هل يختفي الكوبي من الكويت !!!

كنت يوم امس قد ذهبت إلى مجمع الرحاب والذي فيه اكثر محلات لبيع السيديات بالكويت (اكثر من100 محل )
ولكن فوجئت :bigeyes: عندما رأيت اغلبها فارغ ورأيت رجال يفتشون المحلات ويأخذون منها الكوبي ويتركون الأصلي
فسألت بائع في أحد المحلات عن الذي يحدث فقال لي ان وزارة التجارة قد اتت لتأخذ الكوبي
فسألته هل الكوبي ممنوع قفال لي نعم فقلت له منذ متى قال لي منذ زمن بعيد
فخرجت من المجمع لأرجع له بعد ساعه ولكن عندما رجعت فوجئت :bigeyes: بأن المحلات اصبحت فارغه
وسألت البائع عن سي دي كنت اريده فقال لي انه لا يوجد بالمحل ولا اي سي دي كوبي
فهل هذه نهايه الكوبي في الكويت:02: :afraid: وهل وزارة التجاره وزارة التجاره تريدنا ان نشتري الأصلي ونترك الكوبي وهل علينا ان نسكت على الذي يحصل لنا :vereymad:
هل هذه نهاية البلي ستيشن2و الاكس بوكس في الكويت :mad:

:31: :31: :31:
والله شوف عندنا بالسعوديه سمعنا الكلام ذا اكثر من 100 مرة .. لا وسمعناه من اشهر المحلات في السعوديه

من ايام البلاي ستيشن 1 لكن طبّقوا النظام هذا في الكويت :06: صعبه والله

الله يعينكم .. شكل الدور جاي علينا :31:

اخوي عندنا بالامارات يحاولون من سنين منع الكوبي لكننا صامدون صامدون صامدون

و dmx صرح تصريح يا كوبي ما يهزك ريح


كن صراحة معاهم حق وزارة التجارة يعني شركات الألعاب بعمرهم ما راح يهتمو بالعالم العربي طول مالكوبي موجود

اثبت على الحق dmx يجب على الكوبي العيش بسلام :tongue2: :tongue2: :tongue2:

اقتباس:

---

المشاركة الأصلية كتبت بواسطة gam-max

اثبت على الحق dmx يجب على الكوبي العيش بسلام :tongue2: :tongue2: :tongue2:

---

وجهة نظر اخوي :biggthump

Z4EVIL كنت راح أقول نفس اللي قلته



.
.
.
.
.
.
.
.
..
.
.
.
.
.
.

.
.
.
..

.
.
.
.
.
.
.
.
...........
.
.
....
.
.
.
..









.
.
.
.










وصلنا الدور


:afraid:


تسلمal7afeyعلى التنبيه


أقول

:jester: إذا مافي كوبي هذي نهاية البلايستيشن وأجهزة الألعاب في العالم :jester:

يبه ما يقدرون ><

مهما يحاولون راح يرجع الكوبي مرة ثانية والامارات سوو حملة أقوى من هذي والكوبي طبيعي عندهم ما اختفى
ولا تخافون على مصير الكوبي .. :cool: he is gonna stay alive

الصراحه برأيي أن الحمله يالي قاعده تصير الحين ماراح تنتهي على خير .. :33:

لأن حتى من قبل أسبوعين عملت التجارة تمشيط مفاجئ للمجمع و صادرت كل الكوبي و وصلت خساير المحلات لمئات الدنانير و هذا فوق المخالفات و الغرامات يالي صار عليهم و لازم يدفعوها .. يعني كسروا ظهورهم عدل خاصه محل جيم سنتر .. :blackeye:

و الحين بعد عملوا عملوا نفس الشي و صادروا كل الكوكبي و زادوا الخسارة زيادة .. أنا الحين سامع من واحد رجع من محل جيم سنتر و شعبان قايل له أن الغرامه ضاعفوها و عطوهم أيضا انذار .. :02:

يعني أول كانت تصير حملات و لكن بين كل فترة و فترة و الكوبي باليوم الثاني يرجع .. أما الحين فالحملات قاعده تصير كل أسبوع أو أسبوعين .. يعني الخسائر فظيعه و ما يلحقون ينزلون كوبي من جديد الا و الوزارة تصادرهم !!

