Do you love yourself ?

ما في احد راح يقول لا ما احب نفسي ولو قال لا , فمن غير هذرة زايدة جذاب :tongue2: <<< لا تضيعون السالفة تكملة لعنوان الموضوع :biggrin:

ليش هل سؤال الي طاف ؟ عشان في قرقة جاية بالطريج ما لها شغل بالسؤال :tongue2:

التوقعات , بالانجلش Expectations بين قوسين ( مدمرة ) بالانجلش ( Destructive ) مثل ما التلفزيون الي جدام عيونك 24 ساعة تقدر تحوله مدفع ليزر مدمر :bigeyes: لو تعرف مقدار محترم من علم الفيزياء :biggthump <<< هذا اذا ما طاحوا عليك المخابرات وكرفسوك :p

جم واحد فيكم قعد مع نفسه وفكر بكلمة " توقع " بشكل يوضح الجوانب السلبية فيها ؟ <<< مو انا :09:

اذا وانا اقول اذا <<< يعني لاحد يتفلسف :tongue2: ... اذا احد مر بتجربة وسببت له الم معين وقال انه الظروف هي السبب , ما نقدر نقوله انه توقعه قبل هذه التجربة هو الي كان السبب لهذا الالم ؟

اعطيكم مثال ما ادري من وين جايب نفسه :p , مثلا واحد امريكي طلع ل Date لاول مرة مع وحدة ولمن خلص ال Date , قال داخل نفسه , ( مو هذا الي انا توقعته بهذا اللقاء الاول ) مع انه كان يقدر انه ينظر للامر بنظرة متفتحة وايجابية وما يفكر بالسالفة وايد .

انا بالاول قلت انه التوقع مدمر , وانا اشوفه جذي فعلا , لانه اقدر اقول انه التوقع هو برمجة من برمجات الفشل , احنا نهيأ نفسنا للفشل , لمن ما يكون عندنا مخ مرن ومتفتح وصبور , شي مستحيل وغير واقعي كلش ان يكون اي شي مثل ما تخيلناه وخلقنا له صورة مثالية بعقولنا, تقريبا كل شي مهم مصيره الفشل والشكر للتوقع الي اكثر شي يكون غير واقعي , وهذا الفشل الي نحسه لمن الي توقعناه ما يكون هو الي توقعناه آخرتها بيقودنا لخيبة الامل بنفسنا وبغيرنا حتى وساعات من غير ما نحس بهذا الشي ولا نفكر فيه لانه ينعكس على سلوكياتنا ويصير شي مثل التعود , واليأس بيقول بنفسه عمره ما راح يكون في شي يقدر انه يعيش للصورة المثالية بعقولنا , والخوف بيقول ما نلام واحنا مو السبب بهذا الفشل لانه مو بقدرتنا اننا نحول بشي غيره ,

والاحساس بالالم والضيق بيكون هو الناتج الثابت على النفسية , سواء كان من توقعاتنا احنا او توقعات غيرنا , التوقع نفسه هو سبب كل الالم .

انتو شرايكم ؟؟

وربي دوختني :boggled:
ما فهمت عليك كلمة..
بالاول تسال اذا نحب نفسنا, بعدين تتكلم عن تلفزيون وكيف نحوله لسلاح ليزر,
وبعدين تتكلم عن واحد طلع لديت, وبعدها تتكلم عن التوقع والمشاكل وما اعرف شو..
تعرف, بأخذ لي بندول -___-
صدق موضوعك غريب بس يضحك :tongue2:

كلام جميل..

وان شاء الله بأعلق على كلامك بعد ما انام :31:

عربي لو سمحت ._.

KJF

مساء الخير :tongue2:

أفلاطون

Sweet dreamz :p

aoks

جيب لك مترجم سهلة :tongue2:


Looks like nobody understood the fathom in the subject :31:

:boring:

كلامك زي ما قلت سابقا..كلام جميل

لكن..

اقتباس:

---

المشاركة الأصلية كتبت بواسطة D-Ken

شي مستحيل وغير واقعي كلش ان يكون اي شي مثل ما تخيلناه وخلقنا له صورة مثالية بعقولنا

---

اذا كنت تقصد بكلامك هذا..فقط اللي يتصورون الاشياء بصوره مثاليه..فأنا معك في اللي تقوله..

اما اذا كنت تتكلم بشكل عام..فأنا منيب معك..لأن الشخص ممكن انه يبني تصوّره لشيء معين بطريقه منطقيه وبربط امور مع بعضها..وبالتالي يكون التوقع في محله..

ـــــ

وفيه نقطه اخرى ايضا..

كيف نربط بين التوقع الواقعي والتفاؤل؟

لان الانسان مطلوب انه يكون متفائل ..وكذلك مطلوب انه يكون واقعي في توقعاته..

طيب اذا تعارض التفاؤل مع الواقعيه ؟

انا اشوف ان حلها في كلمتك اللي قلتها..

اقتباس:

---

لمن يكون عندنا مخ مرن ومتفتح وصبور

---

______________________

اقتباس:

---

المشاركة الأصلية كتبت بواسطة D-Ken

التوقع نفسه هو سبب كل الالم .

---

كلامك 200% كذا :biggthump

ــــــــــــــ

اتمنى اني اكون خربت قمة الوناسه اللي عندك :33:

انا امشي على سياسة Never Excpect Anything..
لاني كنت دايماً ابالغ بمثالية الشيء اللي اتوقعه..
و في النهاية تييك النتيجة 360 درجة مختلفة عن الي كنت متوقعه..و تعيش بقمة التحطيم..

اذا تحب تحط توقعات..خلها معقولة و لا تبالغ فيها..
او حتى خلها تشاؤمية..
بهالحالة..اذا طلعت النتيجة ايجابية..راح تفرح و تتفاجأأبها بشكل اكبر..

بينما لو حطيت High Excpectations..و كانت النتيجة غير اللي توقعتها و لو بدرجة قليلة..راح تحس بخيبة أمل كبيرة و تندم..

الانسان بالعادة..حتى في ابسط الاشياء..يحب يفكر بطريقة ايجابية حيال معظم الامور اللي ينتظرها..حتى لو كان يتصرف بعكس هالشي جدام الناس..
مش لانه يتوقع انها راح تتم بالشكل اللي يباه..بل لان طريقة تفكيرة هذي تريحه..و تخليه يعيش بحلم حلو..و لو للحظات قليلة..
In Other Words..يحب يقص على عمره..

شكراً على الموضوع الجميل..و يعطيك العافية..

كلامك.. عميق مرة و روعه.. الواحد لما يقراه من دون تجربه سابقه وفهم عميق بيحسه خربطه..بس داخله يحمل مفاهيم مهمة مرة..


كثير داخلي فكرت في الكلام الي انت قلته.. بس ماكنت اعرف اعبر عنه بالشكل ال انت عبتره..كلامك يحمل فلسفيات وثقافه .. مشالله


وماقدر اقول عن كلامك اي شي غلط الاهو الصح..


اقدر اقول ان الخلاصه هي:

لما الواحد منا يفكر بشي يبغاه او هدف يتمناه سواء شي كبير مثل دراسة او زواج او حتى شي صغير مثل طلعة مع الاهل او هدية من عزيز الخ

لازم يحط في باله توقعات معقوله.. ومايقعد يتوقع شي خيالي..لان دايم الواحد اذا توقع شي حلو مرة وبعدينيوم تحول الشي لواقع كان اقل من طموحاته..بيحس بخيبة امل تخليه يفقد الامل او يتضايق او اي شي سلبي نفسيا

وحتى لو الواقع مب سيء مرة.. مقبول ..بس بيصير سيء مقارنة بخياله..

فالافضل الاستعداد دايم لاسوأ..

مب معناه التشاؤم ..لا خير الامور الوسط

وخيبة التوقعات مفروض تصيرد افع لامل جديد او عالاقل اصلاح طفيف للواقع..احسن من الجلوس والتحسر عالحظ ..

وان كنت حطيت توقعات حلوة تجاه شي معين وبالاخير ما حصلت هالتوقعات.. فقدرة الانسان هنا تجاه التغلب عالفشل تطلع

لازم يحب الشي الي صار له والي اتقدر له..لازم يقتنع فيه ويشوف ايجابياته ولا يتحسر وينقهر لانه مارح يفيده

لازم يحب حظه والي بيصير له..

وبكذا بيصير يحب نفسه وحياته

..ممكن هذي علاقه الموضوع باسمه؟ :31: :tongue2: من اليوم احاول اطلعها

شكر عالموضوع ^^ i liked it

والله حيريتني قريت الموضوع مره ومرتين وثلاث على امل افهم شيء مما قلت لكن الاخفاق كان حليفي بموضوعك وادى الى اصابتي بشلل دماغي و شد عضلي فيه وضاع وقتي عالفاضي
وبما ان موضوعك عن التوقعات بان توجد كائنات غريبه في العالم والعنوان عن حب النفس والايثار وكيفيته و لا تنس الذرات و اكتشاف الاشعه النوويه والليزريه باستخدام التلفاز و القنوات الغنائيه ذات الاشرطه السفليه وطريقه الحصول على حجر الفلاسفه لكي تصبح فيلسوفا بالمقلوب فان التوقع درجات متفاوته كما الالوان ولا تجعل الدنيا كلها وردي وتذوب فيه ولكن في الحقيقه توجد الوانا اخرى ستحس فيها منها السوادء والبيضاء و التركوازي و الفوشي

لكن التوقع نعمه وايضا نقمه
فكم توقع قتل صاحبه " مثل قصه عباس بن فرناس " حيث توقع ان يطير لكن مات؟؟
ونعمه فمثلا الحروب تستوجب توقعات حركه العدو واسلوبه حتى يكون جاهز للرد على غزوه الغاشم مثل غزو الالعاب التي بلا فائده في المنتدى على المواضيع الجيده الرزينه التي تملك رصيد عالي من المعرفه والعلم
وبساطه شديده نحن نتوقع ان تحل مشاكلانا مع العالم عن طريق كوفي عنان والامم المتحده ولكن هذه المنظمات نصها لا تملك اي صلاحيات والاخرى منتهي صلاحيتها والبعض منزوعه الصلاحيات وهذا ما اسميه التوقع الفاشل الغبي الاحمق
إذا كان ردي على التوقع وهو الشيء الوحيد الذي فهمته من نص حديث المشفر باقوى البرامج التشفير لدى منظمه ((كينغ اوف فايترز)) يلي تضم في عناصرها العضو كي داش

ابغ اارد رد ابو سطر ونص

ممكن ولالا

تصدق زعلت عليك :( حاسس انك زعلت من ردي الاول :(
خلاص برد, مع اني ما فهمت الموضوع بشكل جيد, بس بفكر الفكرة هي عن التوقعات.. :)

التوقعات+انا قبل 7 سنين = غلط×غلط = مستحيل+0 ×(انا+تفائل) :boggled:

صدق انا من يوم ما كنت صغير وحتى هذة اللحظة.. كل ما اتوقع شي يطلع شي ولا خصّه!!
يعني مثلا انتظر لعبة بي سي من شهر, وبعدين اروح الدكان علشان اشوف اذا وصلت..
بالطريق اتخيل نفسي العب هاللعبة واتمتع فيها وووو انواع الوناسة..
بالاخير اوصل للدكان ويكون مصكر/ما عنده اللعبة/يصير لي حادث -___-

علشان جذا تعلمت شي, وهو ان اكون متشائم في توقعاتي!!
لا تفهموني غلط.. انا اقصد مثل كلام الاخ NsaN, يعني ما اوصل بتوقعاتي لفوق الريح! :09:

ومشكور على الموضوع الرائع المشفر :tongue2: واسف اذا زعلتك باول رد :)

Edit: خلاص قريت الموضوع ووالله فهمت المقصود :D :Edit

:boggled:
معليش لكن باروح أدور على بانادول !!

اقتباس:

---

جم واحد فيكم قعد مع نفسه وفكر بكلمة " توقع " بشكل يوضح الجوانب السلبية فيها ؟

---

مو أنا ^^
صراحة ولا مرة فكرت في التوقع من هالناحية ...ومانتبهت للنقطة اللي وضحتها الا اللحين بعد قرايتي لموضوعك ...
وبعد التفكير فيها ..اعتقد انها صحيحة وجدا منطقية
اعتقد انها فينا طبيعة بشرية ..وغير قابلة للتغيير مهما حاولنا ...
لمانتوقع فحنا نتوقع الأفضل دايما والكامل والمثالي ...لكن في أغلب الأحيان مانصدم بالواقع او الحاصل ..مولأنه سيء ..
بس لأنة أقل من اللي توقعناه ...
التوقع يكون السبب وراء الضيق أو التعب النفسي المؤقت ..فكرة صحيحة ماعمري فكرت فيها..بعض الأخوان يقولون خل توقعاتك بسيطة او توقع الأسوأ
عشان ماتنصدم !!!
ماعتقد أن المسألة سهلة أو بيدنا ...حتى لو هيأنا لأنفسنا ان نتوقع الأسوأ...في الحقيقة حنا نتوقع الأفضل والأحسن
ونعيشها ...عشان جذيه لحصل العكس...تسبب الألم الأكبر..

يعطيك العافية على هالموضوع الحلو...والتحليل الطيب ^_^

مشكور على الموضوع الجميل
وانا دايما بعد الخرجة ارجع اقول مو هذا اللي توقعته مع اني اكون وقت الخرجة مرتاح لكن ارجع و اقول كان في شي ناقص

Yes I love myself ..
I never did this before ..
I used to loathe myself before .. but not anymore ..
I have many aspects in me that I like and that ppl wished that they had ...so no need to hate myself ..
And I'm highly pissimistic to be honest with you ..
I hate to get my hopes all high and then get smacked on the face by the cruel reality ..
I actually find that whenever I expet the worst of myself, someone or whatever circumstances I'm passing through I end up finding something nice about it ..
so being pissimistic isn't all that bad ...
and being optimistic isn't good either ..
and thanks for the interesting thread ..
^^

اقتباس:

---

المشاركة الأصلية كتبت بواسطة Angel whisper

and being optimistic isn't good either

---

تفائلو بالخير تجدوه ;)

I understand your point

you are "in a way"saying that life is mystery and we learn from it

nOt shall give up hope Nor have too many hopes

be realistic because we are in a real world

HOrAAAAY

:D

welcome to th real world

:09:

شكراً على الموضوع ( الكوكتيل :09: ) بس عندي مداخلة ^^
كون الانسان يبني الكثير من الأمور ويتوقع الكثير ليس بالشرط أمر سلبي :33:
لربما كان الأمر يستحق أن يبني الكثير.. بالتالي لو حصل ان توقعه ليس بمحله فهو بالتالي يبحث عن الأسباب ((حتى لو تحطم :09:)) ويرجع ليبني من جديد ولكن بالتالي يتعلم من درسه السابق فلا يتوقع الكثير :06: ..
التحطيم لا يساوي ((الأحباط والفشل)) الا للأنسان الفاشل فعلاً :bigeyes:
التحطيم = الدفع معنوياً والوقوف للمواجهه وكسر التحطيم لأعلان انني موجود .. فالبالتالي تحب نفسك :D ..
توقع الأمور كيفما تشاء وأسرح بمخيلتك اذا كنت ستواجه اساساً :33: ومستعد لذلك :tongue2:
شكريا :biggthump << سوري اذا شاطحين .. ومو فاهمين شو الموضوع :icon6:

أفلاطون

تمام مثل ما قلت افلاطون انا قصدت التوقع الغير منطقي والي ما يكون مدعم باستنتاجات ثابتة , Thanks for replying man :D ولا توك سويت قمة الوناسة :biggthump , قبل كنت اتغشمر لا يكون صدقت :tongue2:

NsaN

الله يعافيك ^^ , ونظرتك للموضوع حلوة Nsan , بس لا تتشائم في توقع منطقي بس لا تتوقع واخذ الموضوع بسهالة , انا اقصد التوقعات الي مثل ما قلت غير منطقية واستنتاجها غير ثابت ,

Lena

شقولج لينا , ما شاء الله عليج انتي , فهمتي الموضوع 100% , ومشكورة على المدح ما عليج زود ^^ , وتسلمين على الخلاصة لانج فجيتي الشفرات الي بالموضوع على قولة الناس :p ( لا تصدقون انها شفرات عاد , انا كتبت الموضوع بسرعة وما جمعت طلعت الي براسي بس :boggled: )

Dragon Sword

هههه , سامحنا دراجون على الشلل الدماغي والشد العضلي :D , ولا لا تخاف مو منظمة كي او اف ولا العضو كي داش , بس واحد كان يخرف وفاضي :biggrin: , وشقولك كلامك عين العقل عزيزي , وقاعد تضرب على الوتر الحساس بحالنا الي ما ادري متى بيتغير :أفكر:

KJF

انا مو قايل بالموضوع لا تتوقعون توقعات خيالية :tongue2: , لا يا معود على شنو ازعل منك من صجك :biggrin: , وتسلم على ردك وزين انك فهمت وسامحنا على الترقيع بالكلام بالموضوع كنت قاعد من النوم ومخي كان تجميع :p

little-angel

الله يعافيج ^^ , والحمدلله انه الموضوع كان له فائدة عليج ولو بسيطة اختي ^^ ,

Snake Eyes

هلا والله عزيزي سنيك ^^ , والي حصل معاك طبيعي طبيعة بشرية , بس حاول انك ما تتعمق فيها وايد وتعطيها اهمية اكبر من حجمها ,

Angel whisper

Good point angel , I can tell that u are trying 2 say that there isn't a thing called being pissimistic or optimistic , It's just that we let our emotionz pass logic , it's just live the moment and don't worry about somethin that's unknown for u to predict

BMA

مو مهم انه يكون الواحد متفائل او متشائم , لانه السالفة تعتمد على الظروف والمواقف , المهم انه ما يفكر بالامر خارج عن الحدود المنطقية والاستنتاجية , لانها ما راح الا تضيع وقته وتخليه يتعود على الكسل ,

وكلامك صحيح ما ازيد عليه , لكنه انطباقه بس على التوقع المنطقي والاستنتاجي , وانا قصدت طبعا التوقع الغير منطقي والغير ثابت استنتاجيا , وحتى لو حصل وقعد الواحد يتوقع جذي , فما في شي اسمه بيتحطم , الانسان لو مهما حس الالم من اي نوع , الالم بيكون له قوة بعدين , المهم انه ما يخلي التوقعات تاخذه بعيد عن الواقع وتضيع وقته وجهوده وهو يتأمل بشغلات غير واقعية او حتى نسبة تحقيقها ضئيلة

ومشكورين على الردود ^^

ممممممممم موضوع حلو جدا..
سبحان الله.....توني جاني نقد على تعاملي مع هذه المواقف...:)
انا استخدمت اسلوب غير بعد فترة كان كل شي يحصل فيها عكس توقعاتي تماما....وانا الصراحة تحطمت من هذا الموضوع....
فغيرت اسلوبي باني احبط نفسي قبل لا يصير شي...علشان لو كانت النتيجة سيئة ما انصدم واكون جهزت نفسي ولو كانت زينة افرح وكأن الموضوع مفاجأة ما توقعتها مع ان الامور المفروض انها تسير بهذي الطريقة:tongue2:
مثلا لو سويت بحث محترم وعلى مستوى....يوم اجي اسلمه اقعد اقول في نفسي:لا تفرح تراه بحث زي وجهك ومايسوى ريال:31:
علشان ما انصدم لو احد سبه او ما عجبه.....وعادة اسوي كذا في كل شي
يقولون لي هذا الاسلوب غير صحي وبيضرك وما يصير عندك ثقة بنفسك.....بس ما عندي الا هو!!!;)

ما ادري اذا كنت فهمت الموضوع.....عموما مشكور:biggthump

اعقل وتوكل على الله <<< هذا ردي :tongue2:

معليه مقدر ارد رد مطول بسبب شوية ظروف ولأني مستعجل :06:

بس شكرا على طرحك للموضوع واذا سنحت فرصة بكتب رد مفصل

أنا أحب نفسي.. بصراحة انا أعشقها من دون مجاملة ..

ما عليك بالنسبة لي ما دخت من القراءة فانا شبه متعود على كتابة الكتب النفسية .. شبه متعود يعني كنت افتح الفهرس و اختار الموضوع اللي يعجبني و اقرا فيه n_n ..

بعد قرائتي للموضوع قفز لذهني Ikari Shinji من مسلسل Eavgelion ..

كيف انه قاد الEva لانه ((كان يتوقع)) انه راح يشبع حاجة الانتماء اللي عمره ما حس فيها في حياته ..

و خاب توقعه لانه بعدها كره نفسه و كره كل شي خصوصا بعد قتله للAngel الأخير ..

يكتشف في النهاية انه طريقة نظرته للموقف هي اللي تحدد مساره n_n .. نهاية المسلسل كانت غير و هي أحلى نهاية أنمي شاهدتها للآن ..

بصراحة تعبيري سيء في ذي الامور فيا ليت ترجعوا للحلقة الاخيرة من المسلسل عشان تفهموا قصدي n_n"

أتفق مع خيو Magenta الغالي انه التوقع مرفوض و التفاؤل مطلوب في أي أمر.. نفس الشي مع خيو مهند العزيز بانه التوكل على الله هو المحك..

الاسلام نفسه - أنا مجرد عام في الأمور و لست بعالم - نهانا عن التوقع بنهينا عن ذكر كلمة (لو) و حثنا على التفاؤل و التوكل في الامور ..

المصطفى - صلى الله عليه و سلم - ذكر في عدة مواضع بما معناه ان تفاؤلوا بالخير تجدوه ..

يمكن يكون ردي هو الأسوء بين باقي الاعضاء .. سموحتكم رجاء ..

شكرا على الموضوع خيو D : )

tidusxxx

هلا اخوي تايدوس ^^ , والنقطة الي ذكرتها مهمة جدا , انه الواحد ما يتوقع النتائج قبل لا تطلع , المهم التوكل على الله والثقة بالنفس ولا شي غيرها ^^

The Noble

هلا حجي مهند ^^ , ترى ردك مع انه كلمتين انه اختصر الامر كله , التوكل على الله هو المحك مثل ما قال الاخ الكريم جستين ^^ , ويا هلا حياك الله متى ما بغيت تكتب رد

Justine

شي حلو انك تحب علم النفس :D <<< مو مصدق لقى واحد مثله :tongue2:

وذكرتني بايفانقليون :D , الصراحة هل انمي قمة في الابداع من ناحية انه يخليك تحس انك ضايع ومو فاهم شي , هل انمي اصنفه بالطور النفسي اكثر من الطور الغامض :boggled: , والنهاية مثل ما تفضلت كانت اروع ما يكون , للاسف وايد من الفانز ما يشوفونها جذي ويقولون لك unsettling :31: , مو هذا المغزى اصلا :p

وبالعكس خيو ذكرت شي مهم بطريقة غير مباشرة , الا وهو انه طريقة النظر للامور والتعامل معاها هي الي تحدد مسار الانسان وتحدد نفسيته وفكره وشلون ينبنون ويشكلون شخصيته , ومثل ما تفضلت , اسلامنا نفسه هو خير موجه للفكر الانساني , والانسان المفروض ما يتوقع شي في علم الغيب , ما عليه الا انه يتوكل على الله تعالى , ويتوقع الاشياء ان كان لها هدف محمود وتكون هل توقعات مو طالعة عن حدود المنطق والاستنتاج ,

ومشكورين جميعا ^^