مهزله اسمها جامعه فظايح يالليل ياعين

هلا وغلا باعظاء المنتدى <<<< اعظا ولا مفاطيح هههههه<<<<<<<< الفظاوه وماتسوي:أفكر:

عارف عنوان الموضوع غبي:marchmell

الزبده طبعا الكل يعرف اني خلصت اول سنه من الجامعه <<<<< اشوى ان محد جاب خبرك :p

الموضوع مهم وحساس جدن :afraid:

وهو عن

جامعة الملك سعود:jester:

مع تخرجي من الثانوي كنت انظر لهذا الصرح التعليمي الهام <<<< صرح اذني:jester:

على ان الطلبه مثال للعلم والأخلاق وان الواحد اذا صار جامعي يركد

مادريت انهم دجه :196:

وطبعا كنت اسماع ان بعض الدكاتره يتبلون الواحد ويحقدون عليه ويرسبونه

مادريت انهم ألعن :cray:

لكل الي مايعرف فهذي الجامعه طلعت عليها فظايح واشاعات

من الفظايح انها اعطت امير من الكباريه معدل 5 من 5 بتخرجه

وهذا شي مستحيل طبعا فأعطيت الجامعه انذار من اصل 3 انذارات تهدد بعدم الاعتراف بها دوليا

وكله بسبب عمل غبي

من الاشاعات الي طلعت ان كليه العلوم الطبيه تسرق جثث من مقابر بالرياض علشان التشريح

http://www.s4a.cc/up/images/momkndddddd.jpgالله اعلم بصحة الروايه:blackeye:

الزبده هذي المواقف الي صارتلي مع هالجامعه

1-الموقف الأول //
مع دكتور الانجليزي وتحديدا في أول محاظره دخل علينا الدكتور وهو من جنسية افريقيه ((مدري ارتيري او صومالي او شي من ذا))
تعرف علينا وكل شي وبعدين قال في البداية عندي قصه احب اقولها عن بداية حياتي

قلت ياولد ذا شكله حبيب :D
قال الدكتور وياليته ماقال انه في بداية حياته كان يشتغل جرسون في مطعم وان احد الزباين اشتكى من الشوربه الي طلبها
واصر انه يبدلها له قام اخينا بالله رجع الشوربه وجابله ثانيه الزبون اشتكى بعد وقال رجعها وبدلي اياها
اخينا بالله يقول ان اخذت الشوربه ورحت على جنب وحطيت الي بخشمي كله واعطيتها للزبون :196:

يعني على وزن افهموها اني وصخ ولحد يجيني :08:

طبعا نهاية الترم مانجح الا ربع الطلاب ومعظمهم بين الC وD

----------------------------------------------------------

2- الموقف الثاني //

مع دكتور الكيميا السعودي (( اللي مدري وشلون اخذ الدكتوراه ))

الي عقب اختبار الشهر الاول قال ((انا ماعمري صحت بحياتي الا مرتين ..الأولى يوم توفيت امي والثانيه يوم عطيت طالب +A ولا قدرت انقصه))

طبعا الطلاب كذا >>>> :nervous:

----------------------------------------------------------

3- PARK 3 <<<<<< من بركات النيجيري:p

صار لولد خالي في كلية العلوم الاداريه واختبرها شخصانيا مانيب مكثر كلام شوفوا بانفسكم

http://members.lycos.co.uk/talam1/ta...blication1.jpg

:31:

طبعا هالدكتور ينطبق عليه المثل من أمن العقوبه أساء الأدب

وصحيح انها انتشرت بالجرايد لكن الى يومكم وهو يدرس :smile2:

والسؤال الي يطرح نفسه من هو سبب الخلل بالجامعه الي يحق للدكتور انه يسوي الي يبي

هل هم الطلاب والا الدكاتره والا الاداره؟؟؟؟

وسلامتكم....

والخوف يزداد ويزداد >.> ..

ياخي واحد يقولي ان الجامعه فله .. يعرف ناس فالين امها .. بتاخرون ويغيبون ومدري شلون .. علماً بأنهم نا س كاش .. مدري عاد ان كان هذا الشي له أثر بالجامعه ..

والله يعينك ..

وياخي اغاني Snoop ذا الايام من جد بايخه -__- .. وراه مخاوي ذا السحليه ؟

ياخي دكاترتكم فلة ههههههههههه

والله عليهم سوالف يروونكم نذالتهم

وأول مرة أشوف إمتحان بهشكل تحفة XD

صدق من قال "شر البلية ما يضحك"

وما أدري شو الخلل عندكم تراكم إنتوا الأدرى ...جامعاتنا ما أتوقع وصلوا لهدرجة من النذالة..

والله بيني وبينك اتمنى اجرب عيشة الجامعة :09:
بس شئ جامعتكم بصراحه.. وسالفه التشريح قريت موضوع هارب عنها.. شئ مخزي! .. بس اتوقع فقشه..
بس اسئلة الاختبار شئئئئئئئئئئئئئئئئئئئئئئئ بطل.. والصومالي عرف يهجد ابوكم :09:.. عرف ابو سعود ما يجون الا كذا ..
وسلملم

قبل كل شي.. الامتحان اللي حطيته صدق ولا مصخرة... :blackeye:

صراحه امتحانه على مستوى ....يخليك تفكر ويعطيك جو انك تحل ...لو انه جايب لكم مصطلحات كان شكيتو منه !

شي امثلة وايد تشبه دكتور الكيميا مالكم ..

استاذ العربي السنة اللي طافت قاللنا انه خلال عشر سنين تدريس ما عطى A الا لبنتين -__-

انا خذت C بالقو عنده -___-

ههههههههه اما ورقة الامتحان الاخيره ..

الصراحه تفتح النفس على الحل :p

والله يعينا وحليلنا احنا الجامعيين -__

بالنسبة لاخوي للجثث ... لاتخاف ماهي من المقابر هذه الجثث تجي من شركة المانية ، طبعا تعالج هذه الجثث وتعقم وتجهز لتكون صالحة للتشريح ، وليس اية جثة ، وتكلفة الجثة الواحد حوالي 5000 دولار .

وبالنسبة للعلوم الطبية والتطبيقية ما عندهم جثث فالجثث موجود فقط بكلية الطب بقسم التشريح . يمكن يوفروها في المبنى الجديد الله اعلم ..

نرجع للدكاترة ،،، فالجامعة فيها السيء ولكن ليس كلهم واعتقد انهم نسبة قليلة ..

اقتباس:

---

1-الموقف الأول //
مع دكتور الانجليزي وتحديدا في أول محاظره دخل علينا الدكتور وهو من جنسية افريقيه ((مدري ارتيري او صومالي او شي من ذا))

---

بالنسبة للدرجات في كورس الانجليزي لم تطبق الا هذه السنة وبالسابق كان ياناجح او راسب . وفيه طلاب كثيرين الذين اخذو المعدل الكامل في الكورس الموحد هذه السنة .

اقتباس:

---

- الموقف الثاني //

مع دكتور الكيميا السعودي (( اللي مدري وشلون اخذ الدكتوراه ))

الي عقب اختبار الشهر الاول قال ((انا ماعمري صحت بحياتي الا مرتين ..الأولى يوم توفيت امي والثانيه يوم عطيت طالب +A ولا قدرت انقصه))

---

هذا الدكتور يقول الكلام كل مره . وصدقني فيه طلاب اخذو عنده A+ ، وانا معاك ان اسلوب دكاترة كورس العلوم يجيبون الاحباط ولكن كله كلام . في ناس تاخذ الدرجات الكاملة .

اقتباس:

---

صار لولد خالي في كلية العلوم الاداريه واختبرها شخصانيا مانيب مكثر كلام شوفوا بانفسكم

---

بصراحة اعتقد ان الدكتور هذا فلة على الاقل يوسع صدرك في الاختبار ، يعني يخلق جو من المرح . مع اني ماعرف عن مصداقيتها .. لان الاشاعات كثيرة ..

طبعا ليس هناك رقابة على الدكاترة .... ولكن الامل موجود بان تتخرج من الجامعة بمعدلات مرتفعة ، فلقد فعلها قبلك اخرون ..

وش تتوقع من دكاترة, ادارتهم تحقق مع اللي تكون عنده نسبة النجاح مرتفعة, و تدق تحية للي تكون نسبة الرسوب عنده مرتفعة؟

Trapped Inside
مافي شي يستدعي الخوف والجامعه جايتك جايتك ولازم تحملها

اما كون الجامعه ومقارنتها بالمدرسه فمن ناحية حرية فهي حرية اكثر

وعندك 25% غياب بالنسبة لجامعة الملك سعود

بس اذا خلصت تنقع امها ثاني شي في اختلاف من دكتور للثاني

فمثلا دكتور الرياضيات للترم الاول كانت مده محاظرته ساعتين ماجي الا اخر ربع ساعه احظَر واطلع وهو والله مادرى عني ولا اوصي احد انه يحظرني

لكن في بعض الدكاتره يستقعدون على العموم نفس الشي يختلف الامر بين العلمي والادبي

بالنسبه للعلمي فانهم طوال الترم الي راح كل اسبوع اختبار ومن لعانة الجامعه انهم يخلون الاختبار الخميس يعني ينكدون عليك الاربعاء الي تقعد تذاكر فيه

وماله داخل الكاش من الي مب كاش كلهم طلاب والي على ذا مثل الي على الثاني

وبالنسبه لأغاني سنوب من قالك اني اسمع جديده

اصلا ماسميت نفسي سنوب الا على ايام عز اغانيه القديمه :D

===========================
asf4ever

اقتباس:

---

ياخي دكاترتكم فلة ههههههههههه

والله عليهم سوالف يروونكم نذالتهم

---

مابعد شفت شي :أفكر:

اقتباس:

---

وأول مرة أشوف إمتحان بهشكل تحفة XD

---

اول ماشفته ماصدقت ولد خالي احسبه يستهبال لكن باليوم الثاني فتحت جريدة الاقتصادية الا ومأكدين الخبر :31:

اقتباس:

---

وما أدري شو الخلل عندكم تراكم إنتوا الأدرى ...جامعاتنا ما أتوقع وصلوا لهدرجة من النذالة..

---

اي جامعه :33: ؟؟

===========================
Da S.O.S

اقتباس:

---

والله بيني وبينك اتمنى اجرب عيشة الجامعة :09:
بس شئ جامعتكم بصراحه.. وسالفه التشريح قريت موضوع هارب عنها.. شئ مخزي! .. بس اتوقع فقشه..
بس اسئلة الاختبار شئئئئئئئئئئئئئئئئئئئئئئئ بطل.. والصومالي عرف يهجد ابوكم :09:.. عرف ابو سعود ما يجون الا كذا ..
وسلملم

---

والله ذكرتني بنفسي يوم كنت بالمدرسة نفس الشي كنت اتمنى ادخل الجامعه كنت احسبها راحه

لكن الحين اتمنى ارجع ايام المدارس على الاقل دوام زي الناس ومافيه احد يتبلاك ويمديك تعيد اختباراتك

وبالنسبة لسالفة التشريح صراحتن ماستبعدها عن هالجامعه :أفكر:

اما عن هالاختبار البدعه فللعلم الي اختبر فيه حول 85 طالب مانجح فيه الا 16 تقريبا

وحياك اخوي

اقتباس:

---

Yamatoقبل كل شي.. الامتحان اللي حطيته صدق ولا مصخرة... :blackeye:

---

لا صدق والله :09:

======================

اقتباس:

---

Red Bull©صراحه امتحانه على مستوى ....يخليك تفكر ويعطيك جو انك تحل ...لو انه جايب لكم مصطلحات كان شكيتو منه !

---

اي على مستوى واي يخليك تفكر

اشوى ان الطلاب يوم قروا وهو كذا :bigeyes:

والدليل نسبة الرسوب الكبيره

======================

اقتباس:

---

Angel whisperشي

---

قصدك في :33: <<<<<<<< انواع الاستقعاد:p

اقتباس:

---

استاذ العربي السنة اللي طافت قاللنا انه خلال عشر سنين تدريس ما عطى A الا لبنتين -__-

انا خذت C بالقو عنده -___-

---

اصلا من يوم دخلت الجامعه مافكرت اني اجيب درجه مرتفعه افكر اني انجح وبس

ولو جبت C اناقز من الفرحه

اقتباس:

---

ههههههههه اما ورقة الامتحان الاخيره ..

الصراحه تفتح النفس على الحل :p

---

اما تفتح النفس :p

اقتباس:

---

والله يعينا وحليلنا احنا الجامعيين -__

---

اي والله ياحليلنا خخخخخخخخخ

======================

الهوفي

اقتباس:

---

بالنسبة لاخوي للجثث ... لاتخاف ماهي من المقابر هذه الجثث تجي من شركة المانية ، طبعا تعالج هذه الجثث وتعقم وتجهز لتكون صالحة للتشريح ، وليس اية جثة ، وتكلفة الجثة الواحد حوالي 5000 دولار .

وبالنسبة للعلوم الطبية والتطبيقية ما عندهم جثث فالجثث موجود فقط بكلية الطب بقسم التشريح . يمكن يوفروها في المبنى الجديد الله اعلم ..

نرجع للدكاترة ،،، فالجامعة فيها السيء ولكن ليس كلهم واعتقد انهم نسبة قليلة ..

---

والله مع كل هالمشاكل بالجامعه فماستغرب انه يكون في سرقة جثث وخاصه ان السبب الرئيسي

للسرقة هي التكلفه فبدل مايشترون جثة ب5000 دولار لمجرد عملية تشريح وحده ثم تنذب بالزباله

يشترون جثة ب1000 ريال على العموم اتمنى الي ذا انه يكون كذبه

وعلى العموم هذا هو الموضوع الي نشر هالفضيحه

http://alsaha2.fares.net/sahat?14@10...nQ.0@.1dd79578

اقتباس:

---

هذا الدكتور يقول الكلام كل مره . وصدقني فيه طلاب اخذو عنده A+ ، وانا معاك ان اسلوب دكاترة كورس العلوم يجيبون الاحباط ولكن كله كلام . في ناس تاخذ الدرجات الكاملة .

---

والله مع هالدكتور بالذات استغرب ان احد ياخذ معه A+ خاصه انه يطلق التهديدات من بداية الترم

وكأنه شغله الشاغل

ثما وش الي يحدهم انهم يحبطون بالطالب ناقص الطالب هم الدراسه وهم الاختبارات والنجاح حتى يثقلون عليه نفسيا!!!

اقتباس:

---

بصراحة اعتقد ان الدكتور هذا فلة على الاقل يوسع صدرك في الاختبار ، يعني يخلق جو من المرح . مع اني ماعرف عن مصداقيتها .. لان الاشاعات كثيرة ..

طبعا ليس هناك رقابة على الدكاترة

---

ذكرت للاخوان فوق كم واحد نجح بهالاختبار

هو فعلا وسع صدرهم لكن بالنهايه ثلاث ارباع الطلاب رسوب

وصدقني الاختبار هذا حقيقي وحصل فعلا

وازيدك من الشعر بيت في الاختبار الشهري لنفس الماده رحت انا وولد خالي لمكتب الدكتور لأنه معلق الدرجات هناك

وكانت الدرجه من اربعين طبعا كانت درجات الطلاب متدنيه ماتتعدى ال20

وانا اقرا الاسامي لفت نظري طالب من نفس قبيلة الدكتور تدري كم اعطاه ؟؟؟؟

اعطاه 41 من 40 وكتب جمب الاسم بالخط العريظ احسنت

وش تبي اكثر من كذا!!!!

اقتباس:

---

E-Madوش تتوقع من دكاترة, ادارتهم تحقق مع اللي تكون عنده نسبة النجاح مرتفعة, و تدق تحية للي تكون نسبة الرسوب عنده مرتفعة؟

---

فعلا اخوي لكن هالتحقيق مايشمل الدكاتره السعوديين

اما الاجانب فالي متعين جديد بالجامعه ان لقوا نسبة النجاح مرتفعه كرشوه وان لقوا نسبة الرسوب مرتفعه كرشوه بعد

لأن في الحاله الاولى يساعد الطلاب والحاله الثانيه مايعرف يدرس:31:

اقتباس:

---

المشاركة الأصلية كتبت بواسطة SNOoOP

http://members.lycos.co.uk/talam1/ta...blication1.jpg

:31:

طبعا هالدكتور ينطبق عليه المثل من أمن العقوبه أساء الأدب

وصحيح انها انتشرت بالجرايد لكن الى يومكم وهو يدرس :smile2:

والسؤال الي يطرح نفسه من هو سبب الخلل بالجامعه الي يحق للدكتور انه يسوي الي يبي

هل هم الطلاب والا الدكاتره والا الاداره؟؟؟؟

وسلامتكم....

---

ههههههههههههههههه فيه دكتور حط لي اسأله تقريبا مثل هذي

كانت عن يونس شلبي وابو الهول :D الحمد لله الأختبار عديناه بنجاح

بس عندي تعليق يا اخوي الأسئله هذي لأستاذ معيد ماهو دكتور وهذا الترم ماشفته في الجامعه

يقولون رايح يحضر الدكتوراه بفرنسا .

وهذي الأسئله نجح عنده طالب واخذ A+

طبعا الباقي كلهم حملوا الماده :02:

وشكرا بس الي انت كتبته غيض من فيض .

ولكم باك سنووب ومبروكة السنة الجديدة عليك وشد حيلك وبتترج ان شاء الله


بخصوص الجامعات هنا مدري الوضع شبيه لأي جامعة حكومية بالعالم العربي حتى عندنا بسوريا ف دكاترة ما ينجحوك الا بالعافية وبعضهم يبون $$ فهذا شي طبيعي يعني


بس المستغربه الدراسة بجامعة الملك سعود بالعربي ولا الإنجليزي؟ لأني شفت ورقة الإختبار ومكتوبة بالعربي ذكرتني بأيام الثانوية والشرح بالعربي عندكم بعد ؟

على العموم بالتوفيق يالداج سابقا والدافور حاليا خخخ :p

الحمد لله, الأمور عندنا مرتبه نسبياً, ومن شاف مصيبة غيره هانت عليه مصيبته!

واحد من ربعي يدرس في مصر, يقص لي قصص الدكاترة. من المواقف المشهورة عندهم: دكتور مادة من تخصص القانون, يتبع نظام سلس وسهل في تصحيح الدرجات. يجمع أوراق الإمتحان, واللي عادة تكون لمئات الطلاب إذا مب آلاف, ويرميها على طرف الطاولة. اللي يبقى فوق الطاولة فـ"ناجح", واللي "تسقط" ورقته "يسقط" معاها, بغض النظر عن اللي كاتبه فيها!. أما النِسب, فــ"من مخباه, بترتيب عشوائي". هناك قصة ثانية لدكتور كان يصلح الأوراق على بحر الأسكندرية, يشرب عصير ومنسدح تحت الشمس. المهم الحبيب راح يشتري شي ورجع لقى أكثر الأوراق طارت وبقى شوي, وبما أنه متعيجر يجمعهم, سقّط كل من طارت ورقته, والباقين –اللي بقت أوراقهم- ناجحين.

من أمن العقوبة أساء الأدب, ومن "تربى" في هكذا بيئة تعليميّة, لا يُتوقع منه أكثر من اللي يسويه.

و .. الصورة –ورقة الامتحان- صحيحه :11: ؟!!

صراحه الجامعات معقده بزياده :31: الله يعين وين اسجل ...

اقتباس:

---

المشاركة الأصلية كتبت بواسطة ثريول

و .. الصورة –ورقة الامتحان- صحيحه :11: ؟!!

---

الاختبار صحيح 100% واخوي يدرس قانون وهو بنفسه اختبر :p

NOBUNAGA

اقتباس:

---

ههههههههههههههههه فيه دكتور حط لي اسأله تقريبا مثل هذي

كانت عن يونس شلبي وابو الهول :D الحمد لله الأختبار عديناه بنجاح

بس عندي تعليق يا اخوي الأسئله هذي لأستاذ معيد ماهو دكتور وهذا الترم ماشفته في الجامعه

يقولون رايح يحضر الدكتوراه بفرنسا .

وهذي الأسئله نجح عنده طالب واخذ A+

طبعا الباقي كلهم حملوا الماده :02:

وشكرا بس الي انت كتبته غيض من فيض .

---

حبيبي الاشكال ذي من الدكاتره منتشره بالجامعه لكن ماتوقعت توصل درجة الوقاحة لأسئلة مثل ذي

ياخي احسها استحقار لعقلية الطالب :أفكر:

وبالنسبة لسالفة هالمعيد ففعلا انا بعد سمعت انه استاذ مب دكتور معاه الماجستير بس

والي سمعته عنه انه اخذ الماجستير من فرنسا وبالصعوبة بعد

اما انه يحظر دكتوراه فمااتوقع

اما عن الطالب الي اخذ A+ فهو الطالب الي ذكرت انه من نفس عائلة ذا الاستاذ

والي اعطاه بالشهري 41 من 40 ماتتوقع انه يعطيه بالنهائي A+ :أفكر: !!!!!!!

وحياك اخوي:D
========================
BOOOB_2002

بوووووب يالقدييييييم:p

اقتباس:

---

ولكم باك سنووب ومبروكة السنة الجديدة عليك وشد حيلك وبتترج ان شاء الله

---

انشااااااااالله :196:

اقتباس:

---

بخصوص الجامعات هنا مدري الوضع شبيه لأي جامعة حكومية بالعالم العربي حتى عندنا بسوريا ف دكاترة ما ينجحوك الا بالعافية وبعضهم يبون $ فهذا شي طبيعي يعني

---

لا صراحتن... اشك ان في جامعه بالعالم تشبه جامعتنا:jester:

اقتباس:

---

بس المستغربه الدراسة بجامعة الملك سعود بالعربي ولا الإنجليزي؟ لأني شفت ورقة الإختبار ومكتوبة بالعربي ذكرتني بأيام الثانوية والشرح بالعربي عندكم بعد ؟

---

الي اعرفه ان بالتخصصات العلمية الشرح والاختبار بالانجليزي

اما الادبي والاداري فالشرح بالعربي بس

يابن الحلال يالله مشينا بالعربي تبينا نمشي بالانجليزي:p

اقتباس:

---

على العموم بالتوفيق يالداج سابقا والدافور حاليا خخخ :p

---

ياخي ذيك كانت مجرد اشاعه لا تفشلنا قدام الرجاجيل (&)

========================
ثريول

هلا يالغالي

اقتباس:

---

الحمد لله, الأمور عندنا مرتبه نسبياً, ومن شاف مصيبة غيره هانت عليه مصيبته!

---

المشكلة ان مافي قدامي احد علشان اشوف مصيبته :cray:

اقتباس:

---

واحد من ربعي يدرس في مصر, يقص لي قصص الدكاترة. من المواقف المشهورة عندهم: دكتور مادة من تخصص القانون, يتبع نظام سلس وسهل في تصحيح الدرجات. يجمع أوراق الإمتحان, واللي عادة تكون لمئات الطلاب إذا مب آلاف, ويرميها على طرف الطاولة. اللي يبقى فوق الطاولة فـ"ناجح", واللي "تسقط" ورقته "يسقط" معاها, بغض النظر عن اللي كاتبه فيها!. أما النِسب, فــ"من مخباه, بترتيب عشوائي". هناك قصة ثانية لدكتور كان يصلح الأوراق على بحر الأسكندرية, يشرب عصير ومنسدح تحت الشمس. المهم الحبيب راح يشتري شي ورجع لقى أكثر الأوراق طارت وبقى شوي, وبما أنه متعيجر يجمعهم, سقّط كل من طارت ورقته, والباقين –اللي بقت أوراقهم- ناجحين.

---

على طاري مصر ذكرتني بعد بسالفة خويي الي في اول المحاظره نادى الدكتور باستاذ

قام جاه تهزيء الين داخ وطرده من القاعه

وكل ماجا بيدخل المحاظره بيوم ثاني طرده

كله ليش ماناديتني بدكتور:blackeye:

اقتباس:

---

من أمن العقوبة أساء الأدب, ومن "تربى" في هكذا بيئة تعليميّة, لا يُتوقع منه أكثر من اللي يسويه.

---

المشكله ياخي ان معظم دكاترتنا السيئين خريجين من امريكا او اوروبا

وليس شرط ان كل من تربى او تخرج من هالجامعه ان يكون سيء مثلهم بل العكس قد يحاول انه يصحح الاوظاع ...

اقتباس:

---

و .. الصورة –ورقة الامتحان- صحيحه :11: ؟!!

---

جاوبك الاخ antonio :p

========================

antonio

اقتباس:

---

صراحه الجامعات معقده بزياده :31: الله يعين وين اسجل ...

---

يمدحون البترول على الاقل هناك الدكتور مايمديه يتبلاك مثل مايتبلاك الدكتور في سعود

اقتباس:

---

الاختبار صحيح 100% واخوي يدرس قانون وهو بنفسه اختبر :p

---

عساه بس من الي نجحوا :D

خخخخخ اما سالفة الطعس محمد الشمري حق القانون مشكلة
انا يوم دريت عنها رحت لمكتبه اشوف الدرجات وكلها نفس الشي (هـ هـ هـ هـ...الخ)

اول مرة شفته جاي بيدخل مكتبه قعدت احتري بعارين يدخلون وراه :D من جد وجهه مايأهل انه يكون بجامعة

وسالفة الدكتوراة
هو قد راح قبل فترة يحضر وفشل ورجع

يعطيك العافية سنوووب

اقتباس:

---

المشاركة الأصلية كتبت بواسطة D0WN~T0WN

خخخخخ اما سالفة الطعس محمد الشمري حق القانون مشكلة
انا يوم دريت عنها رحت لمكتبه اشوف الدرجات وكلها نفس الشي (هـ هـ هـ هـ...الخ)

اول مرة شفته جاي بيدخل مكتبه قعدت احتري بعارين يدخلون وراه :D من جد وجهه مايأهل انه يكون بجامعة

وسالفة الدكتوراة
هو قد راح قبل فترة يحضر وفشل ورجع

يعطيك العافية سنوووب

---

هلاااااا والله مستر دجه :D

اقتباس:

---

الطعس محمد الشمري

---

ياواد كنت ابي استر عليه :argh:

اقتباس:

---

اول مرة شفته جاي بيدخل مكتبه قعدت احتري بعارين يدخلون وراه :D من جد وجهه مايأهل انه يكون بجامعة

---

هو بالحاله نص الجامعه مثله واردا بعد :31:

اقتباس:

---

وسالفة الدكتوراة
هو قد راح قبل فترة يحضر وفشل ورجع

---

وقام يحط حرته على طلابه الله لا يوفقه :أفكر:

هذا وهو معيد اجل وشلون لو صار دكتور....

اقتباس:

---

يعطيك العافية سنوووب

---

يعافيم حبيب البي..

شئ عجيب , انا للحين ماني مستوعب ورقة الامتحان هذي =_=

ياكثر الدكاتره الى في الجامعه ماتدري شلون ماخذين الدكتوراه
اذكر في اول سنه لي في الجامعه طحت مع دكتور عرب عندنا مايحظر واذا حظر ما يشرح لو احد يسأله يصرفه ويقعد يهزأه ودايم يغلط والعيال يصححون له و الأختار الشهري اسألته في نفس المذكره و المذكره معنا في الأختار ونقلب فيها ولايقول شي يعني اجوبتنا 100%واخرتها كل البشريه حملو الماده وقليل نجح بD
ومن زين الحظ طحت معه ثاني مره في السنه الثانيه وكنت ناوي احذف مادته بس قالو لي العيال كلمه وينجحك هذا اسلوبه الى يعرفه ينجحه
وفعلا كلمته وقلت اني قد درسة عندك وتراك قد رسبتني قبل كذا قال خلاص انت ناجح بس تعال الأختبار النهائي وذكرني قبله عشاني انسى وهو فعلا ينسى وش قال بعد دقيقه من كثر الـ..... وفعلا نجحت عنده وانا ماحظرة الا الأختبار الشهري والنهائي ب C+

Mada Mada Dane

للأسف لازم تستوعب مثل هالأسئلة :09:

Cyber Master

ذكرتني بدكتور السلم من أول الترم الى أخره وهو يشرح نفس الدرس

يدخل علينا ويبدأ بالحكي تقول كنه راديو اذا كملت الساعتين يقظب الباب والدرس هو هو ماتغير :p

وشكرا على المرور :D

السلام عليكم و رحمة الله وبركاتة

كيف حال الشباب و الله مبطيييييييييين عنكم صارلي أكثر من سنه ما شاركت

سنوب كيف الحال؟

موضوعك محل أهتمام بس ياخي الكلام واجد ولا تحرك شي

أنا منب بالملك سعود لكن قدمت عليهم و بعد ما قبلت عندهم قدمت على جامعه ثانيه و قبلون فيها

الحين لازم أسحب الملف من جامعة الملك سعود و تبدأ المصيبة...

سملك الله بعد السؤال والفرفره بالجامعه لقيت البهو :) ورحت أدور أداره و الله أني ناسي أسمها يوم رحت لهم قالو الدوام الساعه 8 و لزونا الى 10 وحنا ننتظر يوم جا حدا الموظفين و حنا ركظ وراو وبعدين صك بالاب بوجيهنا وطردنا برا و قال أصبرو برا

قعدنا حول ساعه بالشمس يوم شفناهم ينقلون الملفات بكراتين؟؟ :bigeyes:

و الي يقول أسامي الملفات سكيرتي ذاك اليوم و الله تبهذلت منهم


المشكله الأساسيه هي في الأداره و الله عندكم الأداره دمااااااار

فيكون الدكتور مب خايف من شي

متى ما كانت الأداره قويه كان الدكاتره أقل سلطه

بس أنتم ياحقين الملك سعود فله الدوام

و النجاح مب صعيب

حتى الأنذار ما يكون إلى و معدلك أقل من 2 من 5

أحمدو ربكم


أن شاء الله ما طولت عليك حبيت أسير على موضوعك :)
سلام :ciao:

اقتباس:

---

المشاركة الأصلية كتبت بواسطة cubelover

السلام عليكم و رحمة الله وبركاتة

كيف حال الشباب و الله مبطيييييييييين عنكم صارلي أكثر من سنه ما شاركت

سنوب كيف الحال؟

---

هلااااااااااااا وغلا بكيوب من زمان عنك يافتى

والله مب لحالك كل عيال المنتدى على ايام عزه منقطعين

اقتباس:

---

نا منب بالملك سعود لكن قدمت عليهم و بعد ما قبلت عندهم قدمت على جامعه ثانيه و قبلون فيها

الحين لازم أسحب الملف من جامعة الملك سعود و تبدأ المصيبة...

سملك الله بعد السؤال والفرفره بالجامعه لقيت البهو :) ورحت أدور أداره و الله أني ناسي أسمها يوم رحت لهم قالو الدوام الساعه 8 و لزونا الى 10 وحنا ننتظر يوم جا حدا الموظفين و حنا ركظ وراو وبعدين صك بالاب بوجيهنا وطردنا برا و قال أصبرو برا

قعدنا حول ساعه بالشمس يوم شفناهم ينقلون الملفات بكراتين؟؟ :bigeyes:

و الي يقول أسامي الملفات سكيرتي ذاك اليوم و الله تبهذلت منهم

---

يابن الحلال زين الله فكك منها

وزين ان السكرتي وزعها لكم مب نطلها عليكم

واذا بغيت تشوف الغثا صدق تعال يوم تعديل الجداول بالكلية كلها مافيه الا دكتور هو الي يعدل :31:

واقف سرا من الساعه 8 ويوم جت الساعه 12 طلع من مكتبه وقال ابرجع 2

انتظرته الى الساعه 3 ولا رجع

سحب ابو الشباب وا لا همه :31:

اقتباس:

---

المشكله الأساسيه هي في الأداره و الله عندكم الأداره دمااااااار

فيكون الدكتور مب خايف من شي

متى ما كانت الأداره قويه كان الدكاتره أقل سلطه

---

والله انك جبتها دكاترتنا مريحيييييييييييين لأبعد حد :أفكر:

اقتباس:

---

بس أنتم ياحقين الملك سعود فله الدوام

---

هذي الميزه الوحيده بالجامعه :D

اقتباس:

---

و النجاح مب صعيب

حتى الأنذار ما يكون إلى و معدلك أقل من 2 من 5

أحمدو ربكم

---

وراه في جامعات أكثر من 2 :33:

والنجاح يعتمد على الدكتور في الغالب

اقتباس:

---

أن شاء الله ما طولت عليك حبيت أسير على موضوعك :)
سلام :ciao:

---

شرفت الموضوع يالغالي وحياك :biggthump