الساعه 2 و نص حسب التوقيت المحلي بجوال دجو العائلي و دجو توه حاطها بالخامس و سادح ابوها نومه و تدخل
ام داج اطال الله في عمرها و تشغل الانوار و بكل رق و عذوبه تقول:
ام داج:عثيمين قم قامت عصبك شلت ركبك
داج:هاااااااه 5 دقايق بس يا بنت الحلال مصلي و الله مصلي(متعود انه يجاوب هالسوال)
ام داج:وجع بياذن العصر و لا قمت و جعلنا الليل سباتى و جعلنا....الخ نفس الشريط بالعربي
داج:طيب طيب قمت خلاص فكينا
ام داج:بسرعه اغسل وجهك و صل بعدين اذلف جيب لي بيض و حليب ابي اسوي فطور(وووول فطور هالحزه)
داج:يصير خير
و يطلع دجو و يشوف هالزين في وجهه كامري 2001 تناديه دجو دجو سوقني يا دجو(خوينا توه قايم من النوم لا تاخذونه عطوه على قد عقله )
و يدق سيلف دجو و يسمع صوت هالمكينه ييييييييوك نسى البيض و الحليب متر الدنيا دعس عوووووووووووووو
عووووووووووووووووو طبعا على فكره السرعه القانونيه كم 65 و حضرة السيد نومان مصفيها 150 المهم و هو
مقلع في احد الشوارع صادف سكيورتي(دورية السكن)جاي بالطريق العكس عاد السكويرتي بس يشوف الغبار على
ذا التشطيف عوووووووووووو و يولع السيفتي و وراه ويويويويويويويويو وقف يا راعي الكامري تراك من جنبها
4 سليندر و مسوي زحمه(اخس ملسون السكيورتي و انا مدري)و يحجر لي عند اشاره مسوي نظامي ما اقطع
ااشارات و دار هالحوار:
السكيورتي:رخصتك و بطاقة ارامكو وين؟؟؟
داج:هلا سم ويش تقول؟؟؟
السكيورتي:اخلص علي رخصتك و بطاقتك
داج:سلامات ويش صاير
السكيورتي:اخلص تراك ادوختنا عطني الرخصه و البطاقه و الحقني على التحقيق
داج:هااااااااه ويش سويت
السكيورتي:كل ذا و تقول ويش سويت انت مجنون و لا صاحي
داج:ممكن راي الجمهور
السكيورتي:لا يا شيخ اول شي اسالك كم السرعه القانونيه عندنا
داج:همممممممممممم باتصل في صديق(متاثر بجورج قرداحي ابو الشباب)
السكيورتي:يا ابله يا متخلف السرعه 65 و انت كم ماشي
داج:امممممممممممممممممم احف اجابتين(اي اجابتين)
السكيورتي:الله ياخذك فكنا انقلع مابي اعطيك مخالفه فارق فرقاك عيد مدري ويش مصبر اهلك عليك(روح اسالهم)
و بعد هذا يدق الجوال ترن ترن ترن(حاط بنات المدارس لبشير شنان نغمه)
داج:هالوووووووووووووووووووو
المتصل:وجععععع لا تصارخ
داج:اوووه هلا يمه امري
ام داج:وين البيض و الحليب ما صارت ذي(اووووه نسيت)
داج:اممممممممممممم مقفلين للصلاه
ام داج:اي صلاه باقي على العصر نص ساعه
داج:اممممممم(يدور تصريفه)لا لا حقين البقاله شرق اسيوين سريعين مره يمكن استعجلو و قفلو بدري(عاش مصرف)
ام داج:يا قليل الحياء اترك عن الفراره يالداج
داج:طيب و ليه مسمي نفسي بالمنتدى كذا
ام داج:اقول عن الخرابيط و يلا جيب الاغراض
داج:طيب طيب
في ظرف(مو انفيلوب)5 دقايق و الاغراض و دجو في البيت
ام داج بعد ما اتلمت اغراضها:يوووه عليك ما بغيتا
داج:لحوووووووول لهم جاتس الي تبينه و لا لا
ام داج:ما بغيتا يلا فارق اسبح عن هالصنان يالمروح
داج:اححححح جت في الوجه ذي
ام داج:في الوجه في الخشم ما همني روح اذلف اسبح يلااااا(ول من نصبح و هي تنافخ)
و ينقز دجو في امغطس و تشطيف على السريع و طلع يلمع(حشى قلب سياره خوينا)
و بعد السباحه يدق جوال دجو هالمره محمد سليم النغمه
دجو:هالووووووووووووووووووو
المتصل:فقعت اذني يابن الحلال رد زي الاوادم يالسكران
دجو:كخخخخخخخخخخخخخخ هلا باتي ويش لونك؟؟
باتي:الزبده داعسين على الراشد تجي
داج:قدااااااام بس خلني اصرف الهيئه(ام داج)
باتي:كععععععع طيب اسرع
داج:ايه ان شاء الله
و ينزل داج
داج:يمه
ام داج:خير؟؟؟
داج:ابد سلامتس بس الشباب عازميني علىحلقة ذكر(وااااوك على النصبه)
ام داج:الله يهديك قل امين
داج:امين يا رب يلا عن اذنتس
ام داج:الله معك(مصدقه الاخت)
و يطلع دجو و يدق سيلف بالكامري و يدز للراشد و يصفط كالعاده قدام لكزسين نذاله ما يبيهم يطلعون و ينزل و
و يحصل باتي يلاحق له بنت
باتي:الا بالله انتي وين ساكنه حاس انك قريب مني مره
البنت:و الله مالقريب منك الا الكعب
و طرااااااااااااااااااااااااااااااااااخ بالكعب تعدل مساحة وجه باتي
داج:اقول يالمهزئ يلا امش
باتي:اهئ اهئ طيب
و يطلعون و يطقونها فراره على الراشد كلها ما بقو بنت الا و حاسوها حوس و رفعت بهم و في تمام الساعه 2 و نص
فجرا و الجميع في بيتهم(مدري هالرقم مشبه عليه)و في الختام ارجو ان تفيدكمي يومياتي بما هو خير و ابرك لكم(تكفى يالمرشد الديني انت)و السلااام عليكم
