Legaia 2 Dual Saga

[SIZE=1]أنا مستغرب إنه بعض محبي ألعاب الآر بي جي ولا مره بعمرهم إسمعوا بلعبه Legaia 2 Dual Saga! :31:
المهم إهيا لعبه قديمه بس صراحه روعه على أيامها ويمكن راح تعجب إلي ما إلعبوها.
تتميز اللعبة بقصتها الرائعة وأسلوب قتال جميل جدا، أيضا سوف تجدها صعبة قليلا في البداية مما يؤدي إلى الحماس وتحدي لإنهاء اللعبة، والذي يحبب إليك اللعبة أن كل سلاح يختلف عن سلاح آخر من حيث الشكل والنقش،
وهذي بعض الصور من اللعبه إنشالله تعجبكم. (على فكره هذي أول مشاركة حقي وإنشالله أكون عضو فعال)[/SIZE]

]

http://www.rpgdreamer.com/rpgworld/l...egaia2logo.jpg]
http://www.rpgdreamer.com/screen/leg...ia2screen1.jpg
http://www.rpgdreamer.com/screen/leg...ia2screen2.jpg
http://www.rpgdreamer.com/screen/leg...ia2screen5.jpg
http://www.rpgdreamer.com/rpgworld/l...legaia2-26.jpg
http://www.rpgdreamer.com/rpgworld/l...legaia2-19.jpg
http://www.rpgdreamer.com/screen/leg...ia2screen8.jpg

http://www.rpgdreamer.com/rpgworld/l.../legaia2-4.jpg

http://www.rpgdreamer.com/rpgworld/l...legaia2-66.jpg

http://www.rpgdreamer.com/rpgworld/l...legaia2-75.jpg[/CENTER][/CENTER][/CENTER]

حياك الله في المنتدى أخ ليون :)


فعلا لعبة رائعة ...

يمكن أكثر شيء عجبني فيها الأدوات وطريقة دمجها للحصول على أسلحة ودروع وأدوات جديدة :biggthump

كذك الخيمة .. كانت رائعة جدا تقدر تطبخ فيها وتسوي أكلات تزيد من معنويات اللاعبين :D

كذلك تسوي شات بين اللاعبين .. عاد هذي أم الفلة وفايدتها كبيرة ..

تخليك تعرف عن الشخصيات أكثر كذلك لو نسيت مهمتك يذكرونك الشخصيات اللي معاك ..


أنا أنهيتها مرة واحدة وتقريبا كشفت فيها كل شيء .. وأنهيت مرحلة السيب الطويل :31: !! أكثر من 6 ساعات متواصلة لأن السيب مافيه تخزين :31: !!


واستمتعت باللعبة كثير .. :)

وصراحة ما ندمت اني شريتها أصلي :09: ..


.. مشكور أخوي على موضوعك بس الصور ما تظهر :08: ...



سلام ;)

اول شي الصور مو طالعه :D
وثانيا العبة روووووووووووووووووعه الصراحه ومثل ماقال اخوي Flanteus
هذي ميزه العبة

اخوي انا خلصت اللعبة مرة وحده وبصراحة اللعبة روعه والحين العب بيها مرة ثانية بس عندي سؤال وصلت للغز المجاري بس ما قدرت اتخطاه نسيت الحل ممكن تساعدني

توجد 12 مزهرية والمزهرية رقم12 مضاءه وطبعا انا بعدني ما حصلت شارون

طبعا هذا اللغز له حلين

الحل الاول قبل شارون

والحل الثاني بعد ما احصل شارون

اريد الحل الاول عشان اروح واحارب بوبا واحصل على الجوهرة وارجع القرية بس ما عرفت اطلع من هاللغز

ممكن الحل باسرع وقت ؟؟؟

أخوي أنا بعطيك أكثر من حل وأنا ماني عارف أي لغز قصدك بس أهما ثلاث ألغاز (العقرب والسلحفاة والسمكة)

أولا لغز السمكه:- راح تلقى كل مزهريه عليها حرف(بالظغط على الزر X) ، وأنت لازم تظيء المزهريات التي تبدأ بحروف السمكه بالإنجليزي F,I,S,H

ثانيا لغز السلحفاة:- ظيء المزهريات التاليه بالترتيب ( الصفراء، الزرقاء الغامقه، الحمراء، الخضراء )

ثالثا لغز العقرب:- ظيء المزهريات التاليه حسب اتجاه عقارب الساعه (الساعه السابعه، الساعه الثالثه، الساعه الخامسه، الساعه الثانيه)


هذي ألغاز التي على ما أعتقد سوف تمر عليك في المرحله الأولى قبل أن تتعرف على شارون (على فكره أنا اللعبه خلصتها سنة 2002، يمكن أكون نسيت لغز أو شي وشكرا) :09:

:( أخوي انا شفت اللعبه في مجله اجنبيه ومن اول صوره عرفت انها لعبه حلوه ومع انها مو جديدة الا انها نا وصلت عندنا (الشرقيه).

أخوي أحب أقولك مو كل لعبة قديمه ينمل منها :biggrin:

وإذا أنت صج تحب ألعاب الآر بي جي ذات الطابع القصصي المميز أنصحك أنك تشتري هذي اللعبه وحتى لو إهيا قديمه مافيها شي :D
وشكرا

السلام عليكم ورحمة الله وبركاته .. واهلاً بك يا ليـــون بمنتدى الآر بي جي ..:)

وبالنسبه للعبه .. الصراحه انا مالعبتها ولاشريتها حتى ..:أفكر:.. لكن انشاء الله ناوي اشتريها بعد كلامكم الطيب عنها .. بس متى بلعبها ما ادري ..:D

وشــــــــــــ:yup::yup::yup::yup:ـــــــــــــكراً

السلام عليكم


كيف الحال شباب

انا امووووووووووووووووووووووووووووووووووووووووووووووووووووووووووووووووووووت بشي اسمه ليقاايا

انهيت الجزااء الاول بس كان روعه الجزاء الاول وللحن عندي بعد بنهيه ثاني مره ابي اكتشف صناديق

ما فتحتهم وجوااهر وسيووف وشقلات كثير وان شالله اختمه للمره الثانيه

انا الحين قاعد العب الجزء الثاني حلو حده واخذة مايا وشارون والعملاق شسمه ارقي جنه

الي تلقااه بمدينة الهنود الحمر وحليت كل الالغاز ولما اخذ شارون اروح لمدية دارك بالكهف الي تحت

واجهني لغز نفس 12 مزهريه بس مو وحده مضائه حاطين لك اثنين مضاائه وحليتها بذكاائي هههه

لا تصدق بذكاائي صاري اربع ايام احل فيها واخيرا حليتها ههههههههههههههه :17:

ورحت اخذة جوهرة الوند الريااح والحين وعطيتها الربان الي بالسفينه مالت ابوو شارون

ورحت اخذة الهندي وبعدين انا الحين واصل عند كهف النار باخذ جوهرة النار

هههههههههههههه شرياك مو قطعة شوط طويل وعندي قاائمه باقوي الاسلحه الي تدمجها

وانا ماشتري اسلحه اربعين الف وخمسين الف لا اشتري جوااهر الزرق واروح مدينة الهنود الحمر

وفي واحد هندي يطلع لك الجواهر كلهم حقااتك مثلن عندي نوع القولد سبعه الهندي هذا يطلع لك جوهرة القولد المطوره وماخذ شي بس واحد وعاد انت كيفك تبي واحد علي عدد الجواهر الي عندك من القولد

وجذي ادمج الاسلحه حقااتي واطلع المطوره لهم وماشتري شي غير الاي تيم ههههههههه شرايك مو مخ

وانا اقدم المسااعده لاخواني اسألو اي سؤال انا لا اخوي صاحب الموضوع

مع التحيه

العسكر

مشكورين أخواني كلكم :biggthump


بس على فكره في حجر مهم بهاللعبه يمكن البعض يتساهل عنه أسمه heaven stone هذا ،الحجر راح ينفعك في الخلطات عشان تطلع أقوى الدروع وأقوى الأسلحه

فأذا كان عندكم هالحجر لا تبيعونه لأن مهم جدا أهم آيتم بالشريط بالنسبه لي (البعض يبعه لأن سعره غالي، فأقولهم لا تغركم الفلوس) :09:

من أفضل ألعاب الاربي جي عندي
رهيبة من ناحية المعارك والقصة
اسلوب المعارك فظييييييييييييييييييييع
الجزء الاول انا من ناحيتي افضل من الثاني

ومشكور اخوي انا مرحلة السيب تعديتها بعد 5 ساعات


وشكرا

حفظة اسم الجوهره عندي ان شالله مابيعها


بس بسالك لان هذا الشي عقدني


يعطووني بالمعارك اشيااء كانها عضاام

ابيض صغير مدري حق شنون السؤال

هل ابيعه او ستضهر لي فاائدته بعدين؟؟ وماهي الفواائد :17:

ارجو الرد :33:

ملاحظه الاشياء هذي ماتقدر تستخدمها ولا شي بس زينه بس سعرهاا غالي :shock22:

العظام تختلف عن المعادن، فتظهر صورت المعادن كجواهر زرقاء أما العظام فأنها لا تشترك في الخلطات أبدا وإنما تبيعها إلى دكتور في معمله في مدينه Tanza، ولكن الأهم أنك لا تتساهل بأي معدن تجده فقد يكون له نفع كبير ف خلطاتك


ملاحظه هامه:- إن حجر Heaven stone يعتبر نادرا جدا بحيث لا تجده بسهوله

أوه أجل فيه محترفين :09: !!

على العموم حبيت أسأل فقط .. هل أحد فيكم قدر ياخذ الشخصية ذو اللباس الأسود والشعر الفضي ..؟

لأني حاولت أني أواجهه في كل المعارك لكن ما جاء في فريقي :( ...


يمكن لأنه ليس مبرمج على انه يدخل في فريقي بس :D عندي احساس غريب يقول انه شخصية سرية :33: ..


غير كذا أنا ممستر اللعبة من إلى .. ;)
بس ناسي من إلى :31:

يمكن من الأشياء القوية اللي لازم تكتشفها .. غير السيب طبعا :أفكر:
أماكن التطوير الخارقة في الخريطة ... أنا كشفتها كلها واحدة حقت دروع ( مكان دمج دروع قوي جدا .. والثانية بتاعة أسلحة وغيرها ... وفي مكان آخر تلاقي فيه الأقزام فاتحين بسطة ويبيعون لك أدوات زي اللوز :08: .. بس ما أعتقد انه مكان سري ...


وأرهب مدينة في اللعبة هي الهنود الحمر على قولة الأخ العسكر ,,, خخخخخخخخخ :D

ومن ناحية البيع أنا ما أبيع لو حجة البقرة على قرونها هذا نظام لعبي في أجزاء ليجايا وفف 9 .. لوجود نظام دمج في كلا اللعبتين .. :)

حبيت أسأل أيضا ايش أقوى طبخة ؟؟
انا طلعت طبخة قوية للانج قوية جدا والمقادير بتاعة الطبخة ليست كلها نادرة إنما أداة طبخ نادرة جدا هي اللي كانت مشكلة في تحضير الطبخة :31: ...

أيضا هناك مهمات خاصة في مدينة مدري ايش .... اللي تقابل فيه صاحبنا أبو شعر فضي أول مرة .. في تلك المدينة في وحدة تعطيك مهمات .. أنهيتها كلها ولحد يفوتها لأنها مهمة ومن صميم المسترة :biggthump

من الناحية القتالية أرى ان الجزء الأول أحسن ولكنه صعب موت :17:



سلام :biggthump

الفارس ذو لشعر الفضي هو على ما أعتقد فقط شخصية تتحداك في مهماتك ولا أظن أنه يستطيع أن ينظم إلى فريقك لأنه ليس عدوك وليس صديقك في نفس الوقت :(


ولقد حاربته وحده مع رفاقي وأنه قوي جدا حتى أنه كاد أن يهزمني :17:


فالمهم لا أعتقد بأنك سوف تسطيع ضمه إلى أصدقائك ومتابعة سيرك معه، حتى لو أنهيت جميع مهمات التى يطلبونها منك في تلك المدينة
ولكن سوف تجده في الآرينا أثناء قيامك بمعارك فيها، إذا صادفته هناك فلن يرحمك بضرباته القاضيه حتى يضمك إلى الأرض :biggrin:

أخيرا الموضوع المناسب :أفكر: !!

بس حبيت استفسر يالكرام.. :) ..لما نرجع البطل ناسي اسمه :09: ..البنت الي ماتتكلم..ناسي اسمها :08: ..وكازان :tongue2: ..نرجع للبيت حقه وبعدين يفتش في اغراض الصندوق يلقى حاجة مفقودة!! :p ..وبعدين نروح للمدينة ونلقى المتين==ناسي اسمه :09: ..وبعدين يقول لازم تروح للصحراء وتقاتل الLyps.. :31: ..المهم اروح الصحراء ولا اضربه ولاضربة يهرب على طوووووووووووووووووووووووووووووووووووووووووووووووووووول :12: ..ومع العلم ان ادواتي جيدة وسنعة :D ..وش الحل..ياكرام" :tongue2: "


*يمكن تستغربون اني ناسي اسامي معظم الشخصيات :09: هذا لأني من زمان مالعبت اللعبة وصلت عند هالمككان الي قلته لكم وخلاص مليت لكن بلعب من جديد بإذن اللله :أفكر: *

والله يا طويل العمر ... :)

إني ناسي الحل :D








لا أمزح :D
المهم شايف الدُغُف ( المتين ) اللي ناسي اسمه .. عنده أداة معينة تشتريها منه أو تاخذها منه ما أفتكر .... تجذب وحوش الليبس ..

ادخل القائمة عندك وحط الأداة .. راح تلاقي لانج البطل تخرج منه ريحة :tongue2:
هذي الريحة تجذب لك الوحوش وتباريهم مبارة كاملة بدون ما يهربوا :)


أقول إذا فهمت شيء كلمني ..

سلام :D

عتدكم خدمة DSL في الردود :bigeyes: ‍‍!!


ثانك يووو فيري متش.. :D ..لكن لما العب اللعبة" :tongue2: "..باتبع حلك يالطيب.. :أفكر:

*هل الجزء الأول على 1 أو 2 *


&اعتقد فاهم وش يعني 1 أو 2 صح!!السوني&

مثل ما قال أخوي فلانتوس، لازم تروح حق هذاك المتين تشتري منه شغله إسمها..همممممم Blowfish oil او شي جذي. ;)

وبالنسبه في شغله مهمه جدا أهما بطاقتين يساعدونك في مغامرتك..الأولي Point Card وهذي تلقاها ببيتك بغرفه جدك في الدرج

والبطاقه الثانيه VIP Card تلاقيها في مدينة Darakin مادري شسمها، المهم تروح مكان الأغنياء وتروح آخر بيت على اليسار تلاقي واحد متعافي قاعد روح كلمه ويعطيك الكرت

VIP Card راح تفعك في السوق عندما يشوفها البايع عندك راح يعرضلك بضاعه إظافيه مثل سيوف ودروع أقوى

Point Card راح تنفعك بالقتال، عندما تشتري أشياء راح تحصل على نقاط وهذي النقاط راح تتخزن في الكرت، مثلا حصلت على 2564 نقطه، عند القتال مع أحد الوحوش استخدم الكرت وراح يخسر من طاقته 2564، يعني النقاط = ضربه تخسر كثر عدد النقاط ;)

الجزء الأول على 1

اقتباس:

---

عتدكم خدمة DSL في الردود :bigeyes: ‍‍!!

---

ايش تعرف بس :D !!

الأخ ليون ما قصر جاب لك اسم الأداة وشرح إضافي بعد بخصوص البطاقات :biggthump

وهي على فكرة بطاقات إضافية يعني ما راح تؤثر على اللعبة سواء أخذتها أو لا .. :)

نعم الجزء الأول على الأول . والثاني على الثاني والثالث على الرابع :D ..
الثالث فيه لبس لا تواخذه :D ..


شكرا للجميع ..

سلام :)

السلام عليكم


اخوي انا ماخليت مدينه ما نبشت فيها ههههههههههه حتي مالت كازام رديت لها ونبشت بالكهوف

ادور اشيااء سريه ماحصلت

بس انا الحين رحت للكهف الي اخذ منه الجوهره الثانيه الي ابااري فيه البطه الصغيره ورفيجها الضعيف :jester:

وذبحتهم دقيتهم دق علجتهم ههههههههههه ورحت كملت ولا دشيت ساحه كبيره هاوشت فيه الوحش العملاق الي جاابته افلونه اللي تلبس بنفسجي الشريره والحااكم وذبحته ذبح ماخليت له مجال وتحول صارت له ايد

وهم طقيتهم دق لاني مقوي ربعي حيل بمدية الهنود الحمر بالتدريب وذبحت الوحش ومات الحاكم خونت فيه الشريره افلونه
وقالو لي روح لمدينة الريااح رحت لها ما قدرت ادش قالو لي روح لمدينة الهنود الحمر رحت كلمت الشاايب
وقال لي لازم تروح لمدينة الريااح بتنين طائر انا جذبته قلت منين اجيب قالي روح لمدينة الالعاب
ودش المصاارعه وفوز وراح يعطونك تنين ورحت وصارعة بالبطل فزت عليهم ولا جاني الفارس الاسود وذبحته
واخذت التنين ورحت مدينة الريااح وهاوشت الفارس الاسود ثاني مره وهم ذبحته بالحركه الي علمني اياها كازام
سليب دراغن نوم التنين واخذت الجوهره قلت الحمدلله كانت الهوشه شوي صعبه مستواها50 %
وطلعت لي مدينه جديده الي هي فيها الشعاع الكبير الي رايح لسمااء رحت لها ولا هاوشت البنت الشريره الي تلبس بنفسجي افلونه وتبي الصج طقتني طق هههههههههههههه ما قدرت افوز عليها :17:

والسبب لاني كل ما اذبحها الوحش حقها الاورق يرجعها للحيااة ثاني مره شنو الحل شلون اذبح الاورق خل البنت ابي اذبح وحشها هل في طريقه معينه وانا ماقدر اطقه كل ماطقه يطلع لي اصفاار بس اطق البنت
بس جربت كل الشخصيات بالهوشه عدتها يمكن ثلاث مرات محد يطق الوحش الاورق غير البنت مايا وما تخسر منه شي 300 او الحركه الاخيره 1000 بس :09:

اتمنه انك تساعدني علي ذبح الوحش وتعطووووووووووووووووووووني طبخه اقوي فيها ربعي قبل المعركه ازود فيها البور او الدي فنس والام بي والاج بي قولي وين احصلها الطبخه هذي بس قويه تكون

اخوويFlanteus شلون طلعت المهمات بس اروح اسال الي شعره فضي الي يلبس اسود الفارس الي القااه بالحاانه بمطعم عند مدينة البنت المنحرفه الي اكلمها تمارس الجنس مع البطل؟؟ :biggthump

انتظر ردكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مع التحيه

kjhgfdsa

ثااانك يو فيري متشX-)..
زين انك ياLEON خبرتني عن البطاقات قبل ماأبدا اللعبة من جديد :أفكر:

اولا اخلص لوبوسيل :D وبعدين العبها وبعدين العب دسجايا :09:

العفو أخوي كينجدوم فانتاسي ما سوينه شي :)


وأخوي الثاني إلي نكه خرابيط (مزحه) لازم تذبح الوحش مال الساحره بعدين تذبح الساحره :09:


لازم تستخدم ضربات وحوشك الOrgins لين تذبح الوحش مالها، إذا ذبحت وحشها راح يكون بإمكانك أنك تذبحها وتتخلص منها

السلام عليكم ورحمة الله وبركاته


اخوي خلص الام بي حقي وانا ماخسرت منه شي اطق الاورق حق الشريره بالسحر ما يتاثر كلش

مدري شالحل هل انت ضربته بالسحر وتاثر ؟؟

ممم ..:33:
أفتكر هذا الوحش اللي لونه أسود بعد وشكله غلط :08: ...

صحيح لازم تضربه بالأورجن بتاع شخصياتك ... وخاصة حركة فليمنج فيست عند لانج.. يقولون لها تأثير خيالي :D

اقتباس:

---

اخوويFlanteus شلون طلعت المهمات بس اروح اسال الي شعره فضي الي يلبس اسود الفارس الي القااه بالحاانه بمطعم عند مدينة البنت المنحرفه الي اكلمها تمارس الجنس مع البطل؟؟ :biggthump

---

تقريبا هناك :D ..

في نفس المطعم وفي بداية دخولك للمحل راح تجد إمرأة بجانبك .. هي اللي تعطيك المهمات ... اما المرأة التي في آخر المطعم أو المحل فهي تبيع لك ( همبرجر :biggrin: ) .. مالك فيها ..:)

على العموم .. من المهمات اللي راح تاخذها مهمة تقاتل فيها أبو شعر فضي في منطقة البرق .. وهذي من أصعب المعارك اللي خضتها ..
المشكلة انك تباريه بلانج لوحده وتهزمه وتقول ما أسهله :أفكر:
ولمن يطب الفريق معاك تقول .. هذا منتهي :D

وما تصدق إلا و تلاقي نفسك في شاشة البداية :)



جيم أوفر يعني :D ...


أما عن الطبخات فأقوى طبخة موجودة لدى لانج إسمها Monster Meat وتجدها في الفندق الموجود في داراكين .. إذا قعدت عندهم الليلة بـ 80000 $ !!!

وحتى لو تعلمتها طلبات الطبخة الواحدة راح تكلفك 1900 $ + أداة اسمها ( Monster Meat ) لازم تحصلها :31: ..

والطلبات هي :

Monster Meat

Spices

Herbs

Red Wine

وتلاقي مونستر ميت في مدينة الهنود .. أعتقد لازم تدمج ادوات او شيء مثل كذا ما أدري :33:

سلام

بالنسبة للشخص اللي سأل كيف تقدر تقضي على البنت والوحش مالها مثل ما قال لك الاخ لازم تقضي على الوحش مالها وبعدين تقدر تقضي على البنت
انت ما تقدر تضرب الوحش الا بالضربات الارجين

هناك ضربات خاصة لكل شخص عنده اورجين وهناك شروط لاستخدمام هذه الضربات

انا بعطيك كل الضربات لجميع الشخصيات وكيف تستخدمهن

طبعا الضربات ثلاث اقسام نورمال وسوبر وهايبر

النورمال والسوبر تقدر تعلمهن الشخصية والهايبر تقدر تعلمهن الشخصية من خلال حصولك على الكتب اللي يقدر يتعلم الضربه من خلالها او من خلال زيادة الليفل مال الشخصية

وهناك ضربات مزدوجة يعني يقوم بيها شخصين من الشخصيات الثلاث اللي تقاتل بيهم ويشترط فيها يكون الAP كامل يعني 100 ويكون الMP ايضا 100 وزيادة

وهناك ضربات الاورجين لكل شخص عنده وحش اورجين مايا ولانج وكازان وشارون فقط ويشترط فيها انه الAP يكون 100 ايضا وال MP يكون 100 ما يقل ابدا يمكن اكثر بس ما اقل وطاقة الشخص اقل من النصف يعني لو كان طاقة لانج 2000 لما توصل طاقته 1000 واقل تقدر تستخدم هذه الضربه بالشروط اللي ذكرتها

والحين بعطيك طريقة استخدام الضربات المزدوجة وضربات الاورجين لكل شخصية


LANG

| ART NAME | ART TYPE | AP | COMBINATION

| Flaming Sword | Mystic | -100 | URDLURD
------------------------------------------------------------------------------
| Solid Strike | Variable (F) | -80 | LRLDUD
------------------------------------------------------------------------------
| Airborne Fury | Variable (O) | -80 | DLURDL

KAZAN

| ART NAME | ART TYPE | AP | COMBINATION
| Fists of Stone | Mystic | -100 | DRLURLD
------------------------------------------------------------------------------
| Demon Crusher | Variable (O) | -80 | ULDRUL
------------------------------------------------------------------------------
| Fatal Impact | Variable (F) | -80 | RRLLDU
------------------------------------------------------------------------------

MAYA
| ART NAME | ART TYPE | AP | COMBINATION
| Forbidden Rite | Mystic | -100 | DURDULD
-----------------------------------------------------------------------------
| Pyro Fury | Variable (O) | -80 | RLLUDR
------------------------------------------------------------------------------
| Shockwave | Variable (F) | -80 | LRDULR

SHARON
| ART NAME | ART TYPE | AP | COMBINATION
| Apokolips | Mystic | -100 | UDLRUDU
------------------------------------------------------------------------------
| Splash Rave | Variable (O) | -80 | DDLRUU
------------------------------------------------------------------------------
| Phantom Burst | Variable (F) | -80 | LDURDR

AYNE

| ART NAME | ART TYPE | AP | COMBINATION
| Armageddon Star | Variable (O) | -80 | UDLLRR
-----------------------------------------------------------------------------
| Soaring Axe | Variable (F) | -80 | LLRRDU

مثل ما تلاحظ اين ليس له اورجين فقط تقدر تستخدم الضربات المزدوجة

طبعا L تعني يسار وR يمين D تحت U فوق

ولازم ما تزيد اي ضربه يعني لما تريد تستخدم حركة الاورجين للانج تستخدم URDLURD وما تزيد اي ضربه غير لا تحت ولا فوق حتى لو كان عندك 14 خانة فقط تستخدم على عدد الخانات اللي فيها عدد الضربات يعني هنا 7 خانات فقط

وبالنسبة للضربات المزدوجة لازم الاثنين يضربون نفس الوحش وثانيا لازم تبدل بين الضربات المزدوجة
يعني F للانج مع ال O لشارون والعكس

طبعا ضربات الاورجين تكون اقوى وتنقس اكثر انا الحين واصل الليفل معي في ال90 والاورجين مال لانج ينقص
فوق ال200الف

عندي سؤال ممكن احد يدلي وين اقدر احصل على الهافين سكريت ال15 السرية اللي من خلالهن اقدر احصل على اقوى الاسلحة

وثانيا بالنسبة للفارس الاسود ما فهمت شو قصته شو اسوي وكيف اقدر اقاتله والبنت اللي موجوده في نفس المكان اروح لها وتعطيني مهمات شو هالمهمات طبعا كل مهمه ولها قيمه بس ممكن حد يوضحلي اكثر

وسؤالي الاخير او استفساري الاخير بالنسبة للجزء الاول انا مالعبته ورحت ودورت عليه وما حصلته وين اقدر احصله

كل ما اسال عنه يقولولي هذا الشريط قديم يالله يالله حصلت الجزء الثاني

بس اللعبة رهيبه والله وما تمل منها

السلام عليكم

صراحه اللعبة رووووووووعه بكثييير بس انا ماعاد لعبتها من زمااان

لأني تعقدت في لغز وابي منكم المساعده لاااااااهنتووووووو

تعقدت في اللغز اللي فيه مجموعه من الالوان مثل blue , vailot ومادري ايش على اللعموم ماني

متذكرها ومادري وش اسوي باللغز ذا تكفوووووووووون ابي المساعدة ضروووووووووري

السلام عليكم :)


أخوي بس لو تحدد هل إهيا المره الأولى إلي مريت على هالمكان ولا الثانية؟؟ :boggled:


لأن هالمكان تييله مرتين واللغز يختلف

ثانكس جزيلا :)

ليه هو مرتين اللغز :wow:

على العموم هو المره الاولى امر على اللغز ذا

وتحياتي

أخوي اللغز هالمره أسهل من المره اليايه..:09:

هذا أهوا الحل لكن لازم تظيء المزهريات بالترتيب..;)


( الصفراء، الزرقاء الغامقه، الحمراء، الخضراء )

تحياتي :أفكر: :أفكر:

ياخ ليون هو الباب يفتح توماتيك او لا

مع ان اللغز مانحل لي معا اني جربت الحل حقك ولا نفع :أفكر:




وش الحل :06:

ومعليش على التعب المعذره تعبتك معاي

ولك الشكر

صج ما نفع؟؟...غريبة :boggled:


ماعليك أخوي أنا أشوفلك الحل وأقولك بأقرب وقت إنشالله :o

متأسف جدا :(

Yellow, Indigo, Red, Green




على ما أعتقد أهوا نفس الحل إلي كتبته من قبل، أخاف أنت مخربط بين اللون الأزرق والأزرق القامج(النيلي) :33:


تحياتي ;)

:bigeyes: هلااااااااااا=====داخل بقوة :09:


شوفوا أخواني الحين شارون جات معي ===اعوذ بالله :icon6:

المهم ورجعنا للمزهريات والألغاز المهم وصلت عند المكان الي المرة الاولى يقولون فيه

رتب الحروف على كلم Fish طيب هالحين يقولون Snake أسوي اضئ المزهريات على حروف snake

لكن الباب مايفتح وش المشكلة؟؟؟؟؟؟؟ :bigeyes:

واتمنى تقوقون لي الألغاوز كلها ومعي شارون عشان ماأرجع وأسألكم :09:

أهلا أخوي إلي داش بعنف :09:

________



لو مفكر شوي جان عرفت السبب :31: ....لازم تضيء المزهريات إلي حروفها غير حروف كلمة سنيك....;)


________



بمعنى أصح...لا تضيء المزهريات إلي عليها حرف من حروف كلمة سنيك :أفكر:

أهلا أخوي إلي داش بعنف :09:

________

لو مفكر شوي جان عرفت السبب :31: ....لازم تضيء المزهريات إلي حروفها غير حروف كلمة سنيك....;)

________

بمعنى أصح...لا تضيء المزهريات إلي عليها حرف من حروف كلمة سنيك :أفكر:

تصدق :p !!كنت أظن أني عبي,,لكن اليوم برهنت هالشي لي :D !!

مشكوووووووووور :biggthump

وعلى طريقك............. :biggthump

لغز الألوان أنا خذت ورقة مكتوب فيها أحمر وبعدين برتقالي أخضر و أزرق

سويتها مافااااااااااد ليشششششششششش؟؟؟؟؟؟؟ :31:

ساعدني :biggrin:

Red Orange Yellow Green Blue Indigo Violet

هذا أهوا الحل....وكان من أصعب الألغاز إلي مريت فيها..:boggled:

Say Good Night

,,شكراً,, :D

السلام عليكم

انا لعبة الجزء الأول والثاني الأول وصلت عند وحش كبيييييير وارجوله راس تنين <== انا مو متذكر شكله لأنها اول لعبة ار بي جي العبها

اما الثاني اندهشت لما شفته كان رهييييييييييييييب و الحمد لله انا ختمته:icon6:

ليجند او ليجايا و داول ساجا 2 من احسن لعبتي اربي جي عندي لدرجة كبيرة وفي ليجيند او ليجايا يوم وصلت عند سونجي يوم يتحول الى وحش عملاق خزنت وبنت البلاي ون ويوم رديت اشغله مرة ثانيه اجوف الشريط مب ناوي يشتغل و جيكت على الشريط جفت خدش كبير ... فسرت المحل عشان اشتري نسخة ثانية بس قالي ان النسخ خلص فتميت الف يمين يسار و ما خليت مكان الا و سرته بس للأسف ما حصلته فاستسلمت... :31: وبعد ما شريت داول ساجا 2 انبهرت :bigeyes: من هالعبة الجبارة واستغربت :boggled: ان محد عطى حق هاي اللعبة حقها :06:

بس عقب ما لعبت الجزء الثاني و خلصته اخوي الصغير يابلي الجزء الأول مادري من وين :bigeyes: :bigeyes: معقوووووووولة ليجند او ليجايا ؟؟؟ بعد خمس سنوات حصلت على اللعبة :shock22: سبحان الله والله شيء غير متوقع والمهم لعبت الجزء الأول بعد الثاني و على البلاي 1 :08: وانهيته والحمدالله

اهلا انا وصلت عند ال12 مزهرية وش اسوي,, :31:

تروا الحين معاي شارون يعني هذا اللغز الثاني,,وش اسوي,, :biggthump

شكرا عل الموضوع..:wow:

انا وصلت لرئيس اعتقد انا في كهف

وكان لون الرئيس اخضر:31:
الي عرفته انا لازم اسوي للرئيس Steal حق Armor

بس اشلوون اسوي Steal :31: ؟؟؟

هذا الي انا ما اعرفه..:28:

Well if there's anyone who knows how can I steal the Armor , Tell Me:( .. I''ve left the game from long time but if I only know how can I steal ..I will complete it ..

السلام عليكم...;)

__________

اغلاندايزر الأول كان صعب جدا وخاصه ليمن تلعب بالبطل بروحه....من كثر ما تنرفزت من الصعوبه تركت اللعبة ورديت لعبتها عقب فتره طويله وختمها...اما الثاني أسهل وأحلى..:)

__________

RobVanDam مشالله الظاهر حظك مع اللعبة ممتاز :أفكر: .. ربك ياخذ ويعطي :D ... أشكرك على الرد أخوي

__________

Kingdom Fantasy أما أنت يا أخي فحل اللغز طويل...أحسن شي تسوي أنك تظيفني على المسنجر (إيميلي موجود بتوقيعي) واعلمك الحل أول بأول...لو كتبته لك إهني ماراح تفهم الحل :boggled:

__________

A v r i l أنا خبري الرئيس الأخضر العملاق ما تسويله ستيل ولاشي :31: ..... بس لازم ماتموت وتقاتله لين تقدر تستعمل السحر (الأورجن) وبعدين تهزمه :33:

أشكر الجميع على الردود وننتظر المزيد ;)

يااااااااااااخ ليوووون مشكووووووووووووووور وماقصرت

والله يديك الصحه والعافيه ومعليش على التعب

لكن انا عندي كم سؤال كذا ابي اقولها شوف :

1- هو باقي الغاز كثيره غير هذي الالغاز ؟

2- اللغز اللي بعد هذا اللي بعض كلماته from the north:8 left ,4 right هذي بعض الكلمات لكن اللي اقصده أبدأ من الشمال اوكي صح طيب بعد كذا لمن اجي على الاتجاه هذا وابدا من اليسار أكمل من نفس المكان الاول اللي بدأت منه ولا أكمل من نفس المكان اللي وقفت فيه على اليسار وإن شاء الله تكون فهمتني وانا عارف اني غثيتك لكن المعذره والسموحه

ومشكووووووور مره اخرى

والله يديكم الصحه والعافيه جميع ان شاء الله قولو آآآآآآآآآمين

= أهلا بك أخي العزيز ماضي الأيام =


__________



أخذ راحتك مغثتك لي راحه طال عمرك ;) .... وولعبة ليجايا متروسه ألغاز يعني راح تمر بألغاز ورا هاللغز هذا وإنشالله راح تكون أسهل من قبل..


_________



أما اللغز مال الليفت والرايت لازم تتحرك من المكان إلي وقفت منه..:أفكر:


__________



يعطيك ألف عافيه ولا تنسه تشارك معانا مره أخرى أخي الكريم.:6147:

وينكم يا شباب أنا منتظر ردودكم شصار عليكم؟؟؟ :bigeyes:

وهذا احنا رجعنالك ياخ ليون واحنا مانقدر نستغني عنك انت الكل بالكل ;)

عالعموم اما ماعرفت كيف احل اللغز اللي left و right اذا تقدر قلي كيف واكون شاكرلك

جزيل الشكر:biggthump

يا هلا وسهلا أخ ماضي الأيام منور المنتدى اليوم...;)


بس لازم أعرف هل هذي المره الأولى إلي تشوف هالمكان هذا لأن مثل ما قلنه هالمكان تزوره مرتين...:06:


ولك مني جزيل الشكر وحاظرين للطيبين :)

تسلم اخوي :08: ومنور بوجودك ;)

ونبدأ:والله اني توني تذكرت :wow: معليش


اول مره ذي :D

ولك خالص الشكر

هممم على ما أظن الغرفة فيها لوحة مرسوم عليها عقرب..:33:


المزهريات أخي العزيز إتجاهاتها صايره مثل عقرب الساعه...:)


يعني أهما 12 مزهريه...أنا الحين أقولك الساعات إلي في إتجاه المزهرية وأنت ظيء المزهريه على تجاه الساعه إلي راح أقولها أنا الحين...:)


Light 7 o'clock

Light 3 o'clock

Light 5 o'clock

Light 2 o'clock

هذول هم المزهريات على اتجاه الساعه

ابشررررررررررررررررركم ختمتها :biggthump

كيف العب المهمات الإضافية :08: ؟؟

مبرووووووووووك أخي ممكلة فانتاسي


:fing02:

بالنسبه للمهمات الإظافيه..في قرية Kravia روح حق الصالون (البار) إلي تلقى فيه الفارس الأسود...وبعدين كلم البنت إلي تعمل اهناك وراح تعطيك مهمات الإظافية :firedevil

:أفكر: أخوي ليون مشكور على تعاونك معي :)
المهم أنا فاهم بالضبط وين أروح رحت هناك أولاً
مافيش فارس أسود ولا شئئئئئئئئئئ؟؟؟؟؟؟ :D
ثانيا البنت الي هناك تقدم لي طعام فقط لاغير :p
ممكن توضح أكثرررررررررررررررررررررررررر^___^

أخي اول ما تدش المدينه من فوق...روح أول محل على إيدك اليمين (بالنسبه لك مو للبطل) أول ماتدش تلقى البنت على اليسار (بالنسبه للبطل) كلمها وراح تعطيك المهمات :p

اهلا انا وصلت عند ال12 مزهرية وش اسوي,, :31:

تروا الحين معاي شارون يعني هذا اللغز الثاني,,وش اسوي,, :biggthump

well thnx:D
i've read a walkthrough .. they've written that i have 2 steal the armor
but how can i steal??

You know .. how can i steal the armor?

and how did u beat him??

i mean the boss at the cave

thnx 2 yew again and b'bye

أخي ممكن الحل الكامل لهذه اللعبة بالعربي(تكفى) شوف انا وصلت ألى مكان كلما تنهي القتال الأول يظهر رقم في الأعلى وكلما أنهيت المعركة يأتي أصعب

أخي:ممكن تجاوبني على السؤال:)

اهلا انا وصلت عند ال12 مزهرية وش اسوي,, :31:

تروا الحين معاي شارون يعني هذا اللغز الثاني,,وش اسوي,,:biggthump
تكفووووووووووووووووووووووووووووووووون:17:

هلا فيكم آسف على الرد المتأخر

بالنسبة لك أخ محمد الفريح إنشالله أدور على الحل الكامل العربي حق هذي اللعبة...لكن أحسن شي أنك تلعب بدون حل كامل عشان تتمتع باللعبة :31:

وأنت أخي العزيز كيرا فإتبع مثل ما قلته لك من قبل...أن المزهيرات على إتجاه عقرب الساعه :)


Light 8 o'clock

Extinguish 4 o'clock

Light 7 o'clock

Light 3 o'clock

Extinguish 8 o'clock

Light 1 o'clock

Light 5 o'clock

Extinguish 12 o'clock

Extinguish:- بمعنى أطفئ الزهرية

انا وصلت ألى مكان كلما تنهي القتال الأول يظهر رقم في الأعلى وكلما أنهيت المعركة يأتي أصعب

سخاااااافة الحل وهذه هديه الوصلة جميع حركات ARTs :biggthump

http://www.gamefaqs.com/console/ps2/game/520833.html

اقتباس:

---

سخاااااافة الحل وهذه هديه الوصلة جميع حركات ARTs :biggthump

---

ما ألومك اللغز صعب ومشكور على الآرتس ;)

اقتباس:

---

انا وصلت ألى مكان كلما تنهي القتال الأول يظهر رقم في الأعلى وكلما أنهيت المعركة يأتي أصعب

---

أنته في مكان إسمه Cave of Trials وهذا المكان راح تواجه فيه 100 معركه وكل معركه أصعب من الثانية...لكن مو مهم تفوز بكل المباريات..أنا ما خلصتهم بعد لكن على ما أعتقد إذا خلصتهم راح يعطونك أغراض ثمينة