مصايب صارت لي قبل التسجيل بالجامعه -أحداث مضحكه-

هذي الأحداث التي عشتها شخصيا بسبب ضياع شهادة الثانوي :

كنت أبروح أسجل للجامعه قبل الموعد.. مستانس معي واسطه .. بس تجري الرياح بما لاتشتهي السفن
وأنا طالع من البيت والإبتسامه لاتفارق ثغري (حلوه ثغري ) وتدور أفكار برأسي خلاص مافيه قومه
من صباح الله وتجيني رواتب شهريه – المفروض شهريه- وأروح لسياره وأحط الملف فوق السياره
وأشخص بالدريشه – الكشخه مطلوبه للواسطه – المهم ركبت السياره ودقيت على الواسطه قلتله جاهز
نمشي للجامعه قال: يله
المهم رحت لبيته وركب معي ومسكنا خط حوالي 40 كم.. الجامعه والأفكار مازلت تتضارب داخل راسي . . .المهم
وصلنا الجامعه وقالي الواسطه يله عطني ملفك خلني أدخله على سكرتير العميد لأنه يعرفه
وأدور الملف مالقيته؟؟؟؟؟؟؟؟؟؟؟؟؟ ياخرااااااااابي :7: :shock22: :17:

تذكرون أني حطيته فوق السياره وأنا أشخص ومشيت وهو فوق السياره طاح.... المهم وقلته اللي صار
ورجعنا للديره نجيبه والواسطه واصله معه معصب ...
ورجعت للبيت أدوره بالشارع ... والقاه ملقى بالشارع وأنط عليه من الفرحه
المهم مأطول عليك فتحته وش توقعون لقيت فيه
أو بالأحرى وش توقعون مالقيت فيه مالقيت فيه الشهاده تهي تهي تهي

ولا شهاده حسن السيره والسلوك .. قالي الواسطع ودني للبيت وإذا لقيت شهادتك دق علي
بعد صخريه وإستهزاء .. الزبده مهب وقته أبد... دقيت على المدير معي رقم جواله ... وكنا بعطله على فكره
قال المدير أنا بسوريا .. رايح يستانس هو عياله ... المهم قالي مالك إلا إدارة التعليم تطلع لك شهاده ..

قلنا أمرنا لله نروح مع العلم أن إدارة التعليم بديره ثانيه تبعد حوالي 30 كم ..
ودخلت على إدارة التعليم وأشتكي لهذا ولهذا وكل واحد يرميني على واحد لما خلص الدوام قالوا لي

تعال بكرا الصبح قلت طيب أمرنا لله ..... ورجعت بخفي حنين :31:

مثل ماقلت لكم حنا بعطلع وعيال عمتي جايين ونايميين عندي اليوم وقومتهم وقلت يله يله إدارة التعليم

المهم لما رحت لإدارة التعليم دخلت على آخر واحد كنت عنده أمس قالي أجل ضايعه شاهدتك
ليش ياخي ماقلتي من زمان المسأله تحسبها سهله روح إرجع لديرتك وروح للشرطه وبلغ إن شهادتك ضايعه

وبعدين روح للجريده وإعلن عن شهادتك إنها ضايعه وبعدين إنتظر ينزل الإعلان .....
بعد هذا الجهد اللي أخذ يومين قمت الصبح أبروح أشتري الجريده وآخذها للإدارة التعليم بعدين أمر الشرطه وأخذ منهم تقري عن بلاغ ضياع شهاده وبعد ماشريت الجريده قصيت الإعلان ورحت للديره اللي بها إدراة التعليم. . . ورحت لحالي على فكره عيال عمتي قالوا فاضين حنا كل صبح نروح معك ماصدقنا نفتك من المدرسه وتجي العطلع وتقومنا أنت بعد ...
دخلت إدارة التعليم ورحت مباشره للي قالي جب الإعلان والبلاغ دخلت علي بعدين قعد يقلب أوراقي شوي
وتغيرت ملامح وجه وقال وش سويت أنت ؟؟؟؟؟؟؟ ليش تقص الإعلان لحاله جب صفحة الجريده كلها

وطلعت لأقرب بقاله وشريت الجريده كلها عطيته قلت له إقراها بع لوتبي على حسابي قالي الحين تمام
رح للدور الثاني أور مكتب على اليسار وبعد مارحت للدور الثاني دخلت على المكتب وقعد يناظر الأوراق وقال

أنت مضيع شهادتك ولا سيارتك .. قلت شكله يستخف دمه هذا :mad22: .. رمقته بنظرة إستهزاء وقلت له بالحرف الواحد:
شف الأوراق عندك .. قالي أدري بس ليش جايب بلاغ من الشرطه قلتله مادري أنتم طالبين هذا مني قال: لا لا مايحتاج بلاغ ويقطع البلاغ ويرميه بالزباله وقالي من اللي طلب منك البلاغ قلتله شايب تحت إسمه أبو محمد
وضحك الرجال وإلتفت لصديقه اللي بجنبه وهو يقول : ياخي أبو محمد الظاهر خرف شوي الله يهديه بس ويتقاعد – أحر ماعندي أبرد ماعندهم - المهم قال خلاص موضوعك خالص إنشا الله .... ماتصدقون الوناسه
اللي عشتها لمدة 10 ثواني قبل أن يكمل الجمله والجمله كامله هي :
موضوعك خالص ... مرنا بعد شهر علشان تاخذ الشهاده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شهر .... شهر .... شهر :Eyecrazy: :Eyecrazy:

رديت عليه أنا وتسجيل الجامعه : قال ربك يسهل يارجال بعد شهر يحلها ألف حلال ...

ياخي الناس هذولا عندهم برودة أعصاب مهب طبيعيه ... طلعت من مكتبه متجاهلا أي كلام يقوله

ونزلت تحت عند واحد شايب منصبه كبير شوي ....

ودخلت المكتب مارا بسكرتيره اللي يناديني بقوله : يابو الشباب وين وين

وتجاهلته ضاربا بالقوانين والأخلاق عرض الحائط .. وفتحت الباب ودخلت عليه

وعلمته قصتي من طق طق لـ سلام عليكم

طلع الرجال قمة بالخلاق وقالي ولايهمك أبسوي اللي أقدر علي بس مرني بعد أسبوع نشوف وشنسوي
مر علي الإسبوع ثقيلا محملا بأسألة من أمي وأبوي اللي لا تسمن ولاتغني من جوع..................
بعد هذا الإسبوع قمت الصبح سيييييييدا لإدارة التعليم ودخلت عن الشايب

وقلته وش صار على موضوعي قال أي موضوع
وقلتله الموضوع ... قال أنت متأكد إنك جيتني قبل أسبوع قلت
إييييه بلا دبش ناقصينيك أنت بعد < == أمزح

المهم قتش بالدروج ولمحت ملفي قلتله هذا قعد يناظره قال إييه هذا ياوليدي تذكرت
قال رح لمكان اللي تطبع فيه الشهادات قلته زين والمكان هذا بمدرسه إبتدائيه داخل الديره
تبعد حوالي 5 كم عن إدارة التعليم ورحت للمكان وقفت عند المدرسه وهي خاوية على عروشها
مافيها أحد ومسكره طقيت الباب وإستعملت منبه السياره بعد إنعدام التفكير حاولت كسر الباب
ولكن لاحياة لمن تنادي ....

ورجعت للشايب وقلتله السالفه قالي إيه حتى أنا قاعد أدق عليهم ما أحد يرد...

!!!!!!! ( طيب ليش ماقالي مدري)!!!!!!!!!!!

كان يعرف جوال واحد منهم دق عليه وقاله إنهم بكرا مداومين خله يمرنا ... الزبده رحت للبيت
وألقيت نفسي على السرير ورحت بسبات عميق .....zZzZzZzZzZz

:24: :24:
:24:
قمت الصبح وأنا بالطريق أفكر لأدارة التعليم أو المدرسه المهترئه .. قلت
أول إدارة التعليم .. كي لاأسمح بوجود أي خطأ ...
وصلت ودخلت على الشايب وقالي رح لمهم اليوم مداومين .. (ولكن لايلدغ المسلم من جحر مرتين)
قلت لا دق عليهم هالمره وأنا موجود .. ابتسم ابتسامه مقززه :006: ورفع سماعه الهاتف واتته إجابة منهم

قالي الله يساعك ياوليدي رح
ويقول مازحا عاد لاعمري أشوفك بإدارة التعليم عندنا ( الحقيقه مهب وقته أبدا )

رحت للمدرسه ودخلت على وحد قالي أنت اللي من طرف _- مأذكر الإسم والله-_ قلته إيييه هذا أنا بعينه
قال إسترح لما أخلص اللي بيدي ... بعد ماخلص قال شوف يالحبيب ...

أنا ماراح أعطيك شهاده أصليه إلا بعد شهر.. مسكت أعصابي أنا وقلت خله يكمل يارجال ولاتسويله شي
بس راح أعطيك صوره من الشهاده مصدقه من عندنا قلت أنا يقبلونه الجامعه قل إيه

قلت : هات الله يرحم والديك بس خلصنا .. قال دقيقه
أنت محمد قلت لا
قال أجل علي قلت لا
وضحك وقال هههه مهب بس أنت اللي مضيع شهادتك

قلتله إخلص بس إسمي صالح .... إلخ

قال طيب هذي الشهاده ويصورها مدري وش الحكمه مايعطيني الأصليه
ويختم عليها ألف ختم ويوقع ويقول إنزل تحت ووقع عليها بعدين إرجع لإدارة التعليم ووقع عليها بعدين رح للجامعه .......

على فكره تسجيل الجامعه بدأ وخلص بعد وأنا أطامر ورا شهادتي ...

بعد ماخلصت كل الإجراءات رحت من بكرا للجامعه

ودخلت على واحد وقالي بدري توك تذكر شرحت له القصه وقالي ما بيدي شي رح للمدير قلت بلا مدير بلا هم
عندي الواسطه دقيت عليه وقلت له .. ورد علي بقوله :لا تبي تفشلني مع الناس وبعد شهاده مصوره
أقول الله يسهل عليك بس ... هذي هي الواسطه ...

قلت والله ما أترجاه ....

رحت للمدير وقلتله القصه قال خلاص مهب مشكله عطني شهادتك مديت له الشهاده

وقالي : وش ذا .... صوره قلت إيه الأصليه يقولون بعد شهر .. قال لالا مايصلح
قلت وشلون مايصلح يقولون هم يصلح

قال : هم يقولون

قلت: إتصل عليم شف لك صرفه دبر عمرك ماعلي منك داخل داخل أنا الله لايعوق

قال مرني بعد ساعه

مريته بعد ربع ساعه ماقدرت أتحمل :naughty2:

قالي خلاص وش القسم الي تبيه : قلت : كذا كذا كذا

المهم قال رح فوق يبي يطبعون لك قبول للجامعه

قلت له وأنا أبطير من الفرحه :17: : أجل مقبول أنا :bigeyes:

_ وش الدباشه يعني يبي يطبعون لك قبول للجامعه أكيد قابليني _

قال إيه رح ... وبعد كلمات الشكر والثناء التي مازلت أرددها حتى وأنا خارج من مكتبه وهو الظاهر يتحمد ربه على العافيه ...

رحت فوق وأنا رافع خشمي :6147: وقلت له تراي مقبول عطني قبولي يابو الشباب .. قال : سم بس لا تطيح .. من كثر ما أنا رافع خشمي ..

وأخذت القبول ورحت للبيت .... وعزمت عيال عمتي على العشاء ....وصرت من هاليوم طالب جامعي على سن ورمح ............... . . . . . . وكسبت خبره بعد <== أبقنع رووحي

والسلام عليكم ورحمة الله وبركاته

][ZAS][

ههههههههههههههههه أحلى أحداث أول مرة أشوف أحداث زي هذي


وأخذت القبول ورحت للبيت .... وعزمت عيال عمتي على العشاء ....وصرت من هاليوم طالب جامعي على سن ورمح ............... . . . . . . وكسبت خبره بعد <== أبقنع رووحي




الصراحة أنا زعلان منك تعزم أولاد عمتك على العشاء وأنا لا




تحياتي .....

ههههههههههههههههه والله حلوة السالفة وتضحك بس وراها وجع راس :31: :18: :18:
يلا ما بتعزمنا إحنا بعد
خلاص انحلت المشكلة وأنقبلت في الجامعة
يلا نبي عشا عليك في مطعم;) :09:
تسلم على المقلب الحلوووو

كل واحد يعشي نفسه أنا مهب مكفول بأحد .......

كل من دخل الموضوع يبي أعشيه ليتي ماعلمتكم إني عشيت عيال عمتي ....

على العموم مشكووووووررررين على الردود :)

ههههههههههههههههههه
خخخخخخخخخخخخخخخخخخخخخخخخ
انا من قريت السالفة قاعد اقول الله يعينه فعلا معاناة بس الحمد الله انهم قبلوك

خخخخخخخخخخخخخخخ

الله يقطع بليسك ظحكتني و أنا أتخيل شكلك متمرمط من دور لدور خخخخ :18:

عالعموم مبروك القبول وعقبال النجاح:biggthump بس وش تخصصك ذا اللي يستاهل ذالتمرمط كله؟!:09:

التخصص عاد أحتفظ فيه لنفسي .......
أهم شي أجبتك القصه اللي صارت معي ولاتقول إعزمني على العشاء مثل الباقين :09:

ومشكور على الرد

أنا أعزم ما أنعزم:o <<< أقول على شحم بس :D

ألحين الأعضاء بينشبون في حلقي ، أقول النحشه يا ولد ..

عادي اخوي take it easy
مافي اكثر من مصايب يوم التسجيل واحنا ندور في الجامعه ماندري روسنا من رجولنا
على بالنا مدرسه الثانوي كلها حوش وكم مبنى

بس بصراحه القصه معاك زادت اكثر من الازم

خخخخخخخ :laughing:

الله يرجك :jester:

احداث فعلا غريبه و غثيثه و مزعجه و مصرقعه :06:

ان شاء الله ما تصير لاي مسلم :biggrin:

اقتباس:

---

على فكره تسجيل الجامعه بدأ وخلص بعد وأنا أطامر ورا شهادتي ...

---

والله ضحكتني من قلب :p
هلي يقولون اش فيه الولد يضحك لحاله,, قالو انهبل اجل وش خخخخ موغريبة :biggrin:

اقتباس:

---

وبعد كلمات الشكر والثناء التي مازلت أرددها حتى وأنا خارج من مكتبه وهو الظاهر يتحمد ربه على العافيه ...

---

لوووووول <يقولون صاحب الحاجة أرعن> هاد مثل شامي :09:

اقتباس:

---

وصرت من هاليوم طالب جامعي على سن ورمح ............... . . . . . . وكسبت خبره بعد <== أبقنع رووحي

---

الحمدلله طلعت منها بفايدة,, تخيل ما اقبلوك! :bigeyes:
كان انت تاجر بالأسلحة والمخدرات اليوم :18:

قصة حلوة و كرمالـ معاناتك حديك وسام تعلقه على صدرك خخخخخ ,,
* كثر منها * خخخ يعني كل يوم ضيع شهادة وتعا حكي لي شو حاصل معك :biggrin:
<< لك مني أضمك بالمافيا تبعي يومها :biggthump
يسلمو خيو,,

السلام عليكم,

zas:

بصراحة المفروض مايقبلونك في الجامعة الا بعد ما يسوون لك اختبار. يتأكدون من عقليتك بعد كل اللي مريت فيه, حاكم انت عارف الطرارة ورا الدوائر الحكومية شتسوي بالواحد!

عموماً, مبروك القبول وان شاء الله تحقق الدكتوراه<<<< من جد متفائل!

شكراً

ههههههههه
الله يعينك ... فعلاً شكلك تعبت معاهم .

وفي النهاية أقول لك : مبروك على التسجيل :biggthump

Sander : شكرا على مرورك على الموضوع وتعليقاتك الحلوه

hardmetal : أحمد ربي إنهم ما إختبروني ولا تلقاني أنا الحين أشتغل بكبينه :09:

The King Of Angry : والله ماتوقع التعب ولا لكن جت سليمه ومشكوور على الرد


وشكرا للجميع على الردود الحلو

تاجر بالأسلحة والمخدرات اليوم

الله يستر بس مب بعيده ...

Sander : كنت أفكر لو ما إنقبلت أدخل مع وحده من الجماعات الإرهابيه بس عاد الحمدلله ماصار شي

- لا تصدقون بكرا يمسكوني علشان هالموضوع - :أفكر:

الله يكون في عونك

هذي بلاوي ديرتنا

والمشكلة بانك مستانس بانك مسجل في الجامعة

وانك طالب فيها

بس حاب اقول لك شي

الجامعات الثانية أرحم من هالجامعة اللي دخلتها بالف مرة

والايام راح تبين لك كلامي

مع العلم باني حاليا أدرس بالسنة الأخير

والله لا يراويك المشاكل اللي انا فيها معاهم

بس ان شاء الله اتخرج وارتاح منهم خير شر

والله يوفقك ان شاء الله

مع تحيات

-رجل المستحيل-

ونسيت اقول لك شي

بلاوي وقت الحذف والاضافة ما يحتاج اقولها لك

راح اتعاني فيها

والواسطة خلها تفيدك إذا عنده وقت لك

وغيرها من البلاوي الثانية

مع تحيات

-رجل المستحيل-

ههههههههههههه والله مواقف قوييية


أول مرة اسمع بها :biggthump





لا بس الصراحة موضوع فله ... دخلت جو :08:


كثر لنا من هالمواضيع خيو ..... سلام

هههههههههههه

شكلك راعي طويلة

وش ذا يا بو الشباب والله صجّة راس :boggled:

مشاوييييييييير طويلة بقوة ان شاء الله ما يسير لك مواقف مشابهة وقت تدوير الوظيفة



سلام :icon6: