GLADIATOR__mx (لويجي2000سابقا) تحت المجهــــر,,

ســـــــــلامو عليكو!!

بدون مقدمات...راح ابدأ الاسئله همن يكون لكم الحق بطرح اسئلتكم


اديلووووووووو

1) عمرك بالضبط من دون لف ولادوران؟
2) سيارتك وشهي؟
3)اين تدرس وماذا تدرس؟
4) انت اكبر واحد بين اخوانك؟وكم عددهم
5) يوم انك رحت ذاك اليوم وقلت (امي تحتريني على الغداء) وش كان غداكم؟:p <<====هالسؤال كان يقرقع بقلبي من ذيك اللحظه
6) تتابع افلام كرتون؟ ووش احسن شي تابعته؟
7)وش اكثر اغنيه عجبتك بسبيس توون؟
8) من احسن شخصيه عندك في مسلسل الزير سالم؟
9) بوه احد تعرفه معرفه شخصيه بذا المنتدى؟ ومن هو؟
10) ليش غيرت اسمك من لويجي...الى قلادييتور...مع ان هناك فرقا شاسعا بين الشخصيتين الاساسيتين!! <<===هالسؤال عاااااجبنييييي...مدري وشلون طلع?:

11) وش نغمه جوالك الحين؟
12) وش احسن عندك؟ حليب بارد والا لبن؟:p
13) وشو المنتخب العالمي اللي تشجعه؟
14) واي الفرق تعجبك بكلا من:
الدوري الاسباني
الدوري الايطالي
الدوري الانجليزي

15) لاعبك المفضل محليا وعالميا؟

الظاهر قضى اللي بمخي الحين....بعيد الشحن بعدين احط باقي الاسئله

يله ياشباب وشابات لااوصيكم ;) نبي أسئله مزركشه !!

سؤال صعب لوووول

1- هل انت متزوج ؟

2- كم مرة لعبت كرة قدم في حياتك لووووول ؟

بس تعبت لوول

كم طولك

كم وزنك

وش هي اكلتك المفضلة

كم ساعة لك و أنت تتصفح النت

وش لابس الحين

ايش رايك في المنتخب

مستعد للاجابه

يا شين لقافتكم ...


والاسئلة :


وش اسمك الحقيقي ؟


وش فيك على سكوال ؟


وش هي آخر رسالة بالجوال وصلتك ؟ ومن منو ؟؟:D


اش رايك بالحب LOVE ?? ( مو الحب الشمسي ولا المصري ):D



والبقية في الطريق ....:)

1- كم نسبتك؟
2-وش نوع اخر شماغ لبسته?: ؟
3-وش لون باب بيتكم؟
4- كم شجره في بيتكم؟
5- وش احسن نكته سمعتها في حياتك؟
6- ماهو شعارك في هذه الحياه؟
7- كم مره دخلت الفيصليه؟
8-كم مره صدمت (اذا كنت تسوق)؟
9-كيف حالك؟

;) ;) ;)

اكرر سؤال سيلفي ليش غيرت النك نيم ؟

كرر محد قايل لك شي

افففففف

وش ذا ياسلفي لا تكون العميلة سكالي وانا مدري( قولي بعد مااعرفها )

يالله بدون مقدمات ولا سحبات ولا جلنطات

سيلفي
1. العمر 24 (( وجع قولوا العمر كيييلوه باللبناني ، والله تعجبني كلمتهم إذا اتصل عليهم احد في البرامج ، ولو ان الضعيفة رولا جاها الشيب من التليفونات ، على طاري رولا ( واحد فاضي:o ) واحد اتصل عليها وقال هلا رولا يالله حيه ن ردت عليه اهلين عزيزيييي كييييفااك إنشاء الله مرتييييييح ، والله بخير والله مشتقالك يارولا ، المهم وقالها ابي مقطع اغنية وودي اهديها لخوينا ابو حمد في توقيف الناصرية علشانه قاطع اشارة عمدا واقولك الله يفك ازرك ، وبكرى ناوين نتقهوى عندك في التوقيف ، انوااااااع الهبال ، يالله لك الحمد )

2. آآآآآه ياسيارتي انتي طبعا تعرفين يوم اقبع بذاك الحادث اللي خلى السيارة ماتشترى ولا بتراب الفلوس وكانت لكزس 97 جي اس 300 ، اللون ذهبي ، لوحة السيارة (( أ أ ر ؟؟ خلاص يكفي ) طبعا صلحتها وكلفتني 4000الاف وبعته على طول ، لأنها طاحت من تسبدي وعيني ، والحين مصبر نفسي بكامري ( شوفو من لكزس لكامري يلعن ابو القهر ) موديل 98 علشان تنزل لكزس 2002 وينزل سعر اموديل 2000 علشان اشتريها لأن براسي جي اس 300

3. احلى اول مره اشوف سيلفي تتكلم فصحى ( وهي آخر مره بعد )
ادرس في جامعة الملك سعود ( من قده جامعي ، امحق انواع الذل ، منتب عارفين قيمة الثانوي إلا إذا رحتوا للجامعة )
طبعا تخصصي سبيشل ، اكيد تعرفينه ، ماتعرفينه مصيبة ، اسألي اي واحد اي كلية اللي يسجلون فيها الطلاب السبيشل والشخصيات على طول بيقولون العلوم الإدارية ، قسم إدارة الأعمال ، صحيح هم نص طلايها دعايات وشايفين انفسهم ، بس انا مثل مايقولون جده غير ، أنا غير

4. لا منيب اكبر خواني انا في المرتبه الرابعة ومن أصل 5
5. ههههههه حسبي الله عليتس واقول ليش جاني مغص ذاك اليوم وأثره منتس ، وووووووو ، عطين فنجالتس خلين اشيل العين
في ذاك اليوم
كان مرقوق
ورزززززز
مع جريش

خلاص يكفي مابقى إلا اقول اسم خدامتنا :غضب:

6. اتابع من اول بس الحين نادراااا اصلا كراتين الحين مهوب مثل وأنا اخوتس اول جرندايزر ، والله كنت تابعه ولا تفوتن ولا حلقة بس على مادر 10 سنوات ويمنك اكثر دايم اتابعه وفي النهاية الحلقة الخيرة لازم تفوتن ، يعني حظ دماااار مع هالحلقة ، ولا شفتها إلا من سنه ، أما الحين والله فيه واحد يقولون عنه انه جرية وقوي اسمه داي الشجاع ، انا مره شفته بالصدفة على سبيس تون مع عيال اختي ، وانا ماكنت اعرفه ، بس اسمعهم طايرين بهالمسلسل ، انا جلست معهم ، والله وادخل جو ياولد ، تحمست بقوة ، لكن الله ياخذهم ماطولت وكانت فيه مطاقه من قلب بين القزم داي ووحش اقشر وجهه مثل وجه التمساح بس احمر شكله وجلف

7. احسن اغينة وحده ياحليله انا مسجلها بالفيديو وعاجبتني ، هذيك الصغيرة ام خدود كبار اللي تغني ياحليله وملحه

8. واحد بس وهو سجل ولا شارك إلا مره وحده وعقبها اختفى بس اعرفه
وهو صاحب موقع الشامل اللي حاصل موقعه على وسام التميز ( بنشر الموقع بالقوة ، www.shameel.net , تراه مسكر للصيانة بس رهيب ومتعوب عليه ، حطوه عندكم

9. انا غيرته لأن ميولي للأفلام أكثر من الألعاب وخصوصا هذا الفيلم ، يالللللله فيلم مسككككككت ، تصدقون ان في المقطع اللي يوم شاف مكسيموس اهله ميتين وبنته مذبوحه وبدى يصيح عليهم ، خنقتني العبرة لكن اشوا النور كان طافي والشباب كانو منسجمين مع الفيلم يعني محد درى ، يووووووو لا تذكروني :(

10 . نغمة جوالي يمكن ماتعرفينه وهي جوال نوكيا التاج 8850 اسمه Cicada طبعا مهيب اغنية ، لأني مااحب احط على نمات الأغاني ، لأنها توهق في الصلاة وانا دايمن انسى الجوال مشغل

11. والله كلمهم منيب حريص عليهم وأنا مااشربه إلا ان رحت للقصيم بسسس لأن هناك اللبن الصح ( حق المزارع )

