أخيراً برو ايفولشن 4 بين يدي (تقرير كامل)

السلام عليكم

أخيراً و بعد طول انتظار برو ايفولوشن 4 يبن يدي
و هذا غلاف اللعبه (سامحوني على عدم وضوح الصوره و السبب اني ناسخها من السكانر)
http://www.msa6el.net/51/WE8.jpg

انا شريت اللعبه من محل بالرحاب اسمه جيم ستيشن و هو مقابل جيم سنتر
انا سألت جيم سنتر لكن قالي ما عنده :tongue2:
اللعبه موجوده بس عند هذا المحل ( جيم ستيشن )
المهم اللعبه الي شريتها كوبي للأسف ما عنده أصلي بس كوبي :vereymad:
المهم اللعبه أكثر من ممتازه و هي تماماً نفس الونغ ايلفن الي على الـPs2
لكن هناك اشياء كثيره احسن من نسخة الـ PS2 و هي :
1- اللعبه فيها XboX Live :D
2- التباطئ الي في نسخه الـ PS2 أختفى تماماً واللعبه سريعه
3- تم تعديل أغلب الأخطاء الموجوده في نسخة الـ PS2
4-المذيع انجليزي :reporter: :biggthump
5- اللعبه بالكامل انجليزي ( يشمل اسماء اللاعبين)
6- مايكل اون موجود في ريال مدريد :biggthump

اللحين اقولكم تجربتي مع اللعبه :
أولاً قلت اجرب طريقة اللعب اخذت البرازيل ضد ألمانيا و من الأستعجال لعبت شوط واحد بس وكانت النتيجه 1/0 لصالحي
رحت إلى دوري ابطال اوربا و اخترت ريال مدريد و لعبت على اصعب شيء ******
اول مباراة في الدقيقه 23 من الشوط الأول رونالدو حط قول :biggthump
والشوط الثاني رؤول حط القول الثاني في الدقيقه 73 من زمن المباراة
و انتهت المباراة 2/0 لصالحي (ريال مدريد)
المباراة الثانيه 2/1( روبيرتو كارلوس الدقيقه 12 ) (راؤول الدقيقه 67 )
وبعد الفوزين كنت ابي أخزن لكن ما عرفت و فجأه :bigeyes: طلعت إلى القائمه الرئيسيه وراح كل شيء علّي :17:
بعدين لعبت مره ثانيه وفزت بالمباراة الأولى 2/0 و الثانيه 3/1 و بعدين عرفت اشلون أخزن :D


هذا تقريبا كل شي
أشكركم على أستماعكم

يالله ماباقي شي وتنزل عندي اللعبه :)

شكراً لمرورك

العفو :)

بس صج نفس الدوري الياباني ؟ طبق الأصل ولا في اختلاف ؟

نفس الدوري الياباني الثامن تماماً نفس جميع القوائم و الأختلافات مكتوبه فوق من 1 الى 6
ومن ضمن الأختلافات اختفاء التباطئ

ويننج إليفن 8 على الأكس بكس مع لعب بشبكة اللايف :07: ..اللعبة ممتازة جداً .. يعطيك العافية :biggthump ..

فعلا لاحظت عدم وجود تباطئ..واللعبة اسرع ..

شباب سوري على عدم الفهم :أفكر:

بصراحة انا من شريت الأكس بوكس والبليستيشن مالتي مادري وينها من كثر مو هاملها ولا اشتهي اطل ودور عليها وين عساني ما الاقيها :D

يعني الثامن على البليستيشن نفسها على الأكس بوكس وأحسن من ناحية الأخطاء ؟

ولا برو ايفولشن 4 اللي على بليستيشن فيها اخطاء والأكس بوكس نسختها مافيها اخطاء؟

اقتباس:

---

المشاركة الأصلية كتبت بواسطة astronomy

يعني الثامن على البليستيشن نفسها على الأكس بوكس وأحسن من ناحية الأخطاء ؟

---

اقتباس:

---

المشاركة الأصلية كتبت بواسطة astronomy

ولا برو ايفولشن 4 اللي على بليستيشن فيها اخطاء والأكس بوكس نسختها مافيها اخطاء؟

---

برو ايفولوشن 4 = ويننج إليفن 8 ..
الاختلاف بالاسم فقط .. برو ايفولوشن النسخة الاوروبية ..

والجواب على السؤال نعم ..

طيب لازم يكون الاكس بوكس اللي عندي pal عشان العبها؟لانه الي عندي NTSC

اقتباس:

---

المشاركة الأصلية كتبت بواسطة Angry Odin

طيب لازم يكون الاكس بوكس اللي عندي pal عشان العبها؟لانه الي عندي NTSC

---

إذا جهازك فيه مودشيب تقدر تلعبها..أما إذا تبي تلعبها لايف ماتقدر ..
لازم جهاز اوروبي ..

هلا اخوي مشاري . الجهاز اللي عندي مركب عليه mod-chip لكن التلفزيون اللي عندي NTSC فقط فاتوقع اللعبة ماتشتغل على التلفزيون او تطلع من غير الوان ؟

مشكور يا اخوي على تقريرك الممتاز :biggthump

كاهي اليوم خلص الداونلود وحطيتها فالهاردسك :)

هههههههه

Xbox Comming To Own ya *** FANS LOL

شكرا جميعا للمرور
مشاري : الله يعافيك
THE_X_F.B.I : العفو :biggthump
Angry Odin : اذا كنت مركب مود شيب خلاص تقدر تلعب اللعبه كوبي عادي

لو سمحت اخوي لو تقولنا فين موجود المحل الي شريت منه الشريط

Super xx نزلها عن طريق برنامج الإيدونكي :) أو ال Overnet

Super xx انا كاتب بالموضوع اني شاريها من مجمع الرحاب ( بالكويت ) !!!

واااااو عيل نفسها وينينج اليفين ؟ لاازم نشتريها .. باذن الله

شكرااااااااا اخ الحافي .. خبر حلوو

اي نفس الونغ ايليفين 8
العفو

حد جربها اونلاين ؟

شي نادي الاهلي و علي كريمي؟ :D

لو ممكن ياشباب في حد ممكن يعطيني موقع أقدر أشتري اللعبة الأصلية منه

بس لازم أتكون NTCS مش PAL لأنه الاكس بوكس اللي عندي ما اتشغل اللا NTSC

اخوي تقدر تشتريها كوبي
الكوبي يشتغل على جميع الاجهزه بس لازم الاسك بوكس مطور
أو ادخل على هذا الموضوع : تحويل الاكس بوكس من NTSC إلى PAL + تشغيل أفلام الـDVD بدون الريموت

وشكراً

لا اخوي انا اريدها اصلية علشان اللايف

يعني الكوبي ما ينفعني

إذا أدخل على : تحويل الاكس بوكس من NTSC إلى PAL + تشغيل أفلام الـDVD بدون الريموت
وحمل الأيفوكس و لـتحويل الاكس بوكس من Pal إلى NTSC

اقتباس:

---

المشاركة الأصلية كتبت بواسطة الزعابي

لا اخوي انا اريدها اصلية علشان اللايف

يعني الكوبي ما ينفعني

---

اخوي في تطوير أسمه علاء الدين لايف تقدر عن طريقه انك تشبك لايف بالكوبي

و شكراً :)

أخوي إسمحلي بس إنته أول واحد يقولي تقدر تلعب لايف عن طريق ألعاب كوبي

أنا سألت في المنتدى وسألت المحلات بس كلهم يقولوللي ما تقدر إلا بألعاب أصلية لأنه الميكروسوفت لو عرفت إنك تستخددم أشرطه كوبي خلاص بيسكرون على جهازك وما بتقدر تستخدم اللايف مرة ثانية

أما لو عندك طريقة فإذا ممكن تشرحلنا إياها


أما بخصوص علاء الدين أنا اللي أعرفه إنها مود شيب قديمة نوعا ما وتقدر عن طريقها تشغل الكوبي وتلعب فيه بس مش أون لاين

تحياتي

أخوي كلامك سليم 100%
علاء الدين مود شيب نزل له أصدارات كثيره و أخر إصدار نزل له هو علاء الدين لايف
وبواسطته تستطيع اللعب اونلاين بالكوبي
هذه هي الطريقه للعب أونلاين بالكوبي أنك تركب علاء الدين لايف هو موجود عندنا بالكويت
و سعره مع التركيب تقريباً 15 دينار (187.5) قد يكون نزل سعره الأن
وهذه صوره له :
http://www.mixotron.com/catalog/imag...laddinlive.jpg

وهذي بعض مواصفاته :

• One chip for ALL current existing XBox. Works on All Versions 1.0, 1.1, 1.2, 1.3, 1.4, & 1.5, 1.6
• Only 4 Wire Install with Pin Header!
• Will work for Halo Edition Xbox. Mostly known as V1.6.
• Designed for XBox Live Gaming! or boot in Write Protect Mode!
• Optional Programmer and USB cable allows for external flashing and programming of Chip!
• Plays Original Imports
• Plays all Homebrew software
• Plays All Backups of Originals and Imports
• Macrovision Off
• Can boot between original and modchip bios
• Plays unsigned code - Run Debug Executables
• Boot with no AV cable
• No-patch hack 1 and 2
• Plays Original and Backup DVD Movies
• Eject trick hack
• DVD Reset
• In Game Reset (IGR)
• EvoX harddisk patch, install a bigger harddisk.
• Auto detect EvoX Dashboard
• Flash Upgradable with Programmer
  
  • Super Aladdin Live Universal Xbox Mod Chip
  • Pin Header For Easy Installation.
  • Shipped in Anti-Static bag

http://www.msa6el.net/52/Usage1.jpg


و أذا تبي معلومات أكثر أنا حاضر

تسلم أخوي على هاي المعلومة

بس آخر سؤال أنته جربت تلعب بهاي القطعة أون لاين بالكوبي

وإذا ممكن الموقع اللي ياييب منه الصورة

وشكرا على تعاونك

أخوي al7afey أنا دورت على الإنترنت ولقيت أكثر عن موقع يتكلم عنها

اللي فهمته إنه المود شيب تشتغل على طريقتين

quick press وعن طريقها تقدر تدخل على المذربورد الأصلي وتلعب لايف بس بألعاب أصلية

long press وعن طريقها تقدر تلعب كوبي وتستخدم ال evo-x وغيره من البرامج بس ما تقدر تدخل لايف

هذا اللي فهمته انا فإذا ممكن إتوضحلي الصورة

تحياتي

أخوي أنا مو متأكد من الطريقه لأني ما جربته
فقط راعي أحد المحلات قال أنه يمكن ان تلعب لايف بدون فصل المودشيب و لكن لم يذكر إن كانت الألعاب أصليه او كوبي

على العموم مشكور أخوي على المساعدة