للدبدوبات --- الرشيقات لايدخلووون

السلام عليكم ورحمة الله وبركاته،،

إهـداء الى جميــع البنــات الدبدوبات في المنتدى والمعصقلات لا يدخلون ..........

إهداء لكل بنت دبدوبة في المنتدى <<<<<< خصوصاً بشاير

اي بنت دبدوبـــــة تقرأ الموضوع

----------------------------------------------------------

للزين قالوا من قديم علامات
........... عين ومبسم والجسم والرشاقه

لكن كسر هالقاعده هالمتينات
............. من واقع ماهو كلام وبلاغه

واللي محليهم ولا هن ثقيلات
............. دايم خفاف الدم وفيهن لباقه

الله يا هن يا جماعه لطيفات
............. علي الكلام الحلو فيهم طلاقه

ماهو ضروري بالرشاقه رشيقات
............ وزود الوزن ماهو يعني اعاقه

صحيح بعض اللبس يعني اهانات
................. الوزن يالضّيق ماله علاقه

بس مو ضروري يلبسن استرجات
............ يا زينهن واللبس واسع نطاقه

لا بارك الله فيك يا الضيق بالذات
...............ترا السعه بالذات تعطي اناقه

قالوا الرجيم اليوم هم البنيات
........... قلت الرجيم ادري يبغيله فراغه

قالوا الرياضه قلت ماهن مريضات
............... للسكري لا مامعاهن بطاقه

قابلهن الله بلا رجيم ورياضات
............ بهديهن مني من الورد بطاقه

هن دفء المجتمع هالرقيقات
.............. هن ملح هن سكر لذيذ مذاقه

هلا سالتوني عن الحب بسكات
............ بقول هن فيهن من الحب طاقه
..........................................................................................

وانشاء الله مايكون متكرر :أفكر:

فرحتني بهذا الكلام انا دبدوبة شوي ونص :D

مع اني مرتاحة بنفسي بس طبعا الناس مايخلو احد في حالة ابد يناضرو فيك وكانك من الفضاء :boggled:
الانسان لزمن يرضى بلي عطاة ربة صح:08:

اقتباس:

---

المشاركة الأصلية كتبت بواسطة مارية 1111

فرحتني بهذا الكلام انا دبدوبة شوي ونص :D

---

ما لومج ... :biggthump

اقتباس:

---

مع اني مرتاحة بنفسي بس طبعا الناس مايخلو احد في حالة ابد يناضرو فيك وكانك من الفضاء :boggled:

---

والله كلامج صح ... :أفكر:

اقتباس:

---

الانسان لزمن يرضى بلي عطاة ربة صح:08:

---

صح صح صح .. :biggthump

وسكراً على المرور

قصيدة رائعة اخوي

وعلى طاري المتينات ذكرتني في وحدة اسمها هيفاء (متييييييييييينه وسمرا يعني خاله)
كانت جارتنا زمان انواااااااااااع التنكيت والوناسة حتى كنا نلعب معها ورقة اللي هي بلوت اللي هي جنجفة بالكويتي

مشكور اخوي وننتظر القادم والاجمل منك

قصيدة رائعة والله انهم مظلومات السمينات

قصيدة حلوة :biggthump

بس بدل ما تهدي بشاير كان لازم تهدي شيبسايا .... ترا شيبسايا أدبب من بشاير :D

إلى شيبسايا : لا تزعلي ... ترا قاعد أمزح :09: .

هههههههههههههههههههههههه



صح اللسانك يا مشاكس


طلع يكتب شعر بعد



تراه كل بنات المنتدى دبدوبات يعني يبالج نجال عشان تشلهن





سلام

اقتباس:

---

المشاركة الأصلية كتبت بواسطة Scorpion KING-911

مشكور اخوي وننتظر القادم والاجمل منك

---

العفو .. وشكراً على التواصل ...:biggthump

اقتباس:

---

قصيدة رائعة والله انهم مظلومات السمينات

---

وانا معاك في هذا الراي .. :laughing:

اقتباس:

---

ترا شيبسايا أدبب من بشاير :D

---

يقولون أن ماريه 1111 أدبب من شيبسايا ... :shock22:

اقتباس:

---

طلع يكتب شعر بعد

---

شو نسوي ؟؟؟؟؟؟؟؟؟؟ هذا كله من البنات :biggthump

والله كلامك ما عليه غبار وشعرك ولا أروع وإنت طالع نازل تبدع يا مشاكس ...
بس في شي نسيت تذكره عن الدبدوبات هو إنهم حساسات أكثر من الالرشيقات ( بلا زعل ) وكمان أكثر رومتنسية من غيرهم ودمهم الخفيف يخليك غصب عنك ترتبط بيهم بس الله يعينكم لازم تراعون حساسيتها لموضوع البدانة
(مو كل بدينة مقتنعة إنها كذة حلوة إلا ممكن تحب تكون أحلى لأنها طبيعة النساء)

ردي هذا عن خبرة .... وأنا من هذا الصنف البدين والحساس ... ولا أنكر إنه دمي خفيف .... لكن مو كل الرجال بحساسيتك وتفهمك يا مشاكس ............. بس لو كنت مشاكس صحيح وبتلعب بأعصابنا توقع :12: وممكن :vereymad:

لكن إنت أصلا إنسان خطيررررررررررر :icon6: ومحب للخير للجميع وأكثر من ذالك إنت :biggthump

ولك مني كل الشكر والإمتنان... أم عبد الإله

خخخخخخخخخخ :laughing:


الله يرجك :jester:

الحمدالله انا لا ني دبه ولا ني معصقله :08:


و مشكور على الشعر الحلو :biggthump

اقتباس:

---

المشاركة الأصلية كتبت بواسطة مارية 1111

الانسان لزمن يرضى بلي عطاة ربة صح:08:

---

انا اخلتف معاك في هذا الموضوع ... صحيح ان الانسان يحمد ربه على اللي كتبه له ... بس مو في كل شيء يقعد ولا يسوي شيء علشان يغيره ... لأن في اشياء الانسان يقدر يختارها لنفسه ( بمشيئة الله ) ... ما يصير يقط كل شيء عن مسؤليته ويقول الله عطاني كذا وخلاص

الله سبحانه وتعالى قال -- صححوني اذا غلطت -- : ( وقل اعملوا فسيرى الله عملكم ورسوله والمؤمنون )

وخصوصا سالفة الوزن ... لأن اذا تبون الصراحة كلنا نصير عيّارين ( او عجازين ) في هذه السالفة ... وكل ما واحد فتح معنا الموضوع ... قلنا له ان ايش ما نسوي ما راح نضعف ( ودايما نقول ان فلان ياكل اكل كثير ولا ينتفخ ... وانا اكل زي اخوي الصغير ويزيد وزني على طول ) ... ترى السالفة كلها بالارادة

وصدقوني ... انا كنت من امتن الناس في المنطقة ( كان وزني 124 ) ... هذا الكلام قبل تقريبا 8 أو 9 شهور ... بس والله لما عزمت من جد ( بعد ما شبعت طنز من هاذول البشر ) ... ولله الحمد نزلته الى 85 ....... :)

اللي راضي بوزنه فالحمد لله ... بس لا يكون رضى بسبب ضعف او عجز ... لأن هذا ما راح يدل الا على ضعف شخصية الانسان

وبالتوفيق شباب مع تخفيف الاوزان

انا والله ماعندي اعتراض على كلامك ومجربة اكثر من مرة اني انزل وزن

لكن الواحد في يوم لزما يغير طريقة تفكيرة (صح انا اقول ليش)

لو ان الي في العالم كلهم جسم واحد وعندهم نفس التفكير وكل شي واحد تخيل شو يصير العالم

واحد حلو بس من داخل عقلة طبعة ماينطاق ولا ساااااااااااااااااااعة :vereymad:

وثاني مع دبابتة خفيف دم :biggthump

انت تحب تجلس مع مين ياترة (اتمنى انك تشارك في الموضوع والكل طبعا)

وان الله خلق الانسان في احسن تكوين لو ويش كان عرضة او شكلة (صح)

طولت بس الكل لية وجهت نضر ومعنى كلامي انا الواحد يرضى بشي العدل في شخصيتة ويهتم بلي مو عدل ولا يهم نفسة بشي هو مرتاح بة.

مع السلامه انا ثرثارة شوي ونص :biggthump

اقتباس:

---

والله كلامك ما عليه غبار وشعرك ولا أروع وإنت طالع نازل تبدع يا مشاكس ...

---

شكراً ع لاطراء

اقتباس:

---

بس في شي نسيت تذكره عن الدبدوبات هو إنهم حساسات أكثر من الالرشيقات ( بلا زعل )

---

مو كلهن ...

اقتباس:

---

وكمان أكثر رومتنسية من غيرهم ودمهم الخفيف يخليك غصب عنك ترتبط بيهم بس الله يعينكم لازم تراعون حساسيتها لموضوع البدانة

---

أكيد أنتي بدينه عشان تقولين كذا .. :laughing: :D :laughing:

اقتباس:

---

(مو كل بدينة مقتنعة إنها كذة حلوة إلا ممكن تحب تكون أحلى لأنها طبيعة النساء)

---

هذا شي معروف .. للنساء

اقتباس:

---

لكن مو كل الرجال بحساسيتك وتفهمك يا مشاكس

---

شكراً والله لنج أخجلتيني :08: :08: :08:

أول مره بنت أتقولي هذى الكلام الي يرد الروح :17: :17: :17: :17:

انا لو ما صار لي خيار مثل ما وصفتيه ... كان اجلس مع خفيف الدم المتبتب ... طبعا الاخلاق فوق كل شيء بهذه الدنيا ... لأن الشكل يعطي الانطباع الاول بس ... بس المشكلة ان الانطباع الاول هو الشيء الوحيد اللي راح تحكم فيه على الانسان اول ما تشوفه ( صحيح المفروض ما نسوي هذا الشيء ... بس هذا من الطبيعة البشرية ) ....
انا كل اللي اقوله انه مش مستحيل نجمع الاخلاق والشكل سوى ... فاذا كان المتبتب صاحبي ... راح اساعده ينزل وزنه :)

هههههههههههههههههههههههههههههههههههههههههههههههههههههههههههههههههههه

هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها

هع هع هع هع هع هع هع هع هع هع هع هع هع هع هع هع هع هع هع هع هع هع هع هع


البنات وين يروحوا منك

ذبحتهم يا أخي

ومشكوووووووووووووووووووووووور على الموضوع يا

مصرقع007

انا ارد وقول لك اني ما اعارض كلامك بشي بس المتانة موعيب

وظاهر انك نسيت انا في بعض الحيان يكون المتانة بسبب خلل هرموني ودا شي خاص

وانا من مؤيدين ان لكل واحد شكل غير عن الثاني وحجم غير وكل شي غير حتى التفكير والا يبرز شخصيتة دائمن المضمون يعني الروح (اني تفكيري شوي صعب وشوي مااقتنع بسهولة ابد ومااستسلم )

يعني لو تكلم لبكرة الصباح ماراح اقتنع :33:

شكرا

من حقك ان تتمسكي برايك ...
وطبعا رأيي انا يعبر عن رأي شخص واحد بسيط متواضع ما عرف من الدنيا الا الشيء اليسير ...

بس على العموم ... اختلاف الرأي لا يفسد للود قضية

وبالنسبة الى من عنده اختلال هرموني ... ما اقول الا الله يشفيه ويساعده

صح

اسفة اذا دوشت لك راسك بس هدي من صفاتي عدم الاستسلام

انتي بس دوشتي راسي ... انتي سببتي ازمة في الامم المتحدة العن من اللي سواها التسونامي
( مزح )
:)

هههههههههههههههههههههههههههههه:09:

المتن الزايد هب مرة حلو والنحافة الزايدة تقرف:boggled:
حلو الواحد يكون نص نص

تصدقون انا وحدة من ربيعاتي ماشالله ضخمة وطويلة ومتينة شوي وانا بالنسبالها صغنوووونة:09:
وكلما امشي وياها يقولون عننا رقم عشرة هي الواحد لانها طويلة وضخمة وانا الصفر لاني صغيرونة ...ودوم تتمصخر علي:(
والله آخر زمن المتان يتمصخرون عالرشيقات:boggled:

نصيحة....

(( يا متينة خليج متينة((تختوخة)) ويا نحيفة امتني:boggled: ))

اقتباس:

---

المشاركة الأصلية كتبت بواسطة Pinkoo

هههههههههههههههههههههههههههههه:09:

المتن الزايد هب مرة حلو والنحافة الزايدة تقرف:boggled:
حلو الواحد يكون نص نص

تصدقون انا وحدة من ربيعاتي ماشالله ضخمة وطويلة ومتينة شوي وانا بالنسبالها صغنوووونة:09:
وكلما امشي وياها يقولون عننا رقم عشرة هي الواحد لانها طويلة وضخمة وانا الصفر لاني صغيرونة ...ودوم تتمصخر علي:(
والله آخر زمن المتان يتمصخرون عالرشيقات:boggled:

نصيحة....

(( يا متينة خليج متينة((تختوخة)) ويا نحيفة امتني:boggled: ))

---

مسكينة

يتمصخرون فيج

خلاص ماعليج منهم هذولا غايرين منج لانك رشيقة :28:

اقتباس:

---

المشاركة الأصلية كتبت بواسطة chris-Van-Dam

مسكينة

يتمصخرون فيج

خلاص ماعليج منهم هذولا غايرين منج لانك رشيقة :28:

---

ههههههههههههه

:biggthump :biggthump :biggrin: :09: :09: :08: :09:

يا حرام يا بينكو ...
حتلاقيها من فين ولا من فين ..
من المدرسة ولا المنتدى ؟؟ :09:
مني منك أنتحر على طول :09:
:D :D :D

اقتباس:

---

المشاركة الأصلية كتبت بواسطة mr.cOoOl

يا حرام يا بينكو ...
حتلاقيها من فين ولا من فين ..
من المدرسة ولا المنتدى ؟؟ :09:
مني منك أنتحر على طول :09:
:D :D :D

---

هههههههه لا ما بنتحر ......انتحر لاني رشيقة؟؟!!!!!؟؟:09:

تخيل انه ربيعتي هاي ابوها يقولها امتني اكثر:shock22: (( اب غريب)):boggled:

اما انا في بيتنا المتن ممنوع والنحافة الزايدة ممنوعة :09: ابوي ما يحب:biggrin: واللي يبا ينحف ايي بيتنا
لاننا مهووسين بالرياضة :biggrin: :biggrin: (( عيلة عجيييييبة الصراحة)):biggrin:

ههههههههههههههههه

طلعت الفضايح ...

هذا كله عشان مسألة الرشاقه والبدانه ...

ما شاء الله ..

شو رايكم أنسوي برنامج يعالج جميع القضايا الأجتماعيه و مجالات أخرى ...

الي موافق <<<<<<< يرفع أيده ^_^

طبعن أنا من الفئة الممنوعه يعني النحيفة بس مو معصلقة
مع أني متهمة بلقب شبسة الدبه:D

لكن دخلت رد أعتباااار:D

يسلمو على رفع معنويات لتختوتات
وعادي مش معترضين خلهم يفرحو شوي
بس مو لازم النحيفات دمهم مو خفيف كاني عندك:D

وسلاموووووووووووووو^^

اقتباس:

---

المشاركة الأصلية كتبت بواسطة ~**Chipsa_ya**~

طبعن أنا من الفئة الممنوعه يعني النحيفة بس مو معصلقة
مع أني متهمة بلقب شبسة الدبه:D

لكن دخلت رد أعتباااار:D

يسلمو على رفع معنويات لتختوتات
وعادي مش معترضين خلهم يفرحو شوي
بس مو لازم النحيفات دمهم مو خفيف كاني عندك:D

وسلاموووووووووووووو^^

---

!!!؟؟؟ انتي نحيفة وايد ولا لاء يعني عظامج باينة؟
اذا كنتي جي بلييييييييييييز امتني شوي ......اكره النحيفااااااااااااااات:boggled:

احم احم :08:
انا عن نفسي نص نص :icon6:
يعني الناس تقول اني مو متينة بس مليانة يعني مو عظمة او عصقولة :09:
بس انا اشوف اني فيل :D
ههههههههههههه
مشكور على الموضوع الحلو :biggthump