~ FABLE بين يدي الآن (قصتي معاها + مراجعتي الخاصة) ~

بسم الله الرحمن الرحيم
السلام عليكم و رحمة الله و بركاته,,,
===========
كيف حالكم شباب و أعضاء منتدى الإكس بوكس , من زمان ما كتبت موضوع في المنتدى :biggrin: , لكن إن شاء الله هذا الموضوع راح يعوضكم عن اللي طافكم :biggthump
===========
نبدأ بتعريف للعبة :
*********
إسم اللعبة : FABLE
نوع اللعبة : RPG
الشركة المطورة : Big Blue Box + Lionhead Studios
الشركة الناشرة : Microsoft
تاريخ الصدور : 14/9/2004
الموقع الرسمي : www.fablegame.com
===========
نبدأ أول شي بقصتي معاها:
قصتي مع هاللعبة بدأت من أمس , أو خلنا نقول قبل أمس , لأنه اليوم الأحد << يوم دوامات الله يستر:28: , رحت بسرعة مثل الطيارة لمجمع الرحاب علشان أشوف إذا اللعبة نزلت و لا لأ , دشيت على المركز الكويتي << يدري إنه جيم سنتر مفلس ما يجيب الألعاب إلا بعد إسبوع يعني تسحيب :08: , بعد ما دشيت سألت راعي المحل على ما أعتقد إسمه عبد الباسط :33: , المهم سألته قلت له ما نزل فيبل؟ , رد علي و قالي لأ باجر إن شاء الله << اللي هو أمس :biggrin: , قلت له خير إن شاء الله , المهم أمس رحت متأخر شوي , بالأول كنت ناوي أروح مبجر شوي << الساعة 5 العصر , لكن رحت للمحل الساعة تقريباً 9 بتوقيت الكويت (السادسة بتوقيت جرينتش :laughing: ) , المهم دشيت عليه و ما لقيت اللي أمس كلمته <<< عبدالباسط , لقيت واحد شعره فلافل و لابس نظارات , لكن الحمدلله قبل لا أدش لقيت خمس دسكات فيبل تقريباً <<< يا شباب ترى ما عديتهم عدل يعني آسف إذا غلطت :biggrin: , المهم دشيت على طول لا سلام و لا إحم و لا دستور قلت له فيبل فيبل على طول طلعها لي و كان قاعد يخربط مدري شنو كان يقول <<< ما فهم شي لووول , على ما أعتقد كان يقول أغلب الأغلفة مكسرة أو واحد كان يشوتها علشان جذي تكسرت , لكن الحمدلله نسختي كانت صاغ سليم , المهم قلت له بكم , قالي 18 دينار , الحمدلله كان معاي 20 دينار , شريت اللعبة , و بعدها رحت لجيم سنتر المحل الثاني , و شريت بالباجي برن أوت 3 , لكن ما راح أتكلم عنها :28: , الموضوع هذا لفيبل فقط , المهم بسرعة رحت البيت يمعود خلني ألحق ألعبها و أمزمز فيها شوي قبل لا تبدأ الدوامات , عاد أول يوم لا يحوشك ثقيل بشكل , المهم وصلت البيت , و أخذت الإكس بوكس و ركبتها <<< مغبرة و حالتها لا تسر لا حبيب و لا عدو , المهم شغلت الإكس و شقيت الكيس اللي كان يغطي الغلاف , و فتحت الغلاف , كوووووول الدفتر شكله عادي , لكن الديسك شكله كووول على اليسار حاطين صورة الولد , و على اليمين حاطين صورة واحد عيونه مبققه , الصراحة روعة , مبين من الغلاف إنه اللعبة خوش اللعبة و مظلومة.

المهم أخذت الديسك و ركبته في باب الإكس بوكس , و إشتغلت اللعبة , أول شي طلع واحد من شخصيات فيبل معاه سيف , غرز السيف بالأرض و بعدها الأرض إحترقت و طلعت علامة و شعار ليون هيد ستوديوز , بعدها طلع شعار بيج بلو بوكس :shock22: , و بعدها شعار ميكروسوفت , المهم بعدها طلع عرض البداية , لكني من الإستعجال طقيت ستارت و بديت اللعبة <<< بلا عرض بلا بطيخ خلنا نلعب بسرعة , المهم شفت القوائم , أول شي كانت نيو جيم و فيه قائمة لوود و فيه قائمة إكس بوكس لايف <<< أعتقد لتنزيل ملفات مستقبلية , يمكن أنواع قصات أو شغلات ثانية إكسسوارات , المهم طقيت نيو جيم و لعبت اللعبة , بداية اللعبة كأنك قاعد تطالع سيد الخواتم , الراوي يتكلم <<< لكنة بريطانية مغثة , يعوجون الحجي , المهم طقيت ستارت ماني فاضي أنا للمواويل هذي , بعدين طلع الولد اللي أنا راح أتحكم فيه , على فكرة ترى شكله واحد ما يتغير على ما أعتقد , يعني راح تبدأ بالولد اللي صورته موجودة بالغلاف , الولد هذا كان يسولف مع أبوه <<< أبوه سحت له زلوف تقول ألفيس بريسلي هههه , المهم بعد ما خلصت السوالف و البلبلات منه , تمشيت على راحتي و قعدت أشوت أي دجاجة أشوفها من الحرة , المهم كان ألقالي بنت صغيرة زعلانة , لعبتها ضايعة , دب لونه بني , المهم رحت أدور عن هالدب كان ألقالي واحد قصة شعره كأنه أحمد بدير , قالي أبيك تراقب الطريج لأني أبي أديها (هو ما قال أديها , قال نداء الطبيعة يعني إفهموها لمن تدش الحمام شنو تسوي إنت؟) , المهم سكبت فيه و تكلمت مع صبي صغير مبين عليه إنه شيطان , قالي أبيك تكسر البراميل مالت أخوي , المهم رحت و كسرت كل البراميل :evil: و طلعتلي صورة صغيرة بحجم إبتسامات المسنجر على شكل شيطان صغير , يعني معناتها إني عملت عمل شري هيع هيع , المهم بعد ما خلصت من هالطفل الغبي الشيطان , تمشيت و لا ألقى صبي صغير جبان و خواف , كان خايف من واحد عربجي , هالعربجي هذا كان يطق اللي أصغر منه , المهم الولد الصغير قالي أنا خايف أبيك تدوس في بطن العربجي بو خشم , المهم لقنته درس غير طبيعي في فنون القتال , خليت دمانه تصب من كثر الطق , المهم بعد ما كسرت راسه جاني و حب على راسي و قالي خلاص ما راح أعودها مرة ثانية , المهم بعد ما أنقذت الولد الصغير , قالي أبعطيك هدية صغيرة , و سبحان الله تدرون شنو عطاني؟ , عطاني الدب الصغير مال الطفلة الصغيرة اللي كانت زعلانة , المهم على طول طرت و رحت عطيتها اللعبة , بعدها تمشيت لقيتلي واحد شنباته تقول سنجام هندي , شنباته طوال , أعتقد بياع , قالي إنه عنده صندوق حلويات يهبل أنصحك تشتريه فقط بثلاث قطع ذهبية , و أنا كنت مفلس , المهم رجعت للوالد <<< في اللعبة مو في الصج , رحت و كلمته و عطاني قطعتين ذهبيتين , لأني سويت أعمال خيرية (مساعدتي للولد الصغير , و مساعدتي للبنت الصغيرة) , و الوالد طبعاً حذرني من الأعمال الشريرة , المهم تمشيت و رحت لمكان بعيد شوي , و لقيت أخت البطل , قاعدة بمزرعة حلوة بنص المزرعة تقريباً حاطين فزاعة للغربان , المهم كلمتها و قعدت تحن علي , قالتلي أو قعدت تذكرني بطريقة غير مباشرة بأنه اليوم عيد ميلادها , و قالتلي أنا مشتهية هدية اليوم , بعدها شوي مليت و ضاق خلقي , تعرفون باجر دوامات و طفيت اللعبة , و جيت علشان أكتب الموضوع , إن شاء الله يعجبكم :)
===========
هذي مقتطفات من اللعبة , مصورها من الجهاز:
http://members.lycos.co.uk/gamecenter88/FABLE_1.jpg
http://members.lycos.co.uk/gamecenter88/FABLE_2.jpg
http://members.lycos.co.uk/gamecenter88/FABLE_3.jpg
http://members.lycos.co.uk/gamecenter88/FABLE_4.jpg
http://members.lycos.co.uk/gamecenter88/FABLE_5.jpg
http://members.lycos.co.uk/gamecenter88/FABLE_6.jpg
http://members.lycos.co.uk/gamecenter88/FABLE_7.jpg
http://members.lycos.co.uk/gamecenter88/FABLE_8.jpg
===========
و أخيراً , أكيد قاعدين تنتظرون تقييمي لها , بعد لعبي للعبة من البداية طبعاً , التقييم كالتالي:
المقدمة = 10 <<< الصراحة ما شفتها , لكن أعتقد إنها جميلة إن شاء الله أشوفها مرة ثانية و أتمعن فيها أكثر
طريقة اللعب = 8.5 <<< مخيبة للأمال قليلاً , فيه شوية صعوبات , لكن التحكم بشكل عام مقبول
الرسومات = 10 <<< رسومات اللعبة هي أحلى شي فيها , أشكال الشخصيات كوووول , و حركات الشخصيات من شفاه و إيماءات و هالسوالف متوافقه رسومياً.
الصوت = 10 <<< الموسيقى شوي أوركسترالية , لكن الصراحة مناسبة للمكان و الزمان اللي الشخصية قاعده فيه
القيمة = 10 <<< أعتقد إن اللعبة جميلة , من أفضل ألعاب الإكس بوكس , و القصة أكيد راح تكون جميلة

التقييم النهائي = 9.7 سوبر كوووووول :

===========
ملاحظة : تابع الصور في الرد التالي.....

تابع الصور...... :biggrin: :
http://members.lycos.co.uk/gamecenter88/FABLE_9.jpg
http://members.lycos.co.uk/gamecenter88/FABLE_10.jpg
http://members.lycos.co.uk/gamecenter88/FABLE_11.jpg
http://members.lycos.co.uk/gamecenter88/FABLE_12.jpg
http://members.lycos.co.uk/gamecenter88/FABLE_13.jpg
http://members.lycos.co.uk/gamecenter88/FABLE_14.jpg
http://members.lycos.co.uk/gamecenter88/FABLE_15.jpg
http://members.lycos.co.uk/gamecenter88/FABLE_16.jpg
===========
تقبلوا تحياتي....أخوكم Cube_Lover^^

9.7 وانت لسه في بداية اللعبة:28:






:biggthump Coooooooooool
حمستني للعبة أكثر وأكثر:biggrin:

Thanks 4 the review and the funny stuff:laughing:

Byee

مبرووك اخوي عاللعبه :cool: ويالله مبروك عليك افتتاح المدارس والجامعات :p

بس انا ما افكر اشتريها اصلي :09:

بشتريها كوبي مع بيرن اوت يوم الاربعاء << كنت بروح امس بس كسلت :p

بس عندي سؤال عن الوقت باللعبه ، يعني كل كم دقيقه يتغير جو (نهار او ليل)

تقرير روعه مشكوور كيوب لوفر على التقرير الصراحه حمستنا للعبه
و الصراحه التقرير مضحك جدا :laughing: :laughing: :laughing: و وصفك للشخصيات جميل للغايه :laughing::laughing::laughing:
يعطيك العافيه كيوب لوفر

يا هلا كيوب لوفر اكيد مو فاضي مادام هيرك وراك او اذا ما كنت انت هيرك نفسه

المهم اللعبه شكلها من الرسوم من جفتها حاس مالت اطفال الصراحه

وثانيا ليش خذيتها 18 انا كله اخذها من محي وعلى عرفتهم اخذها 17 او 17ونصف وما ازيد اعناد جذي ادخل واكاسرهم ههههه

المهم يعني هي سعرها حتي لو تبي تطلبها من بره احلين مع الشحن نفس الشيء 18 او 17 بس لمن تصير قديمه راح يصير فرق بالسعر

هذا والسلام يا هيرك

اقتباس:

---

المشاركة الأصلية كتبت بواسطة zoro1412

يا هلا كيوب لوفر اكيد مو فاضي مادام هيرك وراك او اذا ما كنت انت هيرك نفسه

المهم اللعبه شكلها من الرسوم من جفتها حاس مالت اطفال الصراحه

وثانيا ليش خذيتها 18 انا كله اخذها من محي وعلى عرفتهم اخذها 17 او 17ونصف وما ازيد اعناد جذي ادخل واكاسرهم ههههه

المهم يعني هي سعرها حتي لو تبي تطلبها من بره احلين مع الشحن نفس الشيء 18 او 17 بس لمن تصير قديمه راح يصير فرق بالسعر

هذا والسلام يا هيرك

---

السلام عليكم و رحمة الله و بركاته,,,
أقول تراك ذبحتني إنت يا زورو , شفيك كل ما شفتني تقولي هيرك و هيرك :31:
تعرفني أعرفك أنا :p
أقول حاول تتكلم بشكل مؤدب , مالك شغل أخذها 18 و لا 20 , إنت شريت اللعبة خلاص , خلك لنفسك أحسن
أنا ألاحظ عليك الغطرسة و التكبر في أغلب ردودك , منو حضرتك علشان تتكلم بهالشكل , أبوك وزير و لا الشهبندر التجار :33:
على العموم ما أتشرف إنه واحد رويفضي صغير نفسك يرد على موضوعي
مرة ثانية أرجو إنك تتكلم بشوية أدب و أسلوب راقي :28:
و مشكورين شباب على الردود الجميلة :biggthump
تقبلوا تحياتي جميعاً :)

هلا كيوب لفر

انا ماعندي الاكس بوكس بس لعبة FABLE سمعت عنها الكثير من الاعضاء الاكس بوكس
ويوم شفت الصور عرفت انه اللعبة رهيب جدا وليت عندي الاكس بوكس عشان اجربها والعبها

واتمنى لو سمحت اتك تقولي تطورات اللعبة معك ؟؟؟؟

أشكرك أخوي بو الكيوب على الموضوع المحمس ...

والحمدلله عالسلامه, وينك من فترة طويله وانت ما كتبت موضوع..

والله تولهنا لمواضيعك المميزة .:biggthump

الصراحة شكلي اليوم بسير أخذ فيبل, لأنك حمستني .. والشخصيات بعد

لوووول.

أما عن الأخ زورو..... نسأل الله ان يهديه ..

وأنا من زمان ملاحظ ردوده .

أخوي بوالكيوب خلك من زورو ولا ترد عليه... واذا عندك مشكلة

يا زورو تعال واجهني

السلام عليكم

اشكرك يا نيت مير على الرد وانا لا اعاني من اي مشاكل كل ما في الامر انه كيوب لوفر ينكر انه هيرك او انه على علاقه بهيرك يعني مثلا اخوه كيفه خل ينكر وفي ردي الاول ما قلتله اي شيء وما شتمته ولكنه شعر من كلامي باني استهزأ به هذه مشكلته
وارجو ان يواجهك بها انت اقوله انت هيرك يقولى ما اتشرف بمعرفتك يا رويفضي على الاقل لو ما يعرفني ما كان قالى كذا لانه على قولته انا ما اعرفه مثلا انت الحين اشتبهت بواحد تقوله فلان يقولك يا رويفضي ما ابي اعرفك !!! ما هذا الاسلوب هذا اسلوب اكيد واحد يعرفك يا عزيزي

وعلى كل حال انا مصر انت هيرك او انك اخو هيرك

وشكرا

أشكرك أخوي بو الكيوب على الموضوع شيق ودي اشريه
بس ما احبه


اما عن زورو

تره اعرفه كله هوه جذي تسرفاته اهني يتغير يسوني نه كلش

اقوله انشاله متنساني ولا تزعل علي

اسمع , زورو انت قلت:

اقتباس:

---

ردي الاول ما قلتله اي شيء وما شتمته ولكنه شعر من كلامي باني استهزأ به هذه مشكلته

---

ولكنك بديت ب:

اقتباس:

---

يا هلا كيوب لوفر اكيد مو فاضي مادام هيرك وراك او اذا ما كنت انت هيرك نفسه

---

فيمكن كيوب لوفر ما عجبه كلمة هيرك...
وأتمنى انك ما تكرر الكلمة وأرجو من الأخوين التسامح لأننا بحاجة لكما...
والله يديم المحبة بين المسلمين.....

الحين عطنا كلمه مختصره تستاهل أصلي ولا لأ ....
ترا اليوم بروح أشتريها .. -__-"

يعني هو عصب على الكلمه الاوله الى قلتله اياه اقصد الجمله انا قلت شيء غلط اهو قال انا ما كتبت مواضيع من زمن

قلتله يعني هيرك واقف وراه اي ما يخليه لاني انا جايف ردود حق كيوب لوفر من كم يوم في المنتديات الاخره وخاصت في المواضيع الطائفيه اى كان موجودا في المنتدي

او انه نفسه هو هيرك لاني انا لحد الحين صايد عليه كم حركه نفس حركات هيرك وهو عارف بس يحب يضيعني

وشكرا

السلام عليكم اللعبة مافيها كلام أنا ماخذها من مركز النسر بالرياض

كنت ناوي أكتب لها تجربه لكن سبقتني ياكيوب لوفر المهم مبروك عليك اللعبة

ابي اي احد يقولي اشكثر قضه معا
يعني اشكثر جذبتك في العب لي ما تخلي واح يتحرك يسوي اشغاله

اذا اقل من ساعه ما اتستاهل اني اشتريه

ممتاز جدا .. حمستنا لها ^^

يعطيك الف عافية يامبدع :biggthump ..

بالنسبة لي ممكن آخذها يوم الأربعاء :33: ..

ورجاءا الردود الخارجة من الموضوع ومشاكل المسنجر تكون بعيدة عن المنتدى..مايحتاج نستعمل الإيقاف ~__~

اسف يا مشاري ولم اكن اقصد ولكن فعلا تبين لي ولحظته طول فتره الظهيره وهو يدخل في عضويه ويخرج منها ليدخل بالعضويه الثانيه ولم يجرأ حتي على الرد وحتي لو رد بعدي لن اعيره اي اهتاما لانه قد ثبت لدي

اسف مره اخره وبنتظار مراجعتك يا مشاري الصراحه سردك للكلام جميل

يالله مع السلامه

موضوع مميز ^^
شكرآ كسوي لفر على هذه المعلومات القيمة و الصور :)


تحياتي

اشكرك كيوب لوفر على المراجعة

وإن شاء الله اجربها قريباً .

مشكور اخوي

انا الاكس بوكس ولا لعبة والله خلصتها عليه

بس هذه بجربها

عشانها رول بلاينق قيم

بس متعقد من الشركة مالها ةمال الاربي جي

وشكرا عالتقرير الي اروع من رائع

مشكور على التقرير الجميل فعلا حمستنا للعبة أنا لحد الآن حاطط أمل فيها .
أنا اليوم كنت عند جيم سنتر لقيت عنده فابل بس أصلي سألته متى الكوبي قال الأربعاء انشاء الله يصدق لأني مالي ناوي اشتريها أصلي ماكو فلوس حاليا :09:

السلام عليكم و رحمة الله و بركاته,,,
THE ROCK IS THE أهلاً أخي و شكراً على مرورك للموضوع , أتمنى إنك تشتري الإكس بوكس و اللعبة هذي عن قريب , بالنسبة للتطورات , أنا إلحين بعدت شوي عن البداية ووصلت إلى أرض الأبطال عند واحد عجوز إسمه ميز , و الشخصية إنتقلت من مرحلة الصغر إلى الكبر , صرت شاب :biggrin:
NiGhT_MaRe يعطيك العافية أخوي و شكراً على المرور , و الصراحة أنصحك تشتري اللعبة أصلي :tongue2:
wsxcvb يعطيك العافية أخوي على ردك الرائع...
FARES15 يعطيك العافية فارس على الرد , و مبروووك عليك اللعبة , قريت موضوعك , كله بدليات :09: ...
ABODE@ZONE يعطيك العافية أخوي على ردك , و مبرووووك على اللعبة , أتمنى إنها عجبتك :biggthump
Mesharey الله يعافيك مشاري , بالنسبة للعبة أنصحك تشتريها بأسرع وقت , قبل الإمتحانات :08:
snake fang يعطيك العافية على ردك الحلو , لكن إسمي مو كسوي , إسمي كيوب :p
red demon يعطيك العافية أخوي على مرورك , و إن شاء الله تجربها بنفسك علشان تشوف حلاوة اللعبة :biggthump
فيصل سنيك يعطيك العافية أخوي على ردك , بالنسبة للعبة تقدر تقول أكشن أربيجي , فيها عناصر الأربيجي , و الصراحة أنا أفضلها على زيلدا :D
النسر الأسود يعطيك العافية على الرد عزيزي , بالنسبة للكوبي ما أنصحك تشتريه , لأنه التحميل في الأصلي شوي بطيء فما بالك في الكوبي أكيد نوم في نوم :p
تقبلوا تحياتي إخواني :biggrin:

اقتباس:

---

لكن إسمي مو كسوي , إسمي كيوب :p

---

أوووووبس :shocked:

أسف أخوي كيوب لفر , و شكرآ مرة اخرى ^^

تحياتي

صراحة يا كيوب لوفر الحين دوختنا إنت هل اشتريها أصلي لما انطر الكوبي بس خايف يكون مثل ما قلت الكوبي أي شي :09:
شباب أريد جواب عن خبرة هل فعلا الكوبي يكون أبطئ من الأصلي بكثير ؟

اقتباس:

---

المشاركة الأصلية كتبت بواسطة snake fang

أوووووبس :shocked:

أسف أخوي كيوب لفر , و شكرآ مرة اخرى ^^

تحياتي

---

ما عليه , لأنه إلحين تغير إسمي إلى ~SNYMA~ :biggthump

حد بيعرف كم عمر اللعبة ؟ إذا عمرها طويل وقتها تستاهل أصلي أما إذا كانت قصيرة مو معقول أدفع 18 دينار عشان لعبة تخلص ب 10 ساعات .

وااااو شكلها من افضل العاب الاربيجي على الاكس بوكس :tongue2: مشكور SNYMA (للحين ماتعود على الاسم:biggrin: ) على المراجعه الجميله للعبة فيبل و ننتظر باقي مراجعاتك :)

اقتباس:

---

المشاركة الأصلية كتبت بواسطة JAK7

وااااو شكلها من افضل العاب الاربيجي على الاكس بوكس :tongue2: مشكور SNYMA (للحين ماتعود على الاسم:biggrin: ) على المراجعه الجميله للعبة فيبل و ننتظر باقي مراجعاتك :)

---

السلام عليكم و رحمة الله و بركاته أخوي جاك :tongue2:
بالنسبة للإسم الجديد راح تتعود عليه لا تخاف :cool:
و أهم شي إنه الموضوع عجبك :biggrin:

افضل اللعاب ال RPG كلها على الكمبيوتر

lineage 2 و everquest 2 :biggthump

مبروك كيوب لوفر على الاسم الجديد ......... !!!

على العموم اللعبه لحد الحين ومعذرتا لللكل مو ذلك المستوه عندي اله يا جماعه وش رايكم في المراجعه الى سواها موقع جيمس فور ارب ؟؟

هذا والسلام

مشكور على تقريرك الحلوووو :biggthump

اللعبة فلوووووووووووووووووووووووووووووووووووب

اخذت معي عشر ساعات بس وخلصت

اهلين اخوي SNYMA بصراحه موضوع رائع جدا. ولعبه اروع :biggthump

انا ما كنت متوقع ان اللعبه بتكون بالشكل هذا اللعبه اروع مما توقعت بكثير.

وبصراحه اللعبه تستاهل اصلي.

و بالنسبه لمدة اللعبه لو بتلعب مهام اساسيه على طول تاخذ معك 10 - 15 ساعه. اما لو بتلعب مهام فرعيه وتزود ليفل السحر والقوه والمهاره في الرمايه بالسهم ما تخلص ولا في 25 - 40 اللعبه فعلا حلوه. :biggthump

اخلى شي لما تتزوج تجي زوجتك تعطيك هديه بين فتره وفتره وتقدر تشتري بيت وتأجره او تسكن فيه اللعبه ضخمه بشكل كبير جدا. لا تفوتكم اللي تفوته بيضيع نص عمره صدقوني انا اقيمها 9.9 بصراحه قيم سبوت ظلمها بشكل كبيييييييييييييييييير.

اسف على الاطاله وشكرا مره اخرى.

توني منزل فابل ولعبتها إشوية قلت بس بشوفها وذا حلوة بفظي نفسي حقها بعدين علشان العبها بصراحة
وبكل صراحة لعبه فظيعه فظيعه تصوير موسيقى ماكو شي فيها ما عجبني كل شي عجبني
خصوصا وانا امشي وشوت بالدجاج لوووول

أنا قلت بس بشوفها هههه ماشفت نفسي إلا وموصل عن شخص ينقذني اسمه Maze هههه اهني طفيتها وقلت هذي يبيلها وقت اكون امفظي نفسي حقها :)

تقديري لها همم ما اقدر اقدرها لأني لو بعطيها 10/10 راح اتقولون لي متعصب لها
بعطيها 9.8 :biggthump :biggthump :biggthump :biggthump :biggthump

اقتباس:

---

المشاركة الأصلية كتبت بواسطة Kingdom Hearts

اهلين اخوي SNYMA بصراحه موضوع رائع جدا. ولعبه اروع :biggthump

انا ما كنت متوقع ان اللعبه بتكون بالشكل هذا اللعبه اروع مما توقعت بكثير.

وبصراحه اللعبه تستاهل اصلي.

و بالنسبه لمدة اللعبه لو بتلعب مهام اساسيه على طول تاخذ معك 10 - 15 ساعه. اما لو بتلعب مهام فرعيه وتزود ليفل السحر والقوه والمهاره في الرمايه بالسهم ما تخلص ولا في 25 - 40 اللعبه فعلا حلوه. :biggthump

اخلى شي لما تتزوج تجي زوجتك تعطيك هديه بين فتره وفتره وتقدر تشتري بيت وتأجره او تسكن فيه اللعبه ضخمه بشكل كبير جدا. لا تفوتكم اللي تفوته بيضيع نص عمره صدقوني انا اقيمها 9.9 بصراحه قيم سبوت ظلمها بشكل كبيييييييييييييييييير.

اسف على الاطاله وشكرا مره اخرى.

---

نفس ما قلت أنا ما أشارك بالمنتدى بسببها

عجيييبة و فيييييعة

حياة حقيقية تروح تتزوج و تسكر لوووول

تسرق البيوت في الليل أي سؤال عن اللعبة أنا حاضر

أنا مخلصها في 8:30 دقيقة (فقط المهام الأساسية )

الحين أنا أعيد العب اللعبة عشان كل شي أسويه في اللعبة

و بعدين لما أخلصها أتفرغ للليفل و الفلوس

لوووول

مشكور أخوي SNYMA على الموضوع الرائع
ومبروك على الإسم الجديد الخطير وال cool :biggthump
اللعبه سوتلها طلبيه وأنشاء الله يومين و تكون بين يدي ;)
باي :bigeyes:

مشكوووووووور على التقيييم

الصراحه لعبه يتكلمون عنها منذ 4 سنوات .....واخبرا تكون اللعبه رسوماتها ضعيفه لم يتم استغلال قوة الاكس بوكس يعني لوتنزل على ps2اوcubeيتحملون الرسومات اللعبه تذكرني بمكسيموالي على ps2

اللعبه حلوه :)

بخصوص عمر اللعبه انا ماخلصتها لكن تقدر تنهيها بوقت قصير عموما , لكن الاحداث الفرعيه كثيره واللعبه واسعه جدا


ودي تطلع لي قرون طويله فيها :08:

اقتباس:

---

المشاركة الأصلية كتبت بواسطة TIYRENT

الصراحه لعبه يتكلمون عنها منذ 4 سنوات .....واخبرا تكون اللعبه رسوماتها ضعيفه لم يتم استغلال قوة الاكس بوكس يعني لوتنزل على ps2اوcubeيتحملون الرسومات اللعبه تذكرني بمكسيموالي على ps2

---

الله يهديك... رسومات ضعيفة!!!:vereymad: مرة وحدة!!!:vereymad:

حرام عليك الرسوم والمؤثرات من أروع ما يكون والألوان رووعه
حتى ما فيها Sharp lines .

وجيم سبوت عطتها 9 في الجرافيكس وانت تقول رسوم ضعيفة!!!؟

أخوي اسمحلي أقول انك ما شفت الجرافيكس عدل يمكن كنت مغمّص ولا راقد.... :icon6:

أرجو انك تسحب كلامك وتراجع اللعبة من جديد. :33:
والسلام عليكم

اقتباس:

---

المشاركة الأصلية كتبت بواسطة ahmed316

افضل اللعاب ال RPG كلها على الكمبيوتر

lineage 2 و everquest 2 :biggthump

---

??
البلاي ستيشن يضم اكبر مجموعة للالعاب الاربي جي

واذا منت مصدق ادخل منتدى الاربي جي
وشكرا