سؤال يحيرك بخصوص عضو

بدون مقدمات طويلة وعريضة

اختصارا لفكرة مواضيع المقابلات مع اعضاء محددين

هالموضوع لطرح اسئلة بخصوص اي عضو في المنتدى كله
على امل ان العضو المذكور يجي و يجاوب على السؤال فضلا و ليس أمرا

منها نتعرف على بعض اكثر و منها نضيع وقت على بال ما تخلص هالاختبارات اللعينة

المهم ابدأ انا حتى تتضح الفكرة اكثر

العضو Kubaj
وش معنى اسمك ؟!

العضوة little-angel
انت سعودية و الا كويتية و الا اماراتية ؟!
لان المكان مكتوب KSA لكن لهجة ردودك موب حولها :31:

العضو Master ArNab
وش سبب اختيارك لها الاسم ؟
هل لانك نصاب كبير و الا كيف ؟
لان أرنب ترمز للفقشة القوية احيانا

العضو Yamato المختفي هالايام
وش سالفة توقيعك الجميل و ليش عاجبك و متى ناوي ترحم الاعضاء و تريحهم من هالجمال ؟

المراقبة Angel Whisper
ليش اسمك مختلف عنك كليا :09: ؟

ننتظر الاجابة و اسئلة بقية الاعضاء
خذوا راحتكم اسألوا عن اي شي في حدود المقبول طبعا

وش بلاك انت و السيقان 0_0

اقتباس:

---

القــعـقـاع /
وش بلاك انت و السيقان 0_0

---

LOOOL في الصميم :09:

اقتباس:

---

E-Mad /
العضو Master ArNab
وش سبب اختيارك لها الاسم ؟
هل لانك نصاب كبير و الا كيف ؟
لان أرنب ترمز للفقشة القوية احيانا

---

أبد .. أحب الأرانب ( الكائنات طبعاً ) والبساس .. ولانيب مصنع باغات :p

إضافه:

وقت ما أعدت التسجيل بالمنتدى .. أحترت بإختيار الإسم .. ووقتها كان معي أرنب وش زينه .. رمادي .. صغير .. قبون .. وهذا .. هو السبب :p

اقتباس:

---

المراقبة Angel Whisper
ليش اسمك مختلف عنك كليا :09: ؟

---

Now now how could I be different from my name?
I'm a total angel .. you don't know me well enough .. :love:

اقتباس:

---

المشاركة الأصلية كتبت بواسطة القــعـقـاع

وش بلاك انت و السيقان 0_0

---

Didn't see that coming :09:

ياخي كل انسان له نقطة ضعف في النساء
ما ودي اخش بالعميق عشان ما يصير فيه تعدي على حدود الادب

ترى الدعوة كل واحد يحط السؤال اللي براسه موب بس يجاوب

ماستر ارنب..
من اي دولة واي منطقه فيها انت؟؟
(شاكة بمنطقة معينة XD )

"حلو الموضوع"

يسلموا على الموضوع ، روعة :biggthump

E-Mad ... يعني اسمك عماد ؟
عمرك لعبت شي غير متل جير ؟ :09:

اقتباس:

---

العضو Kubaj
وش معنى اسمك ؟!

---

I second the question :33:


و حق القطوة .. :09:
what's your major?
am always wondering =O


الموضوع حلو علشان نفصص الأعضاء
Grazie :biggthump

اقتباس:

---

Rory /

اقتباس:

---

E-Mad /

Kubaj
وش معنى اسمك ؟!

---

I second the question :33:

---

me 3rd :06:

اقتباس:

---

Rory /
و حق القطوة .. :09:
what's your major?
am always wondering =O

---

me 2nd :06:

اقتباس:

---

Lena /
ماستر ارنب..
من اي دولة واي منطقه فيها انت؟؟
(شاكة بمنطقة معينة XD )

---

هههه .. قا . . . وبالتحديد من بو . . :D

ولكن حالياً ساكن بالرياض :]

اقتباس:

---

E-Mad /
ترى الدعوة كل واحد يحط السؤال اللي براسه موب بس يجاوب

---

ما دام كذا .. أجل بسم الله .. ما هو .. مشورع تخرجك ! :196: و أي تخصص ترغب فيه أكثر ...network , database , web , securtiy , etc .. وتعرف تسبح ؟

موضوعك حلو ^^ ..

خوباج .. الظاهر انه كان ملك او حاكم على دوله .. S: ..

Ahem
ياماتو
كم عمرك؟؟
E-mad
إنت صف كم؟؟
Trapped Inside
متى إمتحاناتك وصف كم إنت؟؟
سيد أرنب
كم عمرك وشو تشتغل؟؟

دفعتي الياية بعدين:blackeye:

ههههههه
روري
قصدك تخصصي
حاسب الي سنة ثالثه:ee2:


ماستر ارنب
@_@
بورر..
الي جنب عنيي...
الي جنب الررر..
الي جنب الخب...
ها ها ها !_! ؟؟

اقتباس:

---

العضو Kubaj
وش معنى اسمك ؟!

---

سؤال محيرني من زمان :33:
وعندي كمان سؤال .. كم عضو طردته طول فترة رقابتك بالمنتدى :09:

اقتباس:

---

العضو Yamato المختفي هالايام
وش سالفة توقيعك الجميل و ليش عاجبك و متى ناوي ترحم الاعضاء و تريحهم من هالجمال ؟

---

ماني مختفي يا عماد الدين.. بالاجازة المنتدى خرف علي وما قدرت ادش..
والحين داش..
ويا فتى بالنسبة لتوقيعي.. هو حميل فعلا.. وناوي اني استبدله في القريب العاجل بسبال ثاني ان شاء الله.. بس هذاك عيونه حلوة وصافية.. عاجبتني وايد.. اما هالتوقيع فكنت محطيه علشان اعبر عن حالتي خلال هالفصل.. (عايش على مساق واحد)..
والحمدلله اليوم خلصته واصبحت شبه رسمي بشمهندس (يا حلو اللي يمدح نفسه بس)
بس والله.. ما ادري شو فيه توقيعي.. اللي مدحه واللي ذمه.. واللي كان سويسري..

تراني اليوم فاضي وبقعد اقرقر على راحتي.. محد يوقف في دربي.. مخلص امتحاناتي قبل ما الناس تبدا امتحاناتها.. :biggthump

بس على فكرة.. والله لفتة جميلة منك انك تذكرني.. Im touched T_T

اقتباس:

---

ياماتو
كم عمرك؟

---

عمري 25 وباقي مثلها علشان اوصل الخمسين.. ان وصلناها..

وانا ما عندي سؤال حاليا..

سلام عليكم.. :31:

اقتباس:

---

عمري 25 وباقي مثلها علشان اوصل الخمسين.. ان وصلناها..

---

إن شاء الله توصلها يا فتى وقدها مرتين
ومبروك على إنهائك للإمتحانات يا بشمعندس :p
إلا أقول الحين إنت بتتخرج من الجامعة يعني؟؟؟؟؟

ان شاء الله.. بتخرج.. خلاص زهقنا يا فتى.. صارلي سبع سنين في هالخرابة..

اقتباس:

---

ان شاء الله.. بتخرج.. خلاص زهقنا يا فتى.. صارلي سبع سنين في هالخرابة..

---

وأنا حسبالي يمكن ألحق أوصلك...
بالتوفيق يا فتى بس لا تنسى تعزمنا على حفل التخرج
بس يالله بتجرب حياة البطالية ولا الوظيفة مظمونة إن شاء الله( إعمار ولا صروحP: )؟؟

اقتباس:

---

عمري 25 وباقي مثلها علشان اوصل الخمسين.. ان وصلناها..

---

ما شاء الله .. الله يزيد ويبارك .. بيني وبينك 3 سنين كاملة يا فتى :blackeye:

اقتباس:

---

وأنا حسبالي يمكن ألحق أوصلك...
بالتوفيق يا فتى بس لا تنسى تعزمنا على حفل التخرج
بس يالله بتجرب حياة البطالية ولا الوظيفة مظمونة إن شاء الله( إعمار ولا صروحP: )

---

انا ناقص يا عصفور.. اخوي اللي اصغر عني بست سنين لحقني..
وعلى حفل التخرج يستوي خير.. انت بس اعزمني على حقل تخرجك من المدرسة.. :196:
اما الوظيفة.. فان شاء الله راح اقدم في شركة ادنوك.. ونشوف شو بيستوي..

اقتباس:

---

ما شاء الله .. الله يزيد ويبارك .. بيني وبينك 3 سنين كاملة يا فتى

---

فتى الشبه بيني وبينك.. ما شاء الله.. الله يخليك يا فتى.. وان شاء الله تلحقني.. (اتذكر فيلم دي كابريو وتوم هانكس) .. لووول

الا.. طلع عندي كم من سؤالات..

عصفور.. انت خلصت امتحاناتك.. وبشرنا بالنتايج..

شتاينر.. ليش ما تحول اسمك لياماتو نمبر دو.. لووول.. لا صدق.. انت شو تدرس يا فتى..

