عرض للطباعة
خبر رائع عن بعض اللاعبي في المنتخب الفرنسي
وهو اسلام عدد من اللاعبين وهم هنري (لاحظ شكله يوم مباراة انجلترا وفرنسا ) وانيلكا اللي توجه مؤخرا للسعودية لأداء فريضة الحج وايضا ليزارزو وليليان تورام وهم ايضا يحاولون اقناع ترزيقيه وشكرا
واسف لو كان الخبر مكرر
اقلب وجهك
قال اسلموا
روح دور غيرها
قال ايش انه استدل على اسلامهم من شكل هنري
غبااااااااااااااااااااااااااااااء
:mad:
:mad: :mad:اقتباس:
هنري (لاحظ شكله يوم مباراة انجلترا وفرنسا )
ههههههههه
بدت أشاعات البطولة
يا اخوي همري متزوج عارضة ازياء
وفييرا يمكن لانه عاش في السنغال سبع سنين :p
اقتباس:
المشاركة الأصلية كتبت بواسطة محب التانجو
لا تعليق على هذا القول .. :أفكر: ..
كما أرجو من أحد المراقبين اتخاذ الإجراءات اللازمة
ياناس شوي شوي على زميلكم يمكن يكون سامع الخبر او قارييه هو ايش ذنبه اذا بينقل اللي يقراه لنا
المنتدى ليش مفتوح
علشان نقول للاعظاء(اقلب وجهك) حسن الفاظك يامحب التانقو
اقتباس:
المشاركة الأصلية كتبت بواسطة محب التانجو
انيلكا اعلن اسلامه بشكل رسمي ولله الحمد والله يثبته على طاعته ..
و اتمنى ان الخبر اللي اشيع عن هينري وتورام وفييرا يكون صحيح ان شاء الله ..
والله يهدي الجميع لـ الإسلام ..
يمكن المنتخب الفرنسي كلو أسلم ونحن ما ندري :tongue2:
الخبر تكرر في المنتدى اكثر من مرة
ومااتوقع انه يسلم
بس يمكن الله يهديه
((انه على كل شي قدير))
عيب عليك يا محب التانجو :31:
الله يهديهم انشالله :o
بالنسبة لنيكولا أنيلكا هذا خبر أكيد
أما البقية ما في شي أكيد او رسمي :)
والله يهدي الجميع لـلإسلام ..
لا تعليق على الرد الاول وعلى العموم شكرا......
والله يسامحك وانا برأي اتصير مشرف لأنك مناسب :)
لااعتقد ذلك
الله يهديهم للاسلام
ياخي استح على وجهك !!
تدري اسمك وش معناه؟؟؟
اطردوه المنحرف !!!!!!!!
لا و كمان جا يتكلم عن الاسلام :mad:اقتباس:
المشاركة الأصلية كتبت بواسطة aimar
تو الناس الحين عرفتوا أسمه :p
اول مره اشوفه قسم بالله !! من وافق له عالاسم؟؟اقتباس:
المشاركة الأصلية كتبت بواسطة $$$ f.w.z $$$
الظاهر هذا مشجع سويدي !!
يافضيحتك يامنتدى الرياضه العالميه!! ياشماته ابله طازه فيه !!
يا شباب والله انا اسف اني غلطت وشاركت بالخبر السيء هذا وانا ندمان وكرهت نفسي
واخر مرة اشترك ب مواضيع خرافية واذا حبيتوا رح اطلب من المشرف يطردني ويكذب الخبر
والاخ صاحب النية الحلوة اللي يسأل عن الاسم queer
معناه (((((((((غريب-متوعك-شخص غريب الاطوار))))))))))
ف لا يروح بالك ل بعيد وانا اسف على ال اسم الغبي والله مني عارف ب شو كنت افكر
صادق معاك حق ...اقتباس:
المشاركة الأصلية كتبت بواسطة queer
الاسم له عدة معاني ..نورد منها هاهنا في مجلس الخليفه:
in queer street يعني تايه
queer يعني ( ملحوس ) !!
بس عاد مالقيت الا ضايع ؟؟ الله لايضيعنا !!
السلام عليكم،
يا جماعة هدو أعصابكم ترى السالفه ما تسوه على هالخلاف كله و انشالله نتم حبايب. بس أسمحلي يا أخ aimar أني أختلف معاك و الخلاف لا يفسد في الود قضية. أنا أختلف معاك في طريقة الرد ترى الريال ما كان قصده الي في بالكم. بعدين بالنسبة للأسم خل نفترض أن الي قلته صحيح بس ممكن الريال ما نوى يختار هالأسم عشان المعنى الي فهمتوه و طبعا مثل ما قلت أن الكلمه لها عدة معاني فممكن يكون أختار لنفسه هالأسم لمعنى آخر أو أنه ممكن أن ما يعرف أن معنى هالكلمه الثاني فأختاره على معرفته بالمعنى. و بعدين ثاني شي (و هذا الكلام مو موجه بس لaimar بل حق ناس ثانيين بعد) أن الريال ما غلط في حقكم عشان تدخلون بردود فيها تهجم نوعا ما و الخبر أهو سامع عنه و في أمل عود أن يكون صحيح لأن كثر الحديث عنه و لكن بغض النظر عن صحة الخبر فأنه مو غلط أن يحط الموضوع و أذا أنتو تعرفون شي ما يعرفه أهو قولوله بأسلوب يخلو من التهجم ترى الدنيا ما تسوه و طبعا أتمنى يا أخوي aimar و باقي الأعضاء أن ما تزعلون مني لأن كلمة الحق تقال و المفروض أن ما ينزعل منها و أتمنى أمنكم تراجعون نفسكم و تتصالحون عشان يخلى الزعل بين الأعضاء و المشاكل الي مالها لزمه و طبعا هذا الشي راجع لكم.
هدوا أعصابكم يا جماعة
الرجال غلط بالخبر
وردودكم كانت قاسية شوي
الإشاعة غير صحيحة مع أننا نتمناها
والكلمة معناها ، غريب ، غير سوي ولكم التقدير في طلب تغييرها أم لا
اخوي انت ماتدري من وين هي مشرّقه !!اقتباس:
المشاركة الأصلية كتبت بواسطة عاشق أرجنتينوس
ابداً ياسانكو !!اقتباس:
المشاركة الأصلية كتبت بواسطة Sankoo
مانقصد شي .. ولو قلنا له اي شي ((امام الملأ )) فهذا شي حضاري..
ياناس شوفوا السويد وين وصلت !!
اكبر معدل دخل فرد في العالم ..
اكبر معدل صرف على البحث العلمي ..
اكبر نسبة متعلمين واوضاع صحيه 100% ..
ثاني نسبة استخدام انترنت !! 51 % من السويديين يانترون!! سبب التاخر للمركز التاني هم المهاجرين((وياكثرهم العرب منهم)) ....
الراي ينقال وهو حر في نفسه !!
السلام عليكم ورحمة الله وبركاته.
الكلام هذا صحيح ان .تيري هنري/ليليان/بلال انيلكا/ وايضا زيدان. نعم هم مسلمون 100% وناكد هذا الخبر لكل لاعب .
اولا: هنري حج العام او قبل العام في مكة احد اصدقائي شافوه وخبر زوجته عارضة ازياء خبر لامكان له من الصحه وايضا عمل عمرة في مكة وكان بيعمل عمرة هو وزيدان هذا العام لكن بطولة اوربا للاندية امنعته من ذلك. لاحظ لهنري اذا سجل هدف لايعمل حركة الصليب او اذا اتغير مايعملها هو وزيدان.
ليليان /كان اشد المعارضين لمنع الحجاب.
انيلكا /عمل عمرة في مكة هذا العام.
مصدر الخبر :عكاظ
مصدر خبر هنري عكاظ/واصدقائي
الكلام هذا 100%خبر اسلامهم صحيح
ياناس ايش هذي الردود؟!!!
كبروا عقولكم واكبروا
واللي يسلم نقول الله اكبر
واللي يكفر نقول احنا بغنى عنك
واللي مااسلم الله بيهديه
بعدين ليه تنافخون في queer لانه قال الخبر عن الاسلام ولو قال الخبر عن الكفر ماقلتو كذا.
الله يهديكم
الحمد لله على نعمة الاسلام
جاك عاشق ارجنتينوس الثاني !!اقتباس:
المشاركة الأصلية كتبت بواسطة thefalcoon
أنت وش فيك يا إيمار معصب
مسوي في أبوها نفسك في خشمك
ألحين بدال ما تقول أميين ويا رب يكون الخبر صحيح تقوم تهزئ
طيب لو كان الخبر صحيح وكان هنري مسلم
وبعدين مثل ما قال أخوي فالكون هنري ما يسوي حركة الصليب أبد وهذا
قد يكون دليل على إسلامه
أما فييريا وترام مدري
لكن في الف واحد قالولي ان هنري مسلم
وبعدين أشوف ربعكم قمت تنافخون عليه وتهزئونه
أنتم سئلتوه عن المصدر
وأقول أخوي إيمار
مب تجي بعدين وتسوي فبوها تهزئ على الرد :D
والسلاااااااااااام
من جد :31:اقتباس:
المشاركة الأصلية كتبت بواسطة HERY2003
بعدين هالكلام طالع من قبل البطوله الاوربيه بااكثر من 3 شهور وانت تقولي اشاعة البطولة..؟؟
هذا كلام موجود من زمان لكن مافي دليل
حتى فوجئنا بقدوم انيلكاوهو اللي تيقنا انه مسلم وفي انتظار قدوم باقي اللاعبين انشالله وبرضو كان في خبر يقول ان زيدان بيحج السنه الجايه منشور..:)
يامكثر اللي مايدرون من وين هي مشرّقه !!اقتباس:
المشاركة الأصلية كتبت بواسطة AUSTIN_3:16
ردودي مافيها اي شي يقول اني معصب.. بعدما شرح كاتب الموضوع رأيه عن ((تقطة الخلاف))..
فهمت وش يقصد واكدت كلامه .. بس حاول تعرف من وين هي مشرّقه !!
ومثل ماقالو عن انيلكا انه مو مسلم وكفروه وهو بالاساس مسلم لكن مخفي اسلامه عن الاعلام
هنري وليليان تروام وفييرا مسلمين لكن ننتظر ان يشهرون اسلامهم قدام الاعلام
وبالنسبه للروؤس الاقلام اللي مو مصدقه هالخبر ومجذبته وتقول "اقلب وجهك" حق واحد يبشرهم انه لاعب من ابرز اللاعبين المميزين بالعالم انه مسلم بتشوفهم يطأطاون روسهم مثل ما طأطاوا رسوهم ليمن انليكا اعللن اسلامه وطبعا اغلبهم مارد لانه ماكان مصدق هالخبر ومجذبه
الايام القادمه راح تثبت وتشوف الي قال اقلب وجهك واللي قال لا اشاعه والا يقعدون يتطنزون علي صاحب هالخبر بتشوفهم يقولون لنفسهم ياريتنا ماسوينا هالشي ياريتنا صدقنا الخبر اول
منتدى الرياضي اصبح اشبه بالمنتدى الطفولي بسبب بعض الاعضاء ..اعتذر عن الرد علي اي ردود تعلق بردي هذا :ciao:
لا حول ولا قوة الا بالله ...
اتوقع انه صاحب الخبر صابوا شلل ...
وش فيكم اشتغلتوا عليه (اقلب وجهك) واسمك ايش المقصود فيه ليش بس
نيتكم سيئه ؟ بعدين يا اللي تحبون الرياضة تابعوا اخبار الرياضه !!!
من شهرين وا اكثر جاء الخبر انه هنري وبعض اللاعبين الفرنسيين اسلموا ولكنه لم يشهر اسلامه من ((تلفزيون الرياضة الكويتي )) وبعده ب فترة نفس الخبر على دبي الرياضة .!
ليش الغلط والاهانة ؟ يعني لو كان واحد فيكم صاحب الخبر وشاف هذا الهجوم اللي ماله داعي ايش كان موقفه .......؟ الرجاء التعقل شوي والتروي قبل اعطاء الاحكام وهذا منتدى لطرح الاخبار والآراء مو مهاجمة بعضنا البعض والاهانات
بالنسبة لهنري فهو مسلم، وكثير من الأخبار أكدت ذلك .. لكن زيدان في شك بموضوعه لأنه شرب الخمر حينما فاز ريال مدريد ببطولة الدوري... وكل هذا الكلام احتمالات لا أكثر.
انيلكا اعلن اسلامه وغير اسمه الى بلال
تواجد الدولي الفرنسي نيكولا أنيلكا مساء الإثنين الموافق ( 31 / 05 / 2004 ) في القلعة الصفراء وبرفقته اثنان من
المحترفين في الدوري الفرنسي وعدد من المشايخ ورجال الدعوة ,,,
حيث كان في استقبالهم سعادة راشد خليفة المهيري رئيس مجلس الإدارة وأخوانه الأعضاء ومجموعة من إداريي ومدربي فرق المراحل السنية يتقدمهم السيد بدر حارب وخلفان عبدالله وعبدالرحمن الشيباني ..
ثم توجه الجميع الى مسجد النادي لأداء فريضة صلاة المغرب ,,, ألقى بعدها رجال الدعوة محاضرة دينية استمرت قرابة الساعة تناول فيها الأخوة جانباً من حياة اللاعب الفرنسي أنيلكا وكيفية اعتناقه للإسلام ,,,
وقد اختار اللاعب المذكور اسم (( بلال )) نسبة للصحابي الجليل بلال بن رباح رضي الله عنه مؤذن الرسول عليه أفضل الصلوات والسلام ,,,
وبعد الإنتهاء من المحاضرة صرح بلال بأنه يشعر بالطمأنينة والراحة النفسية بعد اعتناقه للإسلام ,,, وأنه اختار الطريق الصحيح ,,, وكان يقوم بين الفينة والأخرى بقراءة الكتب الإسلامية المتوفرة بفرنسا وانجلترا ,,, ويشكر الله سبحانه وتعالى الذي أهداه الى الطريق المستقيم ,,, وبعث إليه بهؤلاء الرجال المخلصين ,,, وأن حياة الترف والمال والشهرة سببت له الكثير من المشاكل ,,, وان هنالك الكثير ممن يودون إشهار إسلامهم إلا أن نظرة المجتمع حول الدين الإسلامي جعلت البعض يشعرون بالخوف من اعتناق الإسلام ,,, وربما يعلن عدد من محترفي الدوري الفرنسي ومجموعة من لاعبي المنتخب إعتناقهم للإسلام في الأيام القادمة ,,,
وفي الختام أبدى اللاعب الدولي الفرنسي بلال رغبته البقاء في الدولة ,,, واحترافه مع إحدى الأندية
وأنه لاينوي العودة مجدداً لمجتمع يقوده من جديد للظلام ,,,
بعد هذا الحديث التقطت كاميرا فريق التغطية الملكية مجموعة من الصور الحصرية للاعب بلال مع مجلس إدارة النادي ورجال الدين ,,,
فيما بعد توجه المشايخ ورجال الدعوة برفقة بلال وزملائه الى المركز الإسلامي بإمارة الشارقة ,,, على أن تتكرر الزيارات في المستقبل القريب بإذن الله ,,,
منقوووول من منتدى الامبراطور الوصلاوي