مناقشه حول طريقه لعب لعبه World Of Warcraf بالشرق الأوسط

السلام عليكم و رحمة الله وبركاته

حبيت افتح هذه الموضوع لكثير من بحبي لعبه World Of Warcraf ونناقش بهذه الموضوع حول طريقه لعبه هذه اللعبه بواسطه البطائق مسبوقه الدفع.

اولى اقول انه لعبه World Of Warcraf تتمتع بكثير من المزايا وهي الجرافيك العالي وطريقه اللعب الممتعه وكثره الشخصيات وكثره الحركات فيها وغيرها

وجميعنا نتمنا ان تكون هذه اللعبه او بالأحرا تكون عندنا بطائق مسبوقه الدفع للعب هذه اللعبه

وقد اعطى موقع جيم سبوت لهذه اللعبه نقاط قويه وقدرها 9.5

وهذه بعض النقاط على الجرافيك و الصوت و غيرها

[IMG]www.drr.cc/files/pic/de2/grgf 111.jpg[/IMG]


=-=-=-=-=-=-=-=-=

ووضعت المطلبات التي تحتاجها اللعبه لتشتغل على الجهاز وهي:

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

معلومات عن اللعبه


Connectivity: Online
Online Modes: Competitive
Number of Players: Massively Multiplayer
ESRB Descriptors: Suggestive Themes, Violence, Blood, Use of Alcohol
Difficulty: Medium
Learning Curve: About a half hour
Stability: Stable
DirectX Version: v9.0
Operating System: Windows 98/2000/ME/XP


=-=-=-=-=-=-=-=-=-=-=-=-=-=-=-=-

وهنا المواصفات الي تشتغل عليها اللعبه

System: Intel Pentium3 800 MHz or AMD Duron 800 MHz processor or equivalent
RAM:256 MB RAM
Video Memory: 32 MB VRAM
Hard Drive Space: 4000 MB
Other: Internet connection and monthly fee required; PC/Mac Hybrid

=-=-=-=-=-=-=-=-=-=-=-=-=-=-=-=

وهنا المواصفات الموصا بها

Video Memory: 64 MB VRAM

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

و وجدت بطاقه مسبوقه الدفه وهي خاصه للعبه World Of Warcraf ولاكن لا اعرف اذا كانت تشتغل معنا بالشرق الاوسط ام لا

وهذه صورتها

http://www.gamestop.com/common/images/lbox/645985b.jpg

وهذه الموضوع لمناقشه هذه السوأل ومناقشه كثير من الأساله الي تحوز لعبه World Of Warcraf


اتمنا الكل المشاركه بهذه الموضوع


تحيتي

/)/)/)

السلام عليكم ورحمة الله وبركاته
اولاً: طريقة اللعب
الحل الوحيد للعب بالعبه انه لازم يكون عندك كرت من امريكا
و اعتقد انه بطاقت الدفع المسبق راح تشتغل لانه مافيها عنوان :)
وانا كلمة ناس وقالولي انهم العبوها وقالو انه لازم البطاقة تكون من امريكا (اذا كنت تدرس مناك و لا اخوك او احد من قرايبك قول)
وبطاقة كاشو جربتها و ما ضبطت لانه عنوان الماستر كارد مالتهم الاردن
و البطاقة حصلتها بموقع ولا محل ؟؟
______________________________________________________
انا الحين عندي نسخة US و يوم سويت اكاونت دزيت اميل علشان يشوفون لي حل ..... الحل الي قالو لي اياه هو انك تنطر النسخة الاوروبيه تنزل و راك تقدر تلعب بالنسخة الي عندك
يعني ننطر لي شهر 1

هاذا الايميل الي وصلني:
Hello,

Welcome to the European Customer Support for World of Warcraft !

We have successfully received your information; we will provide you with the required information to access the European Final Beta as soon as it launches.

You will also be able to play on the European launch of World of Warcraft with your current information.

Thank you for joining the World of Warcraft community!

Customer Support Team
Blizzard Europe
__________________
وياليت من الي فهموا يفهمونا بالترجمه :)

Bedousim ممكن تستخدم بطاقه كاش يو في طلب البطاقه مسبقة الدفع ... هذا الي انا سويته والطلبيه لها 5 ايام في الطريق وللان ماوصلت :( كنت افكر اني باستلمها اليوم , بس شكلها بتتأجل لبكره

على كل حال ترجمه الرد ....

Welcome to the European Customer Support for World of Warcraft
اهلا في قسم الدعم الفني الاوربي لـWoW

We have successfully received your information; we will provide you with the required information to access the European Final Beta as soon as it launches.

تم استلام معلوماتك بنجاح , وسوف نزودك بالمعلومات التي تحتاجها للتسجيل في نسخه البيتا الاوربيه النهائيه حالما تبدا
You will also be able to play on the European launch of World of Warcraft with your current information.
بالمعلومات الحاليه سوف يمكنك اللعب بالنسخه الاوربية حين تبدا
Thank you for joining the World of Warcraft community!
شكرا لانضمامك لعائله World of warcraft

ياطويل العمر على حسب كلامهم شكلهم غيرو نسختك من WoW الامريكيه الى WoW العالمية يعني يبيلك الحين تصبر لين يبدا البيتا النهائي وراح يراسلونك بالمعلومات الي تحتاجها علشان تلعب في البيتا , وبعد ماتنتهي البيتا راح تصبر لين موعد الاصدار التجاري للعبه , ثم بامكانك اللعب بالنسخه الي معك

السلام عليكم و رحمة الله وبركاته

مشكور اخوي ولاكن هل رساله تعني انك اشتركت باللعبه.... وانت الحين قاعد تلعبها ؟؟؟؟

والموضوع الي يجب ان نتناقش به هو صوره البطاقه هذي


http://www.gamestop.com/common/images/lbox/645985b.jpg

وانا اعتقد انه هذه البطاقه تشتغل بكل انحاء العالم لانه اكيد انها من امريكا وشركه بلازارد سوت هل بطاقه لانها تعرف انه الكثير من عشاق اللعبه في دول لاتشتغل عندها مثل الشرق الاوسط يريدون لعبها وهي ابتكرت هل بطاقه عشان تقدر تلعبها


يعني هل تعهتقدزون لما اطلب هل بطاقه راح تشتغل وياي

انا رايي نعم وانت ما قولكم

تحيتي

/)/)/)

اعتقد السرفرات الأوربيه لاقها عندنا افضل من الأمريكيه
بس ودي اعرف على اي اساس حولوه للنسخه الأوربيه
AL-Samurai
انت وش النسخه الى عندك من اللعبه؟ او وش المعلومات الى ارسلتها لهم؟

اخوي كلامك صحيح

انا طلبت اللعبه وطلبت معها البطاقه الي انت حاط صورتها , يعني ماطلبت اللعبه فقط

بس الى الان ماوصلتني باقي في الطريق :)

الصراحه انا الحين قاعد العب بWoW , و العبه صج تستاها

طبعاً كلكم تتسألون شلون لعبه
الله يسلمكوم انا عندي واحد من الربع استرالي و اهو طالع اجازه شهر و قالي العب بالaccount
مالي الين ارجع :biggrin:

و العبه كلش مافيها lag مو مثل الBeta انا لعبة الBeta و صراح كلهاLAGS!

Blade Master
بأي نسخه قاعد تلعب ؟ امريكيه ولا اوربيه؟

الاوروبيه ما نزلت هههه اكيد امريكيه

احلى شي تاخذ من الحين لانه الاوربيين مليقين -____-

وانا شفت فيديو عن اللعب صراحه الجرافيكس مدمر ما كنت اتوقعه جذي

يله ما عليها نصبر
زين متى موعد صدور النسخة الاوروبيه و العالميه؟؟
و شنو الفرق بين النسخة الاوروبيه و النسخة الامريكيه (غير اللغه و الناس الي يلعبونها )؟؟
و اعتقد الجواب على سؤال بطاقة الدفع المسبق : اكيد تشتغل
و اذا تعرفون محل بالكويت عنده البطاقة يعطينا خبر لانه ما اعرف حق شغل الطلبية :(

الشرق الأوسط تابع للسوق الأروبي وهذا يعني أنه احتمال كبير أن يكون لأوروبا والشرق الأوسط سيرفر واحد

زين متى موعد صدور النسخة الاوروبيه و العالميه؟؟
للحين مو معروف متى موعد صدور النسخه الاوربيه وتاريخ 14 شهر 1 في السنه الجايه مجرد تخمين من مواقع البيع على الانترنت ,, هذا الي مكتوب في منتدى النسخه الاوربيه

و شنو الفرق بين النسخة الاوروبيه و النسخة الامريكيه (غير اللغه و الناس الي يلعبونها )؟؟
لايوجد فرق نهائيا

انصحك تشيك على الموقع هذا باستمرار راح تلقى كل شي تحتاجه عن النسخه الاوربيه فيه , لانه الموقع الرسمي للنسخه
http://www.wow-europe.com

انشالله اكون افدتك

تحياتي

السلام عليكم و رحمة الله وبركاته

يعني الحين ياجماعه لو اطلب هذه الكرت
http://www.gamestop.com/common/images/lbox/645985b.jpg
راح اقدر العب وور كرافت؟؟

والسوأل الثاني..

اذا أنزلت النسخه العالميه هل يستطيع جميع من في العالم ان يلعبها وبمافيها الشرق الاوسط ؟؟

ومتى تعتقدون انه النسخه العالميه ستصدر ؟؟

تحيتي

/)/)/)

مشكور اخوي BlackJack على الافاده
و بمناسبة الكرت اكيد راح يشتغل
و النسخة العالمية تشتغل بالشرق الاوسط ( من اسمها (عالمية)) :)
و ماعندي اي معلومة عن موعد صدور النسخة العالمية ؟؟

السلام عليكم
:(
شباب عندي لك خبر يرفع الضغط ....

انا تو وصلتني اللعبه والبطاقه مسبقة الدفع وعلطول رحت اسجل نسختي لكني تفاجئت انه مافيه مكان تحط رقم البطاقه مسبقة الدفع , يعني حتى البطاقات مسبقه الدفع ماراح تنفع لنا لين تنزل النسخه العالميه غير كذا مافيه

السلام عليكم و رحمة الله وبركاته

اخويBlackJack ولله يا اخي يعني انا لو اني بمكانك ادق على الشركه واعطيهم جم سبه واطلع ههههههههه

ولله يا اخوي يعني انا استغربت شلون مافي مكان تحط الرقم مال البطاقه
لازم يكون فيه وشلون ما اشتغلت وياك اللعبه والبطاقه هذي

http://www.gamestop.com/common/images/lbox/645985b.jpg

يليت توضح لنا اخوي


تحيتي

/)/)/)

ما في فايده

:D :D :D :D :D

في ناس في الامرات مستعملين كاش يو -____-

اخوي BlackJack في الكرت شنو حاطيلك ؟؟ يوزر نيم و باسوورد ولا غير جذي ؟؟
لانه لازم في طريقة تحط الكرت
و على طاري الكاشيو شلون استخدموها ؟؟ انا عندي و ما ضبط !!

السلام عليكم

الكرت ال60 يوم يجي ارقام كثيره من ورى الكرت تكشط الخانه وتحط الرقم الي موجود , تقريبا زي الCD-Key بس كله ارقام
واما بطاقه كاش يو ماتنفع لان انا معي بطاقات ائتمانيه حقيقي من بنوك هنا بالسعوديه ولما جيت استخدمها في التسجيل قالي ...

"يبدو انك تحاول استخدام اللعبه من منطقه ليست مدعومه من النسخه الامريكيه ," يعني كاشفيني اني موب من امريكا

اشلون يدرون اني موب من امريكا مادري , لاني سئلت واحد من امريكا وقالي انه لما سجل طلعته خانه البطاقه المسبقه الدفع , بس ممكن علشاني موب من امريكا ماطلعلي الخيار هذا ...شكلي باعطيه يسجلي بس اخاف يلقط علي السيدي كي ثم يسويلي حظر على الماسنجر :D

عيل ماكو امل
مافي الى ننطر النسخة الاوروبية او البيتا !!
قريت في الموقع ان نسخة البيتا الاخيرة راح يطلعونها في هاذا الشهر

اقتباس:

---

المشاركة الأصلية كتبت بواسطة BlackJack

السلام عليكم

الكرت ال60 يوم يجي ارقام كثيره من ورى الكرت تكشط الخانه وتحط الرقم الي موجود , تقريبا زي الCD-Key بس كله ارقام
واما بطاقه كاش يو ماتنفع لان انا معي بطاقات ائتمانيه حقيقي من بنوك هنا بالسعوديه ولما جيت استخدمها في التسجيل قالي ...

"يبدو انك تحاول استخدام اللعبه من منطقه ليست مدعومه من النسخه الامريكيه ," يعني كاشفيني اني موب من امريكا

اشلون يدرون اني موب من امريكا مادري , لاني سئلت واحد من امريكا وقالي انه لما سجل طلعته خانه البطاقه المسبقه الدفع , بس ممكن علشاني موب من امريكا ماطلعلي الخيار هذا ...شكلي باعطيه يسجلي بس اخاف يلقط علي السيدي كي ثم يسويلي حظر على الماسنجر :D

---

راسلت الشركه وهذا هو السبب

If you do have a Game Card and you are trying to create an account and do not

see the option, that could be due to the fact only customers in USA, Canada,
Australia and New Zealand will get the option. If you are outside of those
areas it will not give you that option.

ما فى امل :mad:

السلام عليكم و رحمة الله وبركاته

ولله مشكله ياجماعه وانا اقول انه خلاص ماكو امل من النسخه الامريكيه ولاكن ننطر النسخ الجايه .

ومن جهه اخرى .. انا اعرف النسخه العالميه و الاوربيه ولاكن النسخه الي قالها لنا الاخBedousim الي هي "البيتا" ما اعرف شنو هل نسخه يليت يوضح لنا

ويوجد سوأل اخر الكثير يتشوق لمعرفته وهو ... هل النسخه الاوربيه تشتغل عندنا 100%100 ؟؟

تحيتي

/)/)/)

guy's i know some one playing wow with normal cash u

اقتباس:

---

المشاركة الأصلية كتبت بواسطة KuwaitDragon

guy's i know some one playing wow with normal cash u

---

can u ask him how plz
thnx

salam

inshalah i'll wait 4 him till he enter tonight

ابشركم ياشباب قدرت اسجل :) :) :) :) :)

اعطيت الCD-KEY ورقم الكرت ال60 يوم لواحد من اصحابي في امريكا , وخش وزبطلي الاكاونت

يعني بالنسبه للي مو في امريكا ماراح يقدر يسجل حساب جديد , لازم التسجيل من امريكا :(

تحياتي

نسخة البيتا هي نسخة تجريبية يعني مو مثل النسخة الامريكيه او العالمية او الاوروبية
راح يطلعونها في هاذا الشهر و مع صدور النسخة الاوروبية يصكرون البيتا (هاذا على حسب علمي )
__________________
اوخوي KuwaitDragon اذا تعرف ناس مسجلين بالكاشيو اسألهم عن الطريقة ... لانه انا عندي كاشيو و جربة و ماضبط !! و سمعت من واحد يقول انه عادي تسجل بالكاشيو ؟؟

نسخة البيتا هي نسخة تجريبية يعني مو مثل النسخة الامريكيه او العالمية او الاوروبية
راح يطلعونها في هاذا الشهر و مع صدور النسخة الاوروبية يصكرون البيتا (هاذا على حسب علمي ) :33:
__________________
اوخوي KuwaitDragon اذا تعرف ناس مسجلين بالكاشيو اسألهم عن الطريقة ... لانه انا عندي كاشيو و جربة و ماضبط !! و سمعت من واحد يقول انه عادي تسجل بالكاشيو ؟؟
__________________
BlackJack مبروك على التسجيل :biggthump ...بس انت بديت اللعب ولا لا لحين ؟؟
__________________
هل النسخه الاوربيه تشتغل عندنا 100%100 ؟؟
والله يمكن لانه حولوني للنسخة الاوروبية بعد ما اكانت نسختي امريكية و مثل ما قال واحد من الشباب انه سوق الشرق الاوسط تابع للسوق الاوروبي...ليت واحد من الشباب (الخبره بالانجليزي) يرسلهم رسال يسأل اذا في امل نلعب بالنسخة الاوروبية في الشرق الاوسط :06:

الله يبارك فيك ايه لعبت من شويه شيكت على الوضع وحسيت اني ضايع قلت ااجل العب على فضاوه :)

والنسخه الاوربيه متأكد انها راح ينلعب فيها لانها اخر اصداره والشركه ماراح تمنع احد من اللعب , والدليل انهم راسلوك وحولوك عليها :)

الله يبشرك بالخير و يوفقك بالعبة (رديتلي الامل) :biggthump

طيب الى يلعبون في السرفرات الأمريكيه يقدرون يشوفون الي بالسرفرت الأوربيه ولالا؟

كلااااام فاااضي ... انا حاليا قاعد استخدم بطاقات كاشيو (احولها حق ماستركارد) وكل شي فل الفل ... لفلي 11 وانا انديد وورلوك وتوني مطلع الpet الثاني :)

السلام عليكم و حمة الله وبركاته

اول شيء ابارك للأخ BlackJack على اشتغال اللعبه :)

ولاكن انا افضل النسخه الأوربيه لأنها راح تشمل العالم على كلام الأخ BlackJack وعلى حسب السيرفرات

هل تعتقدون ياجماعه انه مايسير ان ننتقل من سيرفر لأخر مثل لعبه ff11 ??

والسوأل المحير تماما هو :..... متى ستصدر النسخه الأوربيه ؟؟؟؟؟؟


تحيتي

/)/)/)

اخوي black jack
ياريت تقولي انت في اي سيرفر
انا موجود في Bronzebeard :cool:

هل تعتقدون ياجماعه انه مايسير ان ننتقل من سيرفر لأخر مثل لعبه ff11 ??

والسوأل المحير تماما هو :..... متى ستصدر النسخه الأوربيه

اتمنا واتوقع انهم بيخلون الاعبين ينقلون , الاااااااااااااق زفت في السيرفرات الامريكيه للي عنده دايل اب مثل حالاتي :D
اما تاريخ الصدور ياليت اعرف , توني مشيك على موقع النسخه الاوربيه ومافيه اي جديد بخصوص الموضوع هذا :(

Blade Master :

انا حاليا العب بسيرفر Uldum عدد الاعبين فيه قليل وهذا الي حببني فيه = الاق اخف :)

Night Elf hunter

السلام عليكم و رحمة الله وبركاته

ولله يا اخي هل لعبه انا الحين ساحبلها 23 عرض من موقع جيمسبوت وقاعد الحين استمر في تحميل العروض وسراحع عجبتني كثر تتصور هي اكثر وانا ودي على العبها ولاكن انتضر النسخه الأوربيه وأنشاء الله تلقاني هناك باذن الله :)

وياليت اخوي تحط عنوان الموقع الي رااح يحط خبر نزول النتسخه الأوربيه

تحيتي

/)/)/)

السلام عليكم و رحمة الله وبركاته

ولله يا اخي احنا ودنا نلعب بهل لعبه وانا الحين ساحبلها 23 عرض وقاعد انزل المزيد من عروض هل لعبه من موقع جيم سبوت

:)
ويليت يا اتخي تعط لنا الموقع الذي سيخبرك على موعد صدور اللعبه :)

تحيتي

/)/)/)

السلام عليكم ورحمة الله وبركاته

أنا استعمل بطاقة الفيزا اللي مسويها بنك الكويت الوطني اللي بعض الناس يسميها فيزا الانترنت لأنها بس حق المشترى من المواقع التجارية في النت وألعب Dark Age of Camelot و Final Fantasy XI بدون أي مشاكل في الدفع ، كل شهر ياخذون فلوسهم واللعب ما ينقطع :) ، يمكن بس الشي اللي لازم ما أنساه هو أني لازم أحط رصيد في البطاقة كل شهر لأنك ما تقدر تحط فلوس وما تستعملها لأنها راح ترجع للرصيد إذا ما شريت بالبطاقة.

وأستعمل بطاقة ثانية للاحتياط لبعض المواقع (اللي ممكن ما تثق فيها عدل) ودفعت فيها مرتين حق DAoC ومرة حق FFXI، هي بعد فيزا بس من بنك برقان في الكويت اللي اسمها BeeWallet ، هذي تحط فيها رصيد وما عليك شكثر الفلوس تقعد فيها لأن مو ضروري يكون لك حساب عندهم :D .

مو متأكد من إذا بطاقة كاشيو تقدر تلعب فيها لأني سامع من ناس أنها مو بكل موقع أو لعبة تشتغل :06:

== على فكرة أحب اسمك اللي مشابه اسمي يا Blade Master ، مثل ما يعزوني الناس اللي لهم نفس اسمي ==


مع أطيب تحياتي ،،،
BladeMaster

السلام عليكم و رحمة الله وبركاته

الان يا اعزائي ناقشنا موضوع العبه wow وعرفنا مايقاب جميع اسرارها وارجو ان تضعو كل جديد هنا وانا معكم سأضع الجديد هنا

ولاكن الي مزعلني انه فاينل فنتزي يوحدون السرعه بجميع السيفرات اما ووركرافت مايوحدونها وفوق هذه ندفع لهم فلوس

يعني ياجماعه مو الي قاعد يسير مصخره ؟؟

تحيتي

/)/)/)

السلام عليكم ورحمه الله وبركاته

انا من زمان وانا انتظر اللعبه انتظرها على احر من الفحم وفي الاخير تقولون ماتقدر تلعبها في الشرق الوسط

بس في واحد يقول تقدر عن طريق الكاش يو بعنوان استراليي هل هذا الكلام صحيح؟؟؟

وانا ابي اشتريها من موقع الميل الازرق بس ابي اتأكد من اني اقدر العبها بالكاش يو قبل...

وهل تنصحوني بأن انتظر النسخه الاوروبيه ولا اشتري الامريكيه ؟

السلام عليكم و رحمة الله وبركاته

ولله يا اخي سوألك جيد وانا اتمنا ان يجب عليه احد الاخوه وان يكون متأكد لانني سمعت هذه الكلام ايضا

تحيتي

/)/)/)

السلام عليكم

الاخوان الي يلعبون معي في نفس السيرفر استخدموا بطاقة كاشيو للتسجيل بعنوان استرالي يعني انشالله بدون مشاكل بتقدر تلعب WoW
هذا الموضوع بيجاوب على سؤالك
:biggthump
http://www.montada.com/showthread.php?t=331667


بالنسبه للنسخه الاوربيه اول ماراح تنزل يمكن احول عليها اذا كان السيرفرات مستضافه في اوربا , لان الاق عالي للي اتصاله دايل اب في السيرفرات الامريكيه , اما اذا اتصالك DSL يمكن يصلحلك السيرفرات الامريكيه على الاقل لغتهم وحده اما الاوربين يتكلمون مليون لغه :)
تحياتي

السلام عليكم و رحمة الله وبركاته

افهم من كلامك يا اخي انه تستطيع ان تكتب لغات متعدده بالعبه ام فقط بالحروف الانجليزيه ؟؟

2- انا انتصالي دي ال اس يعني اللعبه راح تسير وياي سريعه حتى لو اني العب معى ناس يستخدمون الديل اب ؟؟

ارجو الاجابه :)

تحيتي

/)/)/)

بالاحرف الانجليزيه فقط انا كنت اقصد (الاسبانيه - الفرنسيه - الالمانيه الخ الخ الخ ) وكلها تقريبا تستخدم حروف انجليزيه

انا حاولت اكتب عربي في اللعبه بس للاسف النسخه الامريكيه ماتدعم الخط العربي , مادري عن النسخه الاوربيه لما تنزل بس ارجح انها برضه ماراح تدعم الخط العربي لان الخط العربي شغلته شغله , حروف متشابكه ومن اليمين لليسار ويبيله برمجه طويله باللعبه ماعتقد انهم بيضيفونها للنسخه الاوربيه

اما السؤال الثاني الاق يعتمد على اتصالك وماراح يأثر عليك وجود لاعبين يستخدمون دايل اب ,

السلام عليكم ورحمة الله وبركاته

اخوي BlackJack سراحه افتنا بأجوبتك ولاكن انا بسألك عن اللعبه


اللعبه شلونها حلوه ولا عاديه ولا شنو ؟؟

تحيتي

/)/)/)

يعني ممكن تدخل السرفرات الأوربيه ياBlackJack بالنسخه الأمريكيه ولا بتشتري النسخه الأوربيه بعد؟

اقتباس:

---

المشاركة الأصلية كتبت بواسطة Cyber Master

يعني ممكن تدخل السرفرات الأوربيه ياBlackJack بالنسخه الأمريكيه ولا بتشتري النسخه الأوربيه بعد؟

---

ماجاوبتني اخوي :33:

اقتباس:

---

المشاركة الأصلية كتبت بواسطة Cyber Master

ماجاوبتني اخوي :33:

---

اذا بدش السيرفر الاوربى لازمك النسخه الوربيه

السلام عليكم

زي ماقال داور النسخه الاوربيه لها سيرفرات خاصه ,
لنسخه الامريكيه لها برضه سيرفرات خاصه

بالنسبه للعبه اخوي AL-Samurai ممتعه لابعد درجه ( طبعا بعض الناس يمكن ماتعجبهم اللعبه ويقولون حقت ورعان من رسومها :D بس انا مستمتع باللعبه لاخر درجه
:biggthump

السلام عليكم ...

يا شباب أنا عمري ما لعبت أونلاين لكن أنا أشوف ناس كثار يلعبونها وأنا متحمسلها....

هذي بعض الأستفسارات أنشالله تجاوبون عليها:

1- أنا من سكان جده من وين أقدر أشتري اللعبه

2- كيف ألعب اللعبه......( وأبي جواب واحد مو كل واحد يحط مئة جواب ) - - - - - - > هل اللعبه تشتغل بال كاش يو

3- متى النسخه الأوروبيه تنزل

4- من وين أجيب الكاش يو الأسترالي

5- وين محل كاش يو بجده ؟

أنشالله بس ما ثقلت عليكم بالأسئله ^___^

سلام

1- والله مو من سكان السعودية :)
2- اي تشتغل وله طريقة http://www.montada.com/showthread.php?t=331667
3- بداية 2005
4- مو كاشيو استرالي الكاشيو تشتري من محلات الكمبيوتر الي عندكم في السعودية و علشان تسجل تحتاج عنوان استرالي مو كاشيو استرالي و طريقة الحصول على العنوان تحصلها في هاذا الموضوع http://www.montada.com/showthread.php?t=331667
5- ما عندي فكرة p:

اقتباس:

---

المشاركة الأصلية كتبت بواسطة BlackJack

بالنسبه للنسخه الاوربيه اول ماراح تنزل يمكن احول عليها اذا كان السيرفرات مستضافه في اوربا , لان الاق عالي للي اتصاله دايل اب في السيرفرات الامريكيه , اما اذا اتصالك DSL يمكن يصلحلك السيرفرات الامريكيه على الاقل لغتهم وحده اما الاوربين يتكلمون مليون لغه :)
تحياتي

---

يعني معناتها اذا يغيت تحول لازم تشتري النسخه الأوربيه بعد
والله احترت مدري وش افضل الأوربيه ولا الأمريكيه

السلام عليكم و رحمة الله وبركاته

بالنسبه للأخ Bedousim لقد قلت لنا انه سوف تنزل النسخه الاوربيه ببدايه عام 2005 وها نحن دخلنا بها :) فهل انت متأكد من هذه المعلومه؟؟؟

ومتى سنزل ..بأي شهر او اي يوم ؟؟


وهل النسخه الاوربيه يا جماعه تحتاج إلى عنوان استرالي أم انها تقبل العنوان العربي او الخليجي ؟؟

تحيتي

/)/)/)