وسؤال لعماد الدين الالكتروني.. انت محطي هالموضوع شات ولا شو السالفة.. (حركة ذكية)

اقتباس:

---

شتاينر.. ليش ما تحول اسمك لياماتو نمبر دو.. لووول.. لا صدق.. انت شو تدرس يا فتى..

---

انا ادرس هندسة شبكات , وإن شاء الله رح أتخصص بالشبكات اللاسلكية قريبا , بس إدعيلي :bigeyes:
اما عن اقتراحك بخصوص تغيير اسمي .. فأنا رح أرفعه للسلطات العليا لتفتي فيه :09:

ياخي احس مجال مثل المجال اللي تدرسه.. يشبك براسي بشكل غريب...
خصوصا التسميات اللي اسمعها احيانا.. :blackeye:

بالتوفيق يا باشا..

اقتباس:

---

عصفور.. انت خلصت امتحاناتك.. وبشرنا بالنتايج..

---

أنا خلصت الإمتحانات أمس بس النتايج بعدها
ولكن عطونا رقم وباسورد لموقع المدرسة عشان نطلع الدرجات
وهذا الموقع www.hamadsch.com
ورقمي 103002912 والباسورد 13953
ويقولون لنا لا تراوون باسورداتكم لأي حد XD
إن شاء الله الدرجات تنزل هالأسبوع ولو جربت الحين بتطلعلك شهادة الفصل الأول
هالسنة مو مهمة المووهم السنة الياية
والأهم متى بخلص تنزيل هالفلم إلي قاعد أنزله الحين
العالم كل شافتها وأنا ما شفته ...فلم عوكل !!!

شو يعني يا عـ.... عفوا ايماد تبي تخرب على موضوعي؟؟؟
رح أسوي مقابلات رح أسوي من فوق خشمك ~_^ J/k

آسفوه جربت ما قدرت أدخل حتى >_< <<< ملقوووووف

عندي سؤال آسفوه شو معنى اسمك؟؟

اقتباس:

---

Trapped Inside
متى إمتحاناتك وصف كم إنت؟؟

---

السبت هذا .. ثاني ثنوي ..

لينا ؟ وش تدرسين واي قسم وكم معدلك؟ لوول

اقتباس:

---

السبت هذا .. ثاني ثنوي ..

---

ثاني ثانوي مثلي بس إحنا خلصنا هالسبت وإنت بتمتحن السبت الياي...
مع إني المفروض أكون ثالث ثانوي هالعام بس ...أنا من بقى ما قلت له هالحكاية._.

اقتباس:

---

عندي سؤال آسفوه شو معنى اسمك؟؟

---

سهله جدا
A+S+F وهم الأحرف الأولى من ثلاث أسماء
وبالمصادفة طلعت آسف وصار كل حد يستنتج هالمعنى وما فرقت عندي
ونكمل بقية الحكاية عن الـ4ever
أنا شاركت بالمنتدى بإسم asf ولكن عضيتي ما تفعلت ورديت للمنتدى عقب فترة وشاركت وقلت أحسن شيء أضيف الـ4ever
وفي إيميلي كان فيه 4ever ولكن إنسرق وسويت lover وبعدين ما أدري شو بحط..
ولكن في النهاية المعنى إلي كنت أقصده للإسم صار مستحيل وما له معنى -__-

اقتباس:

---

آسفوه جربت ما قدرت أدخل حتى >_< <<< ملقوووووف

---

روح القائمة إلي فوق وبتحصل مكتوب "نتائج الطلاب"وأكت الرقم والباسورد وبينقلك لصفحة .pdf

الحمد لله إني كتبت الرقم والباسورد هنا لأني ضيعت الورقة...

يا جماعة، مالكم على اسمي.. وش فيه.. والله تبون الصدق..

اذا تبونه.. فأنا مجبر اعترف.. اول كنت افقش بالمسنجر واقول انه يرمز لذكرى قديمة.. ومن هالخراط

لكن حان الوقت.. وخصوصاً واني شايف فلم الخنبقة.. مملكة الجنة.. اللي طلع فيه خالد النبوي

واتحفنا بلغته الإنجليزية.. ودوره البايخ.. - في البلوق تلقون التفاصيل - .

معنى النك : ايام ماكنت في الثانوية.. ايام الدجة.. كنت جالس مع شباب توني متعرف عليهم..

وكان فيه بطولة عربية وقتها.. ومن وقتها وانا احب اسخر من بعض اللاعبين المصروعين..

كان فيه لاعب مغربي.. اسمه.. خوباش.. او شي زي كذا.. وفيه صرع الظاهر.. الكورة يمين وهو شمال.

لدرجة ان اسمه انحفر في بالي، وبعد المباراة.. لعبنا ويننج اليفن.. وحطيت All-attack مدري ليه كنت مستانس..

يعني خربتها.. ومع كل هجمة.. وهدف، صرت اقول.. خوباااااش.. خوبااااش.. والظاهر الشباب سمعوها خوباج..

ف صار لقبي مع الوقت هناك خوباج.. ولزق فيني هاللقب بشكل مدري وش يبي.. ماتخلصت منه الا قبل سنتين ثلاثة

that's it

بالنسبة لي.. ماعندي اسئلة.

عندي سؤال للاخ E-mad
انت تلعب راجناروك "السيرفر Qro" ؟
لانو اسمك كأني شايفه مألوف لدي
وظيفتك merchant في اللعبة ؟

اقتباس:

---

عندي سؤال للاخ E-mad
انت تلعب راجناروك "السيرفر Qro" ؟
لانو اسمك كأني شايفه مألوف لدي
وظيفتك merchant في اللعبة ؟

---

E-mad يلعب راجناروك @_@
أنا كنت ألعب راجنارو aRO
وين هالأيام السيرفر مسكر الحين-__-


خوباج
قصتك مع الإسم غريبة فعلا XD

اقتباس:

---

أنا كنت ألعب راجنارو aRO

---

مالقيت غير تختار السيرفر العربي :31:
اسوأ سيرفر ياشيخ

حسين
لا E-Mad اختصار لـElectronic Madness
معناها الجنون الالكتروني و بشكل مشابه للبريد الالكتروني (E-Mail = Electronic Mail)

ايه و العب كل شي ما عدا العاب الRPG و البلاتفورم زي طقة كراش و راتشيت
مع استثناء سونيك و ماريو طبعا:biggthump

مستر ارنب
الفصل الجاي مشروع التخرج ان شاء الله
لذا توني ما حددت
اما اهتمامي فهو تجاه قواعد البيانات اكثر شي و مواقع الانترنت و شوية شبكات
اما السباحة فهي ثاني الرياضات المفضلة عندي :)

اسف
ذكريات صف كم :D
انا بصف رابع جامعة \ب :09:

ياماتو
ما تذكرتك بس افتقدت توقيعك :biggthump
اما سؤالك فلا موب للشات اعوذ بالله من الشات و اشكاله
الدعوة اسئلة تخلي الكل يتعرف على الكل
موب مثل كيف الحال او مين متصل الحين و من هالخرابيط
نبي اسئلة خاصة بالاعضاء

مستا كو
لا ما انتبهت لموضوعك الا متأخر:)
بعدين موضوعك موجه للشخصيات الكبيرة
هالموضوع للشخصيات المتواضعة او الunderdogs حالاتي :09:
ودي اشتهر ياخي

ديدلي سبوت
لا اول مرة اسمع بهالاسم حتى :31:


سؤال لاكثر من عضو
لاحظت ان بعض الاعضاء يختار يحط نقطتين بعد اي جملة بهالطريقة ..
لها معنى و الا بس كذا؟
و ليش نقطتين بالذات؟

اقتباس:

---

المشاركة الأصلية كتبت بواسطة E-Mad

حسين
لا E-Mad اختصار لـElectronic Madness
معناها الجنون الالكتروني و بشكل مشابه للبريد الالكتروني (E-Mail = Electronic Mail)

ايه و العب كل شي ما عدا العاب الRPG و البلاتفورم زي طقة كراش و راتشيت
مع استثناء سونيك و ماريو طبعا:biggthump

---

I see :biggthump
ما بتحب الأربيجي :vereymad: عاد عشاق متل جير ( و أنا منهم ) متعودين على العروض الطويلة :09:
احم ... تلعب كراش و ما تلعب ماريو و سونيك ؟؟ :sad2:
غريب :33:
طيب فكركم ليش أخونا Trapped Inside اختار هذا الاسم الغريب ؟ :196:

وراك عكست الموضوع
انا اكره كراش و طقته
احب سونيك و ماريو بس من العاب البلاتفورم
بعدين انا احب العروض الطويلة صحيح
لكني احب الاثارة اكثر
العاب الار بي جي اغلبها يعتمد على نظام قتالي استراتيجي
بحيث انك تختار امر و الباقي على الشخصية
لكن طبعا في العاب اسلوبها القتالي عادي و هي الي جربتها و اعجبتني لكن للاسف الالعاب الجديدة تركت هالاسلوب ما عدا زيلدا و اللي على الجيم كيوب و اللي ما اشتريته و دارك كلاود اللي احسها طفولية بالنسبة لي

أنا كنت حاطه في بالي إنه خوباج كان ملك أو حاكم ..
وأنا ماعرف في التاريخ فقلت هيه .. أكيد واثقه بعد :biggthump..
طلع ورا الإسم قصه .. هههههه.

