خواطر لاعبي العرب(اكتب ما في قلبك)

اكتب ما تريد من خواطرك مثل:


(ما يعجبك وما لا يعجبك في:الأجهزة ,الألعاب,اي شيئ في حياتك الشخصية)

المدرسة و بعدها استاذ الرياضيات هو و مادته

وانا وياك بس الرياضيات مادة سهلة
لكن معضم الناس تسقط فيه(وياك حق) لأن:
اولا:يبون الجواب جاهز من دون تعب,السؤال لازم تفكر فيه
مثل ما يسوي(KONAN).
ثانيا:ممكن الطلبة ما يحبون الأستاذ,مثل ما صار لي
لأنهم ما يفهمون منه,وانااقول لك حاول تاخذ معاك ورقة وقلم في الشرح وتكتب الملاحظات وتقول للاستاذ وين ما فهمت الدرس
ولا تخجل.

انا وياك هي مادة سهلة بس المدرس هو اللي يصعبها ويش شعورك اذا كان المدرس تونسي اذا ما تفهم ليه يقعد يصايح

reyadeyaaaaaaaaaat yaaaaaaaaaaaakkkkkkk!!!!!hay mou madah hady kaaaaaabooos .........resident evil

صديقي عنده استاذ مصري ومتغربل وياه
يقول:(الي ميفهمش يروح الأدبي احسن له)
والحل على اعتقادي ان تروح دروس الي في المعاهد
اتصدق ولد خالتي مايفهم من المدرس عدل لكن لما يروح
المعهد ونفس الأستاذ يدرسه يفهم منه!!؟؟؟
اعتقد ان ضيق الوقت هو السبب؟؟؟؟؟؟

وانا احس بشعورك
لأن الدرجات هالايام
لها قيمتها!!!!!!!!!!

المدرس اللي يدرس صديقك خبل باين عليه مايدري ان الادبي الحين ما يبني مستقبل , تصدق؟ انا احس اني لما اخلص الثانوية ما بكمل هنا شكلي بطلع برة [تم تعديلها بواسطة darkness man في 31-12-2000 عند 06:57 PM]

انا خلصت الثانويه العامه السنه الي طافت
بس اعتقد ان ماده الرياضيات كانت افضل ماده عندي بعد البدنيه :)
وكل الاساتذه الي درسوني رياضيات مصريين وكويتين
والله على راسي وستاهلون الف بوسه
واهم الي خلوني اتفوق بالماده تدرون ليش
لاني حبيتها
عيل في واحد يسقط بالعربي هذا انا
لاني ما حبيت النصب
ولا الرفع ولا المدرسين الفصحى
:)

اتصدقون استاذي العربي (فلسطيني)
وهو كان يدرس من الخمسينيات
والحين عنده خبرة تخليه يحرك الكلمات
وهو يقرأ؟؟؟؟!!!!!ولا يخطئ
يعرف النحو عدل وزين.
تدرون حصلت في امنتصف في التعبير12\30
هو متشدد في الدرجات
الله يعنني اذا درسني الفصل الجاي.

انا الحين ادرس بالثاني الثانوي قسم علوم طبيعية واموت بشئ اسمه فيزياء

اما الرياضيات فنص نص احب الجبر فيها لكن اما الهندسة اكرهها وعععععع

لكن المادة اللي ماطيق ريحتها النحو الله يجعلهم يلغونها من المقرر اميـــــن

انا بعد ما اطيق الهندسة تخليني في عالم ثاني
على العموم اتمنى كلنا ننجح و نبيض وجوهنا و وجوه اهالينا

اكره شي اسمه

فراااااااااااااااااااااااااااااااااااااغ
واكره استاذنا العربي والتاريخ والحساب كل ما اتذكرهم تلوع جبدي استاذ العربي تقول زكيه زكريا والحساب ابله عطيات والتاريخ الزير سالم اعوذ بالله الامتحانات قربت

الحين حنا مستانسين بالعطله وانتوا تتكلمون عن المدارس؟؟؟؟؟؟؟

لا تذكرونا بالمدارس الله يخليكم

انا اول مااشوف استاذ العربي واستاذ الرياضيات
تصير الدنيا سودا

تتكلمون عن الدراسه....

اوكى..ايش رأيكم في \

الى يأخذ A+ في الرياضيات...وA+ في الهندسة...وA+في الفيزياء...وA+في الإنجليزي...وA+في اسس التصميم ....


لكنه يأخذ D-في العربي....

والمشكلة انه سعودى...عربي...

هذا أنا.......:)


((ملاحظة D-تعنى بالمعدل الجامعى أقل درجة للنجاح....يعني ناجح بالدف))

اهلا
شكلها السالفه حليوه
انا بثالث متوسط
وعندنا استاذ رياضيات ماشاء الله عليه مألف كتاب رياضيات
لكنه حمار !ما منه الا شوي
ما عنده غير يقول : ياحمار قم ياحمار اقعد
وبعد صارلي موقف
في يوم كنت منشغل عن الدرس
وقالي الاستاذ يلا يامنصور قم جاوب (قصده اقرأ السؤال وجاوب عليه)
المهم انا ارتبكت وحسبت انه مطروح السؤال من زمان
بديت اخرف واحد قالي قول 2 قلت 2
قالي الاستاذ وشو 2
قلت 4 وقمت اخرف
والقى التلاميذ يضحكون والاستاذ يسب فيني.
واصعب مواد رياضيات علوم(كيمياء) تاريخ
وشكرا لكم جميعا
والسلام عليكم ورحمة الله وبركاته

انا قلت لكم خواطركم مو اتسبون

في المدرسين ,صج هو غلطان بس ما نردالغلط.

وانا قلت لك الى يدور بخاطري.........

لكنى بعض الشباب تحمسوا بزيادة...

انا اقول حق الي سب المدرس وقال له

حمار,وانت ما قلت شئ يخدش في المعلمين

بس بعض اللاعبين حاطين حرتهم على الأساتذة.

السلام عليكم شباب أنا طالب في الثاني أدبي (فأنالا أكره المدرسين بالعكس أقدرهم)بس أكره شيء أسمه رياضيات

أتمنى أن تحوز على أعجابكم.
أنا من تقاسمت الأيام عمره،يوم سعيدا ويوم عكسه.ومتى تفض الحياة لى وأناحبيس جدران يرقب موته.لكنك أنعشت فؤادي الذى لم يعرف للودشبيهاأومثله.أذا أنت تعودت على السعادة والصفاء مللت
معي؛وأي الناس تصفو له حياته؛مامن أحد قد عاش؛الا قد مرعليه مايعكر صفوه.((ترونها من تأليفي وأريد منكم أن تنقدوها بأمانه)

اذا السالفه سالفه خواطر قولوا لي رايكم بهالخاطره:

ابي اعرف متى تسكن رياحك...وابي اعرف..غرورك هو متى يطلق سراحك
وابي اعرف متى تعصف..متى تعصف..متى تنزف جراحك ..وابي اعرف اذا باقي في بحرك موج اكسر فيه مجدافي
وابي اعرف اذا باقي بهمك هم..ماشالته اكتافي..وابي اعرف اذا باقي في هالدنيا حزن.....مامرني..واستوطن اطرافي

قولوا رايكم بكل صراحه اوكي؟

السلام عليكم الظاهر أنا وأنت في هاذي الصفحة بس .أما الخاطرة فهي جميله و
أتمنى لك التوفيق .مع تحيات
final attack

شكرا ..هذا من ذوقك

والله خاطرة حلوه مره يا سيلفي....

لكن هي اقرب للشعر ...من كونها خاطره ....

بسم الله الرحمن الرحيم

انا دشيت الموضوع خواطر لاعبي العرب وحسبت بتتكلمون عن الالعاب كل واحد وراية بلالعاب اثاري السالفة عن المدارس ... انا راح اتكلم عن الاثنين

انا مع الاسف شاء الله رب العرش العضيم بان لا ادخل المدرسة وادرس بلمعاهد وحاولت ان اعوض ما فاتني بلمعاهد وبطبع حصلت معي مواقف كما في المدرسة لكن ليس كما في المدارس :"(

درست اللغة الانجليزية وكان المدرس ( ما يتغشمر ) يدرسك وكأنك ولده يهتم فيك الصراحة ما شفت مدرس مخلص بتدريسة مثله وخلصت المستوى وبعد ما خلصت الشهر الاول الحين الثاني دشيت وسجلت رحت حق المدرس وكلمته وقال انه راح يسافر ورحت حق مدرس ثاني ودرست عنده المهم ( ترا سالفتي خرابيط ما كو شي لان الدوام كله ساعه متى يلحق يصير شي ؟؟!! ) درست عند هذا المدرس الي ماله خلق يدرس بس جذي فهمت ما فهمت مو شغله المهم انه يخلص والي كرهني فيه اكثر انه مسيحي وبس يسمع الاذان ما يوقف الدرس لاء يكمل ويعلي صوته وكأنما ماكو احد قاعد يقول ( الله أكبر ) وكان يمصخر الطلبه بطريقت كلامة ( اي طلبه اي بطيخ كلهم بس 4 ) وبس ما في
شي بعد اقوله

انا مشكلتي مع البلاي ستيشن او مشاكلي كثيرة منها كلما العب لعبة اكثر من دسك لازم في دسك خربان هاذي صارت قاعده عندي ومشاكل الميموري كارد خو حدث ولا حرج والحين لعبت ليجند اوف دراجون ووصلت حق الدسك 3 ووصلت لمه بلمكتبة اصعد فوق واكلم واحد ويقولي قصة طويله على شكل فيم وبعد انتهاء الفلم صارت الشاشة سوده ةخلاص بعد ماكو شي وقفت اللعبة بعد ما اقدر اسوي شي وخزنتها وقلت بعدين اشوف لها حل وصار ما صار انمسح الميموري كارد ولعبتها من جديد ووصلت نفس المكان ونفس القصة انمسح الميموري كارد والحين ابي العبها ما اقدر لان الدسك الاول ما ادري شيف ما قام يشتغل...

وبرسايت ايف 2 نفس الشي الدسك الاول ما قام يشتغل

وتومب رايدر 4 ما خلصته للحين وصلت بعيد وما اعرف وين اروح وخزنتها وقت اسأل بلمنتدى هذا وسألت وكان الرد يمكن 5 وكل واحد يقول : اي جزء؟ اي مرحلة؟ اي مكان؟ مع اني شرحت كل شي بلسأل والمعروف من تومب رايدر 4 ما فيه مراحل محددة المراحل داشه على بعضها تقريبا وانمسحت اللعبة مع الميموري كارد

واشتريت الخامس وقت ماني لاعبه الا لمه اخلص الرابع على شان اعرف القصة مالت الرابع

وقلت خلني اجرب الخامس وشغلته ولا الصوت والصورة ما يدرون عن بعض الصورة وبعدين الصوت والافلان داشين على بعض والصورة نازلة تحت

يالله في امان الله


:) :) :) :)

بكرة بيكون اخر امتحان في الفصل الأول

انا فرحان وايد.

هاهاهاهاهاهاهاهاهاهاهاهاهاها

يووووووووه يا صديقي العزيز Liquid Snake حالتك حالة الله يعينك

ياريت يغيرون اللي في السوق و يخلونه كله اصلي .. راح تزيد قيمة الشريط و يكون الشريط يستاهل قيمته .. واضح و صافي و حلو .. يا ريت والله يا ريت .. و يخلونا نجرب الشريط قبل لا ناخذه و نبتلش فيه بالبيت

خواطركم حلوة صراحة يا اصدقائي :) :)

مع انني ما اعرف شنو خواطر

مفاجأة

انتظرووووووووووها

هاهاهاهاهاهاهاها

ههههههههههههههههه
im very angry

أنا طالب في الأول ثانوي أحب الكيمياْْء مرة لكن دايم أحل غلط فيه وحلى يكون زفت هذا قدر الله نجي للرياضيات لو خيروني بين الشيطان والرياضيات أخترت الشيطان دون تردد مع أني كنت دافور في الابتدائي والمتوسط لكن تجري الرياح بما لاتشتهي السفن أقول ياشباب الى يعرف وشلون احط صورة في المنتدى تراني ماخذ الطريقة من أخ دارت بس طلع نصاب جربت مير يطلع لي × بدال الصورة تكفون علموني