للأسف أظن أن هالحملات ماراح تنتهي على خير لأن هالمره غير عن كل مرة .

السلام عليكم

عندنا في الإمارات اغلقوا كذا محل كعقاب ولكن الحال مثل ما هو عليه الكوبي يختفي اسبوع على الأقل ويرجع شهور وكل شيء طبيعي...

أنا مره كنت رايح الصبح اشوف شو اللي نازل من ألعاب ولا أشوف حوالي سبعه مواطنين ومعاهم هندي ومصري وواحد اسيوي يمكن من الصين..المهم هذين الجماعه صادروا حوالي 10000 نسخه على ذمة الهنود الشغالين في المحلات وبعدها بأقل من اسبوع رجع كل شيء طبيعي....

اخوواني انا كنت مووجدوو اهناك وقت الحملة

وشفتك كل شي من البدايه لحد10 م


راح تلقوون الصوور انا رافقهم بالمووضووع هذا

http://www.montada.com/showthread.php?t=285244&page=3

ترى هذي الحملات قاعد اتزيد
قبل كان شهرياً لكن اللحين صارت اسبوعيه :02:
وبعد جم يوم بتصير يوميه :afraid: :afraid: :afraid: :afraid: :afraid:
ومثل ما قالوا الأخوان هذيي الحملات ما راح تمر على خير
نهاية الكوبي اصبحت قريييييبة

شباب والله بكيت يوم قلتو الخبر بس طمأنتوني معنه عمري 25

احنا في ابوظبي حتى تشتري كوبي لازم يكون المحل صاحبك وتكون زبونه حتى يقبل يبعيك اياه...غير هيك لا تحلم ....

على فكرة شباب ...لو جاء يوم شعرتوا انه فعلا الكوبي راح ومافي حل الا انكم تشتروا أصلي....يمكن في بصيص نور أمامكم...وهو انكم تشتروا دي في دي رايتر ( سعره حوالي 400 درهم يعني حوالي 45 دينار كويتي ) وتنزلوا ألعاب دي في دي بلاي ستيشن 2 من الانترنت وتلعبوا فيها على السوني

ههههههههههههههههههههه
يختفي الكوبي؟ ههههههههه لا و من وين ؟ الرحاب؟؟ لا وزارة الاعلام ولا غيرها يقدرون هههههههههههههههه

أخوي ترا هذي صارت أكثر من مرة من قبل و دشوا ناس من وزارة الإعلام و صكت محلات و اسحبت الرخص من غيرها و خلال يومين أو ثلاث يرد الوضع مثل ما كان ، محد يقدر على الرحاب هههههههههههههههه.

على ما اتذكر منظمة التجارة العالمية محتجة على الكويت لأن فيها سوق كبير للكوبي بكل انواعه برامج , العاب , افلام , اغاني الخ . . .

فما ادري هم جادين بهذي الحملات ولا بس منظر يعني شوفونا نحاول نقضي على الكوبي . :p

بس ما اظن راح يختفي الكوبي هي بس مدة قصيرة بسبب بداية العطلة الصيفية وبعدين يمكن يرجع بقوة و الكثير من المحلات عايشة على الكوبي وبدونه راح تسكر وما تبقى الا المحلات الكبيرة .

وبما ان الكويت بلد الواسطة فكل شي راح يرجع مثل اول ولكل محل صاحب كويتي يعرفله عضو ولا عضوين بالمجلس يقدرون يطلعون كل اغراضه ويسقطون المخالفات الي على محله ;)

بعدين تراها حركة حلوة لأن الاصلي راح يرخص وينتشر اكثر واظن الكل يتمنى هذا الشي يمكن :jester:

على فكرة... انا أحبذ القضاء على الكوبي... لأن إذا تم هالشي راح تنباع الألعاب الأصلية بسعرها الأصلي و هو ما بين 5 دنانير إلي 15 دينار كويتي..

و طبعاً مهما تكون جودة الكوبي يظل الأصلي أفضل :)

وانا ااييد رايك اخووي لابد من الفضاء على الكووبي

لا مستحيل مو كلام هذا :wow:

معقوله الكوبي يختفي كلش :wow:

انزين شنو مصير البلاي ستيشن :06:

ماكو الا احط اعلان للبيع بجريدة الوطن الصفحه الاولى و اصور معاها للذكرى :31:

:ciao:

يا جماعه
انا امس كنت بالرحاب وكان الوضع اكثر من طبيعي
و المحلات الي كانت فاضيه ردت مثل الاول واحسن :biggthump
الظاهر الكوبي ما راح يختفي من الكويت لأن النسخ بالملايين :D
عمر الكوبي طويييييييييييييل:jester:

هالاجراء اتخذته وزارة التجارة بعد ما وقعت مع الحكومة الامريكية اتفاقية (اطار التجارة والاستثمار TIFA ) وكانت الكويت على قائمة الدول اللي ما تحمي حقوق الملكية وتعهدت الحكومة بانها راح تتخذ اجراءات صارمة لحماية حقول الملكية وتأتي الكويت في مقدمة الدول التي ترتفع فيها معدل القرصنة في منطقة الخليج .
وقبل مدة طلبت جمعية المحامين الكويتية سن قوانين مشددة وإتخاذ إجراءات صارمة إزاء منتهكي حقوق النشر والتأليف لضمان مكافحة عمليات قرصنة برامج الكمبيوتر والقرصنة الموسيقية في أسواق الكويت
خلال مؤتمر عقد في الكويت مؤخراً برعاية سمو الشيخ صباح الأحمد الجابر لمناقشة قضايا حماية الملكية الفكرية
ولاقت مبادرة المحامين الكويتيين التي ترمي إلى تعزيز قوانين حماية حقوق الملكية الفكرية دعماً كبيراً من قبل كل من "جمعية منتجي برامج الكمبيوتر التجارية" (BSA)
والحين تم انشاء وحدة حقوق الملكية الفكرية تابعة لادارة الجمارك للحد من النسخ اللي توصل من الخارج
وفي ادارات خاصة في طريقها للانشاء تابعة للتجارة والبلدية

يعني بالعربي ابشركم الكوبي في طريقه للانقراض :09:

والله احسن

خل ينقرض الكووبي

لان ما في احسن من الاصلي

مساكين الكويتيين يشيخو عليكم :06:
اما احنا اخسو في السعودية يصادرو الدي في دي كوبي كان يدخلو المحل نظيفين حلوين يخرجو مكسرين عفنين :cool:

والله الكوبي احسن من الاصلي مليون مره
لأن مو كل الناس لهم القدره على شراء الاصلي

أنا أشجع القضاء على الكوبي لأنه أولا يعتبر سرقة لمجهود أناس تعبوا في تطوير وتصميم اللعبة مسلمين كانوا أم لا ...و ثانيا لتظهر الدول العربية على خريطة شركات الألعاب :31: فلا يوجد معرض ألعاب منتظم أو شركات متخصصة في الفيديو جيمز و أجهزتها وملحقاتها و ثالثا لا أظن أن 15 دينار سعر مرتفع ولهذا أخترعت مراجعات الألعاب فهذا المنتدى و كل مواقع الألعاب العربية منتفية الحاجة بالنسبة للاعب العربي لأنه يستطيع شراء عدة ألعاب بسعر التراب أما اللاعب الغربي فيقراء المراجعات ليحدد ما يناسبه من ألعاب . وبالنسبة للقضاء على الكوبي في الكويت فأعتقد أنه صعب جدا فحتى لو أغلقوا الجمارك أمام الكوبي المستورد فالمحلي يفي بالغرض :09: و أكبر محل لبيع الكوبي وهو جيم سنتر ينسخ أغلب أشرطته بنفسه ولا يحتاج إلا لشريط أصلي و dvd رايتر و وعدد من الأشرطة الفارغة
وعلى العموم أتوقع أختفاء الكوبي تلقائيا في الأعوام المقبلة حيث أن شركات تصنيع الألعاب ستضع أولويه منع الأشرطة المقرصنة نهائيا و تقنية البلو راي تبشر بهذا .

عدل كلامك أخ كاكاشي...

و بالنسبة للأخ الحافي.. طول ما في كوبي محد يقدر يشتري أصلي:)

ترا لو ماكو كوبي جان سعر الأصلي ينزل إلى سعره الاعتيادي!

حالياً الأصلي ينباع ب 20 د.ك لكن السعر الحقيقي يتراوح بين ال 5 د.ك و ال 15 د.ك و يختلف السعر على حسب تاريخ إصدار اللعبة:)

انا ما يهمني كوبي ولا أصلي أشتريهم هم الاثنين بس انا افضل الكوبي
لأن في بعض الالعاب ما تستاهل انت تصرف عليها 20 دينار

ملاحظه:
ترى جيم سنتر ما يبيع الأصلي ب 20 دينا يبيعه بي18 أو اقل ولا مره انا رحتله وقاللي الشريط ب 20 دينار

اخووي كل المحلات اتبيع الامريكي الاصلي اب 18

والياباني اب 25

وعلى فكره وذاذ زاد عره عن السعر المذكوور يكوون شحنه غالي على المحل فلابد انه يزيد السعر

اخووي كل المحلات اتبيع الامريكي الاصلي اب 18
سعرة الحقيقي 13دك


والياباني اب 25
سعرة الحقيقي 18دك


الربح من 5 الى 7 دك
طبعا مو الصافي

انا اقول احسن هذا اللي يسوونه ...
دعوة مظلووووم ... انا قبل اسبووع داعي عليهم !! ... بايعلي شريط بدون صوت وموراضي يرده ...

ان شاء الله يشلعونهم من عرجهم ...

شووف أنا مع منع الكوبي لكن بشرط أنه الأصلي يباع بأسعار رخيصة يعني يخفضون سعره كثير

اهنيه يكون OK ;)

عدل إذا يخفضون سعر الأصلي عسى الكوبي يروح في 6000000 داهية

إذا يخلون سعر الأصلي رخيص ممكن

لكن عندنا بالسعودية كله كوبي كوبي

أرخص وأحسن

بدل ما الواحد يشتري أصلي ب 300 أو 200 ريال

والله يعين الكويتين على الأصلي :).

صراحة خبر سيء جدا بالنسبة لي والله الحين من وين أجيب فلوس عشان الالعاب :09:
بس شباب لا حد يحلم بتنزيل سعر الأصلي مطلقا لأنه هو بالاصل سعره مرتفع نسبيا بمكان تصنيعه وأكيد لما يجي للكويت أو لغيرها لازم يزيد سعره يعني إذا يبون ينزلون لح يسوون سعر الشريط يلي كان 18 دينار مثلا يصير 17 :p

لو مشو مع الأسعار .. الأصلية... السعر يتراوح بين ال 5 وال 15 :)

و هالأسعار مقبولة و لازم نقدر إلي سوا اللعبة و الناس إلي دفعت ملايين عشان تنتج اللعبة... على فكرة شراء الكويبي يعتبر سرقة :)

هههههههههههههههههه

انتو ليش تكبرون السالفه....؟

والله ضحكتوني

أقولكم

ترا اكثر من مرة تجي البلديه وتاخذ الكوبي مو اول مرة تاخذهم

اشفيكم منصدمين هذا أمر عادي ^^

والي يقول لأصلي خله عنده نبي الكوبي ....

وشكرا لكم

فواااااااااااااااااااااااااز!!! :D

كح كح كح .... غباااااااااار هههههههههههه

تدري ان جيم سنتر خلوه يوقع على تعهد هالمرة ؟ تدري ان أكثر من 25 محل وقفوا الكوبي؟ و ان هالحملة هذي راح اتكون أسبوعية ؟

اخووي وانا ازيدك من الشعر بيت

ان ارفعوو على جيم سنتر قضيه وغرامه كبيره

واذا بيكررها بيسكروون المحل له

شوفوا عاد .. اذا كان على بالكم أن اذا اختفى الكوبي فسعر الأصلي راح يرخص و يوصل لـ 15 دينار و أقل .. فهذا حلمكم .. لأنه ماراح يصير .. حده 17 دينار مو أقل .. و اذا تقولون أن السعر في دول الخارج أقل .. فهذا لأن شركات الألعاب لهم أفرع هناك .. و لكن احنا هني ما عندنا أفرع و الألعاب كلها تي عندنا مشحونه و متصدره من دول ثانية .. فأكيد المحل من حقه ياخذ منا سعر الشحن و التصدير مع سعر الربح الشخصي .. يعني مستغرب منكم كيف على بالكم أن سعر الأصلي راح يرخص اذا انقرض الكوبي .. لذلك لا تفرحون و تتفائلون من هالناحية :أفكر: !!


و بعدين أنتم الحين قاعدين تتكلمون و تقولون خل يختفي الكوبي أحسن .. و لكن صدقوني ماراح تحسون بقيمته الا اذا اختفى صج .. لأن مثلا اذا بغيت تشتري لعبة مو واثق من أنها راح تعجبك أو لا .. فأكيد راح تشتريها كوبي دينار أو دينار و نصف و لا يهمك حتى اذا طلعت بايخه لأنك مو مخسر عليها فلوس حيل ..

و لكن لو ماكان فيه كوبي و ماكان جدامك حل الا تشتريها أصلي .. و طلعت اللعبة بايخه أو ما عجبتك اطلاقا .. فماراح يكون حرام و تبذير دافع على شي ما عجبك و لا تحبه 18 دينار !!

أكيد راح تنقهر .. :o



فيالي يسمعكم يقول أنكم أبدا اطلاقا ما تشترون الكوبي .. مع أني أبصم أن 99% منكم من مستهلكين الكوبي :أفكر:



و بعدين أنا اليوم رايح الرحاب .. و جيم سنتر للحين يبيع الكوبي و بالهبل .. و نفس الشي مع المحلات الثانية .. يعني مافي فايده يسوون حملات أسبوعية أو يوقعون اتفاقية أو ينشؤون ادارات جديدة يخرعونا فيهم .. لأن الكوبي راح يستمر و لن يتوقف ..

اذا أمريكا و اليابان يالي عقوبة الكوبي توصل للسجن و للحين يبيعون فيها بشكل مهرب .. فعيل تبون احنا الدول العربية ينقرض الكوبي عندنا .. الصراحه ما أظن خاصه بعد ما رحت اليوم الرحاب و شفت بعيني مدى تمسك المحلات بالكوبي حتى بعد الغرامات المفروضه عليهم و التعهدات يالي وقعوا عليها :tongue2:

من قال ان الاصلي حده 17 دينار ؟
انا في العاب اخذها ب 14 دينار من virgin وطبعا الاسعار تختلف حسب اللعبة في العاب ب 20 وفي اقل
ويمكن ما تصدق اذا قلت لك اني شاري العاب اصلية من شركة مخزن التجهيزات اللي هي وكيلة سوني بالكويت بسعر 11 دينار فقط لا غير :09:

اقتباس:

---

المشاركة الأصلية كتبت بواسطة Final Fantasy 7

شوفوا عاد .. اذا كان على بالكم أن اذا اختفى الكوبي فسعر الأصلي راح يرخص و يوصل لـ 15 دينار و أقل .. فهذا حلمكم .. لأنه ماراح يصير .. حده 17 دينار مو أقل .. و اذا تقولون أن السعر في دول الخارج أقل .. فهذا لأن شركات الألعاب لهم أفرع هناك .. و لكن احنا هني ما عندنا أفرع و الألعاب كلها تي عندنا مشحونه و متصدره من دول ثانية .. فأكيد المحل من حقه ياخذ منا سعر الشحن و التصدير مع سعر الربح الشخصي .. يعني مستغرب منكم كيف على بالكم أن سعر الأصلي راح يرخص اذا انقرض الكوبي .. لذلك لا تفرحون و تتفائلون من هالناحية :أفكر: !!


و بعدين أنتم الحين قاعدين تتكلمون و تقولون خل يختفي الكوبي أحسن .. و لكن صدقوني ماراح تحسون بقيمته الا اذا اختفى صج .. لأن مثلا اذا بغيت تشتري لعبة مو واثق من أنها راح تعجبك أو لا .. فأكيد راح تشتريها كوبي دينار أو دينار و نصف و لا يهمك حتى اذا طلعت بايخه لأنك مو مخسر عليها فلوس حيل ..

و لكن لو ماكان فيه كوبي و ماكان جدامك حل الا تشتريها أصلي .. و طلعت اللعبة بايخه أو ما عجبتك اطلاقا .. فماراح يكون حرام و تبذير دافع على شي ما عجبك و لا تحبه 18 دينار !!

أكيد راح تنقهر .. :o



فيالي يسمعكم يقول أنكم أبدا اطلاقا ما تشترون الكوبي .. مع أني أبصم أن 99% منكم من مستهلكين الكوبي :أفكر:



و بعدين أنا اليوم رايح الرحاب .. و جيم سنتر للحين يبيع الكوبي و بالهبل .. و نفس الشي مع المحلات الثانية .. يعني مافي فايده يسوون حملات أسبوعية أو يوقعون اتفاقية أو ينشؤون ادارات جديدة يخرعونا فيهم .. لأن الكوبي راح يستمر و لن يتوقف ..

اذا أمريكا و اليابان يالي عقوبة الكوبي توصل للسجن و للحين يبيعون فيها بشكل مهرب .. فعيل تبون احنا الدول العربية ينقرض الكوبي عندنا .. الصراحه ما أظن خاصه بعد ما رحت اليوم الرحاب و شفت بعيني مدى تمسك المحلات بالكوبي حتى بعد الغرامات المفروضه عليهم و التعهدات يالي وقعوا عليها :tongue2:

---

لا يا أخ فاينل :) ...
صحيح انه ما عندنا شركات العاب او ماشابه ولكن أسعار الأصلي قد تقل كثيرا ...
وخاصة ان شركة سوني تعتبر الشرق الأوسط ضمن نطاق اوربا ... لذلك تجد ألعاب السوني بال أرخص من غيرها لأن الشركة نفسها تصدرها للدول الأخرى ...
اما الياباني أو الأمريكي فالمحلات نفسها هي اللي تجيبها !!! عشان كذا تلاقي سعرها غالي ... :D
الشحن وما أدراك مالشحن ..!!

واذا انقرض الكوبي .. ما راح أقول ان الأصلي راح يرخص كثير ولكن اعتقد اننا راح نعيش على البال :أفكر:

أنا اتعامل مع محل يرخص أسعار الأصلي اذا أكل وشرب الدهر عليها :tongue2:
لدرجة بعضها يصل الى عشرة دنانير فقط !!!
وسعر البال عنده ما يزيد 15 دينار ... لأنه يعتبر رسمي وجاي من الشركة الأم مباشرة :أفكر:



سلام

اقتباس:

---

المشاركة الأصلية كتبت بواسطة كــايتو كيد

من قال ان الاصلي حده 17 دينار ؟
انا في العاب اخذها ب 14 دينار من virgin وطبعا الاسعار تختلف حسب اللعبة في العاب ب 20 وفي اقل
ويمكن ما تصدق اذا قلت لك اني شاري العاب اصلية من شركة مخزن التجهيزات اللي هي وكيلة سوني بالكويت بسعر 11 دينار فقط لا غير :09:

---

صووووووووح :D
كلامك معقول جدا :biggthump

سلام

فواااااااااااااااااااااااااز!!!

======

شوي شوي أففشيك شاد اسمي :tongue2:

======

كح كح كح .... غباااااااااار هههههههههههه

======

كح كح غبرتنا ألله يهداك :09:

======

تدري ان جيم سنتر خلوه يوقع على تعهد هالمرة ؟ تدري ان أكثر من 25 محل وقفوا الكوبي؟ و ان هالحملة هذي راح اتكون أسبوعية ؟

======

خخخخخخ قديمه أكثر من مرة يكتوبن تعهد وما سوو شي

على الأقل اصحاب المحلات ما يدرون انه حرااااااااااااااااام بيع الكوبي ؟؟؟؟؟؟؟؟

شلون يرضون انه رزقهم يكون حرام ؟؟؟

الحمدلله
عندنا في السعودية الكوبي عايدي اول شفت 3 من الشرطة معاهم عيالهم دخلو محل واشترو سوني 2 مع 15 شريط كوبي

خخخخ

تعالو اشترو من عندنا ب1دينار بس

والله ما أعتقد إنهم يمنعوا الكوبي من الكويت و لو سوا اللى يسونه ما راح يقدروا يمنعوه ( واثق :tongue2: )

تحياتى


Stam

صراحة انا متأكد انه شيء طبيعي جدا ....
وانه سيدييات الكوبي لن تختفي ابدا
لانه صار هدا الاشي مليون مرة
بعدين حرام انه الواحد يشتري سيدي اصلي بعشرين او بعشرة اوبخمسة عشان يرفه هن نفسه يعني هدول العشرين اوالعشرة تستطيع ان تشتري بهم عشرين او عشر سيديات وترفه نفسك بشكل مضاعف بدلا من سي دي واحد ..
ثم هدا ليس سرقة يا اخوان -وارى بعض الشباب انهم يفتون وقولون انه سرقة وهم ليسوا باهل معرفة (يعني انهم ليس علماء دين) ثم انت تدفع سعر هدا يعني انت لم تسرقه :biggthump
ولكن لا تقاروننا بالغرب بل فارننا بالدخل الفردي بيننا وبينهم وستعرف الجواب....
انا ايدت الكوبي ولا اوافق بالاصلي لانه شراء الاصلي مضيعة للنقود :o

أنا و دي الكوبي يختفي لأن سعر الأصلي مرتفع من الكوبي لأن في أحد منكم حسب شم قاعد ينباق بالكوبي.............. CD سعرة 0.001 KD و إنت تشتريه 1.00 KD يعني 100 ضعف و DVD سعرة 0.3 KD و إنت تشتريه 2.5 KD الفرق وايد و إلي يقول السعر أرخص أقوله إنه ما يعرف شيء لأن أسعارهم مع الضرائب في أمريكا بالكويت ما في ضرائب لو موزع بيشتري منهم راح ياخذ بسعر الجملة مو العادي و بدون ضرائب لأنها طلبية يعني مع الكمية راح يدفع نص السعر يعني من بريطانيا راح يشتري الدسك 10 KD و من أمريكا 9~8 KD و من اليابان 6.5~7.5 KD لو تحسب تري الفرق وايد و أتحدة أي واحد عنده دسك كوبي يشتغل من سنة 1997 الكوبي أقصاه سنة و إذا كثرت لعب فيه ما يطول 6 أشهر يعني تقط فلوسك بالزبالة أما الأصلي ما يخترب و أنا مو شايف خسارة في الأصلي.
و إلي يقول في ألعاب ما تستاهل عيل لا تشتريها قلة تجربها و إذا عجبتك إشتريها

اقتباس:

---

المشاركة الأصلية كتبت بواسطة ZeroSystem

أنا و دي الكوبي يختفي لأن سعر الأصلي مرتفع من الكوبي لأن في أحد منكم حسب شم قاعد ينباق بالكوبي.............. CD سعرة 0.001 KD و إنت تشتريه 1.00 KD يعني 100 ضعف و DVD سعرة 0.3 KD و إنت تشتريه 2.5 KD الفرق وايد و إلي يقول السعر أرخص أقوله إنه ما يعرف شيء لأن أسعارهم مع الضرائب في أمريكا بالكويت ما في ضرائب لو موزع بيشتري منهم راح ياخذ بسعر الجملة مو العادي و بدون ضرائب لأنها طلبية يعني مع الكمية راح يدفع نص السعر يعني من بريطانيا راح يشتري الدسك 10 KD و من أمريكا 9~8 KD و من اليابان 6.5~7.5 KD لو تحسب تري الفرق وايد و أتحدة أي واحد عنده دسك كوبي يشتغل من سنة 1997 الكوبي أقصاه سنة و إذا كثرت لعب فيه ما يطول 6 أشهر يعني تقط فلوسك بالزبالة أما الأصلي ما يخترب و أنا مو شايف خسارة في الأصلي.
و إلي يقول في ألعاب ما تستاهل عيل لا تشتريها قلة تجربها و إذا عجبتك إشتريها

---

معاك حق بكل الي قلته

ما في احسن من الاصلي