اقتباس:

---

لاحظت ان بعض الاعضاء يختار يحط نقطتين بعد اي جملة بهالطريقة ..
لها معنى و الا بس كذا؟
و ليش نقطتين بالذات؟

---

بالنسبه لي ..
أعتقد عاده!
تعودت يعني ..
مادري ..
يمكن شكل الكلام أرتب ؟ ..
هيه .. أظن ..
هههه .. مصختها ..

ماعندي أسئلة الحين, إذا طلع شي برجع.

Hi every body

اقتباس:

---

المشاركة الأصلية كتبت بواسطة Yamato

والحمدلله اليوم خلصته واصبحت شبه رسمي بشمهندس (يا حلو اللي يمدح نفسه بس)

---

Welcome to the club يا باش مهندس.....

ألا أيش تخصصك؟؟؟؟(أنشاء الله ما يطلع نفسي بس :grumble: )

اقتباس:

---

المشاركة الأصلية كتبت بواسطة E-Mad

ايه و العب كل شي ما عدا العاب الRPG و البلاتفورم زي طقة كراش و راتشيت
مع استثناء سونيك و ماريو طبعا:biggthump

---

ما شاء الله نفسي بالظبطء :D

اقتباس:

---

المشاركة الأصلية كتبت بواسطة E-Mad

احب سونيك و ماريو بس من العاب البلاتفورم
بعدين انا احب العروض الطويلة صحيح
لكني احب الاثارة اكثر
العاب الار بي جي اغلبها يعتمد على نظام قتالي استراتيجي
بحيث انك تختار امر و الباقي على الشخصية
لكن طبعا في العاب اسلوبها القتالي عادي و هي الي جربتها و اعجبتني لكن للاسف الالعاب الجديدة تركت هالاسلوب ما عدا زيلدا و اللي على الجيم كيوب و اللي ما اشتريته و دارك كلاود اللي احسها طفولية بالنسبة لي

---

:biggthump indeed indeeeeeeed:biggthump
بس الفرق اني عندي كيوبء

صحيح نسيت اسأل بعد
وين DreaM ؟
من زمان مختفي

وراك.. سحبتا.. علي .. يا مال اللي ؟

خوباج أخيرا عرفت معنى أسمك

finally Now I can sleep

سؤال للأخ حسين أحدعش

بما أنك مقيم في الأردن

ممكن تقول لي من وين تدبر ألعاب الكيوب؟؟؟

أصلا هل محلات الألعاب هناك يعرف شي أسمه ك ي و ب ؟

اقتباس:

---

المشاركة الأصلية كتبت بواسطة hussien-11

I see :biggthump
ما بتحب الأربيجي :vereymad: عاد عشاق متل جير ( و أنا منهم ) متعودين على العروض الطويلة :09:
احم ... تلعب كراش و ما تلعب ماريو و سونيك ؟؟ :sad2:
غريب :33:
طيب فكركم ليش أخونا Trapped Inside اختار هذا الاسم الغريب ؟ :196:

---

اسمه القديم كان سعودي 2002 .. كان خدمي (&)

اتوقع انه اختار ذا الاسم عشان اللي بالي باله و يبدأ بحرف السين :p <<<< يبي حرش :196:

اقتباس:

---

و ليش نقطتين بالذات؟

---

هو معناها كأنك تسكت و تكمل كلامك ( على الاقل انا كذا فهمتها (&) )

اذا نقطة صارت نهاية سطر و ثلاثة قلبت مصخرة .. اذا اثنين عدد موش بطال :biggthump

كيف تقدروا مشالله تندمجوا بسرعة مع المنتدى اذا غبتوا بالشهور بعدين رجعتوا -_____- <<< يشكي همه :blackeye:

intersting story ko ko

@_@


دينلسون هههههه الله يرجك
ورا كلن يسال عن تخصصي
لهالدرجة شكلي طالبه علم @_@
ههههههه

تخصصي: علوم الحاسب اللألي...
المعدل :بسم الله علي تفو مشالله A بالثلاث سنوات ..هههه:embarasse

اقتباس:

---

المشاركة الأصلية كتبت بواسطة Justine

اذا نقطة صارت نهاية سطر و ثلاثة قلبت مصخرة .. اذا اثنين عدد موش بطال :biggthump

كيف تقدروا مشالله تندمجوا بسرعة مع المنتدى اذا غبتوا بالشهور بعدين رجعتوا -_____- <<< يشكي همه :blackeye:

---

ويش مصخرة XO انا غالبا احط ثلاث نقاط خاصه بالمسنجر

هههههه

والاندماج
hmmm
it feels like home XD

سؤالي للاعضاء اللي يستخدمون XD وش معناها :31:

اقتباس:

---

المشاركة الأصلية كتبت بواسطة E-Mad

العضوة little-angel
انت سعودية و الا كويتية و الا اماراتية ؟!
لان المكان مكتوب KSA لكن لهجة ردودك موب حولها :31:

---

الجواز أخضر .. يعني سعودية أبا عن جد ^.^
ولهجة ردودي موب حولها ..علشاني تربية الكويت ..

موضوع حلو ..بس مافية اسئلة حاليا ..

اقتباس:

---

المشاركة الأصلية كتبت بواسطة القــعـقـاع

سؤالي للاعضاء اللي يستخدمون XD وش معناها :31:

---

معناها

واااااهااهاااهااااااي

Here you are

http://images.urbandictionary.com/view/large/16635.jpg

أو

http://images.urbandictionary.com/view/large/11564.jpg

سلم لم

سميقل, شهالتوقيع الماصخ :afraid: ؟!

اقتباس:

---

المشاركة الأصلية كتبت بواسطة ثريول

سميقل, شهالتوقيع الماصخ :afraid: ؟!

---

ولا شي.......بس شفتها شايله الميكرفون تذكرت توقيعي هذا :reporter: قلت أضمها للفريق

يعني لين متى بتم شايل الميكرفون بروحي :28: أعطيها فرصة تساعدني بدال ما تغني، مب أحسن؟

وأنت يعني ما دققت الا عليها يعني؟؟؟؟

حتى صورتي القديمه غيرتها من عقب ما كنت مكشر :12: صرت مبتسم :D

وحتى مكان الأقامه، أنتقلت لمكان أرقى من فريجنا القديم بس علشان أكتبه لكم في المنتدى.

عموماً I am glad أنه عجبك.

اقتباس:

---

لينا
ماستر ارنب
@_@
بورر..
الي جنب عنيي...
الي جنب الررر..
الي جنب الخب...
ها ها ها !_! ؟؟

---

بالضبط .. :05:

اقتباس:

---

أسف
سيد أرنب
كم عمرك وشو تشتغل؟؟

---

حول عمر ياماتو الله يحفظه ..

أولاً كنت في الشبكات و أمن المعلومات .. والأن في الإشراف على قواعد المعلومات ومستودع المعلومات Data Warehousing

اللللله الللله

كل هالكشخة والزين من عندنا

من قدنا احنا اهل الق......@_@




سميقل: توقيعك T_T لييييييييييييييييه لييييييييييييييه
هههههه

=========
XD
هي وحد متقطع من الضحك الاكس عيونه والدي هو فمه المنشكح

توقيعك سميقل يذكرني بالام علايه ..

عموما ..

سؤال للجميع ..

اشمعنى انتو كلكم تقدرون تدخلون المنتدى وانا لا؟ انا ادخل من الكليه عادي بس من البيت لا .. اخاف ارد المنتدى عقب كم يوم والقاه chaotic ..

اقتباس:

---

ولهجة ردودي موب حولها ..علشاني تربية الكويت ..

---

ما تحسين يحتقرونك لما يعرفون ان لكي صلة بالكويت؟؟ (أنا يصير لي نفس الشي -_- )

اقتباس:

---

بالضبط .. :05:

---

ما أحبك يعني 0_× J/k
الصراحة هم حبوبين أهل القـ.... كلهم بس أسوأ معاملتها تلقيتها في حياتي منهم T_T
بوه سبب ولا ما بوه ^_^؟

وانجل ما فهمت بس مشكلتك ~_^

اقتباس:

---

المشاركة الأصلية كتبت بواسطة Mista Koo

ما تحسين يحتقرونك لما يعرفون ان لكي صلة بالكويت؟؟ (أنا يصير لي نفس الشي -_- )

---

يحتقرون !!
لا ماعمري حسيت بهالشيء ..أصلا ليش الاحتقار ؟ اهل السعودية هم اهل الكويت .. الخليج كله واحد..مافيه فرق
وبعدين اللي يسوي هالشيء مايحتقر الا نفسه ..

اقتباس:

---

المشاركة الأصلية كتبت بواسطة Angel whisper

توقيعك سميقل يذكرني بالام علايه ..

عموما ..

سؤال للجميع ..

اشمعنى انتو كلكم تقدرون تدخلون المنتدى وانا لا؟ انا ادخل من الكليه عادي بس من البيت لا .. اخاف ارد المنتدى عقب كم يوم والقاه chaotic ..

---

منXtra net يمكن :jap001: <==هذا الوجه يذكرني بـGuu

ميستا


لا تعمم T_T
هم الله يهديهم فيهم شر..

بس طلعو بنات وعيال يهبلون مثلي انا وارنب (&) وغيرنا كثير

قدرت ادخل الحين يالقعقاع -___-

انزين سؤال لك .. ليش غيرت اسمك .. كان اسمك سيرج .. ولا انا غلطانه؟

اقتباس:

---

ما تحسين يحتقرونك لما يعرفون ان لكي صلة بالكويت؟؟ (أنا يصير لي نفس الشي -_- )

---

:31:

يحتقرونه و هو كويتي ؟ وين صارت.. منو اللي يحتقرونك ؟

تأسيسي يابو و ما عمره أحد احتقرني, واللي بقلبه سواد ما تشوف منه الا حراق قلبه ليش مو كويتي.. الله يعزنا بس


من وين انت ميستا ؟ و صحيح اسمك يعني مستر كول بس عالسريع ؟ :blackeye:

الا صج سميقل @@ شنو سر ارتباطك بهالشخصيه البشعه ؟ =_= مع العلم ان ما شاء الله شتاااااااااان ما بينكما :p و من وين انت ؟ من لهجتك مرات اقول سعودي و مرات ايماراتي و مرات و مرات...

بالنسبة لى أنا ماعندى سؤال خاص لعضو معين .


لكن اللى يحب يستفسر عنى بأى سؤال .. أنا ماعندى مانع فى الإجابة . ‍‍




ســـــــــلام

أنا سعودي بس عندي ارتباط بالكويت بطريقة أو بأخرى
بس لما أقول مثلا اني كنت بالكويت ولا شي زي كذا في السعودية
يحقدون علي وبس يعيبون وكذا
والسعوديين يكرهون الكويتيين والكويتيين يكرهونهم (حسب ما سمعت)
أنا محايد بسبب الارتباط هذا ^_^

وأنا اسمي سابقا كان مستر كوول بس اكتشفت ان في اثنين غيري مستر كوول ومسجلين قبلي فشلت كم حرف على الأساس حركة 0_×

لا مانت أبخص مني و من ليتل انجل, لو لك صله بطريقه او باخرى بالكويت فحنا أصلنا ما طلع الا من هالديرتين

تطمن مافيه حقد و كره الا وسط المبزره... وين خبرنا بهالسوالف منذ مبطي :31:

وش سالفه الكويتين والسعوديين ذي??O_o
بلا خرابيط بزران
الي تفكيره كذا مسكين مريض وللحين في العصبيه القبليه
كلنا اخوان واحبااااااااااااااااااب وكلن فيه خيرXD ياملحنا كلنا


تيدوس: انا مثلك ابي اعرف سميقل من وين؟

بي روك من وين طلعت ؟!

من زمان عنك .. ما شاء الله زين بعدك تتذكرنا ^____^

تيدس ولينا:
سميقل قطري.

اقتباس:

---

المشاركة الأصلية كتبت بواسطة Kubaj

وراك.. سحبتا.. علي .. يا مال اللي ؟

---

ما ادري من المقصود :31:
بس اذا كان انا فما جحدتك
عرفت معنى اسمك اخيرا و هذا الي كان مطلوب

بعدين شباب ترى الموضوع اخاف يقلب شات و يزعلون علينا المراقبين
ركزوا جهدكم على الاسئلة الي تهمنا بخصوص الاعضاء وش علينا من حب السعوديين للكويتيين و العكس صحيح؟!

هيه من الحين اي رد خارج الموضوع بينحذف ..

feel my wrath ..

همم ..

مادوه .. ليش الناس يشبهونك بعماد؟

اي عليهم انجلوه :31:

بخصوص السؤال
يمكن لاني احب ميتل جير و اكره الشيعة و جامعي <<== مواصفات 3 ارباع اعضاء المنتدى
هذا الي عرفته عنه حتى الان

ممكن برضو لان فيك نفس قوة الاسلوب مايهمك احد

اسلوبي قوي؟
شلون؟
ما قد تهاوشت مع احد حتى اطلع قوتي:09:

لا يعني احيانا تقول كلمات قوية في موضوع معين ... كونك لطيف امر مب مرررررة مهم بالنسبه لك
اهم شي تقول الي بقلبك مثل ماهو...مب لازم هوشة
بس بصراحه

انت ارحم منه:S

خلاص اجل دامي ارحم منه ليش حابين تتذكرون هالوحش - هذا الي فهمته من كلامك :D - ؟
و لو انك اول بنت تشتكي منه الرسايل الخاصة في انواع الرسايل من الجنس اللطيف الي تتهمني بهالاتهام

ماقلت وحش = =
بس انا افضل الناس الي لطيف كلامها ..يخوفون الي كلامهم قوي...ماتدري وش يطلع منهم :P

اني وي :
انجل ... ليش ماتجين السعودية؟<==لانه انا مافي امل اجي الامارات..

الموضوع وصل للصفحة الرابعة خلال 24 ساعة :jap042:، ناجح بشكل:jap017:
لوول ما عندي أسئلة حاليا :jap038: ما خليتولي شي ينسأل أصلا XD

@ Lena:
والله مفلسين -_- واللي يسافرون منا الظاهر شايفيني رفيقة ما تونس في السفر :p
عموما اذا سافرت السعودية ما بسافر غير مكة والمدينة وابها .. هاذي سفرات العايله .. وما اعرف حد للاسف من هالثلاث اماكن ^^

امم
@ Arnooob:
شو سر اهتمامك بالثقافات الشرقية؟ *اليابان - الصين - كوريا*

وي يا لينا صرتي تخوفي #_#

العنصرية في دمنا شئنا أم أبينا .. حتى يوم فاز هشام بلقب أكاديمية الشيطان غنى مع احمد انا الخليجي وسط اللبنايين :o ..

ما عنديش أسئلة و اللهي .. ما فيني احدد عضو .. لسة Confusing ما اندمجت ..

for the last time ..

اي رد خارج عن الموضوع بينحذف. اذا عندكم سؤال اسألوه .. ما عندكم لا تردون في الموضوع .. تناقشو عالخاص ..

ومشكورين عالاستماع ..

اقتباس:

---

المشاركة الأصلية كتبت بواسطة E-Mad

اي عليهم انجلوه :31:

بخصوص السؤال
يمكن لاني احب ميتل جير و اكره الشيعة و جامعي <<== مواصفات 3 ارباع اعضاء المنتدى
هذا الي عرفته عنه حتى الان

---

3 أرباع أعضاء المنتدى جامعيين :06:

اليكم سؤالي نياهاها : Angel Whisper متى اخر مرة أغلقت موضوع ؟ حاسك معصبة شوي :09:
( طبعا هيك ضمنت ردي ينمسح :05: )

مستا كوو : أموت و أعرف معنى اسمك :33: و ليش غيرت اسمك القديم ؟ :vereymad:

سلام

E-mad

ايش قصة توقيعك ترى مافهمت شي


في خدمتكم

خوبااااااااااااااااج!
لو سمحت ايميلك الجديد يا الطيب .. ووين شوشه ما ينشاف واخبار اليكس والشباب انشالله بخير ...
و الصراحة استمتعت بقراءة يومياتك او بالمصطلح الافرنجي البلوج !
عن فيلم ممكلة الجنة عندي عدة ملاحظات ...

1- لاحظت اظهار ان المسلمين بانهم فازوا بكثرة العدد وهذا خطأ 100% لو ترجع للتاريخ كان عرفت انه صلاح الدين مخطط عسكري فذ !

2- مقطع لصلاة المسلمين يكونوا متفرقين ما ادري ليش !

3- في مقطع للفرنسية اللي عاجبتك تقول " thier prophet told them to submit but jesus told us to choose"
أو شي زي كذا

4- شكل صلاح الدين في الفيلم كانه عربي .. وهذا خطا المفروض يكون كردي بس هذي عادي نمشيها

5- في مقطع صلاح الدين في الفيلم يسال واحد من اللي معاه .. كم غزوة فزتوا قبل ما انا اجي .. قال اللي معاه مو كثير .. فتوحات الصحابة كلها مو ماليه عينه ..

6- في مقطع بعد انتصار المسلمين فيه احتفال طلعوا فيه المسلمين بطريقة غجرية بعضا ما !

هو اكيد الفيلم كان محايد أو تقدر تقول بعض الشي في صف المسلمين وهذا رايي بس هذي بعض الملاحظات
انا ساكن في امريكا في مدينة اكثر اهلها متمسكين بالمسيحية nashville tennessee وفي الفيلم في ناس شكلهم متدينين ما عجبهم الوضع فطلعو من السينما :09: ...

احم احم ادري اني خرجت عن الموضوع بقوة بس كنت احاول الاقي خوباج :bigeyes:
سلامز!

E-MAD
ايش قصة السيقان ذي :p

اقتباس:

---

المشاركة الأصلية كتبت بواسطة Lena

ممكن برضو لان فيك نفس قوة الاسلوب مايهمك احد

---

خخخخخخخخخ
والله صادقه
الاخ هذا ماعنده رحمه اي شي غلط يلقاه راح يتكلم عنه ولو كان فيه زعل :09:
واكيد راح يتكلم علي الان :o

اي-ماد.. طيب ياخي رد وقل شاطر.. واو قصة رهيبة.. ولا شي.. ترا مهما كان.. أظل انسان

لي بطارية.. وهي ماتدوم.. وتدوم وتدوم.. مثل الأرنب الوردي ؟! :06:

عندي سؤال.. ل سنورلاكس.. ماعندي ايميل.. خلاص قفلنا ؟ :31:

سؤال لخوباج.

كم سرعة الإيميول عندك؟ سكره وعطنا شوية هوى :31:

اقتباس:

---

المشاركة الأصلية كتبت بواسطة Angel whisper

قدرت ادخل الحين يالقعقاع -___-

انزين سؤال لك .. ليش غيرت اسمك .. كان اسمك سيرج .. ولا انا غلطانه؟

---

بغيت اربط اسمي بشخصية افضل....تطور في التفكير يمكن :33:

اقتباس:

---

المشاركة الأصلية كتبت بواسطة Angel whisper

تيدس ولينا:
سميقل قطري.

---

صاحيه يا مال العافيه، ما ينخاف علي?، والله عفيه على اللي حط? مراقبه :bigeyes:

اقتباس:

---

المشاركة الأصلية كتبت بواسطة Tidus

:31:

الا صج سميقل @@ شنو سر ارتباطك بهالشخصيه البشعه ؟ =_= مع العلم ان ما شاء الله شتاااااااااان ما بينكما :p و من وين انت ؟ من لهجتك مرات اقول سعودي و مرات ايماراتي و مرات و مرات...

---

السر هو فير اند لفلي........==>ما عليك أستهبل:09:

أنا ما أدري ليش بس من يوم كنت صغير وأنا أميل للشخصيات الشريره:ds005: سواء في الرسوم المتحركه أو الأفلام، تصدق حتى في الفيديو جيمز.!!!!!!.....

يكسرون خاطري دايماً يخسرون....أسطورتي اللي أحبها في الأفلام هو هانيبال (أنتوني هوبكنز) اللي في فلم صمت الحملان....ولو أنه ما عجبني وايد في الجزء الثاني:31: .

في السوم المتحركه : يوكو كميا -ذات الحاجبين العريضين- (رانزي)، قط البكتيريا (رغيف العجيب) ، بشوره (طمطوم) ، السيده سو (مديرة مدرسة الأجيوكو في كبامارو)

عموماً نرجع لسميجل: أنا أموت في الشخصيات اللي تححححححر و تقهررررر:ds001: .
يا أخي اللي يعجبني فيه أنه يرفع الضغط بمجرد النظر إليه، وفي نفس الوقت يكسر الخاطر- خاصةً المشهد يوم كان قاعد يكلم أنعكاس صورته عند البحيرة.:jap005: ....
بس...

اقتباس:

---

المشاركة الأصلية كتبت بواسطة Angel whisper

توقيعك سميقل يذكرني بالام علايه ..

عموما ..

---

http://i5.photobucket.com/albums/y18...irit/ddddb.jpg
والله زين أوحيتيلي بتوقيعي القادم:Thinkingo ......

وحليلكم أنتو ياقوم زايد، اموت انا في رمستكم والله:jap001:

hussien:
يمكن عشاني البارحه فاتحه موضوع :06: ؟
لا بس ما احب اعيد نفس الرمسه مرتين ..

القعقاع:
Interesting.

سميقل:
طبعا لازم اعرف ..
I care about my property .. err .. people ..
والله فديتني انا محد مقدرني .. انا اصلا احسن مراقبة في المنتدى كله . حتى انه مشرف الالعاب طرشلي رساله وقالي انتي استوي مشرفه بدالي .. بس انا ما رضيت قلت حرام مب زين هاذي شهرة :31:<< استخفت عالصبح ..

سميقل صدق يكسر الخاطر .. صدق تعذب في حياته مسكين :o

ههههههههههههههههههه الله ياخذ ابليسك . تقطعت من الضحك وانا اشوف توقيع بالخير .. يا ريال البنات يطالعوني يتحسبوني تخبلت :06:


سؤال لـ asfooh
متى بديت تشوف انمي؟

اقتباس:

---

سؤال لـ asfooh
متى بديت تشوف انمي؟

---

هممم ما أذكر بالضبط
بس أعتقد إني بديت في أنمي دراغون بول زيد كنت أنزله من الكازا والأيمش
بعديه قمت أنزل من المواقع وعرفت الأنمي على أصوله مثل d.n.angel
وبعض الأنميات إلي تترجمت بالمواقع بس شفت منها حلقتين أو ثلاث مثل noir
وأذكر بعد قمت أخذ سيديات ناروتو وكانت أول مرة أشوف فيها أنمي avi !
لين ما ركبنا الـdsl وإشتغلنا على التورنت قمت أشوف كل الأنواع
وأما قصتي مع المانجا >>> shut your mouth

&U ؟؟؟>>>(يذكرني بموضوع جاوب وأسأل XD )

انا؟ يوم كان عمري عشر سنين ..
احيد اول انمي شفته كان Street Fighter II .. اووه احيد متخبلين عليه كنا .. عشقت كين عشق بس .. ههههههه
طبعا كان بالانقلش وعلى فيديو .. ووياه بعد Vampire Hunter D ..
عقب يابولي مسلسل ستريت فايتر من المانيا .. ومسلسل اسمه The herioc legend of Arislan وBlood The Last Vampire و Record of Lodoss Wars ..
عقبها وقفت فتره ورديت شفت انجليك لاير وستار اوشن وكنشن .. وعاد يوم ركبت الدي اس ال قمت اشوف بروحي ..

السلام عليكم الجميع كيف الحال انشاء الله بخير انشاء الله تكونون بخير وعافية

بس عندي سؤال للاخ سميجل
ليش حاط صورة احلام في التوقيع وسلامتك

سلملم

اقتباس:

---

المشاركة الأصلية كتبت بواسطة بني مالك

بس عندي سؤال للاخ سميجل
ليش حاط صورة احلام في التوقيع وسلامتك

سلملم

---

علشان تسأل، وسلامتك
سلملم

كتبت رد وخبط المنتدى فانمسح .... تبن!
برد بعدين جالس اذاكر

بما ان مستر شوشه مر علينا ....

ما السر وراء الإسم "أبو شوشه" :p


خوباج :

ياخي ما حصلت الا سيرفر ألماني لواركرافت؟ .... ياخي العالم هناك ذبحوني .. ما يفهمون شي :p .. و بالمناسبه .. سرب لنا معلومات بخصوص شخصيتك هناك .. الإسم .. الكلاس ... المدينه ... الخ


سؤال للجميع .. و من زمااااااااان ودي اسأله ....

بعد مرور فتره محترمه من نزول الإيتسامات اليديده ... و ملاحظتي ان الإبتسامات اللي مسونها عجبتكم <<--- والله بيطير من الفرحه

شو رايكم فيها؟ ... حلوه و لا لأ؟

Doel desu

حسين
ايه لاحظت ان اغلب اعضاء منتدى الالعاب العام جامعيين

ديفل شيب
هذا كرت صلحته النوخذة اينجل ويسبر
و الصورة اللي فيه تناسبني هالايام بسبب الاختبارات و تذكرني بنفسي و انا اذاكر :09:

الغموض او الغامض
سالفة السيقان نظرا للطلب الشديد عليها بقول قصتها و مانب مسؤول عن النتايج :31:
[تم الحذف من قبل الإدارة - تحذير]
Happy now?

اقتباس:

---

خخخخخخخخخ
والله صادقه
الاخ هذا ماعنده رحمه اي شي غلط يلقاه راح يتكلم عنه ولو كان فيه زعل :09:
واكيد راح يتكلم علي الان :o

---

اتكلم عليك بخصوص ايش :06: ؟
الحق ما يزعل و انت ما جبت شي من عندك انا فعلا كذا:biggthump

Kubaj
شكرا على القصة :D ولا تزعل
بس انت ما كذبت لانه فعلا اسمك وراه ذكرى قديمة
هو صحيح ان الذكرى القديمة الي قلتها مو بنفس التصور اللي راح يتصوره الواحد لما تقول له ذكرى قديمة لكن تظل ذكرى حتى لو كانت خوبااااش و All Attack:biggthump

E-Mad

انت نفسك عماد 18 ؟

اقتباس:

---

المشاركة الأصلية كتبت بواسطة Mada Mada Dane

E-Mad

انت نفسك عماد 18 ؟

---

يا دي النيلة :31:

ارجع صفحة وحدة بس بتلقى تحقيق فيدرالي حصل بخصوص هالسؤال

على فكرة
و الله اني كنت بسأل عنك في هالموضوع اليوم بس انمسح مع ردي الي قبل الاخير
فعلا الطيب عند ذكره:biggthump

ممكن أعرف ايش اللي منعك تطلع من البحر وقتها :D

اقتباس:

---

المشاركة الأصلية كتبت بواسطة E-Mad

يا دي النيلة :31:

ارجع صفحة وحدة بس بتلقى تحقيق فيدرالي حصل بخصوص هالسؤال

على فكرة
و الله اني كنت بسأل عنك في هالموضوع اليوم بس انمسح مع ردي الي قبل الاخير
فعلا الطيب عند ذكره:biggthump

---

ههههه , معليش ماقريت الردود شفت الموضوع مباشره حطيت السؤال الي في بالي :p

وتسلم على السؤال , ماتقصر واصل ماشاء الله :D

...off topic

بما انه دويل موجود في الموضوع..
الرسمة اللي في توقيعك... بودي اشوف رسمات ثانية من نفس هالنوع... ممكن.. لو سمحت.. بليز... سانكيو... :jap035:

ولسميقل.. انا في الهندسة الميكانيكية... (اليوم سرت للدكتور وقالي خلاص انت نجحت.. بس ما تذكر درجتي كم -_-)

اقتباس:

---

المشاركة الأصلية كتبت بواسطة Yamato

بما انه دويل موجود في الموضوع..
الرسمة اللي في توقيعك... بودي اشوف رسمات ثانية من نفس هالنوع... ممكن.. لو سمحت.. بليز... سانكيو... :jap035:

ولسميقل.. انا في الهندسة الميكانيكية... (اليوم سرت للدكتور وقالي خلاص انت نجحت.. بس ما تذكر درجتي كم -_-)

---

انا دوم موجود .. انتو بس ما تدرون :ds022:

بالنسبه للصور .. صدقني ياخي من هذاك اليوم في الشات و انا انتظر الإلستريتر اليديد ينزل عشان احطهم لك نظاف و حلوين .. سب اصبر علي اسبوع و اذا ما نزل .. بحطهم كما هم فريش من السكانر

هندسه ميكانيكيه عيل .... Yamato-senpai

Doel desu

الاخ اي ماد ..

انت ذكرتني بواحد .. يوم قلت "خوباش" .

وش يقرب لك E-man ??


اي مان هذا عضو فطس "منذو مبطي " .. والله اعلم به .

الله يذكره بالخير ..

اقتباس:

---

المشاركة الأصلية كتبت بواسطة HArb200

الاخ اي ماد ..

انت ذكرتني بواحد .. يوم قلت "خوباش" .

وش يقرب لك E-man ??


اي مان هذا عضو فطس "منذو مبطي " .. والله اعلم به .

الله يذكره بالخير ..

---

إيه والله .. الله يرحم أيامه , ده كان راجل طيب , وين إختفى ؟؟ ترى انا اول ما شفت اسم اي ماد فكرته هو نفسه بس مغير اسمه :sad2:

عندي سؤال لياماتو ..
لو خيروك تعمل عملية تجميل ويطلعوا شكلك مثل راغب علامة أو عمرو دياب أو جورج وسوف .. مين تختار ؟؟ :09:

سؤال لاسف : شو هدفك بالحياة ؟؟ :196:

كمان لبنتيوم : لو قالولك تعمل عملية جراحية خطيرة لشخص و لو نجحت فيها يعطوك مليون دولار ويعينوك عميد الدكاترة بالعالم , اما إذا فشلت بتنسجن سنتين .. شو بتختار ؟؟ :blackeye:

اقتباس:

---

المشاركة الأصلية كتبت بواسطة Yamato

ولسميقل.. انا في الهندسة الميكانيكية... (اليوم سرت للدكتور وقالي خلاص انت نجحت.. بس ما تذكر درجتي كم -_-)

---

أولاً
ألف مبروك......يالله عاد شد حيلك.

أنا أول ما تخرجت وأخذت افادة التخرج قعدت شهرين قدمت على وظايف وسويت شوية مقابلات

بعدها سافرت شهرين (كانت من أحلا السفرات)، بعدين رجعت وقعدت شهر أطيب خاطري من بعد معاناة الجامعه، بعدييييييييين أشتغلت.

ثانياً
Damn it.....:jap025:

كنت حاس والله .......نفس تخصصي يا فتى!!!
:o بس ترى الميكانيكا من أقوى التخصصات في مجال العمل واكثرها طلباً....

________________________________________________________

الأخ حسين أحدعش........

:12: مش ملاحظ أني سائلك سؤال من قبل؟؟؟؟

وين الرد؟؟؟

القعقاع ..
كم عمرك ؟؟
*توها شايفه الصورة في موضوع مستاكوه*

...off topic

اقتباس:

---

[تم الحذف من قبل الإدارة - تحذير]

---

يا لهوي :afraid:
الرد ما تم 38 دقيقة ما شاء الله عليك
شكلك مركب جهاز مراقبة علي :sad2: ؟
المشكلة حاولت قدر الامكان اني ما اخش في العميق بس ردك يوحي باني كنت كاتب فيلم خلاعي بالنسبة للي ما قروا الموضوع
طيب ممكن اعطي القصة للي يطلبونها على الخاص؟
لانه من جد شكلك جالس تراقبني :09:

المهم
حسين
اي رجال يفهم ليش ما طلعت من البحر:196:

هارب
لا و الله ما يقرب لي و لا اقرب له
الحين منتدى فيه فوق ال200 الف عضو بتجلسون تقعدون لكل عضو انت فلان و انت علان؟
والله انكم رايقين:biggthump

اقتباس:

---

المشاركة الأصلية كتبت بواسطة E-Mad

يا لهوي :afraid:
الرد ما تم 38 دقيقة ما شاء الله عليك
شكلك مركب جهاز مراقبة علي :sad2: ؟
المشكلة حاولت قدر الامكان اني ما اخش في العميق بس ردك يوحي باني كنت كاتب فيلم خلاعي بالنسبة للي ما قروا الموضوع
طيب ممكن اعطي القصة للي يطلبونها على الخاص؟
لانه من جد شكلك جالس تراقبني :09:

المهم
حسين
اي رجال يفهم ليش ما طلعت من البحر:196:

---

بدك الصراحة .. ما فهمت !!!!! ( صدق مو مزح ما فهمت ) .. المهم .. بعدك بالبحر ؟؟ :afraid:
صح انت ضروري تنبه مشرفنا للخاص ؟؟ :09:

أشوف سؤال لواحد من الأعضاء اللي متابعين الموضوع يمكن يرد لانه ما في حد غيرك جاوبني ..

smigle : ليش اخترت شخصية سميجل بالذات لاسمك ؟؟؟ مش لاقي غير سميجل ؟؟ لو فرودو بستوعب الفكرة ... بس سميجل !!!

اذا ما فهمت من روحك فما اقدر افهمك اكثر :31:
لا ما جلست في البحر
من شين الموقف تذكرت ان الشي الي منعني من الخروج للبحر هو نتيجة لزيادة نسبة جريان الدم في تلك المنطقة
و من الناحية العلمية لما تحبس نفسك او تبذل مجهود فراح تزداد سرعة جريان الدم على الرئتين اكثر
لذا حبست نفسي لمدة معينة و ربك ستر

لا موب ضروري انبهه عن الخاص بس من زود الروعة خصوصا و انه حاط لي تحذير شديد اللهجة بعد

Doel

وش معناة اسمك ؟

اقتباس:

---

المشاركة الأصلية كتبت بواسطة E-Mad

اذا ما فهمت من روحك فما اقدر افهمك اكثر :31:
لا ما جلست في البحر
من شين الموقف تذكرت ان الشي الي منعني من الخروج للبحر هو نتيجة لزيادة نسبة جريان الدم في تلك المنطقة
و من الناحية العلمية لما تحبس نفسك او تبذل مجهود فراح تزداد سرعة جريان الدم على الرئتين اكثر
لذا حبست نفسي لمدة معينة و ربك ستر

لا موب ضروري انبهه عن الخاص بس من زود الروعة خصوصا و انه حاط لي تحذير شديد اللهجة بعد

---

يعني انت غاطس !! تحت المااء ؟؟ !!

طيب احكي هيك من أول !!! خلص فهمت :D

الله يعينك .. لو حد ثاني مكانك كان ما طلع من تحت الماء :09:

smigle where are you ? :06:

أخوي احنا بنسأل و لا حياة لمن تنادي .. لازم تلاقيلنا حل ..

اقتباس:

---

المشاركة الأصلية كتبت بواسطة hussien-11

smigle : ليش اخترت شخصية سميجل بالذات لاسمك ؟؟؟ مش لاقي غير سميجل ؟؟ لو فرودو بستوعب الفكرة ... بس سميجل !!!

---

أخ حسين أحدعش.....ممكن تقول لي أيش شارب اليوم؟؟؟

:12: ما راح اجاوب عليك.:12:

تدري ليش؟

أولا: شوف أول مشاركة لي في الصفحة الخامسة من هالموضوع.
ثانياً: شوف آخر مشاركة لي في الصفحة الخامسة من هالموضوع.

إلى سميقل :

وين تشتغل؟

اقتباس:

---

المشاركة الأصلية كتبت بواسطة smigle

أخ حسين أحدعش.....ممكن تقول لي أيش شارب اليوم؟؟؟

:12: ما راح اجاوب عليك.:12:

تدري ليش؟

أولا: شوف أول مشاركة لي في الصفحة الخامسة من هالموضوع.
ثانياً: شوف آخر مشاركة لي في الصفحة الخامسة من هالموضوع.

---

:أفكر:
سوري .. مشكور عموما ...
لكن انت متوقع اني أقرا جميع الردود ؟؟ :33:

عندي .. كم سؤال بس لكم عضو ..
ترابد انسايد ..
وش معنى اسمك .. حاولت أفسره بشتى الوسائل والطرق ما وصلت له ..
خوباج ..
وش سبب تعليقاتك الصغيرة جداً ..؟! دقة في اختيار الكلمات والاكتفاء بعدد بسيط منها ..!
انجل وايسبر ..
اسمك متردد >< ما أدري ليش .. في البداية حسبتك رجل .. لكن اتضح الأمر بعدين ..
وش سبب اختيار هالاسم ..
سميغل ..
ليش تحب تطفش الناس بمواضيعها ..؟ :sheep:
ذاتس اول ...

والله هو اسم ضربة او enemy skill من فاينل فانتسي 7 ..
بما اني مشتركه في المنتدى عشان اشارك في منتدى اللعبه فبغيت انه يكون الاسم له علاقة باللعبه .. بالاضافة لانه ما كانت عندي افكار لاسامي .. خاصة وان هاذي اول مره اشترك فيها في منتدى ..
فوانا اشارك وافكر باسامي واخواني عدالي يقترحون اشيا مثل "ام الدويس" تذكرت هالاسم وحطيته ..
بس حاليا ما اشارك باسم محدد .. مشتركه في منتديات وايد باسامي غير
وبس XD

حسومه ^^ ..

معناة اسمي ؟ ..

هممم .. المحبوس بالداخل ..

او المسجون بالداخل .. شي زي كذا ..

اقتباس:

---

المشاركة الأصلية كتبت بواسطة Trapped Inside

Doel

وش معناة اسمك ؟

---

همممم ... قصة طويييييله عرييييضه

في عدة احتمالات .... واحد .... الدول اسم لكائن بحري باللهجة الإماراتيه ... الإسم الفصيح له هو قنديل البحر :p

اثنين .. ممكن تكون اختصار لجملة Dwellers Of ELdamar <<<<بايخه أدري :ds022:

ثلاثه ...

ي اشاعه تقول .. اني اول ما جيت أسجل في المنتدى .. جربت كل الأسماء اللي في راسي ... و كانت مأخوذه ... سكوال و كلاود و كل الشخصيات اللي احبها ... كانت محجوزه ....

هذيك الأيام .. ككنت ألعب لعبه يسمونها Legend of dragoon ... الله يرحم هذيك الأيام :ds022: ... و كنت موقف في نهاية السيدي الاول ضد الرئيس اللي كان معذبني .. Emperor Doel ... قلت خلنا نجرب الإسم و كتبت دول بدون امبراطور (ما كنت ابا الناس ياخذون عني انطباع سيئ من أولها :p ) و سبحان الله ما كان حد ماخذ هالإسم :ds022:

طبعا عقب فتره طلعت اخبار عن فاينل فانتاسي 10 ... و تحمسنا شوي و قلت بسجل هالمره باسم Auron ... بس مثل ما تدري كانت هذيك الأيام أيام العصر الحجري و الدايل أب ... و كنت ولد مأدب و ما يسمحولي أستخدم النت أكثر من ساعتين في الأسبوع.... و انتهى الأمر بأن اسم دول لزق فيني..

و من هذاك اليوم ... تقريبا أي Doel تحصله أونلاين بيكون أنا :p


Doel desu

صغير و الله..لكن هذا اللي قدرت اسويه من صور الموقع ^^

سلملم جميعاً

اقتباس:

---

المشاركة الأصلية كتبت بواسطة ثريول

إلى سميقل :




وين تشتغل؟

---

في مكتبي اللي في الطابق ال 15 :09:

سوري بس أعتذر عن الأجابه.......

عندي أحساس أن الكل صار يعرف معلوما ت وايد عني....شكلي ، جنسيتي ، عمري ، تخصصي الجامعي، خلاص ما باقي الا أسمي و شغلي وبنفظح.....

آسف مرة ثانيه أخوي وارجوك انك تقبل اعتذاري. :jap019:

اقتباس:

---

المشاركة الأصلية كتبت بواسطة hussien-11

:أفكر:
سوري .. مشكور عموما ...
لكن انت متوقع اني أقرا جميع الردود ؟؟ :33:

---

العفو حبيبي وآسف إذا كنت زعلتك بردي......

عموماً أيش رايك أنك تجاوب على سؤالي اللي سألتك أياه سابقاً؟؟؟

اقتباس:

---

المشاركة الأصلية كتبت بواسطة smigle

سؤال للأخ حسين أحدعش

بما أنك مقيم في الأردن

ممكن تقول لي من وين تدبر ألعاب الكيوب؟؟؟

أصلا هل محلات الألعاب هناك تعرف شي أسمه ك ي و ب ؟

---

أتمنى لأنك ما تفهم سؤالي غلط بس أذكر أني رحت الأردن قبل وكان من الصعب لي أني القى محلات العاب واللي أذكره أن العاب النينتندو شبه معدومة مقارنةً بالسوني عندكم هناك؟؟؟

وأخيراً اعتذر على اللي ورد مني....وعلى فكرة أنا من المتابعين لمواضيعك الحلوة :jap001: ......يتمصلح!!!

اقتباس:

---

المشاركة الأصلية كتبت بواسطة الحـسام المهند

سميغل ..
ليش تحب تطفش الناس بمواضيعها ..؟ :sheep:
ذاتس اول ...

---

ما فهمت شي؟؟؟

اقتباس:

---

المشاركة الأصلية كتبت بواسطة smigle

العفو حبيبي وآسف إذا كنت زعلتك بردي......

عموماً أيش رايك أنك تجاوب على سؤالي اللي سألتك أياه سابقاً؟؟؟


أتمنى لأنك ما تفهم سؤالي غلط بس أذكر أني رحت الأردن قبل وكان من الصعب لي أني القى محلات العاب واللي أذكره أن العاب النينتندو شبه معدومة مقارنةً بالسوني عندكم هناك؟؟؟

وأخيراً اعتذر على اللي ورد مني....وعلى فكرة أنا من المتابعين لمواضيعك الحلوة :jap001: ......يتمصلح!!!



[/center]

---

لا عادي أخوي :)
بالنسبة لسؤالك .. و الله أدبرها بالموت !!! و انت معاك حق ... المحلات عنا شطب :vereymad:
ما في إلا محل - محلين .. بالبلد كلها عندهم ألعاب للكيوب !! و ألعاب قليلة المشكلة ..
و اسف الني ما انتبهت لسؤالك :31:

مواضيعي what ؟؟؟

مشكور على المجاملة عموما :D

مشكور على الرد......

سؤال آخر لو سمحت....

ممكن تقول لي أيش الفرق بين الكلمات التالية:

1 بدكش (بشد الدال)
2 بدكاش
3 بدكيش

وسلم لي على مطعم القدس يا زلمه :D .

اقتباس:

---

سؤال لاسف : شو هدفك بالحياة ؟؟ :196:

---

Ahem
بما إني إنسان مسلم فلازم يكون هدفي الأسمى هو دخول الجنة
ولكن إنت تبي الهدف الدنيوي فهدفي في الحياة با بني >>>بدى يتفلسف
على السريع أنا بصير أحسن مبرمج في العالم >>>شايفها في فلم ولا أنمي:blackeye:

وأنا ودي أسألك لشو مسمي عمرك شتاينر؟؟عاجبتك شخصية شتاينر؟؟
وتعجبك ff9??
أنا من إعجابي بفاينل فانتسي 9 كان عادي أسمي عمري Garnet..>>>وأقول إني بنية XD

اقتباس:

---

نا؟ يوم كان عمري عشر سنين ..
احيد اول انمي شفته كان Street Fighter II .. اووه احيد متخبلين عليه كنا .. عشقت كين عشق بس .. ههههههه
طبعا كان بالانقلش وعلى فيديو .. ووياه بعد Vampire Hunter D ..
عقب يابولي مسلسل ستريت فايتر من المانيا .. ومسلسل اسمه The herioc legend of Arislan وBlood The Last Vampire و Record of Lodoss Wars ..
عقبها وقفت فتره ورديت شفت انجليك لاير وستار اوشن وكنشن .. وعاد يوم ركبت الدي اس ال قمت اشوف بروحي ..

---

وتقولين إنك طيبة وميولك كلها دموية ..معظمهم أنميات دموية..
ما شفت منهم غير فلم Vampire Hunter D وكان عجيب مع إني ما أحب هالنوعيات من الأنمي-_-
Ok I want to ask you about
شو أفضل أنمي و مانجا تتابعينهم الحين؟؟
شو هالنشاط إلي صار لكم بتحرير الردود XD ؟؟؟

إلي إمادو E-mad ..
شو شعورك وإنت عندك تحذير؟؟

اقتباس:

---

[تم الحذف من قبل الإدارة - تحذير]

---

أنا أعتقد إنه cool ..

اقتباس:

---

وتقولين إنك طيبة وميولك كلها دموية ..معظمهم أنميات دموية..
ما شفت منهم غير فلم Vampire Hunter D وكان عجيب مع إني ما أحب هالنوعيات من الأنمي-_-
Ok I want to ask you about
شو أفضل أنمي و مانجا تتابعينهم الحين؟؟
شو هالنشاط إلي صار لكم بتحرير الردود XD ؟؟؟

---

هههههههه ياخي ليش كله تقولون انه شريره؟ انا شو سويت T_T
بعدين هالانميهات ما فيها شي :p
افضل انمي ومانجا اتابعهم الحين ..
مانجا GantZ وانمي Honey and Clover
نشاط التحرير ..
اممم انا حسيت اني كنت ماخذه راحتي وايد في المواضيع وقامت وايد تقلب شات .. فحسيت بالذنب .. والحين قمت اسيطر على عمري وانبه الباقين .. في هالموضوع مادوه كان قايل انه ما يبغي ردود مالها علاقه في الموضوع .. فنبهت مرتين ومحد سوالي سالفه .. فاضطريت احرر .. مع اني كنت ناويه احذف .. بس قلت حرام يمكن ما انتبهو ..
فآسفه يا ناس .. شسوي مراقبه ولازم اسوي هالاشيا الشريره T______T

هههه, ماتنلام سميقل, بس شبه عرفت الشغل وين.

اقتباس:

---

المشاركة الأصلية كتبت بواسطة ثريول

هههه, ماتنلام سميقل, بس شبه عرفت الشغل وين.

---

يا قوي أنته....:ds005:

ممكن تقول لي أنت من وين؟؟؟

وكم عمرك؟؟؟

وأيش دارس؟؟؟

وأيش تخصصك؟؟؟

سؤال أخير........

أنا بديت أحس أن اليوم مزاجي عدواني ويرفع الضغط......شكلي يبيلي أبتعد شوي عن المنتدى لين ما أهدأ شوي.

توافقني الرأي؟

اقتباس:

---

المشاركة الأصلية كتبت بواسطة asf4ever

Ahem
بما إني إنسان مسلم فلازم يكون هدفي الأسمى هو دخول الجنة
ولكن إنت تبي الهدف الدنيوي فهدفي في الحياة با بني >>>بدى يتفلسف
على السريع أنا بصير أحسن مبرمج في العالم >>>شايفها في فلم ولا أنمي:blackeye:

وأنا ودي أسألك لشو مسمي عمرك شتاينر؟؟عاجبتك شخصية شتاينر؟؟
وتعجبك ff9??
أنا من إعجابي بفاينل فانتسي 9 كان عادي أسمي عمري Garnet..>>>وأقول إني بنية

---

الصراحة انا اسمي اخترته لانه أحب الأسماء اللي على نفس هالوزن مثل شتاينر وشنايدر , مش علشان الشخصية اللي بفاينل فانتاسي .. بالعكس انا شخصية شتاينر كرهتها .. حسيتها متخلفة شوي ..
ولزيادة المعلومات : Steiner معناها Rock بالغة الألمانية :05:

صحيح شتاينر ،، ايش جنسيتك ؟

وشكرا :D

اقتباس:

---

المشاركة الأصلية كتبت بواسطة E-Mad

يا لهوي :afraid:
الرد ما تم 38 دقيقة ما شاء الله عليك
شكلك مركب جهاز مراقبة علي :sad2: ؟
المشكلة حاولت قدر الامكان اني ما اخش في العميق بس ردك يوحي باني كنت كاتب فيلم خلاعي بالنسبة للي ما قروا الموضوع
طيب ممكن اعطي القصة للي يطلبونها على الخاص؟
لانه من جد شكلك جالس تراقبني :09:

---

ولا يهمك انا قريت الرد قبل ينحذف :D
وفهمت القصة الخرافية كلها ><

سؤالي للبنات كلهم :D

ايش نظرتكم تجاه محبي ومدمنين العاب الفيديو بشكل عام

ارجو الاجابة لان وراي مستقبل وزواج :D

اقتباس:

---

المشاركة الأصلية كتبت بواسطة smigle

مشكور على الرد......

سؤال آخر لو سمحت....

ممكن تقول لي أيش الفرق بين الكلمات التالية:

1 بدكش (بشد الدال)
2 بدكاش
3 بدكيش

وسلم لي على مطعم القدس يا زلمه :D .

---

و لا يهمك بسلملك عليه يا زلمة :biggthump

بصراحة ما في فرق بينهم من ناحية المعنى ... و لكن هي شغلة اختلاف لهجات ..
احم .. أنا بستعمل الأولى ..
و هي معموما معناها : لا تريد ؟؟ أو ألا تريد ؟؟

اقتباس:

---

المشاركة الأصلية كتبت بواسطة Prince Of Darkness

صحيح شتاينر ،، ايش جنسيتك ؟

وشكرا :D

---

ههههههههههه .. وراي وراي لتعرف جنسيتي .. توقعت تكون معروفة :09:
عموما انا فلسطيني الأصل أحمل الجواز الأردني :bigeyes:

Prince Of Darkness : شو بتدرس ؟؟

سؤال لانجل : شو كانت أول ردة فعل لما عرفتي إنك صرتي مراقبة ؟؟ :p

سؤال لـ لينا : متى كانت أول مرة تعرفتي فيها على قط :ds010: ؟؟

اقتباس:

---

سؤالي للبنات كلهم

ايش نظرتكم تجاه محبي ومدمنين العاب الفيديو بشكل عام

ارجو الاجابة لان وراي مستقبل وزواج

---

ايه صحيح .. أعطونا الإجابة خلينا نشوف مستقبلنا :biggthump

جستين :
شو اخبار حياتك وش فيك تحس بالغربه؟..
لي تعتقد اني اخوف(@)
اي نوع تحبه من تشيز كيك فاكطوري.؟
يمدحون نوع godiva @_@



بالنسبه لالعاب الفيديو ..
ترى الادمان في اي شي مب زين ويرفع الضغط - -
بس اذا تنلعب خفيف حلو وانا اشاركه بعد
بس ترى يختلف من بنت لبنت فيه بنات مايطيقون ريحته..
بس البنت السنعه تحترم رغبه زوجها..


شتاينر:
sniff sniff*
ليه جبت طاري القطاوة
من يومني نونو وانا اعيش مع القطاوة
ابوي كان يحب يرعاهم ويربيهم
فتشوفهم في كل مكان في بيتنا
من يومني بالروضه او اقل بعد
ياحبيلهم اذا جتك مستته وحلوة ونظيفه واهم شي انثى ; ;

شتاينر:
تقصد على فاينال ولا هني؟
اذا على فاينال اكيد تفاجئت لاني بالمره ما كنت متوقعه اني استوي مراقبه .. انا واي مان الله يذكره بالخير ...
اما هني فعادي وصلتني رسالة خاصة من خوباج وخبرني وقلتله اوكي .. تقول خطوبة :p ما كنت متحمسه وايد بسبة الخرابيط اللي استوت بفاينال .. بس الحمدلله هني ارتحت اكثر

بالنسبه لسؤال الفيديو جيمز .. يا ريته الصراحه يلعب T_T بيكون حركه لاني انا العب بعد .. هههههههه تلقون الناس تطلع وتتنفس واحنا يالسين نلعب .. اما اذا ما يلعب وما يبغيني العب .. فالله كريم -___-
يعني باختصار انا ما عندي مانع ان ريلي يلعب ..

asf
اي cool؟!
احس اني خارج عن القانون :09:
عشان كذا ترددت في كتابة القصة اكثر من مرة
بس هذاك اليوم كان عندي بكرة اختبار مطلع عيوني في المذاكرة و لما دخلت بالليل ما كنت بكامل قواي العقلية
فكتبته

بخصوص السؤال عن راي البنات بخصوص ادمان العاب الكمبيوتر
عن رايي
ادمان العاب الكمبيوتر اهون بالف مرة من ادمان الاسواق و العزايم
على الاقل بكون في البيت و ما راح يكلفني غير 10 ريال سعر الشريط
بينما العزايم و الاسواق تكاليفها بالالاف
كل عزيمة فستان جديد
و بالسوق يدورون 10 ساعات و بالاخير ما يشترون الا شغلة و الا شغلتين
و ليتهم ينحفون من كثر هالدوران على الاقل نقول استفادوا شوي:31:

اقتباس:

---

المشاركة الأصلية كتبت بواسطة شتاينر

ههههههههههه .. وراي وراي لتعرف جنسيتي .. توقعت تكون معروفة :09:
عموما انا فلسطيني الأصل أحمل الجواز الأردني :bigeyes:

---

هههه ،، أنا عارف إنك شامي بس مش عارف جنسيتك بالتحديد :D

اقتباس:

---

Prince Of Darkness : شو بتدرس ؟؟

---

أنا لساتني في المدرسة يا زلمة :p ( عمري 16 ونص XD ) خلصت صف ثاني ثنوي علمي ، وداخل على توجيهي :afraid: الله يستر :afraid:

أما ايش رح أدرس مستقبلا ،، هندسة ان شاء الله :08: