قضية الاسبوع : لقب أودن .. : ) ......... !!

السلام عليكم و أسعد الله صباحكم أخواني ...... :)

قضيتي المطروحة : ....... المستشااااااااااااااار ... :08:

دايما كل منا يستشير , صحيح ؟
فمين إنت تستشير ؟ و بأي مواضيع ؟
رؤيتي حول الموضوع :

صديقي الصدوق - Friendly Friend
- أكثر الناس الودودين , دايما ياخذون الصديق ملجأ لأفكارهم و لأسرارهم و مشاكلهم و بالتالي يستيشرونهم حول الحلول و الطرق لسد الفراغ ........ :)

أسري - Family Guy
- بعضهم يلجأ لأستشارة أخوانه الكبار , لحل مشاكلهم الشخصية و النفسية و الأسرية ...... :)

اعتزلي و وحيد - Loneliness
-أقلية منهم من يكون نفسه بنفسه , ولا يلجأ لأحد , و دايما إنفرادي بأفكاره ...... :31:

Psycho ×_× or .... ??????
- نوعية خاصة , و منهم من يستيشر الأطباء النفسيين , أو المحاميين , أو اي مسؤول للاستشارات ....

----------------

السؤال الذي سيطرح , لماذا يستيشر الإنسان صديقه أكثر من أسرته ؟
هذا الشي الأمر يعتبره البعض عجيب جدا ! لأنه يأاتمن صديقه على أسراره وأفكاره أكثر من اخوانه و والديه !!!!! ..... :33:
فمالذي يمنع الانسان أن يستيشر أهله في أموره الشخصية ؟ و يجعلها لأصدقاءه ؟
السؤال الثاني , الذي يلقينا بمتاهة , لماذا بعضهم إنعزالي ؟ ولماذا لا يقبل أن يستشيرالآخرين ؟

------------

جوابي الخاص حول النقاط

@ البعض يستشير أصدقاءه لأنه يحس بالأمان أكثر , خاصة لو كان بمصيبة فلا يستطيع أن يخبرها لأحد من أهله , و يعتمد على أصدقاءه ...

@ البعض الآخر يستشير أصدقاءه , لأنه لا يحس بالامان مع أسرته , لأنهم دائمي الانشغال عنه , أو لا يهتمون بمشاكله , فيلجأ إلى أصدقاءه "الصديق وقت الضيق"

من هنا يمكن أن تحدث مشاكل أخرى كالابتزاز "لكن هذه محنة أخرى من محن الحياة" ...... :08:

@ الإنعزاليين , بعضهم المكروهين , حيث أي شخص يحاول أن يتقرب منه , يحصل تنفيذ و استقزاز من هذا الشخص ....... بالمختصر المفيد "إنسان سالب" ...... فلا احد يهتم له أو بمساعدته ..... :28:

@ نوعية أخرى من الإنعزاليين , من يحب أن يعتمد على نفسه , و يلجأ لسياسة التعلم عبر الخطأ و التصحيح , أو معرفة الصحيح عن طريق التجربة ....... ! :33:

معلومة ربما تكون صحيحة : مثل هؤلاء الناس , يصبحون وزراء اعمال و سياسيين ...... :boggled:

-------------------

نرى ملاحظاتكم و آرائكم الفذة و الغالية حول مصير أودن :reporter: , طبعا أنا اقصد الموضوع .... :08:
أقولكم شااوو , , , , و نلقاكم في موضوع آخر من الشهر القادم حول قضية جديدة ..... :)

السلام عليكم....

من ناحيتي انا.. فانا اخذ الموضوع بهذا الترتيب..

افضل افكر بالموضوع بنفسي وان ما قدرت عليه افضفض لربعي باللي بخاطري واذا جوابهم ما ارتحت له عندها ارجع لاحد اخواني الكبار...

اضافة الى انه يمكن في بعض الشغلات اللي الواحد يستحي يستشير فيها امه وابوه... علشان كذا يمكن تجد التواصل ضعيف نوعا ما بينهم... ومثل ما انت قلت... مع ربعك تحس بالامان... لانه اللي بتسويه يمكن يبقى بعيد عن اهلك...

خلاصة الموضوع انه اكثر الناس يستشيرون ربعهم... لانه في تقارب سني بينهم... ولكن في عائلات بتحصل الاب او الام متقاربين بالسن مع الابن يعني نقول انه الفرق يمكن قريب العشرين سنة... فهنا يمكن الروابط بينهم تكون قوية... اما لو الاب او الام كبار في السن فيمكن تحصل تفكيرهم غير عن تفكير الابن اللي عايش اجواء هالدنيا...

هذا اللي عندي حاليا.. وننتظر بقية الاعضاء علشان نشوف ارائهم ايضا..

السلام عليكم..

بالنسبة لي فأنا ما أستشير أهلي أبد
والأسباب هي مثل ما قلتوها وبعد الأهل عدنا ما يساعدون إنه أحد يستشيرهمP:
ولكني أحسد بعض الناس إلي إهم يتكلمون ما والدينهم في شتى المواضيع ويتكلمون في مشاكلهم وكل شيء...

اقتباس:

---

صديقي الصدوق - Friendly Friend
- أكثر الناس الودودين , دايما ياخذون الصديق ملجأ لأفكارهم و لأسرارهم و مشاكلهم و بالتالي يستيشرونهم حول الحلول و الطرق لسد الفراغ ........ :)

---

Thats me dude...

وشكرا على الموضوع
بس وينه المستشار أودينXD

بالنسبة لي انا ..

مافي ابد شخص محدد استشيره بكل شيء ..


بكل أمر احتار فيه افكر مين الشخص المناسب بالاستشارة


بالدراسه مثلا .. استشير اصدقاء لي بسنة خامسة ورابعه ..

وبالشغل استشير واحد من اخواني .. انسان اداري وتفكيره حلو وشخصيته قوية


واذا صارلي حادث بالسيارة مثل امس :28: على طول استشير اخوي الثاني وش اسوي وكيف اتصرف ..


وبالمنتدى استشير حبي اس ام و دارك :08:


لكن بالامور الشخصية جدا مااستشير احد .. دائما اتبع قلبي وين يدلني .


بالنسبة لاستشارة الاهل ..


بصراحه خلونا واقعيين .. نادر جدا نادر تلقى اهل فاهمين ابنائهم بشكل صحيح .. مع انه امر مؤسف انهم عايشين في بيت واحد وربوهم من هم صغار .. لكن تلقاهم ما يفهمونهم ولا دخلوا داخل عقولهم ..


كل الي يعرفونه عن الابن اشياء سطحية وظاهريه بس ..

لهذا السبب تلقى كثير من الاشخاص يفضلون يستشيرون اصحابهم عن اهلهم ..

انا ردي ما بيختلف وايد عن رد اودن .. كل نوع مشاكل عندي اشتشير فيها شخص معين ..

مشاكلي الدارسيه .. مدرسيني اكيد .. والناس المتفوقين دراسيا واللي اعتبرهم اذكيا جدا ..

مشاكلي الشخصيه .. يا اما اخليها لنفسي .. او افضفض لشخص قريب مني .. مب ضروري يحل المشكله .. المهم يسمع -.-

المنتدى؟ والله مادري -.- اودن الظاهر؟

ودي الصراحه احيانا اشوف دكتور نفساني .. الله يعلم شو من العلل بيطلع فيني .. بس ابغي اجرب .. احس اني برتاح نفسيا لو خضعت لنفس هالنوع من العلاجات ..

انا بصراحه من النوع الي استشير البست فريند اكثير شئ^^
يعني لكثير اسباب...
مو قصه اني أأمن له مثلا اكثر من اهلي..
لا!.. بس في كثير من افكار او تصرفات ممكن اقدم عليها اهلي ما يتقبلوها صاحبي يتقبلها...
بعدين صاحبي تقريبا يفكر بنفس مستوى عمري انا... سو ممكن التفاهم يكون اكثر واحسن
لكن لو كنت مقدم على خطوة مهمه جدا .. استشير الاهل بالاضافه للفريندز ^^
وثانكس على طرحك للموضوع عزيزي^^ ولي رجعه ثانية

شكرا على الموضوع DreaM ..:)

..




بالنسبـة لـي .. فـ لا أستشـيـر أهلـي او اسـرتي بوجهـة عام .. ما أستشير اي احد منهـم .. ما أدري ليـة ؟؟ يمكن هذا طبـعـي وان احتجـت الى إستشارة أحـد فـ الاصدقاء كثيروون أستشير الشخص الذي اتوقـع انة سوف يساعدني طبـعـا لازم يكون على علـم بـ الموضوع او لديـة خلفيـة عـنـة .. فـلا أستشير جــاهــل !!! ...:)




..

هممم .. بصراحه قليل جدا ما استشرت احد ! ..

احاول احل المشاكل بنفسي .. احيانا اقول بعض مشاكل لواحد او اثنين .. بس مو من داعي الطلب .. بس يمكن تقول فضفضه ..

ومشكور عالموضوع دريم ^^ ..

وعليكم السلام ورحمة الله وبركاته .. ومساء الخير :D.. وشكراً على الموضوع اخوي ..:)

بأمروي الشخصيه السطحيه استشير اخواني واصدقائي المقربين .. اما الخاصه جداً فامرها يرجع لي ..:أفكر:

وبالنسبه للشغل فهي استشير فيها اهلي لانهم هم اللي يبون مصلحتي فالدنيا والاخره ..:33:

والامور الدينيه استشير شخص طيب جداً وهو امام المسجد اللي جنب بيتي او اخوي اللي فاهم بهالامور اكثر مني ..:33:.. او اتصل بالخط الساخن بوزارة الاوقاف وهم يحولوني على احد الدكاتره الفاهمين وهو يعطيني الحل مع الادله .

اما بالمنتدى فانا على طول ارسل شكوى لدارك :09: .. وبعض الاحيان لكايتو لكنه يخرعي شوي :D

وشـــــــــــ:yup::yup::yup::yup:ـــــــــــكراً

بالنسبة لليش الناس غالبا ما يعتمدون على اصدقائهم لانهم اكثر ناس يفهمونهم و يوافقون افكارهم
اما الاهل فالشي مذبذب يعني على حسب تعامل الاهل مع الابناء
في اهل ما شاء الله تقول هذولا مو عيالهم كانهم اصدقاء و في اهل لا و هذا الشائع للاسف في زمن الماديات
بالنسبة لي انا احب اعتمد على نفسي في كل شي
لكن ايضا في امور لابد تعتمد فيها على خبرات سابقة
لكن اذا المقصود مثلا اسرار و مصايب
فهذه مستحيل تطلع لاحد من عندي
و هالشي معروف فيه عند ربعي
لدرجة انهم لما تكون عندهم مصايب يشيب لها الراس و ودهم يبوحون لاحد فيها يتوجهون لي للاسف:boggled:
انا احب اعاون لكن ما احب استعين باحد بمشاكلي

انا كنت قبل من النوع اللي مايستشير احد

بس تغيرت وصرت استشير بس ماأستشير الا صديقاتي

ومشكور على الموضوع ^_^

انا مشاكلي غالبا أحلها بنفسي وم أستشير أحد :09: وأصلا انا حياتي مافيها مشاكل هههه كله ضحك وبس
لا مشاكل نفسيه ولا مشاكل ماديه ولا شي ههه :09:

عالعموم اذا كان عندي مشكلة أستشير شخص واحد فقط :08: وهو :09: female friend lol ..!
بس قليل لأني كله احل مشاكلي بنفسي . وما انتظر احد يساعدني :28: ..

I'm a Lonely -_- استشير نفسي

يعني مشاكل الاهل والبيت ما يقدرون عليها الاصدقاء <<<< & I Don't Even Trust My Best Friends
ومشاكل الأصدقاء والمدرسة ما يقدرون عليها الأهل
ومشاكلي الشخصية محد يقدر عليها Even Myself

والله صراحه انا واحد اي مشكله تواجهني استشير فيها ... ما يهم من استشير المهم اقول على اللي بقلبي ! واشوف الراي الاخر

وسلامتكم :P

حلو مرة الموضوع..

بالنسبه لي عامل الاستشارة هذا

is a critical attribute

lol i'm talking in the software engineering way T__T

اوكي خل نتكلم عربي..

يعني خاصيه مرة حساسة ومهمه ..مدري احسني بزياده احب استشير وفي كل احب فعلا..

من ابسط الاشياء مثل ملابسي..في مشاكلي او مثلا في تصاميمي..
احب استشير خواتي..
في مشاكل الدراسه والصديقات والحياه عموما احب استشير خواتي ياحبي لهم..

في مشاكل خواتي احب استشير صديقاتي هههههه

كل مرة الجأ للشخص المناسب..
عموما في استشارة الصديقات عندي صديقه مفضله مرة تفهمني..هي الي دايم الجا لها في اعمق المشكلات الحساسه عندي..
وتعطيني اجابات تناسب طبيعتي وشخصيتي

وفيه وحدة قطوة منهم مرة مشالله عليها عاقله واحسها اهدا مني فالجا لها لما تكون نفستي رايحه فيها بكلمه اوثنتين وانا احس براحه..عندها اسولوب ساحر لتهدأتي وفهمي


اول قبل ثلاث سنين كان عندي خاله معاي في البيت كانت مثل امي والله كل شي اقوله لها وكل مشاكلي تحلها مشالله باذن الله..
بس تزوجت وراحت..ومنها بديت الجا لربعي وخواتي..

بالنسبة لي .... عندي شخص قريب لي وبنفس الوقت اعز اصدقائي يعني اثنين في واحد :biggthump

احنا فاهمين بعض مرة .. عشان كذا نرجع لبعض دايما اذا احترنا بأي موضوع

بالنسبة لأصدقاي احيانا اسشيرهم بأشياء بسيطة .... لكن ما استشيرهم بأشياء كبيرة أو اشياء خاصة ... مهب لأني ما أأتمنهم ... بالعكس .... بس يمكن عشان ما احس انهم فاضين لي او يمكن ما يبون افضفضلهم وازيد همومهم هموم :31: .... او يمكن انا اتحسس بزيادة من هالأمور :06:


وطبعا فيه أشياء خاصة جدا هذي top secret ما تطلع لأحد أبد :33:


ومشكور اخوي دريم على الموضوع :)

والله الاستشارة مثل ما قال ODIN...يعني حسب الموضوع...

بس مواضيعي الشخصية لا أستشير أبدا اي أحد فيها...:)

و أتحمل مسؤولية كل شي أقرره :)...

بس!

حديثك فيه كثير من المنطق..

ونحن نستشير أصدقائنا لأننا بحاجة للرأي وتنوعه..
اما عن تفضيلهم على الأهل في المشورة فأعتقد الأمر هذا طبيعي جداً..لأن الصديق هو كاتم الأسرار..ويعلم أشياء كثيرة عن صديقه لاتعلمها أسرته.

تحياتي

عندي ثلاث ربع قراب مني وايد..و كل واحد منهم استشيره بشي..

الاول: بالامور الدينية اكثر شي..
الثاني: بالعلاقات الشخصية..و اطلب منه النصح في حال اني ما عرفت اتعامل مع مشاكل معينة..
الثالث: مشاكل من نوع اخر..

بس المشاكل الشخصية و اسراري دايماً اخليها لنفسي و ما اقولها لحد..
بس من فترة بديت استخدم اسلوب يديد..و الصراحة بديت اشوف انه يساعدني..
و هو كتابة المذكرات..بديتها من كم شهر و الصراحة ارتاح كل ما اكتبها..خاصة اذا يتني مشكلة او كنت متضايق..
اكتب اللي في خاطري و احلل المشكلة و احاول احلها خطورة بخطوة..
بس مادري ليش اييني احساس كل ما امسكها (المذكرات) احس اني معقد :boggled:

احس غلط ان الواحد يتم حاط الشي في خاطره..
عن نفسي..اذا كنت متضايق او معصب و محد من الثلاثة اللي فوق متواجد...لازم اطلع حرتي في اي شي..
اتضارب..اسب..او اتصل بأي واحد من الشباب (غير اللي فوق) و اقعد اضحك و استلوح معاه..
عاد هم صاروا يعرفوني..اذا شافوني مرة وحدة اتصلت و قعدت اضحك على اتفه شي..
او اتمصخر بزيادة يعرفون ان فيني شي فيخلوني عراحتي..

مع ان الكتابة مريحة الا اني اشوف الافضل انك تفصح عن اللي بداخلك لشخص..
حتى لو هالشخص ما راح يعطيك حلول ..
مجرد انك نفست عن اللي بخاطرك..و حسيت ان في حد يسمعك..راح تحس براحة..

بنظري..حلو الاعتماد على النفس بحل المشاكل بس ما اظن ان الانسان يقدر يحل كل مشاكله بروحه..

مادري..عندي احساس ان ردي مخبوص.. :boggled:

اقتباس:

---

المشاركة الأصلية كتبت بواسطة NsaN

بس المشاكل الشخصية و اسراري دايماً اخليها لنفسي و ما اقولها لحد..
بس من فترة بديت استخدم اسلوب يديد..و الصراحة بديت اشوف انه يساعدني..
و هو كتابة المذكرات..بديتها من كم شهر و الصراحة ارتاح كل ما اكتبها..خاصة اذا يتني مشكلة او كنت متضايق..
اكتب اللي في خاطري و احلل المشكلة و احاول احلها خطورة بخطوة..
بس مادري ليش اييني احساس كل ما امسكها (المذكرات) احس اني معقد :boggled:

---

اسلوب المذكرات ما عليه كلام . . مفيد الصراحه -.-
تقدر تفضفض على كيفك ..
اانا مسوتلي blog اون لاين لهالسبب .. هههههه طبعا مب قايله لحد عنها لاني ابغي آخذ راحتي فيها .. وفعلا ماخذه راحتي واكتب فيها عن مشاكلي الى آخر قطره .. صدق راحه نفسيه -.-

يقولون انك اذا كتمت مشاكلك جواك .. تجيك حالات او مشاكل نفسيه ؟ ..

عز الله اكلت تبن

اقتباس:

---

أسري - Family Guy
- بعضهم يلجأ لأستشارة أخوانه الكبار , لحل مشاكلهم الشخصية و النفسية و الأسرية ......

---

ههههههههههههه ذكرتني بالمسلسل Family Guy....

اقتباس:

---

اانا مسوتلي blog اون لاين لهالسبب .. هههههه طبعا مب قايله لحد عنها لاني ابغي آخذ راحتي فيها .. وفعلا ماخذه راحتي واكتب فيها عن مشاكلي الى آخر قطره .. صدق راحه نفسيه -.-

---

الBlogs راحة نفسية للكاتب, بس للأسف No one cares or even bother to read them :o


حبيبي Dream موضوعك نقاشه عميييييييييق... بس بحاول اختصر ردّي.. :)

احيانا الانسان يستشير صديقه في اموره ومشاكله قبل عائلته لعدة اسباب, منها:

1) ان الانسان هذا يقضي وقت مع صديقه/اصدقائه اكثر مما يقضيه مع العائلة (جامعة مثلا), فتكون هناك ثقة مبنية بين الصديقين..

2) ان الانسان الي يحتاج استشارة قام باستشارة اخوانه من قبل وصار شي ما يبيه ينعاد.. (اخوه فضحه/ما اخفى سر الخ..)

3) الاخ يتيم وعيلته كلها ماتت بحريق :D

شكرا لكم على المشاركة ..... :)
كان ودي اطول في موضوع فرعي لكن لا يسعني الوقت .... سأختصر رؤياي حولها ....... :)

-------

و الموضوع والفكرة الفرعية هي كتمان سر الصديق .... :أفكر:
فمثلا كانت لدي مشكلة , محتاج لحلها , فأستشير صديقي ... و بعد مدة من الزمن .... :o
اصبح سري خبر في خبر كان :boggled: ...... !

انتشرت قصتي في كل مكان حول المنطقة , كانه عمل على نقل بث مباشر للحدث ....:shock22:

مالذي سيكون شعورك نحوه ؟ و مالذي سيكون ردت فعلك "اهم شي" ؟؟

بالنسبة لي , ربما يرى مني ما لم يراه اي ملاكم في العالم ... وربما تكون "مجرد مشاعر " بالغضب ..

well ? what you have to do about it ?

خخخخخخخخ

الموضوع أعمق من عميق و صراحة أنا من النوع اللي ما يعرف يعبر عن شعوره أبد ..:boggled:

بس بحاول ..

الأمور اللي أستشير فيها صديق ( اللي ما عندي غيره ) هي أمور سطحيه جدا يعني مثل وش رايك بالشريط الفلاني أشتريه ولا لأ أو الجهاز الفلاني ....إلخ

بس أي شيء آخر مستحيل لأني بصراحه سويت روحي بفضفض لواحد مره من المرات
وكنت أحاكيه بالتليفون واحش عن واحد مسوي لي مشاكل في المدرسه بس للأسف اللي أحش فيه كان قاعد جنب صاحبنا وصاحبنا ذا حاط سبيكر!! و بعدين تعقدت المشكله :vereymad: