طلب مساعدة في تعديل سيارة كلاسيكية يلا يالخبراء

السلام عليكم

والله انا عندي جي ام سي

http://www.rollinreview.com/1012/90gmc1500.jpg

محتار كيف اعدله ابي منكم نصايح واقتراحات حلوة

علمنا ان الموتر متكنسل

جير عادي ذو 4 غيارات

خططت لاعادة احيائة

مانوع المحرك الذي تنصحوني به وكيف اعدله :p

يلا مراقب واول مرة يطلب منكم شي :blackeye:

وهاذي الصور ...الي يعرف شي ويعطيني معلومة لحد يذلني عاد
واتمنا الكلام يكون واضح عاد لاتاخروني انا ماب طالب بيت شعبي ولا ارض تجارية >>>صدق الي قال ( الدنيا دنية )

http://www.w6w.net/upload/09-07-2005/w6w_20050709083808cd36a187.JPG

راك مااااااااااااااااان
لا تخليني ازعل علييييييييييييك
عندنا موضوع كامل حق التعديل بس
تروح تحط موضوع لحالك ليييييييييييييييييييييييش ؟؟؟؟
انا بقفل الموضوع
وحط طلب في الموضوع
وانا ما راح اقصر معاك
وياليت تجيب صور

ياباباتي هذا منتدى للاستفسارات عن كل شي بالسيارات

بس في موضوع للمساعده بالتعديل
ليش تحب تسوي زحمه
مع كذا ما اقدر اقول شي ..................(مراقب)
بالنسبه للمحرك
انا انصحك اذا تبي قوه عزم
محرك شفروليه 454
لانه قوي وتعديله سهل
يعني اذا غيرت الروس
والكام وركبت كربريتر
وثلاجه اكبر
وشويه بكرات على فلتر وبواجي
وام اس دي
راح يكون طيااااااره

الشكل الخارجي ؟ ؟ ؟

اتمنا انك تكون معاي لاني ابجيب صور للبيك اب

شو رايكم بمحرك يوكن small block

وشو البواجي وشو تخرط
انت اتمنا كلامك يكون واضح اني مافهمت اي شي ^_^

ابي اعرف
انت وش تبي بالضبط ؟؟؟؟؟

ابي اعدلة من برع

شو اللون المناسب ؟

وشو المكينة المناسبة ؟ انا في خاطري احط له مكينة يوكن

وكيف اعدله من الداخل

من برع
اول شي اذا فيه ضربات ولا صدمات
لازم تتسمكر كلها
وبعدين
تغير اللون
وتحط لون
اسود
او عنابي
او ازرق
وتغير الشبك الي قدام
وتشتري انوار اماميه واسطبات خلفيه جديد (ما يصلح بويه جديده والانوار قديمه)
وتركب له جنوط على حسب ذوقف
وكفرات شاهين عريضه
وتنزله شوي
اما بالنسبه للمكينه
اذا تبي قوه
خذ شفر 454
والله مع التزويد بتصير طيااااااااره
اما من داخل
اذا المراتب نظيفه او دور لك مراتب ثانيه
ولبسها جلد كامل يكون يتناسب مع اللون الي برى
يعني اذا بتصبغ اسود يكون من جوى احمر او رصاصي
اما اذا بتصبغ عنابي تلبسه من جوى بيج او بني
اما اذا بتصبغ ازرق يكون من جوى ابيض
وتغير الطاره (السكان)
وتغير المسجل مع السماعات
وتشيك على المكيف
واذا العدادات صالحه ولا غيرها
بعدين
اذا تبي حركه حلوه
فصل استكر على السياره
يكون على شكل نار جايه من قدام
وراح يطلع جناااااااان

بس ؟ ؟ .........؟؟؟

وش تبي بعد؟؟

ولد خالو
اذا تبي نصيحة
اول شي روح اشتر مكينة يوكون
مب لازم الجديد
المهم يوكون
وغير الدفريشن وحط له يديد
وكل شي بالمكينة وتوابعها غيره
اشتر لك مكينة كاملة مع قير ودفريشن وماوح وكل شي يتبع للمكينة
ودور لك كراج يركبها
وما شاء الله كراجات الدولة ماعليها كلام
وبعدين السمكرة والشكل الخارجي
روح واشتر لك مدعمية نيسان جديم موديل 93 92
لأنها بتركب عليه على ما اعتقد
ولا شو رايك تخلي شكله من جدام نيسان بس عليه علامة جمس
حلوة صح
وبعدين اللون
روح وكالة لكزس الوانهم حلوة
ولا خذ لون نيسان الجديد النحاسي
الصراحة حلو
واصبغه
ودزه مستطيل كروم (صبغ)
من بداية الموتر لآخره بس في النص
شفت هالحركة على بكب جمس من اليداد في جامعة الشارجة
بس كان لونه اسود
وبعدين دور لك محل رنجات
واشتر رنج عود كروم بيكون فنان
وشو رايك تركب لك غطاء على الدبة اللي ورا وتحطي داخلها سستم صوت كامل
وتخليه لوايدر
ومن داخل خل الموتر جلد عادي بيج فاتح
وغير من داخل على ذوقك
وبس
لو تسوي اللي قلته لك بتسكت المواتر
تحياتي
بوحميد

ههههههههه تصدق مابعدله

لاني حصلت واحد موديل 95 مطلوب ب 22.000 الف وشتريتة
بس مابعده ومشكورين

بس اخوي قال بيعدله يوم بي من السفر

بوحميد بفكر بكلامك الصراحة بيطلع عجيب

وصل الخبير
خلاص انا ماعاد لي مكان
ولا شو ؟؟

اقتباس:

---

المشاركة الأصلية كتبت بواسطة MR.أستبنه

وصل الخبير
خلاص انا ماعاد لي مكان
ولا شو ؟؟

---

ههههه
افا اخوي استبنة
انت مكانك العين اذا ما سدك الراس

الله يسلمك