عرض للطباعة
لكل شريط جديد قوي بينزل السوق لازم نحط له موضوع رسمي..
وزي ما أغلبكم عارف أن ToS بتنزل في الخليج خلال اليومين هذي...
لذا وكالعادة بنحط موضوع نناقش فيه من بيشتري ومتى اشترى وكل واحد يحط إنطباعاته الأولية عن اللعبة...
بالإضافة إلى طلب المساعدة (ولكن مع وضع كلمة "سبويلرز" ومحاولة عدم إفساد اللعبة على الآخرين)
بانتظار إنطباعاتكم عن اللعبة...
سبقت الكل بكتابتك للموضوع @@ ..
وين ايام theway بكل رد يذكرها :p ..
بإنتظارها على ما توصل عندنا تحتاج لها 3 او 4 ايام >_< ..
شكراً لطرحك للموضوع يوشي :)
و ويلكم باك ^^ ..
مواهاهاهاهاهاههاهاهاهاهاهاهاههااااااااقتباس:
المشاركة الأصلية كتبت بواسطة Golden_Sun
ما كنت أبغى أحد يسبقني علشان كذا حطيته بدري...
إن شاء الله بعد بكرة تكون اللعبة عندي...
كان عطيت متعصب تيلز فرصة يفتح موضوع رسمي .. ما يكفيك موضوع فور سوردز :tongue2:
اقتباس:
وين ايام theway بكل رد يذكرها :p ..
و الله زين لين الحين تتذكرني ^^
هلا شباب من زمان ما شفناكم ^^ >>> اقصد قرينا ردودكم :tongue2:
اسف على الغياب كنت مسافر الامارات ( ابوظبي ، دبي ) و مكة و المدينة ^^
و الحمد لله رجعت قبل كم يوم .. بس برجع الامارات هذا الثلاثاء و بضل هناك سبوع .. و بكمل باقي الصيف بالسعودية >>> مع تيلز طبعا :tongue2:
ان شاء الله اشتري اللعبة هذا الاحد ^^
و راح تشوفون انطباعاتي >>> طبعا 10/10 :tongue2:
سلام شباب ^^
c u soon :ciao:
انا راح آخذها 100% وحتى قلت حق راعي المحل يخليلي وحدة ويتصل فيني على البيت يوم تصدر (الهندي يعرفني يوم انا صغير :09: )
وانا قلت غريبة محد فتح موضوع رسمي للعبة وقلت خلني انا بسوي موضوع بس بعد تفكير قلت ليش هذا العذاب الاعضاء بيسوون الموضوع 100%
انا اول واحد فيكم بيشتريها :blackeye:
مكشور اخوي على الموضوع وانا اعتقد ان شاء الله 100% انه رح يكون موضوع مفيد وجميل ما دام انه من يوشي :biggthump
انشاء الله تكون اللعبة حلوه
لاني ابي اللعبة ار بي جي قوية في هذا الصيف
وانشاء الله اذا طلعت حلوه بشتريها على البلاستيشين 2
هاكم تسلوا بموقع للعبه لين تنزل
تحياتي ;)
رحت اليوم الرحاب .. وحاط آمال اني بلقاها .. @@
بالأخير للحين ما نزلت عندنا -_______- ..
محد شراها للحين ؟ :D
:blackeye: أخخخخخخخ...
يوم شفت 8 ردود تحطمت ...
قلت أكيد فيه 2 واللا 3 اشتروا اللعبة قبلي :bigeyes:
كان المفروض أنها تجي الخميس في مركز النسر بس للأسف ما جت...
يعني أنها مو واصلة إلا السبت :31:
لا تخاف أخوي "الطريق" أنت عضو ما ينسى...اقتباس:
و الله زين لين الحين تتذكرني ^^
بنشوف من أول واحد يشتريها...اقتباس:
انا اول واحد فيكم بيشتريها
أحس أني بأشتريها وبأقعد ألعبها وما أقول لكم أني شريتها إلا اليوم اللي بعده...
