جااااء دورنا حنا يالبناااات,,مهوب بس العيال يكلمون بعض ويشوفون بعض!!
((((هاليومين جايتن حاله...مااطلع الا وانا كاتبه موضوع )))))
لحد يقول..طيب وش نسويلك؟؟ وش المطلوب؟؟ لاني مستااااانسه على الاخر...اول مره اكلم صديقه لي على النت...بالتلفون
يعني مهوب بس داج وارفين ونواف يكلمون بعض...حتى حنا يالبنات
اصلا من زمان كنت ابي اكلمها ودايم المح لها...بس هي ماااش ماهيب واثقه ..تخاف اطلع ولد
عاد امس بسلامتي...كنت في بيت (بلو روز) وعندها مايك
يوم لقيت يوفي موجوده...قلت يله..خلن اكلمها غديها تتاكد اني بنت.....
وارسلت لها محادثه صوتيه...وهي ماعنده مايك...بس سمعتن من السماعات,,,عاد انا يعنني قمت استهبل وانكت
وفقعت طبله اذنها (الوووووووو يوفي تسمعينييييييي )
وهي تكتب...ايييييه اسمع لاتصارخين
ووالله زين يوفي ماشكت اني بنت يوم سمعت صوتي...لان صوتي ياجماعه الخير مهوب صوت ادميه..على قوله اخوي..يقول صوتس تقل صوت عنز طايحه بماي:أفكر: (((اما عليه تشبيه...انواع اتحطيم)))
بعدين عاد عصبت بلو روز...وهجمت علي بتاخذ المايك...ثم رفستها..وطاحت على الجهاز وصقعت القش كله
وطاحت السماعات وتكسر المايك والماوس طااااار ولالاادري وين راح
خربت الدنيا,,,بعدين يوفي قطعت الفويس تشات...وقالت خلاص...اخاف اخوي يجي ويسمع صوتك..
بعدين ماينام الليل من جماله:p (قصدها من الخرعه)
عاد تاكدت اني بنت..وقالت جوالك معك الحين؟قلت ايه....قالت خلاص عطين رقمتس ادق عليتس
عاد انا بمزيج من التردد واللهفه والحماس...قمت اكتب الرقم حبه حبه
بس وقفت خفت....
وبلو روز تناظر فيني
خلاص مابقى الا اخر رقمين...يوم جيت اكتبهن...صرخت روز وقالت
((((((( اناااااا مااااااااالي شغلللللللل )))))
هنا انا خفت...بس بعدين قلت يله...ان طلعت ولد...احول المكالمه على اخوي يتفاهم معه
وخذت الرقم...وانا على طول اخذت الجوال وركبت فوق السرير...مدري ليش
ودق...انا ماني عارفه ارد؟؟ والا لا؟؟ ثم صرت اناقز مع نغمه الجوال....وبعديييين رديييييت::
سيلفي: الووووو
يوفي: هلالالا ..انتي سيلفي؟
سيلفي...اييييه حتى كلمه السر ***** ****
يوفي: خخخخخخ ياحليلك (حتى بالتلفون تقول خخخخ)
سيلفي: وشخباركم وش علومكم؟
يوفي: ايد والله طيبين
الخ....الخ....الخ
وبس نسلم ونقول وشخباركم؟:) ونعيد ونكرر بهالكلمه
بعدها...بلو روز وصلت حدها...تبي تكلم يوفي...هجمت علي..وسحبت رجلي وطحت وراسي صقع بالسرير الثاني... ونقزت بتاخذ الجوال
بس مارضيت لها...اخذته ورميته فوق السرير...ثم قامت هي بتجيبه سحبت رجولها وطيحته
وقمت ازحف تحت السرير ليمن وصلت له
وصرت اكلم من تحت السرير...بلو روز زعلت ورجعت للماسنجر :(
المهم...سولفت معها شوي...بعدين سكرنا
ورجعت للماسنجر لقيتها...
تقول لي: تصدقين احسبك تتكلمين قصمنجي...طلعتي غير
سيلفي: اييييه مااتكلم قصيمي الا اذا رحت القصيم
يوفي: ههههههه مع الشعب؟
سيلفي: وانتي والله حسبتك مرررره كلامك قصيمي وتمططين الكلااااام
يوفي: لااااء انا زيتس
سيلفي: خلاص اجل لاقربت روحتي للرياض اكلمتس ونتواعد اوكي؟
يوفي: اووووكي لااااازم انشالله
سيلفي: وتراني باستلمتس مسجاااااات عاد انا هوايتي المسجات
يوفي: ايييييه الله يعافيتس عاد انا عندي قحط مسحات محد يرسل لي
----------------------
عاد انا من الفرحه قمت اناقز على السرير والفح بشعري..واسوي حركات بهلوانيه :)
وروز مطررررررررطعه...تقول هين والله لااوريتس ماتخلين اكلمه!!
---------------
ورحت البيت مستاااااااااانسه وش علي..وجمعت العائله الكريمه...حتى الشغاله وقاعده اسولف لهم
...وكانت ردود الفعل مختلفه..اللي يهوشن يقول (وش بيكون موقفك لو انها طلعت ولد...لاعاد تكررينها)
واللي يطق الصدر...يقول (ابشري بسعدتس وانا اخوتس..والله محد يوديتس تشوفين صديقتك غيري)
ايه عاد هين...والله بابشر بالفلس..وافلقوني ان وداني قبل لا اعجز
------------------------------------------------
وبكذا....كلمت اول وحده اتعرف عليها بالنت...وعقبال مااشوفها
فيه مشاريع اشوف سورا ان رحت الكويت...وبمر الحسا اشوف سوسن:)..وانشالله الصيف الجاي..ان مارحنا باريس.(ايه هين) نروح جده واشوف روكسان ولونا
واحطـــــــــــم الرقم القياسي ,,,
ويله بااااي باااااااي بروح اكلم يوفيييي حرررررره << === استحلتها الغثه:p
