(( لقاء سريع خاص وحصري لمنتدى المنتدى مع المخرج عبد الخالق الغانم ))

بسم الله الرحمن الرحيم

التقيت بالمخرج عبد الخالق في احدى دور السينما في دولة البحرين واجريت معه اللقاء السريع التالي بشكل عفوي جدا ومن غير اعداد مسبق .

كان النقاش يدور حول الاخراج السعودي .. بعيدا عن مسلسل طاش ما طاش وحلقاته ..

طبعا اللقاء التالي ليس نص حرفي .. وسأحاول ان اسرده باختصار /

بدر / السلام عليكم .. المخرج عبد الخالق كيف الحال ؟

عبد الخالق / وعليكم السلام .. الحمدلله بخير وصحه

بدر / اتمنى باجراء لقاء سريع معك ونشره في موقعنا على الانترنت هل ترحب بذلك ؟

عبد الخالق / لا مشكلة تفضل .

بدر/ بما أننا عند قاعات السينما .. هل شاهدت فلم The Phantom Of The Opera وما رأيك به اذا شاهدته؟


عبد الخالق / لا للأسف لم اشاهده


بدر / The Phantom Of The Opera اسطورة وتحفة فنيه في الاخراج انصحك بمشاهدته خاصه بأن اختصاصك في هذه الامور . اتمنى مجرد امنية ان يصل مستوى الاخراج العربي والسعودي خصوصا الى شيء قريب الى هذا على الاقل . كما تعلم الجميع ينتقد الاخراج العربي عموما ويصفه بالفشل مقارنة مع الاخراج الاجنبي عموما وليس الهوليوودي فقط . ما تعليقك على ذلك ؟!

عبد الخالق / سوف احاول مشاهدته .. لكن كما تعلم بالنسبة للاخراج السعودي فلا توجد امكانيات كبيرة تساعدنا على ذلك .

بدر / عزيزي عبد الخالق حدثتني عن الامكانيات وهذا الامر بعيد جدا عن السؤال ولا يصلح بان نتحجج به في كل مرة .. ( اعتقد ) بانه يحق لنا بان نبرر بمثل هذا التبرير فقط حينما نتحدث عن الخدع السينمائية وافلام الملاحم الكبيرة وحروب الفضاء و المؤثرات البصريه ..

لكن انظر الى افلامهم الدرامية .. فقط عدسة كاميرا وممثل جيد وابداع المخرج كفيلين بان يخرجون تحفة فنية رائعه ..

عبد الخالق / ايضا يوجد عنصر الوقت .. كما تعلم بانهم يعملون على الفلم لمدة ست اشهر الى سنة .. ونحن لا نجد الوقت لهذا ..

بدر / لماذا لا تجدون الوقت لهذا ؟ لا اعتقد بأنه من الواجب ان نرى طاش ما طاش في كل سنة وبشكله الروتيني ؟ لماذا لا نرى أي نور للفلم السعودي؟

عبد الخالق / ما زلنا في البدايه ونطمح لهذه الامور في المستقبل .. وبالنسبة للفلم السعودي فليست بالمشكلة الكبيرة بامكاننا ان نزيد مدة الحلقة ويصبح فلم .


بدر / ( يتكلم بمداعبة وضحك ) ما زلنا في البدايه ..ما زلنا في البدايه .. سئمنا من سماع هذا الكلام منذ سنين :)

عبد الخالق / ( يضحك )

بدر / بقيت نقطة اخيره ..

هل لكم أي اطلاع على مهرجانات الجامعات السعودية ؟ فكما تعلم بأنه يعرض فيها بعض الافلام والمسرحيات من صنع الشباب السعودي .. وهي فرصه لاكتشاف بعض المواهب الجديده والأوجة الجديدة خصوصا في وسط احتكار النجومية هنا في المملكة ..


عبد الخالق / لا للأسف ليس لي أي اطلاع عليها .

بدر / عزيزي عبد الخالق نشكرك على هذا اللقاء السريع وفي الاخير ما رأيك بصورة لنا لتوثيق هذا اللقاء ؟

عبد الخالق / حياك الله يا عزيزي وانا اسعد بهذا اللقاء .. تفضل


http://img.photobucket.com/albums/v358/bader222/22.jpg

ODIN
شي جميل جدا هذا اللقاء
لو تسوون لقاءات مع الممثلين لكان للمنتدى صيته في جميع المنتديات
واتمنى ان تكثر هذي المقابله يعطيك العافيه أودين

حلو اللقاء .. وفيه نغزات .. ورطت الآدمي :)
بس لازم يكون في تغيير .. بلا هالطاش ما طاش اللي نشوفه كل سنة ..
والمتابعة لافلام الجامعيين بعد مهمة ..
شكلك شفت الفانتوم وعيبك .. اول شاب يعيبه الفيلم T_T
ثانكس على اللقاء اوودن :)

لقاء مع مخرج واحد من أفضل المسلسلات السعودية (شيء مثير)
ولكن للأسف ردوده بسيطة وصغيرة وليس بها الكثير من الفائدة (برأي الشخصي)
إلا أقول انت الي على يساره بالصورة؟
وشكرا بدر على هذا الموضوع واللقاء الرائع...

اقتباس:

---

المشاركة الأصلية كتبت بواسطة بو راشـــد

ODIN
شي جميل جدا هذا اللقاء
لو تسوون لقاءات مع الممثلين لكان للمنتدى صيته في جميع المنتديات
واتمنى ان تكثر هذي المقابله يعطيك العافيه أودين

---

فعلا....ممتاز....كثروا من هالمقابلات....

وماقصرت اخوي اودين... :)

موضوع حلو
بس تصدّق بظنّي مب جاي أي فيلم من جيلهم و إنّما من جيلنا، و ما ألومهم لأن ما عندنا صالات عرض سينما تشجّع على إعداد أفلام محليّة

بو راشـــد

والله نحاول قدر المستطاع اننا نفيد المنتدى بكل ما تتاح لنا من فرصه .. وان شالله أي فرصه ما نفوتها ..

انجل ويسبر

ممكن تكون اسئلتي محرجه شوي .. لكن بصراحه هذا الواقع وحتى هو وافق عليه .. لكن نحب نسمع الاجابه من اصحاب الشأن نفسهم.


وبالنسبة لفانتوم .. فهو روعه روعه .. يعني الي ما يعجبه معناتها انه متبلد ولا يحس بأي جمال حوله :)


asf4ever

حياك الله ياخوي .. وشكرا لمداخلتك ووجهة نظرك ..

وبالنسبة للصورة معروف شكل عبد الخالق .. انا الي على اليسار .


Majid Ali

العفو ياخوي :)


rushin_911

وجهة نظرك منطقيه .. لكن لا تعتبر هي السبب الرئيسي خلف كل هذا .. والا كان تحجج به اقل شي .

ومشكور لمشاركتك :)

والله عزيزي اودين اللقائات هذي فعلا هي الي تقوي المنتدى وترسخه على الساحه..
الله يحفظك لنا بدر وللمنتدى اجمع
بالنسبه للقاء لقاء جيد ما عليه بس جدا جدا مختصر.
بس والله عطيته كم نغزه قوية بس منجد يعني حجج جدا جدا واهيه بصراحه ومو من حقهم يتحججو فيها

والف شكر على طرحك للموضوع والمقابله:)

مقابله جميله ولو ان الاسئلة في الصميم ومحرجه شوي :D

اقول طالع رزّه بالصوره :33:

تُشكر على المقابله :)

لقاء لطيف و سريع فعلاً ^__^

بس عليك ردود رائعة يا بدر كذا :biggthump

أحسن .. بلا هالتكرير الممل اللي يصبونه كل سنة على عين المشاهد ..

.

امم .. اعتقد المشكلة الأساسية هي اللي طرحها رشين ..

مافيه صالات سينما صح عندك ..

.

لو فيه كان ممكن مشى الحال ^_^ ..

.

مشكور على اللقاء ..

( شكل عبد الخالق ما كان له نفس :31: )

وبالمناسبة : أسلوبك رائع في سرد اللقاء

..

..

..

على الهامش : عبدالخالق كاب :boggled:

المخرج عبد الخالق ما قال شئ
كل الحجي قاله اودن
looool

يا رجال ما حولك احد .. حتى من ردوده تعرف ان ما عنده سالفه ..


بدر .. يا معضل انت :D

مشالله تبارك اللهT.T

هذا لقاء عفوي مشالله عليك؟

كلامك منمق مرة وتعرف تسأل..وش توكلك امك ههههههههه نبي نتثقف..:31:

بس سؤال:كيف سجلت المقابله..ولا من ذاكرتك؟


بس اسألتك كذاhttp://www.montada.com/images/icons/icon14.gif..في الصميم..قلت كل الي في بالي...خصوصا سالفه الافلام الدراميه,.فعلاااا ولا تحتاج الا كاميرا ممتازة وخيال فذ يطلع مشاهد حلوة..


قعدت افكر في هالسالفه اليوم.موضوع نقاشك الي هو الغرب احسن..وقعدت اراقب التلفزيون..حسيت باحباط..في كل شي احسن هم..في التمثيل الغناء المسلسلات وحتى الحضارة والخ..تحس حنا نقلد..حتى في بعض البرامج والمسابقات..نقلد=.= ومدري ليش حسيت ان العرب في تقليدهم كانهم ناس ممسوحة شخصيتهم..

P.S: قصدت موضوع التمثيل ومشتاقاته وماطريت الجانب الاخلاقي والديني..ok?
(ماتبي احد يتقعد لها):p


بيني وبينك احس بعض المخرجين عندنا يمارسون الاخراج كوظيفه او مصدر عيش..مايمارسونها كهواية وفن وحب للشي عشان كذا مافيش ابداع :p


another P.S:
شعور غريب لما تتفاجئ باشكال ناس ماتوقعت اشكالهم كذا (@) ..



واخيرا وليس اخرا..ياحوظك رحت البحرين..من زمان عنهاT.T...


الله يسلمك عالموضوع..

يعطيك العافية اخوي على اللقاء ... مع اني ما اعرف المخرح بس اتضح من كلامك انه هو مخرج طاش ما طاش

واتضح من كلامه انه مستانس على طاش ما طاش ولا يطمح بشي اكثر منه ...

Da S.O.S

صادق ياخوي المقابلات هذه لها اثر كبير لشهرة المنتدى .. وحياك الله يا عزيزي :)

antonio

ايه ممكن تكون الاسئلة محرجه .. لكن طالما ان المخرج عنده ثقه في نفسه فلن يضايقه أي سؤال محرج ..

ومشكور لردك

Y a z e e d


بالنسبة لتواجد قاعات السينما .. لا اعتقد انها السبب الرئيسي .. شوف الكويت والبحرين عندهم دور سينما .. لكن افلامهم تفشل احسن لا يعملونها :31:

ومشكور على طلتك الحلوة :)

احمـ 9000 ـد

حياك الله ياخوي وخلينا نشوفك كثير :)



Trapped Inside

هههه يا عيار لابس اسود والخلفيه سوده مو مبين شي :laughing:



Lena

وناسه اطول رد لازم لك جائزة هههه

وبالنسبة للمقابله .. سجلت النقاط الاساسية بوسط اللقاء .. و بعدها جيت على الجهاز وكتبت اللقاء من ذاكرتي وذاكرة الشخص الي كان مرافقني .. اعتمادا على النقاط الرئيسيه الي كتبتها ..

وصادقه في كل الفنون هم متفوقين علينا .. مو بس بالاخراج او التمثيل ..

وعلى طاري الاشكال .. بسم الله خفت ترى أي تتفاجأ وشعور غريب ومدري وشو :boggled:

الا وش صار على خطتك الفتوشوبية؟

MadlucK

هذا الي يحز بالنفس ان كل اهتمامهم صاير على طاش ماطاش وبس .. بصراحه ملينا من التكرار هذا

ومشكور يا حجي :)

اجاباته تجيب الكآبة .. بس بطل حجرت له .. هذي ردود مخرج اجل .. يا حليله ..

تدري انت .. الأعمال الشبابية في الجامعات .. معبرة ومبتكرة .. المشكلة مثل رده يوم يقول ماشافها .. بالعربي ماجاب خبر ..

لكن اذا بنت مسكت كاميرة فيديو وسوت فلم فكرته تذكرني بقصص جدتي في رمضان عشان لا نطلع في الليل .. طاروا فيها

للسماء .. على كل حال .. مقابلة لطيفة .. او بالأصح تحجيرة لطيفة .. هذا مايميز اللقاءات المرتجلة .. انها صريحة ..

برافو يا بدر .. واذا ودكم .. اروح احجر لمدير سلسلة مطاعم هرفي بس انتم جهزوا الأسئلة وانا اهجم ..

على فكرة .. فلم شبح الأوبرا .. هل هو مثل مافهمت انه بيكون .. ناس يغنون طول الوقت .. ولا فيه قصة ؟ لإني شفت مقاطع

وكانت كلها غناء في غناء .. وانا بيني وبينك .. اكره الmusicals بشكل عام ..

شيء جميل

بس

لو يكون هناك ((قسم)) خاااص لطرح مقابلات الشخصيات المشهورد اياً كانوا

ممثلين مخرجين لاعبين ووووو ...الخ

بيطلع شيء جميل وتميز عن المنتديات الاخرى ويكون هناك اعضاء او مشرفين او مراقبين يعملون على هذا

وبالنسبه للمقابله

ماطلعت بأي شيء ((انا))

واكثر شيء انت اللي تكلم يا اودين

هو ردوده عاديه جدا

واعتقد انك لو تترك التحجير عشان تجيك ردود زي الناس يكون افضل :D :09:

مع أني ما أهتم بالتمثيل و غيره و لكن حركة جريئة و جميلة منك أنك تقوم بهذه المقابلة.


ما شاء الله عليك.

حلوه صراحه اسئلتك و كأنك معد لها من قبل على اي حال زي رأي الشباب الاخ اكتفي بالاجوبة الغير شافية و السطحية و كأنه يبي يخلص اللقاء بأي كلام على اي حال خطوة جيدة لمنتدانا و ما قصرت اخوى بدر و قواك الله.

يحليلك يالمستشار :08:

لقاء جيد

على فكرة اطلعت على ردود الاعضاء ..... ذكروني بالمخرجة السعودية اللي طلعوها مرة بكلام نواعم >>>>>>تستاهل تفلة هالادمية
فلم سخيف و شفت الاعضاء بالمنتدى العام تكلموا عنها و عن سيرتها الفاشلة و المراقب القدير محروم ما قصر وضح لنا اكثر من نقطة عنها

براي خل العرب و السعودين يهتمون بامور احسن من التمثيل لاني متاكدة انهم ما راح يفلحون ولو بعد مليون سنه :أفكر:
و طبعا الحق ينقال
مع العلم اني اشوف التلفزيون صاير زباله هاليومين و غالب الشو تايم

الله يخلف على عقولنا

اسفة على الاطالة .... لكن وجه نظر و حنيت للعودة على المنتدى بوقت فراغي

سلامي لجميع الاعضاء
و شكرا على الموضوع الفريد من نوعه :08:

والله لقاء حلللو .. زين حصلته ومسكته " ماااا قصرت عليه بالاسئله " من الزين :biggthump عطيته



والله رايي من راي الاعضاء حلوه اللقاءات بذات مع شخصيه معروفه ..








:)

تسلم حبيبي ..

لقـاء جميل وممتـع واسلوبـك في طرح الاسئلة مميـز ..

وان شاء الله نشوفـك مذيـع في الـ MBC :D :D ..

اهليين وسهلييين

لقاء جميل ..تشكر عليه ..