مرة في أيام الإجازة الصيفية قلت خلني أروح أكشت و رحت أنا و مجموعة من الشباب و كشتنا في أحد بران المملكة
بعدين قعدنا نوزع المهام وطلع علي أنا و دارك ميتي إننا نجهز الخيمة
وبينما أنا أدق أحد مسامير الخيمة إذ أحس بشيء قاسي
أنا:وش ذا؟ ميتي تعال ساعدني
دارك ميتي:وش تبي يا النشبة؟
أنا:مابقى إلا الدلوخ يقولون علي نشبة! المهم تعال عندي أبيك تحفر معي لأني لقيت شيء مدفون في الأرض يمكن يكون كنز ولا شيء
دارك ميتي:كنز! هذاني جاي
+=+= وبعد كم دقيقة من الحفر =+=+
أنا:وش ذا همر
دارك ميتي:إيه ذا الهمر قد مرة شفته في موقع الشركة هذا همر موديل 40قبل الإسلام
أنا:حق منهو يطلع ذا الهمر؟
دارك ميتي:خلنا نفتش في الأدراج يمكن فيها شيء
أنا:طيب
-ـ_ـ-ـ_ـ-ـ_ـ-ـ_ـ- وبعد تفتيش الأدراج -ـ_ـ-ـ_ـ-ـ_ـ-ـ_ـ-
أنا:دارك ميتي شف لقيت الإستمارة
دارك ميتي:وش ذا سيارة أبو جهل
أنا:ماعلينا المهم خلنا نغسلها و نشوف هي تشتغل ولالا <<< تراني خبرة في سرقة السيارات
دارك ميتي:طيب
%%%بعد ما غسلنا السيارة%%%
عننننن عنعنعنعن
أنا:الظاهر مب راضيتة تشتغل لكن أنا بشغلها بالغصب!
عنننعننعننعننعنن
أنا:قلت لك ياميتي بشغلها بالغصب وهذاني شغلتها
دارك ميتي:والله إنك فنان
ونقعد نطعس بالسيارة في البر ويشوفنا ساندر
ساندر:وش قاعدين تسون؟ قاعدين تطعسون و أنتوا ماقضيتوا شغلكم؟إرجعوا كملوا تجهيز الخيمة قبل ما أرجعكم للرياض
أنا و دارك ميتي:منب فاضين لك
ودعست بقوة وغبرت على ساندر لين غدا أقرب إلى شكل الطعوس الترابية منه إلى شكل البشر
وأروح مكان بعيد وأقعد أصيد لكن ما فيه شي ينصاد كل المكان طيارات
أنا: ميتي وش رايك لو نهجد هالطيارات
دارك ميتي: شلون؟
أنا:شف و تعلم
وأقوم آخذ حصى وأقعد أنطل على الطيارات
وبعد شوية يطلع لنا طيار معصب نزل القزاز و قعد يسب ويلعن
الطيار: أنا أوريكم يا (*%$^%^*&أ/،ألأـ[]) >>> كلام مشفر
ويروح شوي ويجي ببرشوت ويطب
أنا: ميتي ما ودك ننحاش
دارك ميتي: إي والله
ونركب في الهمر وننندعس
وبينما كنت داعس إذ بالسيارة تتوقف و ترفض أن تعمل
أنا: ميتي ماتخبر محطة بنزين قريبة
دارك ميتي: أقرب وحدة إلي في حارتنا هاهاهاهاهاهاهاها
أنا: ذا وقت ضحك أنت ووجهك
أنا: مافي إلا إننا نسوي فعل العرابجة
دارك ميتي: إي والله إنك صادق بس وش يطلع فعل العرابجة ذا؟
أنا: نقضي حاجتنا في المحرك
وبعد أن فعلنا فعل العربجة
إشتغلت السيارة ولكنها صارت تصدر أصوات غريبة كذا:
السيارة:وعععع وععععع وعععععععععع وعععو وععع
وبعد دقيقة إلا هي طافية
أنا: وش أنت مفطر
دارك ميتي: مفطح
أنا: بعذر السيارة خربت
دارك ميتي:نسوي فعل العرابجة مرة ثانية؟
أنا:لا أخاف تنفجر السيارة بعدين
أنا:طلعت لي فكرة
دارك ميتي:وش ذا الفكرة؟
أنا: خلنا نقلب السيارة على جنبها
(*^ وبعد ما قلبنا السيارة على جنبها ^*)
أنا: عطني أحصاة
دارك ميتي:خذ
و أنا إلي أشوف طيارة ويوم صارت الطيارة فوق الهمر بالتمام وأنا إلي أصوب على تانكي الطيارة و ينخفس و يصب في تانكي الهمر
بعدين عدلنا وضعية السيارة و دعسنا بقوة و شفنا الطيارة ورانا وهي تصدم بالأرض لكنها ما إنفجرت لأن كل البنزين كان في تانكي الهمر>>>أحلى تانكي الهمر قد تانكي الطيارة
المهم وحنا داعسين إلا أنا أحس إن الهمر بدا يرتفع>>> من تأثير بنزين الطيارة
وأقوم أمشي بشويش و أطالع بالمراية و أشوف لارج الدوب داعس بالقرمبعة حقته
لارج: آآآآآه علي بابا علي بابا علي بابا >>>يقصد آآآآآه حرامي حرامي حرامي ولكن الأخ ثقافته أردو
وأشوف ورا و ألاقي 6 هوامير قاعدين يلحقون لارج وأدعس و الهمر يقوم يطير و أرجع الرياض
أنا: وين تبي تروح
دارك ميتي: خلنا ناخذ لفة في الرياض
أنا: أبشر
وبينما كنا نطير في سماء الرياض إذ بالبنزين يقضى ونطيح على الأرض وطحنا على عمارة المملكة وتهدمت و نتج عن تهدمها زلزال سجل
9999999999999999999999999999999999999999999 من 12 على مقياس ريختر>>> مشكور يا لارج
وتهدمت كل الرياض بعد ذلك وصرت أنا و دارك ميتي إرهابيين و طلعنا بالأخبار و بعدين حاكمونا لكننا طلعنا إفراج لأنهم دروا إننا ما عندنا ما عند جدي وحرمنا نطلع كشتات بعدها
الفوائد:
1- نام بدري و إصحا بكير وشف الصحة شلون بتصير
2- إذا طلعت كشتة لا تكون إلي يجهز الخيمة
3- لازم تحطني أنا و دارك ميتي و لارج في كل مواضيعك
4- مافي فائدة خامسة
هذا البرنامج برعاية:
1- حمدون الرجل البرتقالي:biggthump :biggthump :biggthump
2- قراصنة الكاريبي >>> كل ما أشوف دارك ميتي في المنتدى أتذكر الكابتن جاك سبارو