أكيد قصدك:اقتباس:
مكشور اخوي على الموضوع وانا اعتقد ان شاء الله 100% انه رح يكون موضوع مفيد وجميل ما دام انه من يوشي
"وانا اعتقد ان شاء الله 100% انه رح يكون موضوع مليان نكت بايخة ما دام انه من يوشي" :tongue2:
ما عمري سويت موضوع مفيد زي الناس... إلا موضوع (يوميات أنيمال كروسنج) موضوعي الوحيد (وفرحان بعد :p )
يشاع أنه نسخة البلاي ستيشن حصية لليابانيين.. :chinese: (تراي عارف أن هذا صيني بس ما لقيت غيره)اقتباس:
وانشاء الله اذا طلعت حلوه بشتريها على البلاستيشين 2
أحرق أعصابي على الفاضياقتباس:
هاكم تسلوا بموقع للعبه لين تنزل
طيب على اي جهاز اهي؟؟؟؟؟؟
ومتى نلقى نسخة البلاي ستيشن 2؟؟؟؟؟؟؟؟؟
ولو سمحتم اي صورة منها
موقع بكبره للعبه مو صوره بس تفضل اكبس هنااقتباس:
المشاركة الأصلية كتبت بواسطة !ctrl!
انت شكلك مثلي مش متحمس واجد للعبه انا اخر واحد بشتريها بعد ما اسمع ردود الاخوان الي جربوها
أحرق أعصابي على الفاضي(اقتباس)
عزيزي يوشي خلك ريلاكس وحط اعصابك بثلاجه ;)
خخ مثلي رحت أمس الرحاب>_<" ما حصلتها تحطمت :afraid:اقتباس:
رحت اليوم الرحاب .. وحاط آمال اني بلقاها .. @@
بالأخير للحين ما نزلت عندنا -_______-
اشتريتها!!!!!!!
بس ما بعد لعبتها...
رحت للمحل قبل ما توصلهم...
والمشكلة أني لقيت حوالي خمسة سابقيني ينتظرونها -عندي شعور أن فيه من بينهم أعضاء في المنتدى (هذا بالنسر فرع الروضة)...
أنا دايم أروح قبل ما يوصل الشريط، بس عادة أكون أنا الوحيد...
على العموم أنا الحين بأروح ألعبها توصون شي؟
مع السلامة...
حلوه الضحكه الشريره مواههااههاهاهاهاهاهاهاهاههاها :Dاقتباس:
المشاركة الأصلية كتبت بواسطة Yoshi SD
مبروووك .. وعقبالي .. رايح الحين اشتريها .. بعد ما عرفت انها نزلت عندنا :biggthump ..
Mabroook evreybody ^.^
XD i will play the game in 18 august (((((not in KSA =___= >.<
HHHEEEEEEEEEB 3ALEKOM XD J/K
Got it :biggthump (ادري انا اخر واحد تتوقعون انه يشتريها بس it's true )
ولعبت اللعبة حوالي ساعة وعشر دقائق لحد الان وتقييمي لها:
لعبة حلوة وتدمج اساليب متعددة ..
فمثلا بالقتال تدمج اسلوب زيلدا بالقتال الحر والتأشير على الاعداء والاختيار بينهم بالزر Z مع اسلوب ال RPG الكلاسيكي.
والتصوير.. الكاميرا نوعا ما من الاعلى وتأخذ زاوية ومع هذا تذكرني بلعبة البوكيمون على الجيم بوي خاصة داخل البيوت وطريقة المحادثة.
بالنسبة للرسوم فهي ممتازة وناعمة وغنية بالمضلعات والتحميل فيها سريع جدا .
والموسيقى...عادية ولكن ليست مملة .
اما القصة :D
لا ادري لمذا من وقعت يدي على اللعبة احس انهم متاثرين بالماتريكس :)
فهناك ال Chosen One
= The one
وهناك الOracle
= Oracle
وهناك العدو الذي يلاحق الchosen one (ناسي اسمه)
= Agent Smith (لهم نفس الملامح ايضا :05: )
عموما ربما تتغير الاحداث او انا فاهم القصة غلط ولا زلت في بداية اللعبة
وبشكل عام اللعبة رائعة وتعتبر احلى لعبة RPG وقعت يدي عليها على الجيم كيوب وانصح الجميع بشرائها لانها ممتعة جدا.
