه لتكسير الرؤوس الي حيصير


و اظن بطولة العالم للعام القادم حتكون في آن ريل 2004 و نيد فور سبيد و اللعبه الثالثة الاستراتيجيه لسه ما ااتحددت والله اعلم

بس اذا جاني اي آخبار لا تخافو حأحطها على طول في المنتدى


سلملم

انا ما اعرف للجنرالز ولا ان ريل بس احتراف نيد فور سبيد ها مين يبيني معاه؟؟؟؟؟؟؟

اظن فيه عضو بالمنتدى اسمه الجنرالز هذا ماشاء الله محترف في الجنرالز اتحديته انا واثنين اخوياي وهزمنا براسه >>>>((لحاله)) اسألوه وشوفو؟؟؟ يمكن يتحمس المشكلة اني متزاعل معاه الان والا كان يمدينا نجي انا وياه وسندباد ودكتور اكاس واي واحد كمان وناخذ البطولة
يالله باي.

ترى أنا صارلي فترة مالعبت Generals على البوتجاز تبعي يعني مستواي طايح بس متى بتبدأ علشان نلحق نتدرب

والله البطوله حتبدأ بعد اسبوعين


بس روحو سجلو لانه بدأ التسجيل في البطولة علشان على الاقل يتسوى الجدول المبدئي للبطولة

وترا في لوحه في المناورات الالكترونيه الناس الي مشتركه بس ما عندها فرق كل واحد يحط اسمه ورقم جواله علشان يعرفو يوصلو لبعض ويتفقو على فريق


انا حطيت اسمي في جنرالز لاني الى الآن ما حصلت شخص آخر معايا


فريقي في آن ريل مكتمل خلاص اسم فريقنا the engineers لاننا كلنا مهندسين

بس انا اشوف كل تشتركو بدري كل ما يكون احسن علشان تقدر تزبط موضوع الفريق

نيد فور سبيد ما يبغالها فريق لانه لعبه فرديه

حيكون كل واحد لحاله و حيلعبو اربعه في كل سباق (اربعه سباقات) اربعه انواع مختلفه وفي نقاط لكل مركز الي عنده نقاط اكثر في نهاية الاربعة سباقات يعتبر هوا الفائز في السباق
ممكن تروحو e-warz اذا عندكم استفسارات ثانية

بالمناسبة ترا بيعطو كل احد جديد يدخل المحل نص ساعة او ساعة مجانية فروحو جربو

بعدين في ورقة الاشتراك نفسها يسألك ايش افضل وقت عندك علشان يزبط المباريات عليه اظن في مباريات في الصباح وفيه بعد العصر

طبعا في النهائيات اظن انها كلها بعد العصر علشان الناس الي عندها دوام

على العموم نتمنى للجميع التوفيق واتمنى لنفسي المركز الاول والمراكز الباقية ليكم يا شباب هههههههههههههه لا والله عادي ترا ما يفرق كلنا زي بعض مدام حآخذ 5 ساعات ببلاش هههههههههه حاسس ان فيا عرق حضرمي

فعلا ً انا اتصلت عليهم اليوم ,, واكد لي احد الأخوان انه بدأ التسجيل!! ..
كما تفضل به الأخ سندباد بالحرف الواحد .. غريبة ليكون انت الى كلمني اليوم العصر !
عموما ً انا نازل الخميس علشان اشوف الوضع والترتيبات

في آمان الله

انا الخميس بأروح هناك بس بأمشي بدري شيويه لان الخميس هوا الموفيز دي (movies day) عندي انا والشلة اصحابي بس حأحاول اكون هناك يعني اذا مريت بس اسأل على سندباد او احد اعضاء فريقه حتحصل اسم فريقنا معلق على اللوحه حقت التسجيل


على العموم اكيد حنتقابل حتى لو مو يوم الخميس حيكون يوم البطولة



نراكم على خير

يعني ما احد يبيني ؟؟؟؟

dungeon
راجع الخاص

يلا ايش رأيك يا dungeon وأنت يا ماجلّان (شكلك ملجلج) نسوي فريق في Unreal ونخلي معانا أي اثنين ثانيين؟؟؟؟

حاليا في ثلاثة اشخاص مسجلين وما عندهم فريق لو تبغو تكملو فريقكم بس روحو على المقهى هناك في لوحه فيها اسماء الناس الي بدون فريق وارقامهم علشان الي يبغا يكمل فريقه يكلمهم


بالمناسبه جا يوم الخميس dungeon وسجل في البطولة و متوقع بقية الشباب انهم يسجلو

على العموم منتظرينكم يا شباب

بس ما نبغا ناس تكسر راس فريقنا لو سمحتو هههههه


نراكم

هلا senbad , قبل لا تجي انت , اخذت لي صك FarCry مع الشباب وتصقعت وجيتك ماشي :blackeye:

بصراحة كان ودي اجلس والعب بس لظروفي كنت مستعجل... اللعب حقيقة فللللللللللله
وبيني وبينك خفت لمن عديت من جنب السفارة الإمريكية ..:afraid: مافي طريق ثاني ؟ ههههه
بصراحة شي عظيم فعلا ً .. جو مفعم بالإثارة والتشويق !!
على العموم مااقدر اشارك في UN 2004 الا اذا Dr.AQAS_is_BACK وماجلّان بيشتركوا
بكذا نصير 3 يلزمنا واحد .. او تشوفوا لي 3 مشتركين من عندكم (صدقة) :D

تبغاني اختارلك

ترا في اثنين حيشتركو وفنانين و ماعندهم بقية الفريق اذا تبغا ارتبلك معاهم علشان تكملو 4 و بعدها تشوفو اي احد كمان معاكم


في كثير مسجلين و يبغو فريق بس الاثنين الي اقلك عليهم اعرفهم واعرف لعبهم


طيب والشباب الي تقول عليهم ليش ما يشتركو

يعني شايف ان Dr.AQAS_is_BACK يبغا يشترك و ماجلان ما اعرف بس يعني بصراحه المفروض تشتركو يا شباب اذا تلعبو تمام علشان يكون في حماس شويه

وبعدين تعال لعبت فار كراي من ورايا يا ريتني جيت شويه بدري كان شفت الجنان بنفسه في فار كراي

على العموم الجايات اكثر من الرايحات نراكم على خير

أنا أبي أشترك بس عندي سفر وخرابيط من ذي فا لو ما قدرت أشارك أعذروني خلاص

يعيال انا ترى غشييييييييييييييم لعب بس محترف في نيد فور سبيد
اللي يبيني معاه يقوللي عشان ابدأ اتدرب
اوكي؟

ماجلان ايش تلعب غير نيد فور سبيد
يعني هل تلعب جنرالز ولا آن ريل

جنرالز انا ابغا واحد معايا


آن ريل في كثير يبغو يكونو فرق فلو تراجع المناورات الالكترونيه حتحصل الناس الي يبغو يكملو فريق حاطين ارقامهم علشان يكملو الفريق


نراكم