يا شباب عندي أسئلة ذكاء حلوة مرة ... اللي عارفها من اول لا يخرب على الشباب اللي راح يحاولون يحلونها ..
طبعا جميع الاسئلة لها جواب منطقي ... يعني ما ابي جواب استهبال ... اوكي ... يالله نبدأ ...
عرض للطباعة
يا شباب عندي أسئلة ذكاء حلوة مرة ... اللي عارفها من اول لا يخرب على الشباب اللي راح يحاولون يحلونها ..
طبعا جميع الاسئلة لها جواب منطقي ... يعني ما ابي جواب استهبال ... اوكي ... يالله نبدأ ...
يلا بس وين الاسئلة
السؤال الأول :
انت جالس في الدور الثاني من بناية ... وعندك 3 سويتشات ( مفاتيح نور ... مقابس لمبات ... سمها اللي تبي ) ... كل واحد موصل بلمبة في الدور الاول
انت مسموح لك انك تبقى في الدور الثاني على كيف كيفك... تقدر تسوي اللي تبي ... بس مسموح لك انك تنزل بس مرة وحدة الى الدور الأول ... وبعد ما تنزل تقدرت تظل تحت على كيفك ... بس لما تنزل ما تقدر تطلع فوق مرة ثانية ... وتسوي اللي تبي وانت في الدور الاول
لكن لازم تنفذ المهمة
المهمة هي انك تعرف كل سويتش يولع اي لمبة
طبعا انت ما تقدر تشوف اي شيء من الدور الاول وانت في الدور الثاني
ايش راح تسوي ؟
بخلي واحد بالدور الثاني ينورلي السويتشات وانا بشوف اللمبات بالدور الاول
انت جالس لوحدك ... فجوابك خطأ
لو كان الجواب بهذه السهولة كان ما حطيته اصلا ... وبعدين انا قلت في البداية ... الأسئلة اسئلة ذكاء وتحتاج تفكير ( مش يعني لازم تكون أينشتاين ... بس فكر شوي ) ...و لا تتوقع ان الجواب يكون فيه نوع من المغافلة او المغالطة
بس محاولة حلوة
السؤال الثاني :
عندك عامودين ... ارتفاع كل واحد 10 متر ... اخذت حبل طوله 15 متر وربطته بس رأسي العامودين
الحبل ما كان مشدود على الآخر ... فكان انزل جزء من الحبل يرتفع عن الارض مسافة 2.5 متر
ما هي المسافة بين العامودين ( مع ذكر السبب وطريقة الوصول الى الجواب )
عرفت الجواب بس ما بقول لو تبى تعرف عطني 100 دولار و بقول
الجواب من السؤال ههههههههههههههههههههههههههههههههههههههههههههههه
سلام
أقول ... كل واحد يقدر يجي ويقول انه عرف الجواب ويعمل فيها ذكي وما يبغى يقوله
وشيء بديهي انك تعرف الجواب من السؤال ... اجل من فين راح تعرفه ؟؟؟؟ ينزل عليك وحي ؟؟؟
السؤال الثالث:
انت على مفترق طرق ... واحد من الطرق يوصل الرياض والثاني يوصل الدمام ... انت ما تعرف ايش يوصل لأيش ... وانت تبغى تروح الدمام
قدامك شخصين ... واحد منهم كذاب ( ما يقول حاجة الا كذب ... عمره ما صدق ) والثاني صادق ( عمره ما كذب ) ... بس انت ما تعرف مين الصادق ومين الكذاب
عندك فرصة انك تسأل سؤال واحد لشخص واحد ( وانت ما تعرف مين فيهم الكاذب ومين الصادق ) ... ولازم تعرف طريقك من جواب هذا الشخص المجهول على سؤالك
ايش هو السؤال اللي راح تسأله ؟
السؤال الرابع ( هذا قديم ومشهور ... بس حبيت أكتبه للي ما يعرفه ) :
انت عندك 26 الماسة ... وحدة فقط هي الحقيقة ...
الالماسة الحقيقة اثقل من الباقي بفرق بسيط ( ما راح تقدر تحس فيه لو وزنت بيدك )
عندك ميزان ابو كفتين ... كيف تكتشف الالماسة الحقيقة من 3 وزنات فقط
القانون
الطول تقسيم العرض ضرب الارتفاع
طلع الجواب 37.5
السؤال الخامس :
3 اشخاص محكوم عليهم بالاعدام ... لكن القاضي كان يحب الذكاء .. .قال لهم راح اسألكم سؤال ذكاء ... اذا واحد فيكم جاوبه صح ... كلكم افراج ... اذا واحد فيكم جاوبه غلط ... كلكم اعدام ( يعني جواب شخص واحد يكفي ... مش لازم الكل يجاوب )
حطهم في طابور ... الاول ما يقدر يشوف احد ... اللي في الوسط يشوف الاول ... واللي في الاخير يشوف الاثنين الباقين ...
قام القاضي وحط طاقية على راس كل واحد فيهم وقال لهم
الوان الطاقيات خلط بين ابيض و اسود ( يعني اما تكون 2 بيض ووحدة سودة ... او العكس ... بس مش كلهم من نفس اللون )
بدون ما تتكلمون ولا حرف ... ابي واحد فيكم يقول لي لون الطاقية اللي على راسه
كيف راح يجاوبوا ؟
جوابك خطا ... وبعدين من فين جبت هذا القانون ؟؟
يمكن ما فهمت السؤال صح ... تخيل عامودين واقفين ( مثلا عرضتين ... بس بدون عارضة فوق اللي بالعرض ) ... وانت ربطت رأسي العامودين ببعض ... الحبل طوله 15 متر ( كيف راح تطلع المساقة 37.5 وطول الحبل اصلا 15 ) ... الحبل ما كان مشدود ( يعني عامل زي القوس ) ... المسافة بين انزل نقطة من الحبل والارض 2.5 متر ...
حاول مرة ثانية
[QUOTE=z3bululu]السؤال الخامس :
كل واحد يشل الطاقيه من رأسه و بس
بيعرفون و خلاص :06:
صح
الجواب خطأ .... مش مسموح لهم انهم يسوون اي شيء غير انهم يجاوبون ...
يا شباب اعيد واكرر ... اسئلة ذكاء .... يعني الاجوبة يكون فيها حبة تفكير
السؤال السادس :
3 اشخاص ارادوا انهم يشتروا هدية الى صديقهم ... هم حاطين في بالهم ان الهدية راح تكلف 30 ريال .. كل واحد حط 10 ريال ... لما وصلوا محل الهدايا طلعت الهدية ب25 ريال ... فكان الباقي اللي عند البائع 5 ريالات
كل شخص من الثلاثة اخذ ريال من الباقي ... فبقى مع البائع ريالين ... قالوا للبائع ان يخيليهم معه لأنهم ما راح يقدروا يتقاسموهم ...
السؤال : كل واحد فيهم دفع 10 ريال ورجع له ريال ... فصار كل واحد دفع 9 ريال ... 9×3 = 27 ...
واذا اضفنا الريالين اللي مع البائع راح يصيروا 29 .... فين الريال الاخير ( تذكر ان بدينا ب 30 ريال )
ملاحظة للتسهيل : من الواضح ان السؤال فيه مغالطة ... لأن من المستحيل ان يضيع ريال في عملية رياضيات ... المطلوب منك انك تكتشف المغالطة وتشرحها
اووه انا ما فكرت صح
الاخير بيجاوب
لنه بيشوف اللي جدامه فلو كانت طاقيتهم نفس اللون بيكون العكس ماله
بس أذا كان غير الاول ن الثاني بتستوي مشكله و هي ........ يلا حلوها
انت جاوبت نص الجواب ... لازم تكمل المشكلة
يالله شباب ... فين عباقرة المنتدى ... 6 اسئلة والى الحين ما حليتوا ولا واحد ....
انا بغيت اكتب اكثر من كذا ... بس شكلكم ما راح تحلونهم ---> زاعط بيحمسهم
المشكله هي أنه محد عنده وقت ليحل الاسئله كلها
يعني كان لازم تكتب سؤال سؤال مب كلهن مره وحده
و ثاني شيء الاسئلة شوي صعبة
شكرا على الملاحظة يا heardy boy
وراح اوزعهم على مواضيع متفرقة
وبالنسبة الى صعوبة الاسئلة ... الناس مستويات مختلفة ( وحاشى لله اني اقول ان مستواى احسن منك او من فلان ) ... بس قصدي ان في ناس اذكياء وما راح يحبوا اسئلة مثل : يطير من غير جناحين فما هو ؟؟؟!!!
ياي شباب عندي عقدة اني احذف الموضوع ... واحد يسوي السالفة لي ... لأني وزعت الاسئلة على مواضيع ثانية
اقتباس:
عندك عامودين ... ارتفاع كل واحد 10 متر ... اخذت حبل طوله 15 متر وربطته بس رأسي العامودين
الحبل ما كان مشدود على الآخر ... فكان انزل جزء من الحبل يرتفع عن الارض مسافة 2.5 مترما هي المسافة بين العامودين ( مع ذكر السبب وطريقة الوصول الى الجواب )
الجواب: المسافة صفر متر,ليش؟أنا بقول ليش: طول العامودين 10 متر, و إذا قطعت الحبل نصين متساويين بيكون طول كل نص 7.5متر, و ربطت كل نص حبل براس عامود.حاول تربط الحبل المقطوع ببعضه بشرط تكون مسافة الحبل للأرض بعد الربط 2.5 متر.طبعاً ما بتقدر إلا لو كانت المسافة بين العمودين 0 متر.
اقتباس:
السؤال السادس :
3 اشخاص ارادوا انهم يشتروا هدية الى صديقهم ... هم حاطين في بالهم ان الهدية راح تكلف 30 ريال .. كل واحد حط 10 ريال ... لما وصلوا محل الهدايا طلعت الهدية ب25 ريال ... فكان الباقي اللي عند البائع 5 ريالات
كل شخص من الثلاثة اخذ ريال من الباقي ... فبقى مع البائع ريالين ... قالوا للبائع ان يخيليهم معه لأنهم ما راح يقدروا يتقاسموهم ...
السؤال : كل واحد فيهم دفع 10 ريال ورجع له ريال ... فصار كل واحد دفع 9 ريال ... 9×3 = 27 ...
واذا اضفنا الريالين اللي مع البائع راح يصيروا 29 .... فين الريال الاخير ( تذكر ان بدينا ب 30 ريال )
كل واحد دفع ثلث سعر الهدية, يعني ثلث ال 25 ريال, و كل واحد أخذ ريال صاروا 28, و باقي ريالين مع البائع صاروا 30.
اقتباس:
المشاركة الأصلية كتبت بواسطة z3bululu
الحل غريب بس منطقي.
شغل واحد.
خل واحد ثاني مطفي.
و الثالث امسكه و خلك بتشغله و تطفيه لين ما يحترق.
انزل تحت, بيكون عندك ليتين مطفيين, شوف أي واحد المحترق و خلاص.
ما شاء الله عليك ...
بالنسبة للسؤال الثاني فجوابك صح 100%
في السؤال السادس انت اعدت تحليل السؤال على شان توصل الى 30 ... وهذا مش المطلوب ( اقرا الملاحظة مرة ثانية ... المطلوب انك تقول لي فين انا كتبت المغالطة ... وايش المغالطة بالضبط )
بالنسبة للسؤال الاول جوابك صحيح ... بس في جواب اسهل ( اللي هو كان في بالي ) ... وهو انك تترك واحد منهم مشغل مدة معينة ( الى ان يسخن ) وتطفيه ... فلما تنزل تدور على اللى سخن ... بس على العموم راح اعتبر جوابك صح
يالله ... حاول تكمل على الباقي
بسم الله
انا ما بلف ودور علي الاعضاء
والاجابة الصحيحة هي إجابة afro وانا متأكد منها 100% وعندما سألتهذا السؤال كانت هذه إجابتي
حيث انه لا يوجد جنيه زائد ولا ناقص سعر الهدية 25 وكل واحد رجعله 1 والبائع أخذ 2 أصبح المجموع 30
دون جنيه ضائع
هايووووو قايز
جلست اقرأ السؤال الأول ساعتين عجزت افهمها
يالله بالغصب فهمته
المهم عرفت الجواب
اتوقع انه صح
ان شاء الله صح
ج1 :
اول شي اولع وحده من اللمبات واخليها مولعه لمدة ساعتين (الين تصير حااااره مثل النار) وبعدين اطفيها
وبعديييييييين
اولع الثانيه واخليها مولعه وبسرعه انزل تحت واشوف اللي حاره راح تكون اللي ولعتها اول مره
واللي مولعه اللي ولعتها
واللي طافبه اللي ما سويت لها ولا شي
وش رايك ؟
عساها صح لا تحطمني
اكيد صح ... بس السؤال تم الاجابة عليه
بالنسبة للسؤال السادس يا شباب ... انا اعرف انك لو تعيد جمع السالفة يطلع لك 30 ... وانا قلت هذا الشيء في السؤال ( ارجع واقرا الملاحظة ) ... المطلوب انك تقول لي ايش الغلط اللي انا سويته وخلاني احصل على 29 بدل 30
ok الحين فهمتك,
انت قلت:اقتباس:
كل واحد فيهم دفع 10 ريال ورجع له ريال ... فصار كل واحد دفع 9 ريال ... 9×3 = 27 ...
و الصح: كل واحد دفع 3/25 = 8.33333 ريال و رجعله ريال صاروا 9.33333
9.33333 ضرب 3 = 28 ريال و مع الريالين الباقيين بيصيروا 30 ريال.
اقتباس:
المشاركة الأصلية كتبت بواسطة z3bululu
اقتباس:
المشاركة الأصلية كتبت بواسطة z3bululu
~
أخيراً عرفت جواب السؤال:-
~
الوزنة الأولى: حط 8 ماسات في كفة, و 8 في الكفة الثانية, و خل 8 ماسات بررًّع.
في احتمالين:-
- لو الكفتين متساويتين خذ ال 8 البررُّع لأنهم فيهم الأصلية.
- لو مب متساويتين خذ الكفة الأثقل.
~
الوزنة الثانية: حط 3 في كل كفة و خل 2 بررًّع.
في احتمالين بعد:-
الاحتمال الأول: لو الماسات في الميزان وزنهم متساوي خذ الاثنين اللي ما وزنتهم.
الاحتمال الثاني: لوالماسات اللي في الميزان وزنهم مب متساوي خذ ال 3 اللي في الكفة الأثقل
~
الوزنة الثالثة بعد الاحتمال الأول: ما تبا شرح.
الوزنة الثالثة بعد الاحتمال الأول: ما تبا شرح بعد !
no ... the part of the question that you put is correct ... because each one actually paid 9 .... not 8.3333 .... but you are close
for the other one ... you are almost there ... i will consider that you answered it ... but check one thing .... you have 26 diamonds ... you tested 8 and 8 and 8
which is 24 ... you have two left
but anyway ... you got it
but i can't deny it ... you are one smart piece out there
:)