Let's RP !!

السلام عليكم ..
اشحالكم يا عالم ^^
انا مستانسه طبعا لانه عندي اجازه :08:
الموضوع مثل ما يعرف البعض منكم عن text rpg game اقترحيتها على مجموعه من الاعضاء ..
بتكون مثل الاربيجيهات اللي نلعبها .. بس الفرق ان كل شي بيكون بالكلام ..
مثلا:
امممم يا ربيه . مالي مزاج حصة الرياضيات .. دوم الا يعطونا هالسخافات .. ماشي شغل ..
*يلست في مكاني*
هاهاي آسف للابد راقد .. بيذبحه استاذ انسان ..
شوفي شوفي لينا .. يا ويل آسفوه من الاستاذ XD

يعني شي جيه :31:
الكلام اللي بالـitalics يدل على افكارك
واللي بين نجمتين عن حركاتك
والباقي هو كلام باقي الشخصيات يقدرون يسمعونه

تقدرون تخترعون شخصيات خاصه فيكم .. وتكتبون بروفايل لها وتسمونها بأي اسامي تحبونها ..

والمكان والاحداث ابغي اتفق وياكم عليها ..

ممكن مثلا تكون في مدرسه احنا كلنا فيها ..

او في عالم خيالي فيه ماجيك وفرسان وحركات XD

وابغي اقتراحاتكم من هالناحيه لانه ما عندي افكار ^^

وبنخلي حد يرسملنا مثل خريطه للمكان XD

اممم بس ان شاء الله محد يستعبط هالمره .. لانه مره سوناها ووايد ناس استهبلو واختربت السالفه -_-

your opinions please ^_^

اقتباس:

---

اممم بس ان شاء الله محد يستعبط هالمره .. لانه مره سوناها ووايد ناس استهبلو واختربت السالفه -_-

---

أول مرة أعرف إنكم سويتها قبل-_-
بس إن شاء الله هالمرة بلا مشاكل^^

اقتباس:

---

your opinions please ^_^

---

مثل ما قلت أنا مع هذا الموضوع
ولكن يبالي أفهمه أكثر...

اقتباس:

---

تقدرون تخترعون شخصيات خاصه فيكم .. وتكتبون بروفايل لها وتسمونها بأي اسامي تحبونها ..

---

أحم..
ممكن تسوي بروفايل لنفسج ونشوفه لأنه أريد أفهم أكثر...

اقتباس:

---

والمكان والاحداث ابغي اتفق وياكم عليها ..

---

بما أنها أول مرة لي فأنتظر رأي الباقيين...



وأريد أشوف أراء الثانيين في الموضوع

وشكرا^^

ها .. ما فهمت :31:

اقتباس:

---

المشاركة الأصلية كتبت بواسطة ODIN

ها .. ما فهمت :31:

---

:31: حتـى انا :33: ..



طـيب الحـين هو الي يكتـب انا يعني الموضوع مثل الشات والا :reporter: ؟

؟؟؟؟؟؟؟؟’’’’’’

.........................
ايه والله بيذبحه خيشة النوم *بوّزت*


:09: <==متفاعلة مع الحدث



شوفي انجل الفكرة مرة وناسه


في حال الاعضاء تفاعلوا وصاروا مرة عفويين ولا يقعدون يسوون كوول وحركات وثقل وماحد يعجبه الثاني.. وكل واحد يقعد بطبيعته لانه نت وهذا اونس شي الواحد مايخاف وش يقول :28:


لو صار الكلام الي فوق بيصير مرة وناسه ..يعني العفوية مطلووبة :09:



انا معاكم في حال اتفق الاغلبيه..ماتضر الوناسه Q(^o^)-o

:31:
اوكي بحاول اشرح اكثر .. وبنفترض انه الاحداث تصير في مدرسه .. وانا اللي ببدأ القصه ..

واخيرا بدت السنه الدراسيه في مدرسة Green Field الثانويه .. والطلبه بكل جد دخلو المدرسة على امل انهم يبدأون سنة دراسية ممتعة ومثيرة ..
----

امممم بس ردينا للملل .. انا زين مني نجحت .. والحين برد حق العبط .. منو بس بيدرسني هالسمستر..
*تدخل الكلاس*
صباح الخير شبابات !!
آسفوه.. لينا.. بيبسي.. ومنو هاذيلا الباقي.؟
اووه استاذ قرمبي اشحالك؟؟

واللي بعدي يكمل القصه من وجهة نظره هو .. ونتحاور طبعا .. الخ

والبروفايل يعتمد على نوع القصه اللي بنستخدمها ..
اذا مثلا عن المدرسه.. بيكون جذي:
الاسم:
العمر:
الهوايات:
الشكل:
معلومات:

عموما انا ما اعرف اشرح ><
هاذي الـ RP اللي سويناها من زمان:
http://www.montada.com/showthread.php?t=243368


ههههه حيا الله لينا ^^
الفكره سويناها قبل .. اظن انتي كنتي موجوده .. مادري ..
المهم مثل ما قلتي .. كل واحد يتصرف بعفويه والقصه بتمشي بطريقه حلوه ^^
بس المهم ان محد ياخذ موقف من شي لانه السالفه كلها خيال × خيال ^^

يالله رحت شفت القصه..خنقتني العبرة..اياااااااااااااااااااااااام :31:
عندما كنا صغارا قبل سنتين يمكن (الحين عجزنا يعني ههههه)
كانت فلير فيه هالخايسه اوريها >.>!!!!!

وبعدين توني انتبه ان NsaN هو ماجنتا ...يا انه يطلع مني غبار@.@

انجل خلاص انا معاكم حتى نهاية السالفه سوءا نهاية عدهل او غيرها ههههه خل نوسع صدورنا شوي

وزي ما قلتي خييييييال @.@ يعني الي ببالنا بكل وناسه وحرية نسويه ههههههههه

انا بطلع الحين

لكني سأعود باذن الله غدا وانشالله اشارككم

ووناسه لو كل واحد بيدخل غصب يسوي بروفايل ترى يا انجل ..:reporter:

ههههه


سلام

oK Let's Do it :biggthump

والله فكرة حلوة كتييير وسبر ^_^

بارسم خريطة ونبدى!

شكراً أنجل على الموضوع ^^

الفكرة حلوة ^.^ .. عجبتني ^^

بس عندي كم سؤال ^^" ...

اذا جينا نسوي بروفايل .. نكتب بياناتنا الحقيقة ولا احنا نألف لنا بيانات @@ ؟

و حاولي انج تسوين البروفايل مالج علشان نفهم أكثر XD


و شكراً ^^
Lunar Poet

الحمد لله إنه الفكرة قابلت الإستحسان

اقتباس:

---

خيشة النوم

---

لوووول
أنا صرت خيشة نوم:P

هذا البروفيل مالي
الاسم:آسفوه
العمر:مدام المدرسة يعني نقول 18
الهوايات:sleeping,going out,internet
الشكل:http://img.photobucket.com/albums/v288/asf4ever/me.jpg
معلومات:في المدرسة إنسان مسطل صدق-_- ويشتغل مخه(بعض) الأحيان ولكنه ما له دخل بالمشاكل إنسان طيب وحبوب


طبعا هذا بروفايل شخصيتي مب أنا -_-....
شو رايج بهصورة Ms.AngelMod
http://img.photobucket.com/albums/v256/jelanda/me.jpg

تذكرينها XD
إلي يبي الموضوع ويستفيد منه Click Here

المهم ننتظر بداية الأحداث^^

والله شي حلو .. انا وياكم ^_^

http://doel.250free.com/char.JPG

الاسم: خلونا نقول ... دايت :p (عناد في ببسي بس :D )
العمر: 17 و نص
الهوايات: غير معروف :P

معلومات: طالب شاطر شوي ... يحسب عمره أذكى واحد في العالم و ما يعجبه أي شي :09: دايما يوصل متأخر للكلاس و عمره ما حل واجب ... واضح انه ما يتهم بمظهره وايد و مستعد يضرب اي واحد يعاند وياه :p


طبعا لا تصدقون و تقولون هذا دول ... هذا بس بروفايل لشخصيتي :p


Doel

اقتباس:

---

لانه عندي اجازه http://montada.com/images/smilies/new_icons/08.gif

---

افففف ياحظهم الي عندهم اجازااات كلهم * envy *

يالة خلاص نبي القصة في مدرسة http://montada.com/images/smilies/redface.gif


الإسم : Yuna
العمر : #
الهوايات : RPGames , Anime , ثرثرة
الشكل : مب لازم ^^
معلومات : مستخدمة الأدوات السحرية اااائئئحم ^^


===========

ردينا للدراسة والهم ووجع الراس ....مالحقنا شفنا نفسنا في العطلة نلاقي هالمدرسة مرة ثانيه ...

والقهر أول يوم امتحان لأن أحتاج للأنتقال الى مدرسة اخرى والسبب أن مدرستي السابقة قد احترقت نتيجة لخطأ سحري عن طريقي http://montada.com/images/smilies/redface.gif
وللأسف جميع المدارس لم تقبلني لهذا الخطأ البسيط جداً http://montada.com/images/smilies/new_icons/bawling.gif
ولكن فقط مدرسة واحده يطلق عليها الحقل الأخضر ومن المهم النجاح بدرجة عالية لكي يتم قبولي ^^


* بعد 3 ساعات راح ندخل القاعات *


بعد مضي 3 ساعات ......



فينه فينه اسمي .....اوه .....هني موجود على لائحة الحرف " ب "

* في أثناء دخولي لقاعة الإمتحان * ::::

اوه وحده أعرفها طلعت بجنبي ....

* في اثناء توزيع الأوراق وتنظيم الصفوف *

يتم الثرثرة بيننا وسوالف طويلة وإلقاء السلام والتحية.... وامور خاصة بيننا http://montada.com/images/smilies/redface.gif


.....

طق
طق

http://montada.com/images/smilies/new_icons/09.gif

هدوووووء ....



يبتدأ الإمتحان الأن....



* استلمت الورقة الأن *

انا : حشا هذي مب أسألة 4 أوراق صدق الله يعنهم ....يالة مايهمني أصلاً http://montada.com/images/smilies/rolleyes.gif ...اااااحم ائئئئحم ؟!!!

الأداة السحرية : Magical Answers
( %$3t#%#535#5#4 ماجيك مووون , ماجيك توول """" أنسر دا كوتشونس )

وبعد مضي نصف الوقت ....


* صوت بجانبي من احدى زميلاتي *

اجابة الفقرة رقم و 121 و 122 و 133 بليييييز ؟؟؟ ...


انا : انظر لرقم الإجابة الصحيحة في ورقتي * امممممممم الإجابة الصحيحه هي الفقرة الأولى ثم الأخيرة والأخيرة *

التلفت للخلف بذكاء وأبلغها الإجابة كتالي : يا هبله الأجابة كلهم في المنتصف * احتيال http://montada.com/images/smilies/new_icons/09.gif http://montada.com/images/smilies/wink.gif *

انتهى وقت الإمتحان ....


ونستلم النتيجة مباشرة لوجود عملية تصحيح رقمية في المدرسة http://montada.com/images/smilies/rolleyes.gif


نتيجتي : 100 %


ولهذا أستحق الألتحاق بمدرسة الحقل الأخضر دون أي نقاش
والى
Green Field

http://montada.com/images/smilies/smile.gif http://montada.com/images/smilies/smile.gif http://montada.com/images/smilies/smile.gif http://montada.com/images/smilies/smile.gif



----------------

خلاص انتقلت لكم http://montada.com/images/smilies/new_icons/09.gif ....ياليت أحد يربط القصة شوي ....

good, very good :D , now i get to get funky in this topic :09:

وشكله القصة رست على مدرسة ما دام sis يونا كملت على مدرسة جرين فييلد الي سمتها انجل مود :28: يلا راح اكمل على جذي anyways now i have nothin to do but to turn this school to crazy school and be in fantasy like hell :09:

===========

الاسم : Ken
العمر : unknown
الهوايات : العاب الفيديو خصوصا الاربي جي والعاب القتال , الانمي , الموسيقى ( الالحان )
الشكل : شعر اسود قصير من ورا وجذله طويله من جدام , عيون سود , حنطاوي البشرة , الوزن 80 والطول 174
معلومات : martial artist , philosopher , psychologist

===========

( دايما لازم اقعد مبجر الصبح وانا ما لي خلق , شكو ؟ :31: )

Butler : " قوم يا القومبسة جم ساعة تبي تنام ها ؟ , شنو ماكو شغل ؟ ناسي الدوام ؟ "

كين : " هذا وانت ال Butler وقاعد تكلمني بطريقة حتى ابوي ما كلمني فيها :31: , صج اني طيب ومعطيك وجه زيادة عن اللزوم , اذلف عن وجهي قبل لا احوكك كف اطيح شواربك هذه الي جنها شوارب صعيدي توه ماكل فول "

* ال Butler ينحاش *

* كين يتمغط ويتثاوب *

كين : " هاااه , ودي ارد انام بس ماكو الا اني اقوم مبجر اليوم عشان احجز لي مكان زين بالصف قبل لا يفنشون على الاماكن واقعد آخر واحد مثل كل سنة -_- "

* تحضر كين للمدرسة وتوه بطل باب بيتهم وما كان في احد بالبيت غيره *

وصل لنص الطريج قبل مدرسة قريين فييلد ,

كين : " جوجو , شسم المدرسة الي نقلني ابوي فيها هالمرة ؟ "

جوجو السواق : " توك تسأل واحنا بنص الطريج , شكنت تفكر فيه ؟ "

كين : " الحين انا الي قاعد اسالك u baka "

جوجو : " green field "

كين : " قريين فييلد ؟ هههه , مدرسة هذه ولا حديقة ؟ "

جوجو : " احمد ربك انك بمدرسة مثل هذه , محد يدخلها الا الي نسبهم من 90 % وفوق "

كين : " ابوي للحينه ما زهق ؟ خله يستخدم نفوذه وينقلني على كيفه ما راح يغير شي هههه "

جوجو يفكر : ( ما ادري شفيه كين , من سنة كاملة وهو عكس حاله المعتاد تماما , قبل كان اكثر واحد يتحمس للدراسة والمدرسة وما في اشطر منه , شنو الي غيره ؟ )

* فجاة *

كين : " جوجو ! , وقفني هني !! "

جوجو : " حاضر ! , بس والمدرسة ؟ "

كين : " خلاص روح انت , انا راح ادبر نفسي واروح المدرسة بروحي "

جوجو : " لكن .. "

كين : " من غير لكن قلت لك امشي "

*راحت السيارة *

كين : ( انا متاكد اني حسيت ب aura قوية بهذا المكان , شلون راحت بهالسرعة ؟! )

* بنت لابسة female wizard تمشي صوبه *

البنت : " هيه انت "

كين : " ها ؟ انا ؟ "

البنت : " اي انت , اقولك تدل وين مدرسة قريين فييلد ؟ "

كين : * يضحك بقهقهة *

البنت : " شنو الي يضحك ؟ "

كين : " طالبة سحر وما تدل وين المدرسة الي بتروح لها , الي اعرفه انه اهم شي عندكم هو المعلومات ههه "

* ال aura رجعت *

البنت : * ضحكة ثقة وتتكلم بطريقة كوول *

" تعلم انك ما تحكم على الناس من الفكرة الاولى يا ذكي "

كين : " معقولة كل هالاورا , تكون طالعة منج !! منو انتي ؟! "

البنت : " شكلك يوحي انك تعرف كم لا باس فيه من الفنون القتالية , لكن كل هذا يعتبر ولا شي جدام السحر ههه "

كين : " تجاهلتي سؤالي وفوقها تستهينين فيني , اخترتي الشخص الغلط "

البنت * تضرب بالسحر لفترة طويلة *

كين * ناور وبطريقة مبهرة من كل الضربات السحرية "

البنت : ( معقولة قدر يتفادهم كلهم ؟! , مستحيل ! )

كين : ( طالبة سحر وتسوي اسحار مثل السحرة الي مخلصين دراستهم , بالكاد قادر اني اتفاداهم ! منو هذه البنت ؟! )

* سيارات وايد تمر فجاة على المكان *

* ريال لابس اسود ينزل من ليموزين *

" سيدتي يونا , آسفين انا تاخرنا , وآسفين انه هالخبل طلع بطريجج واخرج على المدرسة "

يونا : " تحجى على قدك جاك , مو عبالك لاني هني راح احميك لو نرفزت الاخ الي قاعد يخزك هناك ( تقصد كين )

كين يفكر ( هالسيارات حق منظمة الواي ستريمرز , شنو علاقة هالبنت بمنظمة مثل هذه ؟ )

يونا : " اليوم قاطعونا عن نزالنا , راح يجي يوم ونكمله "

كين : " تتكلمين وكاني مهتم اني انازلج , حمدي ربج انهم جو ولا كانت النهاية مو لصالحج ههه "

* كين ينط بسرعة ويهد المكان بسرعة الريح "

===========

هههه ادري الي كتبته اني ثينق , قلتوا عفوية وعلى الماشي وخيال في خيال , عاد كيفكم تحملو ان خبصت وايد :28:

الي بعدو رقع لنا انا وسيس يونا وكمل :reporter:

إنت بديتو في القصة واحنا ما ندري :28:
ولكني أريد أصبر شوي وأتأكد من عدة أشياء أحسن ما أخبص ردي بمغالطات لا تغتفر...
مثلا هذي القوانين إلي كانت موجودة قبل في الإقتباس عن Musou

اقتباس:

---

1- العب بجدية.... يعني بلا تنكيت وعك وشات و تخريب للقصة... الا اذا كانت جزء من شخصيتك فيكون على خفيف (لاتزودها يعني)
2- ممنوع تتحكم بشخصية غيرك...لكن ممكن تتحكم بالشخصيات الخارجية...
3-ممنوع تقتل شخصية غيرك...
4- اذا انت خلاص ما تبي تكمل حاول على الأقل تتخلص من شخصيتك بطريقة مناسبة (يموت في حادث... يقتله عدو... يجيه مرض ويموت...اي شي بس شغلك خيالك
5- ممنوع تكتب مشاركتين ورا بعض Spam = Double post
6- شغل خيالك وانت تلعب بس لا تزودها :tongue2:
7-اذا بغيت تكتب كلام خارج اللعب (من ضمنه السمايليز) اكتبه بين اقواس وقبله كلمة Out of Character (اختصارها OOC)..... مثال:
(OOC: يا شباب نتقابل في المكان الفلاني)
8- الactions او افعال الشخصية تكتب داخل نجمتين * *.... مثال: *نظر فلان حوله فوجد سيفا لامعا فأقترب منه واخذه....الخ الخ الخ*
9- الحوار يكون بلون مختلف داخل علامتي تنصيص " "...
10- Have Fun<<<غصب :tongue2:

---

وأنا شفت خرق لهذا القانون مثلا

اقتباس:

---

2- ممنوع تتحكم بشخصية غيرك...لكن ممكن تتحكم بالشخصيات الخارجية...

---

الحين هذي القوانين موجودة في هذا الموضوع ؟؟؟
وبعد من وين جبتو السحر:p (كان عبالي بندرس بأمان)

يا معود وانا شدراني انه فيه قوانين اصلا ما قريت الموضوع القديم :28: , انا دخلت قريت وكملت على الماشي على طول بعد sis yuna هههه , والسحر شكله دخل بالمدرسة عشان مثل ما انقال قبل , قصة خيال x خيال :33:

هههه , مو مشكلة الله يخلي لنا انجل مود , اي شي تتفقون عليه بعدين وتكملون عليه , هي ترجع وتحرر الردود السابقة او تمسحها عشان تعدل الموضوع وتنسقه

يلا نشوفكم بعدين متى ما فضيت , سلام

فكرة حلوه ^_^

يصير أدخل لكن أحد يكتب عني .. بلييييز http://clearmaya.jeeran.com/images/angel.bmp

هههههه حلوة فكرتكم


وراح اشارك وياكم


نبدأ

___________________


الاسم:soul

العمر:17

الهوايات:فيديو جيمز و القراءة(خصوصا المواضيع الي تتعلق بالاحياء) و الطلعة مع الربع

الشكل: الشعر اسود معتدل الطول ضخم قليلا لا يهتم كثيرا بشكله

soul شاب طموح يحلم ان يصبح طبيبا لاكنه يحاول كثيرا التهرب من الدراسة واحيانا عكس ذلك

شديد الطيبة لاكنه اذا غضب يصبح شخصا متوحشا و يهاجم من يغضبه وسرعان ما يندم ويأنبه ضميره

ويعتذر من الذي اغضبه..

*في الصباح الباكر

طططططططططططططططط>>>>>>>>>صوت منبه الجوال

يقوم يضعط على غفوة

وبعد خمس دقايق يرن المنبه مرة ثانية ويعيد نفس الحركة


وبعدها يدخل عليه ابوه *

الاب:سول يلا قوم ترا هذا اول يوم من المدرسة وبتتأخر

سول: زين

*ويقوم و سول ويدخل الحمام و يقعد و يطول*>>>>>>شبه نايم في الحمام:09:

ويطلع من الحمام ويلبس ثيابه

و يركب سيارته

ويتوجه لمدرسته الجديدة Green Field


وهو في الطريق يسأل نفسه


كيف بتكون هاذي المدرسة؟؟

كيف بيكونون مدريسها؟؟؟

مين بيكون معي في الصف من معارفي؟؟

و هو غارق في الاسئلة

يرن جواله

و يشوف الرقم الي دق عليه


شافه رقم غريب اول مر يشوفه

المهم رد

سول:الو


يرد علي المتصل صوت بارد


المتصل:66214578

هاذي هي بدايه النهاية

سول:!!!!! عفوا من معاي؟؟

المتصل:يوم انقسام القمرالهدف موجود في......

*ويغلق المتصل المكالمة

يوقف سول في اقرب موقف

ويفكر: مين هذا.... اكيد واحد يمزح معاي..

وهو يكلم روحه توصله رسالة من نفس الرقم فيها الرقم الي قاله و مكتوب تحته

(يوم انقسام القمر)


فكرت شوي وقلت هذا اكيد واحد يمزح....بس مين هذا الي بيمزح معاي في هذا الوقت من الصبح

على العموم بخزن رقمه و بتصل عليه بعد الدوام

يكمل طريقه

و يوصل للمدرسة

وبعدها.......................

_____________
البقية لاحقا
___________________

ادري شوي معقدة بس لازم نضيف شوي اكشن على القصة

NANI :bigeyes: ??
الله يهديكم شباب قلنا اول بنتفق على شي وعقب بنبدأ :08:
مشكورين عموما ياللي شاركتو .. ما شاء الله يعني سوالف حلوه كاتبين XD
القوانين نفسها قوانين Musou ..
بس باقي نأكد على الثيم .. خلاص تبغون المدرسه؟
وتبغونا نسوي اشيا خياليه عادي؟ "ماجيك .. الخ" ؟
أكدولي وبنشر موضوع يديد ويا البروفايلات ^^

OOC:مشكور برودور دي :09: ...من البداية طق وأكشن :أفكر:
بس ماكنت أعرف الى هذي الدرجة كنت مغرورة >< لازم أحذر منكم في المستقبل * امزح * ^^

اقتباس:

---

وأنا شفت خرق لهذا القانون مثلا



إقتباس:

2- ممنوع تتحكم بشخصية غيرك...لكن ممكن تتحكم بالشخصيات الخارجية...



الحين هذي القوانين موجودة في هذا الموضوع ؟؟؟
وبعد من وين جبتو السحر:p (كان عبالي بندرس بأمان)

---

OOC:معقوله أكون معاكم ومب موجود ماجيك مايصير الا اذا انكسرت العصا ;)
وبعدين أخوي انت من فين جبت القوانين هذي....
رقم 7 هم ماتطبق ^^

OOC: طيب من الحين ماحد يتحكم بشخصية ثانيه ...

اقتباس:

---

فكرة حلوه ^_^

يصير أدخل لكن أحد يكتب عني .. بلييييز

---

OOC : كلير اكتبي معلومات شخصيتج بالأول profile

OOC: بعدين اشلون نكتب عنج ؟ .....اممممم قصدج الدخول في القصة جان ربطتي الأحداث فوق مع أحداث من عندج وخلاص ....
طيب كلير اقرأي التالي واربطي أحداث من عندج معها :

===========================

===========================

"" بعد استلام النتيجة وقبولي في المدرسة تبدأ مرحلة التعلم ""

انا : * انقبلت في المدرسة وعاد الطلاب شكلهم مب عاجبني ....من أول يوم وكنت بتهاوش مع طالب *

"يتم الأن المحاظرة الأولى لنا في المدرسة "

++ تأتي الأن المحاظرة لتلقي علينا عدد من التوجيهات ++

مشرفة التوجيه :

"بسم الله الرحمن الرحيم

طبعاً انا مشرفة التوجيه وراح أعطيكم عدد من النصائح المهمه اوحيم اوحيم :أفكر: ...

بالأول : عندنا تقسيم دراسي مهم للغاية ويجب على جميع الطلبة الإلتزام به

وهذا التوجيه ينقسم لعدة فقرات :

" صوت خارجي / يونا : * الله يستر على التوجيه الثاني اضن راح يتقسم الى خمسين فقرة :أفكر: * "

A_الإلتزام بوقت الحصه تماماً

B_ تحظير مستلزمات الدراسه كاملة

C_ عدم غش الوركات والهوم

"صوت خارجي / يونا : * بنسبة للفقرة سي يعني مايصير أستخدم عصاتي الحبيبة :أفكر: ...* "

مشرفة التوجيه :

طيب التوجيه الثاني توجيه مهم جداً اوحيم اوحيم >.>

هو :

............... ( كلام المشرفة التوجيهة )

وينقسم الى

.............. ( كلام المشرفة التوجيهة )

المشرفة التوجيهة : واخيراً انتهت التوجيهات ^^

"" * تنظر لجميع الطلبة وهم نائمون ولكن بتفتيح أجفن العين >_> * ""

هل من أي سؤال ؟ على المحاظرة ؟

" صوت خارجي ضعيف / يونا : لا بس فكينا من ثرثرتج يا الدبة وبس "

** وبعد هذي الكلمة الماجكية .... **

ماذا حصل للمشرفة التوجيهة ؟

** يحصل له بعض الدوار في الرأس لحصول خطأ سحري غير مقصود :o **

انا : اوخ :icon11: ....ما أقصد والله أقول كلمة * Magical doood~~ *

لذا

"" * تخرج المشرفة التوجيهة الفصل سريعاً * """

"" * فماذا سيحصل؟ * ""

"" * وماذا تكون المحاظرة القادمة ؟ ومن هم الطلاب * ""

===========================

===========================

اقتباس:

---

NANI :bigeyes: ??
الله يهديكم شباب قلنا اول بنتفق على شي وعقب بنبدأ :08:
مشكورين عموما ياللي شاركتو .. ما شاء الله يعني سوالف حلوه كاتبين XD
القوانين نفسها قوانين Musou ..
بس باقي نأكد على الثيم .. خلاص تبغون المدرسه؟
وتبغونا نسوي اشيا خياليه عادي؟ "ماجيك .. الخ" ؟
أكدولي وبنشر موضوع يديد ويا البروفايلات ^^

---

OOC:أنجل جان قلتي من البداية انا كملت :أفكر: :bawling: * قهر *
لكن على العموم حطيتها فوق لأن تعبت...
يالة اتفقون بسرعة ونريد قوانين واضحه مب لخطبة زي الي فوق ...
وياليت ماتخلون القصة خيالية مرة ....يعني مب يغلب عليها طق وأكشن يعني قبل كل شىء مدرسة ...





-- وانا أقرأ ردي أحس عمري 10 سنوات بس يالة :o ---

هههه الله يهداج يا يونا انا قايله من الاول ان هالموضوع بس للنقاش ^^
بس بنشوف آراء الباقين وبرتب كل شي وبحط حوارات الاعضاء اللي انكتبت والبروفايلات وبنبدأ ^^
يعني قصتج ما بتضيع XD

اقتباس:

---

بس بنشوف آراء الباقين وبرتب كل شي وبحط حوارات الاعضاء اللي انكتبت والبروفايلات وبنبدأ ^^

---

اقترح ان يكون الموضوع عن الحياة العامة ^^ .. يعني ما يكون بس عن مدرسة أو سوق أو .. الخ

و يكون يجمع كل هاذي الأشياء ^^

أما عن البروفايل مالي بعدين بكتبه ^^


و شكراً ^^
Lunar Poet

اقتباس:

---

اقترح ان يكون الموضوع عن الحياة العامة ^^ .. يعني ما يكون بس عن مدرسة أو سوق أو .. الخ

و يكون يجمع كل هاذي الأشياء ^^

---

فكرة حلوة وتروقني^^....

اقتباس:

---

OOC:معقوله أكون معاكم ومب موجود ماجيك مايصير الا اذا انكسرت العصا ;)
وبعدين أخوي انت من فين جبت القوانين هذي....
رقم 7 هم ماتطبق ^^

OOC: طيب من الحين ماحد يتحكم بشخصية ثانيه ...

---

OCC:إنتي إصبرني شوي وشوفي إذا ما كسرت العصا فوق راس الأستاذ*أمزح._.*
القوانين يبتها من الموضوع السابق إلي مأخوذ منه الفكرة^^
وعدم تطبيقي للقانون 7 هذا لأنه ما ببدي بسالفة بعديP:


ولكن متى بتبدون الموضوع -_-أنا إنسان غير صبور

يعني خلاص اكيد تبغون الموضوع عام ؟ عن حياتنا فديتنا؟

yuna

هههه , والله انا ما لي شغل , قالوا خيال في خيال وعفوية تلقائية , وهذا الي طلع معاي من اولها :28:

لكن اقدر ارقع الآكشن بالاحداث القادمة واخليه مو مبالغ يعني موقفي , فنو بربلوم , وما اعتقد اني كنت راح اخليه مبالغ من الاول اصلا :33:

angel

لولا انه التحكم بالشخصيات وناسة اكثر لكن راح نمشي على القوانين :28: , وعلى راحتكم اختاروا ال setting الي تبونه وشلون بتكون بداية القصة وراح اكمل كاني ما كتبت شي قبل فسوو الي تبونه , no problem :D

وانجل من صجج الي كتبته حلو , قريته بعد ما كتبته وطلعت عفويتي = anything :28:

كين ترى والله قصتك روعه كانت XD
اذكر قريتها الصبح وانسجمت ..
عموما الحين برتب الموضوع من الاول خاصة وانه شكلكم ناوين على حياه عادية + مدرسه

تحرير:
بعد مشاورات بيني وبين السيد دي كين طلعنا بالفكرة التاليه:
تكون المدرسه توها فاتحه.. ومحد يعرف حد .. نتلاقى كلنا بالمدرسه .. ونتعرف على بعض .. ونوضح كيف حياتنا داخل وخارج المدرسه وكيف شخصياتنا بتتطور ..
يعني الفكرة بسيطه وحلوة ^^

ويمكن نضيف حركات خياليه بس مب خيالية جدا ^^

رايكم الاخير بليز .. لان الموضوع وايد طول XD

اقتباس:

---

عن حياتنا فديتنا؟

---

كنه هذي الكلمةإلي تقولها جدتي:28:

اقتباس:

---

كين ترى والله قصتك روعه كانت XD
اذكر قريتها الصبح وانسجمت ..
عموما الحين برتب الموضوع من الاول خاصة وانه شكلكم ناوين على حياه عادية + مدرسه

---

أيوه إنت قلتي (الحين)
يعني إن شاء الله نشارك بالموضوع اليوم^^

ولكن بنكمل القصة إلي كتبوها الأعضاء ولا بنبدي وحدة يديدة؟؟؟

يعني الـAngelMod استوت عيوز؟ http://img.photobucket.com/albums/v2...da/sniffle.gif

عموما راجع ردي اللي فوق ^^
وبالنسبه للي كتبوه الاعضاء فانا بشوف آرائهم قبل واذا يبغون يمشون على نفس قصصهم ولا اغير فيها

اقتباس:

---

هههه , والله انا ما لي شغل , قالوا خيال في خيال وعفوية تلقائية , وهذا الي طلع معاي من اولها http://montada.com/images/smilies/new_icons/28.gif

لكن اقدر ارقع الآكشن بالاحداث القادمة واخليه مو مبالغ يعني موقفي , فنو بربلوم , وما اعتقد اني كنت راح اخليه مبالغ من الاول اصلا http://montada.com/images/smilies/new_icons/33.gif

---

ايه صحيح صحيح أخوي ^^
لأ.... بنسبة للأحداث السابقة مب مبالغة يعني برأيي عادي نو بروبلمو مثل ماتقول ^^

اقتباس:

---

تحرير:
بعد مشاورات بيني وبين السيد دي كين طلعنا بالفكرة التاليه:
تكون المدرسه توها فاتحه.. ومحد يعرف حد .. نتلاقى كلنا بالمدرسه .. ونتعرف على بعض .. ونوضح كيف حياتنا داخل وخارج المدرسه وكيف شخصياتنا بتتطور ..
يعني الفكرة بسيطه وحلوة ^^

ويمكن نضيف حركات خياليه بس مب خيالية جدا ^^

---

فكرة روعة عجبتني ...المهم تكون مدرسة لأن كل ما كان الشىء ضمن دائرة صغيرة كان أفضل ...

اقتباس:

---

وبالنسبه للي كتبوه الاعضاء فانا بشوف آرائهم قبل واذا يبغون يمشون على نفس قصصهم ولا اغير فيها

---

ماراح تتغير ايه انتبهوا http://montada.com/images/smilies/new_icons/hmpf.gif.... ( أمزح ) ماعندي مانع اذا نغيرها ^^
بس على كلامكم هذا ...

اقتباس:

---

تكون المدرسه توها فاتحه.. ومحد يعرف حد .. نتلاقى كلنا بالمدرسه .. ونتعرف على بعض .. ونوضح كيف حياتنا داخل وخارج المدرسه وكيف شخصياتنا بتتطور ..

---

امممممممم .....تقريباً ما اشوف شىء يضر في بقاء القصص لأن التفاصيل لم تشتمل حالياً ^^
وايضاً ماتعيق الفكرة الي تبونها .....* اصلاً القصة راح تسير بهذي الطريقة من الأول http://montada.com/images/smilies/rolleyes.gif ااائئحم *

اقتباس:

---

إنتي إصبرني شوي وشوفي إذا ما كسرت العصا فوق راس الأستاذ*أمزح._.*
القوانين يبتها من الموضوع السابق إلي مأخوذ منه الفكرة^^
وعدم تطبيقي للقانون 7 هذا لأنه ما ببدي بسالفة بعديP:


ولكن متى بتبدون الموضوع -_-أنا إنسان غير صبور

---

ماشاء الله ناوي تكسرها على الأستاذ http://montada.com/images/smilies/new_icons/09.gif

اقتباس:

---

رايكم الاخير بليز .. لان الموضوع وايد طول XD

---

خلاص ناطرين الإشارة XV

ملاحظة عادي نكتب بالإنجليزي ؟ > * تبي تتفلسف*

اقتباس:

---

OOC : كلير اكتبي معلومات شخصيتج بالأول profile
OOC: بعدين اشلون نكتب عنج ؟ .....اممممم قصدج الدخول في القصة جان ربطتي الأحداث فوق مع أحداث من عندج وخلاص ....
طيب كلير اقرأي التالي واربطي أحداث من عندج معها :

---

هلا يونا ، اشلونج ^^

فاهمه قصدها :09: ، لكن نظراً لتوقف مخي عن العمل في الوقت الحالي ودي لو أحد يكتب عني ( يعني يكتب عن شخصيتين )

بحط البروفايل و إذا تمشي بمشيها معاكم ^_^

إحم ..

الأسم : كلير
العمر : ؟؟
معلومات : طبيبة ، نظراً لعدم توافر فرص عمل في البلاد إلي نكتب عنها @_@ ، تم تعينها أبلة و طبيبة طبعاً في مدرسة غرين فيلد ( ليش ما خليتوها ردفيلد :09: أحلى ) و تلزم الطلبة بمنادتها دكتورة بدل أبلة :33: ... طيبة و تحب مساعدة كل الطالبات أما الطلاب فتتعامل معاهم بالعين الحمرا و بالدرجات <<< عنصريةhttp://clearmaya.jeeran.com/evil.gif


أممم ... أعتقد هذا كافي ، إذا زينه بكمل معاكم إذا لأ ، بدور دور ثاني :33:

اقتباس:

---

بعد مشاورات بيني وبين السيد دي كين طلعنا بالفكرة التاليه:
تكون المدرسه توها فاتحه.. ومحد يعرف حد .. نتلاقى كلنا بالمدرسه .. ونتعرف على بعض .. ونوضح كيف حياتنا داخل وخارج المدرسه وكيف شخصياتنا بتتطور ..
يعني الفكرة بسيطه وحلوة ^^

---

فكرة حلوة ^^

و هذا هو البروفايل مال شخصيتي ^^ ( طبعاً المعلومات اللي تحت مو عنّي! عن الشخصية اللي بستخدمها :08: )

الاسم:
لونار

العمر:
17

الهوايات:
الفيديو جيمز . الكمبيوتر و الانترنت . الأنمي . القراءة ( Stories, Manga and Comics ) . السباحة

الشكل:
http://lunarpoet.jeeran.com/lnrpt.PNG

معلومات:
شاب مرح ، يحاول تعلّم بعض أنواع الماجيك ، مستواه ممتاز في المدرسة ، يحاول تجنّب المشاكل قدر المستطاع ، طيب ، يحب الغير ...

=====

يلا متى بتخلصون نقاش XD ؟ نبي نبدأ بسرعة XD <=== متحمس http://www.montada.com/images/icons/icon10.gif

بس عندي سؤال:
يصير نسوي فروفايلز حق شخصيّات ثانية @@؟
مثلاً حق السوّاق أو لأي واحد يعيش معانا في البيت أو لـ... الخ ؟

و شكراًً ^^
Lunar Poet

اقتباس:

---

هلا يونا ، اشلونج ^^

فاهمه قصدها http://montada.com/images/smilies/new_icons/09.gif ، لكن نظراً لتوقف مخي عن العمل في الوقت الحالي ودي لو أحد يكتب عني ( يعني يكتب عن شخصيتين )

---

هلا انا بخير الحمد لله...اختفيت شوي لأن صارت عندي اجازة طويلة من الــ .. الى نهاية الحرب .... أكيد فهمتي http://montada.com/images/smilies/wink.gif http://montada.com/images/smilies/new_icons/09.gif

ايه كنت بكتب جذي عن شخصيتين بس قلت يمكن مب قصدج فكتبت عن نفسي فقط ...

اقتباس:

---

أممم ... أعتقد هذا كافي ، إذا زينه بكمل معاكم إذا لأ ، بدور دور ثاني http://montada.com/images/smilies/new_icons/33.gif

---

اوه بتصيرين ابله ....خلاص يعني نجحت مب لازم أدرس مادتج http://montada.com/images/smilies/new_icons/09.gif * واسطة *
زينه ونص ...ولا أوصيج يا أحلى ابله قصدي طبيبة والهدايا ائئحم في الطريق http://ladyyuna.jeeran.com/yaiiijapanicon.gif
بس يمكن المعلمة يكون تعبيرج فيه أقل أو أصعب من الطلبة لأن الطلبة فيها ثرثرة أكبر برأيي ...


مدري اش فيني قلبت الموضوع ثرثرة ...بس هذا هو النقاش http://montada.com/images/smilies/wink.gif لأن في الطريق موضوع ثاني ..

خلاص أضن كلنا اتفقنا >.>


* Magical Withdrawal ~~*

اقتباس:

---

معلومات:
شاب مرح ، يحاول تعلّم بعض أنواع الماجيك

---

ياسلام الماجيك انتشر لازم نعمل لنا فرقة خاصه ;) ^^

ممكن اشارك ؟ <<< مسوي مؤدب
الحين المراقب يقول لكم نبي رايكم و كل واحد متحمس و داعس و كاتب قصة طول في عرض و الموضوع اساسا ما بدأ ؟!
يا شين العجلة بس
المهم انا ما ادري وش القصة لكن شكلها حلوة و لو اني من الد أعداء الRPG - يخلي بعض الناس نفسيات شوي -

وش هذا كلكلم اعماركم TEENS :17:

صرت انا عجوزة :28:


لازم احد في العشرينات مايصير جذي :09: على قوله اهل الكويت والامارات ههههه

حلو بروفايل لونار:reporter:

السلام عليكم .. الصراحة اخت انجل لسة إبداعاتك متواصلة ..
انا قرأت شوي من الموضوع ولسة ما فهته 100% .. عموما انا من النظرة الاولى حسيت إنه الفكرة حلوة وحابب أشارك فيها , بس طبعا لما أقرأ كل الموضوع وأعرف شو المتطلبات ..
وبالمناسبة بما إنه انا لي فترة طويلة مش داخل المنتدى ومش عارف شو اللي صار بس اللي إنتبهت عليه إنك صرتي مراقبة , ما بعرف إذا كانت ملاحظتي متأخرة أو لأ بس بكل الأحوال ألف مبروك وعقبال العايزين ;)

أوكي قرأت كل شيء وفهمت الفكرة ..
بس بالبداية خليني أعطيكم شوية أفكار ما بعرف إذا رح تعجبكم أو لأ ..
بالنسبة للقصة انا ما بفضل تكون قصة عن الحياة وعن المدرسة بس , انا بقول ليش ما نخليها إنه كل شخصية عندها مشكلة أو مغامرة والمدرسة تكون نقطة البداية ؟ يعني رح أعطيكم مثال إنه كل شخصية مثلا راحت المدرسة علشان تواجه شخص او عدو ما ( طبعا مش شرط ) , وبنروح المدرسة علشان نتعلم ونقوي حالنا علشان نقدر نقاوم الخطر , بعديها مثلا بتبدأ المغامرة في النهاية وكل واحد بحقق اللي أراده من المدرسة وببدأ يتواجه مع أعداءه ..
وكمان عندي تعليق خفيف على قانون عدم التحكم بشخصة الغير , ليش ما نخلي بين الشخصيات في بعض المواقف (في حال وافق صاحب الشخصية) مشاركة ؟ وعند المواقف اللي حابب أشارك فيها غيري أكتب كلمة (Share) في القصة ... يعني مثلا انا ماشي بالمدرسة وصار الليل ونمت وصحيت اليوم اللي بعده , فأنا بكتب بقصتي مثلا *وفي نهاية اليوم ذهبنا إلى غرفنا, (Share) , وفي الصباح التالي ... إلخ إلخ*
يعني خلال الفترة اللي ذهبت فيها انا للنوم او قبلها ممكن أحد الشخصيات يجيلي ويصير معانا موقف معين مشترك لا يؤثر بالقصة بشكل أساسي .
ما بعرف إذا فهمتوا علي ولا لأ , مشكلتي ما بعرف أشرح بصورة سهلة .. بس أعطوني رأيكم بالمقترحات ..
الحين خليني أكتب البروفايل تبعي :

الأسم : شتاينر
العمر : مممم خليني أكبر حالي شوي 24 سنة
الشكل : شعري أسود طويل وجسمي قوي وكله عضلات
معلومات : شخص طيب يحارب من أجل حماية قريته اللي غزاها الأشرار , نشيط ومجتهد وملتزم في أعماله , عنده قدرات قتالية واسلحة مثل الضربة النارية وغيرها ( بفكر ببقية الأسلحة والقدرات لما أدخل بالقصة )

بسم الله بدأنا ..
* شتاينر لسة صاحي من النوم *
" اااااااااه , ما اجمل الصباح , صباح الخير يا ( سورا ) يللا جهز حالك علشان نروح على الشغل "
أخوي الصغير ( سورا ) : صباح النور , اوكي شوي وبكون جاهز
* بدون سابق إنذار سمع شتاينر أصوات صراخ الأهالي من برة , طلع بسرعة يشوف شو في , و شاف أشخاص ملثمين بالسواد وراكبين على خيول وقاعدين يقتلوا بأهالي القرية ويحرقوها *
" سورا : شتاينر انا خائف
شتاينر : لا تخاف انا معاك , خليك هون وما تغادر هاد المكان لحتى أرجعلك "
* خرج بسرعة شتاينر وهجم على الأعداء وقعد يقاتلهم , وفجأة صاح رجل من الخلف *
" الرجل : ابحثوا عن (سورا) وجيبوه حي مهما كان الثمن "
" شتاينر : لن تحصلوا على ما اردتم إلى على جثتي "
" الرجل : ايها الجنود , إقتلوه "
*هجم الجنود على شتاينر لكنه تصدى لهم بكل قوته وهزمهم كلهم *
" الرجل : إذن أنت مصمم على المواجهه
" شتاينر : مثل ما قلتلك , على جثتي
"الرجل : إذن لك هذا يا ايها المغفل
* المبارزة لم تستمر أكثر من ضربة واحدة من الرجل ووقع شتاينر أرضا *
" الرجل : أنت لست ندا لمواجهتي انا زعيم منظمة إكس ( جايا ) , إستعد للموت
* رفع ( جايا ) قبضته لينفذ ضربة قاضية على شتاينر , وفي اخر لحظة صاح (سورا) من بعيد *
" سورا : توقف , رح ااجي معاك بس إترك أخوي
شتاينر : سوراااا إهرب
جايا : فات وقت الهروب
* هجم جايا على سورا ومسكه واخذه معاه بالغصب وانطلق راجع إلى المكان اللي اجا منه *
* شتاينر وهو ملقى على الأرض * " سورااااااااااااااااااااااااااااااااااااااا "
* بعدها رجع شتاينر على البيت محمول على ايدي بعض القرووين اللي لسة عايشين ولقى بالبيت ورقة مكتوب عليها بخط ( سورا ) : انا كنت عارف إنه هذا اليوم رح ييجي , لازم تروح على مدرسة Green Field وتطور نفسك هناك , وعدني بعدها ان ترجع وتنقذني "
بعديها انطلق شتاينر إلى المدرسة قاطعا على نفسه وعدا بأن يعود ..

هذا القسم الأول , طولت عليكم صح ؟؟ يللا هاد اللي طلع معاي , ما بعرف إذا بالغت بالخيال كتير أو لأ
اخر شيء يا ريت لو تعطوني ارائكم بالإقتراحات اللي كتبتها فوق
وشكرا
;)

اقتباس:

---

وبالمناسبة بما إنه انا لي فترة طويلة مش داخل المنتدى ومش عارف شو اللي صار بس اللي إنتبهت عليه إنك صرتي مراقبة , ما بعرف إذا كانت ملاحظتي متأخرة أو لأ بس بكل الأحوال ألف مبروك وعقبال العايزين ;)

---

لول XD
متأخرة ومغبرة بعد P:
إنت شكلك تارك من المنتدى من فترة طويلة جدا

المهم يا أخوي إنت قرأت الموضوع كامل يعني كان من المفروض تعرف إنه بعدنا ما بدينا
وعلى الأقل تبدي من وين ما كتبوا الأعضاء
إنت دخلتنا في قصة يديدة وقتل وتدمير خخخخخخ راحت الكوميدياXD
مع إنه قصتك حلوة بس المفروض تصبر شوي....

وإن شاء الله الاخت أنجل ترتب الموضوع اليوم^^

اقتباس:

---

وش هذا كلكلم اعماركم TEENS :17:

صرت انا عجوزة :28:


لازم احد في العشرينات مايصير جذي :09: على قوله اهل الكويت والامارات ههههه

---

أنا ما سويت عمري الحقيقي
لأني قلت مدام إنه مدرسة يعني هذا العمر المناسب
لذلك يا يدتي تقدرين تصغرين عمرج ..جذي زين:09: ؟؟؟

شتاينر؟؟
ما اصدق ..
تدري اول ما صدقت ان هذا انته .. الين ما شفت تاريخ التسجيل والتوقيع ..
وينك يا شاب من زمان عنك ^^ وحياك بلعبتنا ..

اممم اوكي .. شكلي بحط موضوع منفصل للبروفايلات والقوانين وعقب بنبدأ القصه وبستخدم قصصكم فيها بعد ^^

[QUOTE=asf4ever]لول XD
متأخرة ومغبرة بعد P:
إنت شكلك تارك من المنتدى من فترة طويلة جدا

المهم يا أخوي إنت قرأت الموضوع كامل يعني كان من المفروض تعرف إنه بعدنا ما بدينا
وعلى الأقل تبدي من وين ما كتبوا الأعضاء
إنت دخلتنا في قصة يديدة وقتل وتدمير خخخخخخ راحت الكوميدياXD
مع إنه قصتك حلوة بس المفروض تصبر شوي....

ولا يهمك أخوي , انا فكرت إنه كل واحد يكتب قصته قبل ما يوصل للمدرسة وبعديها بنبدأ بالقصة الموحدة , هيك شفت كل اللي كتبوا وطبقت مثلهم , ما كان قصدي إنه أبدأ عموما انا شكلي ما فهمت الموضوع تماما :08:

Angel whisper : الله يحيكي , والله انا طولت الغيبة لانه كانت طلعتي على النت قليلة بالفترة الماضية , إن شاء الله برجع أشارك زي زمان وأحسن :)