12. طبعا الرائد مابه مثله بالقصيم ( اغنية مشهورة )
لا إيطاليا وبسسسس

13. الإسباني طبعا ريال مدريد
الإيطالي ، وهو فريقي المفضل لا ريال مرديد ولا غيره ، أنا اشجعه من يوم وأنا في المتوسط هو laziooooo
الإنجليزي تشيلسي اللندني

14. لاعبي المفضل محليا ابو يعقوب ، النمر الآسيوي
عالميا لويس فيجو الفنان

يوووووو ، تصدقين قاطع الخط علشان اجاوب ، قلت سكالي ماغيرها

يازين اسالتك شويه يا سينشي كودو
بس انا بسالك كودو هذا المطعم ولا واحد ثاني اللي باسمك

1. لا الى الحين بس اللي يعرف بنت الحلال يتكرم ويدلنا :) :) :) ياصعب التدوير ، والله مشكلة الرجال هو اللي يدور ويتعب علشان يلقى البنت ، والبنت قاعدة وتنتظر المناسب والله فرق ، حكمت ربنا سبحانه

2. كم مرة ؟؟؟؟؟؟ رح الله يخليك شف الهوايات وانت تعرف كم مرة لعبت لأنه صعب صراحة

chicooooo

1. طولي 173
الوزن 75

@@ اكلتي المفضلة لازانايا ومن بيتزا هوت ، يعني غيره ماينفع و الإستاكوزا يووووووو خاصة إذا كانت من مطعم سوق السمك في جدة لا يفوتكم



@@ ساعتين

@@ يعني لازم تحرجنا الحين الساعة 1 يعني اكيد فنيلة من نوع الأصيل والباقي معروف مثل اللي لابسه انت
( الله يستر من اللي لابسة انت )

ههههه امزح معك لاتزعل :) ;)

@@ المنتخب يسد النفس ويفشل بعد مباراة اليوم

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههه
evilneverdie اسئلتك في الصميم

والله فيه سؤال ماله دااااااااعي تسأله يعني من كل الأسئلة مالقيت إلا هذا وفي هذي المناسبة ، يعني على الأقل اسأله بعد يومين ثلاثة مالقيت إلا الحين (((( الحين بتعرف ليش قلت كذا )))

1. اسمي سليمان هاه انبسطت ارتحت قلت لك اسمي ((( بس ترى مهوب هذا اللي قصدته )))

2. وش فيني على سكوال ؟؟؟ راح لموضوعه وانت تعرف وش كان قصدي

3. آهااااا جينا لمربط الفرس ، ياخي والله احراج ، الرساله ماتذكر فشيلة والله انها رساله جتني في وقت ماله دااااعي ، يوم طحنا تحت المجر
:غضب:

لازم اقول يعني
انت مصر








خلاص بقوله بس ناقصة وأنت بتعرف الباقي وعموما اللي ارسلها واحد بيقهرني
المهم الرساله هي
((( لو علم الطفل نعومة خديك لترك الحفاظة و !!!!!!!!!!!!!!! كمل انت خلاص يكفي ))))

هذي آخر مصيبه من مصايب رسايل الجوال


@@ الحب ، نارد بيننا حنا العرب يعني إذا مالقيت لي مصلحة عندك مااعرف الحب للأسف طبعا انا مااعمم لكن هذا اللي نشوفه ، لكن ولو يبقى الأمل في تكوين العلاقة بالحب الحقيقي كبير لأن العرب من طبعهم يغلبه العاطفة

وطبعا ايضا فيه حب خاص !!!!!!!!! ;) ;) ;) هذا رأس المال ;) you know

selfer
1. نسبتي في الثانوي 90%
معدلي في الجامعة يفششششششل 2.5 من 5

2. أنا ماالبس إلا البسام

3. ازرق مع ابيض

يعني هلالي


4. اول فيه شجر بس الحين مافيه

5. نكته حلوة ، فيه ضب مواعد خويته في البر ، جت خويته ومعها خنفسانه ، قالها الضب وش هذي قالت له هذي السيلانية حقتي
خخخخخخخخخخخخخخخخخخخخخ

6. من تواضع لله رفعة (((((( تراني اتكلم من جد ))))))

7. منتب مصدق ، انا حضرت الإفتتاح لا ومن سطح بيت اختي بعد لأنه قريب للمبنى ولا ماكان لي نية
وإلى يومك مادخلتها إلا مرة لا وطلعت منها وانا احمد ربي لأني طلعت وأنا مقفله معي من هالنصاب هارفي نيكلز ، دخلت اشوف اسعاره ولقيت بلوزة حقت الحريم والله مااعطيها ولا 500 ريال وتخب عليها بعد ، يوم قريت سعرها وصلت عيوني لجبهتي ياناس بلوزة 15 الف ريال من المهبول اللي بيخلي مرته او بنته تشتريها
احمدوا ربكم ?: :واو:

8. مرتين الله لايعيدها ايام ، لا والقهر كلها الغلط على الثاني مهوب انا ولله الحمد
تراني طاره منيب سهل

9. بخير مادام انك بخير

عماد وايفيل نيفير داي

انقزوا فوق وتلقون الرد على اسئلة العميلة سكالي

اقتباس:

---

كتب العضو (GLADIATOR__mx)
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههه
evilneverdie اسئلتك في الصميم

والله فيه سؤال ماله دااااااااعي تسأله يعني من كل الأسئلة مالقيت إلا هذا وفي هذي المناسبة ، يعني على الأقل اسأله بعد يومين ثلاثة مالقيت إلا الحين (((( الحين بتعرف ليش قلت كذا )))

1. اسمي سليمان هاه انبسطت ارتحت قلت لك اسمي ((( بس ترى مهوب هذا اللي قصدته )))

2. وش فيني على سكوال ؟؟؟ راح لموضوعه وانت تعرف وش كان قصدي

3. آهااااا جينا لمربط الفرس ، ياخي والله احراج ، الرساله ماتذكر فشيلة والله انها رساله جتني في وقت ماله دااااعي ، يوم طحنا تحت المجر
:غضب:

لازم اقول يعني
انت مصر








خلاص بقوله بس ناقصة وأنت بتعرف الباقي وعموما اللي ارسلها واحد بيقهرني
المهم الرساله هي
((( لو علم الطفل نعومة خديك لترك الحفاظة و !!!!!!!!!!!!!!! كمل انت خلاص يكفي ))))

هذي آخر مصيبه من مصايب رسايل الجوال


@@ الحب ، نارد بيننا حنا العرب يعني إذا مالقيت لي مصلحة عندك مااعرف الحب للأسف طبعا انا مااعمم لكن هذا اللي نشوفه ، لكن ولو يبقى الأمل في تكوين العلاقة بالحب الحقيقي كبير لأن العرب من طبعهم يغلبه العاطفة

وطبعا ايضا فيه حب خاص !!!!!!!!! ;) ;) ;) هذا رأس المال ;) you know

---

هلا لويجي


اطربني فيها :

لو علم الطفل نعومة خديك لترك :D :D :D .....)

شباب اليبي ينحط تحت المجهر اش يسوي ؟

اقتباس:

---

كتب العضو (Blue Eagle)
شباب اليبي ينحط تحت المجهر اش يسوي ؟

---

تعرف اش يسوي ؟؟؟



يدز براسه تحت المجهر ( بالقوة طبعا) ....




وبس :p


ههههه


امزح معاك



لازم يكون عضو معروف ومشهور بالمنتدى ....



مهوب اي واحد ..

طب الحمد الله اني مو مشهور الله يعينك يا > GLADIATOR__mx (لويجي2000سابقا)

((لو عرف الطفل نعومة يديك لترك الحفاظة و ز* عليك )) تراني اول مرة اسمعها هي صح و الا غلط ؟؟؟
من متى و انت تتابع الالعاب و الافلام ؟؟

اقتباس:

---

كتب العضو (عماد 18)
((لو عرف الطفل نعومة يديك لترك الحفاظة و ز* عليك )) تراني اول مرة اسمعها هي صح و الا غلط ؟؟؟
من متى و انت تتابع الالعاب و الافلام ؟؟

---

والله صريح عماد خلاص لا تكمل يكفي :D :D :D
على طاري الصراحة ماقد ضحكت بالمنتدى مثل ذاك اليوم يوم قريت ردك في موضوع العضو القلابي يوم يسوي نفسه مرقم ؟؟؟؟
يوم خش شهبرير برواز خيزران ،، عرفته


انا اتابع الألعاب من ايام صخر إذا انت تذكر ، ياماسهرنا الليالي على الجهاز ، خاصة لعبة اختبر ذكائك ولعبة كرة القدم اللي إذا شت الكورة يطلع صوت صفيرة واااااااووييييي اكيد عرفتها ، لا وكنت حريف عليها واهزم المستوى الخامس ،،،،،، بطران


اتابع الأفلام من أيام المتوسط لكن مااهتميت فيها إلا بالثانوي @@@ يوم شفت فيلم بريداتور المرعب حق ارنولد فيلم صح :p :p

على طاري الصراحة ماقد ضحكت بالمنتدى مثل ذاك اليوم يوم قريت ردك في موضوع العضو القلابي يوم يسوي نفسه مرقم ؟؟؟؟
يوم خش شهبرير برواز خيزران ،، عرفته
-----------------------
اكيد اذكره اللي اسمه برويز تصغير براز :D
---------------
انا اتابع الألعاب من ايام صخر إذا انت تذكر ، ياماسهرنا الليالي على الجهاز ، خاصة لعبة اختبر ذكائك ولعبة كرة القدم اللي إذا شت الكورة يطلع صوت صفيرة واااااااووييييي اكيد عرفتها ، لا وكنت حريف عليها واهزم المستوى الخامس ،،،،،، بطران
----------------
اجل مانتب خبرة مثلي :) تصدق ان عدد مرات شرائي للاتاري -يعني الجهاز- اكثر من عدد مرات شرائي لاشرطته :D
بخصوص الكورة بصراحة كان ولا ويننج اليفن اول ما شريته ما نمت يوم كامل احلى شي اذا دخل قول و قعد الحارس يحفر بالارض :)
-----------------
اتابع الأفلام من أيام المتوسط لكن مااهتميت فيها إلا بالثانوي @@@ يوم شفت فيلم بريداتور المرعب حق ارنولد فيلم صح
-----------------------
بهذه انت خبرة :) انا كنت اتابع اشرطة المصارعة ايام المتوسطة و يوم كبرت و عرفت ان المصارعة خرط فاضي بديت اتابع الافلام اول باول في الثانوية ..
قصدك المفترس الجزء الثاني ؟؟ الله يقطع شيطانك هذاك الفيلم سبب لي ارق لمدة اسبوع خاصة منظر الناس المسلوخين :واو:
------------------
ما انعطى وجه خليت الموضوع عني :D
-------
سؤال اخير انت قصدك بالmx في اخر اسمك اسم البطل ماكسيموس ؟؟

ابه افا عليك مكسيموس mx

بس على فكرة ملاحظة ترى المصارعة الظرب حقيقي لكن طبعا هي كلها تمثيل ،

اما وينيج اليفين يامارفعت ضغطي ل 500 ، انواع القهر إذا فاز علي احد ، وخصوصا إذا جا الهدف في آخر دقيقه وبعد بايخ ، وهو متى يصير بايخ إذا جت انفراده ومافيه إلا لاعب واحد في الدفاع وبكل بردو يطلع متنح ولا يتحرك لا وأوقات يهج عن الكورة والله لو تضغط كل الأزره مافيه امل يجي :غضب: :غضب: :غضب:



بخصوص الأفلام اجل انصحك تشوف فيلم ديب ريسينج أو وحش الأعماق ، يمكن انت شايف ؟؟، فيلم رعب يخلي شعر راسك يوقف

هع

والله امس حمقت يوم شفتك تأخرت مارديت,,قلت وينه ذا لعب علي الله يعيني على طنازه الاعضاء:غضب:

بس اشوى رديت!!:cool:

بعدين ترى العميله سكالي ولاشي عندي!! استلــــــــــــــــــــــــلم:

- من سماك سليمان؟
- فيه احد من العائله كان معارض لاسمك؟ يعني كان بيسميك اسم غير؟ ومن هو؟ ووش كان الاسم اللي يبي يسميه؟
- لو ماكان اسمك سليمان؟ وش ودك يصير اسمك؟
- لو قضت الاسامي...ومابقى الا هالاسامي....وش تختار منهم؟ ( عنبر - ملفي -دلهام - شليويح-عباس)
- بعد ماتعرس انشالله جوك ثلاث اولاد وثلاث بنات...وش بتسميهم؟! كلهم

خلصنا من اسئله الاسامي

- وشو الفيلم اللي شفته وبطنك تقطع من الضحك عليه؟
- وشو الفيلم اللي شفته ومت من الصياح عليه؟ (غير قلادييتور)
- وشو الفيلم اللي شفته وتندمت انك شفته؟
- وشو الفيلم اللي لو تشوفه كل يوم ماتمل منه؟
- وش احسن فيلم من افلام ديزني؟:)

احسن ممثل؟ (من بعد راسل كرو)
احسن ممثله؟

اتفه ممثل؟
وممثـــــــله؟

-------------
متى اخر مره تهاوشت مع واحد؟ وكانت السالفه فيها عجر؟:cool:

وكم كم كانت النتيجه؟ وتصالحتوا والا لالحين حاقدين على بعض؟


وش قلت بعد ماقريت هالسؤال ^^^؟:cool:




يومنك صقعت باللكزس وخربت عليك....وش كانت اووووول جمله قلتها؟ تتذكر؟

*******************

منهو العضو اللي غاسل وجهه بمرق؟:D
منهو العضو اللي ودك تقابله؟
منهو العضو اللي ودك تغوله؟
منهو العضو اللي ودك تخقله (تقرشعه) برى المنتدى؟
منهو العضو اللي ماتفوت ولا موضوع يكتبه الا ولازم تخشه!! حتى لو مارديت...المهم انك لازم تقرا كل مواضيعه؟!
منهو العضو اللي تحب تهبل به؟

استراحه ----------------------->>>>

واحد زائد واحد يساوي كم؟

<<<<<<------------------------------------------- سنعود بعد قليل !!

هههههههههههههههههههه ذكرتيني بسبيس تون (سنعود بعد قليل) كلما قالوها انسدحت وانا ودي اكسر التلفزيون:غضب:

هههههههه



هالمرة فعلا ما اعتقد يرد .....



شو هذي الأسئلة ؟؟؟:D من سماك داون أقصد سليمان ؟:D :D



اسمعي الأسئلة السنعة المسنعه تسنيعا ::p


من أغبى عضو ؟


من هو العضو اللي تقشعر منه الابدان عندما تراه ؟


من هو العضو اللي يشبه وليم سميث في تصرفاته الهبلة ؟:D


ونفس الاول ..._______اسئلة في الصميم وغير ذلك ما أرضى______


ولا تنسى انت تحت المجهر :p

للرفع لين يشرف ضيفنا المتوهق :p

ههههههههه ، ترى امس رديت وانتظرت لكن شفتس طولتي قلت خلني اروح للمركز اطقطق بالكمبيوتر احسن

بعدين والله انتس FBI العضو المنتدب بالقصيم وش هالأسئلة انا افتح مخي واجيب مفك ابو جلمبو واقعد احفر احفر احفر ماطلعت نص هالأسئلة

بعدين اليوم بعد متأخر لاتلوميني ماجيت إلا 5.30 العصر من المرض وانا مقفله معي لأن الدكتور جعله يزلق بحفاظة ولده وتنكسر رقبته خلانا نجي يوم الثلاثاء غصبن علينا لكن متى من 6 المغرب الى 9 ، يعني محاضرة 3 ساعات بالليل ، لااوصيك ادعي عليه دعوة اردى من اللي قلت لأني اخبرتس رابيتن مع عجز وتعرفين دعاوى العجز ، دعوة مركزة

نرجع للتحقيق

?????????@@ اللي سماني هي اللي جابتني
???? @@ من اللي يتجرأ ويعارض على اسمي بس لو فيه احد كان اكد بيطع اكبر واحد من خواني لأننا انا ويها مناقر هو يقول يمين انا على طول اقول يسار ، اكيد بيقترح اسم شين (( اعرفه نكبة ))
@@ اكيد سليمان
:o :D

لا إذا كان غير كذا ودي يطلع اسم عبدالله

@@ ياهوووو وش هالأسامي مالقيتي إلا هذولا ،يعني على الأقل حطي شي يفتح النفس
مممممم
والله مشكلة
يالله ناخذ ارحمهم عباس على سن ورمح

??@@ عفوا يعني الزوجة جايبها ديكور ، ماتسمي شي (( ايه هين زوجة وماتسمي ، هذي ماتصير إلا في حالة وحده بس انها تحمل وتجيب توأم 6 بزارين مره وحده وتموت بعدها على طول ، في هذي اقدر اتحكم فيهم كلهم ::::::::: فال الله ولا فالي ))
الأولاد
فهد
نواف
خالد

البنات
ريهام
سيلفي
خخخخخخ
لاتصدقين
هند
غادة
انتهينا من الأسامي

??@@ ,والله ياهو فيلم ، يعني مثل ماقلتي خلاني اموت من الضحك ومنسسسسم بقووووة ، يعني كله هبال وصرقعة ((((( فيلم دامب آند دانبر ، حق الممثل الخبل جيم كاري ))))

?@@@ صراحة فيلم هندي ، تكامخوا وطقاق من قلب وتبقيس وفي النهاية طلعوا خوان ،، ياحراااااام
وين مت من الصياح مرة وحده ، مافيه إلا مكسيموس هو اللي خلاني اتأثر بفوة :(

@@ تبين الحق فيلم فاينال فانتسي ماعجبني بالمرررره اصلا ماكملته طفيته يوم انتصفت في الفيلم

@@@ فيلم GLADIATOR وفيلم تيرموناتور 2

@@ تيمون وبمبا خخخخخخخ

لاطبعا فيلم طرزان ، والله حلو يستاهل من يشوفه

@@ أحسن واحد طبعا نجم هوليوود الأول روبرت دينيرو

@@ طبعا خفيفة الدم ساندرا بولوك

@@ ياكثرهم وياقل نفعهم وأولهم واحدن مريييض حتى وجهه يسد باب الرزق بس مااذكر اسمه لكن إذا تذكرين فيلم اليين المرعب اللي بطلته الحرمة اللي حركاته تقل رجال فيه معه واحد سمط وشين وثقيل دم وهو بالفيلم يحب نفسه بس وجاحد الباقيين
اتفه ممثله بكل المقاييس شارون بنت ستون ايا جعل شارون يطيح بحلقه

@@ عليك اسئلة ياسيلفي بحل ياايفيل نيفير داي
انا آخر مره ماتهاوشت ، انا خليت واحد يزعل علي بسبب مزحي الثقيل ياااالله رضى
هذا كان فيه مره بالعطلة كنا طلعين انا والعيال للثمامه نشوي
المهم الضعيف قاعد على الزولية وانا كنت عند الفحم والله ويركب راسي ذاك الشيطان ابن الريح وش فكرت فيه ،،، فكرت اني اسوي مقلب محترم بالرجال ، وش سويت ،،، أخذت حصاة مدورة ومسكتها بالملقاط وحميتها على الفحم الين احترت ، والله وارميه عند ابو الشباب ، المهم واناديه يافلان رد عليه وش تبي قلت له بالله اجدع علي الحصاة اللي جنبك ابيها والمسكين ماصدق خبر على باله بيفزع معي لأني انا اللي كنت متولي الشوي في ذيك الطلعة ويمكسها وعينتس ماتشوف إلا النور انواااع الضحك عليه الرجال قام يتقلب بالأرض من حر الحصاة ، وانا والعيال ميتين من الضحك عليه ، المهم نكدت عليه بالطلعة ويوم خلصنا ، ماش انا ماارتحت احس ان الرجال شايل بنفسه علي ، وكل واحد راح لبيته والله واتصل عليه بالجوال والرجال معطيني الخامس ويالله بالقوة رد علي ويمين ويسار يااااله رضى ، لا وبعد خلانا نعشيه في مطعم مكسيم حسبي الله عليه خسرنا 500 ريال في ذيك الليله ، الله لايعيدتس ياحصاة

@@@ حسبي الله عليك ياسيفلي مالقيتي إلا هالسؤال ، طبعا انا اول شي طار العقال يمين والشماغ يسار واوا كلمة قلته ، ‍‍‍‍؟؟؟؟؟؟؟؟؟ ماعليش انا اكثر واحد منضبط بالقائمة اللي قريته 10 شهور او اكثر ، فخليها مستوره احسن ،،،، والله ماانلام الغلط ليه وانا طالع بحال سبيلي الساعة 2 بالليل وذيك الليله الهلال منهزم يعني النفسيييية زففففت والموتر نظيف ماجاه ولا خدش وفي النهاية يروح بلحظة ، والله قهر

@@ يعني على بالتس ماتدرين ، واحد صريح اكثر من اللازم ويمون بقوة ، (( احمد 9000) )
ادري انك تدري بس سؤال استعبطاي ‍‍‍?###????@@@@@ صح

@@ صراحة واحد حبيب والله ومحترم ،وهو الكاتب المبير العضو ماريو الله يرجعه للمنتدى ويتحفنا بمواضيعه السنعة

@@ ياكثر اللي ويدي اغولهم خخخخخخخخخ ، ترى فيه موضوع كاتبه من زمان باسم ياكثر اللي احبهم في المنتدى، يمكن تلقين الجواب

في الحقيقه والواقع ناس لكن ماودي اذكر صراحة منيب ناقص وجع راس ومغص بطن وهم تاركين المنتدى من زمان ،


@@@ هو قرشع نفسه وريحنا من ردوده اللي تجيب المرض ،، تراه بعد يموت بالفلاش

@@@ لا في هذي الحقيقه لازم ارد وهي مواضيع الكاتبة روكسان ،، والكاتب الحبيب ماريو في مواضيعه سابقا والعضو ايوري اللي مواضيعه كلها حكم ومواعظ

@@@ الى الحين مافيه ولا واحد

@@@ خمسين ونص

استراحه مابين الشوطين

صحيح تحت المجهر بس مهبوب تحت التهزيئ لأن صراحة ماعندي استعداد اقلب الموضوع عداء

ياخي ذابح لكم احد
ليه كده ياااخي
عملتلك ايه يا ايفيل
منك لله
اشو فيك يوم حلو

ياخوي ناوي تشوتنا برى المنتدى ولا ايش

يعني الرد بيكون كله سب وحش وبعدين بينقلب هواش وبعدين تلقى تحت اسمي عضو موقوف لأني ماتحمل


الله يرحم والديك عطنا اسئلة جوابها لا تقشعر لها الوجوه من اعضاء المنتدى
يعني لو اعرف واحد موجود حاليا واضمن انه مايزعل كان فلت فيه النون ومايعلمون ?: ?: :غضب: :غضب:

والله فيه اعضاء على الريحة من كلمة تلقا خشته مكشرة وهي مزح وانا مجربها علشان كذا رجاء اعفينا من السؤال اللي اعمق من الصميم

اقتباس:

---

كتب العضو (GLADIATOR__mx)
مجربها علشان كذا رجاء اعفينا من السؤال اللي اعمق من الصميم

---

خلاص ....


لا تصيح علينا عااااااد ...


قلنا خلاص .


تبي سؤال في الصميم ؟؟؟؟ :D مو اعمق :p ( ولا شقايل يا سيلفي ):D

وين رحت انت قلت لك دقيقه وراجع

اقتباس:

---

كتب العضو (GLADIATOR__mx)
وين رحت انت قلت لك دقيقه وراجع

---

ما فهمت ؟؟؟



اش تقصد ؟?:

صح النوم توك ترد


امس في الماسنجر ;) :": :": ":"

انت صح النوم ..


انا رديت من زمان حتى شوف وقت الرد ...



بس انت راااااااقد:":

____

اقول لا تصرف وتخلينا نسولف , ترى تيجي سيلفي وتصفقنا .:D

قريت ردك على الطاير

انا كنت في منتديات ثانيه مادخلت المنتدى إلا متأخر


":" ":" ":" ":"