وشكرا
انا ممكن توصلني بعد كم يوم ان شاء الله ^^ ...
المهم انا في انتضار انطباعاتكم الاولية :biggthump
شكرا يوشي على الموضوع :)
تحياتي
وأخيرا وصلت اللعبه الى يدي اليوم صباحا الساعه 11 ( سهران طوللليل انتظر الصباح يجي وانتظر المحل يفتح عشا ن اشتريه )
,إاليكم تقرير عن اللعبه وتقيمي لها بعد 4 ساعات ونصف من اللعب المتواصل.
اللعبة فعلا كانت تستحق الأنتظار ويا خسارة من لا يمتلك الجيم كيوب
فاللعبه قوية من ناحية الرسوم فهي الأفضل بالسيل شداد والأصوات أكثر من رائعه نظام القتال هو الأفضل حتى الان القصة بسيطه لكنها رائعه أحداث اللعبه جميله وغير متوقعه كذلك شخصيات اللعبه ممتازه تصميم الخلفيات والعالم في تالز اوف سمفونيا هو تحفة فنيه
وأكثر ما يميز اللعبه هو نظام القتال الأكثر من رائع الذي لا يسبب الملل أبدأ فهو متجدد بإستمرار مع كل وحش جديد ومع كل ضربة جديده (خلال الأربع ساعات ونصف لم أضيع أية مبارة) والضربات المشتركة بين اعضاء الفريق الذكاء الاصطناعي لاعضاء فريقك كذلك مدهش ويدعمك طوال اللعبه كذلك إحتواء اللعبه على بعض الكومديا الخفيفه واسلوب التحدث بين أعضاء الفريق الجديد في عالم تالز اوف سمفونيا كذلك نظام التحكم البسيط ودقة تفاصيل الرسوم تزيد من متعة اللعبه
بعض السلبيات :
موسيقى اللعبه هي نفسها الموجودة في تالز اوف دستني 2 على ps1
بعض الضربات القاضية للشخصية الرئيسيه شوهدت في الجزء الثاني من تالز اوف دستني ( لكن مع ذلك توجد ضربات جديده لاول مرة تظهر )
اللعبة بشكلها النهائي رائعه بكل ما تعنيه الكلمة ولا تضيع ويجب الحصول عليها
التقدير النهائي : 9.3
اشتريتها اخيراً ..
اللعبة ToP :biggthump ..
طريقة الـMenu والتحكم وكل شي تقريباً مشابة لـToD ولـToD2 .. بسرعه تأقلمت معاها ^.^
حتى بالقتال ما اخذ وقت معي من اول معركة عرفت للتحكم ..
الأصوات ، الرسم ، طريقة الكلام ، القتال ، الموسيقى .. جميعهم ممتازين :bigeyes: ..
وافضل شي ان الموسيقى ما تغيرت وايد .. ظلت محافظة على طابعها القديم ^^ .. ونفس الشي مع الـMenu !
انصح جميع محبي الآر بي جي فيها .. :)
سلاااااام
اللعبة حلوة (( توني شاريتها كخخخخخ
عجبني الخلفيات والقتال كان حلو
توني ما لعبت فيها كثير
...........
شكلي راح ادمن عليها
اشتريت اللعبه
:cool: :cool: ولعبت فيها الى الحين 9 ساعات :) اللعبه رهيبه ولعلمكم تقدر تلعب ملتي بلير بس في التال و الطريقه بسيطه وهي انك تضع اليد في مكانها و تحط اللاعب على سيمي اوتو ودي اجربها باربعة لاعبين ماهم كمبيوتر انا الحين جربتها بلاعبين ماهم كمبيوتر لانه يصير فيه تكتيك ماهو لعب عشوائي :cool: :cool:
اشتريت اللعبه
:cool: :cool: ولعبت فيها الى الحين 9 ساعات :) اللعبه رهيبه ولعلمكم تقدر تلعب ملتي بلير بس في القتال و الطريقه بسيطه وهي انك تضع اليد في مكانها و تحط اللاعب على سيمي اوتو ودي اجربها باربعة لاعبين ماهم كمبيوتر انا الحين جربتها بلاعبين ماهم كمبيوتر لانه يصير فيه تكتيك ماهو لعب عشوائي :cool: :cool:
اللعبة من جد حلوة .. بالبداية كنت بكرهها .. حسيتها معقدة و صعبة .. لكني مشيت شوي .. و لعبت فيها حتى الآن حوالي 20 ساعة .. :biggthump
عندي سؤال
(((( سبويلرز ))))
بالـ seal الثالث حق الرياح .. ما عرفت وش أسوي بالمراوح .. قريتها كلها .. و رتبت الألوان حسب الترتيب الي شفته .. لكن ما صار شي ..؟!
فهمت ان الأزرق يكون قبله Power of Gods و بعده calm earth .. و أول شي الـ Throne of Gods و الأخير rich earth :06:
:)
اها ..
خلاص .. حليتها .. سهلة :09: .. في لوحة ما انتبهت لها :)
السلام عليكم^^
اللعبة رائعة^^
القصة رائعة^^
الشخصيات رائعة^^
الموسيقى متناسقة مع المواقف^^
My Level
Lloyd
30
Sheena
29
Genis
30
Raine
29
Kratos
30
Colette
30
عدد الساعات التي لعبتها حتى الأن^^
22:32
Encounter
872
Combo
28
أنا بافك Seal عن Water اليوم^^
في أشياء غامضة كثير في القصة^^
أتوقع كثير من المفاجئات في الأحداث القائمة^^
مشكورين كثير على الموضوع الممتع^^
اللعبه خلصت من الاسواق والهندي يقول انشاءالله باجر تعال وبتحصل لك اللعبه
انشاءالله يصدق هذه المره.................
السلام عليكم ورحمة الله وبركاته
انا اشتريتها
ولعبت فيها وخلصت السيل الثالني
واللعبة قمة الإبداع
وكل شي فيها حلو :biggthump
باااااك
آسف أني غبت عن المنتدى خلال الأسبوع الماضي (هذا إذا أحد لاحظ غيابي) :tongue2:
السبب يعود إلى أعطال فنية بالجهاز...
بس بغيت أقول لكم أني مخلص اللعبة (خلصتها يوم الأحد الماضي) وخلصتهل خلال حوالي 50 ساعة (طبعاً بسبب غياب الانترنت والنوم الملخبط فكنت ألعب بيديني ورجولي لساعات طويلة)...
اللعبة رائعة وإلى الآن ألعب فيها (فيه مهمات فرعية كثيرة ما بعد خلصتها)
إذا أحد عنده أي أسئلة يتفضل يسأل
اللعبة حلوة لكن المشكلة لمن تلعب بلاعبين او اكثر تكون الكيمرا ثابتة على اللاعب الاول فقط مما يخلي اللعب اصعب
في طريقة تخلي الكيمرا ثابتة؟
كاني اذكر ان في طريقة بس ما اتذكر ايش هي >>>>لو ما رديت احسن
كخخخخ
لو رحت للاوبشن تحصل خيار auto zoom هو بس راح يخلي الكميرا ثابته على اللاعب الاول لكنها ما تسوي zoom in و zoom out ان جربت هذا الخيار لكن ما كان مفيد مره المصيبة مافي حل غيره >.<
خلصت العبة
نياهههاه امس الليل ..>>>مو مصدقة
XD
مبروك اختي الاميرة زيلدا على انهاء اللعبة ^_^ و اتمنى من اللي خلصوا الشريط يزوروا موضوعي عن اسرار اللعبة و بعض المهمات الفرعيه :)
موضوعي هنا
اللعبه اخيرا شريتها ..
شكلها روعه ^^
عاد انا مالي خبره بالار بي جي ابدا .. ولا بالقتال والسحر وذي الخرابيط ..
وبتشوفون مني اسئله كثيره انشالله .. لاني تنكه ار بي جي -___- ..
انصح بأن الموضوع يتثب لبعض الوقت عشان يكون موضوع مساعدات ..
^^
اقتباس:
المشاركة الأصلية كتبت بواسطة سعـــ2002ـــودي
مبروك سعودي .. ويلكم باك ^__^ ..
واي سؤال عندك عن اللعبة .. ان شاء الله بتلقى الجواب
وبالنسبة لك اعتقد خلال اول 5 ساعات بتتعرف على نظامها وبتتعود عليه ^^
الله يبارك فيك ^_^ ..اقتباس:
المشاركة الأصلية كتبت بواسطة Golden_Sun
ثانكس .. ولله اشتقت للمنتدى .. واخيرا رجعت الرياض وانشالله احاول ارجع مثل اول ^^ ..
هههههه هين بتلاقي اسئله كثيره مني انشالله ^^ ..
ولله طريقة القتال مره حلوه بس انا ما اعرف للماجيك .. بصراحه لو تعلمني طريقة القتال بالتفصيل بعض الشيء اكون شاكر ومقدر ^^ .. لان في اشياء ما ادري ان كانت مهمه ولالا .. زي الــAttack Far ولا At Once ..
يعني بتفرق الى ذيك الدرجه .. لاني ما اعتقد -___-
ومشكور مره ثانيه ^^ ..
اوكي .. مو تمل من كلامي .. هههههه :tongue2: ..اقتباس:
المشاركة الأصلية كتبت بواسطة سعـــ2002ـــودي
اول شي بالنسبة لتغير الأوامر للشخصيات .. هذا يعطيك مجال مفتوح لتحديد استراتيجيتك الخاصة في اللعب ..
مثلاً جينيس اصلح له L-Range Mode اللي يسمح له القتال من بعيد بإستخدام السحر مع امر Scatter بتشوفه يقتال وحوش غير الوحوش اللي انت تضربهم الحين ! .. هذة شخصية ارتحت منها بالقتال لول ماراح تزعجك وبتساعدك كثير ^^
بهالطريقة لازم تحدد انت كل شخصية شنو تبي تكون وظيفتها مثلاً بـKratos او Raine تقدر تخليهم Healer اي يساعدون طاقة الشخصيات ويعالجونهم .. وإلخ من تعديل الاوامر .. هذة مجرد تحديد استراتيجية لك بالقتال ^^
وبالقتال عندك عداد اذا امتلئ تقدر تستخدم حركة تٌدعى U-Attack وهي نفس حركات زر الـB لكن تستخدهم لكل الشخصيات بشكل ممتالي (وتقدر تصنع كومبو مشترك بين شخصيتين قوي احياناً تصل قوته لما فوق الـ16000 !) .. وعليك انك ترتب حركاتهم بالـMenu قبل القتال من قائمة U-Attack لكل شخصية زر معين تضغطه وتحرك السهم لأداء الحركة (اما لفوق ، اسفل ، يسار ، او يمين) ..
وبالنسبة للـGems الموجود في اختيار Skills Gem << اعتقد هذا اسمه
اللي تركبهم على الشخصيات Gems ولكل منها Level هذة لتقوية الشخصيات .. \
مثلاً ممكن بترتيب معين تعلمهم حركة اضافية ، تزيد شي معين من الـStatus يعني حاب تزيد الـDEF لجينيس تركبه له Gem من اي لفل تزيد الـDEF .. طبعاً كل مازاد لفل الـGem كل ما كان تأثيرها على الشخصية اقوى ..
واذا عندك اي سؤال .. قول ^^
الف شكر على الشرح ^___^ .. ما قصرت ولله ..
كثير من ذي الاشياء كنت عارفها .. بس بصراحه في اشياء ما زلت مرتبك فيها شوي .. على كل راح العب الشريط انا وبحاول اطبق الكلام .. بالمناسبه انا الى الحين ما انتبهت لشي اسمه Gem (باللعبه طبعا ) .. يمكن لاني توني .. (توني انقذت العجوز ماربل والظاهر اني لازم اروح لبيتي ) ..
على كل اذا صارلي اي شي باللعبه راح اسالك .. وبالتاكيد انك ما راح تقصر معي ^_^ ..
بالمناسبه : لا تستغرب ان كانت اسلئتي متاخره شوي .. لاني مو من النوع الي يلعب لساعات طويله ^^ ..
مشكور ^_^ ..
ماريل ! ..اقتباس:
المشاركة الأصلية كتبت بواسطة سعـــ2002ـــودي
هممم عيل للحين ما تقدر تستخدم الـU-Attack لا الـGem Skills .. هالإضافتين تتعلمهم مع مجريات اللعبة (تقريباً بعد 8 ساعات) ..
الي اكتبه بالاحمر ممكن يخرب القصة شوي
هلا شباب ^^
اسف على الانقطاع الطويل .. السبب خلل في الكمبيوتر -____-
الي يسمع يقول كنت بستعمله .. عندي تيلز شدعوة كمبيوتر :tongue2:
الحمدلله خلصت اللعبة ^^ ،، طلعت فوق الي كنت اتوقع منها :biggthump
و الحين اليكم تقريري المفصل ...:
اللعبة رهيبة!! .. من ناحيت الشخصيات ، القصة ، طريقة اللعب ، كثرة النكت الي فيه ، الغلط فيها شيء واحد ان اكثر الموسيقات midi بس مع كذا في موسيقات خطيرة مثل لمن نحارب سمًن ، و موسيقت "شينا" ، موسيقت " دارز كارلان " .. و على فكرة ترى اللعبة ماخذة المركز الاول في العاب الـRPG من ناحيت الموسيقة :cool: .. و اخيرا اعطي اللعبة تقدير .. 9.8 ( يقهرني شعر "كولت" لمن يجي يدخل في ثيابها -___- )
شنو رئيكم بالتقرير ؟؟ طويل صح :D
سعودي :
من حظك ان توك بادي .. الحين تقدر تسأل اي سؤال يجي ببالك و تعرف جوابه على طول .. حتى لو بتسأل عن استراتجيز انا حاضر :006:
الي اقصده اني ضيعت وقت طويل لين ما عرفت كيف استعمل الـEX GEMS ، و هذا السهم الي فيه T و S ، و اطلع حركات جديدة ، و السوالف هذي ...
سلام ^^
مبورك على التخليصه ^^ ..اقتباس:
المشاركة الأصلية كتبت بواسطة theway
اي ولله حظي .. الحين معقدني الوحش الي عليه نار .. حق السيل الاول .. ما عرفت افوز عليه -___- عقدني ..
وبالنسبه للــ EX GEMS وذي الخرابيط .. انا حمار فيها -__-
مبروك مره ثانيه .. وانشالله تخلص بايتن كايتوس بعد ^^ ..
اي صح ويلكم باك ^^ ..
سعودي :
الله يبارك فيك ^^ .. و عقبالك ^^
وصلت السيل الاول .. هذا الوحش الوحيد الي هزمني طول اللعبة ( غير الهوشة الي لازم تخسر فيها ضد يو... ما يحتاج اكمل ) بعدها تأدبت و صرت قبل ما ادخل اي سيل ثاني ازيد اللفل 2 على الاقل .. بعدها صارت اللعبة way too easy >>> تعقد من لويد من كثر ما يفوز فيه :tongue2:
انصحك زيد اللفل .. بعدها اطفي كل حركات " جينس " الا حركات الماء و الثلج ( الطريقة : بالـ" menu " حط " tech " و اضغط على الحركات الي ما تبيه يستعملهم "Y" على ما اعتقد ) .. "كراتوس" خليه " healer " .. اللاعب الاخير اختاره على راحتك ،، لمن تبدأ المبارة كفخ جنوده .. و خلي جينس يستخدم ماجك على الرئيس .. لين ما تذبح جنوده قوم طق بالرئيس .. لو كلكم طحتوا فيه طق ما يقدر يتحرك ابدا ( خصوصا ان "جينس" قاعد يستخدم ماء الي هو نقطة ضعفه ^^ ) .. good luke ^^
بالنسبة للـgems كلنا حمير فيها اول ما نبدأ .. بس بعد ما تجمع كثير gems بتعرف كيف ترتبهم بطريقة تفيدك ^^
اند يور ولكم تو ^^اقتباس:
اي صح ويلكم باك ^^
اول شي ما اعرف ازود اللفل -____- .. ثاني شي جينس ما عنده حركه ماء ولا ثلج .. الي عنده ريح وضخر .. والى الحين ما فزت عليه -___-اقتباس:
المشاركة الأصلية كتبت بواسطة theway
اصلا مايمديني اسوي شي الا وجنوده يطلقون علي كرات النار .. تخسرني طاقه كثيره -___-
مدري وش اسوي ><
قاتل الجنود وبتحصل نقاط خبرة ويزداد لفلك (قاعدة عامة في كل لعبة RPG)اقتباس:
اول شي ما اعرف ازود اللفل -____-
زود لفله وبيحصل الحركاتاقتباس:
ثاني شي جينس ما عنده حركه ماء ولا ثلج
اذبح الجنود قبل لا تكفخ الزعيم انا وصلت هذا الزعيم وقتلته بدون أي إضافة او تغيير في الاوامر :biggthump وحتى الحين ما غيرت ولا أمر و اي شي ثاني بس الالقاباقتباس:
اصلا مايمديني اسوي شي الا وجنوده يطلقون علي كرات النار .. تخسرني طاقه كثيره -___-
اسف رفعت الموضوع :31: :31: بس احسن من اني اسوي موضوع جديد عشان سؤال :31: بعدين اشوه المنتدى :o
المهم....انا في اللعبة هزمت الوحش في التور اوف مانا حق السيل الثاني بعدين خذت الكتاب الي يبغاه المريض
في قرية hima اعتقد كذا اسمها بس لازم شي ثاني اخذه عشان هاذا العلة اعتقد اسمة mana leaf :33: من فين اخذها؟؟؟؟؟
انشاءالله شرحي واضح :biggrin:
sayonara
السلام عليكم ورحمة الله وبركاته
بس ابي اعرف حاجة وحده شباب......اتمنى انكم تجاوبوني عليها
هل اللعبة حصرية للجيم كيوب؟؟؟؟؟؟
واذا كانت لا بتنزل على اي جهاز
يعني اذا بتنزل على لبلاي ستيشن او اكس بوكس احسن
ناخذها كوبي :09:
واذا كانت حصريه
ما باليد حيله نشتريها على لكيوب :33:
تحياتي للجميع
صديقكم الصدوق بومبا
هكون :laughing: متاتا
pumbaa: اللعبة الانجليزية على ما اضن بتكون حصرية للكيوب اما اليابانية بتصدر على البلاي ستيشن 2
sehro: هل شينيا انضمت وياك (الا قاتلتها وتبي تقتل الكولت) هذي تسيير للسير الثاني لنهاية وبتقاتل اوديني وبتحصلها بعدين عدال القرية بتحل مثل بحيرة تقدر تدخلها وبتحصل شي :)
بس ان شاء الله يكون صح لاني ناسي المكان والاحداث شوية :31:
مساعدة
انا في منتطقة الي اسمها (تتيالا) رحت البلدة الي فيها الملك وانضم الي (برسيا) والثاني ناس اسمه
بعدين وين اروح
الرجاؤ المساعدة
لازم تسير ألى جسر كبير اسمه Tethe'alla Bridge واعبره لين النهاية طبعا وتسير إلى قرية village of Sybak
وكمل هناك
شكرا على المساعدة^^
شينا لسى مانظمت معاي
تاور اوف مانا اروحلة بعد ماخذ سيل الرياح لاني حاس اني ملخبط :28:
المهم انا الان عند السيل حق الرياح بس اللخز محيرني ولعت النيران كلها وحركت المراوح بس ماصار شي!!!
هذي حل المراوح
1. احمر
2.أخضر
3. أصفر
4. أبيض
5. أزرق
راح ينفتح مكان سري جهة اليمين وبتحصل اداة
1- ازرق
2- احمر
3- اصفر
4- ابيض
5- اخضر
هنا بعد يفتح مكان سري بس اليسار
1- احمر
2- اصفر
3- اخضر
4- ابيض
5- ازرق
شكرا جداً جداً معليش تعبتك معاي ^^"
ARIGATOU
انا في تميل اوف ايرث ابي مساعدة في قزم يبى طبخة حارة
من وين اجيبها
الرجاء المساعدة
لازم تسير بيت العجوز الا ما يتكلم معاك وتكلم مساعدته وبتعلمك الطبخة
انا رحت عند العجوز وكلمت البنت
وتقول تعال بعدين
ويمكن الطبخة عندي وانا مدري
وكيف اسويها
الاكلة تكون اسمها كاري على ما اضن
وعشام تستخدمها تكلم القزم وبيتفقون على ان اكلة الكاري هي الا يبيها وبتختار الا يطبخ وانا اخترت كولت :أفكر:
وانت اختار الا تبيه
يمكن ما عندك لوازم الاكلة من خضرات ولحوم الخ (ما ادري شو اللوازم) :)
انا خلصت منطقة Latheon Gorge وبعدين رحت عند Elixir المدينة العائمة
وقابلت ام الدكتورة
وين اروح
وبعدين في مكان اسمهSE Abbey
في حارسين عند الباب كيف ادخل
ارجوكم اذا احدكم يعلم عن تيلز اوف سيمفونيا التي على القيم كيوب
اريد احدا يدلني على ماكسويل السمن سبيرت كيف احصل عليه او كيف اجده هل في تثيالا ام في سلفرانت وفي اي مكان بالضبط.. وشكرا لكم
شوف هذا الموضوع راح تحصل اللي يرضيك
http://www.montada.com/showthread.php?t=292439
شكرا لك يا اخي tails&kirby
والله انك رهيب..........:cool:
شريت اللعبة ولعبت 10 ساعات الان
انطباعتي عن اللعبة توجد بها الكثير من الايجابيات وتوجد بعض السلبيات التي لابد من الاانتباه اليها
وهناك نقاط كرهتها في اللعبة
بالنسبة الي القصة الي الان فهي تمشي سلسة لاتوجد مفاحات كبيرة فيها
بل تسير بنظام حلو
الرسوم لا يوجد بها اي عيب ابدا من افضل الالعاب رسوميا الي الان
النقطة التي كرهتها في اللعبة هي عند كلام الشخصيات لابد ان تضغظ الزر ليكمل كلامة والا سترجع الشخصية الي وقفتها العادية قتكون النتيجة ان اشكال الشخصيات لا تركب مع الحوار فكيف يكون الواحد معصب ويههد وفي نص الجملة يقف مستريح وبعدين يكمل تهديدة وكذا
الشيء الذي لفت انتبهاي وبشدة هو تصممي المنازل والديكورات الموضوعة كلها مميزة ولا تحس باي شيء غير مالوف فيها
اما عن طريقة التحكم في القتال قد احببتها وبديت اجرب من عندي بعض الشغلات المجننونه
مثلا يوم مريت في مكان بسيط خليت اربع الاعبين كمبيوتر وخليتهم يخلصوا وانا جالسة اتفرج :09:
انا وصلت مكان بعيد مره عند ما يجي ثلاث اشخاص على تنانين ويخطفون البنت شعرها اصفر وما دري وين اروح :sad2: ممكن مساعده
:06: ياشباب ما في احد عاوز يساعدني وين صاحب الموضوع
ين صاحب الموضوع:vereymad: :vereymad: :vereymad: