السلام عليكم ورحمة الله وبركاتة
حبيت اني افتح الموضوع لكي اخذ رايكم
من افضل دوري........؟
الدوري القطري
او
الاماراتي
او
الكويتي
عرض للطباعة
السلام عليكم ورحمة الله وبركاتة
حبيت اني افتح الموضوع لكي اخذ رايكم
من افضل دوري........؟
الدوري القطري
او
الاماراتي
او
الكويتي
انا اقوووووووول الدوري السعودي الافضل
الصراحة كل الدوريات الخليجية مستاوها ضعيف عدا الإمارات والسعودية و قطر مستواها متوسط
يعني لو بنسوي مقارنه بين الثلاث المتسطين فهي كالتالي ((النتايج من 5))
الجماهير :
الإماراتي: 3.7
السعودي : 3.5
القطري :1.5
الإماراتي جمهورة كبير نفس السعودي .. بس لو تلاحظون أن جماهير الوحدة و العين و الجزيرة عندها أمكانيات كبير و أعداد ممتازة و أغاني جميلة تتفوق على باقي جماهير الخليج .. و السعودي عندك جمهور الإتحاد الذواق و جمهور الهلال العملاق .. أما قطر فعيب الدوري القطري هو نقص الجمهور .. لهذا حل أخيراً
-------------------------------------------
المستوى الفني :
الإماراتي: 3.6
السعودي : 3.6
القطري :3.4
الدوري الإماراتي و السعودي مستواهم المهاري اعلى من الدوري القطري حيث حصل الإماراتي على 3.9 و السعودي على 3.8 و القطريي على 2.9 ..
بالنسبة للسرعة رتم اللعب .. نجد الإماراتي 4.0 السعودي 3.9 و القطري 3.4
بالنسبة لصلابة اللعب .. نجد الإماراتي 3.0 السعودبي 3.3 القطري 3.9
و بجمع هذي النقاط و أخذ المتوسط نجد إن الدوري الإماراتي و السعودي بنفس المستوى والقطري ثانياً
----------------------------------------
قوة المباريات و قوة الديربيات :
الإماراتي: 4.0
السعودي : 4.0
القطري :3.8
نجد في الدوري الإماراتي الكثير من النتائج المفاجئة و اللكثير من المباريات القوية و الي تاخذ اسلوب الحرب بين الجماهير و اللاعبين .. فتحس إنك في وسط معركة حربية لقوة المنافسة .... و هذا بينطبق بعد على الدوري السعودي ..الدوري القطري مبارياته شويي اهدأ عدا بعض المباريات الي تاخذ طابع الحماسة
---------------------------------------
لاعبين نجوم (( و لاعبين ممتازين )) :
الإماراتي: 3.6
السعودي :3.6
القطري :3.7
الدوري الإماراتي فيه عدد ممتاز من اللعبين الإجانب ذوي المستوى العالي .. والسعودي عنده بعد عدد لا بأس فيه .. الدوري القطري فيه نجوم كبار إضافة للاعبين المحليين ...
--------------------------------------
التغطية الإعلامية :
الإماراتي: 3.8
السعودي :3.8
القطري :3.8
عدد القنوات الناقلة للدوري الإماراتي و السعودي أكبر من القطري لكن لميز قناة الجزيرة الرياضية قدرت قطر تاخذ نفس النسبة
--------------------------------------
إنجازات الدوري ( على صعدي الأندية و المنتخب و النجوم الي اخرجهم ) :
الإماراتي: 3.8
السعودي :4.3
القطري :3.8
الدوري الإماراتي اخرج الكثير من النجوم لكنه ما قدر يححق شي على صعيد المنتخبات و كتفى بثلاث بطوللات خارجية .. أما السعودي فأخرج الكثير من النجوم و له الكثير من الإنجازات على صعيد المنتخب و الأندية في المشاركات الخارجية .. و الدوري القطري أيضاً اخرج نجوم و له بطولتين خليج للمنتخب و له بعد بطولات خارجية للأندية ..
--------------------------------------
و الحين راح آخذ النسبة لكل دوري من خلال المقارنة الي فوق .. فنحصل على التالي :
الإماراتي:3.75 من 5
السعودي :3.8 من 5
القطري :3.33 من 5
فنشوف إن السعودي في المركز الأول يليه الإماراتي ثم القطري ... إن شاء الله تكون مقارنتي عادلة و منطقية .. وفي النهاية هذي احصائية قمت أنا بها ... يعني كلها من خلال رؤيتي الشخصية ..
الوصـــــــــــــــــــــــــــلاوي
يا وصلاوي افضل جماهير في الخليج
جماهير الاهلي والاتحاد في السعودية
اقتباس:
المشاركة الأصلية كتبت بواسطة Lampard
هلا أخوي .. و مثل ما قلت لكم .. هذي مقارنه أنا مسونها بعلوماتي المحدودة .. أخوي ... لو تقدر تساعدني بنقطة .. والي هي :
شو سبب تميز الأهلي والاتحاد عن باقي الجماهير .. يعني تقريباً كم عدد الجماهير في كل مباراة .. (( بأمانه )) و شو أساليب التشجيع الي تستخدمها .. علشان نقدر نعدل النسبة (( للجمهور في الدوري السعودي )) في حالة شفت إن المعلومات الي عندك تستحق التعديل فعلاً
لا جما هير افضل من جماهير الزعيييييييييم
والدليل استاد الملك فهد مليان
الدوري السعودي الافضل
Me tooاقتباس:
المشاركة الأصلية كتبت بواسطة عقرب الليل
الدوري السعودي
أكيد الدوري السعودي ولكن مستواه انخفض كثيرا عن المواسم السابقة
أما الدوري القطري فاللي مخليه مشهور النجوم اللي جيين ياخذوا فلوس من القطريين ويروحوا
أما الإماراتي فهو جيد نوعا ما
تحياتي الرياضي
السلام عليكم
مشكور نواف
بالنسبة للأفضل فانا أشوف إنه
القطري : الأفضل من المستوى والمباريات وكافي النجوم اللي فيه لكن يعيبه الجماهير وأفضل وأحلى شي فيه إن الغرافة البطل :biggthump .
الإماراتي: جيد في المستوى وأحلى ما فبه جماهيره يعني فريق صغير مثل الظفرة جماهيره ثر ماشاء الله لكن يعيبه مستوى الحكام السيء.
السعودي : أعتقد راحت أيامه.
الكويتي: المستوى جيد لكن الملاعب خايسه.
والبقيه لا أرى فيهم شيء
وشكرا
أكيد الدوري الاماراتي هو الاجمل
- الدوري السعودي نزل مستواه و صار عاااااااادي بعد ما كان رائع و مستواه ممتاز .
- الدوري القطري ما فيه شي مميز , و اللاعبين المشاهير ما يصنعون ابدا دوري ممتاز و الدوري القطري مستحيل ينافس قوة السعودي و الاماراتي.
- الدوري الاماراتي طبعا انا اماراتي و اكيد اشجع هالدوري الممتاز , والدوري الاماراتي اعتبره " الأفضل و الأجمل " من ناحية اساليب التشجيع و من ناحية المباريات والاداء و الحماس و خصوصا مباريات الديربي اللي يشتهر فيها دورينا , من ناحية التغطية الاعلامية فقد ساهمت بشكل كبير في تحلية دورينا و خاصة برنامجي " الجماهير " و " دورينا " >>> الافضل في مستوى التغطية
أكيد الدوري الاماراتي هو الاجمل
- الدوري السعودي نزل مستواه و صار عاااااااادي بعد ما كان رائع و مستواه ممتاز .
- الدوري القطري ما فيه شي مميز , و اللاعبين المشاهير ما يصنعون ابدا دوري ممتاز و الدوري القطري مستحيل ينافس قوة السعودي و الاماراتي.
- الدوري الاماراتي طبعا انا اماراتي و اكيد اشجع هالدوري الممتاز , والدوري الاماراتي اعتبره " الأفضل و الأجمل " من ناحية اساليب التشجيع و من ناحية المباريات والاداء و الحماس و خصوصا مباريات الديربي اللي يشتهر فيها دورينا , من ناحية التغطية الاعلامية فقد ساهمت بشكل كبير في تحلية دورينا و خاصة برنامجي " الجماهير " و " دورينا " >>> الافضل في مستوى التغطية
و انتظروا الملاعب الحلم لأندية الامارات
الوصلاوي
كلامك صحيح.........اقتباس:
الصراحة كل الدوريات الخليجية مستاوها ضعيف عدا الإمارات والسعودية و قطر مستواها متوسط
هلا أخوي راضي11 .. و أخوي الجولان و ALcATRAZ .. و بالفعل الدوري الإماراتي الأفضل حاليا من ناحية المستوى الفني و الجماهيري .. و لا مجال للمقارنة .. بس السعودي طلع الأفضل في المقارنة بنسبة بسيطة جداً (( 0.05 )) لأنه له انجازات للمنتخب و الأندية خارجياً أكثر من الإماراتي
اقتباس:
المشاركة الأصلية كتبت بواسطة الوصلاوي
انا اقلك جمهور اتحاد هو اللي يوزع الاهازيج على اندية الخلي
كل ما يالف الجمهور الاتحادي اغنية نلقها بعد موسم في فريق خليجي ثاني وحتى جمهور لاهلي
وانا بتتكلم على عدد الجمهور ففي مباريات الاتحاد او الاهلي اذا كانت المباراة الساعة 8.30 الملعب يقفل من 5 العصر بسبب الازدحام الزائد وعلشان كذا نطالب الاتحاد السعودي انهم يبنوا ملعب جديد
من زينه القطري..؟
صحيح ان في اعلام ونجوم
بس متعه واثارة مااااااكو ... مادري ليش
اقتباس:
المشاركة الأصلية كتبت بواسطة رشيدي
اقتباس:
المشاركة الأصلية كتبت بواسطة رشيدي
لا هالي يقول دوريكم هو التفجير:31: :31:
================
اقوى دوري عربي الدوري التونسي... وبعده الدوري السعودي
والدوري السعودي الافضل في الخليج بلا منازع...
وافضل الامحترفين في قطر بلا منازع ....
والجماهير في السعوديه هي الافضل بلا منازع ...
الي يعيب الدوري القطري الغياب الجماهيري الا مع بعض الانديه ...
وقله الانديه 16 نادي فقط...
اقتباس:
المشاركة الأصلية كتبت بواسطة الـلــواء الــســداوي
هلا أخوي ... و الدوري الأفضل عربياً منو ياب طاريه ؟؟؟؟ .. و بالنسبة للخليجي .. فمثل ما ذكرت لكم الأفضل من الناحية الفنية هو الدوري الإماراتي و خصواصاً هذي السنة .. و حتى الجمهور لو خذت عدد سكان الإمارات و شفت نسبة حضور الجمهور في المباراة الواحدة راح تعرفون إن الجمهور الإماراتي الأكثر حضوراً ..و بالنسبة للدوري القطري .. فاسمحلي أخوي .. إنت قطري و شي طبيعي تنشوفك تمدح دوريكم مثل ما أنا أمدح دورينا .. لكن إسأل أي واحد عن الدوري الأفضل فنياً راح تحصل الأغلبية تقول لك إن الدوري الإماراتي الأفضل .. السعودي كان الأفضل ( محد ينكر ) لكن مستواه الحين وايد تراجع حتى السعوديين يذكرون هذا الشي .. و بالنسبة للنجوم القطريين .. فهم صح يعطون شهرة للدوري .. بس أنا ما أشوف غير كم واحد هو الي يلعب .. (( إنت تقول أفضل المحترفين عندكم )) تعال شوف كم لاعب أجنبي راح لأوروبا بعد ما اشتهر في الإمارات و هذا يدل على إن المحترفين عندنا ممتازيين جداً .. و آخر الأخبار هي إن نادي اندهوفن يريد نجمي الجزيرة ( موريتو و دياكييه )
و اتمنى من الشباب لا يردون بعصبيه (( لأني اشم ريحه احتكاك بين رشيدي و الـلــواء الــســداوي )) ;)
أخوي Rivaldooo 11 .. شي طبيعي يكون الحضور الجماهيري للدوري السعودي أكبر .. عدد سكان السعودية 18 مليون أو أكثر مب متأكد .. و عدد سكان الإمارات مليونين بس .. هذا غير الوافدين .. :)
برأيي ::الدوري السعودي :: جمهور + لعب ممتازالدوري القطري :: ملاعب فخمه وعلى مواصفات عالمية + نجوم لها وزنها في كرة القدم - المشكلة التغيب الجماهيري .... وهو الذي يطفأ الحماسالدوري الاماراتي ::: جيد ولنه ليس الافضل خليجياالكويت : الكلام اللي قاله ( راضي 11 ) وانشاء الله استاد جابر يكون فاتحه
اقتباس:
المشاركة الأصلية كتبت بواسطة الوصلاوي
اخوي انا ماقلت دورينا اقوى من السعودي والاماراتي...
قلت الدوري السعودي هو الافضل في الخليج والتونسي الافضل في الوطن العربي ...
وانا مدحت دورينا في ناحيه المحترفين .. وكل يعرفهم وفي الصحف الاسبانيه والهولنديه والبرازيليه فكل اسبوع يذكرون نتايج واحداث الدوري القطري وانا شفت الجرايد بعيني وحطوها في الجرايد القطريه
وخصوصا الاسبانيه .. وهم الدوري القطري صدر محترفيين لاوروبا امثال
اوتاكا لاعب السد السابق الى نادي فرنسي ... وعلى دائي ايضا لعب في السد ... وغيرهم كثير ..
وبالنسبه للجمهور ... عدد سكان قطر (( القطريين )) 220 الف فقط:( فاكيد ماراح تشوف جمهور كبير راح يحضر المباريات عكس السعودي والاماراتي ...
السعوديه 7 مليون نسمه (( السعوديين )) اذا ماكانو اكثر .. والامارات 600 الف اماراتي ..
فانت قارن بينهم ... فاكيد الحضور الجماهيري السعودي راح يكون الاكبر وبعده الاماراتي وبعده القطري..
ويعطيك العافيه اخوي..
شكراً شباب للتفاعل .. و الاختلاف لا يفسد القضية .. و كلنا أخوان في النهاية ...
بالتوفيق لكل الدوريات الخليجية .. و إن شاء الله نشوف الدوري القطري مثل الإيطالي .. و الإماراتي مثل الانجليزي .. السعودي مثل الإسباني و .. و.. و .. و مل النجوم و الجماهير و المستوى يكون الأفضل في العالم ..
((( قولوا آميييييييييين ))) ;)
والله المسابقات الخليجية كلها مو على المستوى المطلوب.
انا اقول ان الكرة الاماراتية في تطور رغم اخفاقات المنتخب المستمرة الي تحرق الواحد فيصير اثنين ههههههه , ولكن شوفوا الدوري لاماراتي بعدين احكموا عليه بكللل صراحة و بدون تعصب و بنشوف النتيجة ,
و الدوري الاماراتي في تطور مستمر و بتشوفون في لسنوات القادمة الملاعب كيف بتصير هني ملاعب عاااالمية و فيه بعد اكاديميات عالمية لاكبر الاندية العالمية بتنشأ هني و ملاعب مغطاة من فوق و ضخمة,,, و انشالله نشوفة يتطور و يوصل لمستوى العالمية مثل غيره ..........
هلا أخوي جولان .. و بالفعل .. و بدون تعصب الدوري الإماراتي الأفضل فنياً يليه السعودي..
القطري لو يحل المشكلتين الي اشوفها موجودة فيه و الي هي : الرتم البطيء للعب .. و الجمهور .. (( راح يكون له كلام ثاني ))
يمكن يصير الأفضل ..
انا عندي الصراحه افضل دوري اللي هوه سعودي من دون تعصب ولا شي...:biggthump
الدوري السعودي كان قبل عسل على عسل... :09:
الحين الدوري السعودي مب مثل اول... :28:
فالحين اشوف انه الدوري الاماراتي يعتبر الاقوى خليجيا من دون تعصب او تحيز...طبعا مب كل مباراة في الدوري روعه..لا لكن الديربي :icon6: وخاصه اذا كان العين ويا الوحده ....
فأنا اعتبر الحين الدوري الاماراتي افضل واعتقد انه الدوري السعودي متساوي ويا الدوري الاماراتي....:33:
والدوري القطري اعتبر اضعف دوري شفته في حياتي :o :wow:
المباريات مملات لدرجه انه الاعب اذا ياب قوووول ما يفرح وايد :17:
لا تزعلون اخوانا القطريين لكن دوريكم ((العب وبنعطيك فلوس)) الله يعين السنين اليايه شو بتسوون يوم بتضعف الميزانيه...:boggled:
والصراحه انتو مسوين ملاعب كبيره ما اعرف على شوه :08:
على فكره الدوري السعودي والاماراتي اقوى عربيا يكون في علمك يالقطري...الدوري التونسي مب مثل الدوري السعودي..:reporter:
احلا بوسه لأهل السعوديه حبيايبنا والله :icon6: :icon6: :icon6: لكن لا تصدقون عماركم :biggrin:
أكيد السعودي
والله انا اشوف ان البطولات الخليجية ضعيفة لكن هناك مباريات قوية تعطي الدوري
نكهة خاصة خصوصا في السعودية و الامارات مثل المباريات التي تكون بين هذه الاندية حينما
تلعب مع بعضها وهي "الهلال.النصر.الاتحاد.الاهلي" وفي الامارات ايضا هناك مباريات
قوية ولكن الدوري القطري مشكلته انه مافيه جمهور وممل في اكثر المباريات وباعتقادي
ان الدوري السعودي لايزال الاقوى خليجيا مع ان مستواه لم يكن مثل اول والدوري الاماراتي
جيد وفيه مباريات مثيرة لكن اعتقد ان الدوري السعودي هو الاقوى ليس لاني سعودي لكن
هذا هو المنطق والدليل ان الفرق متألقة خارجيا خصوصا في دوري ابطال العرب لانه موجود
ثلاثة اندية سعودية من اصل ثمانية والدوري الاماراتي اعتقد سيكون له شأن كبير بشرط
المحافظة على مستواه المتطور واشوف ان الدوري الاماراتي المتألق فيه اللاعبين الاجانب
خصوصا وحتى الدوري السعودي لكن الدوري الاماراتي اكثر وتحس انه لو غاب لاعب
يتأثر الفريق كليا.
بالنسبة للاخ امير العين وش قصدك بـ لاتصدقون اعماركم؟؟؟