يامرحبا أعداد ما لاحت بروق
ترحيبة المؤمن بحكم الشريعه
رسالتن جتني من أعز مخلوق
ومن كان مثلك طيب مانبيعه
ياطيب الجدان من جذر وعروق
أفعالهم كل الخلايق تذيعه
&&&&& montada.com &&&&&
من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته
&&&&& montada.com &&&&&
أرسلك المرسول يامعرب الجد
من ساس قوما"يحتمون المظله
يحمل تحياتي بها الود ممتد
من ضامري ماهي سواليف شله
البعد ماعنه الرجاجيل تنحد
لو حال من دونه سماء نجد كله
والحر مهما راح لابد مايرد
للنايف اللي كل حر فطن له
montada.com
الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق
montada.com
مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
0وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه
montada.com
كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي
montada.com
غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق
montada.com
وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى
montada.com
يازين حبك رج قلب العناء رج
شف له طريقه قبل توقف عروقه
أما تدور له عن الحب مخرج
ولابعد حرقه تداوي حروقه
هذي سنه وخيول حبك تسرج
من فوق قلبي لين بانت فتوقه
أما أنتصافا بالهوى ونتهرج
ولانكب الحب ونكب سوقه
montada.com
زينه على كل المخاليق غطى
عقل وجمال وخف دم مخلوطي
عمره صغير وجاهل توه ماتغطى
ولاغيره أحد يخيط قطوطي
غرون على عرش البنات أيتوطى
قطع على الزينات كل الخطوطي
ياليل قلبي على قلبي أخطى
حط القدر بيني وبينه شروطي
montada.com
مات حبك والبقية في حياتك
في حنايا خافقي لاقى مصيره
خذ مع الجثمان باقي ذكرياتك
تجربه حبي معك كانت مريره
مايعرف الحب من سوى سواتك
يجهل الإخلاص من ضيع ضميره
غرني ياصاحبي ظاهر صفاتك
غلطتي يا للأسف كانت كبيره
-montada.com
صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام
montada.com
من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله
-montada.com
العام رجلي بالطويله تعدي
واليوم كني مكتف الرجل تكتيف
ضيعت عمري في أسترح وأستعدي
نوب جزاء ونوب أنقريه وتنظيف
يارجل سجي وياعين لدي
لديار نجد وعاليات المشاريف
montada.com
مني للغالي سلام وتراحيب
مضمونها تقدير من قلب صافي
سلام ياراعي الوفاء والمواجيب
سلام يارجل مع الناس وافي
أجيك لو ماأرسلت يمي مناديب
آصلك لو أني على الرجل حافي
montada.com
خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن
montada.com
سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره
ـــــ
عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه
------------montada.com ----------
سلام ياشيخ تربى على الطيب
سلام يارجل عزيز وغالي
تعيش ياحر تعلى المراقيب
حر ولد حر على الرجم عالي
يحتار فيه الشعر تشريق وتغريب
رجل عزيز النفس ماله مثالي
رجل الوقفات راع المواجيب
صلف على الصكات مابه جدالي
---------montada.com --------
غايتي ومناي بالدنيا رضاك
لو يقولون العرب صابه جنون
لو جفوني من نهوني عن هواك
لو رضيت فراقهم عندي يهون
لو تغيب سنين قلبي مانساك
لو تعذبه المواجع والطعون
حالف ماأنساك لو بعدك هلاك
ومن حفظ عهد المحبة مايخون
-----------montada.com ---------
هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس
----------montada.com --------
وصلك مثل غيم الربيع أستخيله
وأنا على باب المحبة رجاوي
حاولت قربك مالقيت الوسيله
أنا أشهد أني بالمحبة شقاوي
مالي على مايجري اليوم حيله
ولاني على بعد المحبين قاوي
--------montada.com ------
ولعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني
----------montada.com --------
ليتك تعرف أن الهوى سهم ذباح
وقلوب عشاق المحبة رقيقه
وليتك تعرف أني ليا شفت رقمك أرتاح
والقلب يسعد يوم يلقى رفيقه
أنا الحزين وباقي الناس بأفراح
وأنا الأسير وخلق ربي طليقه
----------montada.com -------
مايبعدك عني ولا أي مخلوق
وإن غبت يبقى في غيابك خطوره
مثل الشجر مهما رفع هامته فوق
يبقى مصيره مرتبط في جذوره
حنا تخاوينا على سلم وطروق
ياحلو خوة طيبين المشوره
---------montada.com --------
أسأل وأنا كلي من أجلك إجابات
كل الصعايب لأجل عينك سهاله
يضيق صدري لو بقارقك لحظات
وأصير بعدك بألف حاله وحاله
لو كنت غايب وأبعدتك المسافات
لك صاحب ماغبت عن خياله
---------montada.com ----------
أنا الذي من بدة الناس أغليك
وأنا الذي عينه تراعي خيالك
وأنا الذي لو تزهمه ماتعداك
وتطلبه في كل حزه عنالك
يالعنبو دنيا تهمك وتشناك
موتي ولا شيء يكدر مزاجك
هذا كلام اللي يعزك ويفداك
ماهو كلام اللي يدور ضياعك
---------montada.com ------
سيدي بالحال رد النظر
وأرحم محب حياته بين يديك
إلى متى يازين وأنا أنتظر
صبري قضى والعمر منك وإليك
الناس طلعت على سطح القمر
وأنا معك ماقدرت أوصل إليك
ماعاد باقي علي إلا أنتحر
وأموت لجلك حسبي الله عليك
------montada.com --------
ليه يا دنيا تعزين الرخوم ؟
والشجاع يعيش عمره في نكد
تطرحينه كل ما حاول يقوم
كل ما يبني يفاجأ با الهدد
والخبل جظه ورى ذيك النجوم
عالي مرتاح دايم في سعد
والشجاع تحاصره سود الهموم
وان تخلص من نمر طاح بأسد!
&&&&& montada.com &&&&&
للفرح يوم هليت في قلبي
هبوب
ما اظلم زماني يوم عن الكون
غايب
لك بسمة تتملك الكون
بالطيب
ولك نظرة سوت بروحي
العجايب
يا جعل عمرك سعد وايامك
تطيب
وجعلني فدا حبك ماعنه
تايب
&&&&& montada.com &&&&&
حرام ما ترحم
احوالي
وانا اللي بك عرفت
نفسي
اشوف في طيفك
آمالي
وانسى في بسمتك
امسي
الا يا أغلى من
الغالي
عساني في همستك
منسي
&&&&& montada.com &&&&&
لاتسأليني عن سبب كتم الآحزان
بس اسأليني عن غيابي وحضوري
لاتسأليني عن سبب دمع الآعيان
بس أسأليني عن دواعي سروري
لاتسأليني عن تصاريف الأزمــان
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري
