تقرير عن Kaleido Star

بسم الله الرحمن الرحيم

السلام عليكم عضوات واعضاء المنتدى اليوم بكتب تقرير عن Kaleido Star و اتمنى يعجبكم :)


Kaleido Star

http://kitten1984.jeeran.com/kaleidostar/cover3.psd.jpg

عدد الحلقات : 52 حلقة ( الى الحين نازلة 38 حلقة مترجمة يعني لازم ننطر :31: )
نوعة : جمباز - دراما – كوميدي – شوجو – شوية رومانسية :أفكر:
العمر :13+
سنه : 2003
درجته : 8.8/10 حسب موقع انمي انفو( يعني حده كوووول :biggthump )

____________________________

القصة

هذه قصة بنت في 16 من عمرها اسمها Naegino Sora اللي اصبح حلم حياتها ان تنظم الى ال Kaleido Stage بعد ان شاهدت عرض رائع فيه وهي طفله مع ابويها .
بعد ان كبرت سافرت من اليابان الى امريكا علشان تحقق حلمها بان تصبح نجمه ال Kaleido Stage ( مع العلم ان والديها مو راضيين مساكين خايفين عليها :( ) فكان لازم تحظر مقابلة ( لقاء ) علشان يختارون اللي بيدخل ال Kaleido Stage ( طبعا مو اي احد يدخل لازم يشوفون اذا تصلح ولا لأ :33: ) لكن من سوء حظها تأخرت على هاللقاء و ضيعت فرصتها لدخول هالمكان :bigeyes:
فهل تتوقعون انها ستترك حلمها و تنساه !!
اكيد لأ( بتحن :biggthump ) و من هني تبدا قصة هالبنت و مثابرتها للوصول الى طريق النجومية و التألق المليء بالعقبات والصعوبات.

__________________________

Kaleido Stage

http://kitten1984.jeeran.com/kaleidostar/stage.jpg

اكيد بتقولون شنو هالمكان اللي Sora ميته عليه وصار حلم حياتها :06:
هو مكان مشهور عالميا و هو عبارة عن( سيرك + عروض غنائية + سحر ) و العروض اللي فيها يقدمها ناس محترفين اشتهروا عبر العالم في عروضهم الرائعة و طبعا مو اي احد يدخله الا الكووووول حده يقدر يدخل هالمكان و ينشهر فيسوون مقابلة علشان يختارون لان المشاركين ياتون من كل الدول :reporter:
و المكان هذا ما يتعامل مع عروض حيوانات لان المدير ما يحب الحيوانات ( مو مثل اي سيرك يقصون علينا يحطون لنا اسد ولا حمار لا و نستانس بعد :p )


يتبع ....

الشخصيات الاساسية
_____________________

http://www.we-love-anime.com/gallery...0Star01059.jpg

الاسم : Naegino Sora
العمر : 16
الدولة : اليابان
اداء الصوت : Hirohashi Ryo


هي بطله هذا المسلسل و هي شخصية مرحة و مضحكة و تونس بس شوية غبية و حلم حياتها ان تصبح نجمه ال Kaleido Stage وهي معجبة ب Yuri لانه مشهور وشايفته بالتلفزيون شكله كول :cool:
و لما دخلت المكان مو مصدقة انها بين المشهورين و طبعا دايما تسوي حركات عبيطة و تفشل روحها :boggled

_____________________

http://kitten1984.jeeran.com/kaleidostar/mia.jpg

الاسم : Mia Guillem
العمر : 16
الدولة : هولندا
اداء الصوت : Nishimura Chinami

شخصية طيببة و هي صديقة سورا و آنا و تحب سوالف الدراما و الكمبيوتر و تتمنى انها تستخدم خبرتها بالكمبيوتر علشان تساعد في ال Kaleido Stage

_____________________

http://kitten1984.jeeran.com/kaleidostar/anna3.jpg

الاسم : Anna Heart
العمر : 16
الدولة : امريكا
اداء الصوت : Watanabe Akeno

هي صديقة سورا و ميا و شكلها شوي صبيك لكن حلوة و شخصيتها وايد حلوة علشان جذي البنات كله يحبونها
و من جانب ثاني هي متأثرة بابوها الممثل الكوميدي :p فوايد تشوفونها تستخف دمها علشان تضحك الناس بس دايما هالشيء يفشل ( لووول مسكينه دمها ثقيل بس انا كل مرة اموت عليها من الضحك عجيييبة :biggthump )
____________________

http://www.we-love-anime.com/gallery...0Star01036.jpg

الاسم : Layla Hamilton
العمر : 17
الدولة : امريكا
اداء الصوت : Oohara Sayaka

هي شخصية مغرورة و متكبرة و شديدة و هي الشخصية الاساسية في كل استعراض بسبب موهبتها في كل شيء و دايما عروضها هي احلى العروض و هي بنت عائله غنية و هذا جعل والدها مشغول ( فما عنده وقت يجابل بنته فكان يعطيها كل شيء بس خل تفكه :tongue2: )
و دايما تسوي عروضها مع يوري :icon6:


يتبع ...

http://www.we-love-anime.com/gallery...0Star01060.jpg

الاسم : Yuri Killian
العمر : 18
الدولة : روسيا
اداء الصوت : Chiba Susumu

شخصية هادئة و كول و هو يسوي العرض الاساسي مع ليلى ( بس بعض مرات يبط جبدي لان ليلى مسويته كانه خدامها ... تقوله تعال ... و يلحقها ... ودني هالمكان .... يوديها :boggled: )
و طبعا كل البنات يحبونه و معجبين فيه و دايما يتصرف تصرفات كول و يساعد سورا و ينصحها :icon6:
بس هو شخصية غامضة صعب تعرف تفكيره ( يمه :wow: )

_________________

http://kitten1984.jeeran.com/kaleidostar/ken.jpg

الاسم : Ken Robbins
العمر : 18
الدولة : امريكا
اداء الصوت : Shimono Hiro

شخصية طيبة و يحب الجمباز و ال Kaleido Stage لكن لان فيه مرض بالقلب فما يقدر يسوي عروض فعلشان جذي هو بس يشتغل هناك مدير وراء الكواليس و يدربهم و يشوف العروض ( مسكييييييين :( )
له مشاعر تجاه سورا لكن كل ما يبي يقول لها ما يقدر بسبب توقيته الخطأ ( مسكين كل ما يبي يقول لها لازم احد يدش عرض و طبعا الغبية سورا ما تقصر حدها ما تفهم الله يعينه :boggled: )

_________________

http://kitten1984.jeeran.com/kaleidostar/owner.jpg

الاسم : ( Karlos Eido (Owner
العمر : غير معروف
الدولة : البرازيل
اداء الصوت : Fujiwara Keiji

كارلوس هو مالك ال Kaleido Stage وهو السبب في دخول سورا الى المكان بعد تأخرها ( مو عبالكم واسطة :p ) لا لان حس انها موهوبة و انها راح تكون نجمة بالمستقبل ( حشا عنده حاسة سابعة :bigeyes: )
شخصية صارمة وطيب بنفس الوقت لكن ما يطلع طيبته :31:
________________

http://kitten1984.jeeran.com/kaleidostar/sala.jpg

الاسم : Salah Dupont
العمر : 29
الدولة : بريطانيا
اداء الصوت : Hisakawa Aya

هي اميرة الغناء في الKaleido Stage صارلها 10 سنين تغني هناك ( عفنت هناك :tongue2: )
و هي شخصية غبية و مطيورة و اللي يشوفها عباله انها كول مثل ما انخدعت فيها سورا و انصدمت بشخصيتها عقب ما عرفتها :bigeyes:
و هي تحب الكاراتيه و تطلع حرتها فيه و دايما تساعد سورا باشياء و مدربين غريبين :p
و لها صداقة و مشاعر قوية تجاه كارلوس ( المالك )


يتبع ...

http://kitten1984.jeeran.com/kaleidostar/fool3.jpg

الاسم : Fool
الدولة : فرنسا
اداء الصوت : Koyasu Takehito

هو يقول عن نفسه انه "The Spirit of the Stage" و مو اي احد يقدر يشوفه بس اللي لهم مستقبل بال Kaleido Stage و الجمباز يقدرون يشوفونه و يكون مرئي لهم و سورا قدرت تشوفه ( مسكينه اول شيء هي عبالها خرفت :p )
و هو قزم طولة 30 سم و مايستحي على ويهه و قليل ادب ( pervert :boggled: ) و دايما يتحرش بسورا و يبي يشوفها وهي تتسبح فعلشان جذي هي تعلقه عقابا له ( زين تسوي فيه العبيط ;) )

___________________

http://kitten1984.jeeran.com/kaleidostar/leon.jpg

الاسم : Leon Oswald
الدولة : فرنسا
اداء الصوت : Sakurai Takahiro

هو مشهور عالميا لمهاراته العالية لكن قلبه اسود و ما يشفق على احد :31:
و يعتقد ان المقابلة له بروحة و مو لاحد ثاني ( اناني :boggled: )

_________________

http://kitten1984.jeeran.com/kaleidostar/may.jpg

الاسم : May Wong
الدولة : امريكا
اداء الصوت : Nakahara Mai

فتاه ماهرة في ال Kaleido Stage و هي تعتقد انها افضل شريكة لليون و انها ستصبح نجمة ال Kaleido Stage المميزة

يتبع ...

الشخصيات الثانوية :
__________________

http://kitten1984.jeeran.com/kaleidostar/yellow.jpg

الاسم : Marion
الدولة : امريكا
اداء الصوت : Orikasa Tomiko

طفله في البداية كانت بس تتمسخر على الناس وتعيب عليهم بسبب موت امها بس بعدين تسنعت :)
امها كانت خبيرة جمباز فماريون كانت تحب الجمباز وايد
و دايما تقعد مع الفقمة جوناثان
و ابوها هو Jean

_________________

http://www.we-love-anime.com/gallery...0Star01064.jpg

الاسم : Jean
الدولة : امريكا

هو ابو ماريون و هو اللي بنى ال Kaleido Stage
و هو اب طيب يسوي اي شي لبنته :biggthump

________________

http://www.we-love-anime.com/gallery...0Star01020.jpg

الاسم : Jonathan
اداء الصوت : Kozakura Etsuko ( الحمد لله والشكر حتى هذا بعد له واحد يادي صوته :p )

هو فقمة لقتها سورا على الشاطيء فكسر خاطرها و خذتها :(
و هو يحب السمك و يحب يلعب بالكور وايد
و ابو ماريون ( جين ) سواله حوض سباحة ( بعد اشيبي كشخه :cool: )
و هو اول حيوان خلوه يدخل ال Kaleido Stage.

_______________

http://www.we-love-anime.com/gallery...0Star01028.jpg

الاسم : Rosetta Passel
الدولة : بلجيكا
اداء الصوت : Mizuhashi Kaori

هي كانت بطلة العالم في لعبة الشيطان ( عبارة عن الواح تحركهم بخيوط :أفكر: ) لما كان عمرها 9 فكانو يسمونها عبقرية هذه اللعبة :icon6:
طبعا هي كانت تتفلسف على الناس لانها بطله العالم بس بعدين شوفوها شلون راح تتعدل :D


يتبع ...

http://kitten1984.jeeran.com/kaleidostar/charlot.jpg

الاسم : Charlotte
اداء الصوت : Oomori Reiko

وحدة سخيفة بس تقعد وتحش مع صديقتها جولي و يتمصلحون عند ليلى سان :31:

______________

http://kitten1984.jeeran.com/kaleidostar/jule.jpg

الاسم : Julie
اداء الصوت : Abiru Masaru

صديقة شارلوت طبعا هي بعد مليقة و بس تقعد تتحلطم و تحش بالناس و لها عادة انها تقول كلمة (poi) عقب كل جملة ( كاوايي :08: )

____________

http://kitten1984.jeeran.com/kaleidostar/police.jpg

الاسم : Mr. Policeman ( الشرطي )
اداء الصوت : Ishizuka Unsho

هو اول معجب (1 Fan ) لسورا و هو شرطي طيب ساعدها و شاف عرضها في ال Kaleido Stage


يتبع ...

هذه لقطات من المسلسل :

http://www.we-love-anime.com/gallery...0Star01068.jpg http://www.we-love-anime.com/gallery...0Star01019.jpg

http://www.we-love-anime.com/gallery...0Star01017.jpg http://www.we-love-anime.com/gallery...0Star01014.jpg

http://www.we-love-anime.com/gallery...0Star01016.jpg http://www.we-love-anime.com/gallery...0Star01013.jpg

http://www.we-love-anime.com/gallery...0Star01061.jpg http://www.we-love-anime.com/gallery...0Star01063.jpg

http://www.we-love-anime.com/gallery...0Star01071.jpg http://www.we-love-anime.com/gallery...0Star01058.jpg

http://www.we-love-anime.com/gallery...0Star01026.jpg http://www.we-love-anime.com/gallery...0Star01012.jpg

http://www.we-love-anime.com/gallery...0Star01030.jpg http://www.we-love-anime.com/gallery...0Star01035.jpg

http://www.we-love-anime.com/gallery...0Star01044.jpg http://www.we-love-anime.com/gallery...0Star01046.jpg

http://www.we-love-anime.com/gallery...0Star01052.jpg http://www.we-love-anime.com/gallery...0Star01040.jpg

يتبع ...

و هذه لقطات كوميدية من المسلسل :

http://www.we-love-anime.com/gallery...0Star01021.jpg http://www.we-love-anime.com/gallery...0Star01024.jpg

http://www.we-love-anime.com/gallery...0Star01033.jpg http://www.we-love-anime.com/gallery...0Star01037.jpg

http://www.we-love-anime.com/gallery...0Star01038.jpg http://www.we-love-anime.com/gallery...0Star01039.jpg

http://www.we-love-anime.com/gallery...0Star01043.jpg http://www.we-love-anime.com/gallery...0Star01045.jpg

يتبع ...

و هذه خلفيات للانمي wallpapers

1

2

3

4

5

6

7

8

9

10

11

12

13

14

يتبع ...

و هذه بعض صور اغلفة المانغا و الديفيدي ( ضغطوا عليها :) )

http://www.we-love-anime.com/gallery...0Star01007.jpg

http://www.we-love-anime.com/gallery...0Star01001.jpg

http://www.we-love-anime.com/gallery...0Star01006.jpg

http://www.we-love-anime.com/gallery...0Star01003.jpg

http://www.we-love-anime.com/gallery...0Star01005.jpg

http://www.we-love-anime.com/gallery...0Star01004.jpg

http://www.we-love-anime.com/gallery...0Star01008.jpg

http://www.we-love-anime.com/gallery...0Star01009.jpg

يتبع ...

اغاني البداية :

1- "TAKE IT SHAKE IT" عن Sugar ( من حلقة 1 – 13 )
2- "Yakusoku no bashe e" عن Chihiro Yonekura ( من حلقة 14- 26 )
3- "Tattoo Kiss" عن r. o, r /s ( من حلقة 27 – 52 )

اغاني النهاية :

1- "real Identity" عن Sugar ( من حلقة 1- 13 )
2- "Boku wa kokoni iru" عن SOPHIA ( من حلقة14-26 )
3- "escape" عن r. o, r /s ( من حلقة 27 – 52 )

________________


اسامي الحلقات :

01 First Time! Amazing! Stage
02 Lonely Amazing Challenge
03 Distant Amazing Stage
04 If I Work Hard Amazing Chance
05 Always Amazing Distant Family
06 Small and Amazing Seal
07 Amazing Girl that Doesn't Smile
08 Even if its Painful Amazing Stage
09 Amazing Challenge of the Lead Role
10 Amazing Wall of the Lead Role
11 Anna's Not So Amazing Father
12 Hot Amazing Production
13 Call the Storm Amazing Co-act
14 Mysterious Amazing Circus
15 The Singing Princess' Amazing Love
16 Dark Amazing Rumor
17 Burn! Amazing Mia
18 Yuri's Amazing Trap
19 Family's Amazing Bond
20 From Zero Amazing Start
21 Riddle's Amazing Masked Star
22 Under the Mask Amazing Resolution
23 Illusion's Amazing Act
24 Still Continuing Amazing Training
25 Their Amazing Bond
26 Covered by the Wound Amazing Revival
27 The Star's Amazing Prologue (first half)
28 The Star's Amazing Prologue (second half)
29 New Amazing Rival
30 Another Amazing Newcomer
31 The Passionately Amazing Rival
32 Above the Ice Amazing Showdown
33 Sweat and Tears Amazing Rosetta
34 After All Amazing Layla-san
35 Marion's Amazing Debut
36 With Leon's Amazing Intense Training
37 The Two's Amazing Devil
38 Angel's Amazing Comeback
39 Cruel Amazing Festival
40 Hopeless Amazing Return Home
41 The Fresh Start's Amazing Decision
42 The Humiliating, Amazing Co-Act
42 Mr. Policeman's Amazing Propose
44 The Smiling Amazing Take Off!


________________


وهذا الموقع الياباني للانمي حلو ( بس نحس ما يخلون احد يسيف الصور :( )


http://www.kaleidostar.jp/

التنزيل

و من هالموقع تقدرون تنزلون الحلقات الاولى دايركت ( بس ما يفتح الا من الساعة 1و نص بالليل الى 5 او6 الصبح :boggled: )
http://get.animeslovenija.org:8000/Series/Kaleido_Star


و هذا الموقع تقدرون تنزلون منه الانمي بالتورينت ( بس الحلقات من 33- 38 )

http://chibineko.student.utwente.nl/...p?page=torrent


و الباقي نزلوه من الdc ++ او اي ماكن ثاني :D


يتبع ...

رأيي الشخصي :

الانمي وااايد حلو من كل النواحي صج انه مو وايد مترابط بس كل حلقة استمتع فيها و بالجمباز اللي فيه و الانمي في كوميديا للي يحبون الانمي الكوميدي و الضحك :biggthump
بس الانمي بناتي شوي


القصة : : وايد حلوة يعني تبين شلون الانسان يحقق احلامه و يصر على التميز وطبعا لازم يمر الواحد بمصاعب يتخطاهم بالنهاية باصراره و شلون يكون الواحد صداقات و غيرها :)

الرسم : : الرسم حلو ودقيق يعني اولانهم حلوة والانمي يديد و الاشكال حلوة وفي اشكال كيوت مثل سورا و صديقاتها و في اشكال كول مثل ليلى سان و يوري و طبعا كل الانواع موجودة :cool:

الاغاني : وايد حلوة وتشد الواحد من البداية :bigeyes:

الشخصيات : : الشخصيات عجيييبة يعني سورا غبية وهبلة بس قعدوا و ضحكوا عليها و صديقاتها انا و ميا يونسون و ليلى سان كول بس شايفة روحها و يوري بعد وايد حلو وكول و مسكين كين اللي سورا مو ماعطته وجه و فول بعد يموت من الضحك pervert ما ادري شلون سورا مسكينة معاه بالغرفة على طول ( قطيعة ما تاخذ راحتها :boggled: )
و الباجي بعد يونسون صج في جم شخصية غثيثة بس مالنا شغل فيهم ;)
و احلى شيء بالانمي ان شخصيات وايد تطلع فيه :biggthump
يعني بصراحة الانمي عجيييب :biggthump

تقييمي :

القصة : 10/9
الرسم : 10/10
الاغاني : 10/10
الشخصيات : 10/9.5
الانمي كله : 10/9.5

http://kitten1984.jeeran.com/kaleidostar/bye.jpg

آخر موضوعي ما اقول الا ان شاء الله يعجبكم وتشوفون الانمي قبل ما يروح عليكم ;)

مع السلامة ;)

اففف

اخيرا خلصتي

مشكورة على التقرير الحلو

ماشاء الله ~Kitty~ استعراض كوول <<<<<<<< متأثر بالتقرير :tongue2:
توقيته احسن لانكي استنيتي اختك تنشغل بالدراسة ورحتي سويتي التقرير على شان ما تسرقه وتسويه قبل زي ماصار قبل :tongue2:
للاسف هل انمي مادخل راسي بعد هل تقرير جمباز ومادري ايش اللخبطة دي ^^
هل اشيا ما احس يمكن انجذ ليها

من الاشيا الحلوة في هل انمي غير كثرة الشخصيات ^^ جنسياتها فمنها :

اليابان - هولندا - امريكا - روسيا - بريطانيا - البرازيل - فرنسا - بلجيكا

تشكيلة جميلة :33:

بس قصته ما عجبتني واجد

اقتباس:

---

( بس نحس ما يخلون احد يسيف الصور http://montada.com/images/smilies/frown.gif )

---

بس انا فوق القانون شوفي : :D
http://cool0072007cool.jeeran.com/img_fanclub4.gif
فوين شايفة هل صورة قبل؟ :D

اقتباس:

---

القصة : :

---

اقتباس:

---

وايد حلوة يعني تبين شلون الانسان يحقق احلامه و يصر على التميز وطبعا لازم يمر الواحد بمصاعب يتخطاهم بالنهاية باصراره و شلون يكون الواحد صداقات و غيرها http://montada.com/images/smilies/smile.gif

---

الناس ما زهقت من هل فكرة ؟ :31:
احسها قديمة >_< ومستهلكة

اقتباس:

---

الاغاني :

---

اقتباس:

---

وايد حلوة وتشد الواحد من البداية

---

http://messenger.msn.com/MMM2004-08-...cons/50_50.gif اغاني تشد الواحد من البداية ؟

اقتباس:

---

صديقاتها انا و ميا يونسون و ليلى سان

---

انتي صديقتها :tongue2:

اقتباس:

---

تقييمي :

---

اقتباس:

---

القصة : 10/9
الرسم : 10/10
الاغاني : 10/10
الشخصيات : 10/9.5
الانمي كله : 10/9.5

---

ادري ان الناس اذواق وكل شخص يختلف عن الثاني
بس
مو كأنه يعني شوي تقييمك وااااااااااااجد عليه ؟ :33:
يعني ويش هل انمي الى بياخذ هل نسبة ؟
قصته حرام تعطيها 9
الاغاني لو هي زي ماتقولي حلوه كان وصلني خبر وسمعتهم ^^ بس انتي عاطتنهم 10 :bigeyes:

الانمي كله 9.5 حرااااااام :bigeyes:

بس يلله كل واحد وذوقه :biggrin:

=--=-=-=-=-=
على فكرة موقع We love anime ماتقدر تاخذي منه صور لانهم مركبين نظام يمنع وضع وصلات صورهم
يعني الصور اكثر من نصهم ما يطلعو
لو انتي رافعتنهم في جيران وله اي موقع ثاني كان احسن
-_-" ماعليش الكل يرتكب اخطاء اول مرة <<<<<<<<< اول تقرير لك صح ؟ :33:

وان شاء الله نشوف مواضيع حلوه في المستقبل

كــوووووول
الله يعطيش العافية اختي ~Kitty~
ومشكورة على التقرير الرائع وماتقصرين :)

السلام عليكم... كيف أحوالك أختي! إن شاء الله بخير... أشكرك على هذا التقرير و الموضوع الرائع كعادتك, بصراحة إلى الآن لم أنهي من قراءة الموضوع و لكن قرأت بعض منه و أعجبني تعليقاتك كالعادة ^^ الأنيمي ما شفته بعد و لكن سمعت عنه و شفت له عدة صورة في مواقع الإنترنت, و بموضوعك بعرف عنه أكثر و بيوفر وقتي في البحث عنه و في تفكيري في مشاهدته أم لا, لكن أحب أسألك عن هذه الشخصية!!؟

http://kitten1984.jeeran.com/kaleidostar/fool3.jpg

هل حقا هو قزم!! لأن ملامحه لا يبدو عليه ذلك!!؟

و شكرا لك مرة أخرى أختي العزيزة على الموضوع و إن شاء الله إنشوفك على خير... و السلام عليكم...

هلا ~Kitty~ تقريرج جميل كالعاده و وايد حلو >>> نادر ما اقرا كل حرف في تقرير معين قريت كل شي لأنه يونس وحلو :D
بالنسبة للشخصيات اللي احسهم فله هم
http://kitten1984.jeeran.com/kaleidostar/anna3.jpg http://kitten1984.jeeran.com/kaleidostar/sala.jpg
وخاصه ذي
http://kitten1984.jeeran.com/kaleidostar/fool3.jpg
معقوله انه قزم و قليل ادب لا واسمه بعد fool !! اللي يشوفه بيقول شرير ومتكبر وطبعا ذا قامه طويله مب قصير
http://kitten1984.jeeran.com/kaleidostar/leon.jpg http://kitten1984.jeeran.com/kaleidostar/charlot.jpg
ماكنت اعرف ان له منجا !! يمكن كاتب القصه مب مشهور هل اسم المنجا نفس الانيم ولا اسمه غير بالياباني ؟؟
بالنسبه للقصه انا شفت له صور من قبل بس ماتوقعت انه عن جمباز و سيرك حسبته مثل باقي الانيميات البناتيه التقليديه بنت تتحول وتحارب الشر خاصه في صور للبطه وحوليها بنات فحسبته منهم فما اهتميت له بس بما ان جذي قصته لازم اشوفه خاصه ان الانيم طويل فشكل القصه فيه حلوه وهو مرخص لذا من السهل الحصول عليه :D
هذه اغلفة الديفيديات الامريكيه :08:
http://www.discountanimedvd.com/dvd_images/8566.jpg http://www.discountanimedvd.com/dvd_images/8565.jpg http://www.discountanimedvd.com/dvd_images/8980.jpg http://www.discountanimedvd.com/dvd_images/9864.jpg http://www.discountanimedvd.com/dvd_images/12070.jpg
هنا الموقع الرئيسي للأنيم بالانجليزي موقع وايد حلو ومرتب
http://www.advfilms.com/titles/kaleidostar/
مخرج المسلسل هو junichi sato ومن اعماله :
Gate Keepers
Gegege no Kitaro
Junkers Come Here
Keroro Gunso
Kimama ni Idol
Kingyou Chuuihou!
Magic User's Club
Maple Town Monogatari
Maple Town Stories
Osawaga! Super Baby
Pretear
Princess Tutu
Sailor Moon
Sailor Moon R
Slayers Premium
Strange Dawn = الحماة الابطال على سبيس تون
وشكرا

King Of Hearts

ادري طولت وانا احط الموضوع ( بس علشانكم )
العفو اخوي و مشكور على الرد :)

______________

TNT-BOY

اقتباس:

---

من الاشيا الحلوة في هل انمي غير كثرة الشخصيات ^^ جنسياتها

---

اي لان مثل ما قلت بموضوعي ان الناس يجون من كل الدول

اقتباس:

---

بس قصته ما عجبتني واجد

---

الناس اذواق و لا تحكم على الشيء قبل لا تشوفه و لان انا ما قلت لكم اشياء وايد علشان ما احرق المسلسل عليكم :31:

اقتباس:

---

فوين شايفة هل صورة قبل؟

---

اي بس الصور الباقي ما تتسيف هذه طلعت على حظك

اقتباس:

---

الانمي كله 9.5 حرااااااام

---

لا تحكم على الشيء و انت مو شايفه
روح شوفه و مو حلقة او حلقتين شوف جزء منه و بعدين قول رايك
و عموما انا مو نحيسة بالدرجات :31:
و مكتوب((((( رايي الشخصيي)))))يعني كيفيي اكتب رايي اللي ابيه اما تقييم موقع انمي انفو حاطته فوق 8.8/10 :31:

اقتباس:

---

يعني الصور اكثر من نصهم ما يطلعو

---

غريبة انا الصور كلهم يطلعون عندي ؟؟

اقتباس:

---

-_-" ماعليش الكل يرتكب اخطاء اول مرة <<<<<<<<< اول تقرير لك صح ؟

---

تقريري الاول!!!!!! :bigeyes: :p

عموما مشكور على الرد :)

_________________

المدهش

الله يعافيك و الحمد لله ان الموضوع عجبك ;)

________________

DarkLordDragon

اقتباس:

---

السلام عليكم... كيف أحوالك أختي! إن شاء الله بخير...

---

الحمد لله اخوي وينك مختفي عن المنتدى شلونك انت بعد ان شاء الله بخير :)

اقتباس:

---

و بموضوعك بعرف عنه أكثر و بيوفر وقتي في البحث عنه

---

الحمد لله اني افدتك :08:

اقتباس:

---

هل حقا هو قزم!! لأن ملامحه لا يبدو عليه ذلك!!

---

لووووول اي قزم ( لايكون الصور صج ما تطلع عندكم حاطته انا باللقطات الكوميديه للمسلسل :06: )
http://kitten1984.jeeran.com/kaleidostar/come3.jpg

مشكووووور اخوي على الرد اللطيف و ان شاء الله نشوفك و مع السلامة ;)

______________

weiss_girl

اقتباس:

---

نادر ما اقرا كل حرف في تقرير معين قريت كل شي لأنه يونس وحلو

---

مشكورة بعد عمري والله هذا من ذوقج :o

اقتباس:

---

بالنسبة للشخصيات اللي احسهم فله

---

ماشاء الله ذوقج عجييب لانهم صج شخصيات تينن :biggthump

اقتباس:

---

معقوله انه قزم و قليل ادب لا واسمه بعد fool !! اللي يشوفه بيقول شرير ومتكبر وطبعا ذا قامه طويله مب قصير

---

صح لووووول لا بعد اسمه عجييب يصلح له :D

اقتباس:

---

ماكنت اعرف ان له منجا !! يمكن كاتب القصه مب مشهور هل اسم المنجا نفس الانيم ولا اسمه غير بالياباني ؟؟

---

ما ادري حبيبيت بس انا كنت غلطانه لان الصور هي اغلفة الديفيديات اسفة :09:

اقتباس:

---

ماتوقعت انه عن جمباز و سيرك حسبته مثل باقي الانيميات البناتيه التقليديه بنت تتحول وتحارب الشر خاصه في صور للبطه وحوليها بنات فحسبته منهم فما اهتميت له بس بما ان جذي قصته لازم اشوفه خاصه ان الانيم طويل فشكل القصه فيه حلوه وهو مرخص لذا من السهل الحصول عليه

---

اي صح تحسين ان الانمي غير عن الباقي و ان شاء الله راح يعجبك انتي شوفي كم حلقة وماراح تخلينه :biggthump

ومشكورة حبيبتي على الصور و المعلومات و مشكورة على الرد الحلو و الله ونستيني :)

هاي كيتي ^_^

موضوع روعة والانيمي اينن يصلح حق البنات وأنا اموت على الإنيمات إلي جذي مثلاً
مغنية أو مذيعة احب الانيمات إلي عن هالأشياء والأحلى بهذا الانيمي إن الشخصيات
من دول مختلفة واحلى شخصية هذي إلي من هولندا
http://kitten1984.jeeran.com/kaleidostar/mia.jpg

أحسها طيبة ومتفائلة ^_^ ......
المسلسل حلقاته وايد وقصته حلوة فراح يكون المسلسل يونس ^_^ وفيه
احداث وايد إنشاء الله أشوفه باقرب فرصة لكن كيتي الكوميديا إلي فيه
وايد يعني يوصل لدرجة السخافة ..... ثانكس كيتي ^^ وإذا سمحتي انا عندي
شي ودي اضيفه عن مؤديين الاصوات .... ممكن ^^

هلا حبيبتي ران
مشكورة حبيبتي على الرد اللطيف و الحمد لله ان الموضوع عجبج :)
شخصية ميا واااايد حلوة وتونس طيبة ووايد تفيدهم بسوالف الكمبيوتر و كتابة القصص ^^
( لان الجمباز اللي يسونه يكون على قصة مو بس يناقزون لايكون فيه قصة اما رومانسية او حزينه )
اي صح لان انا الحين قاعدة اكمله و واصلة حلقة 25 و الاحداث صارت احلى حتى الشخصيات اللي كاتبة عنهم تغيرت صفاتهم بس حسافة ان فيه الى حلقة 38 بس و لازم انطر :(
الطيب صار شرير و الشرير صار طيب فعلشان جذي انا كتبت بس قصصهم من اول شيء علشان ما اخرب عليكم ^^
لا الكوميديا وايد حلوة مو مثل الانمي اللي كله ضحك لا ( لا تخافين حتى انا ما احب الكوميديا لدرجة السخافة ) راح يعجبج ان شاء الله ^^
تفضلي حبيبتي ضيفي اللي تبينه وااااي مشكورة لا تتعبين روحج ^^

______________________

و عن fool ترى هو مو قزم( اعضائه قصيرة ) لا انا قصدي انه صغير 30 سم ( اخاف فهمتوني غلط )

مع السلامة

هااااااااااااي كيتي ^^
شلوونج اليوم ؟؟؟ و شخبارج ^^
شنو هذي التقارير العجيبة !!!!! ^____^
بصراحة شكل الانمي كوميدي !! و انا هم اختي قالتلي عنة ..ما حبيت اقرا شنو القصة بالضبط علشان ما اخرب على عمري ^^ بس الرسم ايشوووووق ^ ^
و اغلفة الديفيديات حدهااا كيووووووووووووت !!
احلى مافية عدد الحلقات ...مو مثل انميات هل الوقت يا 26 ...لا الحين طالعين بموضة ال13 حلقة !! ليش يعني !! ما يمديك تتعلق فية إلا خلص XD
بس في سؤال يخطر على بالي ....اللة اسلمج الحين انا شفت صور بنات ..الي اتوقع هم الشخصيات الرئيسية ...بس في شباب و لا لا ّ؟! <--- قاعدة احاتي الجانب الرومانسي بالقصة XD
مرة ثانية يا كيتي التقرير عجيب ...و مشكوووورة على الانمي الحلو ^^ انا راح انزلة ان شاءللة عن قرييييييب ^^

Ya slaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaam
Excellant Topic from you my friend Kitty...it's the best I've Ever Seen...I like this kind of Animation it really Rocks ...:biggrin: ..The Anime Looks Little Weird .. :boggled: BUT COOL ANYWAY..what I really liked on that anime is that the characters are from diffrent countries & place >>that's the weird I have pointed in..all of the character are looking Ok :biggthump just like Ya..also I've read the story it's also Great ;) ..and also I Liked your personally reviews :jester: .., and I'm gonna get this anime as soon as I Can ..
Thanks To You for your Amazing Topic...I Loved it And I Hope You Keep On Rocking Cuz You're Good At it :biggrin:

bye bye

Tokimeki

الحمد لله تمام انتي شلونج ;)

كوميدي وقصته حلوة :biggthump
لوووول اي والله ولا ال13 حلقة مايمديج تستوعبين الانمي :p
اي في شباب ما شفتي yuri و karlos و ken و leon عجيبين حدهم الانمي فيه شوية رومانسية بس مو مركزين على الرومانسية ( بس فيه :أفكر: )
مشكوووورة يا بعد عمري على الرد الحلو و ان شاء الله تشوفيه ويعجبج ;)

_________________________

Avril_Lavigne

هلا حبيبتي ايفريل شلونج ;)

صح الانمي شوي غريب بس لان الناس ايون من كل الدول علشان يختارونهم في هالمكان الكول و يصيرون نجوم
مشكورة يا بعد عمري والله هذا من ذوقج :08:
و ان شاء الله يعجبج الانمي :biggthump

مع السلامة

شكراا ليكي اخت كيتي على التقرير الكويز اوي للانيميشيان دة...انا مفكر انزلة بس انا بأول ان الانيميشيان اللي حلآتة تكون اكتر من 50حلقة بتكون بطيئة نوعا ما والحلقات مافيهاش اسارة ابدا.:biggthump
وشكراا مرة تانية.

مشكور اخوي Amuro Ray على الرد اللطيف و الحمد لله ان الموضوع عجبك :)

صح كلامك وان شا ءالله تشوف هالانمي و يعجبك ;)

Bye Bye

موضوع عجيب...يعطيج العافية و مشكورة ... :D

عاد والله من زماااان على الانمي يبيله انزل او اشتري... :tongue2:

العفو اخوي Yuji و الله يعافيك :)

و اذا من زمان مو شايف انمي صج يبيلك تشوف او تنزل و ان شاء الله يعجبك هالانمي لانه وايد حلو :biggthump
( مو مثلي انا مت من الانمي قاعدة طول العطلة 3 اشهر وانا انزل واشوف بس الحين راح تبدى الجامعة و راح اريح شوي من الانمي :09: )

مشكور اخوي على الرد و باي باي ^^

هاااااي ^^ امس اختي قالتلي تبي انمي تشترية ...عاد اول شيء طارا على باليKaleido Star ...عاد هي توها شافتها و حدا عجبهاااا !!!! ابي ارد البيت بأسرع ما يمكن و أشوووفة ....*So EXCITED* :D

لوووول وناسة يلا روحي شوفيه و ان شاء الله بيعجبج ;)

ألحين بحط شوية معلومات عن مؤديين الأصوات ^^

Hirohashi Ryou

http://www.animenewsnetwork.com/imag...yc/P8851-5.jpg

الاسم بالياباني : 広橋涼

تاريخ الميلاد :5 - 8

مكان الولادة : Niigata, Japan

فصيلة الدم : O

http://www.aoni.co.jp/talent/0832929.html

أعمال أخرى .......

Chobits قامت بأداء صوت Maid persocom

http://www.animenewsnetwork.com/imag...umbnail.90.jpg


Mahou Shoujo Tai Arusu (TV) قامت بأداء صوت Ava/Eba

http://www.animenewsnetwork.com/imag...umbnail.90.jpg


Sonic X (TV) قامت بأداء صوت Tails

http://www.animenewsnetwork.com/imag...umbnail.90.jpg


وشاركت في أعمال أخرى منها ..........
Beyblade G-Revolution

http://www.animenewsnetwork.com/imag...umbnail.90.jpg



Chinami NISHIMURA إلي أدت صوت Mia Guillem في
http://www.animenewsnetwork.com/imag...yc/P3839-9.jpg
تاريخ الميلاد : 1970-11-18
مكان السكن : Chiba, Japan
فصيلة الدم : AB+

هذا موقع لها بالياباني ^_^
http://www.81produce.co.jp/lady/nisimuratinami.html

هي شاركت بأعمال وايد راح اذكر بعضها .....



Daa! Daa! Daa! (TV) قامت بأداء صوت Hanakomachi Momoka
http://www.animenewsnetwork.com/imag...umbnail.90.jpg


Blue Gender (TV) قامت بأداء صوت Elena
http://www.animenewsnetwork.com/imag...umbnail.90.jpg


Revolutionary Girl Utena (TV) قامت بأداء صوت Mari Hozumi (ep. 18)


http://www.animenewsnetwork.com/imag...umbnail.90.jpg

بس راح احط هذول ألحين لأني قلت تأخرت وايد ولازم احط شي والباقي إنشاءالله باجر ^_^

أقول توكي أنتي نفسي تحاتين الرومانسية .... لازم نعرض نفسنا على
دكتور يمكن فينا نقص في المشاعر :09:

كيتي عندي سؤال في حق هذا الانمي أوفا لأني لقيت إن في له أوفا بس مو عارفة
عنها أي شي :06:
Kaleido Star: New Wings Extra Stage (OAV)
http://www.animenewsnetwork.com/imag...umbnail.90.jpg

Tagrer momtaz walah 2tmana lej atawfeg n_n

I hope u can undarstand me lOooooooOl _^

*Ran*

مشكووووورة يا بعد عمري ران و يعطيج العافية على هالجهد
و عن الova الصراحة انا دورت بس اول مرة اسمع ان له ova لان حتى بانمي انفو لما اسوي سيرج عن هالانمي بس يحطونه انه 52 حلقة بدون اي ova ؟؟
وناسة يريت فيه ova ممكن حبيبتي تقولين لي من اي موقع عرفتي ان له ova :)

و مشكورة مرة ثانية ^^

______________

Tenshi

مشكورة حبيبتي على الرد الحلو ( عادي فهمت لووول ^^ )

و الله يوفقج انتي بعد ;)


مع السلامة

مشكوووورة على التقرير العجيييب (لازم تكتبين مفصل عن كل شي و تعبين روحج و تضيعين وقتج على التقارير ) (انا دايما اقول لها ان تكتب التقرير باختصار عشان تريح روحهها بس ما تسمع الكلام)

بس الصراحه الصراحه وايد حلو التقرير و كووووول

انا اصلا من ناحيتي نزلت الانمي كله (اللي تترجم بس 38 حلقه) و عجبني من صج
يعني انا اعطيه 10/10 و مو شويه عليه
لان طريقته اعجبتني
و خاصه الجمباز يعني حركه يديده (مليت من السحر و الضرب و المطاقق و المسخره الزايده ) يعني هذا الانمي طلع شي يديد
و خاصه ملابس الشخصيات واااايد حلوة لانهم كل مره يبدلون ملابسهم لان كل مره عندهم مسرحيه او عرض يديد لذلك يلبسون ملابس مختلفه و حللللوة
مثلا مره تلبس ملابس حوريه و مره غابات و مره غراصنه و مره ارنب و مره اميره يعني لبسهم واااايد حلو (مو مثل الانميات الثانيه اللي تعلق على ملابس وحده او شباصه وحده ما تغيرها حتى لو راحت حفله لازم تلبس هذي الشباصه حتى لو كان لونها مو ماشي و لا يكون فوشي يلوع الجبد )


على العموم هذا واحد من الانميات الكيوت اللي حبيتها من صج و اعتبره من التوب
مشكوووووورة حبيبتي على التقرير الكووووول

يعطيج العافية اختي كيتي على الموضوع الحلو هذا...انا اول مرة اسمع بهالانمي الحلو واول ما قريت القصة جاء في بالي سرك فركاي..حسيت انهم يتشابهون من وصفك للأبطال وطريقة لعبهم في السرك...

هذا موقع فيه صور لفركاي

انا لازم انزل هالانمي بس مشكلتي ما احب الانايم الطويلة:31: ( طفشانة من ناروتو:09: )

على العموم مجهود طيب اختي والى الامام دائما...

اي صح هذي صفحة المسلسل في تلفزيون طوكيو..http://www.tv-tokyo.co.jp/anime/kaleidostar/

وبعد التجول في النت قليلا ..لقيت 28 حلقة للمسلسل في الستريم لوود

kitten

اخيرا رديتي ( ما الومج مع الجامعه )
ميخالف حتى لو اتعب شوي على الاقل يعجب اللي بالمنتدى ^^ ( بعد شسوي )
اي والله شفتي القهر بس 38 حلقة نازلة وامس شفناها ( 38 ) واااااي قههههر متى تنزل اللي وراها :(
طبعا تعطينه 10/10 لان ذوقج حلو مثلي ^^
و صح اهم شيء الهدوم ( الملابس ) تحسين تغيير :أفكر:

العفو ومشكورة حبيبتي على الرد :)

_________________

alamal13

الله يعافيج حبيتي ^^

وااااو شالسيرك شكله حلو :wow: بس بالانمي طبعا احلى شكلهم كيوت اكثر ;)
مشكووورة بعد عمري على الموقع حده حلو :biggthump

لا نزليه لا يطوفج حتى لو طويل بس حلو ( يعني ناروتو عجيييب و طويل انا راضية بس خل يكملونه :08: )

مشكورة على الرد ;)

مع السلامة ^^

مع اني مأعرف شي عن لانمي لكن باين علي حلو:33:
لان اذا كأن من لسانك اكيد حلو;)

وتسلمي على التقرير الضخم:shock22:
النهاية:6147:

اقتباس:

---

المشاركة الأصلية كتبت بواسطة alamal13

يعطيج العافية اختي كيتي على الموضوع الحلو هذا...انا اول مرة اسمع بهالانمي الحلو واول ما قريت القصة جاء في بالي سرك فركاي..حسيت انهم يتشابهون من وصفك للأبطال وطريقة لعبهم في السرك...

هذا موقع فيه صور لفركاي

انا لازم انزل هالانمي بس مشكلتي ما احب الانايم الطويلة:31: ( طفشانة من ناروتو:09: )

على العموم مجهود طيب اختي والى الامام دائما...

اي صح هذي صفحة المسلسل في تلفزيون طوكيو..http://www.tv-tokyo.co.jp/anime/kaleidostar/

وبعد التجول في النت قليلا ..لقيت 28 حلقة للمسلسل في الستريم لوود

---

امول السيرك اللي حاطته موووو طبيعي شكله حده كوووول
احس اني حبيت الانمي اكثر لان حسيته انه واقعي اكثر بعد ما شفت الصور للسيرك اللي انتي حاطته

:shock22: :shock22:

مشكور اخوي devilmay cry على الرد اللطيف اخجلتني :08:
و الله يسلمك و ان شاء الله اذا شفت الانمي يعجبك ;)

بباي :ciao:

شكوووره على التقرير الضخم و الرائع...............

مشكورة Kitty :bigeyes: ما شاء اللة تقريركامل جميل :D

اولا مشكوووورة يالامل على وضع موضوعي بالمميزة ^.^

HiLL-Boy

العفو و الحمد لله ان الموضوع عجبك :)

بشائر

العفو حبيبتي بشاير و ان شاء الله يعجبج الانمي مثل ما عجبج التقرير ;)

لي الحين قاعده اعوبل بتنزيل الانمي ه>ا مو راضين الفان سب ينزلونه بسرعه
تخيلوا لي الحين بس نازله 43 حلقه افففففف متى ينزل الباقي يلااا يمكن بعد باجر تنزل 44 ^.^

ماني قادره انطر

معلومه يديده
الانمي بس 51 حلقه
و الحلقه 52 راح تكون سبشل , او في أ :reporter:

هااااااااااااااااي ^___^


اخيرا شفت YATTAAAAA !!! kaleido star :D
و طبعا الانمي حدااا حدااا cute !! و المسرح شنوووو عجيييييييييييييييب !!! و حتى الملابس اتينن !! طبعا علشان انا كمبيوتري امخرف و الDSL ما يشتغل رحت شريت اول جزئين ...يعني شفت للحين 10 حلقات
و اكييييد ابي اكملة !! :biggthump
ترا حدا يصير عجيييب لو احنا نقدر اناقز و نطير مثلهم !!! :lmao:
تدرين منو يضحكنى اكثر شيء ؟! Fool و خصوصا لما يصير pervert :jester:

ساااااااااانكس Kitty-chan لانج عرفتينا على الانمي :fing02:

انا اموت على شيء اسمة Plushies و حدهم كيووووووت !! بس بالنسبة ل Kaleido Star ما سوو غير plushie للفقمة :squint:

kitten
اي قطيعة وايد يطولون الحلقات اليديدة ...
افف قاعدين ننطر حلقة 44 :(

Tokimeki
هلا حبيبتي توكي شلونج :)
صح حدهم كيوت والهدوم بعد حلوة اي والله يريت لو كنا نقدر ننط مثلهم ^.^
لوووول عن فوول عجيب حتى اسمه يضحك^.^
وي عيل اذا عجبوج اول 10 حلقات كملي المسلسل وحده راح يعجبج لانه كووووول ما يتطوف ;)
لان بحلقات ال20 و ال30 راح تبدى سوالف يديدة عجيييبة و تشوق وتخليج تنصدمين وتستغربين شوفيه وقوليلي ;)
مشكورة على صورة اللعبة كاواييييي :)

تقرير رائع أختي
شكراً
بس ممكن وصلات الأغاني

اختي يمنع رفع المواضيع القديمة :33:
النهاية:reporter:

انا تابعت 26 حلقه والانيم نوعاً ما جيد لابأس به فهل هناك احداث جيده بقية المسلسل يعني المسلسل عبارة كله عن تدريبات ومسرحيات جديده يعني مافي دراما وتفاعل بين الشخصيات ... يعني لا احد يزعل احسه مسلسل كله تفائول وامل مافي مثلاً احداث قوية فيه مما يثير الضجر والملل فليس هناك اي تجديد...فهل سيختلف حال المسلسل من بعد هذه الحلقات ام نفس الشي

المسلسل يذكرني بglass mask بالرغم اني افضله على Kaleido Star لأنه واقعي اكثر وهناك بعض الدراما واثر في الشخصيات..