الموضوع الرسمي لـ Zelda Four Swords ...

أولاً أحب أبارك للأخوان اللي عطلوا...

واللي ما عطلوا يروحون يذاكرون أحسن لهم... :tongue2:

طبعاً مع بدأ العطلة كثير منكم بيشتري أشرطة جديدة سواءً كان بسبب الفضاوة في العطلة أو لأنه سيكافئ نفسه بعد الأختبارات أو بسبب توفر السيولة المادية بعد استلام هدايا النجاح...

وطبعاً زيلدا فور سوردز بتصدر بعد يوم أو يومين عندنا في المملكة مما يجعلها اختيار مناسب للكثيرين...

لذا أرى أن يكون هذا هو الموضوع الرسمي للعبة...

واتمنى من أي شخص اشترى اللعبة يشارك معنا...

أولاً: كل من اشترى اللعبة ورغب بذكر انطباعاته عن اللعبة فليكتبها هنا حتى يتسنى للجميع قراءتها...

ثانياً:هل ستلعبها لوحدك أم مع شخص آخر..

ثالثاً: بعد أن جربت طور تعدد اللاعبين هل ترى أنه تم الإستفادة من خاصية التوصيل بين الكيوب والأدفانس بشكل جيد؟

رابعاً: هنا تكتب الإستفسارات عن اللعبة بحيث يكتب كل شخص "رقم المرحلة" في أعلى السؤال وكلمة "سبويلرز" أو "SPOILERS" إذا كانت تحتوي على شيء قد يفسد القصة...

اللعبة يمكن توصلنا في الرياض يوم الخميس القادم... :ciao:

وشكراً لكم مقدماً

Yoshiiii :icon11: .. How you doin ^^ ?

هههههههه ^___^ .. عليك اسلوب بطرح الموضوع .. روعة :09: ..

اقتباس:

---

واللي ما عطلوا يروحون يذاكرون أحسن لهم...

---

انا منهم :blackeye: ... .. بدري على عطلتي :icon11:

اقتباس:

---

ثانياً:هل ستلعبها لوحدك أم مع شخص آخر

---

بروحي -.- ..

مادري ليش بالألعاب إلي مثل هذي .. احب العب مع نفسي بس :31: ! .. احس ان الاعب إلي وياي يكون عائق لي ويعطلني :blackeye: !!

وانشالله بكون اول المشاركين اذا شريت اللعبة :) (( هذا اذا شريتها :05: )) ..

اقتباس:

---

Yoshiiii .. How you doin ^^ ?

---

الحمد لله بألف خير ونعمة... شلونك أنت؟

اقتباس:

---

انا منهم ... .. بدري على عطلتي

---

الله يعينك وإن شاء الله غيبتك عن المنتدى للمذاكرة لن تذهب سدى...

والله ياخذ هالأختبارات اللي حرمتنا منك!!! <---(شفت الكلام المعسول شلون؟ :biggthump )

اقتباس:

---

مادري ليش بالألعاب إلي مثل هذي .. احب العب مع نفسي بس ! .. احس ان الاعب إلي وياي يكون عائق لي ويعطلني !!

---

يعتمد على اللي بيلعب معك...

زي في FF CC ما بعد خلصتها لأن دائماً مشاكل بيني وبين أخوي ...

بس أتوقع فور سوردز بتكون غييييييييييييييير....

بو نجوم اهلييييييين منور الموضوع 8__8 ..
وينك ما تبين .. ولا حتى بالمسنجر ×___× ..
المهم .. منور الموضوع والمنتدى ^^

يوشي ..

اقتباس:

---

ثانياً:هل ستلعبها لوحدك أم مع شخص آخر

---

بلعبها لوحدي مرة .. ومع اخواني مرة ثانية ..
لأن دايما تحصل مشاكل باللعب بأضطر اني العب لوحدي :09:

وان شاء الله اخذها بأقرب فرصة الأسبوع القادم او اللي بعده >> يعني بعد الإختبارات -_________-

طانكس عالموضوع ^^

اقتباس:

---

شلونك أنت؟

---

I'm fine ^^ ..

اقتباس:

---

والله ياخذ هالأختبارات اللي حرمتنا منك!!! <---(شفت الكلام المعسول شلون؟ )

---

ههههههههههههههه ^____^ ... تسلم والله زيزو ^^ (( سميتك زيزو :09: ))

اقتباس:

---

بو نجوم اهلييييييين

---

عــ .. عــ .. عمبووووووووووووووووووووووود :02: .. حبيب الـb :icon11: ..
شلونك شخبارك اشلون العيال اشلون "حمنمن:02:" اشلون الدنيا وياك , واشلون الUFO وياك :tongue2: (( يوريك ان قاري موضوعك :09: -تره حلو ^^- )) ..

اقتباس:

---

منور الموضوع 8__8 ..
وينك ما تبين .. ولا حتى بالمسنجر ×___× ..
المهم .. منور الموضوع والمنتدى ^^

---

منور بأهله ^^ (( إلي مادري وينهم اصلاً :31: !! ماكو احد -.- ))

بخصوص المسنجر ... امممممممم :33: .. .. .. .. .. مالي عذر :tongue2: .. بس زين اصلاً دشيت النت:02:


ويلا ننتظر انطباعات اللاعبين حول اللعبة :05: ---> يحاول يصرف الchat إلي سواه :blackeye:
و sorry زيزو ^^ ..

السلام عليكم :

Look who come of dead :31:

يو بو نجوم :D
كيف الحال ، العيال ، الفلوس ، الإمتحانات ;)

اول ما شفت اسمك بالموضوع قلت منو رافع هذا الموضوع المغبر :blackeye:


بالنسبة لك يوشي

إن شاء الله شاريها بعد الإمتحانات
ونقول لك رأيي وقتها ولكل حادث حديث

اقتباس:

---

و sorry زيزو ^^ ..

---

زيزو؟

زيزو؟!!!! :vereymad:

هزلت؟!!!! :mad:

ما سمتني أمي زيزو ... تسميني أنت!!! :mad:

اطلع من موضوعي يا مخرب المواضيع أنت!!!! :mad:

تغيب عننا بالسنوات وبعدين تجي وتخرب مواضيعنا اللي تعبنا عليها وتقلبها لشات!!!! :vereymad:

شف شلون صاروا الأعضاء يعاملوني بعد ما جيت أنت!!!

اقتباس:

---

بالنسبة لك يوشي

---

صاير كأني شي ثانوي ما له فايدة!!!!

ههههههههههههههههههههههههههههههههههههه

وش الدعوى...؟

يا أخي أنا لو كل مواضيعي (اللي الظاهر انها ما تتجاوز الخمسة) انقلبت لمواضيع ترحيب فيك كان عشت Happly ever after <---(مسوي يعرف عنجليزي)

السلام عليكم :

هلا يوشي شفيك معصب هدي

اقتباس:

---

صاروا الأعضاء يعاملوني بعد ما جيت أنت!!!

---

ترا لي اسم :09:

عموما ما ادري تمزح ولا لأ :p

اقتباس:

---

المشاركة الأصلية كتبت بواسطة rk LINK@(|

السلام عليكم :

هلا يوشي شفيك معصب هدي

ترا لي اسم :09:

عموما ما ادري تمزح ولا لأ :p

---

اكيد يمزح .. هههههه :p


بونجوم ..
لول ان شاء الله اعجبك موضوع الـUFOs :tongue2: انا يوم كتبته ما فكرت هالكثر ردود بلاقي :blackeye:
الدنيا صارت مملة .. لا انت ولا نين. .. المسنجر صار بايخ :02:
لكن نين. على الأقل احسن منك نشوفه كل سنه مرة .. انت كل قرن مرة :tongue2: ..
حمنمن يسلم عليك ^^


=======>
آسف يوشي انقلب الموضوع تشات شوي >_< ..
لكن شنسوي كله بسبب بو نجوم :p

على فكرة فور سوردز حصلت تقدير لا بأس فيه من IGN ^^ .. هذا هو 8.7 من 10
ما يبي يحول الموضوع لتشات ×__×

تقدير اللعبة من جيم سبوت
8.1
Gameplay - 8
Graphics - 7
Sound - 7
Value - 8
Tilt - 9
تحياتي لكم جميعاً^^

لبطيئين الفهم مثل الأخ rk LINK@(| <--- (لاحظ اني نديتك بأسمك) :tongue2:

تراني أمزح!!!!!!

اقتباس:

---

ترا لي اسم

---

لا خله كذا عشان يصير وقعها أكبر في نفسه... كما أنها من البلاغة والفصاحة (أنا آخرمن يتكلم بهالشي)
:tongue2:
وقبل ما تسوي لي مشاكل...

تراني أمزح يوم قلت بطيئين الفهم بعد... :09:

إيه صح....

وشو موضوع الـ UFO's؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يوشي ..
هذة وصلت الموضوع ^^
اتمنى اشوف رأيك بالموضوع ..
http://www.montada.com/showthread.php?t=279811

اللعبة في الرياض في النسر يوم الخميس - السبت

السبت أكيد على حد قوله :tongue2:

و عالبركة العطلة :)

السلام عليكم ورحمة الله حيا الله الشباب والله زمان.. انا استفساري لكم بعد ما تشترون اللعبه ممكن يلعبها شخص واحد اولا زم اكثر من لاعب مثل جيم بوي ادفانس شريتها وحذفتها تكفون الي عنده فكره يخبرني واكيد عندنا راح تنزل بعدكم ايه بعد في استفسار نازله ياباني ولا امريكي ولكم جزيل الشكر وتحياتي

:ciao:

لازم وجود الادفانس ولا عادي المسكة العادية (يد التحكم) ...أنا تراني أتكلم عن طور اللاعب الواحد مش تعدد اللاعبين

اقتباس:

---

المشاركة الأصلية كتبت بواسطة سقراط

السلام عليكم ورحمة الله حيا الله الشباب والله زمان.. انا استفساري لكم بعد ما تشترون اللعبه ممكن يلعبها شخص واحد اولا زم اكثر من لاعب مثل جيم بوي ادفانس شريتها وحذفتها تكفون الي عنده فكره يخبرني واكيد عندنا راح تنزل بعدكم ايه بعد في استفسار نازله ياباني ولا امريكي ولكم جزيل الشكر وتحياتي

:ciao:

---

اليابانية نازلة من زمان...

الأمريكية توها تنزل...

وبالنسبة لاستخدام الغيم بوي...

فأنت لن تحتاجه لإلا في طور اللعب الجماعي أما اللعب الفردي فتكفيك اليد (الكنترولر)...

مشكور يا عزيزي Yoshi SD

انا رحت المحل وقالي السبت او الاحد وانا انتظر على النار :vereymad: :ciao:

اشتريتها!!!!!!

توني شاريها ما بعد لعبتها بغيت أقولكم بس أنها موجودة بمركز النسر فرع الروضة...

لا تنسون فرع الروضة...

قولوا لعبد الرحمن (العامل اللي يبيع) أني أنا اللي أرسلتكم ويمكن يخفض لكم علشانه موصيني...

وقولو له جايين من طرف عبد العزيز اللي شراها منك الصبح (ولا تقولون Yoshi SD لأنه ما يعرفني بهالأسم)...

اللعبة يجي معها سلك توصيل مجاني...

وتكفون قولوا لي بكم شريتوها...

بأروح أجربها وأرد لكم خبر...

Yoshi SD signing out... :biggthump

waiting ^^

السلام عليكم ورحمة الله وبركاته


انتظر رايك فيها Yoshi SD

توني شاري الكيووب وبشتري زلدا ويند ويكر ويمكن اشتري فور سورد بدالها :09:

لعبت طور اللاعبين وكان رهييييييييييييييييييييييييب...

اللعبة ممتعة لأبعد الحدود!!!

خصوصاً أن اللاعبين يتنافسون ضد بعض وفي نفس الوقت لازم يتعاونون...

أخوي الصغير حمر وجهه من القهر لأنني قاعد أجمع كل المجوهرات وفوق كذا فيه طور الشادو باتل الرائع والميني غيمز (ما بعد طلعت إلا وحدة "سباق الخيل")...

طبعاً بما أننا 2 يعني اللينكات الاربع يتوزعون علينا (كل شخص يتحكم بلنكين) طبعاً تقدر تسرق اللنك اللي مع صاحبك (يصير أنت معاك 3 لنكات وهو بس واحد) وتقدر تشيله وترميه بزر R (الذي يستخدم في الدحرجة وأشياء أخرى) وتقدر تستخدم الأسلحة بزر A، وزر B يستخدم للسيف...

شادو باتل مضاربات تستخدم أسلحة وأفخاخ وتضغط على أزرار وتسبب بلاوي ...

اللعبة ممتعة جداً الصراحة ما جربت طور اللاعب الواحد ولكن يبدو أنه ممتاز أيضاً (صحيح أنه لا يقارن WW أو OoT ولكنه يظل جيداً)...

أنا عارف أن كلامي ملخبط كله على بعضه بس أي واحد عنده أكثر من غيم بوي أدفانس أو عنده أصحاب عندهم غيم بوي أدفانس فلا تفوته...

أما إذا كنت بتلعب لوحدك فإن كنت من محبي زيلدا أو من النوع الذي يقدر الألعاب لمتعتها وليس للجرافكس فهي إختيار ممتاز...

يبين على اللعبة إبداع

شكلي باخذها هي ويا ويند ويكر بنفس الوقت مع وصلات الجيم بوي

عندي 3 اس بي وعندي توأم ما يقصرون ;) مادام فيها زلدا او اي لعبة يحبونها ما يقصرون :)

أحب أذكرك أنه يجي معاها سلك توصيل

واو .. مبروك يوشي 8__8 ..
حمستني لها .. :bigeyes:
الحين شلون ادرس وبعد يوم عندي امتحان كيمياء :tongue2:

ان شاء الله اشتريها يوم الأربعاء .. :02:

اقتباس:

---

المشاركة الأصلية كتبت بواسطة Golden_Sun

واو .. مبروك يوشي 8__8 ..
حمستني لها .. :bigeyes:
الحين شلون ادرس وبعد يوم عندي امتحان كيمياء :tongue2:

ان شاء الله اشتريها يوم الأربعاء .. :02:

---

كذا خليتني أشعر بالذنب... :blackeye:

بس تذكر لولا الكيمياء كان ما صار عندنا red potion ولا blue potion ولا green potion :biggthump(مسوي يبغى يحمسك للدراسة)

هع !!!

شريتها :D

حتى الآن ماجربت طور اللاعبين لكن اللاعب الواحد اللعبة روعة تتحكم ب4 لنكات و ممكن تختار واحد منهم وتترك البقية و ممكن تسوي فورميشنز مثلاً تخليهم كلهم ينتضمون في خط مستقيم أو على شكل مربع و يساعدك على حل الألغاز

و الرسوم الصراحة أعجبتني بس أعتقد انها نفسها حقت فور سوردز للأدفانس

الموسيقى نفس موسيقى زيلدا التقليدية روعة كالعادة طبعاً :D

اللعبة جميلة و قريب باجرب طور اللاعبين و أردلكم خبر

عقبال مينيش كاب و الأسطورة الجديدة ;)

مبروووووووووووووووك...

أنا أمس قعدت ألعبها بأربع لاعبين...

لو تشوفون كيف الفوضى... :blackeye:

كل ما ندخل منطقة على طول ننتنشر وكل واحد يحاول يجمع المجوهرات قبل الباقين...

وبعدين واحد يلقى لغز يحتاج أربع لاعبين وويقعد سنة علشان يجمع الباقين وإذا جمعهم وحلوا اللغز تطلع لنا مجوهرة عملاقة وتشوف عاد شلون المظاربات عليها (اللي يضرب بالسيف واللي يشيل صاحبه ويستخدمه كسيف واللي يقلب اللعبة للعبة بومرمان)...

أنا الآن في المرحلة الثانية من العالم الثاني...

مشكور على الموضوع ^^

الحين فيه طور العب بروحي لاه ؟

طور تعدد اللاعبين يبيلي 4 جيم بوي وتوصيلات ؟

اقتباس:

---

مبروووووووووووووووك...

---

الله يبارك فيك :)

وصلت إلى : Level 2- Eastern Hyrule

المرحلة الثانية فيها

طبعاً ألعب لحالي (جربت لعبة اثنين ما حسيت بمتعة اللعب الفردي )

طريقة اللعبة بسيطة جداً عليك تجمع force gems علشان تطور السيف و تكسر الbarrier

اذا وصلت و ما بعد طورت السيف بترجع بالزمن الى الخلف و تجمع force gems لين تطور السيف ثم يرجعونك تلقائياً إلى الbarrier في آخر كل level تلقى زعيم لما تهزمه تحرر أحد الmaidens لين تختم ال7 مراحل كلها

اللعبة روعة الرسوم جميلة خاصة رسم الزعيم الأول أعجبني جداً و اللعبة ممتازة على طور اللاعب الواحد يعني اللي متردد يشتريها علشان تعدد اللاعبين لا يتردد و لا يفوتها :)

اقتباس:

---

الحين فيه طور العب بروحي لاه ؟

---

ايه و بتتحكم بالاربع لنكات كلهم :)

اقتباس:

---

طور تعدد اللاعبين يبيلي 4 جيم بوي وتوصيلات ؟

---

ممكن جيم بوييين و توصيلتين

و اللعبة تجي معها توصيلة :)

جبت اللعبه وجربتها اول شي بغيت استخف علشان اللعب بنفسي واحرك اربعه لنك عوروا عيني :mad:

بس مع الوقت تعودت عليهم شحليلي دوده تمشي مو لينك :tongue2:

وعرفت كيف افصلهم عن بعض وامشي بروحي :jester:

لكن الشي الوحيد الي ما عجبني في اللعبه هو انك ما تقددر تشيل غير حاجه وحده بس مثل معاك قنبله وتبي تاخذ سهم تحط القنبله وتشيل السهم بس نوع واحد تقدر تحمل معاك وتبدله حسب الحاجه من مكان الى اخر . :bigeyes:

وسلامتكم :ciao:

اقتباس:

---

المشاركة الأصلية كتبت بواسطة AmoooR

ايه و بتتحكم بالاربع لنكات كلهم :)


ممكن جيم بوييين و توصيلتين

و اللعبة تجي معها توصيلة :)

---

جان استانس :D كوووول ^^

اريجاتو جوزايماس ^^

لو لقيتها بشتريها ^^

اقتباس:

---

المشاركة الأصلية كتبت بواسطة سقراط

بس مع الوقت تعودت عليهم شحليلي دوده تمشي مو لينك :tongue2:

وعرفت كيف افصلهم عن بعض وامشي بروحي :jester:

---

هههههههههههههههههههه .. دوده :laugh2:

اقتباس:

---

المشاركة الأصلية كتبت بواسطة سقراط

لكن الشي الوحيد الي ما عجبني في اللعبه هو انك ما تقددر تشيل غير حاجه وحده بس مثل معاك قنبله وتبي تاخذ سهم تحط القنبله وتشيل السهم بس نوع واحد تقدر تحمل معاك وتبدله حسب الحاجه من مكان الى اخر . :bigeyes:

---

يمكن علشان يجبرونك تلعبها بأربع لاعبين وكل لاعب يمسك سلاح وتتعاونون :naughty2: ؟!


ان شاء الله راح اشتريها يوم الأربعاء ^_______^ ..
وبقعد طول اليوم بالبيت العبها مع اخواني :tongue2:

هلا والله عزيزي جولدن سن منور :)

ياليت كل واحد ياخذ سلاح الا كلهم نفس الشي هههههههههه :05:
بس اقول مو على طول لنك دوده تقدر تشكل طريقة مشيكم وقتالكم في اشكال مختلفه تتطلبها اللعبه في حل اللغاز وقتال العدو :reporter:

انا وصلت قرية : Village of the Blue Maiden
وقاعد احوس فيها وحصلت على الريشه لكن المباريات ما تخليني العب بشكل متواصل طبعآ بطولة اوربا محد يفوتها :ciao:

صبحكم الله بلخير
:) وصلت Eastern Temple

اذا حد يبي مساعده حاضرين :ciao:

أمس خلصت العالم الثالث بالرغم من كل الصعوبات التي واجهتني...

لأن أخواني سوو علي انقلاب لأن مجوهراتي تجاوزت 2000 وهم ما تجاوزوا 200 ...

(أنا وأخواني متفقين على أن كل شيء مسموح ما عدى القتل بس هم قتلوني وأخذوا مني أكثر من 1000 مجوهرة :blackeye: )

وفوق كذا في مرحلة من المراحل طولنا في منطقة من المناطق وهجم علينا جيش "تينغل" وأخذ من كل واحد فينا 300 مجوهرة...

المشكلة أني أنا ما كان معي إلا 100 وشوي فصارت مجوهراتي بالسالب :(

الميني غيمز رهيبة حتى الآن طلعنا 3 ...

جو اولاد اخوي واعفسوا البطح مسحوا لي اللعبه كلها :31:

برجع العب من اول وامري لله

شفت كيف ما تقدر تفتح مرحله جديده الا اذا كان معك 2000
واذا كنت اقل يرجعك تلعب حتى تكمل المبلغ .

امس اشتريتها

واللعبة حلوة وخاصة يوم ايولي اكثر من 10 جنود ويكون عندك شي يضرب من بعيد نفس السيف لما تجمع 2000 جوهرة

تسوي خطة حلوة :p

ووصلت المرحلة الثانية في المنطقة رقم 2 وإن شاء الله اكملها وانهيها اول واحد :09:

هلا مراحب يا شباب

انا وصلت Level 4 في The Field

واكثر شي ونسني وضحكني من قلب الخيل والجزر هههههههههههه :biggthump

وصلت Level 5: The Dark World وتوني في ستيج 1 _لوست وودسThe Lost Woods

:05: :33: :31: تعبت بروح انام :( :ciao:

شريتها اليوم الصبح ..
اللعبة روعه :bigeyes: :biggthump

الحين استوعبت معنى لينك الدوده :tongue2:
حالياً جربت بس الـSingle mode واللعبة جداً رائعة ^^ وصلت المنطقة الثانية من Level 1 ..
وبعد شوي بروح العبها مع ربعي بتعدد اللاعبين 8___8 ..

واااااااااااااااااااااااو مبروك جولدن سن اتمنى لك وقتآ ممتعآ ومثيرآ. :)

انا في القريه ليفل 5 ستيج 2 ومسكت 9 لصوص وسجنتهم وبا قي لي واحد مدري وينه لكن الليله بعد المباريات ان شاء الله نصيده :reporter: :ciao:

مبروووك جوادن سن على اللعبة


وانا وصلت نفسك يا سقراط عند اللصوص مسكت 6 ومليت وكان فيني نوم سكرته ورقدت

ان شاء الله في السهرة اكمل

هلا عزيزيalshaer1001


انا الله يسلمك ما قدرت اصبر لعبت بين الشوطين وانهيت المرحله

والان في مرحله 3 في المستوى الخامس وهي المعبد Temple of Darkness

طبعآ تعبان وبروح اخذ لي لفه واكل لي شي قبل بداية المباراه الثانيه يله سلام :ciao:

وصلت للمرحلة الاخيرة :bigeyes: :wow:

واحلى مرحلة لعبتها هي المرحلة السابعة

ان شاء الله بعد ما ارتاح شوية من اللعب نكمل وانهي اللعبة :cool:

ماشاء الله عليك لعيب والله .
انا الصراحه واجهتني مشكله ولا قدرت احلها حتى الان في المعبد وهي كيف اضرب بلوره من الاربع واحول لونها اخضر حتى يكتمل الجسر الي عند الغرفتين الي بهم الاشياء والاسلحه 3 ضربتهم بسهم وغيرت لونهم باقي وحده جايه على زاويه مش قادر اطالها والمكان ضيق وياكثر الطيحات حدث ولا حرج المهم اخر شي عرفت حلها لكن ما ني قادر اسوي الحركه وهي اني اضربها بboomerang بطريقه مايله وهو لينك اصلآ مايوقف الا بخط مستقيم حاولت جبتها مره او مرتين وهو يمشي اوجه على زايه وصارت معي لكن الاتجاه غير صحيح اذا كان لها حل ثاني ارجوكم او اذا في طريقه سهله من فضلكم حد يعلمني او يمكن يد التحكم الي معي خربانه الله واعلم مش معقول تكون بصعوبه هذي :أفكر: :blackeye: :31: :12:

طريقة الboomerang صحيحة اخوي سقراط
وهي بسيطة فقط في الزاوية وارمي وخلاص وboomerang راح يتجه للزاوية :)

اي زاويه انا من نص الليل وانا احاول ما خليت مكان ما جربت منه واكثر الزاوايا الي ممكن يوصل منها يطيح لنك

والله عصب بي ههههههههههههه يا خي ذبحني ابي اسويها على زاويه وما يتحرك هو ويحول رويسي :mad:


تكفى ساعدني وعلى فكره انا مشهور الاشيا الصعبه احلها ودايمآ اشيا تافه تعيقني والله حاله :vereymad:

مب قصدي اتم في جهة الزاوية وبعدين تسير في الزاوية وترمي


قصدي وانت تمشي تسير للنهاية سير لجهة الزاوية ارمي وانت تمشي يعني مب لازم على الطرف بس امشي لين ما توصل قريب وارمي في الزاوية وخلاص ;)

ارجو اني افتك إذا ما نفع قولي بلعبة المرحلة وبتأكد من الماكن

اخاف اكون انا قاصد مكان ثانية

مشكور فهمت عليك لكن بجربها عقب الغدا ما فيني شدة صدمات الحين والمكان هو افا عليك خشمك بس خلني اسلم عليك :) :biggthump وجزاك الله خير على ردك السريع اخوي وتسلم .

العفوو اخوي

وان شاء تنجع المحاولة

اخيرا وبكل سهولة انهيت اللعبة

وعندي 95 فيري وان شاء الله اشتري الوصلات الباقية عشان العب الشادو باتل مع اخواني

اللعبة روعه .. :bigeyes: :biggthump

اول ما العب مع اخواني هجوم على اللاعب الرابع (COM) منو ياخذه .. وبعدين نتهاوش على الـForce Gems والأسلحة ههههه .. كل واحد ياخذ سلاح ونضرب بعض نسرق من بعض شوية Force Gems :tongue2:

ومسابقات Tingle روعه .. خصوصاً الحصان (ما طلعت غيرها :09: )


عندي استفسارين بخصوص الـMulti ..
- شنو فايدة الـScore بنهاية كل مرحلة ؟ .. هل يأثر على مجريات اللعبة ؟
- الفيري شنو وظيفتهم .. عندي 12 :33: ؟

متى بييب الريال الوصلات ابي العبها ويا اخواني

وجولدن سن : الفيري تحتاجها لو مت تحييك :)

يا شباب شكلكم مستانسين مع اللعبة
بس ابي احد يفهمني
والله من كثرة الردود ما فهمت طريقة اللعب
هل هي تنفع للاعب واحد ولا لازم يكونوا 4 عشان
بعدين وش طريقة اللعبة يعني rpg ولا مغامرات
ضروري اليوم اعرف عشان ابي اشتريها بس لازم اتاكد

شباب اللعبه هذه نفسها اللي في الأدفانس ولا من نفس النوع ومغامره جديده ولا هي نفسها في كل شيء

يا شباب وين الردود
والله مستنيكم عشان اشتريها ولا لا

finaldream
اللعبة تصلح للاعب واحد .. سواء لعبتها لاعب واحد بوصل الجيم بوي بالكيوب او لاعب واحد بيدة الجيم كيوب العادية .. كله ينفع ..
( لكن بيدة الجيم كيوب بتفقد متعة اللعبة :blackeye: ) لأن استكشاف البيوت والأبواب السرية والحفر والكهوف يكون بشاشة الجيم بوي ( للخصوصية :tongue2: ) .. اما لو لعبت لوحدك بيدة الكيوب .. كل شي بكون على شاشة التلفاز

ولتعدد اللاعبين لازم لكل لاعب جيم بوي ووصلة :)
وهي مغامرات/الغاز/بلاتفورم (كأي جزء زيلدا سابق) ..


Digital Guy
جزء جديد كلياً .. لكن بتطوير اسلوب وطريقة لعب فورد سوردز على الجيم بوي :)

شباب اليوم رحت وسالت عنها قللي ب 240 ريال
بس لما جيت اشوف الصور اللي ورا العلبة بصراحة ما تشجع يعني مهي 3d
يعني ثنائية الابعاد بس مني متاكد هي كذا اللعبة ولا لا ويا ريت لو احد يحط صورة للعبة

اقتباس:

---

المشاركة الأصلية كتبت بواسطة finaldream

شباب اليوم رحت وسالت عنها قللي ب 240 ريال
بس لما جيت اشوف الصور اللي ورا العلبة بصراحة ما تشجع يعني مهي 3d
يعني ثنائية الابعاد بس مني متاكد هي كذا اللعبة ولا لا ويا ريت لو احد يحط صورة للعبة

---

اللعبة 2D نفس ما شفتها على الغلاف من الخلف .. لكن ليس كالجيم بوي
على الجيم يكوب الألوان اوضح وافضل .. والمؤثرات مشابة لمؤثرات ويند ويكر :)

أولاً حبيت أبارك لكل الذين اشتروا اللعبة ...

شكلكم سبقتوني...

أنا كنت مسافر خلال الأيام اللي راحت علشان كذا ما قدرت أوصل بعيد أو أرد في المنتدى...

أنا توني موصل للـ dark world

المشكلة أن لعبنا جنوني ومتوحش لدرجة أن الجهاز ما يتحمل....(مرتين صار لنا Glitch مرة أخوي صار يمشي على الجدار ومرة أنا نشبت داخل الجدار)

الله يبارك فيك مع تمنياتي لك بقضاء وقتآ ممتعآ :)


ولكل الي انهى اللعبه بعد مبروك :p


انا كنت موقف لعب لظروف سفر لكن برجع اكملها وكنت موقف على الاخير تقريبآ ومتوهق في مكان لكن بحاول احل المشكل بنفسي واذا ما قدرت عودت عليكم يا شباب سلام :ciao:

اخباركم احوالكم اعلومكم تمام ان شاء الله
احتاج مساعده شباب لو تكرمتم ,, في المرحله الاخيره بعد ما تحط حبات الؤلؤ الازرق الاربعه في مكانها المحدد وتنفتح لك الغرفه الي فيها مربع معدني اضربه بلمطرقه او الشاكوش ورحت الى مكان وكبست الازره الي هناك وصار فيه مكان لازم انط عليه من فوق واحطم البلوكات الاثنين المشروخين بالسيف ولكن المشكله الاخ لينك يحول رويسي جمبها احاول اخليه يتحرك يسار شوي ابدآ بن عمك اصمخ يا ينزل في وضع عادي واقدر احركه يا ينزل جمب البلوك وما يصيده كيف الحل يا شباب قبلها وهقني المدفع لكن عرفت كيف اوصل له تدحرجت وصوبت عدل بس الحين متوهق في ها لمكان بليز حد يساعدني ومشكوريين :) :33: :06: :أفكر: :)

قبل اربع ايام دخلت هالموضوع وحمستوني

وشريتها قبل امس


ابدااااااااااااااع لا تفوتكم

اي والله لا تفوتكم :) :bigeyes:

:) لين الحين متوهق بلمكان هق هق هق :vereymad: :ciao: :02:

اقتباس:

---

المشاركة الأصلية كتبت بواسطة سقراط

:) لين الحين متوهق بلمكان هق هق هق :vereymad: :ciao: :02:

---

قربت اوصلك لك .. انا الحين في نهاية Level 5 :D
ليش ما تجرب GameFaqs ؟ @@ ..

هلا بك جولدن وابشرك وجهك خير علي وانحلت المشكله هي حركه بطريقه معينه تميت اخبط وانقز وصارت فجأه والله لو تقولي عيدها ما عرف لووووووووووووووول :biggthump :laugh2:

السلام عليكم
خلصتها على طول اول ما انحلت المشكله يا خساره كان ودي اقضي فيها وقت اكثر لكن بشوف حد من ربعي يرضى يلعب معاي مشكلتي كلهم اكس بوكس وp2 ولازم جيم بوي ادفانس علشان نلعب . :12:

او جاتني فكره راح ارجع الايام الخوالي من اوكرانيا وارجع العبها بعد تجديدها والاضافات عليها علشان شهيتي مفتوحه للعب بزلدا باي شكل من الاشكال وسلام :ciao: رايح العبها :ciao: