مسلسل "العطلة"

هلا والله
وشرايكم بهذا المسلسل ترى هذا السيناريو حقه و هو بينعرض في رمضان ههههههههههههه
وش رايكم بالاسم "العطلة" أكيد في بعضم شايفين إنه بايخ و إن المفروض أحط بدال "العطلة" "الإجازة" لأن هذي الكلمة مستعملة أكثر
لكن أنا شايف بما انها مستعملة أكثر فإنه محتمل إنها تخرب في نص المسلسل ههههه
لا عاد الصراحة "العطلة" أحسن من "الإجازة"
لأن "الإجازة" توحي لك بأن الواحد مسافر و مستمتع
أما "العطلة" توحي بأن دماغ الواحد معطلة أو خارج التغطية و هذا حال الكل في الإجازة سوا المستمتع أو إلي مب مستمتع

و إن شاء اله تستمتعون بالمسلسل
:biggthump :biggthump :biggthump

الحلقة الأولى



اليوم أول أيام الاختبارات و عندنا رياضيات و المراقب الغثيث مسوي فيها أف بي آي حاط نظارات سود على عيونه عشان محد يعرف وين يناظر

المهم إنه مسكني و أنا معي:

براشيم+آلة حاسبة+جوال+ كنت أغش من إلي قدامي

ثم وداني للمدير

-ـ_ـ-ـ_وعند المدير-ـ_ـ-ـ_

المدير: أنت ما تستحي على وجهك تونا أول يوم اختبارات و على طول بديت تغش؟



أنا: لالالا هذي كلها مدري من وين جتني أنا دخلت الاختبار ولا كان معي ولا وحدة منهم



المدير: لا يا شيخ و لك عين تتكلم بعد وش رأيك طيب أبحرمك من الاختبارات كلها يعني جهز نفسك للدور الثاني



أنا: لالالا تكفى إلا الدور الثاني طيب والله منب عايدها مرة ثانية تكفى رجعني للاختبار



المدير:لالالا أنا قلت دور ثاني يعني دور ثاني يلا إطلع بره



+-+-+ وبره المدرسة +_+_+



أنا: والله إني غبي ألحين المدير معطيني إجازة من بدري و أقوله لا بالعكس خلني ألحين أفطر و أروح أكسر سيارات المدرسين على رواق<<< لأنه مافيه منافسين ولأن اختبار الرياضيات يأخذ وقت طويل



()()()( و أقعد أكسر كل السيارات حتى من زود الفضاوة كسرت سيارات مدرسين المدرسة إلي جنبنا)()()()



أنا: و الله زهق وين أروح ألحين؟ العزبة فاضيه و بيت الأهل ما أقدر أروح له لين يقضى الاختبار عشان ما يدرون إني مطرود



%% فاصل توضيحي%%

أكيد أكثركم يتساءل وين ساكن ذا؟

أقول لكم أنا ساكن في العزبة لكني أحياناً أروح عند الأهل أسير عليهم و أقعد عندهم شوي

%% نعود%%



!@#$%^&*و تطلع لي فكرة خارقة*&^%$#@!



أنا: ليش ما أروح لواحد من الأسواق دام إننا في الصبح و مسموح دخول العزاب في الصبح على الأقل أعرف وش شكلها ذا الأسواق إلي كل الحريم يتكلمون عنها



**** و أقعد كل يوم على ذا المنوال لين قضت الاختبارات <<< يعني محد درى إني ممنوع من دخول الاختبارات حتى إلي معي في العزبة****

هااااااي كلر

العطله احسن من الاجازه

طيب ما درو اهللك :jester:

وش سويت بسوق :33: :06:

كمل

بداية قوية يابو الشباب :biggthump

وصدق الي قال انك مصرقع درجة اولى :D

ننتظر التكملة

سلام :icon6:

مشكورين على ردودكم السريعة و بأكمل القصة قريب بإذن الله:biggthump :biggthump :biggthump

كالعادة الذيب وصل

<=== قلبها حديقة حيوانات مو منتدى


كيللللللللللللللللر


وربي انت احسن عضو في المنتدى ما شاء الله عليك

يمين بالله تصور حياة الطلاب

وكيف يعيشون حياة قاسية وضحلة <=== قاعدين في الصحراء مو بمدارس وكراسي ومكيفات

ياخي انا شكلي بشوف لي حل وبصغر نفسي 6 سنوات وبجي ادرس معك

شكل بنسوي انا وانت فريق ثنائي

وبنأخذ الحزام <== يقدر المصارعه يحس انهم ما يمثلون علينا ابداً :D

ولا تدري انا بصير مخرج وبخليك بطل فلم

وكل المشاهد بتصور جنبك هههههههههههه

كمل يا سنايدي احس ان الهيئة بتداهم الموضوع صباحاً :D

ادددددددددددددعس وابشر بالترشيح والتقويم والترقيم :D

السلام عليكم :D
مياو مياو مياو مياو :D
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه
مياو كوكو تشي :D
أكمل المسلسل وخليه أطول :vereymad:
خلصت القراءة خلال أقل من دقيقة واحدة خخخخخخخخخخ :09:
خليه طوييييل بس مو طوييييل كثييييير بس طويل يعني مو أطول من الطول يعني طويل بالعرض مو بالطول وعادي
بالإرتفاع او حتى بالمائل ............ مضيعة بالمرة :06:
بس ما أدري وين ضعت بالشارع ولا طريق الحارة :06:
بس ما أدري ليش حاسة بوجع في بطني الظاهر بسبب التحشيش :33:
أها عرفت التحشيش هو السبب :D
الظاهر لأني إشتريته من
غلاااااااااااااااااااااااام خااااااااااااااااااااااااااااااااان خخخخخخخخخخخ :09:
خخخخخخخخخخخخخخ
كوي مشكل نهي هي كل دوبارا غلام خان سي بات كركي توماري لييى حشيش لادون كي :D
أسفة على الإطالة :ciao:
مياو
مياو مياو مياو :ciao:

ههههههههههههههههههههههههههههههه ...
ياحليلك من اول الامتحانات جي عيل الباقي شو ....:D:D

يلا انتظر ...:D التكملة ..

هذي الحلقة الأولى للي ما قراها>>> http://www.montada.com/showpost.php?...51&postcount=2

الحلقة الثانية



)()()()( يوم تسليم الشهادات )()()()(



دارك ميتي: وش فيك طالع كنك مريض؟



أنا: خاااااااااايف



دارك ميتي: من وشو؟



أنا: هاه لا ولا شيء بس بروح آآآآآخذ شهادتي



دارك ميتي: عادي مب لازم كل هالخوف عشانك بتروح تأخذ شهادتك المهم بسرعة خلنا نروح نركب في السيارة بسرعة قبل لا يركب لارج ولا نلقى لنا مكان إلا في الصندوق



&&& خبركم سيارتنا همر موديل 40 قبل الإسلام مختلفة عن كل سيارات العالم&&&



^^^ و آخذ الشهادة و ألاقي إني راسب بامتياز^^^



&^& و أرجع العزبة مع باقي الشباب&^&



$$$### و نقعد نتغدا###$$$



+_()*&وبعد الغدا كل الشباب أشوفهم يطامرون إلي رايح لأهله و إلي يرتب شناطه و إلي يدق تلفون على أهله &*)(_+



^^^ و بعد دقيقتين تفضى العزبة و تصير هااادية أهدى حتى من المقابر^^^



تررررررررررررررررن<<< دقة تلفون العزبة خبركم جوالي ملغى



أنا: هلا



أبوي: وينك يا وليدي تعال لنا فترة ما شفناك ولا تنسى تجيب شهادتك عشان أشوفها



*******& وفي البيت&*******



أبوي<<<<بعد ما شاف الشهادة: أح وش ذا الدرجات ساقط في كل المواد لو إنك جايب السواق عشان يحل بدالك كان جاب درجات أزين منك



أنا: بس إني أبعيد في الدور الثاني و أنجح إن شاء الله بس عطني تذكرتي



أبوي: أي تذكرة؟



أنا: تذكرة السفر ولا منب مسافرين؟



أبوي: إلا بنسافر بس أنت لا أنت بتقعد في الرياض و تذاكر



أنا: تكفى يبه خلني أسافر



أبوي: أقول أها بس ما في لك سفرة أنت بتقعد تذاكر بس أول رح شغل السيارة عشان تودينا المطار

حلووووووو حلو

كمل يا بطل خلنا نتابع ونتمعن في الخشش الي في القصة !!


بس الان ابوك طيب كذا ليه ؟ يعني ما شفنا دميان ولا عظم مكسرة بطاحونة ولا شيء :D


دميان = جمع دم :D

هااااااااااااااااااي

ههههههههههههههههههه

رحمتك يا كلر ما راح اتسافر :09:

كملللللللللللل وش سويت بعد :D

ياااااااخي المفروض تفرح

انت منتب ساقط ..... انت ساقط متميييييز :D


ننتظر التكملة :biggthump

سلام

و الله إنكم رهيبين و إن شاء الله بحط الحلقة الثالثة قريب:biggthump :biggthump :biggthump

خخخخخخخخخ
راسب بامتياز
احسن من الي متعب نفسه ومذاكر ويجيك راسب
7
7
7
7
بس كان عطيتني شهادتك اخليلك هي
عسل<<<< بس ترى تعديل الشهادة ب50


وننتظر التكملة

واااااع ما معي إلا نص ريال و بشري فيه حلاو مصاص غندور أبو ربع ريال و يبقى ربع أعطيك إياه و تعدل لي الشهادة و إذا ضبط التعديل و كان زين بأعطيك صورة لحمدون بعد
ها وش قلت؟؟

هذا ب50 في الايام العادية
في المواسم 100
ولو واحد ولد نعمة 300
وجنبنا مدرسة اهلية كلها ****
يعني باكون مشغووول

واااااع يعني رافض العرض حقي واااع لكن أنأ ألحين منب فاض بعد لأني أبي أحط الحلقة الثالثة من المسلسل:biggthump :biggthump :biggthump

هذي الحلقة الثانية للي ما قراها>>> http://www.montada.com/showpost.php?...82&postcount=9
الحلقة الثالثة



%$%$ و بعد ما وديت أهلي المطار رحت للعزبة طوالي$%$%



أنا: ألحين وش السوات ما فيه سفر ولا فيه أحد أقعد معه



#$%و أطالع و ألاقي الجريدة إلي كنا قاعدين نتغدى عليها&#$



أنا: وش ذا الإعلان (مبروك عليكم العيد) ولا ذا الإعلان (نشتري بقايا الأضاحي) ولا ذا (ذبائح مزارع الثرث أحسن ذبائح في العالم)



أنا: أخبر إن العيد قاضي من كم شهر إلا إذا كان فيه واحد جديد و أنا ما أدري أقول بس خلني أتصل على الجريدة و أشوف وش القصة



أنا: ألو



الموظف: نعم



أنا: وش هالإعلانات إلي في الجريدة كلها عن العيد و العيد قاضي من أول



الموظف:لا يا أخوي يمكنك مخطي ما فيه ولا إعلان عن العيد في الجريدة



أنا: لا منب مخطي هذي هي الجريدة في يدي



الموظف: طيب شف التاريخ يمكن معك جريدة قديمة



أنا: إي والله تارخ الجريدة 10-12 يعني يوم العيد



الموظف: طيب مع السلامة



%%% و أطير لبقالة الحارة و أمسك وحدة من الجرايد إلي في البقالة و أقعد أقرا إعلاناتها<<<بس ما شريتها%%%



أنا: وش هالإعلان (مطلوب محاسب بقالة شرط إن يكون معاه دكتوراة في علم الصورايخ) ولا الثاني (مطلوب مدرس شاب شرط خبرة 60 سنة) لالالا لازم أتصل و أشوف وش القصة يمكن الإعلانات نازلة غلط في الجريدة



%% و آخذ تلفون راعي البقالة و أتصل منه%%



أنا: ألو



الموظف: هذا أنت مرة ثانية؟ ها عساك شريت جريدة جديدة؟



أنا: إي <<<كذاب

أنا: بس وش هالإعلانات حقت الوظايف عليها شروط تعجيزية شف يمكنها نازلة غلط ولا شيء



الموظف: لالالا هي كذا مب نازلة غلط



أنا: طيب ليـ...



راعي البقالة: يلا صديق سوي خلاص تلفون أنا لازم سكر بقالة ألحين عشان صلاة



أنا: طيب مع السلامة<<< قاعد أكلم الموظف مب راعي البقالة



الموظف: مع السلامة

لا حول ولا قوة إلا بالله

بس تبي الصراحة تستاهل اللي صادك

خخخخخخخخخخخخخخخخخخخخخ

حلوة القصة

بس كملها

اوكي

مطلوب محاسب بقالة شرط إن يكون معاه دكتوراة في علم الصورايخ

ههههههههههههههههه قويييييييييييييييه

طيب وش صار عا جبتني القصه :D

واااع <<< صاير أصيح كثير في الفترة الأخير يمكن هذا من تأثير الإختبارات
واااع أجل أستاهل إلي صار لي<<< أصلاً من قال إن هذا صار هذا كله تمثيل×تمثيل
و عن الإعلانات فهي كلها كذا حتى في الحقيقة كلها يبيلها شروط تعجيزية
و الحلقة الرابعة بتجيكم قريب إن شاء الله
:biggthump :biggthump :biggthump

انت وش تبغى الحين ؟؟


وربي فيك شيء :D

يا حبيبي هههههههههههههههههههه ما اقدر اكتب شيء خلاص

ههههههههههههههههههههههههههههههههههههههههههههههههههه

اقول اذا شفتك بالمسنجر نتفاهم اوكيه هههههههههههههههههههههههههههههههههه

سلام يرحم امك سلام ههههههههههههههههههههههههههههههههه

زين عجبك المسلسل يا وائل<<< فرحان عشانك غيرت اسمك
و بتشوف الحلقة الرابعة قريب
تقولي وش أبي ؟ طيب بقولك أبي فلة في الرياض 6 كيلو و تطل على البحر<<< جبها و أعطيك إلي تبي
:biggthump :biggthump :biggthump

شوف من ناحية فله على البحر في الرياض مقدور عليها


لكن 6 كيلو اعذرني والله مساحة بصراحة كبيرة مرة

بس تدري كيف بسويها لك على البحر ؟

هي بس ماصورة واحدة افجر ابوها وتشوف الدنيا نوافير لمدة ايام حتى توصل شركة المياه والكهرباء والمجلس العام

ويحلون المشكلة

وقتها بتكون الفلة محاطه بالمياه من الخارج ومن الداخل

تستمتع لحد ما تقول ايش الريحة هذي :D



يالله يالله التكملة قبل العطلة بليز هههههههه

:biggthump :biggthump :biggthump :biggthump :biggthump :D :D :D


عجيييييييييييييييييييييييييييييييييب







سوري انا قاعدة آكل خلني اخلص أكل عقب بضحك................:D

هذي الحلقة الثالثة للي ما قراها>>> http://www.montada.com/showpost.php?...3&postcount=18
الحلقة الرابعة



(^) و أروح للمسجد و يوم طلعت أشوف ذيك الإعلانات (^)



أنا: وش ذا الإعلان "المخيم الصيفي (كشتات- رحلات- مسابقات)"



(((() و أروح العزبة و أتصل على الرقم الموجود بالإعلان())))



أنا: هلا



الرجال: أهلين



أنا: وين مكان المخيم الصيفي؟؟؟



الرجال:هلا...وش تقول أنت هذا محل خطاط مب شيء ثاني



أنا: وشو



&& و أسمع طوط...طوط...طوط&&



@@@ الرقم المكتوب طلع رقم الخطاط مب رقم المخيم الصيفي@@@



%$ و أروح للمسجد و أفك واحد من إعلانات المخيمات الصيفية و آخذها للعزبة عشان أفتش عن رقم المخيم$%



أنا: لحول وين ألاقي الرقم هاه وش ذا إييه ذا عنوانهم أجل بروح لهم



**&^%%%$#@!# وفي الموقع &%*$^%$^%#^@



أنا: يا ولد أبي مخيم صيفي



واحد من مشرفين المخيم: وش تبي؟ مخيم صيفي؟ يا أبوي يمكن قصدك تبي تسجل معنا بالمخيم؟



أنا: إيه إلي أنت قلته



المشرف: طيب تبي مشرف ولا طالب



أنا: مشرف<<< أبي أكشخ ولو مرة وحدة في حياتي



المشرف: طيب رح عند مجموعة الطلاب ذيك خلك مشرف عليهم



%% و أروح عندهم و أقعد أقولهم خطبة مثل حقت مدرسين الابتدائي إلي في أول السنة (من جد وجد و ياويل إلي ما يحل الواجب) %%



&& و يتسدحون على ظهورهم من الضحك &&

السلام عليكم...:jap030:




ياسلاااااام يا كلر شو هذي القصة :jap006:
الصراحه:jap010: من دون لف ولا دوران
انته تنفع مؤلف قصص:jap017: <<<< كوميدية مب رعب
تروح تكتبلنا قصة حياتك ألي كلها رعب:jap031: في رعب:jap031:



وألى الأمام بأذن الله :jap037:

أشوفك خايف تقرا قصة حياتي؟؟
لا بس أقول زين إن القصة أعجبتك و إنتظر الحلقة الخامسة قريب:biggthump :biggthump :biggthump

موضوع حلو

تسلم عالقصة

بانتظار التكملة

ومشكور حبيبي THE KILLER

ههههههههه

يبو الشباب والله عليك طلعات كذا :biggthump


ويييييين الابداع هذا كله موزيه عننا ...

ننتظر التكملة


سلام :icon6:

:biggthump هههههههههههههههههههه

حلوه القصه يا كلر
كمل :ciao:

يلا يلا بسرعة.........^^

قصة حلوة

اتمنى انك تستمر فيها

هذي الحلقة الرابعة للي ما قراها>>> http://www.montada.com/showpost.php?...3&postcount=26
الحلقة الخامسة



&&ويجيني واحد من المشرفين&&



المشرف: وش فيك أنت و الطلاب؟



أنا: لا ولا شيء بس إني قاعد أنصحهم و أقولهم يا ويل إلي ما يحل الواجب و كذا و قاموا يضحكون



المشرف: طيب أنت وش لقبك<<< ياله طلعت منه لأنه حابس الضحكة



أنا: THE KILLER



المشرف: هاهاهاهاهاها<<< تسدح على ظهره من الضحك



المشرف:هاهاها يا أخوي وش ذا اللقب<<< قدر يمسك نفسه شوي



أنا: طيب أخويائي إلي في العزبة يقولون لي كذا



المشرف: طيب هنا في المركز أنت أبو محمد



أنا: طيب



المشرف: طيب رح لطلابك ألحين



&&& و أرجع للطلاب و ألاقيهم متسدحين من الضحك للحين &&&



أنا: أقول ما ودكم تسكتون و تأكلون(***)<<< مسوي شديد



%% و ما راحت دقيقتين إلا وهم ساكتين %%



@@@ و يجهز المخيم و نروح نكشت@@@



))* وفي الليل *((



أنا: وش ذا الكشتة؟ والله ما تصلح الكشتة مع ذا البزارين الممتلين ياليت لو بس معنا الشلة حقتي لكنهم سافروا الظاهر إني برجع الرياض بس



^^ و أروح للخط عشان أوقف تكسي لكن ما لقيت قمت رجعت للمخيم و سرقت وحدة من الباصات و أرجع للعزبة<<< خبركم كاشتين قريب من الخط عشان معنا بزارين^^



أنا: من قدي صار عندي ثلاث سيارات<<< الهمر و الباص و سيارة العيلة



*** و رحت نمت و في اليوم التالي ***

أنا: وش أسوي هالحين المخيمات ما صلحت معي و الوظايف شروطها تعجيزية و السوق ما أقدر اورح له و الكشتة ما عندي أحد أروح معه و التلفزيون مشوش

======

انتهت الحلقة الخامسة و أتمنى تكون عجبتكم و أتمنى تصوتون لي:ciao:

=====

انا قايلك يبو الشباب عليك طلعات كذا :biggthump بس انت ما صدقتني :D

والله التكملة حلوة بس وش رايك تسلفني الباص شوي ابعدله لك واخليه " عليا دلة " :D

سلام :icon6:

الله يا ولد

قصة روعة

والله انك مبدع

تسلم

الحمد لله قدرت أخترق الحظر من أول يوم و أدخل المنتدى
مشكورين على ردودكم الحلوة
و يا معاطي أقولك مشكور لكن بتشوف وش بأسوي بالباص في الحلقة الجاية
:biggthump :biggthump :biggthump

اوهوهوهوهوهو<<<ضحكة ماي شرونوي:jap006:

المهم ابا اعرف انت تشتغل عند شركة الاتصالات مخسرنا:jap010: :jap012:
ايش رايك تسوي مكسيكي:jap030:
وين نحصل بحر في الرياض انا اعرفها صحراء!!!!!!!!!!:ds019: :ds013:
كيف عزابي وساكن في نفس منطقة اهلك:thinking: :dot:
أنا اعرف واحد ساكن في الشبحه <<<قريه في املج تابعه لتبوك
واهلوا في مكه:hitwithro :Thinkingo
اقول انك مدلع:baby: :baby: :baby:
لاحظت الآتي:

• كثرت تواجدك في المنتدى<<راسب من حق :twak: :hmmm: وحقيق
• تخريف في الكتابه<<نايم:stupid:

هههههههههههههههههههههههههه

الحلقات مضحك لدرج
يا اخ THE KILLER
بس ما بتنتج حلقات ثانيه
او لا
وشكراً

ههههههه
حلوة

في نتظار الحلقات القادمة

هيتومي سان: 1-أنتج مكسيكي مرة وحدة؟ أول خلني أتعلم اللغة

2-إذا مخسركم خل الصفحة تتحمل و افصل

3- و بحر الرياض هذا وائل طلعه لنا

4- أنا أقصد بأنها مب في نفس المنطقة بل كل وحدة في جهة من الرياض و أنا قصدي من ذا الشيء إني أسوي ربط بين قصصي لتبدو كنها قصة حياتي و الكل عارف إن قصصي تخريف إلا وحدة

5-....

6- و التواجد ما يتم إلا بعد الإنتهاء من المذاكرة

7- التخريف أساس الصرقعة

demons: أكيد فيك حلقات بتخليكم تملون من الضحك باذن الله<<< ناوي على شيء

The Formidable: الحلقة بتجيك ألحين

ومشكورين على الردود إلي مثل وجيهكم<<< يعني حلوة لحد يفهمها غلط:biggthump :biggthump :biggthump

هذي الحلقة الخامسة للي ما قراها>>> http://www.montada.com/showpost.php?...8&postcount=34
الحلقة السادسة



أنا: طلعت لي فكرة ورى ما أروح أفحط بالباص؟



^^^ و رحت لأقرب شارع تفحيط لكن الباص إنقلب من أول نطلة لكن أنا ما صار لي شيء و قدرت أنحاش قبل لا يجي المرور***



أنا: زين إني قدرت أناحش لكن ما فيهشيء أسويه ألحين



أنا: تذكرت شيء مفاتيح البيت معي أجل بروح البيت و أقعد أدور يمكن ألاقي لي شيء



** و أروح البيت و أقعد أدور **



أنا: الله وش ذا الفلوس إي صح ذي الفلوس حقت أخوي الصغير مجمعها من العيد لكن أنا محتاجها ألحين أكثر منه بعدين 800 ريال وش بيسوي فيها أخوي الصغير؟ لكن أنا أقدر أروح فيها للدمام و أقعد فيذاك كم يوم



&&* و أروح للدمام و أقعد فيها 4 أيام و تقضى فلوسي كلها و ما عرفت وشلون أرجع للرياض



%% &و أشوف واحد مغبر بس كأني أعرفه و أروح عنده&%%



أنا: هلا يا أخي أنا قد شفتك قبل كذا؟



الغريب: هاه مب أنت ذا كيلر؟



أنا: إيه و أنت من؟



الغريب: أنا وائل



أنا: طيب ورى شكلك كذا؟



وائل: أنا جيت للدمام أنا و بعض الأقارب بس إنهم سحبوا علي و خذوا قطتي و راحوا



أنا: طيب ما تعرف طريقة ترجعنا للرياض؟



وائل: لو إني أعرف طريقة ظنك كنت بأقعد في الدمام كل هالوقت؟



وائل: بس إني أعرف شاليه قريب و كنت منتظر واحد عشان يطمرني من فوق السور الخلفي ثم نكسر باب وحدة من الشاليهات و نقعد فيها



أنا: والله إنك طالع مجرم



*))(( *وأطمر وائل من فوق السور و يروح يجيب لي سلم و أدخل معاه*))((*



وائل: يلا خلنا ندور لنا شاليه ندخل فيه



أنا: إيه بس أنا أبيه يكون قريب من المسبح حق الشاليهات<<<حرامي و يتشرط



وائل: أبشر يلا خلنا نروح ندور

الحمد لله والشكر



الجنون والصرقعة بدا يطلع من الحلقة السادسة



الله يستر من الحلقة السابعة



ننتظر المزيد يالمجرم

ههههههههههههههههههههههههههه تجنن
ونحن نستنا التكملة

بس يابوك منت ناوي تصير دافور وتنجح :D

ياخوفي ان يجي المرور ويشلون الباص وهل المخيم يرفعون عليك قضيه

وتكتمل لو صادوك في الشاليه >>> لا يكثر شوي وتكملين القصه بداله !!

تسلم ايدك

يؤ يؤ يؤ

اجل انا مغبر في الصحراء التي تفصل بين الرياض والدمام دوت كوم

يا حلااااااااااااوة


صديقي صديقي ابو قاتل كمل المشاهد كلها

وما نبغى مقص الرقيب يتدخل

أكيد المسبح فيه فتيات :D

نبغى نشوفهم وهم يسبحون وتغرق واحدة ونطب انا وانت

ونطلع ما نعرف نسبح ويمسكونا الحكومة وننقتل بس ما نموت

اوكيه زي كذا يا صديقي كمل :biggthump

<=== المدرب حق ذا كيلر :D

هلا

اخوي THE KILLER

شنو صار على الدور الثاني

ما رحت اتقدم الامتحانات

كله بسبه هالبراشيم هههههههههه كان ماصار هذا كله ووهقت عمرك بس حلوه القصه كذا احب العطله وسوالف العطله :jap038:

كمل الحلقه السادسه تراني تحمست بقوه:jap021:


هيه هيه الدور الثاني لاتروح عليك وتعيد السنه هههههههههههههه:jap017:

اختك
لحظه شجن..

تمللت

انتظر الحلقة السابعة وإلى الحين ما انزلت

وين يا THE KILLER

ترى باخلي آخر عطلتك مرقد بالمستشفى

يالله كملها بسرعة

اوكي

هذي الحلقة السادسة للي ما قراها>>> http://www.montada.com/showpost.php?...6&postcount=42
الحلقة السابعة



أنا: وائل شف ذاك الشاليه كبير و قريب من المسبح



وائل: طيب خلنا نقعد في الحديقة و إذا جت الساعة 1 بالليل كسرنا الباب على خفيف ثم نرجع نضبطه و نقعد فيه



%%% و في الساعة 1 الليل %%%



أنا: وائل يلا خلنا نروح نفتح باب الشاليه



وائل: خ-خ-خ-خ-خ-خ-خ<<< نايم و يشاخر



أنا: وائل قم من نومك يلا خلنا نفتح باب الشاليه



وائل: هاه وين أنا لا يكون في مزرعة الخالدية<<< توه قايم معليش اعذروه



أنا: لا يا دوب حنا في الشاليهات و بنفتح واحد منها



وائل: إي صح تذكرت يلا خلني أفتحه أي واحد قلت أنت تبي



أنا: هذا الكبير



وائل: طيب أنت خلك هنا و إقعد طالع المكان



أنا: طيب



** و يروح وائل و يطق باب الشاليه عشان يتأكد إنه فاضي بعدين مدري وش طلع من جيبه و ضرب فيه يد الباب ضربة خلاها تنكسر بعدين ضبط شكلها عشان تبين إنها مب مكسورة***



وائل: ذا كيلر يلا تعال



أنا: طيب هذاني جاي



^^ و نكمل نومتنا في الشاليه بس مب جوة الشاليه لا حنا نمنا في مدخل الشاليه و قمنا على أصوات ناس داخلين الشاليه^^

من متى و انا ألوص في القسم و ما أقرى المسلسل <<<من العنوان :06:

بس جفت الردود ست صفحات قات خليني أدش شو بيستوي
و الحين ما أقدر أسكت من الضحك على هذي المغامرات إلي تستوي فلم هندي
أقول كمل ولا تطول وترى المذاكرة لاحق عليها

وووووووووووووووووووووووين يا حجي


حرامي انا ههههههههههههههههههههههههه


حلوة يطلع شيء من جيبه ؟


*** خلف ما وراء الكواليس ***

<== بيخرب المسلسل

البعض يتسائل ماذا أخرج وائل من جيبه ؟؟























ما بطلتم اللقافة للحين :biggthump

** غلقت ما وراء خلف الكواليس **

كممممممممممممل خلنا نشوف وش بيصيري فيني وانا معك هههههههههههههههه :D

الحمد لله

ما بغيت اتكمل المسلسل

والله تكسرون الخاطر

ليش نايمين برع الشالية

والله إنكم .....................


نكمل في الحلقة القادمة

يعني شو بدي أحكي الشباب والصبايا كفوا وفوا في الردود بس القصة أكثر من روعة

يعني مشكووووووووووووووووووور أنا عم بستنى الحلقة الجاي


حلووووو :11:

اقتباس:

---

براشيم+آلة حاسبة+جوال+ كنت أغش من إلي قدامي

---

انت رايح تحارب ولا شنو ؟؟ :D

يا غشاش :09:

يعطيك الف عافية ;)

متى راح اتخلص المسلسل

؟؟؟

:vereymad:

مشكور اخوي على المسلسل الحلو :biggthump

هذي الحلقة السابعة للي ما قراها>>> http://www.montada.com/showpost.php?...1&postcount=49

الحلقة الثامنة

الرجال

: وش ذولا إلي داخلين شاليهنا <<< قاعد يكلم إلي معه

الرجال

: هيه أنت وياه قوموا

أنا و وائل

: هاه وش ذا؟

الرجال

: إطلعوا برى شاليهنا

وائل

: هيه أنت وش تقول ذا شاليها إنا داخلينه من قبلكم<<< توه قايم من النوم و مخبط

الرجال

: طيب وين مفتاحكم؟

وائل

: مفتاح أي مفتاح<<< لازال التخبيط مستمراً

وائل

: ذا كيلر إدعس<<< بعد هالكلمة ما شفت إلا غبار وائل

أنا

: هذاني وراك <<< المشكلة طبلوني مب مثل طبلون وائل يسحب على بسرعة

***

و أطالع وراي و أشوف الرجال لحقنا شوي بعدين غير رايه***

وائل

: لازم أوريه شغله ذا زود إنه نكد علينا نومتنا أخذ شاليهنا بعد

أنا

: وش رايك نترصد له؟

وائل

: طيب

%%

و نقعد قدام الشاليه وإلا يطلع لنا دارك ميتي%%

أنا

: دارك ميتي

دارك ميتي

: وينك أنت وياه بعدين و راكم كاسرين باب الشاليه و قاعدين فيه؟

وائل

: قصة طويلة

دارك ميتي

: و أنا فاضي ولا عندي شيء و مستعد أسمعها

المشكلة طبلوني مب مثل طبلون وائل يسحب على بسرعة

خخخخخخخخخخخخخخ

عجبتني وايد

يالله الحين عاد

شد حيلك وواصل مو تقطع

الحين عاد ما عندك عذر

اوكي

اقتباس:

---

وائل: لازم أوريه شغله ذا زود إنه نكد علينا نومتنا أخذ شاليهنا بعد

---

يؤيؤيؤيؤ....صاااير عصبي الله يهديك....

يالله ياا شباب احنا متاابعين......:bigeyes:

يعطيك العافيه ذاكيلر...

لااااااااااااااااااااااازم ينقتل <=== عنيف الادمي ذا

ههههههههههههههههههههه


كيللللللللللللللر وينك والله لك وحشة يا دب

على فكرة نجحت ؟ <=== قلب الموضوع شات


هييييييييييييييي كمل كمل انا متابع الموضوع والله ههههههههههه

لازم تكمل اوكيه


<=== خدمة الانتظار

مشكورين على ردودكم الحلوة و بتشوفون التكملة قريب إن شاء الله

مياو على الموضوع
الحلوووووووووووو
الرااااااااااائع
الجذاااااااااااااااب >>>أقلد بنكي خخخخخخخخ


المهم
كمل
ونحن في الإنتظار

كمل

الحلقة التاسعة

&& و بعد ما شرحنا له القصة &&

دارك ميتي: ههههههههه طيب إسمعوني أنا بعطيكم سعر تذاكر للرياض بس إلا رجعت أنا للرياض ترجعونها لي

وائل: نرجع لك التذاكر؟

دارك ميتي: لا يا دلخ سعرها

** وفي الرياض و تحديداً في العزبة **

وائل: ما فيه شيء نأكله

أنا: شف في الثلاجة

وائل: ما فيه شيء فيها الدب لارج أخذ كل شيء معه قبل لا يسافر

أنا: طيب امش تعالي معي لبيت أهلي يمكن نلقى شيء فيه

() و نروح للبيت و ناكل لين ما ندوخ ()

أنا: يوووه صح بكرة تبدأ إختبارات الدورب الثاني

وائل: يا رجال هونها و تهون إذا رحت هناك إقعد غش من إلي جنبك و إلي قدامك و بتنجح

أنا: إي صح

### و تبدأ الاختبارات و تنتهي و يجي يوم تسليم الشهادات ###

أنا: لاااا سقطت و بأعيد السنة لاااا

أبوي: ومن قالك إنك بتعيد السنة أنا بأرقدك في المستشفى

أنا: لاااا

طراخ طرقاع طرطاق طووج<<< أصوات ضرب عنيف

&&& و قعدت في المستشفى إلى يومك هذا&&&

:ciao: النهاية:ciao:

خخخخخخخخخخخخخخخخخخخخخخخخخخ

تستاهل يالزلمة

قلعتك

محد قال لك اسقط في الامتحان

وتستاهل الضرب اللي ياك

كنت اتمنى باني اكون مع ابوك علشان اشاركك فرحة ضربك

هههههههههههههههههههههه

وتسلم على القصة الحلوة

هههههههههههههههههه


والله قصة اسطورية بصراحة وبدون مجاملة <== عشانه احد الكومبارس الي فيها

ههههههههه


اي كومبارس كل الاكشن صار وانا مع كيلر


اسمع تعال الحين ليه انا رفيق سوء في القصة هههههههههههههه

احس اني معلمك الدشارة صح ههههههههههه

عووووووووووافي واتمنى اشوف جديدك اتمنى

ههههههههههههههههه ...

حلوه القصه ...


كملهاااااااا ...

انشالله نهايتها سعييييده >> اي يصير خيييييييير ...

ههههههههههههههههههههههه

-رجل المستحيل-: يا نذل ودك تطقني على العموم تسلم أنت بعد على ردك الحلو:ciao:

وائل: فعلاً أنت إلي معلمني الدشرة و مسقطني<---لا تصدقون ما سقطت إلا في القصة

بس لا تقول إنك كومبارس صحيح إنك داخل متأخر لكنك شخصية مهمة في القصة:ciao:

ToUaReG: وينك يابوي القصة خلصت:D و ياليت لو تقراها و تقولي رايك فيها:ciao:

نداء: أنا لا حظت إن أكثركم ما يعرف حمدون لذى قررت إني أحط إحدى الحمدونيات في المرفقات و الرجاء لكل من يدخل هذا الموضوع إنه يحمله