اذا تحب الفلوس ادخل بسرعة ...... النظرية المعاكسة

في الحقيقة ... الموضوع هذا كتبته ردا على الاخت d12_girl

هي كتبت موضوع حلو عن ان الفلوس ليست كل شيء

ا

ول ماشفت العنوان الي كانت كاتبته الاخت d12_girl

اذا تحب الفلوس ادخل بسرعة

جيت مطبح على طووووووووول

قلت شكلهم فاتحين خيره او زكاة في المنتدى خخخخخخخخخخخخخخخخخ

اترككم مع ما قالت الاخت دي 12 ثم بعدها ..... اشرح لكم نظريتي المعاكسة <<<<< احلى يا ابو النظريات :09:

اقتباس:

---

المال يشتري لك بيت......................و ليس العائلة

المال يشتري لك الدواء....................و ليس الصحة

المال يشتري لك السرير.......................و ليس النوم

المال يشتري لك الكتاب.......................... و ليس المعرفة

المال يشتري لك الساعة..............................و ليس النوم

المال يشتري لك الدم.............................و ليس الحياة

المال يشتري لك الناس ............................. و لكن ليس الأصدقاء

المال يشتري لك المكانة.............................. و ليس الأحترام

---

كلام جميل بلا شك ...... ولكن

لا تزال ........ الفلوس هي كل شي

العائلة تبي بيت ........................................................ والبـيـت يـبـي فــلوس !

والصحة المتدهورة تبي دواء ...................................... والــدواء يبـي فـلـوس !

على شان انام ابي سرير ............................................ والسريــر يبي فـلوس !

اكتساب المعرفة يبي كتاب .......................................... والكتــــاب يبي فلـوس !

معرفة الوقت تبي ساعة ............................................ والســــاعة تبي فلوس !

الحياة تبي متطلبات ................................................... والمتطلبات تبي فلوس !

على شان اكوٌن اصدقاء لازم اعزمهم ........................... والعزيمــه تبي فــلوس !

الاحترام يبي له مكانه .............................................. والمـكـانه تـبي فــلوس !

يعني .....................مثل ما قال .. kyou

power in the mony ......... mony in the power

و سلامتقققققققققققققققم

هههههههههههههههههه انا اول ما شفت اسم الموضوع قلت ادخل على طول

طبعا في الأول و في الأخر كل واحد و طريقة تفكيره و انا احب اوضح بعض النقاط

العائلة تبي بيت

........................................................ والبـيـت يـبـي فــلوس !
زين تخيل انك اشتريت البيت و صارت عندك العائلة ...............تقدر تشتري حبهم لك؟

هل ممكن تشتري راحة البال معاهم؟ هل ممكن تشتري صحتهم؟ هل ممكن تشتري الأمان و الأستقرار؟

هل تقدر تشتري سعادتهم؟ هل اذا مات واحد منهم ممكن تشتري حياته؟

والصحة المتدهورة تبي دواء

...................................... والــدواء يبـي فـلـوس !
اوكي لو كان عندك السرطان او الأيدز لا سمح الله شو راح تسوي بالفلوس؟

هل الفلوس تشيل الأمراض الخبيثة؟ هل الفلوس راح ترجع صحتك؟

على شان انام ابي سرير

............................................ والسريــر يبي فـلوس !
و اللي ما عندهم سرير ما ينامون؟؟؟ و على فكرة النوم على الأرض مريحة أكثر

لو نمت على الأرض ما راح تقدر تنام؟ لو اشتريت سرير و عندك ارق شو راح تسوي بالفلوس ؟

اوكي عندك سرير قدرت بالفلوس تمنع كوابيسك؟ قدرت بالفلوس تشتري احلامك؟

اكتساب المعرفة يبي كتاب

.......................................... والكتــــاب يبي فلـوس !
هههههههههههههههههههه زين لو قرأت و ما فهمت او لو قرأت و نسيت ( يعني القصد ممكن تكون من النوع الغبي)

و بعدين في ناس كثييييييييييييييييييييييرة فقيرة و لو تشوف عيالهم اذكياء و الصراحة انا شفت اغنياء في مدرستنا كثير و لو تشوف علاماتهم تحت مع انهم ممكن ياخذون دروس خصوصية تساعدهم

و لو تشوف عيال الفقراء اللي تلقاهم دكاترة و محاميين و مهندسيين ( و لو ما عندهم فلوس تلقاهم يدبرون حالهم مثل الأستعارة من شخص او سؤال شخص او اي شي ممكن يسوونه)

اوكي اشتريت الكتاب فهمت كل كلمة مكتوبة فيه؟ حفظت المعلومات اللي فيه؟ صرت ذكي و ممكن تكون عالم او دكتور بشهادة عالية؟

معرفة الوقت تبي ساعة

............................................ والســــاعة تبي فلوس !
مو ضروري

اذا راح تريد تعرف الساعة كم راح تسوي المستحيل عشان تعرفها لأن لما يكون عند الشخص الأصرار راح يسوي المستحيل

الحياة تبي متطلبات

................................................... والمتطلبات تبي فلوس !
هل كل متطلباتها فلوس؟

على شان اكوٌن اصدقاء لازم اعزمهم

........................... والعزيمــه تبي فــلوس !
عيل هذول مو اصدقاء

الأصدقاء اللي يحبونك عشان عزيمتك مو اصدقاءك الأصدقاء الحقيقيين يقدرونك و لو شو ما كنت

تقدر تشتري اصدقاء مثل هذول بالفلوس؟

تقدر تشتري حبهم لك؟ تقدر تشتري احترامهم لك؟ تقدر تشتري صدقهم معاك؟

الاحترام يبي له مكانه

.............................................. والمـكـانه تـبي فــلوس !

اوكي الفلوس جابتلك المكانة لكنها ما راح تجيبلك الأحترام و لو كان الأحترام بالغصب راح تلقى ناس تسبك من وراك

انت تريد هالشي؟

اخذت المكانة و الأحترام لكن هل اخذت احترامهم من قلوبهم؟ هل انت متأكد انه مو نفاق؟

قولي كيف الفلوس تشتريلك هالأشياء؟

يعطيكِ العافيه اختي d12_girl

اشكرك على مداخلتك الحلوة ...

اقتباس:

---

قولي كيف الفلوس تشتريلك هالأشياء؟

---

أنا أقول لك كيف ....

.... انتي كتبتي موضوعك بالصيغة التالية :

بالفلوس يقدر الواحد يشتري بيت ...... لكنه ما يقدر يشتري عائلة ... كلامك سليم 100%

.... و أنا كتبت موضوعي بالصيغة التالية :

العائلة تبي بيت ......... والبيت يبي فلوس ...... وكلامي سليم 100%

اذا ليه التناقض هذا ؟ .....

كيف انتي تكونين صح ؟..... وبنفس الوقت انا اكون صح !؟

لأن مو كل شي يشترى بالفلوس ..... لكن كل شي محتاج فلوس

اشرح لك كيف :

انتي ترين بأن كل شيء مادي .... و محسوس

انتي ترين بأن الطمأنينه .... و راحة البال ... والاشياء المشابهه لها ...... لايمكن تعويضها بالمال

انظلاقا من مبدأ مو كل شي يشترى بالفلوس

وانا ارى بأن مسببات الطمأنينه .... وراحة البال .... والاشياء المشابهه لها .... تحتاج الى المال

انطلاقا من مبدأ كل شي محتاج فلوس

خلوني أشرح لكم كيف ان كل شي محتاج فلوس :

عائلة ما عندها بيت ..... لا يمكن انهم يحسون بالاستقرار الا لما يسكنون ببيت..... والبيت طبعا يحتاج فلوس

يعني .... ان من مسببات الاستقرار لهذه العائلة ... انه يكون عندهم فلوس على شان يشترون بيت

يعني .... ان هذه العائلة لا يمكن ان يكون عندها استقرار الا عندما يكون عندهم فلوس

شفتوا كيف ان الفلوس اشترت الاستقرار لهذه العائلة عن طريق شراء البيت لهم

وهذا هو جواب سؤالك يا اختي العزيزة

هل تعلمين لماذا ؟ ...

لأن كل شي محتاج فلوس

و بعدين لحد يقول ان الاغنياء عندهم مشاكل ... اكيد ان عندهم مشاكل ... تدرون ليه ؟

لأن مو كل شي يشترى بالفلوس

و في المقابل .... لحد يقول ان الفقراء .... مرتاح بالهم و ما عندهم مشاكل..... تدرون ليه ؟

لان كل شي محتاج فلوس

هذي هي رؤيتي للموضوع <<<<<<< ابوك يالفلسفة :biggthump

و سلامتقققققققققققققققققققم

هههههههههههههههه


بس ليش ما رديت داخل موضوع الأخت دي 12..؟؟؟<<<<إيش دخلك واحد ملقوف...!!! :biggthump

اقتباس:

---

هههههههههههههههه

---

تسلم لي هالضحكة ^ ^

والله انا فكرت اني اخليها بموضوع جديد احسن ... تدري ليه ؟ <<<<<<< يبي يتفلسف خخخخخخ

لاني لو حطيته هناك ما راح يقراه الا عدد قليل ( لان الناس شاركوا ) ومثلك عارف

الي يشارك يشوف الموضوع بس ينطر رد صاحب الموضوع عليه

وانا حبيت ان الناس يشوفونه من جديد ..... وبصيغة ثانيه

و اشكرك على المرور ابو جمال ^ ^

هههههههههههههههههههههههههههههههههههههههههههه

انا متفق مع سوات على هالكلام :)

و على فكرة النوم على الأرض مريحة أكثر


والله كلامك صحيح :p

حقيقة انا اتفق مع الاخت d12_girl

اشكرك على مرورك يا ديث دراغون :)

ترا انا بالفسلفة أعجبك ;) <<<<<<< انطقها صح بالاول

اقتباس:

---

و على فكرة النوم على الأرض مريحة أكثر

---

اسال مجرب

محد نام على الارض كثري :D .... لين تورمت جنوبي خخخخخخخخخخخخخخخ

وشكرا على المرور

ههههههههههههههههههههه زين يا ابو الفلسفة

بس راح اجيبلك الموضوع من الأخر

الأشياء اللي تقدر تشتريها بالفلوس مو مهمة مثل الأشياء اللي ما تقدر تشتريها بالفلوس

يعني السي دي ما راح يشيل المرض <<<<<<< جابتلك مثال يشبهها :tongue2:

لا لا صدق

نفس ما قلتلك الأشياء المهمة جدا ما تقدر تشتريها بالفلوس

و بعدين قصة الغني و الفقير

مو قصة فلوس

قصة الأنسان اللي ما يعجبه العجب :31:

اللي عنده تليفون يحسد اللي عنده سيارة اللي عنده فلوس يحسد اللي عنده الصحة اللي عندها الشعر تحسد البنت اللي عندها البشرة الحلوة و اللي عندها الجسم تحسد اللي عندها الجمال و اللي سمين يحسد الضعيف العضو المميز يحسد المراقب و المراقب يحسد العضو لأن ما عنده شغل كثير و العضو يحسد الأثنين و و و و و و و و و إلخ إلخ :31:

يعني مافي احد عاجبه اللي عنده الأنسان ما يملأ عينه غير التراب <<<<<<< اخت و ام و خالة و عمة و جدة الفلسفة :biggthump و قريبا راح تصير جارتها :09: :tongue2:

مشكور اخوي على النظريه المعاكسه .

و مثل ما قلت :

اقتباس:

---

لأن مو كل شي يشترى بالفلوس ..... لكن كل شي محتاج فلوس

---

كلامك صحيح بس مثل ما قالت الاخت الفلوس مو اهم شي بالحياة الاشياء الاساسية بالحياة غير الاشياء المادية الفلوس ما تقدر تجيبها بس الفلوس تساعد في الحصول عليها مثل الدواء و البيت و غيره .

فلهذا الفلوس مهمة و مهمة كثير في هذا الزمان بس ماهي كل شي . :09:

دايما اوصل لطريق مسدود . :tongue2:

و احلى مافي الموضوع النقاش .

تسلم اخوي .

موضوع جميل و :





و احلى مافي الموضوع النقاش .



صح

مشكووووووووووووووووووووووووووووووووووووووووووور اخوي على الموضوع وانا اوافقك الراي:p

السلام عليكم ... وبعد

إلى الاخ / تايدوس والاخت/ دي12

تبون تعرفون ان الفلوس مهمه ...... خلوني استلم راتب أخوي ... وبعدين اسدد الفاتوره ....

ويحلها الف حلال ...

ههههههههههههههههههههه والله من جد انا منكب ( في ورطه ) الفاتوره 1761 ريال خخخخخ

وماعملت حساب الفاتوره .... ان شاء الله ابلشكم يوم السبت الجاي .... واعلمكم شلون الفلوس مهمه

وشكرا لشباب الي شاركوا على الموضوع..

ورمضان كريم <<< وش دخل رمضان في الموضوع ... اقول والله من التنسيم

وسلامتقققققققققققققققم

الفلوس الفلوس الفلوس

ياخي سوات انتا صح100%

يا دي 12 كيف أقنعك انو الفوس اهم

يعني صحيح يقولون انو الأغنياء مش سعداء لانو هذيل ملو من الفلوس هذيل اتولدو وهم اغنياء لكن اتخيل انك تربح المرسدسclk gtr في مسابقة معشوقة الجماهير (في mbc) راح تكسب الشهرة والمال واي شئ....

ولا شنو رأيكم

مناقشة

الموضــــــــــوع جميل وسلسه جـــــــداً


لأن مو كل شي يشترى بالفلوس ..... لكن كل شي محتاج فلوس

جميل ....... ومن هنـــــــــــا

يكون الكلاااام صحيح 100%


والله يعطيكم العافيه ... مع تحيه معطره

احم احم

أنا اقولكم شي يا شباب

كل شخص في هذي الدنيا يريد الشي المو متوفر له

يعني الغني يتمنى الفقر و الفقير يتمنى الغنى

هذي قصة واحد كانو اهلي يعرفونه

هذا الولد كان عمره في بداية العشرينات و كان غني لدرجة ان كل شي يريده كان يلقاه

كل ما يبي شي من و هو صغير يجيبونه له

الولد حس انه مافي شي في هالدنيا يستاهل العيش

يعني مافي هدف و هذا شي خطر اكثر الناس ما تاخذه على محمل الجد

المهم الولد في يوم من الأيام انتحر

نرجع حق محور حديثنا

أنا في رأيي الشخصي

أهم شي رضا الله سبحانه و تعالى و راحة البال و العقل

ما تهمني السيارات ولا البيوت و القصور ولا الشهرة لأنها كلها أشياء ستزول يوما ما

مادام الله راضي عنك الطرق المسدودة كلها تفتح

مادري ليش العالم كله مشكلته اللي تهمه هي المشكلة المادية

ليش انا ما اشوف للأمر مثلكم

لكن اتفق معاك في نقطة واحدة

لأن مو كل شي يشترى بالفلوس

..... لكن كل شي محتاج فلوس

انا ما قصدت ان الفلوس مو مهمة للأشياء الضرورية انا قصدت الفلوس مو مهمة عشان تشتري سيارات و ملابس و تليفون و ووووووووو

صح ولا لأ؟

السلام عليكم ...

احب اشكر كل اللي شاركو بالموضوع و اقول لهم يعطيكم العافية

سواء اللي كانو معي او ضدي ..

واحب ارد على اختي d12_girl

واقول اكيد الفلوس مو كل شي في الدنيا ... أكيد في اشياء اهم .... انا ما قلت ان الفلوس اهم شي :)

اقتباس:

---

يعني الغني يتمنى الفقر و الفقير يتمنى الغنى

---

الغني ... يتمنى الفقر ؟؟

في احد في الدنيا يتمنى الفقر ؟

الناس يتعوذون من الفقر ... ما يتمنونه

و الدليل :

قول عمر بن الخطاب رضي الله عنه ( و في رواية أخرى - علي بن ابي طالب كرم الله وجهه ) :

( لو كان الفقر رجلا ً لقتلته )

اقتباس:

---

هذي قصة واحد كانو اهلي يعرفونه

هذا الولد كان عمره في بداية العشرينات و كان غني لدرجة ان كل شي يريده كان يلقاه

كل ما يبي شي من و هو صغير يجيبونه له

الولد حس انه مافي شي في هالدنيا يستاهل العيش

يعني مافي هدف و هذا شي خطر اكثر الناس ما تاخذه على محمل الجد

المهم الولد في يوم من الأيام انتحر

---

ما اعتقد ان هذا الشخص انتحر بسبب كثرة المال .. او بسبب توفر كل شيء عنده بدون تعب

و الا لرأينا جميع الاغنياء - وهم كثر - يقبلون على الانتحار

هذا الشخص انتحر ... لغياب الوازع الديني

يعني لو انه تصدق بما اعطاه الله على الناس المحتاجين , لغمره الشعور بالسعادة والفرح

اقتباس:

---

انا ما قصدت ان الفلوس مو مهمة للأشياء الضرورية انا قصدت الفلوس مو مهمة عشان تشتري سيارات و ملابس و تليفون و ووووووووو

صح ولا لأ؟

---

السيارة مو مهمة ...؟؟؟

يعني تقولين انك ودك ما تركبين سيارات ؟

و انك تفضلين الذهاب الى المدرسة مشي حتى لو كانت بعيدة ؟

الملابس مو مهمة ...؟؟؟

يعني اسمحي لي ... لو ان الكلام هذا جاي من ولد كان ممكن وحطي خط .... تحت كلمة ممكن .. أصدق

أما و قد خرجت من بنت ؟؟ .... بصراحة بصراحة ... انتي تبالغين كثيرا ً !!!

و أحب بأن اؤكد بأنني ضد البذخ و الاسراف .. سواءا ً على السيارات .. الملابس ... الخ

و في النهاية احب اقولك يا اختي بأني معك من ناحية ان الفلوس مو أهم شي

و سلامتقققققققققققققققققققققققم

من صغري علموني و قالوا لي : الفلوس وصخ "بالصاد" دنيا تروح و تجي,,

ومن عمر الأربع سنوات عرفت ان هذا حكي فاضي >>>> فاهم الدنيا من صغري :tongue2:

الي ما معهوش مايلزمووووووش :D

مشكور عالموضوع و يسلمو

لا لا لا اخوي وييييييين مخك راح لبعيد



انا ما قلت ان السيارة مو مهمة بالعكس اسألني انا انا اكثر وحدة احب السيارات

اللي قصدته الفلوس مو مهمة لما تشتري سيارة بورش او لامبرغيني ( أحلى سيارة عندي ) او فراري و هالكلام

يعني اشتري سيارة عادية فايدتها التوصيل مو التكشخ

الملابس اللي هي القميص اللي تلقاه 90 درهم او 100 درهم ( يعني تشتريه للمظاهر )



بعدين على سالفة الناس اللي يحبون الفقر فعلاااااا في ناس تتمنى الفقر و مو قصدهم الفقر بمعنى الفقر و لكن البساطة

تعرف الأغنية اللي تقول " عالبساطة البساطة يا عيني عالبساطة نتغدى فول و طعمية و نتعشى بطاطا " <<<<<<<<<<<<<<<<< ههههههههههههه اعذرها هبله

يعني مثلا مثلا مثلا

شوف الأميرة ديانا



اقول ما اقدر اكمل ألحين بكلملك الرد بعدين تشاووووو

احم احم
نكمل موضوعنا


شوف الأميرة ديانا كيف تعذبت في حياتها مع انها غنية و مشهورة



بدال ما اعطيك امثلة

النقطة اللي انا و انت نريد نوصل لها هي

خير الأمور الوسط

يعني لا فقر كثير ولا غنى كثير


يعني فلوس لتقضية الأشياء المهمة



صح؟؟؟؟؟؟؟؟؟؟؟؟؟؟؟؟

:p ياشباب حد عنده سلف مليون ريال .... :cool: بس لمدة شهر وبرجع له المبلغ <<<<<< كلش شكله أمين :biggrin:

بل:bigeyes: مليووون يا الظالم والله انا ثوب عيد مالقيت والفقر علمني الاصول يا الربع
علمني الشده:28:
علمني الجوع على اصوله مهو بذك جوع الصايم لا والله ذاك الجوع الي يلصق البطن في الظهر:(
وعلمني الاقتناع والرضى والسكوت:(
وقالت الشاعره الحره والمتالقه المفنوووووده:
انا لست ابغي من الدنيا المتاع انما ابغي من الصدر اتساااع:أفكر:
وسلاااامتكم:icon6:

اقتباس:

---

المشاركة الأصلية كتبت بواسطة المفنوووووده

بل:bigeyes: مليووون يا الظالم والله انا ثوب عيد مالقيت والفقر علمني الاصول يا الربع
علمني الشده:28:
علمني الجوع على اصوله مهو بذك جوع الصايم لا والله ذاك الجوع الي يلصق البطن في الظهر:(
وعلمني الاقتناع والرضى والسكوت:(
وقالت الشاعره الحره والمتالقه المفنوووووده:
انا لست ابغي من الدنيا المتاع انما ابغي من الصدر اتساااع:أفكر:
وسلاااامتكم:icon6:

---

:tongue2: شدعوه جالسه في أفريقيا انتي ..؟؟
:09: يالله العيد جاي وانشالله الكل بيحصل عيديات :icon6: طبعا أنا دايما عيديتي مايباخ<<<< :09: شعنده البطران خخخخخ

لا والله في اسيا ولا كانك طلبت فلوس ها
لا والله انت مايباخ انا كرسيدا ويه ويه فظحت عمري ااقصد بورش شف التواضع

اقتباس:

---

سوات :
و بعدين لحد يقول ان الاغنياء عندهم مشاكل ... اكيد ان عندهم مشاكل ... تدرون ليه ؟
لأن مو كل شي يشترى بالفلوس
و في المقابل .... لحد يقول ان الفقراء .... مرتاح بالهم و ما عندهم مشاكل..... تدرون ليه ؟
لان كل شي محتاج فلوس

---

اقتباس:

---

d12-girl :

قصة الغني و الفقير
مو قصة فلوس
قصة الأنسان اللي ما يعجبه العجب
اللي عنده تليفون يحسد اللي عنده سيارة اللي عنده فلوس يحسد اللي عنده الصحة اللي عندها الشعر تحسد البنت اللي عندها البشرة الحلوة و اللي عندها الجسم تحسد اللي عندها الجمال و اللي سمين يحسد الضعيف العضو المميز يحسد المراقب و المراقب يحسد العضو لأن ما عنده شغل كثير و العضو يحسد الأثنين و و و و و و و و و إلخ إلخ
الأنسان ما يملأ عينه غير التراب

---

:congrats: بجد كلااااااااااااااااااام ونقااااش في قمة الروعة ...

أبداع بصراحة :biggthump

تمنيت واصله بدري <<<<علشان تخل ميدان المعركة النقاشية :D خخخخخخخخخ