البارسا بالدوحة !!!

:D البرشا في الدوحه :D
http://fcbpremium.terra.es/addon/img...54portadap.jpg

ذكرت صحيفة الموندو الاسبانيه ان نادي برشلونه وافق ( اخيرا ) على القدوم إلى قطر ولعب مباراة ودية هنا .. بكامل نجومه .

وحدد تاريخ 18 / 1 / 2005 موعدا لهذه المباراة ..
ولا يعرف الفريق الذي سيواجه البارسا ولكن الاقرب ان يلعب ضد نجوم الدوري القطري من محترفين ومواطنين .

المصدر

------------------

تعليقي الشخصي: صحيح اني مدريدي متعصب ولكن بالتأكيد لن افوت فرصه رؤية نجوم البارسا الكبار

و100% لازم اشوف ايتو ورونالدينو واك كان حظي حلو بصور معاهم :D :D :D

واعتقادي ان قدوم البارسا سيكون لأفتتاح استاد خليفة الدولي

واللذي تم اعادة بناءه وبقى القليل للأنتهاء منه

فكما نعلم جاء الميلان لأفتتاح نادي الأتحاد

ومباراة كأس الأمير النهائيه كانت لأفتتاح نادي الريان الجديد

وافتتاح خليجي 17 كان لأفتتاح نادي السد الجديد

والأن البارسا لأفتتاح استاد خليفه بعد بناءه من جديد :D

طبعاً هذا اعتقادي الشخصي ويتحمل الخطأ والصواب

على العموم هذي صور لأستاد الشيخ خليفة الدولي للمهندسين الذين تولوا الموضوع

http://www.qatarfootball.com/upload/...IFASTADIUM.gif

http://www.alarabiya.net/staging/por...27/2204451.jpg

ما شاء الله عليك ما لقاها إلا أنت وبالفعل لا تفوت هذي المباراة حتى لو جيت من الظهر وش وراك ، رونالدينيو ما ينتفوت من جد ، وصدقني رايح يرقص نجوم دوريكم من أوله إلى آخره :D وتراك عجبتني أنك قلت أنك مدريدي لأني مثلك مدريدي :biggthump .

و أنا بعد مدريدي :biggthump و متعصب و اتمنى اني اشوف المباراة :biggthump
لكن انا بالكويت و صعبه شوي اني اروح قطر لأن اللحين فترة امتحانات

ادري ان رونالدينو بيلعب فالكل شئ متوقع ومعروف
انا حظي حلو امتحاناتي تخلص 10/1 اقدر اشوف المباراه ^________________^

اكيد بروح المباراة

متشوق ادخل استاد خليفة

وإن شاء الله يلعبون البرسا بكامل نجومهم

يعطيك العافية بوجاسم :)

الله يعافيك السمي
وانا اتمنى 2 يلعبون المباراه بالكامل وهم رونالدينيو وايتو
اتمنى يكون هالشئ من شروط عقد المباراه :D

مشكوووور على الخبر ومبروك عليكم البارسا....
انا مدريدي ايضا واتمنى اشوف مدريد مو البارسا...

بس مهما كان حتى البارسا مايتفوتوا.... :D

ماتدري متى يجوا عندنا في السعودية... :tongue2:

اقتباس:

---

فكما نعلم جاء الميلان لأفتتاح نادي الأتحاد

---

جوا على احتفالات اليوبيل (75 سنة) مو على الافتتاح :tongue2:

قصدي ياخي نادي الأتحاد عندنا مب اتحادكم ابطال اسيا :)
ومشكور على ردك

جميل جدا
علامهم البارسا هالايام بالخليج
مباراة ضد منتخب الخليج في الأمارات + ضد نجوم قطر ..؟
بعد منو يكون وراهم بالخليج :أفكر:
هنئيا لكم

شوقتنا للمباراة ..


اعقد بعد برشلوته بيحضر لدبي للمشاركه في اعتزال فيصل خليل











:)

يعطيكم العافيه على الردود
وجاني خبر اليوم يقولون بيلعبون ضد السد
وان هذا بيكون افتتاح نادي السد الخاص للنادي :) والله اعلم

صحيح اني خليجي لكن اشجع برشلونة حتى لو لعبوا مع المنتخب السعودي..!!

مبروك لإخوانا القطريين فرصة مشاهدة نجوم البرسا على الطبيعة ... :)

:::

اقتباس:

---

واك كان حظي حلو بصور معاهم :D :D :D

---

لاتنسى ترسل لنا الصور ... :)

يعطيكم العافيه على الردود
ان نون : ان قدرت اصور اكيد بحطهم وبكشخ فيهم :D

امممممممم

في الحقيقة مشاهدة البارسا لا تفوت بشكله الحالي :)

والاستاد تصميمه رهيب بس المضمار ماله داعي

مشكور على ردك اخوي بوفون
بالنسبه لي اشوف الأستاذ حلو لكن نادي السد عندي احلى بكثير وعيبه صغر حجمه فقط لا اكثر
ولكن ماشاهدناه حتى الآن مجرد صور
بنتظر وبشوفه على الطبيعه يمكن يتغير رايي ساعتها :)

مــــــــــبــــــــــــرووك والله

الله يبارك بحياتك اخوي :D

الف مبروك لكم قدوم البرسا ، ودي أشوف المباراة .. لكن خسارة أني بالسعودية !

والأستاد روعــة :)

ومن بعد المسافه اخوي رحال
حياك الدار دارك وان ماشالتك الأرض تشيلك عيونه يالغالي
تعال شوف المباراه وارجع المسافه ماهي بالطويله يالغالي :D

اقتباس:

---

المشاركة الأصلية كتبت بواسطة QataR NighTMarE

ومن بعد المسافه اخوي رحال
حياك الدار دارك وان ماشالتك الأرض تشيلك عيونه يالغالي
تعال شوف المباراه وارجع المسافه ماهي بالطويله يالغالي :D

---

اله يسلمك حبيبي ، وهــذا من طيب أهل البلد والله .. :)

لكــن الدوام وما أدراك ما الدوام :D

الله يسلمك ويعينك على الدوام
انا ابدأ اجازتي 10/1
مابقى شئ اخيراً برتاح من عناء الأختبارات :D :D :D ^___________^