عرض للطباعة
...السلام عليكم.....
كيف حال الشباب
اكيد كثير منا اذا مو كلنا
يصادف في حياته ومع سيارته او اثناء تحركاته
مشاكل او اعطال
يمكن تحدث في السياره
يعني من النواحي الميكانيكيه
او الكهربائيه
او اشياء تحتاج الى صيانه
فبلا شك تحتاج انك تستشير احد قبل عمل اي تصليحات فيها
فقمت بطرح هذا الموضوع
عشان اساعد اي احد تصادفه مشاكل او اعطال
فالي عنده اي مشكله
او يريد يسأل عن اي عطل او خراب
يتفضل
وان شأ الله راح اساعده
بكل ما عندي من معلومات
وان شأ الله ما راح نقصر معاكم
فكرة حلوة يامحمد على فتحك هالموضوع وان شاء الله سنعاونك
بارك الله فيكم وفي مجهوداتكم في هذا القسم ، وبالنسبة لي فلدي
إستفسار فقط لا أكثر وهو أني أريد أن أشتري أقمشة أمامية وخلفية
وشد الجلنط لسيارتي وهي كامري جراندي موديل الفين ومتخوف
من الورش وكثرتها في مدينة جدة ، فمن يدلني على ورشة يعرفها
شخصياً وتكون صيانتها ثقة وشهادة منه على إتقان العمل وسرعة
التسليم فليدلني مشكوراً وهل من الأفضل خرط الهوبات مع تغيير
الأقمشة ؟ وكم يكلفني شغل اليد فقط تقريباً ... كما أني أريد أن
اقوم بتغيير ماء الرديتر كلياً حيث أن الماء سآخذه من الوكالة والقطع
إيضاً من الوكالة ( القطع هي الأقمشة الأمامية والخلفية ) ، ولكن
شغل اليد لا أريد أن أعمله في الوكالة لإرتفاع أسعارها كما تعلمون
، فكم يكلف ذلك جميعاً ( تغيير القماش الخلفي والأمامي مع شد
الجلنط وتغيير الماء للريدييتر ) ، ولا تنسونا من إسم أو رقم تلفون
ورشة موثوقة في جدة في الصناعية .. لأنكم تعلمون الأقمشة
يجب أن تركب بشكل سليم وهي أهم شئ ... وتقبلوا فائق
تقديري واحترامي .
للاسف انا مو سعودي اتمنا استبنه يساعدك
هلا اخوي الغامدي
كيف الحال
بالنسبه للورش بجه
انا ما عندي خبر فيها
لاني للاسف في الرياض مو جده
اما بالنسبه لتركيب القماشات وشد الجلنط
فما يحتاج خوف
لانها شغله بسيطه
واي ورشه او ميزان مشهور يسويها لك
وخرط الهوبات يعتمد
وهو يقولك اذا تحتاج او لا
على العموم اذا كان فيها صوت تصفير مزعج
تحتاج الى خرط
وانا اقولك لا تخاف
وسوها عند اي احد
واذا تسأل ما راح تضيع
لان الكامري مو صعب شغلها
اما سعرها
للاسف ما عندي خبره بسعر قماشات الكامري
بس مو غاليه
يعني رخيصه مررررره
ولا تشتري الا اصلي
يعني يا من الوكاله او البازعي
وبالنسبه للراديتر
تروح لمحل مختص بالراديترات
وتخليه يفك الراديتر
ويفضيه
ويصيخه
وينظفه
ويعبي لك مويه جديده
عندك المويه الخضرا زينه
بس تأكد انها اصليه مو تجاريه
وعندك مويه اي سي دلكو الحمرا
بس هذي ثقيله
يعني تحتاج تخفيف (بزياده مويه مقطره)
وهذي كلها ما راح تكلفك اكثر من 100 ريال
مشكووووووووووووووووور اسبة بل مراقبنا بس ماعندي اي سؤال:D
اذا عنك سؤال
سير علينا
يعطيك العافية أخوي إستبنه على الشرح الحلو وكفيت ووفيت
وماقصرت صراحه معاي ، ولا يهونون الموجودين ، لكن أخوي مع
كثرة المحلات والعمالة البنقاليه والهندية واختلاطها والغش الذي
نراه في كثير من أماكن الميكانيكا ونحوه أحببت أن يكون أحداً من
اهل جدة يفيدنا بمكان مضمون جرب عنده صيانة سيارته ، والشكر
الجزيل كل من أهتم بهذا الموضوع .
غريب اخوي
مافي محلات مشهوره على مستوى جده
طيب حاول انك تسأل او تستفسر عن الورش المعروفه
أخوي أستبنة في مشكلة في الفرامل وهي تطلع صوت ((طقق))
الصوت..غالبا ماتطلع عند المواقف..
الصوت مايطلع إلا لما أرجع ريوس وأضغط فرامل و((طقق)) ولما أعشق على الأمام..أمشي..أدعس فرامل..((طققق)) مرة ثانية..
السيارة كابريس صابونة 94 ...
تحياتي..
المشكله من الهوبات
يعني يبغالها خراطه
أخوي إستبنة..
شيكت على السيارة عند ورشتين..وقالوا أشياء كثيرة يبغالها تغيير..<<بس شاكين في صحة كلامهم...
إلا شي واحد ((الركب تحت)) الورشتين قالوها..ولا ذكروا شيء عن الهوبات..
القطع المطلوبة للورشة الأولى..
ربلة عامود التوازن
ذراع عمود التوازن
ذراع عمود السحب
((ركب تحت))
الورشة الثانية<<عاد هذا أخس وألعن
كراسي مكينة
كراسي القير
((ركب تحت))
علب الفرامل
وش رايك؟؟
اذا مو قد الكلام وقد هاذا الشوق كله لاتعشمني بقربك ولاتكلم بالمحبة
انت ماخذها بسهالة وين ماودك تروح وانا لي وقت وحياتي ..
اتوقع انو كلام الورشه الاولى هو الصحيح
لان لو كانت المشكله من الكراسي
راح تبين بالطريقه الي بقولك عليها
لما تعشق القير وتدعس بنزين بيطلع صوت طقطقه مزعجه (اذت دعست بنزين)
هذا معناه ان الكراسي تعبانه
فايمكن يكون من عمود التوازن والربلات
انا انصحك تروح ورشه معتمده او معروفه
وتسأل
ولا تستعجل
اقتباس:
المشاركة الأصلية كتبت بواسطة MR.أستبنه
??????
أنا كل ماأعشق القير أو أدعس البنزين يطلع صوت ((دب)) خفيف وليس مزعجة..
هل المشكلة من الكراسي؟؟؟؟؟ بسرعة جاوب راعي الكابريس خاف :blackeye:
اخوي
اذا كانت المشكله من الكراسي
اذا عشقت ودعست بنزبن
تسمع صوت طقطقه مززززعجه
اما اذا كانت بسيطه
يمكن تكون الكراسي تعبانه
او في بدايه خرابها
ممكن أخي سعر المراية الجانبية في فورد اكسبدشن موديل 97 اليوم انكسرت
والله اخوي ما عندي خبر
بس ما اتوقع تلقاها الا عند الوكاله
جزاك الله خير
انا في الخدمه اخوي
السلام عليكم..
ياجماعة الخير قدر الله علي وشريت لاندكروزر GX-R J 2005 مواصفات إضافية من عبد اللطيف جميل..<<<<موتوا قهر......أمزح :jester: ههههه
كل ماآكل مطب القير يتحرك قدام و ورا ((أوتوماتيك))..فإيش الحكاية الشي ذا طبيعي ولا شنو؟؟؟؟
وسلام..
ما فهمت يا اخوي
كيف يتحرك القير ؟؟؟
ياليت توضح لي اكثر
القير من نفسه يتحرك قدام و ورا من غير ما ألمسه كل ما السيارة تلعب فوق تحت أو آكل مطب..
وياليت أكون وضحت لك..
هلي يغير نمره
يعني يرجع للفاضي
او يروح للنمره الي قبل الدي
يعني يرجع 3 ولا 2 ؟؟؟
اذا ما كان يرجع بيكون المشكله من جلد القير
اما اذا كان يرجع بتكون المشكله بالقير
أخوي إستبنه آسف على الرد المتأخر لكني منشغل جدا جدا هاليومين لاني الآن أنا بمدينة دبي...وبعدها مسافر تبوك وجيزان<<مشواااار :196: وإن شاء الله رح أرجع الرياض في نهاية الإجازة الصيفية..اقتباس:
المشاركة الأصلية كتبت بواسطة MR.أستبنه
بخصوص القير..فهو يتحرك بس مايغير النمرة على الـN ولا على الدرايف 2 أو L هو بس يتحرك من غير مايغير النمرة
اجل مافيه مشكله ميكانكيه
يمكن تكون المشكله من مسكه القير
او من الديكور
بس لا تشيل هم
ما في اي مشاكل ميكانيكيه
السلام عليكم شباب
يعطيكم العافيه اخواني على طرح هذا الموضوع
بالنسبه لي أنا عندي ماكسيما 2004 وزي ما انتو خابرين الوجهيه حقتهاا ددسن رفيعه مره المهم اني قصيت حبه (نزلتهااا حبه ) وصارت لابأس بهااا بس المشكله هنااا الطقطقه الصوت هذا وش مشكلته عند المطب وعندما اكسر الطاره يمين ولا يسار يطلع هذا الصوت بالله ابي افتك منه وش الحل المناسب ما ابي ارفعهااا زي اول ........مع العلم اني ملحم حوالي الياي بصواميل تكفون شوفو لي حل .............
اليايات الرياضيه زينه ولا ؟
اليايات الرياضيح زينه
بس راح تطرح لك الموتر
واذا تبي الصوت يروح
غير اليايات
مشكورين
ارجو من يعرف يدلني كيف احصل على
كتلوك صيانة bmw 728 1996
بالعربي (محرك, كير,كهرباء)
كتلوج الصيانه صعب تلاقيه في السعوديه الا يمكن عند الوكيل
او انك تبحث عن طريق المواقع المختصه
السلام عليكم
عندى مشكله مع سيارتي عجزت عن حلها فارجو ممن يعرف ان يدلنى لحلها:::::
المشكله هي مشكلة الحراره الزائده فى السياره فعندما يكون مثلا الصيف واشغل المكيف وتكون السياره واقفه يرتفع مؤشر الحراره ويعدى فوق النص وبعد كذا اضطر الى ان اطفئ المكيف...........اما اذا كنت ماشي بالسياره فما ترتفع كثير يعنى شويه يمكن يوصل المؤشر للربع..........يعنى باختصار المشكله اذا وقفت عند اشاره او عند محل لو بس 5 دقايق ترتفع بسررررررعه.
عرضت السياره على ورش كثيره وماعرفوا المشكله وعرضت السياره على الوكاله ولا عرفوا المشكله ...
نوع السياره كرسيدا 94
افيدونى جزاكم الله خيرا
mmzzz
غير الراديتر وبس ..
اخويmmzzz
مشاكل الحراره لها اسباب كثيره
منها الراديتر الي هو المسؤول عن تبريد المكينه
ومنها مروحه تبريد الراديتر
ومنها راس المكينه
بس من كلامك اخوي
تبين لي ان المشكله من الراديتر
اخوي
اول شي تروح لورشه متخصصه في الراديترات
وتخليهم يفكون الراديتر وينظفونه (يصيخونه)
وتخليه يفك بلف الحراره
وبلف الحراره هو المسؤول عن تنظيم دخول المويه للمكينه
بخيث انه اذا ارتفعه الحراره يتمدد ويسمح للما بالعبور
ومع مرور الوقت ياكله الصدى ويتوقف عمله
ولا يفتح ولا يسمح للماء بالعبور فترتفع الحراره
فتخلي العامل يفك البلف
وترى وجوده وعدم وجوده واحد يني ما راح يضرك عدم وجوده او انك تقوم بتركيب واحد جديد
وبعد كل هذا تخليه يركب الراديتر ويعبيه مويه خضرا اصليه
ما اتذكر سعر الجالون بس ما يتعدى ال10 ريال
بس تأكد انه اصلي لانه بيكون لزج ويتحمل الحراره
بعد كل هذا جرب السياره
خليها شغاله وشغل المكيف على اقوى شي
وشوف الفرق
وانشأ الله انشأ الله راح تروح كل المشكله
بس طمني اخوي على النتيجه
واذا انت من اهل الرياض قلي
عشان ادلك على ورش مضبوطه
شكرا لكما Dark Watch , استبه
لكن الرديتر (صيخته) ولا فيه فائده,
هل يمكن ان الرديتر ماعاد ينفع مره؟ (وهل انى اذا صيخته يرجع كأنه جديد)؟
كل هذى الحراره وانا فى منطقه بارده فى الطائف
<
<
<
اخوي تأكد من البلف حق الحراره
اكيد بيكون مصدي ولا يفتح
اما انك تفكه او انك تغيره كله واحد
وشيك على مروحه التبريد وقلي اخوي
بالنسبه للمروحه شيكت عليها وشيكت على توماتيك المروحه كلها تمام ولايحتاج
اما بالنسبه لبلف الحراره موجود بالسياره ولا طلعته واخاف اذا طلعته السياره ما تحمى بالصباح (والله مشكله لان اللى جايه كلها ايام برد)
بعدين اقدر اشيك على البلف بنفسي(كيف الطريقه)
التشييك على البلف يعتمد على كيف وضع الراديتر ومدخله للمكينه
لان بعض المكاين يكون المدخل فيها ضيق ويحتاج الى حوسه علشان انك تشيك عليه
وبعضها سهل
مثلاً عندي لما بغيت افك البلف احتجت اني افك الراديتر ووجه المروحه عشان اوصل للمدخل وافكه
فانا انصحك اذا ما عندك خلفيه ولا قد اشتغلت على سيارتك او فككتها من قبل فلا تخاطر
اما بالنسبه لتحميه السياره
تحمل اذا فكيته
صحيح ان امبير الحراره ما راح يرتفع بسرعه
بس الزيت راح يرتفع ويسخن في خمس دقايق
السلام عليكم شلونكم شخباركم
مبارك عليكم باجي الشهر
وبصراحه موضوع حلو وراح يفيد الاعضاء بشكل كبير واشكركم على تعاونكم الطيب معانا
انا عندي استفسار واتمنى القى حل ؟؟؟
واحد من ربعي عنده بورش 911 موديل 2001 المشكله انه كل مايكبس ( يدوس ) بالسياره وبعدين يخفف يطلع دخان خفيف من الماكينه وبعدين يوقف والمشكله الثانيه انه كل مايدوس ويخفف يطلع ريت حرق جذي فا ابي اعرف هذا طبيعي ولا غير طبيعي بالسياره ؟؟
هذي المشكله ورفيجي محتار ومايدري شنو هذا
اتمنى انه القى حل والى حصل معاه نفس الشي يقول وشلون صلحه
ومشكورين يالحبايب
هلا والله اخوي وعلينا وعليك
والله اخوي خبرتي بالبورشات ما تذكر
يعني ما عندي بها خبر
بس من كلامك عن الدخان
اكبر احتمال ان يكون في مشكله في برمجه الكمبيوتر الي تعطي اوامر للانجترات
فبدال ما تعطي الكميه المحدده قامت تعطي زياده
والله اعلم
بس انا انصحه انه يرجع للوكاله او ورشه مختصه بالبورشات احسن له واضمن
مشكور اخوي وماتقصر اهوا انشاء الله راح يدخلها الوكاله ويشوف ويعطونه الخبر اليقين
وعساك على الخير والقوه وماتقصر معاي
شكر لك
انا بخدمتكم اخوي
السلام عليكم ورحمة الله وبركاته
اخواني انا عندي مشكلة ؟؟؟
انا عندي سيارة ford escort وبالامس قمت بتغيير البطارية التالفة باخرى جديدة ولكن بعد هذا فوجئت بان الراديو كاسيت لا يعمل ويكتب لي كلمة code وانا لا اعرف ما معنى هذه الكلمه وما هو الكود ؟؟؟ يا ليت لو احد يساعدني وله الف شكر ....
اخوكم
اخوي
اغلب سيارات فور الي يكون المسجل فيها الكتروني
تعمل على شفره او رقم سري
بحيث انه اذا نفصلت عنه الكهربا او انسرق يطلب هذي الشفره او الرقم السري
اخوي
دور في كاتلوج السياره او كتيب معلومات المالك
راح تحصله هناك
واذا ما حصلته راجع الوكاله
السلام عليكم
أنا عندي جيب فونينر موديل 93المشكله في الجيب أنا أذا كنت ماشي في الخط عل الخامس تسمع صوت المكينة كأنها بنفجر من القوة الظغط ألي عليها ألي يسمع صوت السياره قوة الصوت كني موصل 120عل الرابع ولا أنا
ماشي عادي على100والصوت قوي حاولت أعرف ليش المكينه صوتها قوي أذا كنت على الخامس ماعرفت على أني سويت توضيب للمكينه الصوت حلو خفيف بس بعد أسبوعين يرجع نفس قوة الصوت.
وش الحل؟؟؟
مرهوف هل تحققت على القير :) يمكن المشكلة من القير وليس المكينة
الله كل الصوت ذه من القير
على العموم مشكور وبشيك على القير
لا اخوي مو من القير
هذا الصوت اما من مروحه المكينه او من كلتش المروحه
شيك على المروحه وعلى الكلتش ورد علينا اخوي
سؤال عن وزن البلوف اذا تعرفوه:
ماهو وزن البلوف؟ وكيف يتم ذلك؟ وماهي اضرار وعيوب عدم وزن البلوف؟
حتى أنا أقول الخراب من مروحة المكينة
أن شاء الله أعطيك رد
اخوي mmzzz
بالنسبه لوزنيه البلوف
هي وزنيه لوقت البلوف متى تفتح ومتى تسكر
واذا انحاست وزنيه البلوف راح يصير في مشاكل مثل التشريق او مرات بيطلع لك صوت مثل الانفجار البسيط اذا زادت المشكله
اخوي المرهوف
الله يعينك بس لا تنسى ترد علينا
سلام يااخوانى شوفو صورة المحرك وقولولى وين بلف الحراره لانى ابغا اطلعه بنفسي:
هلا اخويmmzzz
بالنسبه لبلف الحراره
يكون بعد امتداد احد اهواز الراديتر الداخله للمكينه
يعني بعد الهوز الي يدخل المويه للمكينه
بس للاسف ما اقدر اعينه لك لاني ما اعرف وينه عندك اصلاً
السلام عليكم ويعطيكم العافيه..
انا عندي مشكلة توني مكتشفها امس وهي اني اذا لفيت الدركسون احيانا يطلع صفارة وش الحل؟
القائد المجبل..إذا تصفر الدركسون والسيارة واقفة فأكيد زيت الدركسون ناقص..
شيك على الزيت وإذا لقيتها ناقص عبيها وإن شاء الله يصير خير..
القائد المبجل >>> يمكن مافيه زيت في علبة الدركسون او فيه تهريب فى العلبه.
الصوت هذا طبيعي
ما يضر
يمكن يكون نقص زي ما قالو الشباب
بس لا تخاف ما يضر
يعطيكم العافية ماقصرتووو
انا بالخدمه اخوي
السلام عليكم
عاد لازم تتحملون سيارتي ........
مشكلة الاسبوع هذا الكربوليتر ....اذا السياره واقفه ولا ادعس بنزين تطفي طوالى, اما اذا مشيت ماتطفي المشكله انى يمكن انا السبب لان الكربليتر ماكان كذا اول يعنى كان تعبان شويه لكن المشكله انى رحت للبنشر واشتريت علبه لونها اسود منظف كربليتر وصبيتها فى التانكي وبعد كذا صارت السياره بتطفي يعنى المنظف جاب العيد .....واتوقع نظرية عمل هذا المنظف انه يذوب الوساخه الموجوده فى الكربليتر وطبعا يوم صبيته ذوّب الوساخه الموجوده فى التانكي وفى المواصير ومجارى البنزين كلها ورسبها في الكربليتر
المهم : سالت عن الكربليتر الجديد قيمته 775 مدري اشترى جديد ولا انظف الخربان؟
ممزز
الأفضل إنك تاخذ تشليح 400 ريال لانه على ماأعتقد الكربريتر غللي عندك تعبان..
وقريبا رح أجيب لك الحل الأمثل
وش دعوه اخوي mmzzz
اخوي ما في مثل انك تركب الجديد وخاصه الاشياء الاساسه لانك بتحس بفرق بالمشي
انت حسب امكانياتك
تقدر تركب جديد لا تتردد
مستعمل .... انت وحضك يمكن يكون كويس ويمكن لا
اما التنضيف كويس وبس الجديد احسسن
ولا تتردد في اي سؤال احنا موجودين
شكرا لكما مستر زينن --- استبنه
فى الحقيقه التشليح ما ارتاح له خاصه فى القطع الميكانيكيه مثل الكربليتر ـ اتوقع انى انظف الكربليتر واجرب صرفية البنزين تصرف ولا لا . اذا كانت تصرف ما فيه حل الا اشترى جديد.
العفو mmzzz والله يعينك على إيقافك..شكلك مسوي زحمة بالمنتدى الرياضي
؟؟؟؟؟؟؟؟؟؟؟؟؟؟؟؟؟؟
وش السالفه
؟؟؟؟؟؟؟؟؟؟؟؟؟؟؟؟؟؟
راسلت بالإيميل لخبير المكيانيكي إسمه ربيع شايب ومتعرف عليه
وسالتي اللتي أرسلت له
اقتباس:
السلام عليكم يا عمو ربيع
مشكلة الاسبوع هذا الكربوليتر ....اذا السياره واقفه ولا ادعس بنزين تطفي طوالى, اما اذا مشيت ماتطفي المشكله انى يمكن انا السبب لان الكربليتر ماكان كذا اول يعنى كان تعبان شويه لكن المشكله انى رحت للبنشر واشتريت علبه لونها اسود منظف كربليتر وصبيتها فى التانكي وبعد كذا صارت السياره بتطفي يعنى المنظف جاب العيد .....واتوقع نظرية عمل هذا المنظف انه يذوب الوساخه الموجوده فى الكربليتر وطبعا يوم صبيته ذوّب الوساخه الموجوده فى التانكي وفى المواصير ومجارى البنزين كلها ورسبها في الكربليتر
المهم : سالت عن الكربليتر الجديد قيمته 775 مدري اشترى جديد ولا انظف الخربان؟
ومشكور وماقصر مقدما من الآن يا عم ربيع وشككككرا
فما الحل يا عم ربيع ؟؟
وطبعا فقد أرسل الجواب
اقتباس:
تحياتي لك أخي ولجارك الكريم وبعد :
أقول للجار الكريم
إن تجربتي مع خراب الكلبليترات التي مرت علي ( فاشلة ) والكلبليتر الخربان كالضرس المسوس ، لا حل له إلا الشلع أو الخلع ، لكن هذا حل مؤقت ( بالفرقعة ):
قم بتبديل اسلاك البواجي 1 مع 2 و3 مع4 أي كل إثنين بدلهما مع بعض وتأكد مما تفعل حتى في الآخر تعيد الأسلاك كل سلك إلى البوجي حقه.
تأكد أن غطاء القربة اللي فوق الكلبليتر مغلق جيدا ، وأن الفلتر الذي بداخله نظيف
بعد ذلك
شغل السيارة وخل انبير ضغط المكينة فوق الــ10 قليلا
ستسمع انفجارات متتابعة إستمر في هذه الوضعية لمدة لا تقل عن 3 دقائق
أطفيء المحرك
أعد أسلاك البواجي كل إلى مكانه.
شغل السيارة ، ستجدها صافية زي الساعة .
هذا حل مؤقت حتى تجد كلبليتر من محلات التشليح فربما وجدت ( أخو الجديد )
ملاحظة
من أهم أسباب خراب الكلبليتر هو عدم استبدال فلتر الهواء ، فكثر من الناس لا يعرف مكانه ، وفلتر الهواء هو أنف السيارة الذي تتنفس منه ، فاحرص على استبداله كل 40000كم مستقبلا كما أن البنزين غير النظيف سببا آخر لخراب الكلبليتر.
أسعد الله أوقاتكم.
.
.
ننتظر إخوتنا الكرام للإدلاء بدلائهم كل حسب خبرته.
وأتمنى إنني أفدتكم
الف شكر لك mr.zenon
بصراحه استفدت كثير من العم ربيع الله يخليه لنا .
اما عن طريقة تبديل الاسلاك ابحاول اجربها. لكن كيف اخلى الانبير فوق العشره وهو العداد يصل الى 8 بس؟
هذي يسمونها
طريقه تصفيه الكربريتر
وهي تستخدم في الغالب مع المكاين الامريكيه البيق بلوك
وخاصه شباب التطعيس
عشان يصفيه باسرع وقت وبعد شوي تلقى الكربريتر يشرق
على العموم الله يعينك
الحمدلله صلحت تنظيف للكربليتر , وحسيت ان سيارتي تغيرت كثير في العزم صار اقوى ,ومن خلال مناقشتي للميكانيكي اتضح ان هناك جلده في وسط الكربليتر كانت خربانه, وغير كذا احدى فتحات الكربليتر لاتعمل نهائيا والفتحه الاخرى تعمل نص ونص والان صارت الفتحتين تعمل وتسمى الدعستين ايضا.وما صارت تصرف بنزين كثير.
الله يوفقك انشأ الله
السلام عليكم ورحمة الله وبركاته
فيه موضوع للنقاش وهو اذا تلفت او خربت اى قطعه فى السياره تتلف معاها قطع غيرها, مثلا: اذا تلفت اقمشة الفرامل تتلف معها الهوب
نبغا ندرس صحة هذه النظريه واضرارها.وضرورة تغيير اى قطعه تتلف بسرعه.اذا كانت النظريه صحيحه
تمنياتي بالتوفيق للجميع
كلامك صحيح بس مو دايم
يعني القماشات اذا غيرتها اول ما خربت ما تحتاج خرط للهوبات
اما اذا طولت وهي خربانها راح تحتاج انك تغير الهوب كله مو بس خراطه
وعندك عمود التوازن اذا جيمت الربلات حقته وما غيرتها تحتاج تغير العمود كله
وغيره وغيره
بس مو قاعده دائمه الي قلته
كلامك صحيح ياخوي
أنا لما تكسرت جلد المقصات عندي خربت معه وزنية الأذرعة وسلختلي الكفرات اللي مالها 6 شهور :cray:
بس فيه قطع ماتتأثر وماتسبب مشكلة مع الوقت مثل أحد جلد الأذرعة مقصوصة
بالعربي أي قطعة تأثر على آداء السيارة تخرب الأجزاء إللي جنبها..واللي ماتلاحظ تغيير مابيسوي شي
وسلام
السلام عليكم ورحمة الله وبركاته ...
يا أخوان عندي سيارة كامري جراندي موديل 2000 محافظ عليها جداً وسويت لها في البداية فقط كم صيانة من الوكالة ولكن زمان هالكلام والحين ماشية 140 الف تقريباً والمشكله اللي أعاني منها هاليومين بالضبط وهي أحيانا عند تشغيل السيارة يرتفع امبير الضغط ثم يرتخي وتنطفئ السيارة ثم أعيد تشغيلها وتتكرر هالمشكلة حتى أقوم بتشغيلها مع ضغط القليل من البنزين ثم تشتغل تمام ، وأحيانا وأنا في الطريق ينخفض امبير الضغط لدرجة بأني أحس بأن السيارة ستنطفئ ، علماً بأن مالاحظته كالتالي /
1- الحرارة للسيارة أصبحت منخفظة عن العادة ولكن أحيانا تعود الحرارة إلى الثلث وهذا الطبيعي ولا أدري هل المشكلة من بلف الحرارة بالضبط أم هناك علّة أخرى أم هذا طبيعي مع برودة الجو قليلاً في جدة خاصة أنه الان موسم البرد بعض الشئ .
2- ذهبت بها إلى ميكانيكي وقال الأفضل أن تغير طرمبة البنزين والبواجي واسلاك البواجي وتنظيف البخاخات ، ولكني لا أعتقد بأن المشكلة من هذه وإن كانت المشكلة قد تنحل من هذه الأشياء الرجاء أن تدلوني إلى الصحيح .
فهل من خبير يدلنا إلى الصواب في زمن الجشع من العماله وأصحاب الميكانيكا والذي هدفهم هو الربح لا أكثر .
علماً بأن السيارة نظيفة للغايه ولله الحمد ، وأحافظ عليها جداً ، فهل هناك حل لمشكلة إنخفاض الضغط لدرجة أن السيارة تنطفئ ؟؟
أفيديونا جزاكم الله خير ولكم مني الدعاء في ظهر الغيب .
هلا بك اخوي
المشكله والله اعلم
انه مع قله الصيانه
زي ما انت عارف
البخاخات تحتاج الى تنظيف غير ان البواجي تتأكل
والاسلاك تتعب
فهذا الاشياء تيمى استهلاكيه
لازم تتبدل وتتنضف كل فتره
فالضاهر والله اعلم
ان عندك ضعف في ضخ البنزين للمكينه
لان البخاخ في مع تراكم الاوساخ تقل قدرته
اما طرمبه البنزين لازم تشيك عليها
لاني ما اخبر انها تسبب هالمشكله او انها تخلي السياره تنطفي الا اذا سخنت مو اذا كانت بارده
وبالنسبه لبلف الحراره ما دام ان الحراره طبيعيه او منخفضه هذا مؤشر ان جهاز التبريد ماشي تمام
انت شيك على المكينه عند الوكاله وهم راح يعطونك المضمون
ولا تبخل على سيارتك بشي لانك انت الي تحتاجها
اسف اخوي على التأخير بالرد والاطاله بالكلام
وارجو انك تخبرني بالي يعلمونك والي تتوصل له
والله يعينك
هلا بأخوي استبنه ، الله يعطيك العافية على الرد الحلو ، وصراحة هالموضوع
يستفاد منه الكثير كما يزيد الخبرة لدينا وخاصة إذا ذكر لنا الشخص التصليحات
التي قام بها وهل نجحت أم لا فهنا الفائدة تعم للجميع إن شاء الله .
بالنسبة لي الذي قمت به كالتالي /
1- تنظيف البخاخات .
2- تغيير صفاية البنزين .
3- تغيير البواجي .
4- تغيير أسلاك البواجي .
طبعا القطع ولله الحمد أصليه ، من وكيل معتمد ..
بعد ماسويت كل شئ أنتهت المشكلة بتاتا ولله الحمد ولكن ظهرت
لي بعض الملاحظات وهي كالتالي /
1- أصبح الضغط مرتفع عن العادة ، يعني فوق الواحد بشوي لكن المهندس
يقول وعلى كلامه بأنها مع الوقت تنتهي .
2- لاحظت اليوم وأنا رايح الدوام بأني يوم عبيت بنزين فل ، أمبير البنزين لم
يرتفع كاملاً بل أقل بالثلث وسأذهب اليه اليوم ليحل المشكلة
( أعتقد العوامة أو ماشابه ) .
3- أشار لي لبمهندس بأن أغير البلف مع هذه الإصلاحات وسوف أغيره
اليوم وسأرى آخر المستجدات .
هذا التقرير كاملاً لمن تواجهه نفس المشكله وارجوا أن تكون الحل لمن يقع
في نفس المشكله وسأوافيكم بالمستجدات .
شكراً لك أخي إستبنه لتواجدك وليكن الموضوع للفائدة للجميع .
هلا بك اخوي الغامدي
والحمد لله ان المشكله عدت على خير
وبالنسبه لضغط المكينه
اول مع القطع التعبانه شي طبيعي ان الضغط بيكون نازل لان المكينه مو شغاله بالشكل المضبوط
وبالنسبه لانبير البنزين (هل لما تعبي بنزين انت تطفي السياره ولا تتركها شغاله)
لان العوامه اذا عبيت والسياره شغاله تكون مرتفعه ومع الوقت وصب البنزين تخرب وزنيتها
فالافضل انك تطفي السياره لما تعبي بنزين
وبلف الحراره مع الوقت يصدي لان المويه تمر عليه والمويه زي ما انت عارف تسبب الصدى للحديد
فاذا صدى ما عاد يفتح ولا يسمح للمويه تدخل للمكينه
واذا غيرته بيكون شي تمام
وانا حريص دايم ان الاعضاء يعرضون تجاربهم مثلك اخوي عشان يستفيد الي يقرا الموضوع
ومشكور على تواصلك اخوي
حسبي الله على بعض الجشعين من الميكانيكيين يصلحوا شي ويخربوا شي...
فتأكد أخي الغامدي أن الورشة اللتي تصلح فيها سيارتك نظيفة..
هذا شي ممكن..وإذا لم ينخفض الضغط مع الوقت ((مع أنني لاأتمنى ذلك)) فربما عليك خفض ضغط البخاخات..اقتباس:
أصبح الضغط مرتفع عن العادة ، يعني فوق الواحد بشوي لكن المهندس
يقول وعلى كلامه بأنها مع الوقت تنتهي .
ربما يجب عليك أخذ كلام إستبنه ...أطفئ السيارة وإرجع شغلها وشوف إذا إرتفع عالأخير فمافي داعي للخوفاقتباس:
لاحظت اليوم وأنا رايح الدوام بأني يوم عبيت بنزين فل ، أمبير البنزين لم
يرتفع كاملاً بل أقل بالثلث وسأذهب اليه اليوم ليحل المشكلة
( أعتقد العوامة أو ماشابه ) .
أي شيء يخص عن الحرارة فيجب تغييره في الحال ولاتشاور ((مع أنني أشك في كلام الميكانيكي))..اقتباس:
3- أشار لي لبمهندس بأن أغير البلف مع هذه الإصلاحات وسوف أغيره
اليوم وسأرى آخر المستجدات .
هل تعاني من مشاكل بالحرارة؟؟
احسن شي
انك تعرف راعي الورشه
يعني تثق فيه
والله يرتاح بالك والسياره عنده
استفسار عن الفورد
السلام عليكم
في واحد من الأصدقاء عنده فورد كروان فيكتوريا موديل 96
وقبل يومين طلع على الطبلون لمبة خضراء مكتوب عليها D/f OFF
فهو يسأل وش السبب
هلا بك اخوي مرسيدس
اذا ماخاب ضني
بس لاني من زماااان عن الفكتوريا
شوف اخوي
مساكت القير فيها زر
هو ضغط هالزر
وهالزر اذا ضغطته وانت ماشي يرجع نمره يعني اذا انت ماشي على قير 4 وضغطت الزر يرجع قير 3
وفهو ضغط الزر وطلعت المبه
فما عليه الا انه يرجع بضغط الزر مره ثانيه وانتهت المشكله
مشكوووور أخوي مستر استبنة على الرد
وأن شاء الله يصير خير
العفو اخوي
وانا بالخدمه باي وقت
هلا أخواني مرة أخرى وبعد إنقطاع المنتدى والحمد لله على سلامة المنتدى ...
في مشكلتي السابقة التي ذكرتها للكامري ،، وبعد أن قمت بتغيير بلف الحرارة
عادت الحرارة إلى وضعها الطبيعي ولله الحمد ،، أما أمبير الضغط فتقريباً اقول
بأنه ممتاز بنسبة 90 % ، ولكن في النادر عند التشغيل يكون الضغط منخفض
جداً لدرجة إحساسي بأن السيارة سوف تنطفئ ولكن لا تنطفئ ، فهل هناك
حل جذري لهذه الـ 10 % من المشكلة ؟
وبالنسبة لعوامة البنزين اصبحت ممتازة وانتهت المشكله مع التعبئة الجديدة
مرة أخرى ومن عادتي إطفاء المحرك عند التعبئة فلم أعبئ سيارتي ولا مرة
وهي في وضع التشغيل ، ولكن أعتقد أنها كانت مشكلة مؤقته فقط ومرة
واحدة والآن لي أكثر من شهر وأمبير البنزين جداً ممتاز ولله الحمد .
شاكر لكم تواصلكم ومنكم نستفيد .
هلا بك اخوي الغامدي
المعروف عند تشغيل السياره يرتفع عداد الضغط او امبير الضغط لان المكينه لسه مشتغله وبارده
بعد 10 دقايق او اقل راح تلاحض ان العداد نزل
وهذا هو الوضع الطبيعي
وبالنسبه للاشياء الثانيه كويس الي صار والحمد لله على كل حال
واي شي او اي خدمه انا حاضر
الوضع الطبيعي معروف لكن الأمبير يكون جداً منخفض لدرجة إحساسي
بأن السيارة ستنطفئ ، وللأسف اليوم حصلت لي المشكله ، ومن
المعروف عند التشغيل والسيارة بارده يكون أمبير الضغط فوق الواحد
بقليل وبعد الإحماء يكون بين الصفر والواحد ولكن المشكلة أن اليوم
الأمبير فوق الصفر بقليل ( أي بين الصفر ونصف الواحد وأحياناً أقل
من ذلك ) وهذا يحدث معي تقريباً من أربع إلى ست مرات أسبوعياً
فهل من آراء أخرى لديكم ، شاكر لكم تواجدكم وردودكم الجميله .
مع اني احس ان الوضع طبيعي لكن انت خايف
بس شيك على الكهربه يعني على الديلكو يمكن يكون فيه مشكله
انا عندي كابرس موديل95 صارت عندي مشكلة عندما بدلت تانكي البنزين وهي عندما ادوس الدواسة البنزين مرة وحدة يقطع الموتر ولا يمشي لكن اذا ادوسه على راحة ما يصير شئ مع العلم قبل أن اغير التانكي كانت تمام فما هو السبب برأيكم ((التانكي شاريه من التشليح)) وارجو منكم أفادتي عن هذه المشكلة وما هو الحل لها وشكراً لكم.
هلا والله اخوي
اخوي
شيك اول شي على الكهرب حق السياره (البواجي والاسلاك الخ..)
وشيك على طرمبه البنزين
لان هذي هي حدود المشكله
وارجوا انك ترد علي اذا عرفت المشكله
شكرا يا اخي استبنه وبسوي الي قلت لي عليه وبشوف .
العفو اخوي
السلام اخي استبنه سويت الىقلت لي عليه لكن الموتر ما رجع مثل قبل
وش الشي الي لاحضته على السياره
عطني كل شي بالتفصيل
بدلت لفيول فلتر والبلكات ((بواجي)) اتعدل الموتر شوي لكن مو مثل قبل انا اقول يمكن من الانجكترات بنظفهم وبشوف الفرق.
عندي سؤال الحرارة الطبيعية ل أس أس 95 كم توصل في الصيف والشتاءمع المكيف او بدون؟
وشكرا اخي استبنه تعبتك وياي .
هلا والله اخوي
جرب سوي تصفيه للمكينه
وان شأ الله يفرق
شوف اخوي
بالنسبه للحراره ما لي خبره زود بالكابرس
بس المعروف عن المكاين الامريكيه ان الحراره تكون بين الربع والنص على القيج او العداد
اذا كانت اكثر من النص تأكد ان فيها مشكله
اما الراديتر يكون متكتم من الوصخ
او بلف الحراره ما يفتح
او طرمبه المويه خربانه
شيك عليها عن ورشه وهو راح يعرف المشكله على طول
كل عام وانتم بخير والحقونيييييييييييييييييييي السيارة تطلع دخان ابيض اذا ...
السلام عليكم ورحمة الله وبركاته
ألف مبروك .. بعيد الاضاحي المبارك
انا عارف ياشباب اني زيدتها شوية بس يعلم الله اني متوهق وبعتبركم اخوني في الاسلام
المهم شباب
اليوم وانا رايح ازور الاهل والاصدقاء حصل شئ غريب
اسرعت بالسيارة و فجاءة اشوف السيارة تطلع دخان ابيض مش عارف ليش هذا الدخان
المهم وقفت السيارة وجلست ادعس لها بنزين لكن ما فيش اي دخان من الذى طلع وانا في الخط
فايش المشكلة بالضبظ ارجوكم ساعدوني
سلام عليكم
اخواني عندي استفسار:
خليني ابدأ السالفه من اولها
عندي سياره فولوكس واجن (بيتيل) واليوم وانا مو منتبه عالشارع طلعت على رصيف مال باركنج سيارات والحمدالله إجت سليمه بس التاير الامامي بالجهه اليمين خرب,, المهم بدلت التاير وكل شي تمام وبعدين إنتبهت إنه في زيت لونه بني غامق قاعد ينزل بكثره فوديت السياره على الوكاله بس للأسف كانت معطله :( عشان العيد ... وانا ابي اعرف الحين هالزيت إلي نزل زيت المحرك ولا الجير ولوكان واحد منهم هل يتصلح ولا لازم ابدل الخزان مال الزيت ........ رجاءا إلي عنده خبره ايرد وشكرا مقدما على جهدكم معاي
__________________
هلا يالشباب واسف على التأخير
اخويodini
اخوي الدخان الابيض له عده اسباب
عندك اما يكون في تهريب في احد الزيوت واحتارقها من ما يسبب الدخان الابيض
اما الشنبره (يكون الدخان ابيض مائل للزراق)
واما الكربنه (يكون الدخان ابيض مائل للسواد)
واما تكون عندك مشكله في البلوف
فانصحك تشيك عليها عن الميكانيكي
اخوي القرص الذهبي
عندك احتمالات كثيره ويمكنك الكشف عليها بنفسك اذا كان لديك القليل من الخبره
اما زيت المحرك ودليله انك اذا نزلت تحت السياره راح تشوف خزان الزين وااضح واذا كان فيه تهريب او لا
او المساعدات ودليلها ان المساعد يكون متبلل بالزيت
او الفرامل ودليله ان الفرامل ما يمسك
او القير ويكون خزان زيت القير مرشح
انصحك تروح ورشه تغيير الزيت الي بالمحطات وتنزل تحت الحفره وتشوف بعينك
الإخوة الأفاضل..
السلام عليكم و رحمة الله,
أحببت مشاورتكم في قطعة لسيارة Nissan Quest موديل 1993 وارد أمريكي, حيث أنني لم أجد القطعة داخل الإمارات.
القطعة المطلوبة هي الأسلاك الستة (wires) للكيبلات - حيث أن السيارة ذو ستة سيلندرات. و المشكلة فيها أن أحد هذه الأسلاك يهرب التيار فيقلل دفع المحرك.
أخبرني أحد الفنيين أن أسلاك سيارة الPath_Finder ذو الموديل القديم (ستة سيليندر) تتوافق , و لكنني لم أجد أيضا قطعة غيار لها - على الأقل في أبو ظبي.
أرجو منكم المساعدة العاجلة.
اخوي محمد
هلا ومرحبا بك معنا
مشكلتك كلها بان السياره وارد امريكا يعني يعني صعب تحصل قطع لها
في هذي الحاله
اما انك تطبق لها اسلاك اما سدرك او باثفندر قديم (تحت ال97)
او انك تطبق لها اسلاك رياضيه
لان الاسلاك الرياضيه تكون مطابقه لكثير من السيارات
ويمكن تطابق على سيارتك
يمكن انك راح تشتري اكثر من طقم وراح تحصله ما ينفع لكن تحمل
ولا روح لكراجات السيارات الوارد
ما ادري وينها بالضبط بس اسمع عنها يمكن في عجمان
على العموم انت قوم وجرب الي قلتلك عليه
وان شأ الله تضبط معاك
بارك الله فيك أخي الحبيب..
كما تفضلت, قيل لي أنني قد أجد في الشارقة أو عجمان, و حقيقة قد وجدت بعض القطع في الشارقة مثل الزجاج الأمامي و المصباح الجانبي, و لكن أسأل الله أن أحصل مثلها.
أشكرك جدا مرة أخرى على النصيحة الطيبة.
انا بالخدمه اخوي
وخبرنا وش يصير معك علشان نساعدك
سلام عليكم
اخواني انا عندي سياره فولوكس واجن بيتيل وواجهتني مشكله وودي بالحل
طلعتلي علامه على لوحه العدادت فشفتا بالكاتالوج ولقيت مكتوب عليها
Exhaust warning lamp for petrol engines
وناس قالولي لازم تغير الزيت ومو عارف وش العطل وكم توقعاتكم بتصليحها
ارجوا المساعده
__________________
وينكم يا خبراااااء المنتدى
المهم....
انا اليوم رحت على الوكاله وقالولي إن منظم الهواء خربان والفلتر كمان فممكن اعرف كم سعرهم وهل تركيبهم صعب او لأ
هلا بك اخوي
بالنسبه لسنسر الهوا او منضم الهو تركيبه شوي يبغاله شغل لانه اسلاك وحوسه
اما الفلتر ما يبيله شي فك العلبه وطلع القديم وحط الجديد
اما الاسعار والله للاسف ما ادري عنها
بسم الله الرحمن الرحيم
السلام عليكم ,,,,
كيف الحال اخواني ..
والسيارة الي ابي اشتريها هي من شركة ستروين سي 3 .. ( C3 PLURIEL ) كشف ..
انــا نــاوي أشتري سيارة جديده وابي منكم تجاوبوني على بعض الأسأله :
1- سعرهــا بالخارج ؟
2- ابي طولها و ارتفاعها و العرض ؟
3- قوة الماكينة ؟ وقوة الماكينة من الداخل ؟
4- من اي نوع زنجير الصدر ؟
5- الجير من اي نوعه ومدي تحمله ؟
6- وزن السيارة ؟ وكم عدد الركاب التي تتحمل السيارة ركوبهم ( وزنهم ) ؟
7- العمر الافتراضي للماكنية ( كم كيلو ) ؟
8- العمر الأفتراضي للجير ؟
9- هل الماكينة رقمية ( كمبيوتر ام عادي ) ؟ وهل الجير كمبيوتر ؟
10- قوة السيارة بالأحصنة ؟
11- كم تصرف باللتر داخل المدينة ؟
12- نوع الكشف وسماكته ومدي تحمله في الجو الحار مثل عندنا بالكويت ؟
13- قوة تحمل البدي ( الهيكل ) من اشعة الشمس ؟
14- مدى تحمل الأكســات ؟
15- سرعة الأنطلاق كيلو متر بالثانية ؟
16- مدي تحملها بالصعود مع وجود وزن زائـــد ؟
17- نوع التكيف هل هو فرنسي او ياباني ؟
18- مدى تحمل التكيف ونوع الكمبريسر التكيف ؟
19- هل هي مناسبة لجو الخليج ام لا ؟
20- سرعتها القصوى ؟
21- ممكن ذكر مواصفاتها ؟
أرجـــو انكم الافــادة بأسرع وقـــت .. وشكرا مقدما اخواني اعضاء قسم السيارات ..
اخوي
هلا ومرحبا بك
بس اخوي
المعلومات الي طلبتها
صعب نجيبها لك
مالك الا انك تزور فرع من فروع الوكيل وتستفسر عن كل الي تبيه
وتجرب السياره تست درايف
وهذا احسن حل
والمشكله ان السياره نادره ولا كان جبت لك كل المعلومات
اقتباس:
المشاركة الأصلية كتبت بواسطة MR.أستبنه
مشكور .. خلاص انا قاعد اتمتع بالاكورد :D
والله ابرك لك واحسن
لان الاكورد سياره معروفه وقويه والاهم انها يابانيه
الله يعطيك خيرها ويكفيك شرها
واسف على التأخير لان كانت فتره اختبارات
السلام عليكم..
اخواني انا عندي مشكله ومحتاج الحل ....
من اسبوع تقريبا دعمني واحد سكران وبعد مااتصلت بالشرطه إتبين إنه كان غلطان والشرطه عطاني ورقه تصليح المهم..
نوع السياره:فولوكس واجين -بيتيل موديل 2001 إذا لاتدخل كراج الوكاله
المهم
حرت على التأمين وقالي جيب تقيم للأضرار من كراجين ومن الوكاله
باليوم الثاني جبي براجدون وسحبت السياره على الوكاله وفحصوها تبين إنه الشاصي تعبان وتكلف 15.000 ريال قطع غيار وتصليح 10.000 ريال يعني المجموع الكلي 26.000 ريال وطبعا الـتأمين قالي إنه بيتفع سعر نصف قطع الغيار إذا كانوا قطع أصليه وبيتفع قيمت شغل الايد يعني بالنهايه انا بدفع 8.000 ريال تقريبا.... وباليوم الثاني إتصلت بكراج مختص بتصليح الألماني وقالي ان ممكن يصلح اي دعمه ويصلح أي عطل بالشاصي.....
فأنا محتااار؟
-اكنسل السياره (سكراب) والتامين بيقيم السياره وبيعطيني فلوسي ( بحجه ان الشاصي مضرر)
- اصلح السياره وبعدين ابيعها
اخواني انا محتاار اخاف ابيعها ويطيح سعرها واخاف اكنسلها ويقيموها بسعر رخييص
علما بإن إلي دعمني كان معاه لاندكروزر GXR
انا محتاج لنصيحتكم وجزاكم الله خيرا
صور السياره
---------
---
--
-
قبل الحادث
http://up.w6wup.com/up2/2006/06/10/w...027396330c.JPG
بعد الحادث ب نص ساعه
http://up.w6wup.com/up2/2006/06/10/w...3517a7161d.JPG
http://up.w6wup.com/up2/2006/06/10/w...01283b9b93.JPG
بيع السياره على حالها واشتر لك وحده جديده ابرك لك
لان الشاصي لو مين ما كان يصلحه ما راح يرجع مثل اول
اشكرك اخوي على النصيحه واليوم وديتها على كراج متخصص بالألماني وقالي إنه الشاصي المكسور (شاصي متحرك) يربط العجل الخلفي والله انا ماعرف بهالسوالف ,, المهم قالي إنه بيتغير ومارح يبين إنها إندعمت. وعلى فكره الدعمه مو قويه وماتكلف إلا (4.000 ريال) كحد أقصى ولكن إلي خلى السعر يزيد اهوا قطع الغيار مو متوفره بالدوحه لاعند الوكيل ولا اي موزع ومافي منها لا تجاري ولا مستعمل يعني كله اصلي .. والتامين يدفع من قيمه القطع إذا اصليه (50%)اقتباس:
المشاركة الأصلية كتبت بواسطة MR.أستبنه
المهم..
فكلمني الكراج وقالي إنه بيجيب القطع من دبي قطع اصليه (مستعمله إستعمال خفيف) وبتكلف (15.800 ريال)
بس انا خايف من الـتأمين مايرضى بالسعر او يدزني على كراج يتعامل معاه ويسوي شغل اي شي
آسف على الاطاله..
واشكرك مره ثانيه على النصيحه
السلام عليكم
عندي كامري موديل 94 ومشكلتها هي البريكات تصدر ازعاج اذا وقفت... غيرت الاقمشة بس بعد فترة رجعت المشكلة
وعندي مشكلة ثانية احترقت علي لمبة الريوس ووديتها عند كهربائي هندي وشيك عليها وقال لي ان اللمبة سليمة وفتح الكبوت ووراني مكان تحت المكينة وقال هنا المشكلة وسالته ليش ما يصلحها وقال هذا من اختصاص الوكالة مع انه الجير توماتيك وانا صراحة شاك في كلامه:33:
هلا اخوي
البريكات تأكد انك مركب فحمات اصليه وخارط الهوبات
اما اللمبه شيك على الفيوز
يمكن يكون محترق
او روح لكهربائي ثاني
أخوي انا عندي كابرس صابونه قديم
واعتقد ان القير فيه خلل وهو اني طبعا اعشق على الــ D وامشي خفيف وفجأه يعشق على الـــ N ولما ادوس بنزين طبعا يطلع اصوات كأني انا اللي عشقته على الـــ N وبعد فتره يرجع طبيعي وهذا يسبب لي مشاكل خاصه على الطريق العام المهم يعني ان القير يعشق بكيفه ولما رحت لبنشري قال ان السياره تهرب زيت وان الجير ما فيه زيت عبيته زيت وما فيه فايده
طبعا اتوقع ان القير خرب فهل فيه حل يعني فيه امل يتصلح اذا رحت لميكانيكي ولا يحتاج قير جديد؟؟
نسيت ما اقول شغله وهي ان القير لما يرجع للــ N يطلع لي ان القير على الــ D لكن لما ادوس بنزين يطلع كأنه على الــ N
وشكرا.
هههههههههه
خوش دروووس حقيقه
هلا اخوي
هو القير شكله كان يهرب زيت
وصار عندك مشكله في التروس
فعندك حل من اثنين
اما انك توضب القير
او انك تجيب قير جديد وهو الخيار الافضل
فانا انصحك تشوف لك قير اما في التشليح او في الصناعيه عند البيان
وتاخذه وتركبه وراح يكون كل شي تمام
مشكور اخوي
لكن اذا وضبت القير بيخرب مره ثانيه
ثانيا القير الجديد غالي مشكله
اخوي جرب دور بالتشليح
لان ما لك الا واحد من هالحلين
اخواني انا عندي مشكله
ومن دون مقدمات
انا املك سياره فولوكس ويجين(بيتيل) موديل 2001 وعندي مشكله ومتمني أحد يساعدني
المشكله: عندي مروحتين الاولى عشان تبرد المحرك والثانيه عشان المكيف ,,, فمن تقريبا أسبوع صار المروحتين يفصلوا ( يقفوا بلاحركه) وبعدها ب 10 دقايق يشتغلو يعني المراوح مافيهم شي بس يشتغلو ويفصلو وعلى حسب معلوماتي إن مروحه تبريد المحرك تشتغل اوتوماتيكيا إذا إحترت الماكينه وهذا شي عادي أماالمروحه مالت المكيف لازم تشتغل دائما مادام المكيف مشغله
واليوم الصبح السياره إرتفعت حرارتها وشفت دخان يطلع من البانه وشميت ريحه ماي الروديتر , فوقفت على جمب وتأكدت إن المراوح موب شغاله والروديتر مافيه ولا نقطه ماي (علما بإني ماأشيك على الماي ) فهل لازم كل فتره أشيك ولا لأ..؟
آسف على الاطاله بس انا حبيت أشرح مشكلتي بالتفصيل..
الخلاصه:- ان مروحه المكيف تفصل وترجع تشتغل كل شوي ومروحه المحرك كذالك
وجزاكم الله خيرا
وكل عام وانتم بخير
اخوي اكيد في مشكله في اوتوماتيك المروحه
وديها عند كهربائي يشيك عليها
وراح تمحل المشكله
اخوي انا ودي أشتري سياره ومحتار بين 3 أنواع
هوندا اكورد موديل 2004 كامل مواصفات وماشي 60 ألف السعر:52 ألف ريال قطري
هوندا أكورد موديل 2005 مافيها مواصفات أبدا وماشي 80 ألف السعر : 55 ألف ريال
نيسان كسيما موديل 2003 مافيها مواصفات وماشي 70 ألف السعر : 40 ألف ريال
نيسان ألتيما موديل 2005 4سلندر وبدون مواصفات وماشي 55ألف السعر : 55 ألف ريال
وبشنو تنصحني من هالموديلات ... انا ابي سياره لما تخرب اقدر أصلحها برا الوكاله وقطع الغيار أسعارها مناسبه
وجزاك الله خيرا
شوف اخوي
عندك الاكورد ال2005
او الالتيما
هم افضل خيارات عندك
السلام عليكم
انا يا شباب عندي مشكلة وابغي لها حل انا عندي سيارة كابرس موديل 95 مشكلتها انها تفتف لما تشتغل مع العلم اني بدلت بلكات ((بواجي)) ويايرات و كفر مال الديلكو لكن مع الاسف المشكلة ما زالت موجودة
اخوي
شيك على فلاتر البنزين والطرمه
وشيك على نظام البخاخات
ما شا الله عليك أخوي استبنه . موضوع أكثر من رائع .
يعطيك العافية على هالمساعدات .
في أمان الله
هلا بك اخوي
انا بالخدمه دايم
وقدر المستطاع
السلام عليكم انا معي كابرس 2002 جيره موضبة سؤالي هو هل ينقص عزم السيارة عند توضيب الجير وسؤالي الثاني يطلع فيه صوت زي شك شك شك وريحة زي الحريقة على خفيف نادر ما يطلع احس انة يطلع اذا كان الطقس بارد جدا واذا احتمت في وقت برد
وعندي طرمبة البانزين النسدة على خفيف وقامت السيارة تنتع وتطفي اذا وقفت ولاكن راحت المشكلة بعد اسبوعين تقريبا هل تنصحني اغيرها او ماله داعي خلاص واذا تبيني اغيرها كم سعرها
هلا اخوي
التوضيب اذا كان شغل تمام و100% ما راح يضر بالعكس مفروض تلاحض فروق
اما مشكله ريحه الحراق هذي تدل على اكثر من شي
يمكن يكون عندك نقص زيت من تهريب او اسباب ثانيه
او طرمبه الزيت ما تضخ بقوه
او وممكن ما يكون فيه مشكله من الاصل
انت شيك على كل الزيوت وتأكد انه جديد وغير ناقص
اما التقطيع مو بالضروره يكون من طرمبه البنزين
من اسبابه البواجي او الاسلاك ما تشتغل كويس
او فلتر الهوا او فلتر البنزين
او البخاخات وصخه
انت سو تصفيه وراح تضبط امورك
الي هي
تغير البواجي والتأكد من الاسلاك ومصدر الكهربا
وتغيير فلتر الهوا
وتغيير فلتر البنزين وفلتر القير
وتغيير الزيوت كامله
وتنظيف البخاخات والتأكد من عملها
وان شاء الله تضبط امورك
وكل عام وانت بخير
وانت بالف صحة وسلامة واسف اخوي ازعجتك مرررة لاكني ابي اخذ رايك انا معي سوبربان 97 حق العايلة ونادر اروح فية طبعا انا شارية وكالة ماشاء الله علية له 10 سنين عندي عداده 55 الف بقولك شي يمكن ما تصدق ترى كفراتة شد بلد طبعا مكينتة 454 وانا غلطت يوم خذيت مكينة 454 يصرف بانزين وبقوة وعشان كذا انا شفت سوبربان موديل 2006 وعلية تصفيات اسعار مغرية فاذا فكرت ابيعه هل بيجيب سعر لاني سامع الجديد مايصرف بانزين وهل تنصحوني اني اغير السوبربان الي معي