صيــفك ..... كــول

السلام عليكم :08:



كيف الحال .. انشالله جميعن بخير ..



صيفـــــنــا أحـلــى وأحــلــى

نعم نعم جمله رهيبه وجميله :33:


لدرجه اني تهت ما اعرف اروح اي مصيف من مصايفنا الجمله ..

اهي الرياض الزحام .. ام جده الرطوبه .. ام شرقيه الهم ام .... ام !!



بصراحه اسوأ صيف مر علي في حياتي .. وهذا وتونا باقي شهر تقريبا على الدراسه :28:


الكــآبه بذاتها ..

اكيد بتقولون انت الى ما عرفت تستغل صيفك .. بصراحه ايه بس حاولت ولا قدرت .. يعني مثلا ..

من ايام الاختبارات وانا افرفر في شوارع الرياض ادور وظيفه عدله في الصيف ..

بصراحه ما انكر اني في البدايه ما كنت متحمس لاني خايف اضيع امم اوروبا :08:

بس بعدين قلت تتدبر انشالله ..

قدمت على كمبيو مي ... وقالي الرجال اوكي .. انت اول واحد قدم .. يعني الافضليه لك .. وقدمت برضو في اليورومارشيه .. في الاداره :31:
هذا الكلام كله قبل لا تبدا الاجازه ..

<<-- الحرص بذاته :09:

المهم خالي قالي قدم برضه في غيرها وش انت خسران .. رحت جرير مره واخذت منهم الاستبيان .. ورجعت البيت عبيته .. المهم مره كذا في الليل قلت ابمر انطله وعسا خير انشالله .. دخلت المبنى طبعاً جرير فرع العليا .. الاداره ورا .. ظلام ورعب :17: دخلت المصعد واذا به ينحبس علي :08:


طبعاً انا من يوم ما عرفت نفسي وانا اخاف من المصاعد .. ا ويجي ينحبس علي لحالي وفي الليل :33:

المهم من هنا وهنا خبطت وضغطت الانذار فكني في نفس الدور ..

طبعاً استغفر الله مين الي بعدها يفكر يدخل الجرجير مدري جرير :(

ترا ما صحت على فكره :08:


المهم انتهت الاختبارات وقلت بس الليله ابمر كمبيو مي واشوف وش عندهم .. مريت وانا متجهز ومجهز الكلام الحلو ..

الا ويطلعي البطل ويقولي لا والله للاسف اوراقك ما مشيت .. من هنا وهنا .. عرفت ان الدعوه صارت فيها وسايط وانا للاسف كبش الفدا :31:

قلت اوكي حصل خير ..

من بكره مريت على اليورو مارشيه الا ويقولي مين انت اصلا :12:

انا خلاص جاتني حاله اكتئاب ..

رجعت البيت قلت لامي ابغا اسافر ..

المهم رحت دبي اسبوع .. وسعت صدري وغيرت جو وما خليت فلم الا ودخلت فيه .. هع هع استاجرت همر 6 ابواب طوله :09:

رجعت الرياض الى الزهق والكآبه دخلت القريه الرياضيه قلت تغيير جو .. بس كرهت نفسي من ذا المبزره الى ياكثرهم ماشالله .. يدخلون من تحتك كنك نفق العروبه :33:

الكارثه الكبرى كانت بطوله اوروبا الشبه سخيفه ما ودي ادخل في التفاصيل .. بس الشي الى كنت مامل فيه خير راح برضه ..

طلعت لبنان اسبوعين وكرهت عمري من جد ...... شفت القرف بذاته .. يعني رحت لفرع من السعوديه بس ايه .. بدون عبايات وشباب بدون ثياب وشمغ :06:

والله تفاهه وبلد سخيفه .. مع احتراماتي للي يمدحها ..


رجعت قعدت في الرياض 3 اسابيع .. يعني مدري شلون مرت .. بس اعوذ بالله من الزهق صرت اقعد في البيت .. او ننتجمع في الملحق انا اواخوياي .. يعني شوارع زحااااااام .. كل شي عوايل وين تروح :(

طلعنا الشرقيه يومين يعني امكن لاننا كنا عيال انبسطنا شوي ..

رجعت الرياض ومن الزهق وديت سياره البيت وسياره الخوي للفحص الدوري حاله زهق خرافيه :31:

طبعا الفحص مو زحام .. الزحام :17: بس اهم شي انه تضييع وقت ..

اخر شي ومن اسبوعين انا في جده والى الان .. يعني تغيير جو اخير ..

هي اهون من الرياض من ناحيه الزحام .. لكن الرطوبه موووووووووووووووووووووووووت اعوذ بالله ..


طبعاً في جده الحال من المحال ويا قلب لا تحزن .. قهاوي وبحر " الى كل ساعه وانا عنده كني اول مره اشوفه " ونت كافيه :08: اللهم انك تغير اخوياك وتشوف ناس جديده ..


طبعاً لا احد يسالني ليه كتبت الموضوع .. مدري هو فضفضه .. والا من الزهق .. والا اوريكم اني مسكين .. والا وشو ..


بس حبيت اقووووووووول كلمتين مهمتين جداً جداً ..

يا زيــــن البـيــت

ويا زين نيد فور سبيد :08:


و سي يو ..

الحمدلله عالسلامه ..

وان شاء الله تونست في دياري الجميله ..

والله وايد سعوديين يايين هالايام الامارات ..

ياخي هالصغار اللي عندكم يجننون ..

يا هلا والله بالعمدا .. :cool:

ولكم باك أول شي للمنتدى :p

ثاني شي .. :tongue2: الطفش في إجازة الصيف ..

أنا الصيف كله ما طلعت عن مكان واحد كل ما بدي أروح مكان ما في إلا الهدا :D

أطلع ساعتين ثلاث وأنزل تاني على مكة ..

يعني الإجازة طفش في طفش :28:

واستبدلت السفريات كلها بالعنترنت :tongue2: وصرت أجلس ما يقارب 10 ساعات يومياً قدام العنتر نت :p


يعني واحد طفشان وش تتوقع منه ..!

بالنسبة للبنان .. أخوي راح لبنان هالإجازة مع مخيم .. لكن يقول إنو البلد نظيف .. :33: بس الإعلام مخربه ؟.. ومعطينا صور غير عنه ..

بالنسبة لدبي ما قد شفتها :tongue2:

بالنسبة للرياض احم احم :bigeyes: الارهاب مليان هوناك :p فما رحت ..!

وأما عن البيت فهو محل الوناسة :09: ..

وبس ماكو إضافات .. :أفكر: ..

وولكم باك من جديد .. :08: .

الصيـــــــــــــف



انا الحمدلله من ناحية الملل والفراغ مااحس فيه لاني مقضي وقتي بكم شي .. ما علينا


لكن اعوذ بالله الصيف ذا صارتلي مصايب وبلاي شخصية اتمنى انها ما تنعاد علي ابد .. جلست اراجع نفسي وش الشي الايجابي الي صار فيه .. ابد مافي خبر يوسع الصدر ..


عموما فترة وتعدي ما علينا ..


لكن اذكر مرة مر علي اسبوع وناسه صراحه .. جا خوينا لاند من الرياض مع اخوانه .. وكل يوم نمشي على الكورنيش الى الفجر بعدها نروح نشوف فلم ولما يطلع النهار نروح لمطعم وناخذ معصوب وفول ونروح للكورنيش نجلس نفطر ونوكل القطاوة .. صراحه مع انها فضاوة لكن شعور حلو ..

وبعدين تعال شاللله قطك بلبنان ؟!

رحت لها مرة وكرهت عمري اعوذ بالله ... حر ورطوبة وجو مقرف وديره فاضية تحس مافيه شي تسويه ..


ما غير شارع الحمره الي تقعد وتطلاع ناس رايحين وجايين وبعدين ؟!!


لا هذا وغير انها غاااليه على غير سنع .. يعني الفلوس الي تحطها وتقعد فيها اسبوع تحطها بماليزيا وتقعد اسبوعين اصرف واطلق


لا جو ولا وناسه ولا سعة صدر .. مين الي يستانس فيها حقين السهرات والدق والرقص بالليل راح يكيفون هناك ..


اما الشباب الجنتل مثلنا ما يستانسون :28:

الحين رايح لبنان اسبوعين

ورايح دبي اسبوع

والحين انت بجده

وتقول ملل يالظالم :أفكر:

اجل وش نقول حنا :17:


صدق عيال النعمه :tongue2:


بالنسبه لوقتي كله اقوم من النوم الساعه 5 العصر اروح النادي اتكي فيه الى الساعه10 وباقي الوقت الى الساعه 9 الصبح تكيه بالملحق

بس هاليومين حاولت اغير الوضع صرت انوم بعد العشاء واقوم الفجر<<< نظام غبي :31:

وعلى طاري نيد فور سبيد والله انك صادق مسكت عليه هالصيفيه تظبط مواتر

والله ياخي دعني اقول لك تجربتي الشخصية ..

انا اعشق المجلس .. والحمدلله ما طفشت بالإجازة هذي الا مرة وحدة ..

يوم شفت ابراهيم سويد يحاول يعدي .. يعني تقدر تقول خمس ثواني بس ..

يعني يمكن هذي افضل اجازة من سنوااااات ..

ترم صيفي + مباريات كورة الى بكرة :17: " دموع الفرح " + تلفزيون صيني عملاق :cool:

+ مكيف يوناني جبار .. من ايام زيوس - ماشاء الله لا ينفقع علينا - + مطعم الشنبات ( مشاوي وفطايرومخلل ) + شلة المرح ..

وما اشوف في السفر بشكل عام شي مميز .. غير شي واحد واللي هو تغيير الجو

ولكن اي شي ثاني غيره .. موجود هنا .

الحمد لله على السلامه

بدري توك تطل علينا يا فتى وينك مطول الغيبه ..

و بالنسبه الى الصيف اللطيف جداً جداً ما غير نوم × نوم .. وتصفح بالنت ودردشة مع الاصحاب .. وكرف في المخيم ..

وارعى الغنم -_____-.. وانا من ضمن شلة المرح حقت خوباج وبس هذا الصيف معي ..

الحمد لله على السلامة


مشالله كل الي سويت في صيفيتك وتقول ملل :أفكر:


انا التقديم طلع عيوني كل شوي طالع اختبار من هنا وفحص وبلاوي

ماصارت اجازة :17:

وعلى قولتك يازين البيت :D

أنا اشتغلت في جرير في فرع مكة صراحة كرهت نفسي ..
تعب .. طفش - مع إني اشتغلت مع اصحابي - .. ذكريات غبية .. :08:
صراحة أنا اشوف صيفك مو ناقصه شيء ..
أنا بالنسبة لي بيتك بيتك ..^^
والله يخلي وينيج اليفن الجديد ..

بايووو

هلا والله العمدا, من زمان ما شفنا وجهك البشوش.

والله باين ان عطلتك مملة جداً, بالنسبه لي ما فيه طفش بتاتاً لكن المشكله الوحيدة عجزت انام زي الناس:sheep:

اذا نمت 8 ساعات الي ناس كثير يعتبرونها كثيره احس اني ما نمت ولا نص نومه:sleep:

يالله بالتوفيق للجميع:27:

هممممم موضوع مميز جدا الف شكر لك اخوي ^_^ عل ىلاموضوع المميز تحيه عطره

هلا والله العمدا من زمان من شفناك :31: ..

اما بالنسبة الى الاجازة !! حدث ولا حرج !!

ياخي ملل من قلب :12: . .

رحت لسوريا اسبوعين وانواع الزهق (&) . .

ورحت للرياض اسبوع وانواع الفللة طبعاً هذي الفللة لواحد ماشاف الرياض الا مرة (&) ..

ووهذا انا في جدة >____< وشكلي ناوي ارجع للريااااض :08: . .

اهلن وسهلن بجميع الشباب والشبابات :31:


طيب ..

انجل :

اهلن فيكي ..

الحمد لله هي كانت تغيير جو ضروري بعد الحركه السخيفه حقت الوظيفه :33:

وسالفه الصغار موب كلهم .. وش رايك يجيك بواحد توه خارج من المسبح وانت توك داخل النادي تقول يا فتاح يا عليم الا ويقشع فيك وهو يرطرط مووووويه :17:

لا والا مره داخل الا وذاك البزر يقولي مسوي جسم انت ووجهك .. انا قلتله انت اصلا تقدر تتكلم .. طوله يا دوب قد ساقي :31: والله حاله :(


الحسام المهند :

ولكم بك اخوي ..

فلله احس الطايف زمان ما رحتها :06:

المهم شوف لبنان انا احس انها مصخره ودوله تافهه .. يعني ما فيها اي شي مميز مع احترامي ..الا مثل ما قال اودن للي يبي ينطق في القهوه ثلاث ارباع يومه .. والربع الاخير في دسكو :31:


اودن :

اهلن بك ..

طيب علمنا وش الواحد ممكن يسوي .. دورات مثلاً ..

والا ؟؟

الا انت جد تاكل معصوب :bigeyes: ؟

ويحك :08:

ومساله لبنان .. انا قررت اني معد ابطبها .. واشجب واستنكر من الي يمدحونها :12:


سنوووب :

انا الي ابي اوضحه انه للاسف معاد صار فيه فرق ..

تسافر والا ما تسافر :33:

جدولي في الرياض كان مثلك بالضبط .... :08:


خوباج :

خخخخخخخخخخ الله يورجك اجل سويييد ..

يا اخي انا اموت واعررف النكره هذا شلون صار لاعب :08:

ما علينا ..

انا مشكلتي احب اغير جو .. يعني ازهق من مكان واحد .. بعدين بالله ما تحس الرياض صارت زحام بشكل غير طبيعي ؟؟


انفجااااااااااااااااااااار سكاني :31:

الفتي المحظوظ :08: :

الله يسلمك ..

انا في قلوبكم صح والا :08: ؟

ايه بس يا اخي ما يجيك هم اعوذ بالله :31:

وبعدين النت زهقت منها بشكل اسطوري !!


انيما :

اعانك الله يا فتى :D

البيت هو اجمل بقعه يمكن ان تذهب اليها :33:


زينوساجا :

من جد ؟؟

انا عاد احس الشغل بيكون فلله ..

لاني انا من النوع الي احب اتحرك واحب اشتغل :08:

عموماً لو انك قايلي كان داومت بدالك .. وطبعاً اخذت الراتب بدالك :D


ربج ماستر :

اهلين شوشه :08:

8 ساعات كثيره :shock22:

هع الجميع باذن الله ..



مستر راهي :

العفو . وتحيه عطره لك انت بعد اخوي :biggthump


ببسي مان :

خوباج قالها .. السفر ما فيه شي :31:

يعني احيانا يكون شي نفسي ..

اذا سافرت تحس انك انبسطت .. مع انه الوضع يكون نفسه :33:

عموماً الله يكون بالعون ..





مرسي اوي اوي على مروركم ............... :08:

اقتباس:

---

زينوساجا :

من جد ؟؟

انا عاد احس الشغل بيكون فلله ..

لاني انا من النوع الي احب اتحرك واحب اشتغل :08:

عموماً لو انك قايلي كان داومت بدالك .. وطبعاً اخذت الراتب بدالك :D

---

شوف هو الدوام في الأيام الأولى فلة لكن شوية شوية تجيك حالات الطفش بالذات لو قربت المدرسة .. :31:

لو تبغى تشتغل روح في هذي الأوقات وهم ياخذوك في وقتها لأن هذي الأوقات عندهم ضغط وزحمة بتزداد يومياً ..

وبخصوص الراتب والله قليل مقارنة بالتعب اللي تتعبه .. 1500 ريال هذا إذا حضرت كل يوم بيومه .. :p

والله إذا طفشان روح اشتغل لكن احسب حساب إنك راح ترتبط ليلاً ونهاراً بعمل ما فيه إجازات .. :08:


بايووو

بالله عليك توك تنتبه للإنفجار السكاني .. انا من يوم ما شفت هرفي زحمة بيوم دراسة

ادركت هذه الحقيقة المرة .. لا وترا فيه معجبين لسويد بعد ..

اقتباس:

---

كل شي عوايل وين تروح

---

http://images.abunawaf.com/2004/08/parking.jpg

-__-

ومثل ما قلت يا زين البيت
وشكرا

اقتباس:

---

المشاركة الأصلية كتبت بواسطة RPG_master

هلا والله العمدا, من زمان ما شفنا وجهك البشوش.

والله باين ان عطلتك مملة جداً, بالنسبه لي ما فيه طفش بتاتاً لكن المشكله الوحيدة عجزت انام زي الناس:sheep:

اذا نمت 8 ساعات الي ناس كثير يعتبرونها كثيره احس اني ما نمت ولا نص نومه:sleep:

يالله بالتوفيق للجميع:27:

---

أنا أنام 12 ساعة وما أحس إني شبعت نوم .. :31: .. يمكن من الزهق .. :33: ..



ما عمري سألت أحد عن رأيه في هالعطلة إلا وقال لي طفشششش .. عطلة كئيبة جداً .. يا زين المدارس .. :p ..


يا حظك يا العمدا .. على الأقل مغيّر جو برا السعودية مهو مثلي .. أبي أفتك من الرطوية رحت للزحمة ومن الزحمة


للكآبة ثم رجعت للرطوبة .. النت زهقت منه .. لولا الرقابة كان مودّعكم .. السوني ما ألعب إلا الويننغ اليفن لكنه


حطّمني بالجزء البايخ .. تلفزيون قلت خلني أشترك بالشوتايم أتونّس شوي ما تغيّر شيء .. أخوياي كلهم مسافرين ..


بعد ما فطست من الزهق بديت أوسوس وقلت لأهلي يكرفوني بهالمشاوير .. طبعاً ما صدّقوا خبر واكرفوني .. :D ..


رجع راسي للتصديع بعد غياب دام سنة والحمدلله ..



شكراً على موضوعك اللي خلاني أفضفض .. :)

ايه يا زينها هالاجازة.. ما سويت اي شي.. حالي من حالك.. لا شغل صيفي ولا يحزنون.. بس ما سافرنا مثلك.. يا حظك والله..
حتى المباريات كلها طبيتها من بعد مباراة فرنسا واليونان... :17:
ما تابعت لا كوبا امريكا ولا الاسيوي.. الحين بالغصب اطالع الاوليمبيكس.. كله علشان عيال ميتران ونص.. :biggrin:
اجازتي كلها قعدة عالنت والبلاي ستيشن.. ومحلاه النت بعد الدي اس ال.. :biggthump

هلا والله بالهلالي العمدا
<... من اولها يتحرش..

بالنسبة للإجازة.. زي ماقلت انا والله على الرغم إن وقتي موزع صح.. ومن شلة لشلة.. حتى وقت النوم صار ضايع بينهم كتب عليه أن يكون مجهول :p

لكن اكتشفت شيئين في هالإجازة.. الأول إن الدراسة حلوة.. الثانية إن النوم أحلى وأحلى :D

وبالنسبة للأمم أوروربا بالعكس كانت حلوة وفيه مفاجآت كبيرة.. لكن النهاية كانت بكاء(كريستيان رونالدو)..! :17:

مرحبا العمدا , عاش من شافك والله :) . وراه كل هالغيبة ؟!

بالنسبة للصيف , صيفي السنة ما أنام فيه على عكس الناس . وراي كم شغل أراكض وراه وللحين ماخلص , وكل ما أخلص من موضوع يطلع لي ثاني , ونومي متأخر , يعني مافيه رقاد .

بس استمتعت بثلاث أسابيع في السفر , ثم رجعت لنفس السيناريو .. بس مع ذلك , الصيف السنة ممتع وطويل . يعني تقدر تقول "شبعت" صيف ,, ودي بالشتا .

وبالنسبة لطفشك , شوف, اللي "يحسّس" نفسه أنه طفشان راح يطفش .. والعكس صحيح :) . يعني حاول أنك في كل الحالات تطلّع لك ألف طريقة تشيل طفشك .

تحياتي .

وعليكم السلام ^^ ..

هلا والله فيك افتقدانك :17: .. ولكم باك ^_^ .. p

.. الصيف هالسنه ماحسيت فيه مثل اي صيف >< الجامعة وماخذ صيفي وين احس بعد >< ..

اترك عنك الرياض وجده والشرقية وحياك البحرين :biggthump ..

الكآبه حدها ممتلية >< ..

لوول الله يساعدك .. وامم اوروبا ماكانت تتفوت >< وصج ان ايطاليا طلعوا من الدور الاول >< بس البطولة كانت مثيرة من ناحية المفاجئات ^_^ .. وانا ماعجبتني البطولة وايد لوول >< ..

^_^ المصاعد ياما انحبست فيها وايد >< لوول .. كاشحة مصاعد انا .. بس في الليل وظلمة :33: .. وتخاف من المصاعد .. كان زين انا كنت موجود اللهم لاشماته XD ..

الله يعينك >< في كل مكان الاشغال متوفره :12: >< ..

=====

هامر !! .. شوف انا الاسبوع القادم طاير الشارقه وابوضبي ودبي .. من وين استأجرت الهامر .. وهل كان H2O ^_^ .. بس السينمات >< في البحرين خلصت الافلام >< .. مايحتاي ادش شي لوول ..

ههههه .. اما لبنان >< .. ليه رحت لبنان >< .. هههه اما عطلتك عطله لوول ..

خخخخخخ .. البيت .. احلى شي لووول .. >< لا سينمات البحرين .. ولا الجو مساعف انك تطلع طلعات هالايام >< .. واما نيد فور سبيد لوول الله يخليها صج :biggthump .. ويخلي المنتدى >< ..

وحياك الله بالمنتدى مرة ثانية لوول ^_^ ..

=====

اما عن عطلتي فاعتقد اني دمرتها بنفسي >< .. الاهل سافروا فلورنسيا بايطاليا صج اني رايح لها من قبل >< .. بس هالمدينة خيال حقيقي >< حلم لما تكون موجود هناك >< .. بس خذت صيفي علشان افتك واخلص .. قلنا بنروح كويت >< تكنسلت السفرة وتوجهت للأمارات .. سياراتي من صارت اختي تستخدمها وكل يوم اوديها فحص او تصليح من حادث >< العن اليوم الي خلوا البنات في البحريين يسوقون سيارات >< .. بس فيه ايام بالعطلة استانسنا فيها وايد وايد ^^ ..

ana 9eeefi awal shahar we no9

kont mashgool be tgdem al jam3a

we euro 2004

we zwaj a5oya al kabeer


lakn b3dha safrt almanya

we raj3 b2 10 ayaam


ya5i mashi 7alak

alsafr a7san mn enak tjlis fi albeeet

كرهت السفر

فى جده نطلع العصر ونرجع قبل الفجر وياليته على سنع ضايعين خخخخخخ ..:08:.

والطائف وع مافيها شئ وغلا بكل شئ حراميه

قالوا ايش سياحه داخليه امحق :31:

يازينك يالرياض تركتها اسبوعين وانهبلت :17:

تقريبا طول وقتى نوم واذا قمت قعدت اقرا روايات من زود الثقافه الين انوم :09: