نكت عن النايمين ، يمكن مر عليك هالموقف وانت نايم
السلام عليكم ورحمة الله وبركاته ....
النوم نعمه وما الذها من نعمة
هذي بعض المواقف حصلت لبعض النائمين :
@@@ إحدى الأمهات تقول :
كان ولدي نايم ما فيه الا العافيه , وما دريت الا هو قايم من فراشه
وراح أخذ كأس فاضي ( يعني ما فيه شي مو فاضي يعني ما عنده شغل) وقعد
يشرب على دفعات ويوم خلص أخذ منديل ومسح فمه ورجع نااااااااام !!!!
""" مسيكين مصدق انه شرب شي """
@@@ ام ثانيه تقول :
كان احد عيالي طالع رحله مع المدرسه ولا رجع الا متأخر بالليل ( يعني
الولد ما حل شي من واجباته ) عاد قلت له: خلاص يا وليدي نم وأنا
أقومك قبل الفجر عشان تحل واجباتك , الولد مسكين من كثر ما هم فارين
فيهم بالرحله راح على طول حط راسه ونام .
المهم:
تقول امه ما امداه ينام ساعه وحده الا هو قام وراح عند شنطته وأخذ
دفاتره وحل الواجبات وبعدين رجع نام ( إلى هنا الوضع طبيعي صح؟؟)
يوم صحته امه لصلاة الفجر قعد يصيح ويقول : ليه ما قومتيني قبل
الفجر؟؟؟ عشان يمديني اخلص , انت مواعدتني؟؟؟
الام مسيكينه طارت بوهتها وقالت : بس ...... انت قمت بالليل وحليت كل
شيء الولد انكر وقعد يصيح , راحت امه وجابت له الدفتر وقالت له: شف
هذاك حالّ الواجب !!!
الولد يا حياتي بقق عيونه عدل وقال : ايه والله يشبه خطي !!!
***هذا مسيكين مجتهد بالحيل ***
@@@ وهذي تقص عن عيالها التوأم :
مرت من عند طفليها التوأم وهم نيام
وسمعت الولد يقول : ترررررن .... ترررررن
وبعده على طول ردت اخته وقالت : ميـــــــن؟؟؟
***ماشاء الله عليهم متفاهمين حتى وهم نايمين ***
@@@ اما هذي لاتفوتكم :
هذا واحد عند اقاربه وهو من اللي يسولف وهو نايم
هذولا جايبنه يبونه يسهر معهم على فلم المهم بدات السهره
واخينا على طوووووول نام وكان الفلم مرعب وكانوا متحمسين
ولا بعد من زود الحماس صاكين اللمبات والدنيا ظلماء
ما دروا الا قريبهم يصارخ هذا هو امسكوووووه امسكووووووه
((سؤال لو انت مكانهم وش تبي تسوي ))
هذا مو سهر معهم خرعهم
@@@ يصلي :
واحد قومته امه عشان يصلي الفجر وقام ماشاءالله عليه وبكل سهوله وما
خالف وبعد ما طلع من دورة المياه ( اكرمكم الله ) راح لغرفته ووقف عند
مفتاح اللمبه وهات فتح وصك بهاللمبه وعلّق وهو يفتح ويسكر , قالت
امه : وش فيك عسى ما شر؟؟؟
قال : أصصصصصص خليني اصلي !!!
*** والله ياهي صلاة بعد ***
يعيش الكوبي والباست والكوت بعد
:D :D :D :D :D :D :D :D
