في ليلة من الأيـام ، وفي ليلة صاخبــه ، ظهر مــخلوق غريب على سطح الكرة الارضيــة ،
مـخلوق الى يومكم ما يدرون وشو هو ، اهو انـسان أم فصيله من فصائل الديناصورات ، وأظهرت النتائج لاحقا بأنه ادمي له مخ ويـفكر بس انه درج شــوي . :D
انه جحـدب يا اخوان ، نعم انه جحدب، ادري انكم مستغربين شوي من الاسم بس هذا هو أسمه الصراحه وابوه الله يـهداه سماه بهالاسم مدري كان الاسامي اللي بالعالم خلـصت ومالقى الاذا الاسم يسميه فيـه .
نــشأ هذا الفتى جحدب في عائلة فقيـره وكان كل يوم يحب يـلعب مع الدجاج اللي في حوشـهم وحتى مرات اذا حس انه طـفشان قلب دجاجهم كـوره يمسك دجاجتيـن ويربطهم بالعمـود -> يقال انه مسوي مرمى :D
ودجاجه بالنـص اللي هي الكــوره ==> الوكــاد ان الدجاجه قاعده تدعي عليـه تـقول الله يلعن اللي علـمك الكوره
وبـهذه الحركة المحبـوبة التي يحبها جحدب خلص كل دجاج بيتــهم ===>كلهم راحو ضحايا فاولات من جحدب
ويـعرف جحدب من ان كان عمره أربـع سنـوات بشوتته الخارقه ( شوتة الصــاروخ ) ورجل ما شاء الله عليه مو رجل خـف بعيــر تعرف بـقوتها وهالقـوه ما جت كـذا كله تقبيع العواميد اللي في حارتـهم ، حيث انه كان لما يجي يـشوت الكوره بدل مايتشوت الكوره يـشوت العمـود والعـمود المسيكين هو اللي يتعور ولا جحدب ما جاه شي ، وهكذا تـعودت رجل جحدب وصارت قويه مره يعني لو شاتك فيها على جبـهتك أخي الكريم أضمنـلك كسر في الجمجمه واصابات خطيره ويمـكن تروح ضحيه لاسمح الله ( انه فعلا مـخلوق خطر على المـجتمع الدولي )
قرر جحدب ترك هوايتـه المـفـضله اللي هي الكـوره والاتـجاه الى التـفحيــط ، حيث كان عمره 12 سنه ،
وبدأ مـشواره في التـفحيــط بسيــكل أبو ثلاث كـفرات وكان يبـدع بهذا السيـكل حتى انه مره تـهور ورفع على كفـرين بالسيـكل بس ماكمـلت ثلاث ثواني الا وراسـه صفق بالجـدار حق بيتـهم ، بعدها حلف جحدب انه مايركب سيكل عـشان ما يـصفق راسه بالجـدار مره ثانيـة ( يـحلفون ان الجدار حق بيتـهم طاح وأعادو ترميمه كله بسبـة جبـهة جحدب ) :18: ( فعلا انه مـخلوق خطر على المـجتمـع وينـصح بالابتـعاد عنه )
المـهم قرر جحدب انه يتـرك هالخرابيـط ويـصير شـخص ناجح <~ هذي كثر منها ياشيـخ
وفي يـوم من الايام وبـساعة من الساعات كان جحدب منبطح كالعاده في صالتهم ومـشغل بشيـر شنان (mp3) ويمر أبـوه ويشوفه منبطح فالصاله ، أبوه على طول قام ورجفه حتى من قوة الرجـفة رجع جسمه على ورا وراسه انعفط وطلع شكله كنه هندي مصفوق بزنوبة
جحدب : نعم أي خدمه يالحبيب
ابوه : قم انت ووجهك اللي كنه طفاية حريق قم انـقلع رح جبلنا خبز وكرتون عصير سنتوب من البقاله
جحدب : سواق عند ابوك انا قم انت جب ( اخلاق سياحيه )
ابوه : ياولدي يا شاطر قم رح انقلع واذا رجعت أبعطيك بكت أحمر على حسابي ( يعرفله ابوه) :18:
جحدب : طيب يبه وراه ماتخليها بكتين :D
ابوه : طيب قم انقلع ويصيـر خيـر
جحدب : سم يبه الحين اروح
وراح جحدب للبـقاله وهو مفهي ما يدري وين الله حاطه ويقوم يقطع الشارع اللي جمب بيتهم وتجي سياره مسرعه بي ام دبليـو 2005 وجحدب الدرج ما شاف السياره
المهم راعي البي ام ما امداه يمسك فرامل وماتشوف الا جحدب راسه صفق بالقزاز حق البي ام ورفعه فوق ولارفعة الحانوتي من فوق الزاوية وطاح وزحف وجهه على الزفلت واغمى عليه
بعد ربع ساعه صحى جحدب وراعي البي ام قاعد عنده يحسبه مات شهيـد عاد قام جحدب جحده ودخل البقاله شرا بكت احمر عشان يصحصح ورجعله :D
راعي البي ام : معليش يبو الشباب ما شفتك احسبك وحده من القطاوه تقطع الشارع :18:
جحدب : لا لا عادي <~ متعود
( جحدب منهـبل اول مره يشوف بي ام في حياته )
جحدب : اقول انت وشي سيارتك هذي كابرس :icon16:
راعي البي ام : ايه هذي كابرس 2005 توها مانزلت بالسعوديه :18:
جحدب : تصدق انها اطلق من الكرسيدا الي عند أبوي
راعي البي ام : قل قسمن بالله
جحدب : اقول انت بكم شاريها
راعي البي ام : فوق ال200 ألف ليش تسأل
جحدب : لا أصلن انا ادري بس استـهبل ( انواع التـصريـف) :D
( جحدب عرف ان هالرجال راعي فلوس ومطخطخ وبهالوقت خطط جحدب بفكره جهنميه ) :idea:
جحدب : طيب انت الحين ليـش تصدمني انت ووجهك ( قلب عليـه )
راعي البي ام : معليش ياأخ ما شـفتك وانا مستعد اعوضك عن الضرر اللي جاك
جحدب ( كبر خشمه بعد ما سمعه يقوله بعوضك ) : طيب كم تدفع !!!
راعي البي ام : اقول يالحبيب انا مستعجل الحين ولازم امشي هذا شيك بقيمة 100 الف ريال تعويض عن اللي حصل وهذا كرتي ان بغيت شي :
جحدب : :bigeyes: طيب ياخي كثيره 100 الف انا قلت ذا الحين بيعطيني خمسميه <- ( ما قد شاف شكل الخمسميه ولا يدري وش هي اصلن ) :18:
الوكاد ان راعي البي ام جحده ولا عطاه وجه لانه كان مستعجل وبهاللحظه تغيرت حياة جحدب كليا وقلبت 180 درجه
راح جحدب لبيتهم وهو يفكر ولسه مو مصدق انه اخذ الفلوس :06: وأنواع الوسوسة وش راح يسوي بهالفلوس اللي جته وهل راح يعطيها ابووه ولا يجحده ؟؟!!
ان شاء الله البقيه في الجزء الثاني :D <-- قل قسمن بالله
